Lajmet

Vushtrri, 15 dhjetor 2015  - Drejtori i Përgjithshëm i Akademisë së Kosovës për Siguri Publike, Ismail Smakiqi priti sot në takim lamtumirës drejtorin e Departamentit për Rend dhe Siguri Publike në OSBE, Carsten Twelmeier.

Drejtori Smakiqi e falënderoi  drejtorin Twelmeier për ndihmën e dhënë Akademisë, për kontributin dhe angazhimin e tij në promovimin dhe ngritjen e vlerave. Ai po ashtu shprehi  mirënjohjen për mbështetjen e pakursyer që OSBE-ja i ka dhënë Akademisë, edhe përmes donacioneve të shumta të cilat i kanë kontribuar në ngritjen sa më profesionale pjesëtareve të sigurisë publike.

Ndërsa, drejtori i Departamentit për Rend dhe Siguri Publike, Carsten Twelmeier gjatë takimit të tij lamtumirës e përgëzoi drejtorin Smakiqi për të arriturat e tij. Ai tha se Akademia është duke ecur në rrugë të drejtë  në ofrimin e arsimit  cilësor në fushën e sigurisë. 

Gjithashtu Twelmeier u shpreh falënderues për bashkëpunimin, koordinimin si dhe ambientin e punës që i është krijuar këtu në Akademi nga stafi drejtues si dhe bashkëpunëtorët e tjerë duke shtuar se pikërisht ky  bashkëpunim dhe mirëkuptim ka ndikuar që rezultatet të jenë në nivel të lartë.

Në funde drejtori Smakiqi ndau edhe një pllakë me mbishkrimin e Akademisë për drejtorin e  Departamentit për Rend dhe Siguri Publike në OSBE, Carsten Twelmeier  në shenjë falënderimi për kontributin e dhënë për AKSP.

Prishtinë, 10 dhjetor 2015 - Iniciuar nga Zvicrra, Qendra e Gjenevës për Kontroll Demokratik të Forcave të Armatosura (DCAF), së bashku me Ministrinë e Punëve të Brendshme dhe Inspektoratin Policor të Kosovës (IPK), mbajtën tryezë për të diskutuar \"Menaxhimin e Burimeve Njerëzore dhe Perspektivat e Planifikimit të Integritetit”, me akterët vendor dhe ndërkombëtarë.  

Në këtë tryezë morën, pjesë ministri i Punëve të Brendshme, z. Skender Hyseni, ambasada e Zvicrës në Kosovë, znj. Krystyna Marty Lang, anëtarët e Komisionit për Siguri, përfaqësues të shoqërisë civile dhe njohës të çështjeve të Sigurisë.

Ministri i Punëve të Brendshme, z. Skënder Hyseni, me këtë rast falënderoi qeverinë zvicerane për mbështetjen e pa kursyer që ka dhënë institucioneve të sigurisë në Kosovë në ngritjen e kapaciteteve, theks të veçantë i ka vënë në përkrahjen për Kosovën në institucione që kryesisht kanë të bëjnë me mbikëqyrjen, kontrollin e performances profesionale të institucioneve të rendit dhe ligjit.

“Kontrolli demokratik, përkatësisht mbikëqyrja e institucioneve të rendit dhe ligjit është thelbësore, është kurciale dhe vendimtare për mirëmbajtjen dhe performancën e këtyre institucioneve. Po ashtu resurset njerëzore, kanë peshë të veçantë në ruajtjen e vazhdimësisë të kujtesës institucionale tek institucionet e rendit dhe ligjit”, tha ministri Hyseni.

Ministri Hyseni vlerësoi se, Policia e Kosovës është një formacion jashtëzakonisht profesional, e trajnuar mirë dhe shumë bashkëkohore në aspekt të ndërveprimit operativ.  Ai tha se nga këndvështrimi i burimeve njerëzore, kemi një ngecje të cilin  bashkërisht me Kuvendin e Kosovës besoj se do e zgjidhim. Pasi një numër i policëve është plakur.

“Unë e kam vendosur si prioritet hartimin dhe kalimin e projektligjit për pensionimin e parakohshëm të Policisë së Kosovës. Projektligji është gati. Po kështu kemi vendosur rreth pikave delikate që është mosha e pensionimit dhe niveli i pagës me të cilën do të pensionohen Policët e Kosovës, dhe presim që në janar ose shkurt të vitit të ardhshëm do të miratohet ky projektligj”.

Ndërsa Ambasadorja e Zvicrres në Kosovë, znj. Krystyna Marty Lang, tha se të ndërtosh një organizatë policore nuk është procedurë e lehtë. Policia e Kosovës është një organizatë e respektuar dhe e cila i përfaqëson ambiciet e Kosovës në respektim të diversiteteve të saj. 

“Zyrtarët e policisë janë në vështirësi të ndryshme për të mbrojtur, shumë nga ta i plotësojnë standardet më të larta të integritetit, megjithatë sikur edhe në çdo forcë policore, kudo në botë ekzistojnë shkeljet dhe korrupsioni që janë pjesë e realitetit, sjellje të tilla kërcënojnë edhe drejtësinë, por edhe besimin e qytetarëve sepse këto organizata supozohet se duhet t’i mbrojnë ata”, theksoi ambasadorja Lang. 

Ambasadorja zvicerane theksoi se Kosova ka mekanizmat e duhura për të mundësuar punë të suksesshme për të luftuar korrupsionin dhe tha se këto diskutime do t’iu ndihmojnë të zhvilloni forma operative në mënyrë që Policia e Kosovës të ndihmohet në ngritjen e integritetit. 

“Kjo tryezë do t’iu ndihmojë që të bëni planifikimet për integritetin  dhe kjo nënkupton krijimin e një kornize vendimmarrëse për të identifikuar dhe analizuar dhe adresuar gjithçka në polici në një adresim të veçantë”, tha ambasadorja Lang. 

Në këtë tryezë folën edhe përfaqësues të DCAF-it, deputet të Kuvendit të Kosovës, zyrtarë institucional dhe përfaqësues të shoqërisë civile. 

Vushtrri, 08 dhjetor 2015 – Akademinë e Kosovës për Siguri Publike (AKSP), sot e vizitoi ambasadorja e Zvicrës në Kosovë, Krystyna Marty Lang, ku u prit nga Drejtori i Përgjithshëm i Akademisë, Ismail Smakiqi.
Ambasadorja Marty Lang gjatë kësaj vizite mori pjesë edhe në “Seminarin Ndërkombëtar për Mbikëqyrjen dhe Kontrollin Policor” të organizuar nga Inspektorati Policor i Kosovës (IPK) në Akademi. Për nderë të kësaj vizite u organizua parada e mëngjesit nga gjenerata e 53-të e kadetëve të Policisë së Kosovës.

Para të pranishmëve, ambasadorja Marty Lang, tha se puna e policisë është mjaftë me përgjegjësi dhe shumë e rëndësishme për shtetin. “Ju keni bërë një zgjedhje shumë të guximshme, inkuadrimi në polici është një krenari, pasi që ju mbroni të gjithë qytetarët pa dallim nacionaliteti apo nga vijën ata”, u shpreh Marty Lang. Sipas ambasadores duke pas parasysh se në çfarë kohë është duke jetuar popullata e gjithë botës, puna e policisë është zgjedhje e guximshme.

Marty Lang u tha kadetëve se pas përfundimit të trajnimit bazikë ata do të jenë model i Policisë së Kosovës. Ajo tha se si pjesëtarë i Policisë së Kosovës, ligj do të jetë gjithmonë një udhërrëfyes në punën e tyre. “Ju e përfaqësoni rendin dhe ligjin, dhe ligji e përbënë bazën e ndërtimit të këtij shteti”, tha Marty Lang, duke iu dëshiruar kadetëve suksese në punën e tyre.

Ndërsa, Drejtori i Përgjithshëm i Akademisë, Ismail Smakiqi vizitën e ambasadores së Zvicrës në Kosovë e ka vlerësuar si shumë të rëndësishme. “Këtë vizitë e kuptojmë si përkrahje ndaj Akademisë, kurse për kadetët këto vizita janë inspirim në përcaktimin e tyre dhe motiv shtesë të ia dalin që të përfundojnë me sukses trajnimin bazik”, u shpreh Smakiqi, duke thënë se pas diplomimit kadetët do të bashkëngjiten tetë mijë policëve të Kosovës të cilët janë trajnuar në Akademi. Deri me tani sipas Smakiqit në Akademi janë trajnuar mbi 12 mijë zbatues të ligjit nga gjashtë Agjenci të Sigurisë Publike.

Drejtori Smakiqi tha se bashkëpunimi i ngushtë me partnerët ndërkombëtar të sigurisë, ka bërë që Akademia të jetë e njohur ndërkombëtarisht si institucion profesional për ofrimin e trajnimeve për pjesëtarët e sigurisë publike.

Vushtrri 08 dhjetor 2015 - Në Akademinë e Kosovës për Siguri Publike sot u mbajt Seminari Ndërkombëtar për Mbikëqyrjen dhe Kontrollin e Policisë i cili është i organizuar nga Inspektorati Policor i Kosovës në bashkëpunim me Qendrën e Gjenevës për Kontroll Demokratik të Forcave të Armatosura,( DCAF).

Kryeshefi Ekzekutiv i Inspektoratit Policor Fitim Shishani fillimisht i përshëndeti te pranishmit duke falënderuar Akademinë e Kosovës për Siguri Publike për mundësin që ky seminar të mbahet në Akademi. Ai u shpreh i lumtur qe Inspektorati Policor i Kosovës në bashkëpunim me DCAF të mbaj një konferencë të nivelit të lartë.

Seminari ka për qëllim të bashkoi përfaqësues të institucioneve të sigurisë për kontroll dhe mbikëqyrje policore nga shtete të ndryshme, për të diskutuar praktikat aktuale dhe shkëmbimin e përvojave në fushën e kontrollit dhe mbikëqyrjes policore.

Pjesëmarrës në këtë seminar, përveç zyrtarëve nga institucionet e Republikës së Kosovës, janë edhe përfaqësues të institucioneve për mbikëqyrjen policore nga Franca, Hungaria, Irlanda, Norvegjia, Shqipëria, Holanda etj.

Vushtrri, 30 nëntor –  Me ftesën e Akademisë së Kosovës për Siguri Publike (AKSP), sot para studentëve mbajti ligjëratë Prof.dr Enver Hasani në temën “Kontrolli kushtetues i traktateve ndërkombëtare në Evropë”.

Prof. dr Hasani vitin e kaluar ka mbajt ligjërata para studentëve të Fakultetit të Sigurisë Publike, profesor i angazhuar me kontratë pa kompensim.

Duke thënë se ndjehet i lumtur  për mundësinë e dhënë që të ligjëroj në Fakultetin e Sigurisë, Hasani u shpreh i gatshëm që edhe në të ardhmen të ligjëroj për studentët e Fakultetit të Sigurisë Publike.

Tema e ligjëratës e cila u elaborua nga Hasani në rrafshin teorik, zgjojë interesim tek studentët sidomos nga prizmi i të drejtës kushtetuese dhe ndërkombëtare të traktateve në mesë shteteve.

Ndryshe programi studimor  bachellor është mjaft me rëndësi sepse Akademia është i vetmi institucion kombëtarë trajnues dhe arsimor i gjashtë institucioneve të sigurisë publike.

Fakulteti i Sigurisë Publike është hapur në vitin 2014, tashmë është gjenerata e dytë që janë duke ndjekur studimet në këtë fakultet.

 

Vushtrri, 20 nëntor 2015 - Studentët e  Kolegjit AAB sot vizituan Akademinë e Kosovës për Siguri Publike (AKSP).  Vizita kishte për qëllim njohjen e studentëve me menaxhimin dhe aktivitetet e Akademisë, edukimin e pjesëtarëve të sigurisë publike,  metodat e mësimit si dhe trajnimit.

Në këtë takim studentët u informuan nga menaxhmenti i lartë i AKSP-së lidhur me aktivitetet dhe trajnimet që zhvillohen në Akademi, rreth hapjes së Fakultetit të Sigurisë,  për prioritet dhe objektiva në të ardhmen. 

Gjatë kësaj vizite  studentët shpreh interesimin e tyre rreth trajnimeve dhe arsimimit të pjesëtareve të sigurisë publike në Akademi.

Studentët u ndanë të kënaqur me vizitën si dhe vlerësuan lartë punën të cilën e bënë Akademia në trajnimin e pjesëtarëve të sigurisë publike.

Përveç tjerash studentët  vizituan edhe infrastrukturën  e Akademisë, të cilët u mirëpritën edhe nga pjesa tjetër e stafit profesional , të cilët ofruan njohuri praktike mbi shërbimet profesionale që i ofron  AKSP.

Vushtrri, 13 nëntor 2015 -   Në Akademinë e Kosovës për Siguri Publike (AKSP), sot diplomoi gjenerata e 40-të e  Shërbimit Korrektues të Kosovës (SHKK),  e cila numëron 25 pjesëtarë. Në ceremoninë e diplomimit morën pjesë, Ministri i Drejtësisë,  Hajredin Kuçi, Drejtori i Përgjithshëm i Akademisë, Ismail Smakiqi, Shefi i Divizionit të Fuqizimit të EULEX-it, Peter Bach,  Drejtor i Përgjithshëm i Shërbimit Korrektues të Kosovës, Sokol Zogaj si dhe përfaqësues tjerë nga agjencionet e sigurisë publike.

Ministri i Drejtësisë, Hajredin Kuçi, gjatë fjalimit të tij tha se pa shërbim korrektues nuk ka sistem të drejtësisë funksional.  “Është një lajm i mirë për drejtësinë kur i shtohen edhe një  numër i madh i gardianëve,  është hallka e fundit, por është hallka me e rëndësishme në sistemin e drejtësisë”, u shpreh Kuçi duke thënë se gardianet e sa po diplomuar duhet të ndihen krenar për punën që kanë zgjedhur.

“Punën  që e bëjnë hetuesit, prokuroret gjyqtaret,  nëse vuajtja e dënimit nuk është adekuate atëherë është e kotë. Ndihuni krenar që jeni pjesë e shërbimit korrektues dhe sistemit të drejtësisë”, tha Kuçi duke u shpreh i gatshëm për përkrahjen e vazhdueshme ndaj të gjithë gardianëve.

Shefi i Divizionit të Fuqizimit të EULEX-it, Peter Bach  tha se puna e gardianit është një punë mjaftë e vështirë, por është krenari për të qenë pjesë e këtij sistemi.

“Për të qenë oficer korrektues nuk është punë e lehtë, prandaj unë iu dëshiroj  suksese në punën tuaj”, u shpreh Bach para të pranishmëve. Ai tha se EULEX-i e mirëpret inkuadrimin e kësaj gjenerate në Shërbimin Korrektues. 

Drejtori i Përgjithshëm i Akademisë, Ismail Smakiqi tha se Akademia ka qenë dhe do të vazhdojë të ofroj trajnimi profesionalen  për pjesëtaret e sigurisë publike.

Ai tha tashmë Akademia është duke ofruar program studimor bachellor në fushën e sigurisë për të gjithë pjesëtaret e sigurisë publike, në mesin e të cilëve janë edhe zyrtarët e Shërbimit Korrektues të Kosovës.

“Nga Shërbimi Korrektues i Kosovës në Fakultetin e Sigurisë Publike në Akademi  janë të regjistruar 43 studentë, të cilët pas diplomimit do të fitojnë kompetenca menaxheriale dhe do të bëhen specialistë të fushave”, tha Smakiqi.
Ai para të pranishmëve ka folur edhe për projektin e dytë të binjakëzimit i cili ka për qëllim zhvillimin e trajnimeve vokacionale, përkrahja e studimeve bachelor dhe funksionalizmin e institutit të hulumtimit në Akademi.

“Ngritja e cilësisë së trajnimeve dhe arsimimi i lartë është puna e përditshme e Akademisë dhe partnerëve tanë siç janë  ICITAP-it, OSBE-së dhe Komisioni Evropian”,  u shpreh Smakiqi duke thënë se në Akademi aktualisht janë duke ndjekur trajnimin  24 zyrtarë  të Agjencisë së Emergjencave nga grupi prej 80 pjesëtareve, të cilët në javët në vijim do ta kryejnë trajnimin bazik.

Smakiqi u ka uruar kadetëve të sa po diplomuar suksese, duke iu dëshiruar shërbim sa me profesional në punën e tyre


Ndryshe ky trajnim ka zgjatur 15 javë.
 

Vushtrri, 12 nëntor 2015 - Në Akademinë e Kosovës për Siguri Publike (AKSP), në mënyrë vullnetare është duke u zhvilluar aksioni i dhurimit të gjakut nga kadetët e Policisë së Kosovë, nga Instruktorët e Agjencive të Sigurisë Publike si dhe  nga Personeli i Akademisë.
Në  Akademinë  e Kosovës për Siguri Publike dhurimi i gjakut në mënyrë vullnetare tashmë është bërë aksion tradicional.

Aksioni humanitar i dhurimit të gjakut është  realizuar në bashkëpunim me Shërbimin Shëndetësor të Policisë së Kosovës, Transfuzionin e Gjakut nga Qendra Klinike Universitare e Kosovës dhe me ekipin mjekësor të  AKSP-së në krye me dr Artan Bejta.

Duke iu përgjigjur kërkesës së Qendrës së Transfuzionit të Gjakut dhe gatishmërisë së madhe për  dhurimin e gjakut në mënyrë vullnetare i cili ka filluar dje është duke vazhduar edhe sot.

Personeli mjekësor i Transfuzionit Kombëtar të Gjakut dhe ai i Akademisë këtë aksion e kanë vlerësuar si një ndër aksionet më të mëdha që kanë ndodhur deri me tani.


Fadil Mahmuti, menaxher për informim në Transfuzionin Kombëtar të  Gjakut i cili është duke marrë pjesë në këtë  aksion, tha se është një njëri ndër aksionet me të suksesshme deri me tani.

“Ekipi i Transfuzionit të Gjakut edhe sot është në mesin e kadetëve të rinj të Policisë së Kosovës, personelit të Akademisë ku kemi organizuar një aksion për grumbullimin e gjakut. Për shkak të vullnetarëve të shumtë jemi detyruar që aksioni të vazhdoj edhe sot, pasi që vetëm dje nuk kemi arrit të marrim gjak nga të gjithë ata që janë të interesuar”, tha Mahmuti.

Interesimin e madh për dhurimin e gjakut në Akademi në mënyrë vullnetare, Mahmuti e ka vlerësuar si shembull të mirë edhe për institucionet tjera, siç janë ministritë, shkollat, fakultetet dhe organizata tjera.

“Duke u nisur nga fakti se kërkesat për gjak janë të mëdha, për t’i mbuluar nevojat brenda Qendrës Klinike Universitare  brenda 24 orëve  vijnë mbi 150 kërkesa për gjak, kemi Qendrën emergjente ku vazhdimisht vijnë fatkeqësi në komunikacion, fatkeqësi me gjakderdhje të mëdha dhe shumë shpesh nevojitet gjak”, u shpreh Mahmuti duke thënë se falë këtij aksioni kanë arritur që të gjitha ata që kanë pas nevojë për gjak ti furnizojnë.

“Duke falënderuar kadetët e kësaj Akademie dhe stafin e saj neve kemi arritur mbrëmë gjatë natës dhe sot gjatë ditës në Qendrën Klinike Universitare t’i furnizojmë me gjak të gjitha nënat, të gjithë fëmijët që kemi raste me leukemi të ndryshme, me kërcënoma etj. Kanë marrë gjak të gjitha fatkeqësitë në komunikacion që kanë arrit në emergjencë gjatë natës, e mos flas edhe për operacionet që kanë qenë të planifikuara  në gjinekologji dhe në kirurgji”, tha Mahmuti.

Mahmuti ka falënderuar stafin udhëheqës të Akademisë si dhe personelin mjekësor për përgjigjen kaq masive të dhurimit të gjakut dhe për mundësinë e dhënë të organizimit të këtij aksioni.

Vushtrri, 10 nëntor  2015 -  Drejtori i Akademisë së Kosovës për Siguri Publike (AKSP), Ismail Smakiqi priti  sot në takim homologen e tij nga Akademia e Policisë së Malit të Zi drejtoreshën  Milica Pajovic.
Po ashtu delegacioni ishte i shoqëruar edhe nga zyrtaret tjerë nga Akademia e Malit të Zi.
Qëllimi i kësaj vizite ishte që të njihen më për se afërmi me zhvillimet, aktivitetet, trajnimet dhe procesin nëpër të cilin po kalon Akademia.

Drejtori Smakiqi e falënderoi delegacionin për vizitën duke e njoftuar atë për procesin nëpër të cilin ka kaluar Akademia deri në hapjen e Fakultetit të Sigurisë Publike, si dhe për funksionalizimin e tij. Po ashtu delegacioni u njoftua edhe për trajnimet që mbahen në Akademi ku marrin pjesë të gjitha agjencionet e sigurisë publike. Më këtë rast drejtori Smakiqi u shpreh i gatshëm për bashkëpunim me Akademinë e Policisë së Malit të Zi.

“Shpresoj që kjo vizitë do të shërbej edhe më shumë për përforcimin  dhe krijimin e raporteve mes dy akademive, Akademisë së Kosovës  për Siguri Publike dhe Akademisë së Policisë së Malit të Zi”, tha Smakiqi

Ndërsa Drejtoresha e Akademisë së Policisë  nga Mali i Zi, Milica Pajovic  duke inkurajuar drejtorin Smakiqi për  të arriturat, ka folur rreth themelimit të Akademisë të cilën e udhëheq ajo. Pajovic  ka shpjeguar mënyrën e arsimit në fushën e sigurisë si dhe sistemin e trajnimeve që zhvillohen atje.  Ajo ka vlerësuar lartë  punën që është bërë në Akademinë e Kosovës për Siguri Publike.

“Sistemi i trajnimeve dhe ai i arsimit të zyrtarëve të sigurisë publike në Akademinë e Kosovës është shumë profesional”, tha Pajovic duke shprehur gatishmërinë për bashkëpunim me Akademinë e Kosovës për Siguri Publike.


 

Vushtrri, 29 shtator 2015 - Në Fakultetin e Sigurisë Publike i cili është në kuadër të Akademisë së Kosovës për Siguri Publike që nga data 12 tetor të këtij viti do të fillojë viti i ri akademik 2015 / 2016.

Në vitin e parë akademik 2015/2016 do të ndjekin studimet 59 pjesëtarë të sigurisë publike në vend.

Vushtrri, 25 shtator – Sot në Akademinë e Kosovës për Siguri Publike (AKSP), u rreshtuan në paradën e mëngjesit 290 kadetë të gjeneratës të 53-të të Policisë së Kosovës. Kadetëve  iu drejtuan  nënkolonel Driton Zabergja, drejtor i Trajnimeve Mandatare në Policinë e Kosovës dhe Drejtori i Përgjithshëm i Akademisë së Kosovës për Siguri Publike Ismail Smakiqi.

Nënkolonel Zabërgja i njoftoi kadetët për trajnimin bazik të cilin do ta ndjekin në Akademi për gjashtë muaj si dhe për modulet e këtij trajnimi i cili çdo herë rifreskohet bazuar në nevojat e kompetencave të cilat duhet të i posedoi zyrtari policor.
Nënkolonel Zabërgja kërkoi nga kadetët që ta respektojnë në përpikëri orarin e trajnimeve, rregullat shtëpiake dhe të jenë të përkushtuar në përfundimin me sukses të trajnimit bazik, i cili atyre iu mundëson që nesër të jenë pjesë e Policisë së Kosovës.

Drejtori i Përgjithshëm i Akademisë së Kosovës për Siguri Publike Ismail Smakiqi,  duke iu dëshiruar mirëseardhje kadetëve në Akademi, i inkurajoi për vendimin e tyre që të jenë pjesë e Policisë së Kosovës, profesionit më të respektuar prej qytetarëve, i cili iu bënë nder ju, familjeve tuaja dhe bashkëqytetarëve të vendbanimeve prej nga vini.

Smakiqi duke ju dëshiruar përfundim të suksesshëm të trajnimit bazik tha se Akademia ofron edhe trajnime të specializuara, avancuara të lidershipit si dhe ofrimin e studimeve në Fakultetin e Sigurisë Publike.

Kjo është java e parë e trajnimit bazik të Policisë së Kosovës dhe  kadetët  pritet të diplomojnë në funde të muajit mars të vitit 2016 dhe të i bashkohen radhëve të Policisë së Kosovës.
 

Vushtrri, 23 shtator 2015 – Akademinë e Kosovës për Siguri Publike (AKSP), sot e vizitoi një delegacion nga Shoqata Ndërkombëtare e Grave Police, nga APON/Rrjeti i Grave Police të Evropës Jug-Lindore, Rrjeti Evropian i Grave Police dhe nga shoqata e Grave të Policisë së Kosovës. Delegacioni në fjalë u prit nga Drejtori i Përgjithshëm i Akademisë, Ismail Smakiqi, nga përfaqësuesi i Policisë së Kosovës, Driton Zabërgja dhe menaxhmenti i lartë i Akademisë. 

Gjatë takimit drejtori Smakiqi i uroi mirëseardhje delegacionit e më pas i informoi lidhur me proceset e fundit si dhe progresin e arritur në Akademi, zhvillimin e trajnimeve nga agjencionet e sigurisë, hapjen e Fakultetit të Sigurisë si dhe për bashkëpunimet ndërkombëtare.

“Akademia e Kosovës për Siguri Publike në Vushtrri ka marr karakter regjional dhe me gjerë me ofrimin e trajnimeve jo vetëm për pjesëtaret e sigurisë publike në vend, por edhe për vendet e Ballkanit”, tha Smakiqi.  

Ndërsa përfaqësueset e Shoqatës Ndërkombëtare të Grave Police u shprehen të lumtura për vizitën e tyre dhe progresin e arritur në Akademi.

Ndryshe  misioni i OSBE-së në Kosovë ka organizuar një Konference me teme  \"Integrimi i perspektivës gjinore në sektorin e sigurisë\",  që është mbajtur dy ditë radhazi me 22 dhe 23 shtator në Prishtinë.