Lajmet

Vushtrri, 09 shkurt 2016- Në Akademinë e Kosovës për Siguri Publike dje ka filluar trajnimi bazik për integrimin, e pjesëtarëve serbë të ashtuquajtur “Mbrojtja Civile”, në Institucionet e Republikës së Kosovës. 

Ashtu siç është paraparë me plan program edhe ka filluar  trajnimi i  pjesëtarëve serbë të ashtuquajtur “Mbrojtja Civile”, dhe nuk ka pasur asnjë kërkesë lidhur me heqjen e simboleve të Republikës së Kosovës. 

Edhe në praktikat e deri tashme në klasat dhe sallat ku mbahet mësimi dhe trajnimet e ndryshme nuk është rregull të ketë çfarëdo simboli.

Vushtrri, 08 shkurt 20016 - Në Akademinë e Kosovës për Siguri Publike filloi trajnimi bazik për integrimin, e pjesëtarëve serbë të ashtuquajtur “Mbrojtja Civile”, në Institucionet e Republikës së Kosovës. Në ceremoninë e hapjes  morën  pjesë ministrja  pa Portofol për Dialog në Qeverinë e Kosovës Edita Tahiri, ambasadori i OSBE-së në Kosovës Jean Claude Schlumberger, Eva Gutjahr përfaqësuese e misionit të EULEX-it në Kosovë, drejtori i Përgjithshëm i Akademisë Ismail Smakiqi si dhe sekretari i përgjithshëm i Ministrisë  së Pushteti Lokal, Besnik Osmani.  

Ministrja për Dialog në Qeverinë e Republikës së Kosovës, Edita Tahiri ka falënderuar të gjithë ekipin që ka qenë pjesë për rekrutimin e pjesëtarëve për ti integruar në Institucionet e Republikës së Kosovës. Po ashtu ministrja Tahiri ka falënderuar ambasadorin e OSBE-së dhe drejtorin Smakiqi për krijimin e hapësirave për realizimin e këtij trajnimi. Tahiri tha se ndryshimet që po ndodhin, të cilat kanë ardhur si rezultat i dialogut në Bruksel, janë ndryshime pozitive.

“Ndryshimet gjithmonë janë pjesë e jetës dhe ju po kaloni nëpër këto ndryshim. Nuk është hera e parë, e as e fundit që ndodhin zhvillime dhe ndryshime, gjithmonë shoqëritë janë në kërkim të integrimit të atyre njerëzve që nuk kanë mundur të integrohen, integrimi është një kënaqësi për neve si Qeveri e Republikës”, u shpreh Tahiri para të pranishmëve. Ajo tha se Qeveria e Kosovës  është e përkushtuar që integrimi të jetë cilësor dhe jo vetëm obligim.  

Duke vlerësuar se detyra e shërbyesve civil është një detyrë e veçantë ministrja Tahiri tha se çdo shërbyes civil duhet të shërbej në mënyrë të barabartë për të gjithë qytetarët e Kosovës.

“Për të qenë shërbyes civil të devotshëm duhet njohuri nga ligjet që janë bazë për administratën publike, duhet njohuri për qeverisjen demokratike, por ajo çka është e rëndësishëm është që nesër si shërbyes civil të trajtoni çdo palë në mënyrë të barabartë”, u shpreh Tahiri.  

Kurse Ambasadori i OSBE-së në Kosovës, Jean Claude Schlumberger, ka falënderuar Qeverinë e Kosovës dhe të gjitha ata që ishin të interesuar për realizimin e këtij trajnimi. Duke iu dëshiruar mirëseardhje pjesëtarëve të “mbrojtës civile” në inkuadrimin e institucioneve të Kosovës, ambasadori Schlumberger tha se për ndryshimin e jetës duhet inkurajim . 

“Prezenca e juaj këtu është një akt i tillë. Parimet e para të demokracisë janë qasja në institucionet legale dhe në informacion, pastaj të drejtat e gjuhës, të drejtat gjinore dhe të gjitha fushat për të drejtat dhe liritë e njeriut. Të gjitha këto janë shumë të rëndësishme për institucionet publike dhe për të gjitha ata që japin shërbime për qytetarët e Kosovës”, u shpreh Schlumberger. Ai  tha se OSBE-ja ka kontribuar dhe do të vazhdojë të kontribuoi në institucionet publike.

Ndërsa Eva Gutjahr përfaqësuese e misionit të EULEX-it në Kosovë, tha dialogu i cili ka për qëllim integrimin është shumë i nevojshëm për çdo qytetarë të Kosovës. “Ky dialog i cili ka për qëllim  integrimin është shumë i rëndësishëm dhe me mundësi të mëdha për ju që të integroheni në komunat tuaja”, tha Gutjahr. 

Ndërkaq Drejtori i Përgjithshëm i Akademisë, Ismail Smakiqi, duke përshëndetur të pranishmit tha se Akademia është përgjegjës për ofrimin e trajnimeve dhe arsimit të lartë, për të gjitha institucionet e sigurisë publike. 

Ai duke falënderuar ambasadorin Schlumberger për përkrahjen e vazhdueshme që i bëni Akademisë tha se Akademia është njohur ndërkombëtarësh si Institucion i besueshëm dhe profesional për ofrimin e trajnimeve për gjitha agjencionet e sigurisë publike.

“Gjatë vitit 2014 dhe 2015 në Akademi kanë përfunduar trajnimin pjesëtarët e strukturave të ndryshme të cilët janë integruar në Policinë e Kosovës, Shërbimin Korrektues dhe Agjencinë e Menaxhimit  Emergjent”, tha Smakiqi. Drejtori Smakiqi tha se Akademia do të ofroj përkrahjen e duhur më qëllim që edhe ky trajnim si gjitha trajnimet tjera të përfundoj me sukses. 

Edhe Besnik Osmani sekretari i përgjithshëm në Ministrinë e Pushteti Lokal ka falënderuar të gjithë ata që mundësuan realizimin e këtij trajnimi. Ndryshe trajnimi do të zgjatë 5 javë ku do të marrinë pjesë 378 e pjesëtarëve të ashtuquajturës “Mbrojtja Civile”, të cilët do të znkuadrohen në Institucionet e Republikës së Kosovës. 

Vushtrri, 4 shkurt 2016 - Akademinë e Kosovës për Siguri Publike sot e vizituan pjesëmarrësit e konferencës “Dita e Sigurisë së Mençur Austriako-Kosovare 2016”, të  udhëhequr nga Gunter Fehlinger udhëheqës i Shoqatës Austriako-Kosovare.

Pjesëmarrësit e konferencës  u priten nga drejtori i Përgjithshëm  Ismail Smakiqi, përfaqësues nga Agjencioni për Menaxhim Emergjent  si dhe menagjmenti i lartë i Akademisë.

Fillimisht drejtori Smakiqi iu uroi mirëseardhje në Akademi delegacionit e më pas bëri një prezantim të historikut, të punës dhe zhvillimeve të rëndësishme të Akademisë. Në theks të veçantë ai foli edhe për hapjen e Fakultetit të Sigurisë Publike në Akademi , për bashkëpunimin  ndërkombëtarë si dhe për projektin e binjakëzimit  IPA II të përkrahur nga Bashkimi Evropian i cili ka të bëjë me “Përkrahjen e mëtejshme të arsimit në siguri publike në Kosovë”.

Ndërsa Gunter Fehlinger udhëheqës i Shoqatës Austriako-Kosovare shprehu gatishmërinë e bashkëpunimit  edhe në të ardhmen, në veçanti për Agjencionin e Menagjimit Emergjent.

Gjatë këtij takimi  u bënë edhe prezantime nga përfaqësuesit nga Austria si dhe nga Agjencioni i Menagjimit Emergjent në Kosovës lidhur me punën, legjislacioni dhe funksionimin  e emergjencave.

Temë diskutimi me rendësi e këtij takimi ishte edhe krijimi i grupeve vullnetare për zjarrfikës  e që është mjaftë me rëndësi për qytetarët e Republikës së Kosovës.

Në funde të takimit drejtori Smakiqi falënderoi shtetin austriak për ndihmën e vazhdueshme që kanë dhënë dhe po vazhdojnë të japin në Kosovë.

Vushtrri, 2 shkurt 2016 - Në Akademinë e Kosovës për Siguri Publike filloi Projekti i ri i Binjakëzimit i cili ka për qëllim “Përkrahjen e mëtejshme të arsimit në siguri publike në Kosovë”.  Drejtori i Përgjithshëm i Akademisë Ismail Smakiqi i cili është edhe udhëheqës i projektit nga vendi përfitues priti sot në takim këshilltaren Rezidente të Binjakëzimit, Ritva Vähäkoski.

Drejtori Smakiqi e përgëzoi këshilltaren e binjakëzimit, Vähäkoski, për fillimin e këtij projekti. Ai më tutje u shpreh i kënaqur për fillimin e këtij projekti i cili do të përmirësojë cilësinë e shërbimeve që ofrohen nga AKSP.

Me këtë rast Smakiqi e informoi Vähäkoski për takimin e mbajtur  më 19 janar 2016, në të cilin morën pjesë zyrtarë nga Zyra e Kryeministrit të Kosovës, Ministritë relevante, Institucionet e Sigurisë Publike dhe partnerët ndërkombëtarë të AKSP, në të cilin të gjithë u njoftuan për fillimin e Projektit të Binjakëzimit, ku edhe u përcaktuan pjesëmarrësit e Komitetit Drejtues të Projektit.

Në fund Drejtori Smakiqi i ofroi Vähäkoski përkrahje të plotë në realizimin e të gjitha detyrave dhe aktiviteteve në kuadër të projektit.

Ndërsa këshilltarja rezidente e binjakëzimit, Ritva Vähäkoski falënderoi drejtorin Smakiqi për pritjen dhe përkrahjen e fillimit të projektit.

Ajo theksoi bashkëpunimin e mirë tashmë të arritur në kuadër të projektit, bazuar edhe në bashkëpunimin që AKSP-ja e ka pasur edhe gjatë projektit të mëparshëm.

\"Gjysma e punës është e kryer kur bëhet planifikim i mirë” u shpreh Vähäkoski, Në fund të takimit, Vähäkoski u shpreh e gatshme për fillimin e punës në kuadër të Projektit.

Projekti i Binjakëzimit “Përkrahja e mëtejshme e arsimit në siguri publike në Kosovë” do të zgjatë  tri vite ku përfitues janë  Finlanda dhe Estonia.

Vushtrri 25 janar 2016 –  Ministria e Punëve të Brendshme në bashkëpunim me Programin për Zhvillim të Kombeve të Bashkuara filluan punëtorinë treditore \"STRESAVIORA\", ku po diskutohet për  fuqizimin e qëndrueshmërisë kundër radikalizmit të dhunshëm.

Në këtë punëtori morën pjesë, ministri i Punëve të Brendshme,  Skender Hyseni, drejtori i Përgjithshëm i Akademisë Ismail Smakiqi, zëvendës-përfaqësuesja e përhershme e UNDP,  Alessandra Roccasalvo,  Charles De Winter nga  Policia Federale e Belgjikës dhe  Noel Klima nga Shërbimi Publik Federal i Punëve të Brendshme të Belgjikës.

Ministri i Punëve të Brendshme, Skender Hyseni, tha se Ministria e Punëve të Brendshme po luan rol të rëndësishëm, madje ka marr rol prijës në luftimin, parandalimin e radikalizmit të shoqërisë së kosovare, me synim parësor, ndalimin dhe parandalimin e terrorizmit dhe ekstremizmin me premisa dhune, që në faza të caktuara të zhvillimit shndërrohet në veprime të dhunshme që marrin format e akteve makabre terroriste. 

“Ndërkohë na del si detyrim esencial i shoqërive të të gjitha shtresave të organizimeve sociale, politike që të bëjmë më shumë në parandalimin e radikalizmit të komunitetit tonë”, tha ministri Hyseni.

Ndërsa zëvendës-përfaqësuesja e përhershme e UNDP, Alessandra Roccasalvo, tha se Kosova është ndër vendet e Ballkanit dhe më gjerë më pro aktive, që është duke luftuar dhe parandaluar radikalizmin dhe ekstremizmin e dhunshëm, dhe kjo nuk është një kompliment.

“Një avantazh për Kosovën është se si një vend i vogël,  policia është duke bërë një punë të mirë në këtë fushë, prandaj kemi vendosur që së bashku me MPB-në dhe partnerët tjerë për të zhvilluar disa trajnime që zhvillohen në disa shtete të cilat kanë pasur çështje të ngjashme”, theksoi Roccasalvo.

Kjo punëtori synon që të fuqizojë qëndrueshmërinë karshi radikalizmit dhe ekstremizmit të dhunshëm, është organizuar në dy sesione, sesioni i parë i destinohet përfaqësuesve të institucioneve qendrore, ndërsa sesioni tjetër i është destinuar nivelit lokal. Kjo punëtori do të zgjasë tre ditë.

Vushtrri, 19 janar 2016 -  Në Akademinë e Kosovës për Siguri Publike (AKSP), me një shkurt fillon implementimi i projektit të dytë të binjakëzimit “Përkrahja e mëtejshme e arsimit në siguri publike në Kosovë”,  projekt  ky i cili ka të bëjë me përmirësimin e arsimit në sektorin e sigurisë publike.

Kështu u bë e ditur sot gjatë një takimi  që u  mbajt në Akademi me temën“Përkrahja e mëtejshme e arsimit në sigurinë publike  në Kosovë”, në të cilin morën pjesë  drejtorii përgjithshëm i Akademisë, Ismail Smakiqi, përfaqësuesit  e Agjencioneve të Sigurisë Publike, zyrës sëkryeministrit, përfaqësues nga Ministria e Punëve të Brendshme, Ministria eDrejtësisë, Ministria e Financave, Ministria e Integrimeve Evropiane ,përfaqësues  nga Autoriteti Kombëtar  i Kualifikimeve si dhe partnerët ndërkombëtar  nga zyra e BE-së nëKosovë dhe OSBE-së.

Gjatë takimit fillimisht nga zyrtarët eAkademisë u bë prezantimi i të arriturave dhe rezultateve të suksesshme ngaprojekti i mëparshëm i binjakëzimit i cili ka pas për qëllim “Përmirësimin earsimit në sektorët e rendit dhe sigurisë publike në Kosovë”, përmes së cilës ubë e mundshme akreditimi i programit studimor në siguri publike në Akademinë eKosovës për Siguri Publike, nivelit BA, ku si rezultat i këtij projekti u hapFakulteti i Sigurisë Publike i cili ofron arsim të lartë për zyrtarët  e Agjencive të Sigurisë Publike.

Gjithashtu gjatë këtij takimi u bë prezantimipër projektin e ri të binjakëzimit “Përkrahja e mëtejshme e arsimit në siguripublike në Kosovë”.

Drejtori i përgjithshëm i Akademisë së Kosovëspër Siguri Publike, Ismail Smakiqi ka vlerësuar lartë fillimin e projektit tëdytë të binjakëzimit. Ai gjatë prezantimit të arriturave në Akademi, vlerësoisi shumë të rëndësishëm këtë projekt.

“Është shumë i rëndësishëm implementimin ikëtij projekti i financuar nga Bashkimi Evropian në arritjen e objektivave nëpërmirësimin e arsimit në sektorin e sigurisë publike”, u shpreh Smakiqi dukethënë se ky është një rast i shkëlqyer për Akademinë.

Ndërsa përfaqësuesit nga zyra e kryeministrittë Kosovës dhe ministrive ofruan mbështetje Akademisë rreth implementimit tëprojektit të dytë të binjakëzimit.

Edon Miftari nga zyra e kryeministrit theksoise që nga pas lufta Akademia mbetet njëri ndër institucionet më tërëndësishme  në trajnimin e pjesëtarëvetë sigurisë publike .Ndryshe projekti i ri i binjakëzimit “Përkrahja e mëtejshmee arsimit në siguri publike në Kosovë”, financohet nga Komisioni Evropian me vlerë prej 1.4 milion euro, do tëzgjasë tri vjet dhe do të zbatohet nga shtetet anëtare Finlanda dhe Estonia.

Vushtrri, 21 dhjetor  2015 - Bordi  i Akademisë së Kosovës për Siguri Publike (AKSP),  sot mbajti takimin e trembëdhjetë dhe të fundit për vitin 2015. Temë diskutimi kanë qenë  zhvillimi i  trajnimeve si dhe proceset tjera nëpër të cilat ka kaluar Akademia gjatë vitit 2015.  

Gjatë këtij takim u shqyrtua projekti i planit të trajnimeve për vitin 2016, ku janë  të përfshira trajnimet e të gjitha agjencioneve të sigurisë publike.  

Po ashtu në mbledhjen e rregullt të Bordit të Akademisë, Dekani i Fakultetit të Sigurisë Publike, Nazmi Iballi e bëri prezantimin  e  realizimit të intershipit - pjesa praktike, e studentëve në programin bachelor drejtimi “Siguria Publike”. 

Gjithashtu  në mbledhjen e rregullt të bordit të Akademisë, Drejtori i Përgjithshëm i Akademisë së Kosovës për Siguri Publike, Ismail Smakiqi, prezantoi raportin një vjeçar të Akademisë, raport i cili u vlerësua lartë nga të pranishmit, në realizimin e objektivave të AKSP-së. 

Në takim morën pjesë drejtori i Përgjithshëm i Akademisë, Ismail Smakiqi, drejtori i Përgjithshëm i Policisë së Kosovës, Shpend Maxhuni, kryeprokurori i Shtetit Aleksander Lumezi, U/d i Drejtori të Përgjithshëm të Shërbimit Korrektues, Sokol Zogaj, Kryeshefi Ekzekutiv i Inspektoratit Policor të Kosovës, Fitim Shishani, Drejtori i Përgjithshëm i Shërbimit Sprovues, Bajram Bujupi, Drejtori i Përgjithshëm i Agjencionit të Menaxhimit të Emergjencave, Fadil Kodra, zv.Drejtoresha e përgjithshme e Doganës së Kosovës Valdete Krasniqi si dhe përfaqësuesit e OSBE-së. 

Vushtrri, 18 dhjetor 2015 – Akademinë e Kosovës për Siguri Publike sot e vizitoi drejtori i Policisë së Shqipërisë Haki Çako. Drejtori Çako u pritë nga drejtori i Përgjithshëm i Akademisë së Kosovës për Siguri Publike Ismail Smakiqi. Për nderë të kësaj vizite u organizua edhe parada e kadetëve të Policisë së Kosovës të gjeneratës së 53-të. Me këtë rast drejtori Çako mbajti një fjalim para kadetëve duke ju dëshiruar përfundim të suksesshëm të trajnimit si dhe duke ju uruar punë të mbarë në profesionin të cilin e kanë zgjedhur.

Gjithashtu, përmes këtij takimi drejtori Smakiqi e informoi delegacionin  me të arriturat dhe aktivitetet e AKSP-së, me shkollimin, trajnimet, bashkëpunimin  vendor dhe ndërkombëtar dhe aktivitet tjera të cilat zhvillohen në Akademi.

Drejtori i Policisë së Shqipërisë Haki Çako u shpreh se, “ndihet i lumtur me arritjet e Akademisë dhe punën e cila zhvillohet këtu në trajnimin dhe aftësimin e  pjesëtarëve të  sigurisë publike”.

Ai shprehu nevojën për thellimin e bashkëpunimit me qëllim të ngritjes dhe avancimit të trajnimeve për pjesëtarët e sigurisë publike, si dhe shfaqi gatishmërinë e tij të plotë për bashkëpunim dhe kordinim në mes dy institucioneve Akademisë së Kosovës për siguri Publike dhe Policisë së shtetit të Shqipërisë.

Në fund, të dy drejtorët vizituan objektet përcjellëse, ku përmes prezantimeve nga instruktoret u informuan lidhur me pjesën praktike ku pjesëtaret e sigurisë publike zhvillojnë trajnimet.

Vushtrri, 15 dhjetor 2015  - Drejtori i Përgjithshëm i Akademisë së Kosovës për Siguri Publike, Ismail Smakiqi priti sot në takim lamtumirës drejtorin e Departamentit për Rend dhe Siguri Publike në OSBE, Carsten Twelmeier.

Drejtori Smakiqi e falënderoi drejtorin Twelmeier për ndihmën e dhënë Akademisë, për kontributin dhe angazhimin e tij në promovimin dhe ngritjen e vlerave. Ai po ashtu shprehi mirënjohjen për mbështetjen e pakursyer që OSBE-ja i ka dhënë Akademisë, edhe përmes donacioneve të shumta të cilat kanë ndihmuar në ngritjen sa më profesionale pjesëtareve të sigurisë publike.

Ndërsa, drejtori i Departamentit për Rend dhe Siguri Publike, Carsten Twelmeier gjatë takimit të tij lamtumirës e përgëzoi drejtorin Smakiqi për të arriturat e tij. Ai tha se Akademia është duke ecur në rrugë të drejtë  në ofrimin e arsimit  cilësor në fushën e sigurisë.  

Gjithashtu Twelmeier u shpreh falënderues për bashkëpunimin, koordinimin si dhe ambientin e punës që i është krijuar këtu në Akademi nga stafi drejtues si dhe bashkëpunëtorët e tjerë duke shtuar se pikërisht ky  bashkëpunim dhe mirëkuptim ka ndikuar që rezultatet të jenë në nivel të lartë.

Në fund drejtori Smakiqi ndau edhe një pllakë me mbishkrimin e Akademisë për drejtorin e  Departamentit për Rend dhe Siguri Publike në OSBE, Carsten Twelmeier  në shenjë falënderimi për kontributin e dhënë për AKSP.

Vushtrri, 15 dhjetor 2015  - Drejtori i Përgjithshëm i Akademisë së Kosovës për Siguri Publike, Ismail Smakiqi priti sot në takim lamtumirës drejtorin e Departamentit për Rend dhe Siguri Publike në OSBE, Carsten Twelmeier.

Drejtori Smakiqi e falënderoi  drejtorin Twelmeier për ndihmën e dhënë Akademisë, për kontributin dhe angazhimin e tij në promovimin dhe ngritjen e vlerave. Ai po ashtu shprehi  mirënjohjen për mbështetjen e pakursyer që OSBE-ja i ka dhënë Akademisë, edhe përmes donacioneve të shumta të cilat i kanë kontribuar në ngritjen sa më profesionale pjesëtareve të sigurisë publike.

Ndërsa, drejtori i Departamentit për Rend dhe Siguri Publike, Carsten Twelmeier gjatë takimit të tij lamtumirës e përgëzoi drejtorin Smakiqi për të arriturat e tij. Ai tha se Akademia është duke ecur në rrugë të drejtë  në ofrimin e arsimit  cilësor në fushën e sigurisë. 

Gjithashtu Twelmeier u shpreh falënderues për bashkëpunimin, koordinimin si dhe ambientin e punës që i është krijuar këtu në Akademi nga stafi drejtues si dhe bashkëpunëtorët e tjerë duke shtuar se pikërisht ky  bashkëpunim dhe mirëkuptim ka ndikuar që rezultatet të jenë në nivel të lartë.

Në funde drejtori Smakiqi ndau edhe një pllakë me mbishkrimin e Akademisë për drejtorin e  Departamentit për Rend dhe Siguri Publike në OSBE, Carsten Twelmeier  në shenjë falënderimi për kontributin e dhënë për AKSP.

Prishtinë, 10 dhjetor 2015 - Iniciuar nga Zvicrra, Qendra e Gjenevës për Kontroll Demokratik të Forcave të Armatosura (DCAF), së bashku me Ministrinë e Punëve të Brendshme dhe Inspektoratin Policor të Kosovës (IPK), mbajtën tryezë për të diskutuar \"Menaxhimin e Burimeve Njerëzore dhe Perspektivat e Planifikimit të Integritetit”, me akterët vendor dhe ndërkombëtarë.  

Në këtë tryezë morën, pjesë ministri i Punëve të Brendshme, z. Skender Hyseni, ambasada e Zvicrës në Kosovë, znj. Krystyna Marty Lang, anëtarët e Komisionit për Siguri, përfaqësues të shoqërisë civile dhe njohës të çështjeve të Sigurisë.

Ministri i Punëve të Brendshme, z. Skënder Hyseni, me këtë rast falënderoi qeverinë zvicerane për mbështetjen e pa kursyer që ka dhënë institucioneve të sigurisë në Kosovë në ngritjen e kapaciteteve, theks të veçantë i ka vënë në përkrahjen për Kosovën në institucione që kryesisht kanë të bëjnë me mbikëqyrjen, kontrollin e performances profesionale të institucioneve të rendit dhe ligjit.

“Kontrolli demokratik, përkatësisht mbikëqyrja e institucioneve të rendit dhe ligjit është thelbësore, është kurciale dhe vendimtare për mirëmbajtjen dhe performancën e këtyre institucioneve. Po ashtu resurset njerëzore, kanë peshë të veçantë në ruajtjen e vazhdimësisë të kujtesës institucionale tek institucionet e rendit dhe ligjit”, tha ministri Hyseni.

Ministri Hyseni vlerësoi se, Policia e Kosovës është një formacion jashtëzakonisht profesional, e trajnuar mirë dhe shumë bashkëkohore në aspekt të ndërveprimit operativ.  Ai tha se nga këndvështrimi i burimeve njerëzore, kemi një ngecje të cilin  bashkërisht me Kuvendin e Kosovës besoj se do e zgjidhim. Pasi një numër i policëve është plakur.

“Unë e kam vendosur si prioritet hartimin dhe kalimin e projektligjit për pensionimin e parakohshëm të Policisë së Kosovës. Projektligji është gati. Po kështu kemi vendosur rreth pikave delikate që është mosha e pensionimit dhe niveli i pagës me të cilën do të pensionohen Policët e Kosovës, dhe presim që në janar ose shkurt të vitit të ardhshëm do të miratohet ky projektligj”.

Ndërsa Ambasadorja e Zvicrres në Kosovë, znj. Krystyna Marty Lang, tha se të ndërtosh një organizatë policore nuk është procedurë e lehtë. Policia e Kosovës është një organizatë e respektuar dhe e cila i përfaqëson ambiciet e Kosovës në respektim të diversiteteve të saj. 

“Zyrtarët e policisë janë në vështirësi të ndryshme për të mbrojtur, shumë nga ta i plotësojnë standardet më të larta të integritetit, megjithatë sikur edhe në çdo forcë policore, kudo në botë ekzistojnë shkeljet dhe korrupsioni që janë pjesë e realitetit, sjellje të tilla kërcënojnë edhe drejtësinë, por edhe besimin e qytetarëve sepse këto organizata supozohet se duhet t’i mbrojnë ata”, theksoi ambasadorja Lang. 

Ambasadorja zvicerane theksoi se Kosova ka mekanizmat e duhura për të mundësuar punë të suksesshme për të luftuar korrupsionin dhe tha se këto diskutime do t’iu ndihmojnë të zhvilloni forma operative në mënyrë që Policia e Kosovës të ndihmohet në ngritjen e integritetit. 

“Kjo tryezë do t’iu ndihmojë që të bëni planifikimet për integritetin  dhe kjo nënkupton krijimin e një kornize vendimmarrëse për të identifikuar dhe analizuar dhe adresuar gjithçka në polici në një adresim të veçantë”, tha ambasadorja Lang. 

Në këtë tryezë folën edhe përfaqësues të DCAF-it, deputet të Kuvendit të Kosovës, zyrtarë institucional dhe përfaqësues të shoqërisë civile. 

Vushtrri, 08 dhjetor 2015 – Akademinë e Kosovës për Siguri Publike (AKSP), sot e vizitoi ambasadorja e Zvicrës në Kosovë, Krystyna Marty Lang, ku u prit nga Drejtori i Përgjithshëm i Akademisë, Ismail Smakiqi.
Ambasadorja Marty Lang gjatë kësaj vizite mori pjesë edhe në “Seminarin Ndërkombëtar për Mbikëqyrjen dhe Kontrollin Policor” të organizuar nga Inspektorati Policor i Kosovës (IPK) në Akademi. Për nderë të kësaj vizite u organizua parada e mëngjesit nga gjenerata e 53-të e kadetëve të Policisë së Kosovës.

Para të pranishmëve, ambasadorja Marty Lang, tha se puna e policisë është mjaftë me përgjegjësi dhe shumë e rëndësishme për shtetin. “Ju keni bërë një zgjedhje shumë të guximshme, inkuadrimi në polici është një krenari, pasi që ju mbroni të gjithë qytetarët pa dallim nacionaliteti apo nga vijën ata”, u shpreh Marty Lang. Sipas ambasadores duke pas parasysh se në çfarë kohë është duke jetuar popullata e gjithë botës, puna e policisë është zgjedhje e guximshme.

Marty Lang u tha kadetëve se pas përfundimit të trajnimit bazikë ata do të jenë model i Policisë së Kosovës. Ajo tha se si pjesëtarë i Policisë së Kosovës, ligj do të jetë gjithmonë një udhërrëfyes në punën e tyre. “Ju e përfaqësoni rendin dhe ligjin, dhe ligji e përbënë bazën e ndërtimit të këtij shteti”, tha Marty Lang, duke iu dëshiruar kadetëve suksese në punën e tyre.

Ndërsa, Drejtori i Përgjithshëm i Akademisë, Ismail Smakiqi vizitën e ambasadores së Zvicrës në Kosovë e ka vlerësuar si shumë të rëndësishme. “Këtë vizitë e kuptojmë si përkrahje ndaj Akademisë, kurse për kadetët këto vizita janë inspirim në përcaktimin e tyre dhe motiv shtesë të ia dalin që të përfundojnë me sukses trajnimin bazik”, u shpreh Smakiqi, duke thënë se pas diplomimit kadetët do të bashkëngjiten tetë mijë policëve të Kosovës të cilët janë trajnuar në Akademi. Deri me tani sipas Smakiqit në Akademi janë trajnuar mbi 12 mijë zbatues të ligjit nga gjashtë Agjenci të Sigurisë Publike.

Drejtori Smakiqi tha se bashkëpunimi i ngushtë me partnerët ndërkombëtar të sigurisë, ka bërë që Akademia të jetë e njohur ndërkombëtarisht si institucion profesional për ofrimin e trajnimeve për pjesëtarët e sigurisë publike.