Lajmet

Vushtrri, 27 nëntor 2010 – Në Qendrën e Kosovës për Siguri Publike, Edukim dhe Zhvillim (QKSPEZH)  klubi i pingpongut “Hasan Prishtina” të shtunën ka mbajtur turneun e dytë ndërkombëtar “Vushtrria 2010\".  Këtë turne përveç federatave dhe shoqatave të  pingpongut në Kosovë e kanë mbështetur edhe Ministria e Punëve të Brendshme (MBP) si dhe Qendra e Kosovës për Siguri Publike, Edukim dhe Zhvillim duke u ofruar kushtet që turneu të zhvillohet në mënyrën me të mirë të mundshme. Klubi i pingpongut “Hasan Prishtina” në bashkëpunim me Federatën e pingpongut të Kosovës, Shoqatën e Veteranëve të pingpongut dhe drejtoratin për Kulturë, Rini dhe Sport të Kuvendit Komunal të Vushtrrisë për herë dytë ka organizuar turneun ndërkombëtar “Vushtrria 2010”. Në këtë turne kanë marrë pjesë veteranë të pingpongut nga Kosova, Bosnja, Mali i Zi, Shqipëria, Maqedonia, Bullgaria si dhe nga Turqia. Turneu i pingpongut i cili u mbajt në QKSPEZH është zhvilluar në grup mosha nga 40 deri ne 49 vjeç, 50- 59, 60 -65, 65 -70  vjeç. Ndryshe nga turneu i kaluar sivjet ky turne është pasuruar edhe me pjesëmarrjen e seniorve të ri të pingpongut.  Ky turne është tradicional dhe mbahet çdo dy vjet.
 

Vushtrri, 26 nëntor ’10- Nesër në Qendrën e Kosovës përSiguri Publike, Edukim dhe Zhvillim në Vushtrri, organizohet TurneuBallkanik i Veteranëve në Ping-Pong, i organizuar nga Shoqata eVeteranëve të Klubit të Ping-Pongut “Hasan Prishtina”.
Pjesëmarrës nëkëtë turne, do të jenë veteranë nga 10 vende të rajonit. Ceremonia eturneut do të mbahen nesër (e shtunë) në ora 10:00 në ambientet eQendrës së Kosovës për Siguri Publike, Edukim dhe Zhvillim.Ftohen mediat që ta përcjellin këtë ngjarje sportive.
 

Vushtrri, 29 tetor 2010- Në Qendrën e Kosovës për siguri Publike, Edukim dhe Zhvillim përfundoi trajnimi “Gjuajtjet taktike dhe intervenimi taktik”, trajnim i cili ishte i mbështetur nga shteti Turk. Në ceremoni diplomimit morën  pjesë Kryeshefi Ekzekutiv i Qendrës për Sigurisë Publike z. Sheremet Ahmeti, nënkolonel Driton Zabërxha, përfaqësuese nga OSBE-ja, FSK-ja dhe pjesëtar të Policisë së Kosovës.
Pjesëmarrësit vlerësuan lartë mbajtjen e këtij trajnimi dhe theksuan “Policisë së Kosovës po iu shtohen edhe pjesëtar tjerë te specializuar të fushave të ndryshme në siguri të cilët me përvojat dhe shkathtësitë e fituara në këto trajnime do të japin kontributin e tyre në mbajtjen  e rendit dhe sigurisë për qytetaret e Republikës së Kosovës”.  Ky trajnim është planifikuar dhe zhvilluar konform  nevojave të Policisë së Kosovës. E veçanta e këtij trajnimi është se, është ligjëruar nga  instruktor vendorë dhe  mbështetur  nga  instruktorët e shtetit Turk. Kjo është gjenerata e dytë e trajnimit për instruktor në të cilën u certifikuan 15 zyrtar policorë. 

Vushtrri, 21 tetor 2010 – Kryeshefi Ekzekutiv i Qendrës së Kosovës për Siguri Publike, Edukim dhe Zhvillim, z. Sheremet Ahmeti priti sot zëvendësdrejtorin e Përgjithshëm të Policisë Kombëtare të Turqisë, z. Osman Çapali, udhëheqësin e Departamentit të Inteligjencës në Policinë Kombëtare Turke, Omer Altiparmak, zëvendës-udhëheqësin e këtij Departamenti, Sabedtin Akguç, si dhe mbikëqyrësin e Departamentit të Inteligjencës, Bilal Çankal.Gjatë takimit kryeshefi Ekzekutiv, z. Sheremet Ahmeti e ka njoftuar delegacionin turk për punët dhe aktivitetet e Qendrës së Kosovës për Siguri Publike, si dhe kanë biseduar për mundësinë e bashkëpunimit midis dy institucioneve të Kosovës dhe Turqisë.Kryeshefi Ahmeti e ka falënderuar z. Çapali për angazhimin dhe ndihmën e vazhdueshme që Turqia po i bën Kosovës në të gjitha fushat, e posaçërisht në fushën e sigurisë.

Gjatë bisedës, kryeshefi Ahmeti e njoftoi delegacionin turk për të gjitha trajnimet që mbahen nga katër agjencionet e sigurisë publike në Qendrën e Kosovës për Siguri Publike, Edukim dhe Zhvillim. Kryeshefi Ahmeti e ka njoftuar delegacionin turk edhe për projektet, të cilat priten të realizohen së shpejti, që kanë të bëjnë me ngritjen e kapaciteteve trajnuese dhe akomoduese në Qendër. Delegacioni turk u informua edhe për konceptin, vizionin, fazën e tranzicionit, akreditimit, legjislacionit, por edhe për sukseset dhe të arriturat e Qendrës së Kosovës për Siguri Publike, Edukim e Zhvillim. Po ashtu kryeshefi Ahmeti e ka njoftuar delegacionin turk se në Qendrën e Kosovës për Siguri Publike trajnohen pjesëtarë të sigurisë publike jo vetëm nga Republika e Kosovës, por edhe nga vendet e rajonit. “Qëllimi ynë është që Qendra e Kosovës për Siguri Publike, Edukim dhe Zhvillim të marrë karakter regjional në Evropën Juglindore për studime në fushën e sigurisë publike, pasi këtu ka pasur shumë pjesëtarë të agjencive të sigurisë publike nga vendet e rajonit si Shqipëria, Maqedonia dhe Mali i Zi”, tha kryeshefi Ahmeti.

Ndërkaq, zëvendësdrejtori i Përgjithshëm i Policisë Kombëtare të Turqisë, Osman Çapali duke e falënderuar z.Ahmeti për pritjen, ka premtuar se policia dhe shteti turk do ta përkrahin vazhdimisht Policinë dhe shtetin e Kosovës. Çapali ka shfaqur shpresën se Qendra e Kosovës për Siguri Publike së shpejti do të bëhet Akademi Policore. “Shpresoj se Qendra për Siguri Publike së shpejti do të bëhet Akademi Policore. Ne si polici dhe shtet turk jemi të gatshëm qe t’u përkrahim në çdo aspekt”, tha Çapali.

Vushtrri, 19 tetor 2010-Që nga dita e hënë Qendra e Kosovës për Siguri Publike, Edukim dhe Zhvillim (QKSPEZH) do të funksionoj  me Udhëzim të ri Administrativ.
Në mbështetje të nenit 145 paragrafi 2 të Kushtetutës së Republikës së Kosovës, ministri i Punëve të Brendshme z. Bajram Rexhepi ka  nënshkruar Udhëzimin Administrativ për organizimin dhe strukturimin e brendshëm të Qendrës së Kosovës për Siguri Publike, Edukim dhe Zhvillim. Udhëzimi administrativ përcakton organizimin strukturor të qendrës si Agjenci Ekzekutive në kuadër të Ministrisë së Punëve të Brendshme.QKSPEZH-i si Agjencion Ekzekutiv do të veproj në përputhje me misionin e ministrisë së Punëve të Brendshme, dokumentet strategjike të saj dhe vizionin e  qartë për ndërtimin, ruajtjen, ngritjen e sigurisë së përgjithshme dhe ofrimin e shërbimeve sa ma cilësore, profesionale dhe të avancuara të bazuara në standardet dhe vlerat demokratike për paanshmëri dhe profesionalizëm.
 

Vushtrri, 18.10.2010.- Qendrën e Kosovës për Siguri Publike, Edukim dhe Zhvillim e vizitoi një delegacion nga Ekipi për Ndërlidhje dhe Monitorim (LMT) i KFOR-it i përbërë nga  Nënkolonel z. Hansen Bjarne dhe Major Z. Srečko Matovič. Delegacioni u prit nga u.d. Kryeshefi Ekzekutiv i QKSPEZH, z. Sheremet Ahmeti dhe Drejtori për Trajnime Mandatore nga Policia e Kosovës në QKSPEZH, Nënkolonel Driton Zabërgja.
Në fjalën e tij, z. Ahmeti e njoftoi delegacionin e KFOR-it për organizimin e Qendrës, aktivitetet e saj trajnuese për të katër agjencitë e sigurisë publike pjesë të Qendrës, si dhe për aktivitetet që bëhen në QKSPEZH nga institucione të tjera publike, si dhe organizata të ndryshme qeveritare e joqeveritare vendore dhe ndërkombëtare, të cilat kanë për qëllim ngritjen e bashkëpunimit ndërmjet komunitetit dhe institucioneve të sigurisë publike në vend. Në vazhdim, z. Ahmeti ju foli mysafirëve për projektet të cilat priten të realizohen për ngritjen e kapaciteteve trajnuese dhe akomoduese në Qendër. Ai po ashtu i informoi të pranishmit për bashkëpunimin ndërkombëtar, para së gjithash me dy partnerët kryesorë të QKSPEZH, OSBE-në dhe ICITAP-in, si dhe me institucione të tjera të ngjashme në Evropë. “Qëllimi ynë”, tha Z. Sheremet Ahmeti, “është që kjo Qendër të marrë karakter regjional në Evropën Jug-Lindore për studime në fushën e sigurisë publike, pasi që këtu ka pasur shumë pjesëtarë të agjencive të sigurisë publike nga vendet e rajonit, si Shqipëria, Maqedonia dhe Mali i Zi.”
Ndërsa Majori Matovič i informoi nikoqirët për takimet e rregullta javore që i kanë me stafin udhëheqës të Policisë së Kosovës në Komunën e Vushtrrisë.  Delegacioni  u nda  kënaqur me të arriturat e Qendrës dhe me gatishmërinë e stafit të saj udhëheqës për bashkëpunim ndërkombëtar. “Ideja kur policia ka qenë mbi popull ka kaluar”, tha Majori Matovič, duke i dhënë rëndësi të veçantë policisë së orientuar në komunitet. “Kosova”, tha Z. Matovič, “është shtet që shkon në rrugë të drejtë dhe që meriton t’i ndihmohet”.
Në vazhdim të takimit, Z. Ahmeti vuri theksin në rëndësinë e trajtimit të barabartë të të gjithë qytetarëve, dhe shtoi se duhet të respektojmë ligjin që të kemi ardhmëri më të ndritshme.
Mysafirët  ishin  të kënaqur me vizitën. U hap rruga e mëtejmë e bashkëpunimit ndërmjet këtyre dy institucioneve (LMT, KFOR dhe QKSPEZH), për të cilën gjë u pajtuan të dy palët.
 

Vushtrri, 13 tetor 2010- Qendrën e Kosovës për Siguri Publike, Edukim dhe Zhvillim sot e vizitoi udhëheqës i Akademisë Policore të Qarkut Federal Gjerman të Baden- Württemberg z. Peter Egetemaier me bashkëpunëtor të tije.Delegacioni gjerman u pritë nga kryeshefi Ekzekutiv  z. Sheremet Ahmeti, si dhe Zyrtar të Lartë të Qendrës. Fillimisht z. Ahmeti iu uroi mirëseardhje në qendër delegacionit gjerman e më pas e njoftoi edhe për strukturën organizative të Qendrës së Kosovës për Siguri Publike, Edukim dhe Zhvillim. Delegacionin e informoi lidhur me punën aktivitete trajnimet të cilat mbahen në qendër nga katër agjencionet si Policia e Kosovës, Agjencioni i Emergjencave, Dogana e Kosovës dhe Shërbimi Korrektues i Kosovës. Gjithashtu z. Ahmeti e informoi delegacionin edhe për  konceptin, vizionin,  fazën e tranzicionit,  akreditimit , legjislacionit, sukseset dhe të arriturat  e Qendrës. Ndërsa  delegacioni nga gjermania u ndan të kënaqur me vizitën bërë qendrës dhe shprehen gadishmërin e bashkëpunimit mes Akadimisë Policore të Qarkut Federal Gjerman dhe Qendrës së Kosovës për Siguri Publike Edukim dhe Zhvillim.Në fund të takimit ata bënë një vizitë rreth objekteve të QKSPEZH-it për tu njoftuar me infrastrukturën dhe me disa nga pajisjet me të cilat trajnohen zyrtaret e Agjencioneve të sigurisë publike. 

Vushtrri, 12 tetor 2010 –     Anton Cena rreshter në Policinë e Kosovës njëherit është edhe  Instruktor në Qendrën e Kosovës për Siguri Publike, Edukim dhe Zhvillim (QKSPEZH) pas shumë fitoreve në Xhudo ai u shpallë edhe nënkampion i Evropës në konkurrencën e veteranëve në kampionatin qe u mbajt në Poreç të Kroacisë më 7 deri me 10 tetor. Cena përveç punës qe e kryen në QKSPEZH si instruktor nuk i ndalë asnjëherë aktivitet sportive.Ai është edhe anëtar i klubit të Xhudos “Polici” të Prishtinës.Pasi që Republika e Kosoves ende nuk është e pranuar në Federatën Evropiane të Xhudos Cena në kampionatin evropian për Xhudo mori pjesë si përfaqësues i Shqipërisë dhe ishte i vetmi garues shqiptarë nga Kosova dhe Shqipëria.Cena me paraqitjen e tij shumë profesional dhe të shkëlqyer gjatë lojërave fitoj dy luftëra me “IPPON”. Anton Cena gjatë kësaj gare mposhti zviceranin Andre Sui Zingg dhe holandezin Harry MartensCena për të arritur në final luftojë deri në fund mirëpo u mposhtë nga rusi Nikolai Evgerov. Cena thotë se nuk do të ndalet me kaq ai shpreson që me shkathtësitë që ka dhe profesionalizmin e tij një ditë do të bëhet edhe kampion bote. Cena e cilësoi lartë pjesëmarrjen në këtë ngjarje sportive duke falënderuar Policinë e Kosovës dhe Qendrën e Kosovës për Siguri Publike, Edukim de Zhvillim që i mundësoi pjesëmarrjen në këtë Kampionat Evropian të Xhudos.