Filloi trajnimi profesional për 57 kadetë të Doganës së Kosovës
Vushtrri, 27.01.2025 - Sot në Akademinë e Kosovës për Siguri Publike (AKSP), pas një kohe relativisht të gjatë, ka filluar trajnimi profesional i gjeneratës së parë nga dy gjenerata për këtë vit i Doganës së Kosovës (DK). Kjo gjeneratë ka 57 kadetë, prej të cilëve 37 janë meshkuj dhe 20 femra. Ky trajnim profesional përmban gjithsej 10 module, prej të cilëve 9 janë obligative dhe 1 zgjedhor. Trajnimi parashihet të zgjasë për 24 javë.
