Lajmet

Vushtrri, 08 dhjetor 2023 – Në Akademinë e Kosovës për Siguri Publike (AKSP), sot  trembëdhjetë zyrtarë policorë përfunduan trajnimin për operatorë të Njësisë së Mbrojtjes së Afërt.

Në ceremoninë e çertifikimit morën pjesë  zëvendësuesi i Drejtorit të Përgjithshëm të Akademisë së Kosovës për Siguri Publike, Kastriot Jashari, Drejtori i Përgjithshëm i Policisë së Kosovës, Gazmend Hoxha, instruktorët e këtij trajnimi dhe zyrtarë tjerë të institucioneve të sigurisë publike.

Zëvendësuesi i Drejtorit të  Përgjithshëm të Akademisë së Kosovës për Siguri Publike Kastriot Jashari i falënderoi  instruktoret për kontributin e dhënë në bartjen e përvojave tek zyrtarët policor.

Jashari tha se ky është një trajnim mjaftë i rëndësishëm për Policinë e Kosovës, trajnim ky i cili do të kontribuoj në punën dhe përgjegjësit e tyre.  Jashari tha se Akademia ka dhënë dhe do të vazhdojë jap përkrahje çdo zyrtari të sigurisë publike.

Drejtori i Përgjithshëm i Policisë së Kosovës, Gazmend Hoxha, tha se puna e policisë është më përgjegjësi të lartë. Hoxha  i inkurajoj operatorët e sapo diplomuar  që të punojnë më përgjegjësi dhe profesionalizëm.  

Trajnimi për operatorët të  mbrojtjes së afërt ka zgjatur dymbëdhjetë javë.
 


 

Vushtrri, 07 dhjetor 2023 -Në   Akademinë e Kosovës për Siguri Publike (AKSP) sot u mbajt tryezë shkencore me titull “Çështjet me bazë gjinore dhe adresimi i problemeve me bazë gjinore”, temë kjo e trajtuar në kohën kur në Kosovë po shënohet  “16 ditët e aktivizimit kundër dhunës me bazë gjinore”. 

Qëllimi  ishte për të diskutuar rreth rritjes së vetëdijesimit  për të drejtat e grave dhe parandalimin e dhunës ndaj tyre. 

Gjatë mbajtjes së kësaj tryezë pjesëmarrësit përmes prezantimeve të tyre rekomanduan fuqizimin e veprimeve nga institucionet  për t’i dhënë fund dhunës ndaj grave. 

Zëvendësuesi i Akademisë së Kosovës për Siguri Publike,  Kastriot Jashari tha se trajtimi i temave për barazinë gjinore janë shumë të nevojshme dhe të rëndësishme. 

Drejtori Jashari,  vlerësoj se  institucionet e vendit në vazhdimësi po bëjnë përpjekje maksimale për avancimin dhe integrimin e  pozitës së femrës.

“Konsideroj që gjithmonë ka vend për avancim, aq më shumë duke pasur parasysh faktin që Kosova para 23 vitesh ka dalë nga lufta,  ndërsa krahasuar me vendet e rajonit besoj që qëndrojmë  më mirë, jo vetëm në gatishmërinë Institucionale, por edhe në vetëdijen kolektive e shoqërore në avancimin e pozitës së femrës në Kosovë”, u shpreh Jashari.

Jashari tha se shkeljet e të drejtave të gruas duhet të trajtohen shpejtë dhe më kujdes të veçantë.

Shefja e kabinetit në ministrinë e Punëve të Brendshme, Jeta Tela, vlerësoj se  diskutimet rreth trajtimit dhe adresimit të problemeve në baza gjinore  është i nevojshëm dhe i domosdoshëm. 

“Shumë  gra e vajza pa dallim moshe, etnie,  se a janë të punësuara apo amvise,  se ku jetojnë në fshat apo qytet, përjetojnë dhunë sistematike mbi baza gjinore si fizike ashtu edhe psikologjike”, u shpreh Tela, duke thënë se adresimi i dhunës në baza gjinore kërkon  një mobilizim institucional e serioz në trajtimin e saj. 

Të pranishmit që ishin pjesë e kësaj tryezë bënë disa prezantimit lidhur më dhunën dhe adresimin e saj në baza gjinore. 

Zijavere Kiqmezi nga  Dogana e Kosovës në punimin e saj foli rreth barazisë  gjinore, diversiteti dhe përfshirja e grave në Institucionet e Sigurisë Publike.   

Kiqmezi  përmendi sfidat më të cilat përballen gratë dhe vajzat  në avancimin e tyre  në pozita drejtuese. Po ashtu foli edhe për seksizmin në vendet e punës dhe diskriminimin e tyre. Ndërsa Nebih Halili nga Shërbimi Korrektues i Kosovës u paraqit me temën “Barazia gjinore: koncepti dhe të drejtat” . 

Mediana Bislimi nga organizata  “Qendra për bashkëpunim dhe rrjetëzim të organizatave” në prezantimin e saj  trajtoi temën  “Roli i shoqërisë civile në vetëdijesimin rreth çështjeve gjinore në Kosovë”. 

Po ashtu gjatë diskutimeve  me prezantim shkencor u paraqit edhe dekani i Fakultetit  të Sigurisë Publike  Ferid Azemi  me temën  “Adresimi i dhunës ndërpartner”.

Kurse Vilard Bytyci profesor në Fakultetin e Sigurisë Publike  foli rreth ndikimit të Konventës së Stambollit në legjislacionin e Kosovës, sfidat praktike të zbatimit. Konventë kjo e cila kundërshton dhunën ndaj grave dhe dhunën në familje

Në fund të pranishmit dhanë koment dhe rekomandime se si të adresohet dhuna në baza gjinore dhe të eliminohet kjo dukuri. 

Të pranishëm në këtë konferencë ishin përfaqësues nga Organizata për Siguri dhe Bashkëpunim në Evropë (OSBE) Shpresa Mulliqi dhe Shpresa Muharremi, përfaqësues nga EULEX-i, nga KFOR-i, përfaqësues nga ICITAP-i në Kosovë dhe përfaqësues nga institucionet e sigurisë publike në vend. 

Vushtrri, 05 dhjetor 2023 -Sqarim lidhur me artikullin e publikuar dje, me datën 04.12.2023 në  disa  media me titull “Protestojnë punëtorët teknikë të Akademisë Policore në Vushtrri, shkak pagat e ulta”.

 
Akademia e Kosovës për Siguri Publike (AKSP)  njofton opinionin publik se lajmi i publikuar në disa media nuk është  korrekt.
 
 
Me qëllim të informimit të  drejtë  të opinionit publik, Akademia e Kosovës për Siguri Publike sqaron se punëtorët,  të cilët kanë shprehur pakënaqësitë e tyre, nuk janë punëtorë të Akademisë. Këta janë punëtorë të kompanisë së pastrimit “SCHAFBERGER” e cila  ka fituar të drejtën  për mirëmbajtje të ambientit të Akademisë. Që do te thotë për këta punëtorë nuk është përgjegjëse Akademia, por kompania në fjalë,  për të cilën ata punojnë.
 
 
Andaj me qëllim të informimit të drejtë  të opinionit publik, ju lutem informacionet dhe konfirmimet zyrtare mund të merren nga  zyra përgjegjëse për media në Akademinë e Kosovës për Siguri Publike.
 
Për fund emri i institucionit nuk është Akademia Policore siç është cituar në media, por Akademia e Kosovës për Siguri Publike.    
 

Vushtrri, 24 nëntor 2023 – Që nga sot Shërbimit Korrektues të Kosovës (SHKK)  do t’i bashkohen edhe 45 zyrtarë të rinj. Pas një trajnim shtatë mujor në Akademinë e Kosovës  për Siguri Publike (AKSP), sot diplomoi gjenerata e 43 e kadetëve  të Shërbimit Korrektues të Kosovës.

Në ceremoninë e diplomimit të gjeneratës së 43 të kadetë të zyrtarëve korrektues, Shërbimi Korrektuese i Kosovës  shënoi  24 vjetorin e themelit të saj. 

Kryeministri i Republikës së Kosovës Albin Kurti, në ceremoninë e diplomimit të kësaj gjeneratës, tha  se Shërbimi Korrektues i Kosovës më qëllim të ngritjes së kuotës me sukses po çertifikon 45 korrektuese gra.   Duke e uruar SHKK për përvjetorin e themelimit të saj, kryeministri Kurti tha se shënimi i përvjetorëve  të  këtyre institucioneve  ka rëndësi të veçantë kur progresi i tyre është evident, kur efikasiteti  i shërbimeve është drejtë lartësisë së dëshirueshëm, kur ne mburremi më këto suksese dhe inkurajohemi për më shumë punë  në të ardhmen. 

Kryeministri Kurti tha se Shërbimi Korrektues i Kosovës është institucion i cili duhet të garantojë sigurinë e secilit të dënuar dhe mundësinë  e korrektimit të individëve të cilët në të kaluarën kanë bërë veprime të gabuara apo të tilla, të cilët sanksionohen me ligjet e republikës së sonë.

Kryeministri Kurti tha se Shërbimi Korrektues i Kosovës është në rrugë të mbarë të garantimit të një mjedisi të sigurt për të gjithë,  me ambiente rehabilituese e risocializuese.

 “Në proces është edhe themelimi i institucioneve  për trajnimin dhe trajtimin e personave më nevoja të veçanta, personave të moshuar që kanë nevojë për mbështetje dhe kujdes të vazhdueshëm, personave  më sëmundje kronike, personave  varës  nga substancat të ndryshme”, tha kryeministri Kurti.  

Ndërsa, zëvendësuesi i Drejtorit të Përgjithshëm të Akademisë së Kosovës për Siguri Publike Kastriot Jashari, në ceremoninë e diplomimit  të gjeneratës së 43 të kadetëve korrektues, e uroi SHKK për 24 vjetorin e themelimit të saj.

Jashari tha se  Shërbimi Korrektues i Kosovës është institucion me rëndësi shumë të madhe për vendin i cili ka një mision thelbësor dhe sfidues.

 “Shërbimi Korrektues i Kosovës dhe Akademia e Kosovës për Siguri Publike kanë bashkëpunim të shkëlqyer, ky bashkëpunim është përkthyer në rritjen e nivelit të cilësisë në mësimdhënie dhe  mësim nxënie për  kadetët korrektues”, tha Jashari.

Duke i uruar kadetët e sapo diplomuara, drejtori Jashari tha se  aftësitë, shkathtësitë dhe kompetencat të cilat i kanë  përfituar nga pjesa teorike dhe praktike  në kuadër të trajnimit profesional në Akademi,  tani më duhet t’i përdorin në ushtrim të detyrave dhe veprimeve praktike në misionin e tyre të shenjtë.

“Kjo gjeneratë e përbërë nga 45 femra është inkurajim dhe motiv shtesë se sa  lartë mund të ngjitemi në ushtrimin e  përgjegjësive shtetërore sa i përket rolit dhe rëndësisë së femrës në Republikën e Kosovës”, u shpreh Jashari.

Ministria e Drejtësisë Albulena Haxhiu, duke i uruar kadetët në diplomimin e tyre iu uroi suksese në punën e tyre të shenjtë. Ministria Haxhiu tha se Shërbimi Korrektues i Kosovës është institucion që ka shënuar progres,  si në infrastrukturë ashtu edhe në cilësinë e shërbimit dhe të profesionalizmit.

Ministria gjatë kësaj ceremonie  kërkoi  nga zyrtarë që punën e tyre ta kryejnë me nder dhe përgjegjësi të lartë.

Drejtori i Përgjithshëm i Shërbimit Korrektues të Kosovës, Ismail Dibrani, u shpreh i lumtur  që sot SHKK  po shënon dy suksese diplomimin e gjeneratës së 43 të kadetëve të zyrtarëve korrektues dhe 24 vjetori i themelimit të SHKK-së.

Drejtori Dibrani tha se do të vazhdojnë të punojnë me përkushtim për t’i promovuar vlerat e drejtësisë.

Vushtrri, 23 nëntor 2023 – Anëtaret e Bordit të Akademisë së Kosovës për Siguri Publike (AKSP) sot mbajtën mbledhjen e radhës ku temë diskutimi ishte rrjedha e trajnimeve si dhe procesin i ri-akreditimit të Akademisë si institucion ofrues i arsimit dhe aftësimit profesional.  

Pas aprovimit të procesverbalit të takimit të fundit të bordit, zëvendësuesi i drejtorit të Përgjithshëm të Akademisë Kastriot Jashari foli rreth aktiviteteve që janë zhvilluar kohëve të fundit në Akademi.

Duke përshëndetur anëtaret e bordit,  drejtori Jashari  tha se rrjedha e trajnimeve dhe zhvillimeve të aktiviteteve tjera është duke shkuar sipas planë programit të Akademisë. 

Temë diskutimi gjatë takimit ishte edhe nënshkrimi i marrëveshjeve të mirëkuptimit më institucionet e sigurisë publike në vend .

 Drejtori Jashari tha se Akademia e Kosovës për Siguri Publike është e gatshme  tu shërbej të gjitha agjencive të sigurisë publike duke iu ofruar trajnime dhe arsim të lartë. 

Gjatë takimit u shqyrtua edhe draft plani i trajnimeve për vitin 2024, planë ky që përfshin trajnime për të gjitha institucionet e sigurisë publike në vend, siç janë; Policia e Kosovës, Shërbimi Korrektues i Kosovës, Dogana e Kosovës, Shërbimi Sprovues i Kosovës Agjencia e Menaxhimit Emergjent dhe Inspektorati Policorë e Kosovës.

Po ashtu anëtaret e bordit u informuan edhe  rreth procesit të arsimit të lartë në Akademi. 

Në këtë takim morën pjesë  zëvendësuesi i Drejtorit të Përgjithshëm të Akademisë Kastriot Jashari, Kryeshefi Ekzekutiv i Inspektoratit Policor të Kosovës Kushtrim Hodaj njëheri edhe kryesues i Bordit të Akademisë, Drejtori i  Përgjithshëm i Shërbimit Korrektues të Kosovës  Ismail Dibrani, zëvendësuesi i Drejtorit të Përgjithshëm i Agjencisë për Menaxhimin Emergjent Shefki Avdullahu, Drejtori I Përgjithshëm i Shërbimit Korrektues të Kosovës Arsim Tahiri dhe Betim Llapashtica nga Organizata për Siguri dhe Bashkëpunim në Evropë (OSBE) më mision në Kosovë. 

Vushtrri, 15 nëntor 2023 – Në Akademinë e Kosovës për Siguri Publike (AKSP) sot u shënua  “Dita e Informimit për Komunitete”, ku morën pjesë mbi njëqind të rinj nga të gjitha komunitetet që jetojnë në Kosovë.

Qëllimi i organizimit të kësaj ngjarje ishte që të rinjtë e komuniteteve  të informohen rreth procesit të integrimit në institucionet e sigurisë publike.  

Në këtë aktivitet të rinjtë patën mundësi të mësojnë për rolin, misionin dhe vizionin e të gjitha institucioneve të sigurisë publike, nga Policia e Kosovës, Shërbimi Korrektues i Kosovës, Shërbimin Sprovues, Inspektoratin Policor të Kosovës, Doganat e Kosovës dhe Agjencia e Menaxhimit Emergjent etj.


Kryeministri i Republikës së Kosovës Albin Kurti, vlerësoi lart punën në Akademi duke thënë se ky është një institucion shumë me rëndësi për të gjithë zyrtarët e sigurisë publike dhe për vendin.

“Që qytetarët e Kosovës të ndihen të sigurt kudo që gjinden - nga Leposaviqi në Dragash; prej Gjakovës në Kamenicë - që këta të rehatohen anembanë territorin e shtetit tonë, varemi nga Vushtrria”, u shpreh kryeministri Kurti.

Duke cituar sloganin që gjendet në Akademi, “Policia është e popullit dhe populli është e policisë”, kryeministri Kurti tha se që agjencitë të përbëhen nga populli, kërkohet që të gjitha komunitetet në Kosovë të përfaqësohen në mënyrë adekuate.
Ai tha se me integrimin e komuniteteve në institucionet e sigurisë është shënuar progres.

Më këtë rast kryeministri Kurti ka përmendur edhe punën e Policisë së Kosovës duke thënë se në mandatin e qeverisjes së tij janë organizuar mbi 1000 operacione policore kundër krimit të organizuar dhe kontrabandës, janë shkatërruar mbi 100 grupe kriminale, janë shkatërruar 16 laboratorë të drogës dhe janë arrestuar mbi 3800 persona.

Kryeministri Kurti është shprehur i lumtur që të rinjtë e komuniteteve  kanë shprehur interesim për karrierë dhe mundësitë e ofruara përmes Akademisë së Sigurisë Publike.

Kryeministri Kurti i inkurajoi të rinjtë që të shfrytëzojnë  këtë mundësi të shkëlqyer për të mësuar rreth mundësive dhe procesit të aplikimit, për ta bërë kështu Akademinë e Kosovës për Siguri Publike pjesë të planeve dhe ëndrrave të tyre. “Besoj se në këtë mënyrë ju mund të përfitoni shumë, por gjithashtu e di që Kosova do të përfitojë shumë nga shërbimi juaj”, tha Kurti.

Ministri i Punëve të Brendshme Xhelal Sveçla tha    se Akademia e Kosovës për Siguri Publike ka ngritur gjenerata të tëra që sot janë pjesë e institucioneve të sigurisë publike.
“Ky takim i përbashkët është një mundësi e mirë e njoftimit tuaj me punën e institucioneve të sigurisë dhe me mundësinë e bashkimit tuaj me ne në këtë rrugëtim të përbashkët në forcimin e shtetit tonë. Radhët tona mirëpresin secilin prej jush”, tha Sveçla.  

Ministri, Sveçla tha se institucionet e sigurisë do të jenë gjithmonë të hapura për të gjitha komunitetet që jetojnë në Kosovë,  me qëllim për rrugëtimin e përbashkët për forcimin e shtetit. “Në historinë e themelimit të institucioneve tona dhe në ngritjen e kapaciteteve tona,  pjesë e pandashme është edhe kontributi nga të gjitha komunitetet. Diversiteti është vlerë dhe jam i lumtur që kemi pjesëtarë nga të gjitha komunitetet në të gjitha nivelet”, tha Sveçla

Ministri për Kthim dhe Komunitet Nenad Rashiq,  tha se të rinjtë e të gjitha komuniteteve  e kanë vendin në institucionet e vendit, sidomos në ato të sigurisë. “Akademia për mua simbolizon një fill, një bashkëpunim për të gjithë ne, një përparim,  një zhvillim për të ardhmen. Pasi jemi në këtë vend nuk e di se ku do të ishte vendi më i përshtatësh për ju rini që të jeni këtu.... Për mua kjo akademi është besueshmëri, zgjedhje dhe ardhmëri”, tha Rashiq.


Zëvendësuesi i Drejtorit të përgjithshëm të Akademisë së Kosovës për Siguri Publike, Kastriot Jashari, u shpreh i lumtur që Akademia ka qenë dhe vazhdon të jetë shembull i mirë i bashkëpunimit me të gjitha komunitetet në Kosovë,  në fushën e trajnimeve dhe arsimit të lartë në sigurinë publike.

“Akademia si shtëpi e përbashkët e  institucioneve të sigurisë publike tashmë për një kohë të gjatë e ka natyralizuar frymën e bashkëpunimit në arritjen e objektivave kryesore institucionale dhe shtetërore” , tha Jashari.
 
Drejtori Jashari tha së shënimi i “Ditës së informimit për komunitetet” është dëshmi më e mirë  e frymës së bashkëpunimit  të plotë me të gjitha komunitetet duke bërë kështu vendin tonë shembull i të drejtave, lirive për të gjithë shoqërinë, pa asnjë dallim.

 “Vizioni ynë institucional, gjithnjë me mbështetjen e kryeministrit Kurti do të vazhdojë me avancimin e mëtutjeshme për organizime   të përbashkët për komunitete dhe lehtësim të mëtutjeshme të ushtrimit të drejtave të tyre”, tha Jashari.
 
Ndërsa, këshilltarja e kryeministrit për Çështjet e Komuniteteve, Elizabeth Katherine Gowing, falënderoi  të gjithë aktoret që kontribuan në organizimin e kësaj ngjarje.

Në shënimin  “Dita e informimit për komunitetet” kanë marr pjesë të rinj nga Ferizaj, Fushë Kosova, Graçanica, Gjakova, Lipjani, Mitrovica, Obiliqi , Prishtina, Shtimja, etj .

Vushtrri, 10 nëntor 2023 – Në Akademinë e Kosovës për Siguri Publike, dyzetë zyrtarë të institucioneve të sigurisë publike përfunduan programin Shkolla e Stafit Policor dhe Komandës.

Kjo shkollë është organizuar nga Qendra për Siguri Publike në Universitetin Northwestern të Shteteve të Bashkuara të Amerikës (SHBA), dhe është mbështetur nga Programi Ndërkombëtar i Përkrahjes së Trajnimit të Hetimit të Krimit  (ICITAP) në Kosovë.

Në ceremoninë e diplomimit morën pjesë; ambasadori i Shteteve të Bashkuara të Amerikës në Kosovës, Jeffrey M. Hovenier, ministrja e Drejtësisë, Albulena  Haxhiu, zëvendësministri i Punëve të Brendshme, Blerim Gashani, zëvendësuesi i drejtorit të përgjithshëm të Akademisë së Kosovës për Siguri Publike, Kastriot Jashari,  drejtor i përgjithshëm i Policisë së Kosovës, Gazmend Hoxha, menaxherja e Programit të ICITAP  Kimberly Riffe  si dhe përfaqësues tjerë të institucioneve vendore dhe ndërkombëtare.

Nga të pranishmit, programin e kësaj shkolle e vlerësuan si shumë të rëndësishëm në ngritjen e nivelit profesional dhe përfitimin e njohurive në fushën e sigurisë publike.

Ndryshe,  Shkolla e Stafit Policor dhe Komandës është hera e shtatë që mbahet në Akademinë e Kosovës për Siguri Publike dhe zgjatë dhjetë javë. Në këtë shkollë ligjërues kanë qenë profesor nga Universiteti Northwestern.

 

Vushtrri, 3 nëntor 2023 - Zëvendësuesi i Drejtorit të Përgjithshëm  të Akademisë së Kosovës  për Siguri Publike, Kastriot Jashari,  sot priti në takim Drejtorin e Përgjithshëm  të Policisë së Kosovë, Gazmend Hoxha .

Qëllimi i kësaj vizite  ishte për të parë nga afër  mbarëvajtjen e testi më shkrim  për kadetë të Policisë së Kosovës.

Ndryshe sot në Akademinë e Kosovës për Siguri Publike  ka filluar testi me shkrim për kadet policor.  Për  t’ju nënshtruar testit më shkrimi kandidatët janë ndarë në  tri grupe. Testi  do të zhvillohet për tri ditë radhazi, më  3,4 dhe 5 nëntor. 

Vushtrri, 30 tetor 2023 -  Në përkrahje të ERASMUS +,  “GROWTH VET  2023-2025”, përfaqësuesit e Akademisë së Kosovës për Siguri Publike se bashku më Agjencinë e Menaxhimit Emergjent dhe më Policinë e Kosovës janë duke marrë pjesë në një punëtori, qëllimi i secilës është rishikimi dhe plotësimi i përmbushjes së kurrikulave për arsimim dhe trajnim profesional, në nivel vendorë dhe ndërkombëtarë.

Gjatë kësaj punëtorie ekspertët e institucioneve relevante  kontribuan në profilizimin e njësive mësimore të cilat ndër tjerash do të pasurojnë fondin e arsimimit dhe trajnimeve profesionale për audiencë vendore.

Rezultatet e kurrikulave do të jenë të qasshme edhe për audiencë të gjerë profesionale ndërkombëtare, për mes  ligjëratave në distancë dhe me prezencë. 

Duke u bazuar në përkufizimet në kushtet e përgjithshme dhe administrimin me rezultatet e programit ERASMUS+ ,GROWTH 2023 -2025, në programin e lartë cekur partnerë  përveç Kosovës janë  edhe Shqipëria, Greqia, Mali i Zi, Bullgaria dhe Republika e Maqedonisë Veriore.

Hapat për realizimin e programit ERASMUS + “GROWTH VET  2023-2025”  do të vazhdojë me procesin e verifikimit dhe standardizimit të kurikulave, pas të cilit veprim njësitë mësimore do t’i ofrohen për vijim dhe arritje audiencës vendore dhe rajonale, si të tilla edhe arritje të verifikueshme brenda standardeve të pranuara në Bashkimin Evropian.

Vushtrri, 27 tetor 2023 -  “Siguria dhe adresimi i situatave emergjente shtetërore”, ishte tema që u diskutua sot në tryezën shkencore e cila është organizuar nga Fakulteti i Sigurisë Publike (FSP), në Akademinë e Kosovës për Siguri Publike. 

Qëllimi i tryezës ishte diskutime rreth situatës aktuale të sigurisë në Kosovë dhe sfidat më të cilat ballafaqohen institucionet e sigurisë në vend.  

Zëvendësuesi i Drejtorit të Përgjithshëm të Akademisë së Kosovës për Siguri Publike, Kastriot Jashari, tha se është  shumë e rëndësishme për të debatuar  rreth sfidave më të cilat ballafaqohen institucionet e sigurisë publike, në këtë kohë ku siç tha ai, siguria është sfidë e madhe jo vetëm për Kosovën,  por për gjithë globin. 

Jashari tha se duke u fokusuar në rreziqet aktuale dhe faktorët të cilët mund të ndikojnë në sigurinë e përgjithshme të vendit, diskutimet shkencore që do të bëhen gjatë kësaj tryeze do t’i kontribuojnë konceptit të sigurisë  publike.

Më ketë rast drejtori Jashari falënderoi partnerët ndërkombëtarë OSBE-në dhe ICITAP-in, që po vazhdojnë ta mbështesin Akademinë. Jashari tha se Akademia krahas kësaj mbështetja ka krijuar  programe profesionale mësimore që janë në përputhje me standardet ndërkombëtare. 

I pranishëm në hapjen e kësaj tryeze ishte edhe Keith Bonner nga Departamenti për Rend dhe Siguri Publike në misioni e OSBE-së në Kosovë. Bonner përgëzoj Akademinë për të arriturat e saj, ndërkohë që u shpreh se OSBE do të vazhdojë të përkrah Akademinë edhe më tutje. 

Gjatë kësaj tryeze  u prezantuan disa kumtesa shkencore që lidheshin kryesisht më sigurinë.  

John Fisher  profesor i asociuar në Universitetin e Utah Valley në SHBA, gjatë prezantimit të tij rreth çështjes së sigurisë, përgëzoj Akademinë që përmes ofrimit të trajnimeve për zbatuesit e  ligjit po ofron një siguri të mirë për vendin. 

Tema që profesori Fisher trajtoj në këtë tryezë ishte “E ardhmja e inteligjencës artificiale në sigurinë publike dhe emergjencat: A duhet të shqetësohet publike?”. Ai në prezantimin e tij përmendi llojet e kërcënimeve që shkaktojnë mos siguri. Profesor Fisher foli edhe  për përparësitë e inteligjencës artificiale, sidomos për fushën e sigurisë. 

Në ketë  tryezë u diskutua edhe situata e sigurisë së fëmijëve dhe rreziqet që atyre u paraqiten gjatë përdorimit të rrjeteve të ndryshme sociale në internet.

Dekani i Fakulteti të Sigurisë Publike, Ferid Azemi  prezantojë temën “Ndikimi i teknologjisë në viktimizimin e fëmijëve dhe adresimi i këtij fenomeni”, i cili vlerësoj se rreziqet e fëmijëve që përdorin rrjetet sociale janë të shumta.  Dekani Azemi më këtë rast përmendi edhe lojërat e shumta në internet më të cilat luajnë fëmijët. “Shumë prej tyre janë lojëra që paraqesin dhunë dhe janë të rrezikshme për fëmijët”, tha Azemi.  

Temë tjetër që u trajtua në këtë tryezë ishte edhe situata emergjente. 

Nebih Halili nga Shërbimi Korrektues i Kosovës në kumtesën e tij ka prezantuar temën “Adresimi i emergjencave në institucionin korrektues”. 

Duke folur për gjendjen aktuale të sigurisë, Gentiana Morina ish studente në Fakultetin e Sigurisë Publike prezantoi kumtesën e saj shkencore me temën “Kosova dhe siguria pas 24 shtatorit”.

Të pranishëm në këtë tryezë ishin edhe studentët e Fakulteti të Sigurisë Publike të cilët diskutuan dhe shtruan pyetje rreth çështjes së sigurisë.

Vushtrri, 24 tetor 2023 - Një delegacion nga Akademia e Drejtësisë  së Karolinës Veriore në Shtetet e Bashkuara të Amerikës (SHBA), i kryesuar nga drejtori i kësaj akademie, Trevor Allen,  sot vizitoi Akademinë e Kosovës për Siguri Publike (AKSP).

Delegacioni nga SHBA u prit nga zëvendësuesi i Drejtorit të Përgjithshëm të Akademisë së Kosovës për Siguri Publike, Kastriot Jashari. Në takim u diskutua rreth bashkëpunimit dhe partneritetit reciprok në mes AKSP-së  dhe Akademisë së Drejtësisë nga Karolina Veriore. 

Gjatë takimit palët vlerësuan lartë marrëdhëniet me Shtetet e Bashkuara të Amerikës,  duke theksuar mbështetjen që i ka dhënë dhe vazhdojnë t’i jap institucioneve të Kosovës, në veçanti Akademisë së Kosovës për Siguri Publike. 

 Zëvendësuesi i Drejtorit të Përgjithshëm të AKSP-së, Kastriot Jashari  e  njoftoi për së afërmi delegacioni  për rolin dhe mandatin e Akademisë.  Jashari gjatë këtij takim përmendi të arriturat që janë realizuar në Akademi, njëkohësisht foli edhe për sfida që e presin në të ardhmen sa i përket fushës së sigurisë publike. 

 Drejtori Jashari shfaqi interesimin e tij për bashkëpunim me Akademinë e Drejtësisë  së Karolinës Veriore, konkretisht bashkëpunimin për trajnimet në fushën e sigurisë publike. 

Ndërsa delegacioni nga Akademia e Drejtësisë  së Karolinës Veriore nga SHBA shprehën interesim të madh ku parashtruan një varg pyetjesh. 

Edhe delegacioni në fjalë shfaqen interesimin e tyre që të fillohet më bashkëpunim në fushat që janë më interes për të dyja palët. 

Edward Anderson, drejtor në Departamentin për Rend dhe Siguri Publike në OSBE, gjatë fjalimit të tij vlerësoi lartë të arriturat në Akademi. Anderson tha se puna e madhe që po bëhet në të dy akademitë, Akademinë e Drejtësisë  së Karolinës Veriore dhe Akademinë e Kosovës për Siguri Publike, është e jashtëzakonshme. 

Ndryshe vizita e delegacionit nga Akademia e Drejtësisë  së Karolinës Veriore është përkrahur nga Organizata për Siguri dhe Bashkëpunim Evropian më mision në Kosovë.  

Vushtrri, 18 tetor 2023 – Kryeministri i Republikës së Kosovës Albin Kurti, sot vizitoi Akademinë e Kosovës për Siguri Publike për të mbajtur një fjalë rasti para pjesëmarrësve të vendeve të ndryshme të botës të  cilët janë duke marrë pjesë në trajnimin “Menaxhimi i Situatave Emergjente”.

Kryeministri Kurti i cili u prit nga zëvendësuesi i Drejtorit të Përgjithshëm të Akademisë së Kosovës për Siguri Publike Kastriot Jashari, para të pranishmëve foli kryesisht për sfidat dhe situatën e sigurisë në vend. 

Kryeministri Kurti,  duke vlerësuar si shumë të rëndësishme pjesëmarrjen e vendeve të huaja në këtë trajnim, tha se diskutimet për siguri në të gjitha dimensionet  e saj, janë gjithmonë të rëndësishme, të vlefshme, veçanërisht në rastin kur ajo kërcënohet apo  sfidohet.

Gjatë këtij takimi temë kryesore  ishte situata e sigurisë pas sulmit terrorist të 24 shtatorit në Kosovë.

Duke folur për situatën e sigurisë në vend, rajon dhe më gjerë, kryeministri Kurti para të pranishmëve foli për sulmin terrorist që ndodhi më 24 shtator në fshatin Bajnskë të Zveçanit në Republikën e Kosovës , ku mbeti i vrarë rreshteri policor tashmë hero Afrim Bunjaku.

Kryeministri Kurti u shpreh se Serbia, si një aleate e Rusisë, më 24 shtator tentoi që të kopjojë skenarin e Donbasit me qëllim të pushtimit të veriut. 

” Falë profesionalizmit të institucioneve tona të sigurisë, veçanërisht të Policisë së Kosovës ky skenar ka dështuar të realizohet, dhe është mbrojtur popullata civile, që në mëngjesin e  24 shtatorit është gjetur e rrethuar nga këta terroristë e kriminelë”, u shpreh kryeministri Kurti duke thënë se institucionet e Republikës së Kosovës angazhohen çdo ditë që të ndërtojnë një shoqëri të sigurt, t’i forcojnë kapacitetet për ta mbrojtur vendin dhe qytetarët që jetojnë në shtetin e Kosovës. 

Gjatë takimit u fol edhe për sfidat globale të sigurisë, ku kryeministri Kurti tha se në rrethana të tilla është e domosdoshme ndihma,  bashkëpunimi dhe bashkëveprimi i të gjitha shteteve më vlera demokratike për ballafaqimin me terrorizmin dhe krimin, të cilat cenojnë sigurinë e shteteve dhe popujve kudo në botë. 

“Bashkimi i fuqive dhe kapaciteteve në këtë kohë sfiduese për sigurinë globale është goditja më e madhe ndaj atyre të cilët shkaktojnë destabilizim”, u shpreh Kryeministri. 

Kurse zëvendësuesi i Drejtorit të Përgjithshëm të Akademisë së Kosovës për Siguri Publike Kastriot Jashari, falënderoi kryeministrin e Republikës së Kosovës për fjalën e rastit në këtë trajnim. Po ashtu Jashari falënderoi kryeministrin Kurti për mbështetjen e vazhdueshëm që i bënë Akademisë. 

Më këtë rast drejtori Jashari u shpreh i gatshëm të ofroj trajnime për të gjitha institucionet e sigurisë publike në vend dhe më gjerë. 

Jashari u shpreh i lumtur që Akademia arrin të organizojë trajnime edhe për zyrtarë ndërkombëtarë të cilët janë zyrtarë të sigurisë publike. 

Ndryshe në Akademinë e Kosovës për Siguri Publike është duke u mbajtur trajnimi “Menaxhimi i situatave emergjente” ku janë duke marrë pjesë zyrtarë të sigurisë publike  nga më shumë se dhjetë vende të ndryshme të botës.

Qëllimi i këtij trajnimi është diskutimi dhe shkëmbimi i përvojave mbi sfidat ndërkombëtare të sigurisë.

Në këtë trajnim i cili do të zgjasë dy javë, janë duke marrë pjesë zyrtarë të sigurisë publike nga Madagaskari, Mauritania, Sao Tome, Tuvalu, Senegal, Niger, , Eswatini, Siera Leone, Bangladeshi, Hondurasi, Malawi, Bregu i Fildishtë dhe  Gambia.