Lajmet

Vushtrri, 18 tetor 2022 - Në Akademinë e Kosovës për Siguri Publike (AKSP),  sot  u mbajt  takimi i rregullt i bordit, ku  u diskutua lidhur më  zhvillimet e fundit në Akademi. 

Gjatë takimit anëtaret e bordit të Akademisë u njoftua për ecurinë e trajnimeve dhe arsimit të lartë, ku vlerësuan së në këto procese është shënuar progres.

Bordi diskutoi rreth fillimit të vitit të ri akademik 2022/23 në Fakultetin e Sigurisë Publike (FSP).

Gjithashtu në takim u shqyrtua draft plani i  trajnimeve që pritet të mbahen në Akademinë e Kosovës për Siguri Publike gjatë vitit 2023.

Po ashtu në takim pati diskutime lidhur me implementimin e  rekomandimeve të ekipit të eksperteve nga fusha e ri akreditimit, proceset aktuale të akreditimit për arsimin  e lartë atë institucional si  dhe për programin master.

Puna dhe suksesi i Akademisë u vlerësua  lartë nga të pranishmit në këtë takim.

Në këtë takim morën pjesë zëvendësuesi i  Drejtorit të  Përgjithshëm në Akademinë e Kosovë për Siguri Publike  Kastriot Jashari,  Prodekani i Fakultetit të Sigurisë Publike Nexhat Jashari, ushtruesi i Detyrës së Kryeprokurorit të Shtetit Besim Kelmendi, zëvendësuesi i Drejtorit të Përgjithshëm të Shërbimit Korrektues të Kosovës Sami Gashi, zëvendësuesi i Drejtorit të Përgjithshëm të Shërbimit Sprovës të Kosovës Arsim Tahiri, Kryeshefi Ekzekutiv i Inspektoratit Policor të Kosovës Kushtrim Hoda, Drejtor i Departamentit për Operacione në Policinë e Kosovës Gazmend Hoxha, Zëvendësuesi i Drejtorit të Përgjithshëm  të Agjencisë për Menaxhimin Emergjent Shefki Avdullahi, Drejtori i Departamentit për Rend dhe Siguri Publike në misionin e OSBE-së në Kosovë Edward Anderson si dhe zyrtarë të lartë të Akademisë.





 

Vushtrri, 07 tetor 2022 – Një delegacion i KFOR-it  nga Sllovenia i kryesuar nga Fedja Vraničar zëvendëskomandant i Ekipeve të Ndërlidhjes dhe Monitorimit (LMT) në Komandën Regjionale Lindje të KFOR-it,   sot vizitoi Akademinë e Kosovës për Siguri Publike (AKSP) ku u takuan me zëvendësuesin e Drejtorit të Përgjithshëm të Akademisë Kastriot Jashari. 

Gjatë takimit, drejtori  Jashari e  njoftoi delegacionin e KFOR-it për  zhvillimet në Akademi, duke u fokusuar në trajnimet profesionale të zyrtarëve të sigurisë publike dhe në arsimin e lartë.

ZV/drejtori Jashari e njoftoj delegacionin në fjalë, për  të arriturat  e Akademisë, përfshirë të gjitha periudhat që nga themelimi e deri më sot.

Zëvendësuesi i Drejtorit të Përgjithshëm të AKSP-së, Kastriot Jashari, shprehi gatishmërinë e tij  për thellim e bashkëpunimit ndërmjet Akademisë së Kosovës për Siguri Publike dhe kontingjentit slloven të KFOR-it.

Ndërsa zëvendëskomandanti  i Ekipeve të Ndërlidhjes dhe Monitorimit (LMT) në Komandën Regjionale Lindje të KFOR-it  nënkolonel Fedja Vraničar përgëzoi Akademinë për të arriturat e saj, ndërkohë që vlerësoi se Akademia është institucioni më organizim më të mirë në Kosovë. 

Vraničar premtoi se do të angazhohet  që bashkëpunimi ndërmjet Akademisë së Kosovës për Siguri Publike dhe institucioneve relevante nga Sllovenia të vazhdojë edhe më tutje,  duke përfshirë edhe Fakultetin e Drejtësisë Penale dhe Sigurisë në Lubjanë të Universitetit të Mariborit.

Në fund të vizitës delegacioni i KFOR-it  slloven vizitoi kampusin e Akademisë së Kosovës për Siguri Publike. 

Vushtrri, 23 shtator 2022 – Në Akademinë e Kosovës për Siguri Publike (AKSP), sot  tridhjetë e pesë (35) zyrtarë të sigurisë publike  përfunduan  trajnimin “Laboratorët Klandestinë”. 

Pjesëmarrësit vlerësuan së ky trajnim do t’ju ndihmojë shumë  gjatë kryerjes të punës së tyre si zbatues të ligjit. 

Ky trajnim  i cili ka zgjatur dy javë është organizuar nga Programi i Ndihmës Ndërkombëtare për Trajnime në Hetimet Penale (ICITAP) nga Departamenti Amerikan i Drejtësisë, pranë Ambasadës së Shteteve të Bashkuara të Amerikës në Kosovë.  Trajnimi është mbajtur nga ekspertet amerikan Drug Enforcment Administration (DEA). 

Në ceremoninë e diplomimit morën pjesë ushtruesi i detyrës së Drejtorit të Përgjithshëm të  Policisë së Kosovës Fehmi Hoti, zëvendësdrejtori i Përgjithshëm i Akademisë së Kosovës për Siguri Publike Kastriot Jashari, menaxherja e programit ICITAP në Kosovë Kimberly Riffe si dhe zyrtarë tjerë të fushës së sigurisë publike në vend. 

Në fund  ceremonisë  të gjitha ata që kanë ndjekur trajnimin u certifikuan. 

Vushtrri, 21 shtator 2022 – Zëvendësdrejtori i Përgjithshëm i Akademisë së Kosovës për Siguri Publike (AKSP) Kastriot Jashari,  u takua sot më drejtoreshën e sapo emëruar të Zyrës për  Çështje Ndërkombëtare të Narkotikëve dhe Zbatimit të Ligjit (INL) në Kosovë Tamra Greig, si dhe më ish drejtorin e INL-it Shawn Waddoups. 

Qëllimi i vizitës së delegacionit të INL-it ishte që Greig të njoftohet më për së afërmi më zhvillimet në Akademi,  kurse ish drejtorit i INL-it vizitë lamtumirëse. 

Gjatë takimit zv/drejtori Jashari e falënderoi drejtorin  Waddoups për angazhimin, punën dhe bashkëpunimin e shkëlqyeshëm me Akademinë gjatë mandatit të tij në Kosovë.  

Më këtë rast  Jashari përmendi në theks të veçantë kontributin  e Shteteve të Bashkuara të Amerikës, konkretisht Ambasadës Amerikane në Kosovë, ICITAP-it, INL-it për ndihmën  e pakursyer që i ka dhënë dhe po jep Akademisë dhe gjitha institucioneve të sigurisë në vend. 

Jashari i uroi ish drejtorit të INL-it Shawn Waddoups, suksese dhe punë të mbarë ku do që është. 

Drejtori Jashari shprehu dëshirën e tij që edhe në të  ardhmen të ketë bashkëpunim dhe marrëdhënie të mira më Ambasadën Amerikane, Zyrën për Çështje  Ndërkombëtare të Narkotikëve dhe Zbatimit të Ligjit dhe ICITAP-in. 

Në të njëjte kohë Jashari i dëshiroj mirëseardhje në detyrën e re Tamra Greig e cila u emërua drejtoresh e Zyrës për Çështje Ndërkombëtare të Narkotikëve dhe Zbatimit të Ligjit (INL) në Kosovë.  

Jashari ritheksoi bashkëpunimin e mirë me INL dhe shprehi gatishmërinë për angazhimin e tij për thellimin e këtij bashkëpunimi në fushën e sigurisë publike. 

Ndërsa, ish drejtori i Zyrës për Çështje Ndërkombëtare të Narkotikëve dhe Zbatimit të Ligjit (INL) në Kosovë  Shawn Waddoups, pasi e quajti si shumë të rëndësishme periudhën e shërbimit të tij  në Kosovë, përgëzoj Akademinë për të arriturat e saj që ka bërë deri më tani

Ai tha se gjatë qëndrimin në Kosovë ka pasur një bashkëpunim të shkëlqyeshëm me të gjitha institucionet e sigurisë në vend. 

Ndërsa drejtoresha e sapo emëruar e INL Tamra Greig e falënderoi drejtorin Jashari për pritjen, ndërkohë që shprehi gatishmërinë e saj për vazhdimin e bashkëpunimit më Akademinë në fushën e trajnimeve për siguri publike.  

Në takim të pranishëm ishin edhe drejtori i Departamentit për Financa dhe Shërbime të Përgjithshme Rrahim Rexha, Avni Istrefi udhëheqësi i Divizionit për Marrëdhënie me Jashtë dhe Fitim Osmani udhëheqës i Divizionit për Planifikim Strategjik

Daka, Bangladesh, 14 shtator 2022 – Në konferencën e njëmbëdhjetë të organizuar nga Asociacioni Ndërkombëtar i Akademive Policore (INTERPA) morën pjesë përfaqësuesit nga Akademia e Kosovës për Siguri Publike (AKSP), Avni Istrefi udhëheqësi i Divizionit për Marrëdhënie me Jashtë dhe Rrahim Rexha drejtor i Departamentit për Financa dhe Shërbime të Përgjithshme. 

Qëllimi i konferencës ishte diskutimi rreth digjitalizimit në sistemin e arsimimit në fushën e sigurisë. 

Po ashtu përfaqësuesit e Akademisë së Kosovës për Siguri Publike, e cila është anëtare e këtij Asociacioni, kanë marrë pjesë edhe në takimin e njëzetë e dytë të Bordit Ekzekutiv të INTERPA-së. Në ceremoninë e hapjes së kësaj konference, përveç anëtarëve të INTERPA-së, morën pjesë edhe kryeministrja e Qeverisë së Republikës Popullore të Bangladeshit Sheik Hasina, ministri i Punëve të Brendshme të Republikës Popullore të Bangladeshit Asaduzzaman Kan dhe kryetari i INTERPA dhe Akademisë Kombëtare të Policisë Turke Yilmaz Çollak.

Në këtë Konferencë ku ishin pjesëmarrës të gjitha shtetet anëtare të Asociacionit Ndërkombëtar të Akademive Policore (INTERPA), përfaqësuesit e Akademisë prezantuan historikun, aktivitetet dhe sukseset e Akademisë së Kosovës për Siguri Publike.  

Avni Istrefi, udhëheqës i Divizionit për Marrëdhënie me Jashtë, në prezantimin e tij gjatë konferencës ka folur rreth zhvillimeve të fundit në Akademi, trajnimeve që mbahen për zyrtarët e sigurisë publike, për bashkëpunimin ndërkombëtar që ka Akademia në fushën e sigurisë publike. 

Gjatë kësaj konference, në Asociacionin Ndërkombëtar të Akademive Policore (INTERPA) u anëtarësuan edhe katër shtete: Akademia Policore e Kroacisë, Shkolla e Lartë e Policisë “Gjenerali Alberto Enriquez Gallo”, Ekuador, Akademia Kombëtare e Policisë së Liberisë dhe Akademia Policore e Nigerisë.

Në darkën e organizuar nga INTERPA, përfaqësuesit e Akademisë së Kosovës për Siguri Publike, Avni Istrefi udhëheqës i Divizionit për Marrëdhënie me Jashtë dhe Rrahim Rexha, drejtor i Departamentit për Financa dhe Shërbime të Përgjithshme, u takuan edhe me ambasadorin e Republikës së Kosovës në Daka, Senegal, Guner Ureya. Gjatë takimit Ureya vlerësoi lartë punën në institucionet e sigurisë publike dhe të arriturat në Akademi.

Konferenca ka vazhduar me diskutime dhe prezantime me temën “Digjitalizimi i Policisë” me sesione panelesh mbi analizën e mediave sociale për punën e policisë, epokën e digjitalizimit të sistemit policor, ndikimin e përdorimit të rrjeteve sociale dhe tema të tjera të lidhura më fushën e sigurisë publike.  

Vushtrri, 13 shtator 2022 – Akademia e  Kosovës për Siguri Publike (AKSP) organizon konferencën e katërt shkencore ndërkombëtare me titull “Ndikimi i pandemisë COVID-19 në integritetin e rendit dhe sigurisë publike”. 

Konferenca do të përqendrohet në efektet negative, zbutjen dhe reagimet për fazat e rimëkëmbjes të sektorit të rendit dhe sigurisë për ndikimet e COVID-19 në siguri.

Më ketë rast ftohen akademikë, studentë, hulumtues shkencorë dhe profesionistë të tjerë të pavarur ose të punësuar në fushat e rendit dhe sigurisë publike, institucionet shtetërore, institucionet e arsimit ose hulumtimit nga Kosova, Ballkani Perëndimor, Evropa dhe më gjerë, për të prezantuar pike vështrimet e tyre përmes punimeve shkencore se si pandemia COVID-19 ka ndikuar në integritetin e zbatimit të ligjit në shtetet ose shoqëritë e tyre përkatëse.   

Gjatë konferencës, nga pjesëmarrësit do të kërkohet që t’i prezantojnë hulumtimet ose dokumentet e tyre në gjuhën angleze, shqipe ose serbe, pasi që përkthimi simultan profesional do të ofrohet në tri gjuhët e lartpërmendura. 

Konferenca do të mbahet nga data 16 deri me datën 18 nëntor 2022 dhe mbështetet nga Organizata për Siguri dhe Bashkëpunim Evropian më mision në Kosovë. 

Për informata shtesë në lidhje me konferencën, ju lutem klikoni në NJOFTIM 

Vushtrri, 01 shtator 2022 – Akademinë e Kosovës për Siguri Publike (AKSP) sot e vizitoj një delegacion nga Ministria e Punëve të Brendshme e Maqedonisë së Veriut i kryesuar nga  Muamet Rexhepi ndihmësministër i departamentit  për Bashkëpunim Ndërkombëtar.  Delegacioni u prit në takim nga zëvendësdrejtori i Përgjithshëm i Akademisë Kastriot Jashari si dhe nga përfaqësuesit e agjencioneve të sigurisë publike në Akademi. 

Qëllimi i vizitës është në kuadër të bashkëpunimit që Akademia ka me institucionet e sigurisë publike të Maqedonisë së Veriut.  

Zëvendësdrejtori i Përgjithshëm i Akademisë Kastriot Jashari e njoftoi delegacionin për  aktivitetet dhe trajnimet që  zhvillohen në Akademi.

Jashari gjatë takimit  vlerësoj  se kjo vizitë do të kontribuoj në forcimin e lidhjeve dhe realizimin e projekteve të përbashkëta ndërmjet Akademisë dhe institucioneve të sigurisë në Maqedoninë e Veriut. 

Gjithashtu zv/drejtori Jashari foli edhe për bashkëpunimin që ka Akademia me vendet e rajonit dhe më gjerë.

Jashari duke u shprehur i gatshëm për  vazhdimin e bashkëpunimit  vlerësoj se shkëmbimi i përvojave mes institucioneve të sigurisë është i domosdoshëm dhe i mirëseardhur.

Ndërsa delegacioni nga Ministria e Punëve të Brendshme nga Maqedonia e Veriut u interesuan kryesisht rreth metodave që ka Akademia për trajnimin dhe arsimimin e pjesëtarëve të sigurisë publike. 

Muamet Rexhepi ndihmësministër i Departamenti për Bashkimin Evropian dhe Bashkëpunim falënderoj drejtorin Jashari për pritje duke thënë se qëllimi i vizitës ishte që të njihen më për së afërmi më projektet e realizuara në Akademinë e Kosovës për Siguri Publike.

Më këtë rast ndihmësministri Rexhepi u shpreh i gatshëm që bashkëpunimi të vazhdojë edhe më tutje, ndërkohë që vlerësoj së bashkëpunimi në realizimin e  projekteve që avancojnë zyrtaret e sigurisë publike janë të mirëseardhura. 

Pjesë e delegacionit nga Ministria e Punëve të Brendshme në Maqedonisë së Veriut ishin edhe Marija Ancevska shefe e Sektorit për Bashkëpunim Ndërkombëtar, Imran Jonuzi udhëheqëse e Njësisë për Bashkëpunim Shumëpalësh dhe Dragica Manevska udhëheqëse e Njësisë për Bashkëpunim Dypalësh.

Vizita u realizua nga misioni i Organizatës për Siguri dhe Bashkëpunim Evropian  në Kosovë, e cila përkrah Akademinë vazhdimisht në realizimin e projekteve. 

Edward Anderson drejtor i Departamentit për Rend dhe Siguri Publike  në OSBE gjatë takimi e njoftoi delegacionin nga Ministria e Punëve të Brendshme në Maqedonisë së Veriut për zbatimi  e projektit të dygjuhësisë dhe përkrahja me softuerin për përkthim për Policinë e Kosovë. 

Në fund në vizitës delegacioni në fjalë vizitoi kampusin e Akademisë së Kosovës për Siguri Publike.

Vushtrri,  17  korrik 2022 – Në Akademinë e Kosovës për Siguri Publike u mbajtën lojërat para sportive  Kosova 2022  për persona më aftësi të kufizuara, ku për dy ditë radhazi pjesëmarrësit do të garojnë në lojëra të ndryshme si ajo, hendboll, basketboll, pikado, futboll, shah, pingpong, vrapim me karrocë, shenjëtari etj. 

Mirëpo tash e tutje këta garuesit  nuk do të marrin pjesë në gara sportive vetëm brenda Kosovës, por edhe jashtë saj, pasi që tashmë Kosova  është anëtare  fuqiplotë e Komitetit Paralimpik Ndërkombëtar. 

Për herë të parë Kosova do të jetë pjesë e Lojërave Paralimpike Paris 2024  dhe  pjesë e çdo aktiviteti tjetër evropian e botëror që organizohet nën patronatin e këtij komiteti.  

Në ceremoninë e hapjes së këtyre lojërave mori pjesë Kryeministri i Republikës së Kosovës Albin Kurti.  Kryeministri Kurti në fillim të fjalimit të tij uroj të gjithëve për  pranimin e Kosovës në Komitetin Paralimpik Ndërkombëtar.   

“Nuk ka pasur vend më të mirë për këtë lajm të jashtëzakonshëm, por gjithashtu nuk ka pasur lajm më të mirë për këtë ngjarje e cila na bënë të gjithë neve krenarë. Pra aktiviteti i juaj vjetor që tregon gjallërinë dhe energjinë tuaj, talentin dhe konfirmon suksese që ua kemi lakmi të gjithë ne”, tha  kryeministri Kurti .  

Kryeministri Kurti tha se sportistët me aftësi të kufizuara të Kosovës, tash kanë mundësinë për të ëndërruar medaljen paralimpike, pasi që Kosova u bë anëtare fuqiplotë e Komitetit Paralimpik Ndërkombëtar. Ai tha se sportistët me aftësi të kufizuara janë pra konfirmim i gjallë që e pamundshmja bëhet e mundur. 

“Në vitin 2024, siç e tha edhe presidentja Njomza Emini, do ta shënojmë pjesëmarrjen e parë të Kosovës në lojërat paralimpike. E përgëzoj Komitetin Paralimpik të Kosovës për angazhimin e tyre drejt realizimit të këtij qëllimi madhor e të përbashkët”, tha  kryeministri Kurti.  

Kryeministri Kurti tha se ky sukses përveçse mundëson përfaqësimin e Kosovës në arenën ndërkombëtare, më e rëndësishmja është që ka hapur dyert e shumta për mundësi të panumërta për zhvillimin e sportit për personat me aftësi të kufizuara përbrenda vendin tonë. 

Duke i ftuar  garuesit që të festojnë të arriturat e tyre, kryeministri Kurti kujtoje se me tre dhjetor të vitit të kaluar, në ditën ndërkombëtare për të drejtat e personave me aftësi të kufizuara, viti 2022, u shpall – vit i personave me aftësi të kufizuara.  “Ndonëse puna për të siguruar garantimin dhe mbrojtjen e të drejtave të personave me aftësi të kufizuara është angazhim i yni i përhershëm, vitin 2022 e shpallëm vit të personave me aftësi të kufizuara, me qëllim që së bashku të punojmë më shumë dhe më mirë për siguruar gjithë përfshirje dhe mundësi për secilin”, u shpreh Kurti duke thënë se sporti është platforma më e mirë përmes së cilës festohet diversiteti dhe përqafohen dallimet.  

Kurse Njomza Emini, Presidente e Komitetit Paralimpik të Kosovës,  duke  bërë hapjen e ceremonisë më lajmin që Kosova tashmë është anëtare fuqiplotë në Komitetin Paralimpik Ndërkombëtarë  i përshëndeti të gjithë pjesëmarrësit duke iu uruar gara të suksesshme. Emini tha se Komiteti Paralimpik i Kosovës do të punojë  në vazhdimësi në përkrahje të personave më aftësi të kufizuar.  

Po ashtu  garuesve iu dëshiroj suksese edhe  ambasador i EULEX-it në Kosovë  Lars-Gunnar Wigemark.  

Të pranishmit i përshëndeti  edhe  Ambasador i Organizatës për  Siguri dhe Bashkëpunim në Evropë më mision në Kosovë  Michael Davenport. 

“Ditë e shkëlqyer për sportin Paralimpik në Kosovë . OSBE është e kënaqur të mbështesë lojërat para sportive   dhe të festojë arritjet e mahnitshme të atletëve. Urime Komitetit Paralimpik për ngjarjet frymëzuese dhe gjithëpërfshirëse në Akademinë e Sigurisë Publike të Kosovës”, tha ambasadori Davenport.  

Gjithashtu të pranishëm në këtë hapje ishin edhe  ambasadorja e Francës në Kosovë  Marie Christine-Bute,  ambasadorja e Kroacisë në Kosovë Danijela Barishi, ministri i Kulturës, Rinisë dhe Sportit. Hajrulla Ceku, të cilët uran para sportistët për anëtarësimin e Kosovës në Komitetin Parlimpik Ndërkombëtarë  dhe në të njëjtën kohë iu dëshiruan suksese pjesëmarrësve në garat e tyre.   

Edhe  zëvendësministri i Punëve të Brendshme Bardhyl  Dobra  iu dëshiroj suksese garuesve në lojërat para sportive në Kosova 2022.  

 “Ju jeni ata që me aftësitë dhe përkushtimin tuaj keni arritur që të ngritni nivelin e përfaqësimit shtetëror në sportet paralimpike duke na mundësuar në nivel shtetëror të marrim vendin e merituar në ndërkombëtarë”, u shpreh Dobra.  

Në hapjen e lojërave paralimpike Kosova 2022 ishte edhe zëvendësuesi i Drejtorit të Përgjithshëm të Akademisë së Kosovë për Siguri Publike Kastriot Jashari dhe përfaqësues  të personave me aftësi të kufizuara si  dhe sportdashës.

Ndryshe këto lojëra para sportive Kosova 2022 që u mbajtën dy ditë radhazi  janë  organizuara nga Komiteti Paralimpik i Kosovës i mbështetur nga Qeveria e Kosovës, Organizata për Siguri dhe Bashkëpunim në Evropë, Akademia e Kosovës për Siguri Publike, EULEX, KFOR-I Ambasada e Francës në Kosovë, etj.

Vushtrri, 12 korrik 2022  - Në Akademinë e Kosovës për Siguri Publike sot fillojë trajnimin programi profesional  “Polic i Ri”,  gjenerata e 57 e kadetëve të Policisë së Kosovës. 

Kadetë  do të trajnohen sipas plan programit të dizajnuar  në bazë të standardëve ndërkombëtare  për të drejtat e njeriut dhe sundim të ligjit. 

Trajnimi i cili do të zgjatë deri më 17 shkurt 2023  do ta vijojnë  448 kadet të Policisë së Kosovës. 

Vushtrri,  05 korrik 2022 – Në Akademinë e Kosovës për Siguri Publike  u mbajt një takim informues se si të rinjtë nga komuniteti rom, ashkali dhe egjiptian të inkuadrohen në institucionet e sigurisë publike në Kosovë, konkretisht në Policinë e Kosovës. Kjo vizitë u organizuar nga Organizata për Siguri dhe Bashkëpunim në Evropë më mision në Kosovë.   

Në këtë takim informues morën pjesë afër tridhjetë nxënës nga komuniteti rom, ashkali dhe egjiptianë.  

Për procedurat e rekrutimit se si  bëhen  pjesë e Policisë së Kosovës të rinjtë nga komunitetet në fjalë i informoj majori i Policisë së Kosovës Faik Krasniqi. Gjatë këtij takimi majori Krasniqi i inkurajoi nxënësit nga komunitetet jo shumicë që të vazhdojnë shkollimin e tyre. 

Në  takim mori pjesë edhe zëvendësuesi i Drejtorit të Përgjithshëm të Akademisë së Kosovës për Siguri Publike  Kastriot Jashari. Ai më këtë rast falënderoi misionin e OSBE-së në Kosovë për mbështetjen në zhvillimin e Akademisë që nga themelimi i saj e deri më sot.  “OSBE ka qenë partner i përhershëm i Akademisë që nga themelimi i saj. Pa bashkëpunimin me institucionet ndërkombëtare dhe vendore Akademia nuk do të ishte këtu ku është sot”, tha Jashari.

Jashari  u shprehur i  gatshëm për vazhdimin e bashkëpunimit me OSBE-në në fushën e sundimit të ligjit, fuqizimin e rinisë në sektorin e sigurisë. 

Ndërsa udhëheqësi i Organizatës për Siguri dhe Bashkëpunim në Evropë më mision në Kosovë ambasadori Michael Davenport falënderojë menaxhmentin e Akademisë së Kosovës për Siguri Publike dhe Policinë e Kosovës  për marrjen e kësaj iniciative të përbashkët  dhe të rëndësishme. Davenport, shprehi gatishmërinë e OSBE-së për të vazhduar mbështetjen e përfshirjes dhe përfaqësimit të balancuar të komuniteteve dhe gjinive në institucionet e sigurisë. 

Ambasadori Michael Davenport dhe zëvendësuesi i Drejtorit të Përgjithshëm të Akademisë së Kosovës për Siguri Publike Kastriot Jashari ju dhanë  mirënjohje nxënësve  dhe i inkurajuan që të marrin në konsideratë rrugët e karrierës në polici. 

Të rinjtë nga komunitetet rom, ashkali dhe egjiptian të Kosovës  të cilët ishin të shoqëruar nga  Sophie Guesne drejtoreshë e Qendrës Rajonale të OSBE-së në Mitrovicë,  Aleksandra Jovanoviq  zyrtare e lartë për komunitete dhe  Maja Lehner zyrtare për të drejtat e njeriut vizituan kampusin e Akademisë së Kosovës për Siguri Publike si dhe hapësirën e ekspozimit të uniformave dhe pajisjeve tjera të institucioneve të sigurisë publike, donacion nga misioni i OSBE-së.  

Vushtrri, 05 korrik 2022 –Akademinë e Kosovës për Siguri Publike e vizitoi sot një delegacion i Gardës Kombëtare nga IOWA  e Shteteve të Bashkuara të Amerikës ku u takuan më zëvendësuesin e Drejtorit të Përgjithshëm të Akademisë Kastriot Jasharin. 

Delegacioni ishte i kryesuar nga Kirk Westvold asistent i shefit të policisë të qytetit Norwalk  të IOWA –së. 

Qëllimi i vizitës ishte vazhdimi i bashkëpunimit mes Akademisë së Kosovës për Siguri Publike dhe shteti të IOWA.

Zëvendësuesi i Drejtorit të Përgjithshëm të Akademisë Kastriot Jashari duke iu dëshiruar mirëseardhje delegacionit i informoi për zhvillimet në Akademinë e Kosovës për Siguri Publike.

Gjatë këtij takimi  Jashari foli për trajnimet që mbahen në akademi  ku marrin pjesë të gjithë zbatuesit e ligjit, për projektet që ka realizuar Akademia  të cilat kanë të bëjë më fushën e sigurisë publike. 

Po ashtu delegacioni u informua edhe për bashkëpunimin ndërkombëtar që ka Akademia me vende të ndryshme evropiane dhe me gjerë në theks të veçantë më SHBA-në 

Ndërsa delegacioni nga IOWA-së  nga Shtetet e Bashkuara të Amerikës (SHBA),  u interesuan rreth procesit të trajnimeve qe mbahen në Akademi. 

Delegacioni në fjalë u shprehen të hapur që bashkëpunimi me Akademinë në fushën e trajnimeve për zbatuesit e ligjit të vazhdojë edhe me tutje. 

Vushtrri, 01 korrik 2022 – Në Akademinë e  Kosovës për Siguri Publike (AKSP) sot u mbajt  takimi i radhës i bordit  ku u diskutuan  rreth zhvillimeve të fundit në Akademi. 

Gjatë takimit anëtaret e bordit u  njoftuan për fillimin e trajnimeve profesional të kadetëve të rinj të Policisë dhe Kosovës dhe të Shërbimit Korrektues të Kosovës (SHKK). 

Në vazhdim  të takimit anëtarët e bordit kanë diskutuar për përcaktimin e kuotave për institucionet e sigurisë publike në studimet themelore bachelor për vitin akademik 2022/23 në Fakultetin e Sigurisë Publike në Akademi.

Zëvendësuesi i Drejtori të Përgjithshëm të Akademisë Kastriot Jashari i  njoftoi anëtaret  e bordit rreth ecurisë së punës si dhe për  trajnimet dhe aktivitetet që janë duke u mbajtur në Akademi.  

Jashari tha së Akademia e Kosovës për Siguri Publike i ka bërë të gjitha përgatitjet për fillimin e trajnimit të gjeneratës së re të Policisë së Kosovës dhe atë të Shërbimit Korrektues të Kosovës që tashmë ja ka filluar.

Pikë e rendit të ditës ishte edhe  njoftimi për dinamikën e punës dhe aktiviteteve të grupit punës për hartimin e dokumenteve përkatëse për hapjen e programit master në sigurinë publike në Fakultetin e Sigurisë Publike. 

Tutje anëtaret e bordit përveç tjerash u njoftuan edhe për ecurinë e ri akreditimit të Akademisë nga institucionet vendore dhe ndërkombëtare. 

Në këtë takim morën pjesë zëvendësuesi i  Drejtorit të Përgjithshëm të Akademisë së Kosovës për Siguri Publike Kastriot Jashari, Dekani i Fakultetit të Sigurisë Bejtush Gashi, Drejtori i Përgjithshëm i Policisë së Kosovës Samedin Mehmeti njëherit edhe kryesues i bordit, ushtruesi i Detyrës së Kryeprokurorit të Shtetit Besim Kelmendi, Drejtori i Përgjithshëm  i Agjencisë për Menaxhimin Emergjent Fadil Kodra, zëvendësuesi i Drejtorit të Përgjithshëm të Shërbimit Korrektues të Kosovës Sami Gashi, zëvendësuesi i Drejtorit të Përgjithshëm të Shërbimit Sporvues të Kosovës Arsim Tahiri, udhëheqësi i Departamentit për Menaxhimin e Ankesave në Inspektoratin Policor të Kosovës Bajram Fetahu, udhëheqës i Departamentit në Drejtorinë e Zbatimit të Ligjit në Doganën e Kosovës Driton Azemi, drejtori i Departamentit për Rend dhe Siguri Publike në misionin e OSBE-së në Kosovë Edward Anderson si dhe zyrtarë të lartë të Akademisë.