Lajmet

Vushtrri, 20 nëntor 2024 - Akademia e Kosovës për Siguri Publike(AKSP) riakreditohet nga Asociacioni Ndërkombëtar i Drejtorëve të Standardeve dheTrajnimit të Zbatimit të Ligjit (IADLEST) të Shteteve të Bashkuara të Amerikës(SHBA) në fushën institucionale. Akademia ka rikonfirmuar edhe një herë niveline lartë të aplikuar të standardeve institucionale përmes pranimit të Çmimit tëEkselencës.

AKSP pas fazës fillestare për ri akreditim, filloi procesin aplikues nëdhjetorin e vitit 2023. Ngarkimi i dokumentacionit në platformën e ofruar ngaIADLEST u përmbyll në fund të muajit mars 2024, me çfarë filluan përgatitjetpër fazën inspektuese në terren nga ana e ekipit vlerësues të IADLEST. Vizitafakt-mbledhëse dhe inspektuese është bërë me datën 18 deri më 19 nëntor 2024 nëAkademi. Ekipi vlerësues i ekspertëve në përbërje të Mark Damitio, menaxher iakreditimit në IADLEST dhe Steve Bennett ekspertë i akreditimit, zhvilluan njëmori takimesh në koordinim me Emin Ukën, Udhëheqës i Divizionit për Sigurimin eCilësisë, Menaxher i Akreditimit në AKSP.  

Nën udhëheqjen dhe menaxhimin e Kastriot Jasharit, zv Drejtor iPërgjithshëm i Akademisë së Kosovës për Siguri Publike, u zhvilluan takime mestafin menaxhues, udhëheqës, trajnues dhe kadetë në AKSP, duke verifikuarpërputhshmërinë e politikave, proceseve dhe zbatueshmërinë e standardeve nëkuadër të AKSP-së.

Kjo njohje e konfirmon faktin, se Akademia mbetet lider në përmbushjen emisionit dhe vizionit të saj si njëri ndër institucionet me aplikueshmërinë epraktikave më të mira institucionale në rajon dhe më gjerë.

Vushtrri, 16 nëntor 2024 - Sikurse edhe viteve të tjera, edhe në këtë vit, në Akademinë e Kosovës për Siguri Publike (AKSP) sot u mbajtën lojërat para sportive \"Kosova 2024 - Maratona e Mundësive” për personat më nevoja të veçanta.

Kryetarja e Komitetit Paralimpik të Kosovës, Njomza Emini falenderoi Akademinë e Kosovës për Siguri Publike,   Ministrinë e Kulturës, Rinisë dhe Sporteve, Misionin e NATO-s KFOR të përfaqësuar nga Gjenerali Enrico Barduani, si dhe sponzorët e shumtë  që kanë mundësuar organizimin dhe  realizimin e kësaj ngjarje shumë të rëndësishëm për personat me nevoja të veçanta.
Ndërsa, Zëvendësuesi i Drejtorit të Përgjithshëm i Akademinë e Kosovës për Siguri Publike z.Kastriot Jashari, në një fjalë rasti përshëndeti të pranishmit duke  filluar nga Gjenerali i KFOR z.Barduani, Komitetin Paraolimpik, garuesite kësaj ngjarje, dhe gjithë të pranishmit. Ai po ashtu theksoj se ky aktiviteti është organizuar në AKSP bashkarisht me OSBE-në, KFOR-in dhe partneret tjerë tash e dy dekada.

Në këtë ngjarje përveq fjalimeve hapëse, Gjenerali i KFOR-it dhuroj një donacion për Komitetin Paraolimpik të Kosovës.

Lojërat në të cilat kanë marrë pjesë garuesit ishin: Basketboll me karrige me rrota, Volejboll ulur, Tenis tavoline, Lojëra me shah, Gol për të verbëritë, Xhudo me rregulla paralimpike, Mundje krahu, Futboll i verbër,Vrapimi me karrocë, etj.

Këto lojëra u organizuan nga Komiteti Paralimpik i Kosovës të përkrahurnga AKSP dhe mekanizma të tjerë.

Vushtrri, 11 nëntor 2024 - Zëvendësuesi i Drejtorit të Përgjithshëm i Akademisë së Kosovës për Siguri Publike, Kastriot Jashari, sot, priti në një takim lamtumirës Edward Anderson, Drejtorin e Departamentit për Rend dhe Siguri Publike (DRSP), Misioni i OSBE-së në Kosovë.

Gjatë takimit u vlerësua lartë bashkëpunimi në mes të AKSP-së dhe Misionit të OSBE-së në Kosovë, dhe në veçanti, bashkëpunimi me departamentin e DRSP, me ç’rast Jashari falenderoi drejtorin Anderson për kontributin e tij të jashtëzakonshëm, si dhe për përkrahjen dhe mbështetjen e vazhdueshme të OSBE-së ndaj AKSP-së. Në anën tjetër, në fjalën e tij, drejtori Anderson duke shprehur falendërimin dhe mirënjohjen e tij të thellë për bashkëpunimin e përbashkët të ndërsjelltë të parezervë dhe konstruktiv, theksoi rëndësinë e përkushtimit të vazhdueshëm që AKSP është duke bërë nga fushëveprimtaria e saj me qëllim të ngritjes së kapaciteteve të sigurisë publike në Kosovë.

Në fund, Zëvendësuesi i Drejtorit të Përgjithshëm Jashari, në emër të AKSP-së dhe për nderë të kontributit të drejtorit Anderson, i dorëzoi një letër mirënjohje. 

Vushtrri, 6 nëntor 2024 - Sot në AKSP u mbajt punëtoria për finalizimin e draft planit të trajnimeve të AKSP-së për vitin 2025. Pjesëmarrës në këtë punëtori ishin zyrtarë te lartë respektiv të palëve të interesit dhe partnerëve të jashtëm brenda vendit, respektivisht përfaqësuesit nga AKSP, Policia e Kosovës, Shërbimi Korrektues i Kosovës, Agjencia e Menagjimit Emergjent, Doganat e Kosovës dhe nga Misioni i OSBE-së në Kosovë.

Në punëtori, ndër të tjerash u diskutua implementimi i planit të trajnimeve i vitit aktual 2024, për sfidat, për rezultatet e arritura si dhe për nevojat për trajnime për të gjitha institucionet e sigurisë publike (ISP) në Republiken e Kosovës për vitin vijues. Gjatë prezentimit të kërkesave të ISP-ve të përmbledhura sipas nevojave për trajnime për vitin 2025, në emër të AKSP-së, z.Shaban Bajrami theksoi se janë paraqitur kërkesa të shumta për mbajtjen e llojeve të ndryshme të trajnimeve, mirëpo duke u bazuar në nevojat me prioritet të lartë për ISP-të, prioriteti do tu jipet fillimisht trajnimeve të profesionit për PK, SHKK, DK dhe AME, dhe do të vazhdohet tutje me mbajtjen e trajnimeve të llojeve dhe niveleve të tjera, duke përfshirë edhe ato me përkrahje nga partnerë dhe mekanizma ndërkombëtar si: Misioni i OSBE-së në Kosovë, ICITAP, USFS nga SHBA, etj.  

Vushtrri,21 tetor 2024 - Në Akademinë e Kosovës për Siguri Publike (AKSP) ka filluarTrajnimi për Zyrtar Policor, gjenerata e 61-të e Policisë së Kosovës.

Kjogjeneratë e cila numëron gjithsej 467 kadetë, nga të cilët janë 410 mashkuj dhe57 femra.

Vushtrri, 17 tetor 2024 - Sot në Akademinë e Kosovës për Siguri Publike (AKSP)u mirëprit në vizitë një delegacion nga Qendra Amerikane për Luftimin e Ekstremizmit dhe Terrorizimit (ACCET), udhëhequr nga Zëvendës President Dwaine Lee (PhD). Ai u prit në Akademi nga Kastriot Jashari, Zëvendësues i Drejtorit të Përgjithshëm të Akademisë, me bashkëpunëtorë. Leeu njoftua nga ekipi pritës i Akademisë për rolin dhe përgjegjësitë e këtij institucioni, duke qenë i vetmi institucion publik në vend që ofron trajnim dhe arsim të lartë për të gjithë zbatuesit e ligjit. Në vazhdim, Drejtori Jashari u sqaroi të pranishmëve për rrugëtimin 25-vjeçar të Akademisë, duke pasur parasysh rolin tejet të rëndësishëm të partnerëve ndërkombëtarë, të cilët gjithmonë e kanë përkrahur Akademinë. Ai u dhe mysafirëve edhe një pasqyrë të trajnimeve të mbajtura në akademi në fushën e luftimit të ekstremizmit dhe terrorizmit.

Kurse nga ana e tij Lee i njoftoi nikoqirët për ACCET, duke u sqaruar atyre se kjo është një organizatë jo-qeveritare me bazë në Shtetet e Bashkuara të Amerikës, që i dedikohet çrrënjosjes së kërcënimit global të aktorëve malinj. Duke u sqaruar më tutje për këtë organizatë, ai shtoi se duke shfrytëzuar përvojën dhe ekspertizën e gjerë të ekipit të tij, ACCET është i pozicionuar në mënyrë unike për të trajtuar sfidat komplekse të paraqitura nga ekstremizmi i dhunshëm dhe terrorizmi në mbarë botën. Misioni i saj është që të fuqizojë qeveritë,organizatat dhe komunitetet me njohuritë, aftësitë dhe burimet e nevojshme për të parandaluar dhe luftuar në mënyrë efektive ekstremizmin dhe terrorizmin. Duke folur për projektet e kryera në Kosovë, Lee tha se ACCET ka ndihmuar në zhvillimin dhe implementimin e një fushate gjithë përfshirësedhe gjithë kombëtare të komunikimit strategjik që i ka arsimuar të rinjët për rreziqet e ekstremizmit dhe terrorizmit.

Të dy palët u pajtuan për intensifikimin e bashkëpunimit dhe gjetjen e interesave të përbashkët me qëllim të ngritjes së kapaciteteve të zyrtarëve të ligjit nga Kosova.

Vushtrri, 4 tetor 2024 - Sot në ambientet e Akademisë së Kosovës për Siguri Publike (AKSP) në Vushtrri,u nënshkrua Marrëveshja e Bashkëpunimit ndërmjet saj dhe Akademisë sëDrejtësisë të Karolinës së Veriut (ADKV) në SHBA. Marrëveshja u nënshkrua ngaKastriot Jashari, Zëvendësues i Drejtorit të Përgjithshëm të AKSP-së dhe Chris Anderson, Zëvendës Drejtor për Trajnime i ADKV. Në këtë ceremoni morën pjesëpersonalitete të larta vendore dhe ndërkombëtare, si: Jeta Tela Shela, Shefe ekabinetit dhe Këshilltare e lartë e Ministrit të Punëve të Brendshme, EdwardAnderson, Drejtor i Departamentit për Rend dhe Siguri Publike (DRSP) në Misionine OSBE-së në Kosovë, Giovanni Galzignato, Udhëheqës i Shtyllës së Monitorimit në EULEX, Enver Fejzullahu, Drejtor Ekzekutiv i Akademisë së Drejtësisë dhe personalitete të tjera.

Në fjalën e tijhapëse, Kastriot Jashari, zëvendësues i Drejtorit të Përgjithshëm të AKSP-së falënderoi mysafirët nga Amerika e largët që kishin ardhur në Kosovë për të nënshkruar këtë Marrëveshje. Ai në vijim vuri në pah se, përkundër bashkëpunimit ndërkombëtartë zhvilluar në AKSP, kjo ishte hera e parë që institucioni që ai udhëheq e kaformalizuar bashkëpunimin me ndonjë institucion nga SHBA-të. Duke folur për përmbajtjene Marrëveshjes, Jashari në fund u zotua për zbatimin sa më të plotë të kësaj marrëveshjeje. Në nderim të viktimave të uraganit Helene në Karolinën e Veriutdhe gjetiu, Drejtori Jashari u kërkoi të pranishmëve që të mbajnë një minutë heshtje.

Nga ana e saj, Këshilltarja e ministrit Sveçla, Tela Shema fillimisht shprehu kënaqësinë e saj për pjesëmarrje në këtë ceremoni të nënshkrimit të kësaj Marrëveshjeje bashkëpunimi, duke njohur dhe çmuar kontributin e Misionit në Kosovë të OSBE-së për inicimin dhe përkrahjen për bashkëpunimin ndërmjet këtyre dy institucioneve nga Kosova dhe SHBA-të dhe duke përmendur dy vizitat paraprake të ndërsjellta të të dyja institucioneve tek njëri-tjetri. Tela Shema shtoi se gjendja në Kosovë aktualisht është dukshëm më e mirë dhe më premtuese, duke përmendur përparimet e rëndësishme në ekonomi, zhvillim e siguri duke ju falënderuar bashkëpunimit vendor, por edhe kontributin e miqve dhe partnerëve ndërkombëtarë. Duke folur për këtë pjesë, ajo potencoi faktin që së fundi Kosova është zgjedhur e 12-ta në botë sa i përket sigurisë. Për më tepër, Tela Shema u shpreh e bindur në implementimin e suksesshëm të kësaj Marrëveshjeje, duke shprehur përkrahjen e parezervë të Ministrisë së Punëve të Brendshme drejt përmbushjes së objektivave në kuadër të saj nga të dyja institucionet partnere.

Mysafiri nga Amerika, Chris Anderson, Zëvendës Drejtor për Trajnime i Akademisë së Drejtësisë të Karolinës së Veriut (ADKV) përcolli përshëndetjet më të mira për Akademinë e Kosovës për Siguri Publike (AKSP) dhe në përgjithësi popullin e Kosovës nga Departamenti i Drejtësisë dhe Akademia e Drejtësisë të Karolinës së Veriut. Ai po ashtu përcolli përshëndetjet e z. Allen Trevor, Drejtor i ADKV. Ai shkurtimisht shpjegoi situatën në shtetin e Karolinës së Veriut dhe shtetet përreth si pasojë e shkatërrimeve dhe dëmeve nga uragani Helene, për të cilën arsye edhe nuk kishte mund të vinte në Kosovë z. Trevor. Ai falënderoi AKSP-në,Misionin e OSBE-së në Kosovë dhe MPB-në për solidaritetin dhe ngushëllimet e pranuara nga ta. Duke folur për bashkëpunimin ndërmjet AKSP-së dhe ADKV-së, ai tha se njeh rëndësinë e bashkëpunimit për përfitime të përbashkëta për të dyja institucionet. Përderisa për arritjen e kësaj Marrëveshjeje, ai në veçanti falënderoi Misionin e OSBE-së në Kosovë.

Edward Anderson, Drejtor i Departamentit për Rend dhe Siguri Publike (DRSP) në Misionin e OSBE-së në Kosovë, shprehu kënaqësinë e tij për nënshkrimin e kësaj Marrëveshjeje të bashkëpunimit. Ai tha se të jetë Kosova në vendin e 12-të për të ecur vetëm gjatë natës është e shkëlqyeshme dhe e pabesueshme, për të cilin rezultat thase kanë kontribuar të gjithë: institucionet e sigurisë publike të kosovës, partnerët ndërkombëtarë dhe mekanizmat tjerë ndihmues dhe mbështetës. Ai falënderoitë pranishmit edhe për minutin e heshtjes në nderim të viktimave në Karolinën e Veriut dhe shtetet përreth si pasojë e dëmeve nga uragani Helene, duke shprehur solidaritetin me viktimat. Ai në fund vuri në pah kontributin e institucioneve të sigurisë publike që të bëjnë më të mirën drejt ofrimit të sigurisë për qytetarët e Kosovës dhe falënderoi stafin e Departamentit që ai udhëheq përpjesën e tyre në këtë kontribut.

Marrëveshjes së Bashkëpunimit ndërmjet AKSP-së dhe ADKV-së i kanë paraprirë dy vizita të ndërsjella, përkatësisht vizita nga krerët e ADKV-së në AKSP dhe Kosovë në tetor të vitit 2023, si dhe vizita nga një delegacion i Kosovës, i përbërë nga zyrtarë të AKSP-së, instiucioneve tjera të sigurisë publike dhe të Misionit të OSBE-së në Kosovë në ADKV, përkatësisht Karolinën e Veriut. Të dyja këto vizita, sikurse edhe vet inicimi i kësaj Marrëveshjeje të Bashkëpunimit, është përkrahur nga Misioni në Kosovë i OSBE-së, konkretisht Departamenti për Rend dhe Siguri Publike i këtij Misioni.

Marrëveshja ka përqëllim krijimin e bashkëpunimit ndërmjet dy institucioneve për të mbështetur objektivate tyre strategjikë në fushat arsimore, hulumtuese dhe zhvillimore ndërmjet tyre, përderisa fokusohet në tri fusha kryesore: zhvillimi dhe koordinimi, hulumtimi dhe shkëmbimi i informacionit dhe rezultateve si dhe shkëmbimi i stafit dhe mbështetja e mentorimit, këshillimit dhe trajnimit për mësimdhënësit dhe stafin tjetër për të gjitha nivelet e arsimit në fushën e sigurisë publike, përkatësisht të zbatimit të ligjit.

Vushtrri, 30 shtator 2024 – Zëvendësuesi i Drejtorit të Përgjithshëm të Akademisë së Kosovës për Siguri Publike (AKSP), Kastriot Jashari, priti sot në takim pune Drejtorin e Përgjithshëm të Doganave të Kosovës Agron Llugaliu i shoqëruar me bashkëpunëtor të tij. Qëllimi i kësaj vizite dhe takimi pune ishte diskutimi dhe bashkërëndimi mbi proceset e punës për përgaditjet për fillimin e trajnimit profesional të gjeneratës së re të kadetëvepër Doganat e Kosovës e cila planifikohet të filloj së shpejti brenda këtij viti.

Kjo vizitë pune konsiston në harmoni edhe me marrëveshjen dypalëshe ndërinstitucionale në mes të AKSP-së dhe Doganave të Kosovës të arritur në shtator të vitit 2023 ku për qëllim ka arritjen e objektivave të përbashkëta  strategjike në fushën e trajnimeve dhe në ngritjen e cilësisë  në zhvillimin e kapaciteteve  në fushën e sigurisë publike.

Drejtori i Përgjithshëm i Doganave të Kosovës njoftoi të pranishmit se pas një pauzimi të gjatë, me sukses i kemi përfunduar procesin e rekrutimin të stafit të ri të cilët pasi që do të përfundojn trajnimin profesional në AKSP, do të na bashkangjiten për të shërbyer pranë Doganave të Kosovës. 

Zëvendësuesi i Drejtorit të Përgjithshëm të Akademisë, Kastriot Jashari, shprehu knaqësinë që në AKSP, gjatë këtij viti dhe vitit të ardhshëm, do të trajnohen edhe gjeneratat e reja të kadetëve të Doganave të Kosovës. Drejtori Jashari më tej shtoi se trajnimi i zyrtarëve të zbatuesve të ligjit të Republikës së Kosovës, siç janë Doganat e Kosovës, është një obligimi yni ligjor dhe me knaqësi presim diplomimin e tyre sipas standardeve më të larta të arritura përmes akreditimeve vendore dhe ndërkombëtare. 

Në fund drejtorët e dyja institucioneve shkëmbyenfalenderimet e ndërsjellta për bashkëpunimin ndërinstitucional të shkëlqyeshëmdhe theksuan rëndësinë që ky bashkëpunim të vazhdohet më tutje në mbështetje tëparezervë të ngritjes së kapaciteteve të brendshme. 

Vushtrri, 30 shtator 2024 - Në Akademinë e Kosovës për Siguri Publike (AKSP) ka filluar trajnimi profesional për zyrtar korrektues. Kadetët do të trajnohen sipas plan programittë dizajnuara në bazë të standardëve më të larta ndërkombëtare për të drejtat enjeriut dhe sundim të ligjit

Akademia e Kosovës për Siguri Publike dhe Shërbimi Korrektues i Kosovës kanë bashkëpunim të shkëlqyer dhe ky bashkëpunim gjithnjë ka sjellë dhe vazhdon të sjellë rezultate të cilat përkthehen në rritjen e nivelit të cilësisë në mësimdhënie, mësimnxënie, shkathtësi dhe aftësi profesinale për kadetët korrektues.

Në këtë trajnim i cili do të zgjasë pesë muaj, do ta vijojnë 111 kadet të Shërbimit Korrektues të Kosovës. 

Vushtrri, 5 shtator 2024 - Në javën e parë të shtatorit u mirëprit një ekip ekspertësh nga Shërbimi Pyjor i Shteteve të Bashkuara (USFS) në Akademinë e Kosovës për Siguri Publikenë Vushtrri për një trajnim katërditor mbi Sistemin e Komandës së Incidentit (SKI). Në trajnim morën pjesë pjesëmarrës nga Agjencia e Menaxhimit Emergjent të Kosovës, përkatësisht Njësitë Profesionale të Zjarrfikjes dhe Shpëtimit, si dhe Qendra Emergjente Mjekësore e Qendrës Kryesore të Mjekësisë Familjare në Mitrovicë, duke ofruar mundësi për shkëmbim ndërkulturor për temat që kanë tëbëjnë me menaxhimin e emergjencave.

Pavarësisht nga shkaku i tyre, situatat emergjente si zjarret, vërshimet apo të tjera, janë një kërcënim social i vazhdueshëm në Kosovë dhe rajon. Zjarret e fundit në të gjithë gadishullin Ballkanik tregojnë nevojën për të ndërmarrë hapa në mënyrë proaktiv e për të ndërtuar kapacitete dhe ekspertizë në koordinimin e reagimit.

Në ceremoninë e përfundimit të këtij trajnimi, zëvendësuesi i Drejtorit të Përgjithshëm të AKSP-së, Kastriot Jashari, në cilësinë e nikoqirit, falënderoi shumë SHBA-të për këtë kontribut të çmueshëm në ngritjen e kapaciteteve të zyrtarëve të sigurisë publike në fushëne menaxhimit të emergjencave. Ai vuri në pah se përmes këtij trajnimi Akademia po e përmbush misionin e saj përmes realizimit të trajnimeve të veçanta dhe shumë të vlefshme përmes partneritetit me një institucion jashtëzakonisht të rëndësishëm,siç është Shërbimi i Pyjeve të SHBA-ve. Jashari u shpreh se Akademia ka bërë maksimumin në mënyrë që pjesëmarrësve të trajnimit t’ua ofrojë të gjitha kushtet për mbarëvajtjen e trajnimit, duke i uruar në fund ata për përfundim të suksesshëm të tij.

Kurse Zëvendësuesi i Drejtorit të Përgjithshëmtë AME-së, Shefki Abdullahu, potencoi se ky trajnim që po përfundon sot ështëshumë i rëndësishëm për pjesëmarrësit, në veçanti për ata që vijnë nga AME-ja,për çfarë falënderoi Shërbimin e Pyjeve të SHBA-ve dhe Akademinë e Kosovës për Siguri Publike për punën e jashtëzakonshme. Më tutje Abdullahu shtoi se përkushtimii AME-së e NALT si dhe institucioneve të tjera ndërkombëtare, por edhe atyre vendore,arrihet përmes zbatimit të mekanizmave të SKI deri në reagimin qeveritar, duke zhvilluar kështu procedura të bazuara në legjislacionin kombëtar dhe Planin e Reagimit Kombëtar. Në fund, ai i përgëzoi pjesëmarrësit për përfundimin me sukses tëkëtij trajnimi, duke ua dëshiruar çdo të mirë.

Në fjalën e saj, menaxherja e programit të USFS Shannon McNamara përsëriti rëndësinë e trajnimit parasezonal dhe bashkëpunimit ndërinstitucional për të gjitha emergjencat e mundshme. Ajo vuri në dukje se “në Shtetet e Bashkuara, trajnimi dhe kualifikimet e Sistemittë Komandës së Incidentit janë të standardizuara. Kjo siguron sigurinë e zjarrfikësve tanë dhe ndërton kapacitetin për reagim të koordinuar dhe efektiv ndaj të gjitha situatave emergjente.” Ajo shtoi se “Zyra e Programeve Ndërkombëtare të Shërbimit Pyjor të SHBA-ve është shumë e lumtur që ka filluar programin e trajnimit dhe partneritetin me institucionet e Kosovës”.

Nëpërmjet përvojës në përgjigjen ndaj zjarreve në zonat e egra në Shtetet e Bashkuara, Shërbimi Pyjor i SHBA-ve ka zhvilluar mjete të koordinimit të komandës - përfshirë Sistemin e Komandëssë Incidentit (SKI) - që janë bërë standarde kombëtare dhe përdoren gjerësisht ndërkombëtarisht. USFS punon në mbarë botën për të ndarë njohuritë dhe për të mbështetur vendet tjera për t'u përgatitur dhe për t'iu përgjigjur fatkeqësivetë të gjitha llojeve, duke përfshirë zjarret në zonat e egra. Ky trajnim rishikon bazat e SKI-së, ofron kontekstin për SKI-në brenda përgjigjes fillestare dhe mbështet trajnimin e nivelit më të lartë të SKI në të ardhmen.

Departamenti i Shtetit të Shtetevetë Bashkuara po mbështet programet e USFS dhe zhvillimin e kapaciteteve për menaxhimin e emergjencave në Kosovë. USFS vlerëson të mësuarit e vazhdueshëm dhe është i ngazëllyer për partneritet me Akademinë e Kosovës për Siguri Publike në një moment kyç për të ofruar trajnime për ndërtim kapacitetesh dhe për promovim procedurash standarde të funksionimit brenda institucioneve të saj. Ky është i pari nga seria e trajnimeve si pjesë e programit Trajnimi i Trajnerëve në SKI në Kosovë.

Vushtrri,  02 gusht 2024 –  448 kadetë pas përfundimit të trajnimit për zyrtarë policor,  të mbajtur në Akademinë e Kosovës për  Siguri Publike (AKSP) që nga sot do ti bashkohen Policisë së Kosovës për ti shërbyer gjithë qytetarëve të Republikës së Kosovës.

Gjatë ceremonisë së diplomimit kadetët e gjeneratës së 60-të të Policisë së Kosovës, u betuan së do të  kujdesën për sigurinë dhe paqen e gjithë qytetarëve të Republikës së Kosovës.

Kryeministri i Republikës së Kosovës, Albin Kurit gjatë ceremonisë së diplomimit tha se  qeveria do të vazhdojë ta mbështet policinë e vendit.

“Policia e Kosovës këtë vit mbush 25 vjet. Sot i shtohen radhëve të saj edhe 448 policë të rinj. Themelimi i Policisë përkon me çlirimin e vendit. Zhvillimi i saj ecën krah për krah me përparimin e shtetit”, tha kryeministri Kurti.

Kryeministri Kurti u shpreh i lumtur që inkuadrimi i femrave në radhët e policisë është duke u rritur.

”Gjenerata jubilare e 60-të, në të cilën çdo e pesta është grua, e ku si në çdo gjeneratë tjetër ka edhe kadetë të diplomuar nga radhët e komuniteteve jo shumicë, do të shërbejë me nder dhe dinjitet, pa dallim e për të gjithë, si vlera, parime dhe identitet i policisë sonë”, tha kryeministri Kurti.

Kryeministri Kurti gjatë kësaj ceremonie përmendi edhe rritjen e buxhetit për Policinë e Kosovës.

“Përkushtimit profesional për të shërbyer, ia kemi dhënë dhe mbështetjen institucionale që meriton. Policia ka gati 50% më shumë buxhet sesa kishte para qeverisjes sonë. Kemi bërë investime prej afër 17 milionë euro në pajisje policore logjistike, 3 milionë euro në rregullimin dhe ndërtimin e objekteve policore, gati 8 milionë euro në flotën automjeteve dhe autoblindave. Sepse misionin për vendin tonë e kemi të përbashkët. Çdo sfidë e çdo sukses, do ta kalojmë bashkë”, tha kryeministri Kurti.

Në fund kryeministri Kurti, zyrtarëve të rinj policor iu uroi suksese në detyrë.

Suksese në punë  kadetëve të sapo diplomuarave iu uroi edhe Ministri i Punëve të Brendshme, Xhelal Sveçla. Duke iu ofruar përkrahje ministri Sveçla tha se policia me profesionalizmin e tyre kanë arritur ta ngritin këtë institucion si më të besueshmin për  qytetarët e Republikës së Kosovës.

“Policia jonë me ritme të shpejta po plotëson dhe forcon radhët e saj, duke ua hapur dyert qindra djemve dhe vajzave, nga secili komunitet, që kanë ëndërruar e punuar për të qenë pjesë e Policisë së Kosovës”, tha ministri Sveçla.

 Drejtori i Përgjithshëm i Policisë së Kosovës , Gazmend Hoxha tha prioritet për Policinë e Kosovës është përmbushja e standardeve, përfaqësimi i të gjitha komuniteteve, diversitet etnik dhe ai gjinor.

Drejtori Hoxha kërkoj nga ta që gjatë punës së tyre të kujdesën për rend dhe siguri për gjithë qytetarët e vendit tonë.


 Në këtë ceremoni morën pjesë edhe zëvendësuesi i Drejtorit të Përgjithshëm të Akademisë së Kosovës për Siguri Publike Kastriot Jashari si dhe ambasador dhe përfaqësues të insititucioneve vendore dhe nderkombëtare në Kosovë.

Vushtrri, 17 korrik 2024 - Pas një trajnimi shtatë mujor në Akademinë e Kosovës  për Siguri Publike (AKSP), sot diplomoi gjenerata e 44 e kadetëve  të Shërbimit Korrektues të Kosovës. Nga sot SHKK- së do t’i bashkohen edhe 64 zyrtarë të cilët do të garantojnë sigurinë e secilit të dënuar dhe mundësinë  e korrektimit të individëve të cilët kanë bërë vepra të gabuara.

Ministrja e Drejtësisë, Albulena Haxhiu iu uroi  kadetëve suksese për të arritur dhe i inkurajoi  secilin të mbajë standard të lartë profesionalizmi dhe etikë në çdo veprim që ndërmarrin.  

Haxhiu kërkoi nga ta që të përkushtohen në përmirësimin e vazhdueshëm, si në aspektin profesional ashtu edhe në atë personal.

Duke i’u ofruar mbështetje ministrja Haxhiu falenderoi sëcilin zyrtarë korrektues për përkushtimin dhe gatishmërinë për t’ju shërbyer qytetarëve dhe për të mbrojtur rendin dhe sigurinë e shoqërisë sonë.

Ndërsa, zëvendësuesi i Drejtorit të Përgjithshëm të Akademisë së Kosovës për Siguri Publike Kastriot Jashari, në ceremoninë e diplomimit  të gjeneratës së 44 të kadetëve korrektues i’u uroi kadetëve suksese në punën e tyre. 

“Të nderuar kadetë gjatë  kohës së qëndrimit tuaj në Akademi, njohuritë, aftësitë dhe shkathtësitë të cilat i keni fituar nga pjesa teorike dhe praktike tanimë do t’i  zbatoni në misionin e juaj shumë fisnik si zyrtar korrektues”, u shpreh Jashari duke thënë se marrja  e përgjegjësive të reja nga ana tyre është motiv shtesë edhe për gjeneratat e ardhshme. 

“Çdo sukses i juaji i arritur në veprimtarinë tuaj zyrtare nënkupton sukses për Akademinë e Kosovës për Siguri Publike si dhe Shërbimin Korrektues te Kosovës”, tha Jashari.

Drejtori Jashari u zotua se Akademia e Kosovës për Siguri Publike do ta vazhdoj misionin e saj ligjor për trajnimin e zyrtarëve të sigurisë publike. 

Kadetëve të sapodiplomuar suksese në punë 

i’u uroi edhe Drejtori i Përgjithshëm i Shërbimit Korrektues të Kosovës, Ismail Dibrani.

Ndërsa në emër të kadetëve ka folur Antigona Shatri e cila i përshendeti kolegët e saj duke iu uruar suksese në punën e tyre.