Lajmet

Vushtrri, 14 shkurt 2023 – Një delegacion  nga Universiteti i Shkencave të Aplikuara “LAUREA” në Finlanda i kryesuar nga drejtori për hulumtim dhe ekspertiza, Isto Mattila, sot vizitoi Akademinë e Kosovës për Siguri Publike (AKSP).  

Vizita është realizuar në kuadër të bashkëpunimit që kanë këto dy institucionet, Universiteti “LAUREA” dhe Akademia.

Delegacioni u prit nga zëvendësuesi i Drejtorit të Përgjithshëm të Akademisë, Kastriot Jashari dhe stafin menaxhues.

Gjatë takimit u  diskutua për mundësitë e avancimit të bashkëpunimit, me theks të veçantë në projekte të përbashkëta në fushën e hulumtimit, zhvillimit dhe inovacionit si dhe mundësinë e mobilitetit të stafit dhe studentëve.  

Zëvendësuesi i Drejtorit të Përgjithshëm në Akademi, Kastriot Jashari,  e informoi delegacionin për zhvillimet e fundit në Akademinë e Kosovës për Siguri Publike.

Jashari  foli edhe për trajnimet që mbahen në Akademi  ku marrin pjesë të gjithë zbatuesit e ligjit, për projektet që ka realizuar Akademia, projekt këto që kanë të bëjë më fushën e sigurisë publike.

Po ashtu, temë diskutimi ishte edhe bashkëpunimin ndërkombëtar që Akademia  ka më vende të ndryshme evropiane në fushën e sigurisë publike.   

Delegacioni nga Universiteti “LAUREA”  në Finlandë, ishte  në përbërje të Isto Mattila, drejtor për hulumtim dhe  ekspertiza, Harri Haapaniemi, udhëheqës i programit për hulumtim dhe siguri, hulumtimi i lartë dhe ekspertiza;  Tuomas Tammilehto, ekspert për hulumtim dhe zhvillim dhe ekspertiza, Petteri Partanen, ekspert për hulumtim dhe zhvillim dhe ekspertiza dhe  Sari Heikkilä, ekspertiza,  mirëqenia dhe shërbimet sociale.

Gjatë këtij takimi anëtarët e delegacionit bënë disa prezantime me temwn: Menaxhimi i kufijve, politikat e BE-së,  Kriminologjia dhe Etika, fondet e projekteve të BE-së; Menaxhimi i kufijve, trafikimi. Tw pranishmit vlerwsuan se këto tema janë në interes të dy institucioneve Akademisë dhe Universiteti “LAUREA”.







 

Vushtrri, 13 shkurt 2023 –  Policisë së Kosovës nga sot iu shtuan edhe 433 zyrtar policor,  të cilët sot në mënyrë ceremoniale bënë betimin e tyre për t’i shërbyer vendit dhe çdo qytetari të Republikës së Kosovës. 

Gjatë ceremonisë së diplomimit kadetët e sapo diplomuar morën urime nga të gjithë krerët e shtetit.

Presidentja e Republikës së Kosovës, Vjosa Osmani,  i përgëzoi kadetët që kanë shprehur gatishmërinë që të marrin një detyrë  kaq të rëndësishme për t’i shërbyer shtetit, duke krijuar kështu siguri për gjithë qytetarët e vendit.

“Policia buron nga qytetarët dhe gjithnjë është në shërbim të qytetarëve. Ju keni zgjedhur një profesion që kërkon guxim, disiplinë, vullnet  dhe përkushtim për rend dhe ligj”, u shpreh Osmani.  

Presidentja, Osmani ka deklaruar se këta kadetë janë ata që garantojnë siguri dhe mjedis të sigurt për të gjithë qytetarët pa dallim.

“Ju jeni ata që  garantoni të gjithë qytetarët pa dallim të ndihen të sigurt dhe secili prej tyre do të trajtohet më dinjitet dhe më respekt” , tha presidentja Osmani.

Kurse, kryeministri i Republikës së Kosovës Albini Kurti, gjatë ceremonisë së diplomimit të  kadetëve tha se prioriteti i qeverisë është mbrojtja dhe siguria e vendit. 

“Të gjithë jemi krenar që sot Policia e Kosovës  mbron jetën dhe pronën e gjithë qytetarëve tanë pa dallim dhe  zbaton ligjshmërinë në tërë territorin e Republikës së Kosovës”, tha Kurti. 

Duke numëruar të arriturat e policisë, kryeministri Kurti tha se policia qëndron e palëkundur në misionin e ruajtjes së rendit dhe sigurisë publike. “Jemi të lumtur që policia renditet ndër tri institucionet më të besueshme për qytetarët. Kolegët tuaj, zyrtaret policor, veçanërisht këto dy vitet e  fundit me angazhimin e tyre kanë treguar se nuk bëjnë kompromis me bandat dhe krimin. Janë sulmuar, janë plagosur, por nuk janë dorëzuar,  përkundër kësaj ata janë akoma aty në krye të detyrës”, ka thënë Kurti. 

Kryeministri iu  drejtua kadetëve të cilët diplomuan që t’i qëndrojnë besnik betimit të tyre dhe vendit.

Edhe ministri i Punëve të Brendshme, Xhelal Sveçla, kadetëve të sapo diplomuarve iu uroi  suksese në punën e tyre. 

“Ju keni zgjedhur një  profesioni kaq të lartë  dhe fisnik.  433 vajza, e djem të ri po i bashkohen Policisë së Kosovës, institucionit kyç të shtetit tonë për tu angazhuar në mbrojtjen e integritetit dhe sovranitetit të vendit dhe  luftimin e pa kompromis të krimit e korrupsionit ”,  u shpreh Sveçla duke kërkuar nga kadetët që t’i shërbejnë vendi me ndershmëri.

Vushtrri, 07 shkurt 2023 – Akademinë e Kosovës për Siguri Publike (AKSP), sot e  vizitoi një delegacion i ambasadorëve permanent të shteteve të QUINT-it në Organizatën për Siguri dhe Bashkëpunim në Evropë (OSBE) në Vjenë të Austrisë.

Delegacioni në fjalë u takuan më ministrinë e Punëve të Brendshme, Xhelal Sveçla, më zëvendësuesin e Drejtorit të Përgjithshëm të Akademisë, Kastriot Jashari, si dhe më drejtoret e institucioneve të sigurisë publike në Kosovë.

Qëllimi i vizitës së ambasadorëve të QUINT-it ishte që të njihen më për se afërmi mbi të arriturat e Akademisë.
Ministri i Punëve të Brendshme, Xhelal Sveçla, vlerësoj lartë punën në Akademinë e Kosovës për Siguri Publike dhe në Policinë e Kosovës.

“Jam  i lumtur që takohemi në Akademinë e Kosovës për Siguri Publike e cila është ngritur dhe vazhdon të forcohet falë stafit, ndihmës dhe bashkëpunimit të vazhdueshëm nga aleatët tanë. Nga kjo akademi kanë ndalur ndër vite gjenerata të shumta të cilat falë dijes dhe përvojës që kanë fituar këtu, sot shërbejnë denjësisht dhe më  përkushtim në institucionet e Republikës së Kosovës”, u shpreh Sveçla. 

Ministri Sveçla, tha se prioriteti i Qeverisë së Kosovës është siguria për qytetarët e Kosovës, luftimin e korrupsionit,  kontrabandës dhe gjitha dukurive që cenojnë sigurinë e qytetarëve.

“Angazhohemi që këto prioritet të përbashkëta të realizohen që qytetarëve tanë t’ju ofrojmë mbrojte dhe siguri pa dallim etnie, moshe gjinie apo përkatësie fetare. Policia e Kosovës ka shënuar suksese të shumta në shkatërrimin e grupeve kriminale, luftimin e narkotikëve kontrabandës, trafikimin me qenie njerëzore  dhe në shumë aktivitet tjera”, tha ministri Sveçla.  
Ministri Sveçla e falënderoi  OSBE-në për mbështetjen e vazhdueshme ndaj institucioneve të sigurisë publike në Kosovë.

Edhe zëvendësuesi i Drejtorit të Përgjithshëm në Akademinë e Kosovës për Siguri Publike, Kastriot Jashari,  u shpreh i lumtur që ambasadorët e shteteve të QUINT-it vizituan Akademinë. Jashari gjatë këtij takimi i njoftoi ambasadorët për misionin dhe të arriturat e Akademisë

“Akademia e Kosovës për Siguri Publike është një institucion që në bazë të legjislacionit në fuqi ofron trajnime dhe arsim të lartë dhe njëkohësisht organizon takime dhe aktivitete të ndryshme për të gjithë zbatuesit e ligjit në Kosovë”,  u shpreh Jashari.

Më këtë rast Jashari falënderoi  Qeverinë e Kosovës, ministrinë Sveçla, për mbështetjen në rrugëtimin e Akademisë. Drejtori, Jashari tha se falë bashkëpunimit të ngushtë me institucionet vendore dhe ato ndërkombëtare siç është OSBE-ja, Akademia sot ka arritur të jetë institucioni i vetëm i sigurisë i akredituar nga ndërkombëtaret.

“Çmimet na bëjnë më të motivuar që të vazhdojmë më objektivat tona, siç janë që trajnimet dhe arsimi i lartë të jenë sa më cilësor. OSBE është një nga partnerët tanë, kemi një bashkëpunim shumë korrekt, e falënderoi që po jap kontribut për vite me radhë me donacion dhe fusha tjera në sigurinë publike në Kosovë”, tha Jashari.  

Dejan Jankoviç, zëvendësdrejtor i Përgjithshëm në Policinë e Kosovës, duke folur në emër të policisë tha se OSBE është partnere e pandashme me institucionet e sigurisë publike.
“Rruga drejtë krijimit të Policisë së Kosovës nuk ka qenë e lehtë, duke pasur parasysh kohën dhe mundësitë që kanë pasur vendet tona në atë kohë, por me ndihmën e partnerëve tanë ndërkombëtarë,  në veçanti me kontributin e OSBE-së kemi arritur të krijojmë një institucion kredibil  policor më të gjitha kapacitet e nevojshme për përmbushjen e të gjitha obligimeve tona ligjore”, tha Jankoviç.

Jankoviç tha se Policia e Kosovës ka kryer me sukses  të gjitha detyrat e saja dhe ky sukses siç tha ai është fal bashkëpunimi dhe mbështetjes së vazhdueshme të OSBE-së.

Ndërsa, ambasadori i OSBE-së, Michael Davenport, duke u shprehur i lumtur për bashkëpunimin që ka OSBE më institucionet e sigurisë në Kosovë tha se Akademi ka arritur rezultate të shumta në rrugëtimin e saj.

“Akademia ka arritur që të  bëhet një institucion i suksesshëm i akredituar nga vendoret dhe ndërkombëtaret më të cilin OSBE-ja ka krenarinë që të gëzojë partneritetin e saj që nga themelimi”, tha Davenport.

Ambasadori Davenport tha se Akademia jep një kontribut shumë të vlefshëm në zhvillimin e kapaciteteve në fushën e sigurisë publike.  Ambasadori  u shpreh i lumtur që OSBE-ja ka përkrahur Akademinë dhe institucionet tjera në realizimin e aktiviteteve të tyre në fushën e sigurisë.

Ndryshe delegacioni i  ambasadorëve që ishte i përbërë nga  ambasadorja Christine Fages, përfaqësuese permanente e Francës në OSBE,  ambasadorja Gesa Bräutigam, përfaqësuese permanente e Gjermanisë në OSBE, ambasadori Stefano Baldi, përfaqësues permanent i Italisë në OSBE, ambasadori  Neil Bush, përfaqësues permanent i Mbretërisë së Bashkuar në OSBE  dhe ambasadori Michael R. Carpenter, përfaqësues permanent i Shteteve të Bashkuara të Amerikës në OSBE vizituan gjithë kampusin e Akademisë.
 

Vushtrri, 27 janar 2023 -  Në Akademinë e Kosovës për Siguri Publike (AKSP), diplomoi gjenerata e 42 e kadetëve të Shërbimit Korrektues të Kosovës (SHKK), ku nga  sot këtij shërbimi ju bashkuan edhe 46 zyrtarë të rinj. 

Gjatë ceremonisë së diplomimit kadetët morën përkrahje dhe urime të shumta nga të pranishmit.

Zëvendësuesi i Drejtorit të Përgjithshëm të Akademisë së Kosovës të Sigurisë Publike,  Kastriot Jashari, tha se Akademia do të vazhdojë të ofroj trajnimi për gjithë zyrtarët e sigurisë publike. 

 “Në emër të Akademisë së Kosovës për Siguri Publike, kadetëve iu uroj përfundimin e trajnimit profesional të Shërbimit Korrektues të Kosovës. Akademia në bazë të vizionit dhe misionit të saj ofron trajnime për të gjitha institucionet e sigurisë publike”, tha Jashari. 

Drejtorit Jashari tha se  korrikulat, programet trajnuese që janë trajnuar kadetët e Shërbimit Korrektues të Kosovës  krahasohen më programe ndërkombëtare. 

“Nga sot ju jeni zyrtarë korrektues me certifikatat që lëshohen nga Akademia përmes një bashkëpunimi të shkëlqyer që kemi pasur më shërbimin korrektues, ky bashkëpunim nuk do të mund të arrihej pa përkrahjen e dy ministrave, ministres  Albulena Haxhiu dhe ministrit Xhelal Sveçla”, u shpreh Jashari i cili tha se gjatë këtyre shtatë muajve sa ka zgjatur trajnimi qëllimi kryesor ka qenë mësimdhënia dhe mësimnxënia. 

“Uroi që aftësitë, shkathtësitë dhe kompetencën që e keni fituar gjatë trajnimit të mos vije në shprehje që ta përdorni, mirëpo, po erdhi  në shprehje jam i bindur që do t’i përdorni në mënyrë më profesionale përballë çdo sfide më të cilat ju mund  të ballafaqoheni”, tha Jashari.

Ndërsa, Albulena Haxhiu ministre e Drejtësisë, gjatë ceremonisë së diplomimit të kadetëve të Shërbimin Korrektues të Kosovës,  tha se aspiratat për të ndërtuar një sistem më efikas me institucione më të përgjegjshme që shërbejnë drejtë dhe më profesionalizëm për rezultojnë më sukses. 

Haxhiu tha se  zyrtari korrektues është përgjegjës për sigurinë e të dënuarve dhe atyre që janë në paraburgim. Po ashtu ministrja Haxhiu tha se zyrtaret korrektues  japin kontribut të jashtëzakonshëm edhe në risocializimin dhe riedukimin e personave që kanë rënë ndesh me ligjin.  

“Këto  misionet e shenjta mund të kryhen më sukses vetëm nga zyrtaret profesional, të cilët kryejnë detyrat  duke respektuar të drejtat dhe liritë e secilit në mënyrë të barabartë, pa diskriminime në bazë të racës, gjinisë, gjuhës, moshës, fesë, etnisë, gjendjes ekonomike,  orientimit seksual apo ndonjë statusi tjetër personal”, tha ministrja Haxhiu. 

Ministrja Haxhiu tha se gjatë këtij mandatit dy vjeçar janë bërë reforma të mëdha  në Shërbimin Korrektues të Kosovës.

“Për herë të parë Shërbimi Korrektues i Kosovës trajtohet më ligj të veçantë, ligj ky i cili parasheh trajtim të dinjitetshem të zyrtarëve të SHKK-së”, tha Haxhiu duke iu uruar të sapo diplomuarve suksese në punën e tyre. 

Ajo tha se Ministria e Drejtësisë do të përcjell me vëmendje zhvillimet në SHKK duke quar përpara reformat. Haxhiu po ashtu tha se nuk do të toleron asnjë shkelje që bie ndesh me ligjin.

Edhe, Jeta  Tela, shefe e  kabinetit të ministrit të Punëve të Brendshme Xhelal Svecla uroi kadetët e Shërbimit Korrektues të Kosovës për diplomimin e tyre.

 “Sot, këtij profesioni fisnik po i bashkohen edhe 46 vajza e djem në të mirë të sigurisë publike, për të quar përpara angazhimin e gjithmbarshëm në fushën e  rritjes dhe përmirësimit të sigurisë publike”, u shpreh Tela duke thënë se Ministria e Punëve të Brendshme ka prioritet luftimin e krimit dhe korrupsionit.

“Padyshim që ju dhe ata të cilët ushtrojnë këtë profesion do të jeni pjesë e këtij misioni. Shërbimi të cilët ju po i bashkëngjitni është një hallkë tepër e rëndësishme e sigurisë publike. Ju jeni ata që në rrethana jo të lehta duhet ta kryeni punën duke respektuara parimet kushtetuese, po ashtu  të siguroheni që trajtimi i të dënuarve të bëhet në mënyrë më humane”, u shpreh Tela para kadetëve të SHKK-së. 

Tutje, ajo tha se Ministria e Punëve të Brendshme përmes Akademisë së Kosovës për Sigurisë Publike do të vazhdojë përkushtimin në ngritjen e vazhdueshme të nivelit të trajnimeve dhe të edukimit në përputhje me standardet dhe praktikat më të mira ndërkombëtare. 

Edhe zëvendësuesi i Drejtorit të Përgjithshëm të Shërbimit të Korrektues të Kosovës,  Sami Gashi, kadetëve të  iu uroj suksese gjatë  kryerjes së punës  së tyre. 

“Vendimi i juaj për të shërbyer në Shërbimin Korrektues të Kosovës është vendim për t’i shërbyer sigurisë dhe qytetarëve të vendit. Nga ju kërkohet që të kryeni detyrën në përputhje me kushtetutën dhe ligjet e vendit tonë”, tha Gashi.  

Në ceremoni e diplomimit morën pjesë përfaqësues tjerë të institucioneve vendore dhe ndërkombëtare. 

Vushtrri, 21 dhjetor 2022 –  Akademinë e Kosovës për Siguri Publike (AKSP) sot e vizitoi përfaqësuesi i Ekipit Këshillues dhe Ndërlidhës i NATO-s  Joseph M. Bolcar këshilltar për menaxhimin e emergjencave, ku u taku me zëvendësuesin e Drejtorit të Përgjithshëm të Akademisë, Kastriot Jashari.

Gjatë këtij takimi u diskutua rreth zhvillimeve të fundit në Akademi,  konkretisht për zbatimin e kurrikulës për trajnimet në fushën e emergjencave (zjarrfikëse) .

Zëvendësuesi i Drejtorit të Përgjithshëm të Akademisë, Kastriot Jashari, e njoftoi Bolcar për të arriturat e përgjithshme, pwr shkollimin në Fakultetin e Sigurisë Publike, bashkëpunimin ndërkombëtar  si dhe për  bashkëpunimin me KFOR-in që ka Akademia.  

Duke folur për proceset e  rëndësishme  nëpër të cilat ka kaluar Akademia, Jashari tha ky institucion është në funksion të trajnimit dhe arsimimit të lartë për të gjithë zbatuesit e ligjit në institucionet e sigurisë.

Në fund zv/drejtori Jashari e falënderoi Bolcar për vizitën dhe për mundësinë e thëllimit të bashkëpunimit mes Ekipit Këshillues dhe Ndërlidhës të NATO-s  dhe Akademisë së Kosovës për Siguri Publike.

Gjatë vizitës së tij përfaqësuesi i Ekipit Këshillues dhe Ndërlidhës i NATO-s  Joseph M. Bolcar vizitoi kampusin e AKSP-së.

 

Vushtrri, 12 dhjetor 2022 – Akademia e Kosovës për Siguri Publike (AKSP), sot ka pranuar donacion, pajisje të ndihmës së parë, nga  Qeveria e Luksemburgut.

Këto pajisje u cilësuan si shumë të nevojshme për Akademinë dhe për zyrtaret e sigurisë publike të cilët trajnohen në Akademi.

Ky donacion është dëshmi për thellimin e bashkëpunimit në mes të Akademisë së Kosovës për Siguri Publike dhe Qeverisë së Luksemburgut, respektivisht ambasadën e Luksemburgut në Kosovë.

Më rastin e pranim dorëzimit të këtij donacion, u tha se pajisjet janë moderne të cilat do të përdorën për nevojat e zbatuesve të ligjit gjatë zhvillimit të trajnimeve në fushën e ndihmës së parë.

Seti i pajisjeve që i është dhuruar Akademisë përfshinë; Tre defibrilatorë të jashtëm, tri kabinete të ndihmës së parë, të cilat vendosen në muri, dhe tre CPR maska për ndihmën e parë.

Gjatë pranim dorëzimit të pajisjeve,  palët  nga Akademia dhe ajo nga Luksemburgu janë dakorduar  që bashkëpunimi të vazhdojë edhe më tutje, duke zhvilluar kështu aktivitete dhe duke realizuar projektet të ndryshme në kuadër të interesave të përbashkëta.

 

Vushtrri, 6 dhjetor 2022 – Zëvendësuesi i Drejtorit të Përgjithshëm të Akademisë së Kosovës për Siguri Publike, Kastriot Jashari, priti sot në takim një delegacion nga Ambasada e Shteteve të Bashkuara të Amerikës në Kosovë, në përbërje të të cilit ishin Remzije Potoku, specialiste për politika të arsimit në  këtë ambasadë,  Gresë Koca, asistente e angazhimit publik dhe Nora Nimani Musa, koordinatore e programit të Këshillave Amerikanë për Arsim Ndërkombëtar në Kosovë.

Qëllimi i vizitës ishte prezantimi  rreth ecurisë së Projektit të eksplorimit të  hetimit kibernetik dhe rritjes së sigurisë kibernetike të zbatimit të ligjit në Kosovë.

Ky projekt është duke u zbatuar qe dy javë në Akademi  përmes programit të specialistëve Fullbright të Shteteve të Bashkuara të Amerikës nga profesori Michael Losavio nga Universiteti Lousville i SHBA-ve.

Gjatë këtij takimi u diskutua rreth bashkëpunimit dhe partneritetit reciprok në mes të Akademisë së Kosovës për Siguri Publike dhe ambasadës së Shteteve të Bashkuara të Amerikës në Kosovë në fushën e arsimit. Fokus i këtij takimi ishin projektet e planifikuara që do të realizohen në Akademi tani dhe në një të ardhme të afërt.

Zëvendësuesi i Drejtorit të Përgjithshëm të Akademisë së Kosovës për Siguri Publike, Kastriot Jashari, i dëshiroi mirëseardhje delegacionit, ndërkohë që i informoi për zhvillimet në Akademi.   

Gjatë këtij takimi  Jashari  foli për trajnimet që mbahen në Akademi  për projektet që janë realizuar, konkretisht  rreth projektit të eksplorimit të hetimit kibernetik dhe rritjes së sigurisë kibernetike të zbatimit të ligjit në Kosovë, i cili është duke u realizuar në  përkrahje të ambasadës së SHBA-ve në Kosovë.

Ai me këtë rast falënderoi të gjithë mekanizmat e ndërlidhur të SHBA-ve për realizimin e këtij projekti.  Jashari falënderoi edhe Muhamed Gërxhaliun, ekspert i jashtëm i cili është i angazhuar vullnetarisht për këtë projekt dhe grupin punues përkatës të Akademisë.

Duke folur për bashkëpunimin që Akademia ka me  ambasadën amerikane në Kosovë, konkretisht me ICITAP-in,  Jashari tha se ndihma e  SHBA-ve është e nevojshme për vendin tonë, ndërkohë shfaqi shpresën se bashkëpunimi me SHBA-të do të vazhdojë edhe më tutje.

 
“Falënderoj Shtetet e Bashkuara të Amerikës për kontributin e dhënën në  Akademi.  Akademia është në funksion të trajnimit dhe arsimimit të lartë për të gjithë zbatuesit e ligjit në institucionet e sigurisë”, tha Jashari.

Ndërsa, Remzije Potoku, specialiste për politika të arsimit në  këtë ambasadë vlerësoi lartë punën në realizimin e këtij projekti, duke arritur që shumë shpejt të përfundohet kurrikula për hetimin dhe sigurinë kibernetike në nivelin fillestar si trajnim për të gjithë zbatuesit e ligjit në Kosovë. Ajo më tej shprehu përkrahjen e ambasadës së SHBA-ve në Kosovë për zgjerimin e këtij projekti dhe inkurajoi zyrtarët e lartë të Akademisë, të pranishëm në këtë takim, që të aplikojnë dhe të përfitojnë sa më shumë nga projektet e SHBA-ve në fushën e arsimit që i dedikohen Kosovës.

Kurse, Nora Nimani Musa koordinatore e programit të Këshillave Amerikanë për Arsim Ndërkombëtar në Kosovë,  foli për ecurinë e inicimit, realizimit dhe zhvillimit të këtij projekti.


 

Estoni, 01 dhjetor 2022 –  Akademia e Kosovës për Siguri Publike (AKSP) është shembull për të mirë në rajon dhe Evropë se si realizohen projekte në mënyrë kaq të suksesshme, kështu u vlerësua në konferencën ndërkombëtare “Arsimi i sigurisë dhe arsimi në siguri”, e cila u mbajt në Tallinn të Estonisë.

Në këtë konferencë, e cila u organizua nga Akademia e Estonisë e Shkencave të Sigurisë, kanë marrë pjesë dy përfaqësues të Akademisë së Kosovës për Siguri Publike: Vilard Bytyqi, profesor në Fakultetin e Sigurisë Publike dhe Skender Agaj, zyrtar për marrëdhënie me jashtë.

Gjatë kësaj konference, në njërin sesion të së cilës u diskutua roli i arsimit në fushën e sigurisë dhe bashkëpunimin ndërkufitar, të pranishmit vlerësuan se Akademia e Kosovës për Siguri Publike si rezultat i punës në zbatimin e projekteve që i dedikohen arsimit dhe sigurisë, sot ofron trajnime dhe arsim cilësor.

Përfaqësuesit e Akademisë në konferencë janë paraqitur më temën “Përvoja e një partneri të jashtëm në zhvillimin e sigurisë së brendshme përmes bashkëpunimit ndërkombëtar”. Në këtë prezantim u fol rreth përvojës që Akademia ka marrë gjatë të dyja projekteve të binjakëzimit të financuara nga BE-ja dhe të implementuara nga Estonia dhe Finlanda, projekte të cilat kishin për qëllim fuqizimin e arsimit në fushën e sigurisë publike.

Në kuadër të kësaj konference, përfaqësuesit nga Akademia, Bytyqi dhe Agaj, vizituan qendrën studimore të policisë në Paikuse, ku u njoftuan me pasqyrën e kurrikulave, modelin e arsimit të integruar dhe trajnimeve të përbashkëta, terrenet e trajnimit dhe metodologjitë përkatëse, bashkëpunimin me organizatat partnere etj.  

Përveç pjesëmarrësve nga Kosova, në këtë konferencë morën pjesë edhe përfaqësues nga CEPOL-i, Finlanda, Gjermania, Holanda, Polonia etj.

Përndryshe, Akademia e Kosovës për Siguri Publike ka bashkëpunim me Akademinë e Shkencave të Sigurisë nga Estonia që nga 5 shtatori 2013, kur ka nënshkruar marrëveshje të bashkëpunimit reciprok.

Po ashtu të dyja institucionet bashkëpunojnë edhe nëpërmes programit Erasmus+, ku ka shkëmbim përvojash mes studentëve, mësimdhënësve dhe stafit administrativ nga  Estonia dhe Kosova
   

Vushtrri, 22 nëntor  2022 –  Kadetët e gjeneratës së 57 të Policisë së Kosovës sot filluan paradën e mëngjesit më një minutë heshtje  në nderim të kolegut të tyre Flordian Shabaj i cili humbi jetën  dje, me datën 21.11.2022,  në një aksident trafiku.

Në nderim të kadetit Shabaj, zëvendësuesi i Drejtorit të Përgjithshëm të Akademisë së Kosovës për Siguri Publike Kastriot Jashari, shpreh ngushëllimi familjes së Shabaj, kolegeve të tij dhe gjithë farefisit.

Familjes së Flordianit dhe kolegëve të tij ngushëllime iu shprehu edhe  Driton Zabërgja nënkolonel në Policinë e Kosovës.

Telegram ngushëllime nga Akademia e Kosovës për Siguri Publike 

E nderuara familja Shabaj, në emër të të gjithë stafit të Akademisë së Kosovës për Siguri Publike shprehim ngushëllimet më të sinqerta familjes për humbjen e më të dashurit të tyre!

Flordiani ishte një kadet i shkëlqyeshëm më virtyte të larta njerëzore, ndarja e tij nga jeta është një humbje e madhe jo vetëm për familjen, por edhe për institucionin tonë.
Duke bashkëndjerë dhimbje më ju, ngushëllime të gjithë familjarëve, miqve dhe kolegëve!  
 

Zëvendësuesi i Drejtorit të Përgjithshëm të Akademisë së Kosovës për Siguri Publike

Kastriot Jashari

Prishtinë, 17 nëntor 2022 – Në Akademinë e Kosovës për Siguri Publike sot u nënshkrua marrëveshja e bashkëpunimit me  Fakultetin e Sigurisë në Universitetin “St.Kliment Ohridski” Manastir  në Maqedoninë e Veriut. 

Marrëveshj u nënshkrua   nga zëvendësuesi i Drejtorit të Përgjithshëm të Akademisë së Kosovës për Siguri Publike, Kastriot Jashari,  dhe dekanit të Fakultetit të Sigurisë në Universitetin “St.Kliment Ohridski” Manastir në Maqedoninë e Veriut, Nikola Dujovski.

Qëllimi i marrëveshjes është vazhdimi i bashkëpunimit afatgjatë dhe të qëndrueshëm në mes të dy institucioneve për të përkrahur objektivat e tyre strategjike në fushën e arsimit të lartë, hulumtimit dhe zhvillimit si dhe në marrëdhëniet me publikun.

Zv/drejtori i Akademisë së Kosovës për Siguri Publike Kastriot Jashari, tha se nënshkrimi i marrëveshjes më Maqedoninë e Veriut   është shumë i rëndësishëm për Akademinë dhe për çdo zyrtarë të sigurisë publike.  

Jashari tha se Akademia është e gatshme të nënshkruaj çdo marrëveshje që ka të bëjë më përmirësimin dhe avancimin e zbatuesve të ligjit.

“Marrëveshjet hapin rrugë për bashkëpunim në fushën e trajnimeve që kanë për qëllim avancimin e gjithë atyre që merren më fushën e  sigurisë”, tha Jashari.

Edhe dekani i Fakultetit të Sigurisë në Universitetin  “St.Kliment Ohridski” Manastir në Maqedoninë e Veriut, Nikola Dujovski, tha se nënshkrimi i marrëveshjes është shumë i rëndësishëm sepse kontribuon në avancimin e institucioneve dhe zyrtarëve të sigurisë.

Dujovski e përgëzoi Akademinë e Kosovës për Siguri Publike për zhvillimin e saj më hapa të sigurt.

Marrëveshja e bashkëpunimit mes dy institucioneve të sigurisë përfshinë zhvillimin dhe bashkërendimin e arsimit në arsimin e lartë dhe arsimin e vazhdueshëm profesional; Lidhjet e hulumtimit, shkëmbimin e informatave dhe rezultateve, vizitat e personelit hulumtues dhe ofertat për financim të hulumtimit nga Bashkimi Evropian dhe agjencitë tjera ndërkombëtare në fushat e policimit, sigurisë së brendshme dhe zbatimit të ligjit; Shkëmbimin dhe vizitat e personelit për këshilla dhe bashkërendim të standardeve, kurseve dhe zhvillim të kurrikulës dhe çështje të tjera arsimore dhe pedagogjike; Përkrahjen e mentorimit, këshillimit dhe trajnimit për personelin akademik dhe administrativ.

Po ashtu në marrëveshje përfshihet edhe shkëmbimi akademik ndërmjet dy institucioneve do të inkurajohet brenda kornizës të marrëveshjes së përgjithshme dhe do të përdoret për hulumtim të mëtejmë dhe zhvillim të trajnimeve dhe studimeve në fushat e definuara të interesit të përbashkët.



Ndryshe në fazat fillestare të marrëveshjes së bashkëpunimit, personeli i të dy institucioneve do të përpiqet të identifikojë fushat e interesave të përbashkëta të hulumtimit dhe zhvillimit, përmes të cilave mund të rritet bashkëpunimi i detajuar në dobi të të dyja palëve. Kjo përfshin shkëmbimin e informatave të hulumtimit, e përcjellur nga delegacionet vizituese.





 

Vushtrri, 16 nëntor 2022 -  “Pandemia COVID 19 ka qenë një sfidë e madhe për institucionet e sigurisë publike në Kosovë,  rajon dhe botë”, kështu u vlerësua të mërkurën gjatë konferencës shkencore ndërkombëtare  më temën “Ndikimi i pandemisë COVID-19 në integritetin e sektorit të rendit dhe sigurisë publike” ,  të organizuar nga Akademia e Kosovës për Siguri Publike  e mbështetur nga Organizata për Siguri dhe Bashkëpunim në Evropë . 

Në hapjen e konferencës u tha se hulumtimet që do të prezantohen do të jenë  referenca shkencore  për konceptin e siguri publike.  

Zëvendësministri i Punëve të Brendshme Bardhyl Dobra i cili vlerësoj lartë organizimin e kësaj konferencë tha se hulumtimet  që prezantohet gjatë konferencës ndikojnë në mënyrë direkt në arsim, në trajnime dhe në zbatimin e politikave në institucionet e sigurisë publike. 

“Përmirësimi i arsimit dhe trajnimeve vjen si rrjedhojë direkt e hulumtimeve. Kjo konferencë shkencore do të kontribuoi në përmirësimin e veprimit të institucioneve të sigurisë publike. Hulumtimet që do të prezantohen në këtë konferencë do të jenë një mundësi e mirë për shkëmbimin e përvojave në rrafshin akademik” , tha Dobra.

Zëvendësministri Dobra falënderoi Akademinë për organizimin e konferencës dhe OSBE-në për mbështetjen që kjo konferencë të mbahet në Kosovë më një pjesëmarrje nga të gjitha vendet e botës. 

Zëvendësuesi i Akademisë së Kosovës për Siguri Publike Kastriot Jashari u shpreh i lumtur që Akademia në bashkëpunim më OSBE-në ka arritur të organizoj një konferencë  me një rëndësi kaq të veçantë, siç është trajtimi i sfidave gjatë pandemisë COVID 19. 

“Fakulteti i Sigurisë Publike vazhdimisht bën përpjekje që përveç fushës parësore që mbulon, pra studimet e larta në fushën e sigurisë publike, të ofrojë edhe një platformë hulumtimi përmes organizimit të konferencave ndërkombëtare shkencore”, u shpreh Jashari duke thënë që organizimi i kësaj konference mundëson që gjithë  studiuesit të fushës së sigurisë nga rajoni, Evropa, SHBA të japin kontributin e tyre shkencor, i cili ju ndihmon në luftimit dhe parandalimit e  fenomeneve negative. 

Jashari falënderoi OSBE-në dhe ambasadorin Davenport për mbështetjen  dhe financimin e kësaj konference. 

Ndërsa, udhëheqësi i Organizatës për Siguri dhe Bashkëpunim në Evropë më mision  në Kosovë, Michael Davenport, tha se  gjatë pandemisë, agjencitë e zbatimit të ligjit luajtën një rol vendimtar në përpjekjet për të kontrolluar përhapjen e sëmundjes  COVID 19, në   ruajtjen e rendit publik dhe promovimin e mjedisit më të sigurt për të gjitha komunitetet.

“Tani jemi me qetë sa i përket përhapjes së pandemisë dhe mendojë së është momenti i duhur të shohim së cilat janë mësimet që  kemi nxjerrë, dhe çfarë kërkime janë bërë për sfidat e veçanta më të cilat është përballur siguria publike”, u shpreh Davenport duke thënë së  misioni i OSBE-së krenohet me arritjet që janë bërë në të kaluarën. 

Davenport tha se OSBE-ja, si një organizatë e sigurisë që mbështet parimet e demokracisë, zotohet se do të vazhdojë nw mbështetjen për institucionet e zbatimit të ligjit në avancimin e aftësive të tyre për të ruajtur një ndjenjë sigurie në shoqëri.

Kryeshefi Ekzekutiv i Inspektoratit Policor të Kosovës Kushtrim Hoda  tha se si çdo institucion edhe IPK ka pas sfida gjatë periudhës së  pandemisë COVID 19. 

“Rritja e numrit të ankesave të rasteve që jemi detyruar t’i trajtojmë, të mbikëqyrim se sa Policia e Kosovës po i zbaton masat dhe vendimet e qeverisë ka qen një sfidë”, tha Hoda. Hoda tha se organizimi i konferencës  është shumë më rëndësi pasi që do të trajtohen të gjitha çështjet më të cilat janë ballafaquar institucionet e sigurisë publike gjatë pandemisë. 

Taibe Canolli kolonele në Policinë e Kosovës foli për punën e policisë gjatë periudhës së pandemisë. 

Canolli tha se edhe për Policinë  e Kosovës periudha gjatë pandemisë ka qenë një sfidë. Canoli vlerësoj së organizimi i konferencës në fjalë do të mundësoi që institucionet e sigurisë publike do të shkëmbejnë përvojat e tyre dhe sfida më të cilat janë ballafaquar gjatë pandemisë. 

Në konferencë kanë marrë pjesë  ekspertë të fushës së sigurisë nga Kosova, Shtetet e Bashkuara të Amerikës, Mbretëria e Bashkuar, Finlanda, Belgjika, Polonia, Turqia, Shqipëria,  Mali i Zi, Maqedonia e Veriut etj, të cilët kanë paraqitur  gjetjet e tyre për çështjet e sigurisë publike dhe ndikimin e pandemisë COVID-19.

Konferenca ka zgjatur dy ditë më radhë, dhe është konferenca e katër shkencore ndërkombëtare e organizuar nga Akademia e Kosovës për Siguri Publike

Vushtrri, 8 nëntor 2022 - Zëvendësuesi i Drejtorit të Përgjithshëm të Akademisë së Kosovës  për Siguri Publike Kastriot Jashari priti sot në takim një delegacion nga  Institucioni i të Miturve në Akademinë e Trajnimeve nga Shqipëria , nga Maqedonia e Veriut  dhe nga Komiteti Holandez i Helsinkit.

Delegacioni ishte i përbërë nga Marinela Alia drejtoresha në Institucionin e të Miturve  nga Shqipëria,  Mavrodi Karpicarov drejtor  në Institucionin e të Miturve nga Maqedonia e Veriut  dhe nga Annette Van Den Bosch eksperte  në Komitetin Holandez në Helsink,

Qëllimi i vizitës ishte diskutime rreth zbatimit të projektit rajonal “Drejt një mjedisi të sigurt, stimulues dhe rehabilitues të burgjeve për fëmijët dhe të miturit në konflikt me ligjin në Shqipëri, Kosovë dhe Maqedoninë e Veriut”.

Zëvendësuesi i Drejtorit të Përgjithshëm në Akademinë e Kosovës për Siguri Publike Kastriot Jashari duke iu dëshiruar mirëseardhje falënderoj Komitetin Holandez në Helsink për kontributin e tyre të dhënë në zbatimin e projektit .  Jashari vlerësoi se nga ky projekt kanë përfituar të gjitha institucionet respektive në Kosovë, Shqipëri dhe Maqedoninë e Veriut.
Ndërkohë drejtori Jashari  i njoftoi  delegacionin rreth  zhvillimeve dhe të arriturat në Akademi.

Ndërsa, Annette Van Den Bosch eksperte në Komitetin Holandez në Helsink e falënderoi Akademinë për mikpritje  për të shkëmbyer përvoja mes shteteve.  
 “Me punën profesionale dhe përkushtimin në zhvillimin e saj institucional, Akademia është një institucion i arsimit në siguri publike model për tu përcjellë”,  u shpreh Van Den Bosch  duke thënë   fal bashkëpunimit  mes Akademisë Shërbimit Korrektues të Kosovës dhe Komitetit Holandez  të Helsinkit në Kosovë në kuadër të projektit janë arritur rezultate të mira.  Tutje gjatë takimit u tha se në kuadër të projektit janë zhvilluar trajnime që kanë pasur për qëllim ngritjen e kapaciteteve në Shërbimin Korrektues për zhvillimin e mëtejshëm të procesit të risocializimit dhe ri integrimit të fëmijëve dhe të miturve në konflikt me ligjin.

Gjatë takimi janë zhvilluar disa prezantime që lidhen me trajnimet  në fushën e delikuencës së të miturve në bashkëpunim në mes AKSP, SHKK dhe NHC, anëtarësimi i Akademisë në institucionet ndërkombëtare të sigurisë dhe mbarëvajtja e trajnimeve dhe arsimit të lartë në Akademi.

Në takim morën pjesë përfaqësues nga Akademia e Kosovës për Siguri Publike dhe përfaqësues të agjencive të sigurisë publike.