Lajmet

Vushtrri, 24 janar 2020 –  Në Akademinë e Kosovës për Siguri Publike (AKSP), u mbajt konferenca e shtatë ndërkombëtare, “Sfidat e mobilitetit të transportit dhe siguria publike”, e organizuar nga Kolegji “Tempulli”  në bashkëpunim më Akademinë ku gjatë kësaj konference janë prezantuar disa hulumtime shkencore rreth sigurisë publike, sigurisë në rrugë. 

Në konferencë morën pjesë Drejtori i Përgjithshëm i Akademisë Ismail Smakiqi,  zëvendësdrejtori i përgjithshëm  i Policisë së Kosovës  Samedin Mehmeti, Drejtori i Kolegjit “Tempulli” Muhamed Krasniqi, Kryetari i Komunës së Vushtrrisë Xhafer Tahiri, përfaqësues të  institucioneve tjera të sigurisë në vend si dhe studentë nga Kolegji “Tempulli” dhe Fakulteti i Sigurisë Publike. 

Ismail Smakiqi Drejtor i Përgjithshëm i Akademisë së Kosovës për Siguri Publike u shpreh i lumtur që Akademia është bashkorganizatore e një konference kaq të rëndësishme. 

Smakiqi tha se Akademia  është institucion që ofron trajnime dhe arsimim të lartë për të gjithë zbatuesit e ligjit. “Të gjitha agjencionet e sigurisë publike kryejnë trajnime dhe arsim të lartë në  këtë Akademi”,  u shpreh Smakiqi duke thënë që  Akademia ka bërë përpjekje të madhe që të krijoj programe profesionale mësimore që janë në përputhje me standardet evropiane dhe ndërkombëtare. 

“Ne kemi akreditim dhe ri/akreditim të programeve studimore. Po ashtu akreditim bazuar në standarde evropiane të cilat ju mundëson studentëve dhe kadetëve të gjashtë agjencioneve të kryejnë trajnime në Akademi”, tha Smakiqi . 

Smakiqi u shpreh se sfida e sigurisë në trafik ka nevojë për vëmendje të shtuar të institucioneve dhe të qytetarëve.

Dekani i Fakultetit të Sigurisë Publike Bejtush Gashi, tha se “kam kënaqësinë dhe privilegjin t’ju drejtohem sot me një fjalë rasti, në hapjen e punimeve të Konferencës së 7-të Shkencore Ndërkombëtare”.  Ai tha se në këtë konferencë subjekt kryesor është sfida e mobilitetit dhe siguria publike, duke gërshetuar dy fusha me rendësi te veçantë: sigurinë rrugore në kuadër të mobilitetit urban dhe sigurinë publike në përgjithësi.

 Më tej Gashi tha se “jetojmë në një botë në ndryshim në të cilën edhe sfidat e njerëzimit vijnë duke ndryshuar, por siguria publike në përgjithësi dhe ajo rrugore në veçanti, vazhdon të mbetet ndër problemet kryesore për institucionet shtetërore dhe të gjithë shoqërinë tonë”. 

 Dekani Gashi  ne fund tha se  duke parë rëndësinë e temave që do të trajtohen, shfrytëzoj nga rasti të shpreh mirënjohjen time për të gjithë penalistët e kësaj konference, të cilët përmes punimeve të tyre do të bëjnë që kjo konferencë të përmbushë objektivat e përcaktuara.

Ndërsa,  drejtori i Kolegjit “Tempulli”  Muhamed Krasniqi duke përshëndetur  të pranishmit tha se është nder që kjo konferencë mbahet në Akademinë e Kosovës për Siguri Publike.  Ai tha se kjo konferencë  synon të sjellë zhvillimet me të fundit  me temat e sotme  të cilat janë gjithsej  trembëdhjetë të cilat janë leksione kryesore, publikime prezantime nga profesorët e ndryshëm të institucioneve  të ndryshme  si dhe student.  “Derisa sa sot bota përballet me shume sfida  ne duhet të jemi  të vetëdijshëm për rëndësinë e bashkëpunimit  ndërdisiplinor si nevojë për të promovuar  një bashkëpunim  të tillë brenda këtij  profesioni dhe në zbatimin  e njohurive  të reja”,  tha Krasniqi. 

Më tej ai shtoi se bashkëpunimi ndërkombëtar  dhe në inxhinieri  lehtëson shkëmbimin   e njohurive dhe promovon  aplikime te reja teknologjike për një të ardhme më të sigurte  dhe mirëqenie  për ti mbështetur  qëndrueshmërinë e jetës njerëzore.  Në përputhje me vizionin  dhe misionin e ri të Kolegjit Tempulli Kjo konferencë  ndërkombëtare  është edhe një përpjekje më shumë  për të bërë  vizionin tonë të vërtetë, përfundoi Krasniqi.

Ndërsa Kryetari i Komunës së Vushtrrisë  Xhefer Tahiri  duke ju drejtuar të pranishmëve  tha se është kënaqësi që në cilësinë e Kryetarit të Komunës së Vushtrrisë  si nikoqirë edhe i Akademisë së Kosovës për Siguri Publike  të ju dëshiroj mirëseardhje  në qytetin e lashtë të Vushtrrisë. Duke folur për   rezultatet  shkencore që dalin nga kjo konferencë   ai tha se do të  ndihmojnë në  politike bërjen që vërtetë  përmes studimeve  konkrete  të  rrisin sigurinë  e pjesëmarrësve në trofikë.  

Ndryshe gjatë kësaj konference u tha se gjatë vitit 2019 kanë ndodhur 16 mijë e 199 aksidente ku kanë humbur jetën 113 persona në këto aksidente.

Vushtrri, 16 janar 2020 - Drejtori i Përgjithshëm i Akademisë së Kosovës për Siguri Publike Ismail Smakiqi, priti sot në një takim pune një delegacion nga Universiteti i Shkencave të Aplikuara LAUREA dhe Instituti Trajnues i Shërbimit të Burgjeve dhe Sprovues (RSKK) të Finlandës.

Delegacioni ishte në përbërje nga Kati Komulainen drejtoreshë e Njësisë për Arsim, Iso Mattila drejtor i Njësisë për Hulumtim nga Universiteti i Shkencave të Aplikuara LAUREA  si dhe Hannu Kiehelä  drejtor i Institutit Trajnues të Shërbimit të Burgjeve dhe Sprovues (RSKK).

Në takim morën pjesë edhe Dekani i Fakultetit të Sigurisë Publike pranë Akademisë Bejtush Gashi së bashku me stafin Akademik dhe personelin e Divizionit për Marrëdhënie me Jashtë . 

Vizita e punës është  rrjedhojë e dakordimit të përbashkët të të tri institucioneve gjatë nënshkrimit të marrëveshjes tri laterale në Finlandë në tetorin e vitit 2019. 

Në marrëveshje përfshihen bashkëpunimi  në zhvillimin dhe bashkërendimin e studimeve të larta dhe pas-diplomike, projekte të përbashkëta në hulumtim dhe zhvillim, si dhe në një të ardhme shumë të afërt fillimi i zbatimit i të gjitha llojeve të shkëmbimeve. 

Duke u bazuar në kornizën e  marrëveshjes gjatë këtij takimi u zhvilluan sesionet e punuese mes  AKSP dhe delegacionit nga LAUREA dhe RSKK . Gjatë kësaj vizite fokusi kryesor ishte diskutimet rreth  projekteve të mundshme të  përbashkëta  në fushën e hulumtimit, zhvillimit dhe inovacionit; në fushën e kurrikulës dhe mësimit në distancë (e-Learning); si dhe mbi fuqizimin e bashkëpunimit ndërkombëtar dhe projektet e mobilitetit të studentëve, mësimdhënësve dhe personelit administrativ/profesional.

Në fund të takimit të tria palët u dakorduan që të marrin  veprime konkrete për gjetjen e mundësive për përfshirje të përbashkët në ndonjë projekt në fushën e hulumtimit dhe inovacionit, e më konkretisht të fillohet në implementim të menjëhershëm të bashkëpunimit në fushën e shkëmbimit (mobilitetit) të studentëve, mësimdhënësve dhe personelit administrativ / profesional.  

Ndryshe Universiteti i Shkencave të Aplikuara LAUREA është Universiteti më i njohur në Finlandë nga radhët e Universiteteve të Shkencave të Aplikuara, përderisa ekspertët nga ky Universitet së bashku me ekspertët nga RSKK kanë qenë pjesë e zbatimit të projektit të parë për Akademinë në kuadër të IPA I të financuar nga BE dhe zbatuar nga vendet anëtare Finlanda dhe Estonia.

Vushtrri, 16 dhjetor 2019 – Në  Akademinë e Kosovës për Siguri Publike (AKSP), sot Bordi i Akademisë mbajti takimin e  fundit për këtë vit, ku teme diskutimi ishte vlerësimi  rreth trajnimeve që janë mbajtur gjatë vitit 2019 dhe ato që do të mbahen gjatë vitit 2020. 

Në këtë takim morën pjesë  Drejtori i Përgjithshëm i Akademisë Ismail Smakiqi, Drejtori i Përgjithshëm i Policisë së Kosovës Rashit Qalaj, Kryeprokurori i Shtetit Aleksander Lumezi,  Drejtori i Përgjithshëm i  Shërbimit Korrektues të Kosovës  Nehat Thaqi njëherit dhe kryesues i Bordit, Kryeshefja Ekzekutive e Inspektoratit Policor të Kosovës Miradije Kelmendi, Drejtori i Përgjithshëm i Shërbimit Sprovues të Kosovës Bajram Bujupi, Drejtori i Përgjithshëm i Doganave të Kosovës  Bahri Berisha, Drejtor i Përgjithshëm  i Agjencisë për Menaxhimin Emergjent Fadil Kodra, Shpresa Muharremi nga OSBE-ja si dhe zyrtarë të lartë nga institucionet  përkatëse.

Fillimisht kryesuesi i Bordit të Akademisë Nehat Thaci përshëndeti të pranishmit e më pas kërkoi nga ta që të miratojnë rendin e ditës. 

Drejtori i Përgjithshëm i Akademisë së Kosovës për Siguri Publike Ismail Smakiqi para të pranishmëve foli rreth trajnimeve që janë mbajtur gjatë vitit 2019, ku nga të pranishmit u vlerësua në mënyrë pozitive  rrjedha e trajnimeve gjatë këtij viti. 

Gjithashtu gjatë takimit u shqyrtua dhe u miratua plani i trajnimeve për vitin 2020.

Vushtrri, 02 dhjetor 2019 - Drejtori i Përgjithshëm i Akademisë së Kosovës për Siguri Publike Ismail Smakiqi, Dekani i Fakultetit të Sigurisë pranë Akademisë Bejtush Gashi, së bashku me menagjmentin e lartë  si dhe përfaqësuesit e agjencioneve pritën në takim drejtorin e sapoemëruar të Departamentit të Rendit dhe Sigurisë Publike në OSBE Edward T. Anderson. 

Gjatë këtij takimi fillimisht drejtori Smakiqi i uroi për pozitën e re si dhe i shprehu mirëseardhje në Akademi z.Edward T. Anderson. Më tej Smakiqi e informoi Anderson për zhvillimet në Akademi, historikun, trajnimet si dhe për proceset e rëndësishme nga themelimi e deri më sot.

Drejtori Smakiqi me këtë rast foli edhe për bashkëpunimin ndërkombëtarë që ka Akademia si dhe ndihmën e vazhdueshme që kanë dhënë institucione të ndryshme e më theks të veçantë  për misionin e OSBE-së në Kosovë në sukseset e Akademisë, ku shprehu falënderimet më të veçanta duke shpresuar se ky bashkëpunim do të vazhdojë edhe në të ardhmen.

Më tej Smakiqi foli edhe për akreditimin  nga Asociacioni Ndërkombëtar i Drejtorëve të Standardeve dhe Trajnimit të Zbatimit të Ligjit (IADLEST) të Shteteve të Bashkuara të Amerikës.

Dekani i Fakultetit të Sigurisë Bejtush Gashi në këtë takimi foli lidhur me ecurinë e arsimimit të lartë në Akademi duke vë në pahë edhe kontributin që kanë dhënë faktori ndërkombëtarë në këtë aspekt. Ndërsa përfaqësuesit e agjencioneve në Akademi theksuan se bashkëpunimi është i shkëlqyer dhe se puna dhe angazhimi i përbashkët janë storie e suksesit duke u bazuar edhe në vlerësimin që ka marr AKSP-ja si nga jashtë ashtu edhe nga brenda institucioneve.

Ndërsa Drejtori i sapoemëruar i Departamentit të Rendit dhe Sigurisë Publike ne OSBE në  Edward T. Adreson tha  se,  “akredimin të cilin e keni fituar nga IADLEST nga Shtetet e Bashkuara të Amerikës është  mjaftë i rëndësishëm dhe keni fatin që jenë pjesë e këtij akreditimi të cilin shumë pak vende arrijnë të marrinë”, duke theksuar se kjo është arrite fal punës  profesionale në ofrimin trajnimeve dhe arsimimit të lartë për  zbatuesit e ligjit.

Ai tha se,  “Akademia është shembull i bashkëpunimit dhe aftësimit në shumë fusha të ndryshme duke përfituar nga trajnimet të cilat janë ofruar nga institucione të ndryshme ndërkombëtare dhe ju sot jeni profesional duke qenë shembull edhe për vendet e rajonit dhe me gjerë”.

Anderson falënderoi për pritjen si dhe shprehu vullnetin e bashkëpunimit edhe në të ardhmen.

Në funde ata vizituan edhe njërën nga klasat ku po zhvillohet trajnimi profesional i gjeneratës së 55-të për polic të ri si dhe objektet përcjellëse ku mbahen trajnimet,  ku nga instruktorët u informuan më gjerësisht  lidhur me këto trajnime.

Vushtrri, 25 nëntor 2019 -  Akademia e Kosovës për Siguri Publike dhe agjencitë e sigurisë publike, së bashku me partnerët e përhershëm të Akademisë, siç janë OSBE dhe ICITAP-i  mbajti punëtorinë gjatë të cilës është bërë  harmonizimi dhe finalizimi i draft – planit  të trajnimeve që do të mbahen në Akademi gjatë vitit 2020. Punëtoria e cila është përkrahur nga Organizata për Siguri dhe Bashkëpunim në Evropë ka zgjatur tri ditë dhe në të kanë marrë pjesë përfaqësues nga të gjitha agjencionet e sigurisë publike. 

Në hapjen e kësaj punëtorie  pjesëmarrësit i përshëndetën Drejtori i Përgjithshëm i  Akademisë së Kosovës për Siguri Publike Ismail Smakiqi dhe Drejtori i Departamentit të Rendit dhe Sigurisë Publike i OSBE-së në Kosovës   Edward Anderson.

Drejtori Smakiqi falënderoi OSBE-në që edhe më tutje po vazhdon ta përkrah Akademinë.   “OSBE dhe ICITAP-i gjatë gjithë këtyre viteve po përkrahin Akademinë dhe agjencitë e sigurisë publike me trajnime dhe pajisje më moderne të cilat janë më se të domosdoshme që të jemi në hap me zhvillimet e aktuale në fushën e sigurisë publike dhe me qëllim që institucionet e zbatimit të ligjit të iu përgjigjen sfidave të sigurisë të cilat vazhdimisht po ndryshojnë”,  tha Drejtori Smakiqi.

Drejtori Smakiqi po ashtu shpalosi të gjitha ngjarjet dhe aktivitetet të cilat e shënuan vitin 2019. 

 “Viti 2019 shënon historinë më të re të Akademisë me mbajtjen e trajnimeve profesionale të akredituara në Autoritetin Kombëtar të Kualifikimeve, bazuar në kornizën kombëtare dhe evropiane të standardeve si dhe të akreditimit të Akademisë nga Asociacioni Ndërkombëtar i Drejtorëve të Standardeve dhe Trajnimit të Zbatimit të Ligjit (IADLEST) të Shteteve të Bashkuara të Amerikës. Viti 2019 ka qenë viti me më së shumti kadet në historinë e Akademisë. Në të njëjtën kohë kanë ndjekur trajnimet profesionale 17 kadet të IPK, 117 kadet të SHKK dhe 416 kadet të PK. Të përfshirë në këtë numër edhe 240 student të FSP si dhe pjesëmarrësit në trajnime tjera, sikur trajnimi i 44 oficerëve dhe zyrtarëve të lart në trajnimin e SPSC ose Shkolla e Stafit të Komandos, në pjesën më të madhe të këtyre muajve në Akademi çdo ditë kanë kaluar nga 800 pjesëmarrës në trajnime, studime dhe aktivitete tjera”, u shpreh Smakiqi.

Kurse Drejtori i Departamentit të Rendit dhe Sigurisë Publike në misionin e  OSBE-së në Kosovës Edward Anderson duke përshëndetur pjesëmarrësit e punëtorisë shprehi kënaqësinë që po merre pjesë në takimin për  planifikim të trajnimeve të Akademisë dhe agjencive, të cilin e përkrah OSBE. Drejtori Anderson uroi Akademinë për të gjitha të  arriturat e viteve të fundit, sidomos sukseset në arritjen e standardeve gjegjësisht akreditimeve kombëtare dhe ndërkombëtare, zgjerimin e aktiviteteve të Akademisë me rrjetet ndërkombëtare të akademive dhe kolegjeve të sigurisë publike. 

“OSBE do të vazhdoi të përkrah Akademinë edhe në të ardhmen, duke e llogaritur njërin prej institucioneve më të suksesshme në Kosovë. Përkrahja e Akademisë nënkupton përkrahjen e trajnimet dhe arsimimit e të punësuarave në agjencitë e sigurisë publike dhe kjo përkrahje është investim në sigurinë publike në Kosovë”, tha drejtori Anderson. 

Në vazhdim pjesëmarrësit i përshëndetën Leonora Klaiqi Latifaj nga Shërbimi Korrektues i Kosovës dhe koloneli Milorad Çorac nga Policia e Kosovës, të cilët përveç se shprehën rendësin e planifikimit të trajnimeve, mbajtjen e trajnimeve të përbashkëta, ata falënderuan OSBE-në dhe ICITAP-in për përkrahje në ngritjen e kapaciteteve njerëzore dhe teknike të akademisë dhe agjencive tona.

Prishtinë, 22 nëntor 2019 -   Agjencia e Bashkimit Evropian për Trajnim dhe Zbatim të Ligjit (CEPOL) ka organizuar trajnimin  “Simulimi i gjykimit II”    në të cilin kanë marrë pjesë 36 zyrtarë nga vend e rajonit, kryesisht nga  Shqipëria, Maqedonia Veriore dhe Kosova.   Pjesëmarrësit nga Kosova të cilën morën  pjesë në këtë trajnim ishin punonjës të Policisë së Kosovës, Administratës Tatimore të Kosovës, Njësisë së Inteligjencës Financiare, prokurorë dhe gjyqtarë. 

Ky trajnim  është sesioni i dytë,  sesioni i parë i të cilit është mbajtur për zbatuesit e ligjit dhe punonjësit  gjyqësisë dhe prokurorisë nga Bosnjë dhe Hercegovina, Mali i Zi dhe Serbia. 

Gjatë këtij trajnimi i cili ka zgjatur pesë  ditë pjesëmarrësit ndërtuan një rast studimi për një hetim penal të një krimi serioz dhe të shpëlarjes së parave. Po ashtu gjatë këtij trajnimi pjesëmarrësit  simuluan një gjykim të një rasti të hetimeve financiare. 

Objektivat e këtij trajnimi ishin; Identifikimi dhe ngritja e njohurisë për mjetet dhe teknikat e hetimeve financiare, paraqitja e praktikave më të mira të BE-së për hetimin dhe gjykimin në shpëlarjen e parave, përmirësimi i shkathtësive në hetime, bashkëpunim dhe gjykim dhe  krijimi i rrjeteve të qëndrueshme profesionale si dhe fuqizimi i bashkëpunimit shumë disiplinuar ndërmjet zbatuesve të ligjit. 

Në ceremoninë e hapjes së këtij trajnimi morën pjesë Drejtor i Përgjithshëm i Akademisë së Kosovës për Siguri Publike Ismail Smakiqi,   Kastriot Jashari drejtor i Departamentit të Trajnimeve dhe Përkrahjes Arsimore në AKSP dhe Avni Istrefi  udhëheqës i Divizionit për Marrëdhënie me Jashtë në Akademi.

Gjatë kësaj ceremonie drejtori Smakiqi i njoftoi të pranishmit për rezultatet e deritashme që nga nënshkrimi i marrëveshjes së punës ndërmjet AKSP-së dhe CEPOL-it,  nënshkrim ky që është bërë më 24 mars 2017. Smakiqi më këtë rast falënderoj  zyrtarët e CEPOL-it  që përmes trajnimeve të organizuara nga ta kanë përfituar zbatuesit e ligjit nga Kosova.   

 Smakiqi është zotuar që Akademia  do të vazhdojë të jap  kontributin e saj edhe me tutje në  ngritjen  e  kapaciteteve të zyrtarëve të zbatimit të ligjit të Kosovës përmes CEPOL-it. 

Në fund të trajnimit  shpërndarjen e certifikatave e bëri Avni Istrefi dhe Ksenija Krizman, zyrtare e lartë e projektit të CEPOL për Hetime Financiare në Ballkanin Perëndimor. 

 Krizman falënderoi të gjithë ata që mundësuan realizimin e këtij trajnimi,  trajnerët, monitoruesin, teknikët, përkthyesit, e në veçanti dy zyrtarët e Njësisë Kombëtare të CEPOL-it për Kosovë, Avni Istrefin në cilësinë e Pikës Kombëtare të Kontaktit të CEPOL për Kosovë dhe Skender Agajn në cilësinë e Menaxherit të rrjetit elektronik (e-Net) të CEPOL për Kosovë. 

Ky trajnim u organizua në kuadër të projektit për ndërtimin e kapaciteteve, trajnimet në vendin e punës të Hetimeve Financiare në Ballkanin Perëndimor 2017 - 2019. 

Projekti ka për qëllim që të zhvillojë dhe t’i bëjë të qëndrueshme kapacitetet institucionale të agjencive të zbatimit të ligjit të vendeve përfituese (Shqipëria, Bosnja dhe Hercegovina, Kosova, Mali i Zi, Maqedonia Veriore dhe Serbia) në mënyrë që të parandalojë, hetojë dhe të ndjek penalisht krimin e organizuar transnacional dhe financimin e terrorizmit. 

Projekti financohet nga Bashkimi Evropian në kuadër të Instrumentit për Asistencë Para Anëtarësimit (IPA) dhe është pjesë integrale e Shtyllës së dytë Qeverisja Integruese e Sigurisë së Brendshme( IISG) të iniciativës së Ballkanit Perëndimor për Luftimin e Krimeve të Rënda (WBCSCi).  

Vushtrri 18 nëntor 2019 -  Një delegacion nga Njësia Korrektuese e EULEX-it në Kosovë, sot vizitoi Akademinë e  Kosovës për Siguri Publike, ku u takuan me  Drejtorin e Përgjithshëm të Akademisë Ismail Smakiqi. 

Vizita e delegacionit të  udhëhequr nga Ritva Vähäkoski, udhëheqëse e Njësisë së Korrektueses  në EULEX, kishte për qellim që të njihen perse afërmi më zhvillimet në Akademi. Në theks të veçantë delegacioni u interesua rreth trajnimeve që mbahen për zyrtaret e sigurisë publike,  konkretisht për trajnimet e zyrtarëve të Shërbimit Korrektuese të Kosovës. 

Drejtori Smakiqi e informoi delegacionin  me historikun e Akademisë, progresin, trajnimet të cilat zhvillohen në AKSP. Smakiqi duke folur për mbështetjen që ka Akademia nga organizatat ndërkombëtare të  sigurisë,  e njoftoi delegacionin edhe për projektin e binjakëzimit të Komisionit Evropian të implementuar nga Finlanda dhe Estonia,  projekt i cili ndihmoi Akademinë në hapjen e Fakultetit të Sigurisë.

 Drejtori Smakiqi me këtë rast foli edhe për bashkëpunimin ndërkombëtar  që ka Akademia  me institucionet e sigurisë të vendeve të ndryshme evropiane si dhe rreth anëtarësimit të Akademisë në  asociacione dhe organizata ndërkombëtare që kanë të bëjnë më fushën e  sigurisë. E po ashtu delegacioni u njoftua edhe për akreditimin ndërkombëtar  të  Akademisë nga Asociacioni Ndërkombëtar i Drejtorëve të Standardeve dhe Trajnimit të Zbatimit të Ligjit (IADLEST) të Shteteve të Bashkuara të Amerikës.

 Drejtori Smakiqi u shpreh i gatshëm që të bashkëpunojë më EULEX-i dhe të ofrojnë trajnime për zbatuesit e ligjit. 

“Është shumë më rëndësi që të rritet numri i trajnimeve për zyrtarët e sigurisë, sidomos për ata që punojnë nëpër burgjet. Akademia është gjithmonë e gatshme të punojë sa më shumë që të ofrojmë trajnime për zyrtarët që punojnë në burgjet që të jenë sa më efikas”, u shpreh Smakiqi.

Smakiq gjithashtu vlerësoj se Akademia ka kushte dhe kapacitete për hapjen e programit master. 

Ndërsa, në fund delegacioni parashtruan pyetje për çështje  që lidhen me trajnimet  e pjesëtarëve të sigurisë publike, në fokus u interesuan për trajnimet e Shërbimit Korrektues të Kosovës.

Në fund delegacioni vizituan objektet  përcjellëset  të Akademisë.

Vushtrri, 11 nëntor 2019 – Në Akademinë e Kosovës për Siguri Publike, gjenerata e 55 e kadetëve të Policisë së Kosovës sot fillojë pjesën teorike të trajnimit Programit Profesional “Polic i Ri”. 

Kadetët e rinj i përshëndeti Drejtori i Përgjithshëm i Akademisë së Kosovës për Siguri Ismail Smakiqi. Më këtë rast Smakiqi iu dëshiroj suksese kadetëve dhe i inkurajoj ata që të japin maksimumin nga vetja e tyre që e gjithë trajnimin ta përfundojnë me sukses. 

Po ashtu kadetët i përshëndeti edhe drejtor i Drejtorisë për Trajnime Themelore të Policisë së Kosovës Agron Rukiqi.

Kadetët e rinj do të trajnohen sipas plan programit të dizajnuar  në bazë të standardëve ndërkombëtare  për të drejtat e njeriut dhe sundim të ligjit.

Trajnimi i cili do të zgjatë deri në gusht të vitit 2020 do ta vijojnë  446  kadet të Policisë së Kosovës.

Finlandë, 21 tetor 2019 – Drejtori i Përgjithshëm i Akademisë së Kosovës për Siguri Publike (AKSP) Ismail Smakiqi,  i shoqëruar nga Avni Istrefi udhëheqës i Zyrës për Marrëdhënie me Jashtë kanë udhëtuar për një vizitë zyrtare në Finlandë. Gjatë kësaj vizite u nënshkrua marrëveshja e re e bashkëpunimit mes Akademisë së Kosovës për Siguri Publike, Institutit të Trajnimit të Shërbimeve të Burgut dhe Sprovues (RSKK),  dhe Universitetit Laurea të Shkencave të Aplikuara të Finlandës.


Qëllimi i marrëveshjes është vazhdimi i bashkëpunimit ndërmjet tri institucioneve për të përkrahur objektivat strategjike për periudhat afatgjate në fushën e trajnimeve, arsimit të lartë, hulumtimit dhe zhvillimit si dhe në marrëdhëniet me publikun.

Në kuadër të kësaj vizite drejtori Smakiqi ka zhvilluar  një mori aktivitete pune që kanë rëndësi  strategjike për të ardhmen e Akademisë në sferën e bashkëpunimit ndërkombëtar.

 
Tuje gjatë  kësaj vizite drejtori Smakiqi ka nënshkruar marrëveshjen e re të vazhdimit të  bashkëpunimit edhe me Universitetin e Kolegjit Policor të  Finlandës (POLAMK). 

“Më këtë marrëveshje është vendosur  që të vazhdojmë bashkëpunimin e ngushtë që e kemi kultivuar deri më tani. Të vazhdojmë ta  përkrahim njëra tjetrën për përfitime të përbashkëta,  duke shprehur gatishmërinë për të kontribuar në rritjen e mëtutjeshme të lidhjeve arsimore, kulturore, hulumtuese dhe zhvillimore”, tha Smakiqi.
 
Marrëveshja përfshinë zhvillimin dhe bashkërendimin e studimeve nën-diplomike dhe pas-diplomike, lidhjet e hulumtimit dhe zhvillimit, në një të ardhme të afërt në funksionalizimin në tërësi të të gjitha llojeve të shkëmbimeve.
 
Gjithashtu u tha se Akademia e vlerëson lartë marrëveshjet e bashkëpunimit  të vullnetshme të institucioneve për faktin që AKSP është pranuar partnere reciproke me të gjitha institucionet e lartcekura.
Smakiqi tha se ky është edhe një  inkurajim në rrugën në të cilin jemi në implementimin e vizionit dhe misionit të AKSP-së.
 
Ndër të tjerash vlen të përmendet se ekspertët nga POLAMK, RSKK  dhe Laurea të Finlandës, kanë qenë pjesë e realizimit  të suksesshëm në zbatimin e dy projekteve të binjakëzimit për Akademinë: IPA I  “Përmirësimi i arsimit në sektorin e rendit dhe sigurisë publike në Kosovë” dhe IPA II “Përkrahjen e mëtejshme të arsimit në siguri publike në Kosovë”, projekte këto të  financuar nga Komisioni Evropian me 1.5 milion euro respektivisht 1.4 milion euro, të cilat u implementuan gjatë periudhës 2012-2014 dhe 2016-2019 nga shtetet anëtare Finlanda dhe Estonia. Këto projekte kanë rezultuar në themelimin e arsimit të lartë në fushën e sigurisë publike në Akademi dhe zhvillimin e gjashtë  kurrikulave vokacionale apo profesionale për nevojat e Agjencive të Sigurisë Publike në Kosovë.
.
“Në kuadër të prioriteteve  bazuar edhe në Strategjinë e re Zhvillimore të AKSP-së 2019-2022 Akademia e Kosovës për Siguri Publike është duke vazhduar suksesshëm në realizimin e objektivave dhe qëllimeve strategjike të saj, si dhe duke bërë hapa të rëndësishëm tutje në ngritje të nivelit të saj në kuadër të ndërkombëtarizimit dhe bashkëpunimit ndërkombëtar më institucionet respektive të vendeve të BE-së”, tha Smakiqi.
 
Gjatë vizitës zyrtare në Finlandë, Drejtori i Përgjithshëm i Akademisë  Ismail Smakiqi, mbajti takime pune me përfaqësuesit e  institucionet e lartcekura ku temë diskutimi ishte bashkëpunimi në projektet potencialisht të financuara nga  BE-ja. Po ashtu delegacioni nga Kosova pati takime pune edhe me ish ekspertët e institucioneve në fjalë të cilit ishin pjesë e zbatimit të dy projekteve të Akademi  gjatë periudhës kohore 2012 – 2019.


 

Vushtrri,  23 tetor 2019 – Një  delegacion nga Universiteti Policor Gjerman (UPGj) me seli në Münster të Gjermanisë, sot vizitoi Akademinë e Kosovës për Siguri Publike (AKSP).

Delegacioni i cili ishte i udhëhequr nga Michael Rauschenbach  Drejtor i Kriminalistike, u takuan me  Dekanin e Fakultetit të Sigurisë Publike Bejtush Gashi, Drejtorin e Departamentit për Financa dhe Shërbime të Përgjithshme Rrahim Rexha, Drejtorin e Departamentit për Planifikim Strategjik dhe Çështje Ligjore Shpend Shabani dhe  Shpresa Muharremin  këshilltare nga OSBE-ja.

Në vazhdën e temave të shumta që u diskutuan ishte edhe forcimi i bashkëpunimit mes Akademisë së Kosovës së Sigurisë Publike dhe Universitetit Policor Gjerman.

Fillimisht  delegacioni nga Münsteri i Gjermanisë u njoftuan për misioni dhe vizionin për zhvillimet e fundit në Akademinë e Kosovës për Siguri Publike si dhe për zhvillimet në Fakultetin e Sigurisë Publike.

Para delegacionit u bë një prezantim rreth veprimtarisë së Akademisë, duke e informuar delegacionin me historikun, fazat të cilat ka kaluar AKSP-ja që nga themelimi e deri me tani.
Po ashtu delegacioni u informua edhe për trajnimet  që mbahen në Akademi  nga ato bazike e deri te ato të specializuara.

Dekani i Fakultetit të Sigurisë Publike Bejtush Gashi,  fillimisht e falënderoi delegacionin  gjerman për vizitën në Akademi. Gashi  gjatë takimit foli për zhvillimin e  programit studimor në Fakultetin e Sigurisë Publike.

“Programi studimor i Fakultetit  të Sigurisë Publike  është zhvilluar përmes projektit të binjakëzimit, qëllimi i të cilit ishte ‘Përmirësimi i arsimit në sektorët e rendit dhe sigurisë publike’,  në bashkëpunim me Estonin dhe Finlandën. Në hartimin e këtij projekti janë analizuar përvojat e këtyre dy shteteve, në arsimin e sigurisë publike,  dhe është zhvilluar modeli më i mirë për AKSP-në”, u shpreh Gashi duke thënë se programi i studimit është i hartuar sipas nevojave të institucioneve të sigurisë publike.
 
Dekani Gashi tha se programi studimor në Fakultetin e Sigurisë Publike është program  i arritjes së njohurive dhe aftësive në përputhje me kompetencat e nevojshme për punë profesionale të zbatuesve të ligjit në vendet e tyre të punës.

“Angazhimi i ekspertëve konsulentë nga Evropa i bën programet studimore të AKSP-së të standardeve evropiane”, tha Gashi.

Në fund  Gashi u shpreh i gatshëm që bashkëpunimi më Universitetin Policor Gjerman të vazhdoj edhe më tutje. 

Ndërsa delegacioni nga Universiteti Policor Gjerman shprehen  interesimin e tyre lidhur me trajnimin e pjesëtareve të sigurisë e në veçanti të Policisë së Kosovës, mënyrën e përzgjedhjes së kadetëve për pjesëtarë të Policisë së Kosovës. Gjithashtu delegacioni u interesua edhe për zhvillimin e plan programit mësimor në Fakultetin e Sigurisë Publike. Ndërkaq duke folur rreth bashkëpunimit ata theksuan se ky bashkëpunim të vazhdojë edhe në të ardhmen.
Në fund, delegacioni  vizitoi objektet përcjellëse, ku përmes prezantimeve u informuan me pjesën praktike ku pjesëtarët e sigurisë publike kryejnë trajnimet.

 

Vushtrri, 13 shtator 2019 –  Në Akademinë e Kosovës për Siguri Publike,  gjenerata e pesëdhjetë e katër (54) e kadetëve të policisë  sot  përfundojë pjesën teorike të programit profesional për 416 kadetët të Policisë së Kosovës dhe nga sot do të vazhdojnë me pjesën praktike të këtij programi.

Drejtori i Përgjithshëm i Policisë së Kosovës Rashit Qalaj duke përshëndetur të pranishmit ftojë kadetët që gjatë punës së tyre ta respektojnë ligjin. Drejtori Qalaj tha se Policia e Kosovës është  një organizatë e strukturuar  mirë dhe një organizatë shumë e besueshme.
 
“Sot jemi një organizatë e strukturuar mirë, me të gjitha kapacitetet në aspektin organizativ, më infrastrukturë ligjore, më pajisje dhe me kapaciteti njerëzore. Puna jonë ka bërë që të jemi një organizatë shumë e besueshme, këtë e kemi arritur duke i kryer detyrat e policisë që janë të përcaktuara më ligjin e policisë”, u shpreh Qalaj duke falënderuar të gjithë partnerët ndërkombëtarë për mbështetjen e vazhdueshme që ja bëjnë Policisë së Kosovë.
 
Qalaj më tej tha: “Në Akademi keni kryer pjesën teorike të programit dhe tani po hyni në një fazë shumë të rëndësishme të trajnimit fushor, është fazë e rëndësishme me qenë se atë që e keni mësuar nga instruktoret në shkollë do ta mësoni  do ta plotësoni edhe më punën praktike”.
Më këtë rast drejtori Qalaj ftoj kadetët që gjatë punës së tyre t’i shërbejnë popullit të Kosovës, ti trajtojnë të gjithë të barabartë.
 
 “Ne kemi shumë detyra duke u nisur nga ruajtja e jetës dhe pronës dhe duke përfunduar deri të sigurimi i kufiri shtetëror. Do te jetë një punë mjaftë e vështirë një punë mjaftë sfiduese, mirëpo një punë shumë e çmuar nga qytetarët e Kosovës. Meqenëse ju do të shërbeni, do t’i mbroni qytetarët dhe pronat, dhe shumë shpesh do të shpëtoni jetë. Ky është edhe misioni ynë, që ne të shërbejmë dhe vetëm të shërbejmë. Të shërbejmë popullit të Kosovës, t’i trajtojmë të gjithë të barabartë dhe ti konsiderojmë secilin individë në vend, anëtarë të familjes së madhe të Kosovës”, tha Qalaj duke thënë se Policia e Kosovës është një organizatë shumë etnike, po ashtu është një organizatë që kujdeset edhe në aspektin gjinor.

Ndërsa ministri në detyrë i Ministrisë së Punëve të Brendshme Ekrem Mustafa kërkoi nga kadetët të angazhohen në punën e tyre që ta ruajnë besueshmërinë që ka Policia e Kosovës.
“Ju tani po bartni uniformën që ka një besueshmëri të madhe nga qytetarët, andaj duhet të angazhoheni që të mbahet kjo besueshmëri duke respektuar ligjet në fuqi dhe të drejtat e njeriut”, u shpreh Mustafa.
 
“Ditë me parë sikurse Policia e Kosovës ashtu edhe Akademia mbushen 20 vite të themelimit dhe punës së suksesshme. Pas një pune të suksesshme Akademia u anëtarësua në  Rrjetin Ndërkombëtar Frankofon i Trajnimit Policor (FRANCOPOL), si anëtarë më të drejtë vote”, tha Mustafa.
 
Ministri në detyrë Ekrem Mustafa tha se edukimi është komponentë më e rëndësishme e zhvillimit të një sistemi me standarde të pranueshme dhe në hap me zhvillimin modern si dhe me risitë teknologjike.
 
“Është shumë me rëndësi që profesionalizmi dhe mirëmbajtja e kësaj besueshmërie, të bëhet duke e zbatuar ligjin në përgjithësi dhe ruajtja e të drejtave të njeriut. Dhe ju tani me  punën tuaj të mirëmbahet kjo besueshmëri. Kjo besueshmëri të mirëmbahet duke e zbatuar ligjin në përpikëri”, tha Mustafa.
 
Drejtori i Përgjithshëm i Akademisë së Kosovës Ismail Smakiqi mbajti këtë fjalë rasti. 
“Të dashur kadet të Policisë së Kosovës, Dëshiroi të iu uroj nga zemra përfundimin e moduleve të pjesës teorike të Trajnimit të Programit Profesional “Polic i Ri” në Akademia e Kosovës për Siguri Publike”, tha Smakiqi.
 
Drejtori Smakiqi thas se viti 2019 ka qenë viti me më së shumti kadet në historinë e Akademisë ku sic tha ai në të njëjtën kohë kanë ndjekur trajnimet profesionale 17 kadet të Inspektoratit Policor të Kosovës, 119 kadet të Shërbimit Korrektues të Kosovës dhe 416 kadet të Policisë së Kosovës.
 
“Të dashur kadet të Policisë së Kosovës, ju gjatë këtyre 34 javëve të kaluara në Akademi keni fituar njohuri dhe shkathtësi të nevojshme që në një të ardhme të afërt të ushtroni profesionin tuaj. Profesionin tuaj ushtrojeni në përputhje me kompetencat tuaja ligjore duke i shërbyer qytetarëve të atdheut tuaj pa asnjë dallim. Kur mos harroni që fuqia Jua është në familjet tuaja të cilat iu përkrahën të përcaktoheni për profesionin tuaj dhe kolegët tuaj të profesionit, shokët e njësive tuaja, me të cilët do ti luftoni njerëzit e keqi. Mos harroni të ruani të drejtën që familjet tuaja, kolegët tuaj, shokët tuaj, të dashurit tuaj dhe qytetarët e Kosovës ti shikoni gjithmonë ne sy”, u shpreh drejtori Smakiqi duke ju dwshiruar kadetwve shëndet dhe gjitha të mirat në karrierën dhe jetën tyre. 
 
“I nderuari Drejtor i Përgjithshëm i Policisë së Kosovës Qalaj, shpresoi bashkë të krijojmë kushtet dhe të gjejmë përkrahjen e institucioneve qendrore të shtetit, që sa më parë të filloi trajnimin gjenerata e 55 e kadetëve të Policisë së Kosovës. Ashtu siç e them çdo herë në Ceremoni të këtilla  Akademia ka hijeshi vetëm kur është plotë me kadet.Gëzuar të dashur kadet”, tha Smakiqi .
 
Edhe udhëheqësja e  Programit të ICITAP-it në  Kosovë Kimberley Riffe, i uroj kadetë në punën e tyre. 
“Si ish komandant i zbatimit të ligjit me lejoni të ndaj disa këshilla më ju. Të  jeni të guximshëm bëni atë që është e drejtë edhe kur s’është gjerësisht  e pranuar, jeni të fortë, qëndroni kundër atyre që ndikojnë dhe tentojnë të hyjnë në drejtësi, jeni të guximshëm, provoni drejtë rrezikut për të mbrojtur qytetarët e tuaj, jeni të nderuar zbatoni ligjin për të mbrojtur të gjithë qytetarët në mënyrë të barabartë. As njëherë mos harroni që edhe ju jeni pjesë e komunitetit”, tha Riffe.
Ndërsa ambasadori i  Misionit të OSBE-së në Kosovë Jan Braathu u shpreh i bindur që kadetët do ta vazhdojnë vijën e suksesit që ka Policia e Kosovë.
 
“Ju po kaloni në një vij të suksesit e cila është ndërtuar për 20 vite më rresht dhe më bindje se ju do të vazhdoni tutje këtë vij të suksesit. Dua t’ju uroj për guximin që keni marrë për të marr rolin të drejtoni dhe të mbështetin komunitetin të jeni një zyrtarë policor”, tha Braathu duke i ftuar kadetët që të përmbaheni dhe të respektojnë rregullat e shteti ligjor, te jenë profesional dhe të jenë të nderuar për uniformen dhe shërbimin që ua bënin komunitetit. 
 

Nehat Thaçi drejtor i Shërbimit Korrektues të Kosovës njëherit edhe kryesues i Bordit të Akademisë në emër të bordit të Akademisë i  përshëndeti të gjithëve. “Ju policë të ri rrugëtimi nuk është aq i lehtë unë ju inkurajoj që rrugëtimi i juaj të jetë  i ndershëm dhe  të ketë vizion të qartë”, u shpreh Thaçi.
 
 
Ndërsa, në emër të gjeneratës 54-të foli Pajtim Thaçi,  tha se janë krenar që do t’i shërbejnë vendit në mënyrë profesionale duke u  zotuar se do t’i kryejnë detyrat në bazë të ligjit dhe me nderë. “Ne si zyrtarë të policisë së Kosovës, do ti mbrojmë të drejtat e të gjithë qytetarëve të Kosovës pa dallim”, theksoi Thaçi.
 

Vushtrri, 11 shtator 2019 - Rrjeti Ndërkombëtar Frankofon i Trajnimit Policor (FRANCOPOL), ka pranuar Akademinë e Kosovës për Siguri Publike (AKSP) si anëtare me të drejtë vote. 

Anëtarësimi në FRANCOPOL mundëson që t’i lejohet stafit nga organizatat anëtare të kontribuojnë në zhvillimin e praktikave policore duke ndërvepruar me kolegët ndërkombëtarë, veçanërisht përmes teknologjisë së informacionit dhe komunikimit.

Anëtarët e këtij rrjeti mund të marrin pjesë në aktivitete, në komitete teknike, të kenë qasje në platformën e bashkëpunimit në internet të quajtur ndërlidhja e FRANCOPOL për Informata dhe Njohuri (CFIS) dhe të dërgojnë kërkesa për bashkëpunim në një temë specifike me interes të të gjithë anëtarëve.

Përpjekjet e AKSP-së për të qenë anëtare e këtij rrjeti datojnë që nga fundi i muajit korrik të vitit 2018, ku institucioni ynë është udhëzuar dhe përkrahur nga Ministria e Punëve të Brendshme (MPB) e Republikës së Kosovës që të aplikojë për tu anëtarësuar në FRANCOPOL.

Përveç Akademisë së Kosovës për Siguri Publike (AKSP), anëtarë të Rrjetit Ndërkombëtar Frankofon të Trajnimit Policor (FRANCOPOL) janë edhe 38 institucione apo organizata në 11 vende anekënd botës: Benini, Belgjika, Burkina Faso, Burundi, Kameruni, Kanada, Spanja, Franca, Luksemburgu, Monako dhe Zvicra. Përndryshe, Republika e Kosovës tashmë është anëtare e Organizatës Ndërkombëtare të Frankofonisë, e cila aktualisht numëron 61 shtete dhe qeveri anëtare dhe 27 vëzhgues.