Lajmet

Vushtrri, 09 dhjetor2016 - Sot në Akademinë e Kosovës për Siguri publike u mbajt takimi i rregullt i komitetit drejtues të projektit të binjakëzimit të Komisionit Evropian.

Në takim të pranishëm ishin Drejtori i Përgjithshëm i Akademisë Ismail Smakiqi, Krista Hak Udhëheqëse e projektit të binjakëzimit nga shteti anëtarë, ekspertet e projektit, Edis Agani nga zyra e Bashkimit Evropian në Kosovë, Shpresa Muharremi nga OSBE-ja, përfaqësuesit e agjencioneve të sigurisë si dhe zyrtar të lartë të AKSP-së.

Në hapje të këtij takimi Drejtori Smakiqi fillimisht i përshëndeti të pranishmit, duke i informuara ata lidhur me ecurinë e aktiviteteve të cilat janë zhvilluar njëherit edhe duke i falënderuar për angazhimin e tyre në arritjen e rezultateve drejt misionit të përbashkët në forcimin e arsimimit për zbatuesit e ligjit.

Gjithashtu Smakiqi foli edhe për vijimin e studimeve të rregullta në Fakultetin e Sigurisë pran Akademisë, lidhur me raportin e vetëvlerësimit për riakreditim të programit studimor dhe akreditim institucional të Akademisë. Ai në këtë takim të komitetit drejtues të projektit të binjakëzimit foli edhe për raportin e fizibilitetit për programin master duke shprehur edhe vizionin e AKSP-së që në të ardhmen e afërt të ofrojmë edhe studime postdiplomike.

Smakiqi në këtë takim të pranishmit i informoi edhe për shumë aktivitete të rëndësishme të cilat ka zhvilluar Akademia gjatë vitit që po e lëmë pas  si dhe rreth takimeve të shumta vendore e ndërkombëtare dhe mbështetjen që kanë dhënë në realizimin misionit të AKSP-së.

Ndërsa Krista Hak Udhëheqëse e projektit të binjakëzimit nga shteti anëtarë tha se projekti i binjakëzimit është duke shkuar ashtu siç është parapa në agjendë, dhe rezultatet e arritura deri më tani tregojnë për një seriozitet të punës së përbashkët duke i përfshirë të gjithë akteret në këtë projekt.

Gjithashtu edhe Ritva Vahakosski këshilltare rezidente e projektit nga shteti anëtarë prezantoi raportin e punës për tremujorin e fundit të vitit 2016, ku u prezantuan të arriturat dhe rezultatet e punës së projektit të binjakëzimit.

Në këtë takim vlerësime dhe komente u dhanë edhe nga përfaqësuesit e agjencioneve të sigurisë të cilët vlerësuan si shumë të suksesshëm punën e bërë deri më tani. 

Vushtrri, 08 dhjetor 2016- Sot në Akademi qëndroi eksperti Klaus Welter, konsulent i OSBE-së për përgatitjen e raportit lidhur me fizibilitetin e studimeve të nivelit master në kuadër të Fakultetit të Sigurisë Publike në AKSP.

Të pranishëm në takim ishin Drejtori i Përgjithshëm i Akademisë Ismail Smakiqi, Dekani i Fakultetit të Sigurisë Publike Bejtush Gashi, profesorët e FSP, ekspertet e projektit të binjakëzimit: Ritva Vähäkoski Krista Haak, Marek Link, Shpresa Muharremi nga OSBE-ja, si dhe menaxhmenti i lartë i AKSP-së.

Të pranishmëve me një fjali rasti iu drejtua Drejtori Smakiqi i cili theksoi se Akademia është një institucion i krijuar pas lufte i ndihmuar nga partneret ndërkombëtarë dhe institucion mjaft i rëndësishëm për institucionet e sigurisë të cilat zhvillojnë trajnime në Akademi. Ai foli edhe për historikun e Akademisë, partneritetin ndërkombëtarë, projektin e binjakëzimit të Komisionit Evropian, projekt i cili ka mundësuar edhe funksionalizimin e Fakultetit të Sigurisë.

Duke folur për rëndësinë e studimeve master Drejtori Smakiqi tha se  vizioni i Akademisë është që në të ardhmen të ketë edhe program të studimeve posdiplomike që është i  domosdoshm për ngritjen e kapaciteteve të zbatuesve të ligjit të cilët punojnë në institucione të sigurisë.

Ndërsa eksperti Klaus Welter gjatë fjalimit të tij ka folur rreth zhvillimit të arsimit të lartë dhe studimeve postdiplomike, për modelet e arsimit në vendin e tij. Ai tha se Akademia , konkretisht Fakulteti i Sigurisë Publike duhet ta zgjedh modelin të përshtatshëm për master.

“Faleminderit për nderin qe ma bëtë  që të jem pjesëmarrës në këtë takim kaq të rëndësishëm, në të cilin do të flasë për temën rreth  mënyrës së zhvillimit të arsimit të lartë dhe studimeve posdiplomike”, tha Klaus Welter. Gjithashtu ai bëri edhe një prezantim rreth biografisë së tij punës dhe përvojave në institucionet e sigurisë.
Dekani i Fakultetit të Sigurisë Publike në Akademi Bejtush Gashi u shpreh se sot është një ditë e veçantë për faktin se po krijojmë një mundësi të re për nivelin e studimeve master.

Duke folur për sigurinë e përgjithshme Gashi tha se mbështetur nga kërkesat qe kanë institucionet e sigurisë është e domosdoshme një ofertë e re për studime master.

Ai  tha se kjo është një mundësi e mire që studentet pas përfundimit të studimeve themelore të kalojnë në faza tjera, siç janë studimet master. Dekani Gashi tha se kjo ofertë studimore do të jetë një garanci se Fakulteti i Sigurisë  do të krijon  mundësi  për të gjithë ata që janë të interesuar që të kontribuojnë për institucionet nga të cilat ata vijnë. 

Edhe eksperti Marek Link gjatë këtij takimi duke folur rreth  sigurisë në nivel global dhe fenomeneve theksoi se çilësi kryesor kundër këtyre dukurive negative është përkushtimi.  Gjithashtu ai shprehu nevojën e studimeve master edhe në Akademi në të mire të institucioneve të sigurisë që të krijojnë kuadër sa më profesional që do  të kontribuoj edhe në sigurinë e përgjithshme për qytetaret e Republikës së Kosovës.

Gjatë  këtij takimi lidhur me raporti  e fizibilitetit  për programet master në Akademinë e Kosovës për Siguri Publike u zhvillua debat mes palëve në harmonizimin e ideve dhe nxjerrjes së përvojave nga vendet e ndryshme që në Akademi në të ardhmen e afërt të ofrohen studime postdiplomike të përshtatshme për nevojat e institucioneve të sigurisë në vende.

Vushtrri,  24 Nëntor 2016- Për nderë  të festës së “28 Nëntori”,  në Akademinë e Kosovës për Siguri Publike (AKSP) u organizua turniri në futboll të vogël.  Ky turnir është mbështetur nga Drejtori i Përgjithshëm i Akademisë, Ismail Smakiqi. 

Turniri në fjalë u  organizua nga këshilli i studentëve të Fakultetit të Sigurisë Publike në kuadër të Akademisë.

Pjesëmarrës në këtë turnirë të futbollit ishin gjashtë  ekipe,  ku fituesi në këtë garë  doli ekipi   i Akademisë.  Fituesit e kësaj gare u shpërblyen  me kupë dhe mirënjohje,   të cilën ja dhuroi Dekani i Fakultetit të Sigurisë Bejtush Gashi.

Vushtrri, 18 tetor 2016 - Sot në Prizren filloi punëtoria “Shqyrtimi i zbatimit të Strategjisë Zhvillimore dhe Planit të Veprimit si dhe përfundimi i Planit Vjetor të Trajnimit” për Akademinë e Kosovës për Siguri Publike. Në këtë punëtori po marrin pjesë Drejtori i Përgjithshëm i Akademisë Ismail Smakiqi, Dekani i Fakultetit të Sigurisë Publike Bejtush Gashi, Kastriot Gashi nga Ministria e Punëve të Brendshme, Drita Perezic nga ICITAP, Shpresa Muharremi nga OSBE-ja, përfaqësuesit e agjencive të sigurisë publike si dhe menaxhmenti i lartë i AKSP-së.

Edhe kësaj here mbështetëse e punëtorisë “Shqyrtimi i zbatimit të Strategjisë Zhvillimore dhe Planit të Veprimit për vitin 2016 si dhe përfundimi i Planit Vjetor të Trajnimit për vitin 2017”, dokumente më rëndësi për Akademinë dhe agjencitë të cilat zhvillojnë trajnime është Organizata për Siguri dhe Bashkëpunim Evropian (OSBE).

Në hapje të kësaj punëtorie fillimisht Drejtori Smakiqi përshëndeti të pranishmit dhe theksoi se punëtoria “Shqyrtimi i zbatimit të Strategjisë Zhvillimore dhe Planit të Veprimit për vitin 2016 si dhe përfundimi i Planit Vjetor të Trajnimit për vitin 2017”, është ngjarje shumë e rëndësishme për planifikimin gjithëpërfshirës sa më real dhe të nevojshëm për agjencitë e sigurisë publike. Gjithashtu Smakiqi falënderoi OSBE-në për mbështetjen e vazhdueshme që po tregon për institucionet e sigurisë publike, e në veçanti për Akademinë. 

“Plani i trajnimit është një dokument unik i përfshirjes të të gjitha trajnimeve të planifikuara në baza vjetore, përmes të cilave arrihet një pasqyrë mbi fushat e trajnimit, kohëzgjatjen e trajnimit, grupet e synuara dhe hapësirat e zhvillimit të trajnimit”, tha Smakiqi.

Në vazhdim të fjalës së tij, Smakiqi tha se “qëllimi i kësaj punëtorie është planifikimi, organizimi dhe implementimi i analizës së nevojave të trajnimeve për agjencitë e sigurisë publike në fushën e ngritjes dhe avancimit të zyrtarëve të saj përmes trajnimeve të ndryshme, si dhe evidentimi i realizimit të objektivave strategjikë të Strategjisë Zhvillimore dhe Planit të Veprimit të AKSP-së për vitin që po lëmë pas”. 

Punëtoria “Shqyrtimi i zbatimit të Strategjisë Zhvillimore dhe Planit të Veprimit për vitin 2016 si dhe përfundimi i Planit Vjetor të Trajnimit për vitin 2017” mbështetet nga OSBE-ja, partneri i vazhdueshëm i Akademisë, e cila po mbahet në Prizren dhe do të zgjasë katër ditë nga 18 - 21 nëntor 2016.   

Vushtrri, 18 tetor 2016 - Sot në Prizren filloi punëtoria “Shqyrtimi i zbatimit të Strategjisë Zhvillimore dhe Planit të Veprimit si dhe përfundimi i Planit Vjetor të Trajnimit” për Akademinë e Kosovës për Siguri Publike. Në këtë punëtori po marrin pjesë Drejtori i Përgjithshëm i Akademisë Ismail Smakiqi, Dekani i Fakultetit të Sigurisë Publike Bejtush Gashi, Kastriot Gashi nga Ministria e Punëve të Brendshme, Drita Perezic nga ICITAP, Shpresa Muharremi nga OSBE-ja, përfaqësuesit e agjencive të sigurisë publike si dhe menaxhmenti i lartë i AKSP-së.

Edhe kësaj here mbështetëse e punëtorisë “Shqyrtimi i zbatimit të Strategjisë Zhvillimore dhe Planit të Veprimit për vitin 2016 si dhe përfundimi i Planit Vjetor të Trajnimit për vitin 2017”, dokumente më rëndësi për Akademinë dhe agjencitë të cilat zhvillojnë trajnime është Organizata për Siguri dhe Bashkëpunim Evropian (OSBE).

Në hapje të kësaj punëtorie fillimisht Drejtori Smakiqi përshëndeti të pranishmit dhe theksoi se punëtoria “Shqyrtimi i zbatimit të Strategjisë Zhvillimore dhe Planit të Veprimit për vitin 2016 si dhe përfundimi i Planit Vjetor të Trajnimit për vitin 2017”, është ngjarje shumë e rëndësishme për planifikimin gjithëpërfshirës sa më real dhe të nevojshëm për agjencitë e sigurisë publike. Gjithashtu Smakiqi falënderoi OSBE-në për mbështetjen e vazhdueshme që po tregon për institucionet e sigurisë publike, e në veçanti për Akademinë. 

“Plani i trajnimit është një dokument unik i përfshirjes të të gjitha trajnimeve të planifikuara në baza vjetore, përmes të cilave arrihet një pasqyrë mbi fushat e trajnimit, kohëzgjatjen e trajnimit, grupet e synuara dhe hapësirat e zhvillimit të trajnimit”, tha Smakiqi.

Në vazhdim të fjalës së tij, Smakiqi tha se “qëllimi i kësaj punëtorie është planifikimi, organizimi dhe implementimi i analizës së nevojave të trajnimeve për agjencitë e sigurisë publike në fushën e ngritjes dhe avancimit të zyrtarëve të saj përmes trajnimeve të ndryshme, si dhe evidentimi i realizimit të objektivave strategjikë të Strategjisë Zhvillimore dhe Planit të Veprimit të AKSP-së për vitin që po lëmë pas”. 

Punëtoria “Shqyrtimi i zbatimit të Strategjisë Zhvillimore dhe Planit të Veprimit për vitin 2016 si dhe përfundimi i Planit Vjetor të Trajnimit për vitin 2017” mbështetet nga OSBE-ja, partneri i vazhdueshëm i Akademisë, e cila po mbahet në Prizren dhe do të zgjasë katër ditë nga 18 - 21 nëntor 2016.  

Vushtrri, 15 nëntor 2016 – Drejtori i Përgjithshëm i Akademisë së Kosovës për  Siguri Publike, Ismail Smakiqi priti në takim një delegacion nga Komiteti i Auditimit në OSBE, i kryesuar nga udhëheqësi, Hayk Karamayan.

Drejtori Smakiqi fillimisht i përshëndeti të pranishmit për vizitën e më pas ai informoi delegacionin me procese të rëndësishme të cilat ka kaluar Akademia që nga themelimi e deri me sot. Duke folur për historikun e Akademisë drejtori Smakiqi theksoi se OSBE-ja, bazuar në misionin e caktuar pas përfundimit të luftës, “Demokratizimi dhe Ndërtimi i Institucioneve”, në shtator të vitit 1999 filloi trajnimin e parë themelor për 176 kadet të Policisë së Kosovës.
OSBE-ja për një kohë të gjatë e ka menaxhuar Shkollën e Shërbimit Policor, më vonë Qendra e Kosovës për Siguri Publike Edukim dhe Zhvillim, duke përfshirë donacionet infrastrukturore, laboratorë, uniforma të kadetëve, automjete, pajisje të IT (kompjuter, skaner, printer), pajisje policore dhe të agjencive tjera, pajisje të klasave të mësimit. OSBE është partneri kryesor edhe në mbajtjen e trajnimeve në Akademi.

Drejtori Smakiqi me thekës të veçantë foli edhe për Projektin e II të Binjakëzimit të Komisionit Evropian, projekt i implementuar  nga Finlanda dhe Estonia e që ka për qëllimi përmirësimin e arsimimit në sektorët e rendit dhe sigurisë publike. Në implementimin e këtyre projekteve OSBE po ashtu ka ndihmuar Akademinë me organizimin e punëtorive të cilat lidhen me rezultatet e Projektit të Binjakëzimit.

Smakiqi foli edhe për bashkëpunimin ndërkombëtar që ka Akademia e Kosovës për Siguri Publike me shumë vende të Evropës dhe me gjerë duke shprehur nevojën e zgjerimit edhe më shumë të këtij bashkëpunimi me qëllim të bartjes së përvojave dhe eksperiencave në fushën e rendit dhe sigurisë.

Në fund Smakiqi falënderoi OSBE-në për përkrahjen e vazhdueshme që ka dhënë për Akademinë dhe po vazhdon të jap përmes trajnimeve në sektorin e sigurisë si dhe donacioneve të shumta të cilat kanë bërë AKSP-në  një qendër profesionale të ofrimit të trajnimeve për të gjitha agjencitë e sigurisë në vende.

Ndërsa udhëheqësi i Komitetit të Auditimit në OSBE-së  Hayk Karamayan, theksoi se e gjithë kontributi dhe përkrahja që ka dhënë OSBE për Akademinë ka qenë i arsyeshëm sepse rezultatet dhe sukseset mjaftë pozitive vetëm po shihen në këtë institucion mjaftë të rëndësishëm për trajnimin e pjesëtareve të sigurisë.

Në fjalën e tij Ake Roghe drejtor i Departamentit për Rend dhe Siguri publike  tha, “kamë shërbyer në shumë misione nëpër botë por misioni im në Republikën e Kosovës është shumë i veçantë dhe mund të them se jam i kënaqur me progresin i cili po ndodh në Kosovë në veçanti në Akademinë e Kosovës për Siguri Publike”.

Në funde të vizitës delegacioni vizitoi edhe objektet përcjellëse të Akademisë ku përmes prezantimeve nga instruktorët u informuan më shume lidhur me pjesën praktike ku pjesëtarët e sigurisë mbajnë trajnimet.
 

Vushtrri, 15 Nëntor 2016 – Në Akademinë e Kosovës  për Siguri Publike (AKSP), po mbahet seminari i komponentës së tretë të  Projektit të Binjakëzimit, i cili ka për qellim përkrahjen  e mëtejme të arsimit në fushën e sigurisë publike në Kosovë. Qëllimi i kësaj komponente është të kontribuojë që Instituti për Hulumtim dhe Zhvillim i Akademisë të funksionalizohet plotësisht në interesin e të gjitha agjencive të sigurisë publike. 

Në hapjen e seminarit morën pjesë Drejtori i Përgjithshëm i Akademisë së Kosovës për Siguri Publike, Ismail Smakiqi, Ambasadorja e Finlandës në Kosovë  Anne Huhtamaki, Drejtor i Departamentit të Sigurisë Publike të MPB-se, Mensur Hoti, përfaqësues nga zyra e Bashkimit Evropian në Kosovë Rafael Nievergelt, Prorektor për Mësimdhënie, Çështje të Studentëve dhe Kërkime Shkencore nga Universiteti i Mitrovicës Izet Zeqiri dhe Universiteti i Prizrenit Malush Mjaku, përfaqësuesja e ICITAP-it Drita Pereziq, përfaqësuesja e OSBE-së, Shpresa Muharremi,  përfaqësuesja e Qendrës së Kosovës për Studime të Sigurisë Arife Muji, përfaqësues të Agjencive të Sigurisë Publike, mësimdhënës të Fakultetit të Sigurisë pranë Akademisë, menaxhmenti i lartë i Akademisë si dhe ekspertët nga Finlanda dhe Estonia.

Drejtori i Përgjithshëm i Akademisë së Kosovës për Siguri Publike, Ismail Smakiqi në hapjen e këtij seminari foli rreth ecurisë së projektit të binjakëzimit. Ai vlerësoi lartë punën e bërë deri më tani duke vënë në pah edhe sfidat të cilat do të përcillen projektin deri në finalizim.

“Në këtë seminar po fillojnë aktivitetet e komponentës së tretë të Projektit të Binjakëzimit ‘Përkrahja e mëtejshme e arsimit në sigurinë publike në Kosovë’, me titull, ‘Kontributi për Institutin e Hulumtimit dhe Zhvillimit të Akademisë që të bëhet plotësisht funksional për përfitim të gjitha agjencive të sigurisë publike në Kosovë”, u shpreh Smakiqi duke thënë se më qëllim të rritjes së aftësisë dhe kompetencës profesionale në fushën e sigurisë publike është arritur një pajtueshmëri se nevojitet më shumë njohuri se sa vetëm aftësim për punë specifike, posaçërisht në pozitat menaxheriale të agjencive. 

Smakiqi tha se zhvillimeve të mëtutjeshme në Akademi dhe në fushën e Sigurisë Publike i parapriu aprovimi i ligjit për Akademinë e Kosovës për Siguri Publike, ku përmes së cilit Akademia përcaktohet institucion përgjegjës për ofrimin e trajnimeve dhe arsimit të lartë, gjegjësisht zhvillimin e kapaciteteve për të gjitha institucionet e sigurisë publike.

Duke folur rreth rëndësisë së projektit Smakiqi tha se projekti i parë dhe dytë i binjakëzimit janë përkrahje e Akademisë dhe Agjencive të Sigurisë Publike në realizimin e vizionit që “në vitin 2020 Akademia do të njihet nga palët e interesit të saj kombëtarë dhe ndërkombëtarë si një institucion parësor për të gjitha nivelet e arsimit në fushën e rendit dhe sigurisë publike”.

Ndërsa duke folur rreth institutit për Hulumtim dhe Zhvillimit, Smakiqi theksoi rëndësinë që ka ky institut për Akademinë, Agjencitë e Sigurisë Publike, Qeverinë e Kosovës, partnerët ndërkombëtarë si dhe  për të gjithë ekspertët e fushave të sigurisë jo vetën në Kosovë po edhe më gjere. Smakiqi tha se Akademia për një kohë të gjatë ofron dhe mban trajnime të vazhdueshme profesionale për zbatuesit e ligjit të punësuar në Institucionet e Sigurisë Publike, duke zhvilluar trajnime në fushën e sigurisë publike të nivelit: bazik, të avancuar, të specializuar, si dhe të lidershipit dhe menaxhmentit.

Në hapjen e seminarit foli edhe ambasadorja e Finlandës në Kosovë, Anne Huhtamaki e cila e cilësoj si shumë të rëndësishëm projektin e dytë të binjakëzimit dhe krijimin e institutit për hulumtim dhe zhvillim.  “Policia e Kosovës është shumë e suksesshme ka bërë një rrugë të gjatë dhe tani ajo është e trajnuar dhe e pajisur shumë mirë, populli i Kosovës i beson, është shumë e rëndësishme dhe sukses i mirë, kjo është që ne dëshirojmë për  vazhduar në ngritët kapacitet të institucioneve të sigurisë publike”, u shpreh Huhtamaki. Ambasadorja Huhtamaki tha se bashkëpunimi mes Kosovës dhe Finlandës gjithmonë ka qenë i mirë në shkëmbimin e përvojave dhe ngritjen e  eksperiencave. Huhtamaki vlerësoi se krijimi i një  instituti për zhvillim dhe hulumtim është shumë i rëndësishëm për institucionet e sigurisë publike në Kosovë.

Seminarin e përshëndeti edhe Mensur Hoti Drejtor i Departamentit të Sigurisë Publike të MPB, i cili falënderoi Bashkimin Evropian për përkrahjen e vazhdueshme të MPB-së dhe Agjencive të saja si dhe partnerët e përhershëm ICITAP dhe OSBE. Hoti tha se Ministria e Punëve të Brendshme është e lumtur me progresin e arritur në Akademi gjatë implementimit të Projekteve të Bashkimit Evropian dhe do të vazhdoi të përkrah Akademinë dhe Agjencitë e Sigurisë Publike në synimin e përbashkët të Sigurisë Publike në vendin tonë.

Ndërkaq Rafael Nievergelt përfaqësues nga zyra e Bashkimit Evropian në Kosovë, është shprehur i kënaqur për pjesëmarrjen në hapjen e seminarit të projektit të dytë të binjakëzimit. 

Nievergelt tha se arsimimi në sigurinë publike është fuqi kruciale dhe në institucionet tjera që kanë të bëjnë më zbatimin e ligjit, për arsye se kanë të bëjnë drejtpërdrejtë në forcimin e ligjit dhe sigurisë.  “Institut i hulumtimit dhe zhvillimit ndihmon në ngritjen e eksperiencave  të gjithë pjesëtarëve të agjencive të sigurisë publike”, tha Nievergelt duke falënderuar partnerët për rezultatet e arritura.

Seminarin e ka përshëndetur edhe prorektori për Mësimdhënie, Çështje të Studentëve dhe Kërkime Shkencore nga Universiteti i Mitrovicës Izet Zeqiri  dhe Universiteti i Prizrenit Malush Mjaku.

Seminari do të zgjatë tri ditë radhazi nga data 15, 16 dhe 17 nëntor, ku do të bëhen prezantime nga ekspertet e projektit të binjakëzimit.

Vushtrri 01 nëntor 2016 – Drejtori i Përgjithshem i Akademisë së Kosovës për Siguri Publike, Ismail Smakiqi i shoqëruar nga dekani i Fakultetit të Sigurisë, Bejtush Gashi, kanë marrë pjesë në konferencën e I-rë Shkencore Ndërkombëtare  të Akademisë së Sigurisë në Tiranë me temë  \"Kontributi në sigurinë publike nëpërmjet arsimimit\".

Në  këtë konferencë morën  pjesë ministri i Punëve të Brendshme   Saimir Tahiri,  zëvendësdrejtori i Policisë së Shtetit, Rebani Jaupi, përfaqësues të lartë të Policisë së Shtetit, misionet policore që veprojnë në Shqipëri si dhe oficerët ndërlidhës.  Konferenca  \"Kontributi në sigurinë publike nëpërmjet arsimimit\", u zhvillua në kuadër të reformës së ndërmarrë për reformimin rrënjësor të sistemit arsimor për punonjësit e Policisë, si dhe vënien në funksion të plotë të Akademisë së Sigurisë jo vetëm si qendër formimi, por edhe kërkimi shkencor.

Drejtori i Përgjithshem i Akademisë së Kosovës për Siguri Publike, Ismail Smakiqi, në fjalimin e tij ka vlerësuar lartë organizimin e  konferencës së I-rë shkencore ndërkombëtare me temën “Kontributi në sigurinë publike nëpërmjet arsimimit”. 

Smakiqi tha se kjo konferencë më  karakter ndërkombëtar  mundëson ekspozim të hulumtimeve, debat në rezultate të arritura dhe pasurimin e njohurive të ndërsjella në fushën e sigurisë publike, gjegjësisht shpalosjen e hulumtimeve që kanë të bëjnë siç tha ai më kërcënimet dhe rreziqet ndaj sigurisë në Ballkanin Perëndimor si dhe roli dhe ndikimi i arsimimit në sigurinë publike.

“Roli dhe rëndësia e trajnimeve dhe arsimimit të lartë të zbatueseve të ligjit dhe ndikimin e arsimimit në sigurinë publike, ka avancuar Akademitë Policore gjegjësisht Akademitë e Sigurisë Publike në institucion kombëtar dhe përgjegjës për ngritjen e kapaciteteve njerëzore të Agjencive të Sigurisë Publike”, u shpreh Smakiqi.

Ai tha se  Akademitë duhet të ndjehen përgjegjëse për sigurinë në vendet e tyre, duke u ndjerë përgjegjëse për sjelljen e zbatuesit të ligjit në vendet e tyre të punës,  në radhë të parë për profesionalizmin dhe etikën e zyrtarëve të zbatimit të ligjit.

“Sfidat me të cilat përballet siguria publike, nuk janë më sfida vetëm regjionale. Këto sfida tani më kanë karakter shumë më të gjerë.  Siguria publike e qytetarëve të një vendi është sfidë komplekse multi institucionale dhe multi dimensionale, e cila po bënë bashkë ndjekësit e krimit, mësuesit, psikologët, filozofët, sociologët, artistët, sportistët, predikuesit e fesë, bizneset, punëtorët, prindërit, gratë dhe burrat”, tha Smakiqi.

Smakiqi tha se konferenca në fjalë  është aktiviteti i liderëve, mësimdhënësve dhe trajnerëve të Akademive Policore, pjesëmarrës në rrjete evropiane dhe ndërkombëtare të institucioneve të trajnimit dhe arsimit të lartë të fushës së sigurisë publike, si dhe institucioneve të sigurisë publike në përgjithësi.

Drejtori i Akademisë, Ismail Smakiqi tha se konferenca e Tiranës është rast për arritjen e objektives të Konferencës “përmirësimit të programeve akademike në fushën e sigurisë për të përmirësuar cilësinë e policimit dhe përgatitur ekspertë të lartë të sigurisë për agjencitë e zbatimit të ligjit”.

Drejtori i Përgjithshëm i Akademisë së Sigurisë, Bilbil Mema  theksoi rëndësinë e veçantë të formimit dhe specializimit të strukturave policore, rritjen e kapaciteteve profesionale të tyre, në rritjen e Sigurisë Publike dhe përmbushjen e kërkesave të komunitetit.

\"Policimi si veprimtaria më e suksesshme deri tani për ofrimin e sigurisë kërkon një trajtim në shumë dimesione. Një nga dimensionet është rritja e kapaciteteve profesionale të strukturave që marrin pjesë në këtë veprimtari, por sidomos struktura e Policisë, e cila ka punën më të specializuar. Struktura që ka misionin kryesor për garantimin e rendit dhe të zbatimit të ligjit është Policia, pikërisht kjo strukturë duhet të zotërojë nivel shumë të lartë profesional, për të përmbushur kërkesën e komunitetit. Qëllimi i kësaj konference është t'i japi kontribut nëpërmjet shkollimit, rritjes së sigurisë publike për qytetarët\", tha Mema.

Ndërkaq ministry i Punëve të Brendshme Saimir Tahiri gjatë kësaj konference  theksoi se gjatë marrjes së detyrës trupa e Policisë së Shtetit ishte nivelin më të ulët arsimor në rajon, por tani sic tha ai përmes formimit dhe kualifikimit intesiv policia është kthyer në institucionin më të besuar në raport më qytetarët.

\" Unë besoj që ne duhet të rikrijojmë traditën e vullnetarizmit në siguri. Është kjo arsyeja pse në Ministrinë e Punëve të Brendshme dhe në Policinë e Shtetit, sot një grup specifik po merret për t’i hapur rrugë angazhimit vullnetar në Policinë e Shtetit nga të rinjtë dhe të rejat në Republikën e Shqipërisë. Në të kaluarën e largët ka pasur një traditë angazhimi vullnetar në Polici ku pjesë të komunitetit bëheshin bashkë me Policinë për të garantuar rendin në komunitetin lokal apo për të ndihmuar fëmijët në shkolla, apo për të ndihmuar qarkullimin rrugor. Unë besoj kësaj tradite duhet t’i marrim më të mirën dhe të krijojmë një model bashkëkohor të angazhimit vullnetar të të rinjve dhe të rejave në Policinë e Shtetit. Ne po punojmë për krijimin e një mundësie ligjore lidhur me angazhimin vullnetar në Policinë e Shtetit dhe më pas do fillojmë menjëherë me rekrutimin, sepse besojmë shumë fort se sot, sfida që kemi lidhur me sigurinë nuk është kurrë dhe as mund të jetë çështje e vetëm policisë në mënyrë ekskluzive. Por është sfida për t’u bërë bashkë, punonjës policie – komunitet\", tha Tahiri.

Edhe zëvendësdrejtori i Policisë së Shtetit  Rebani Jaupi gjatë kësaj konference vlerësoi krijimin e një platforme të qëndrueshme arsimore profesionale, si një zgjidhje drejt emancipimit të strukturave policore, rritjes së sigurisë dhe integrimit të institucionit të Policisë në shoqëri si aleat në zgjidhjen e problemeve të përbashkëta.

\"Siguria mund të përmirësohet nëpërmjet arsimimit, niveli i arsimimit brenda radhëve të Policisë së Shtetit është në ngritje, në përmirësim. Mund të shihet përmirësimi i këtij niveli, si në drejtimin e atyre të rinjve që zgjedhin të bëhen punonjës të Policisë së Shtetit, edhe në drejtimin e formatimit të një sistemi arsimor të qëndrueshëm profesional policor. Në iniciativën tonë për të ndërtuar një Polici sa më profesionale, pamë si zgjidhje arsimimin. Kjo gjë rezulton të jetë zgjidhja e duhur. Dimensioni, i cili vjen nëpërmjet arsimimit, është ai i emancipimit, emancipim për shoqërinë e për Policinë; emancipim që synon të rrisë sigurinë. Policia e Shtetit, jo vetëm që po e jep këtë mesazh, por edhe po e demonstron me shembuj\", u shpreh Jaupi. 

Më pas disa prej përfaqësuesve kanë referuar temat e përgatitura prej tyre për këtë konferencë.

 

Vushtrri, 31 tetor 2016 - Drejtori i Përgjithshëm i Akademisë së Kosovës për Siguri Publike,  Ismail Smakiqi, së bashku me menaxhmentin e lartë priti sot në takim një delegacion nga shoqata e miqësisë Austri - Kosovë. Delegacioni ishte i shoqëruar edhe nga ambasadori i Republikës së Kosovës në Austri Sami Ukelli.
 

Fillimisht drejtori Smakiqi iu dëshiroi mirëseardhje delegacionit nga shoqata e miqësisë Austri-Kosovë në Akademinë e Kosovës për Siguri Publike. Më tej drejtori Smakiqi gjatë fjalës së tij, tha se kjo vizitë është e mirëseardhur dhe do të ndikoj në njohjen tonë reciproke, gjithashtu do të ndikojë edhe në vazhdimin dhe forcimin e mëtutjeshëm të  marrëdhënieve .
 

Gjatë këtij takimi drejtori Smakiqi e  informoi delegacionin me zhvillimet e fundit të Akademisë, zhvillimin e trajnimeve nga agjencionet e sigurisë, si dhe  rreth projektit të binjakëzimit të Komisionit Evropian. Me theks të veçantë ai foli për hapjen e Fakultetit të Sigurisë në Akademi si dhe rreth bashkëpunimit ndërkombëtarë që ka Akademia me institucione të sigurisë të vendeve të ndryshme nga Evropa, e njëra ndër to edhe me Akademinë e Sigurisë të Austrisë.
 

Në fund drejtori Smakiqi falënderoi delegacionin për vizitën dhe ndihmën e vazhdueshme që shteti austriak ka dhënë për Republikën e Kosovës.
 

Ndërsa delegacioni nga  shoqata e miqësisë Austri -Kosovë shprehu interesimin rreth trajnimeve të ofruara në Akademi si dhe rreth inkuadrimit të gjinisë femërore në AKSP.

 


 

Vushtrri, 18 Tetor 2016 – Në Akademinë e Kosovës për Siguri Publike (AKSP), sot u promovua  libri “Lidershipi në Policinë e Shtetit – rasti i Shqipërisë”,  të autorit dr.sc i shkencave Bilbil Memaj, i cili është Drejtor  i Përgjithshëm i Akademisë së Sigurisë në Shqipëri.

Ceremoninë e promovimit e hapi Drejtori i Përgjithshëm i Akademisë së Kosovës për Siguri Publike  Ismail Smakiqi, i cili falënderoi autorin e librit Memaj për  pranimin e ftesës që kjo ngjarje të mbahet në Akademinë e Kosovës për Siguri Publike.

Drejtori Smakiqi çmoi lartë personalitetin e Memajt, drejtuesin e dikurshëm të Policisë së Shtetit, i cili për dy vite në funksionin e Drejtorit të Përgjithshëm të Akademisë së Sigurisë,  punoi në reformimin e sistemit të arsimit policor gjegjësisht, avancimin e kursit themelor për polici, programin Studimor në Fakultetin e Sigurisë dhe Hetimit, programin Studimor Bachelor, programet e Studimeve Master Profesional dhe Master Shkencor.

Në promovimin e librit morën pjesë ambasador i Republikës së Shqipërisë në  Kosovë, Qemal Minxhozi, zëvendësministër i  Punëve të Brendshme,  Nehat Mustafa, oficer të lartë të policisë së shtetit në krye me zëvendësdrejtorin e Përgjithshëm të Sigurisë Publike ne Policinë e Shtetit, Altin Qato si dhe oficer të lartë të Policisë së Kosovës në krye me Drejtorin e Departamentit për Hetime  Riza Shillova. Gjithashtu në promovim morrën pjesë edhe mësimdhënësit e Fakultetit të Sigurisë, student dhe personeli udhëheqës i Akademisë së Kosovës për Siguri Publike.

Zëvendësministër  Mustafa vuri theksin në nevojën e përkrahjes të dyja Akademive në avancimin e trajnimeve dhe arsimimit të lartë me qëllim të ngritjes së kapaciteteteve të policive të dy shteteve dhe agjencive tjera të zbatimit të ligjit. Ai u shpreh i kënaqur me bashkëpunimin e akademive duke përfshirë trajnimin e njësisë së motoçikletave, i cili aktualisht është duke zhvilluar në Akademi.
“Mund të themi se Akademia e Kosovës për Siguri Publike dhe Akademia e Sigurisë së Shqipërisë  janë shembull  i bashkëpunimit edhe për institucionet tjera”,  u shpreh Mustafa.

Kurse ambasadori  i Republikës së Shqipërisë në  Kosovë,  Qemal Minxhozi, falënderoi drejtorin Smakiqi për ftesën dhe përgëzoi  Memaj për librin. Më këtë rast ambasadori Minxhozi lavdëroi punën e Memaj gjatë gjithë karrierës së tij.

Në vazhdim për librin vlerësime u  dhanë edhe  nga  Riza Shillova, drejtor i Departamentit për Hetime, shefi i Sektorit të Trajnimeve në Policinë e Shtetit Besnik Bakiu, dhe Bejtush Gashi,  profesor në Fakultetin e Sigurisë Publike pranë Akademisë.

Në fund të kësaj ngjarje autori i librit Bilbil Memaj, falënderoi Akademinë për organizimin e kësaj ceremonie dhe të gjithë ata të cilët janë të angazhuar për realizimin e kësaj ngjarje. Autori  Memaj  në fund të ceremonisë shpërndau libra falas për të pranishmit si dhe dhuroi dhjetë ekzemplar për Akademinë e Kosovës për Siguri Publike dhe pesë ekzemplar për Bibliotekën  Kombëtare të Kosovës.




 

Vushtrri, 18 tetor 2016-Me rastin e trajnimit të pjesëtarëve të Policisë së Shqipërisë,  Akademinë e Kosovës për Siguri Publike sot e vizitoi ambasadori i Republikës së Shqipërisë Qemal Minxhozi, zëvendësdrejtori i Policisë së Shqipërisë Altin Qato, dhe drejtori i Akademisë së Sigurisë së Shqipërisë Bilbil Memaj.

Me këtë raste të pranishëm  ishin edhe zëvendësministri i Punëve të Brendshme Nehat  Mustafa, drejtori i Departamentit  për Hetime në Policinë e Kosovës Riza Shillova si dhe zyrtar të lartë nga institucionet e vendit. Të pranishmit u priten nga Drejtori i Përgjithshëm Ismail Smakiqi dhe menaxhmenti i lartë i Akademisë.

Gjatë këtij takimi ata vizituan  poligonin ku po trajnohen pjesëtarët e Policisë së Shqipërisë me motoçikleta, ti cilet përmes prezantimeve nga instruktoret u informuan lidhur me pjesën praktike ku pjesëtaret po e zhvillojnë trajnimin.

Zëvendësdrejtori i Policisë së Shqipërisë Altin Qato mbajti një fjalim para të pranishmëve duke treguar për një  bashkëpunim të  shkëlqyer me Akademinë dhe duke vlerësuar lartë punën e cila po bëhet në profesionalizimin dhe trajnimin e pjesëtarëve të Policisë nga Shqipëria.

Duke folur për  nevojën dhe thellimin e bashkëpunimit me qëllim të ngritjes dhe avancimit të trajnimeve për pjesëtarët e sigurisë publike ai shfaqi gatishmërinë e tij të plotë për bashkëpunim  në mes  të dy institucioneve Akademisë së Kosovës për Siguri Publike dhe Policisë së shtetit të Shqipërisë.