Lajmet

Vushtrri, 4 prill 2016- Akademinë e Kosovës për Siguri Publike (AKSP),sot e vizitoi një delegacion nga Byro për Çështje Ndërkombëtare të Narkotikëve dhe Zbatim të Ligjit për Evropë dhe Azi Qendrore nga Departamenti i Shtetit të SHBA-ve, të udhëhequr nga  Judith Campbell, drejtoreshë e BÇNN-së.

Po ashtu delegacioni ishte i shoqëruar edhe nga zyrtaret e  ICITAP-it  në Kosovë.

Drejtori Smakiqi gjatë këtij takimi e informoi delegacionin  për procese të rëndësishme të Akademisë, për hapjen e Fakultetit të Sigurisë, bashkëpunimin ndërkombëtarë si dhe projektin e binjakëzimit  IPA II-  të financuar nga bashkimi Evropian.

Me këtë rast drejtori Smakiqi ka falënderuar delegacionin veçanti  ICITAP-in  për ndihmën e pakursyer që po japin Akademisë  në ngritjen profesionale të pjesëtarëve të sigurisë, për bashkëpunimin e shkëlqyeshëm, si dhe për gatishmërinë e tyre për t'i ofruar ndihmë Akademisë edhe në të ardhmen.

Delegacioni nga Byro për Çështje Ndërkombëtare të Narkotikëve dhe Zbatim të Ligjit, për Evropë dhe Azi e inkurajuan drejtorin Smakiqi për të arriturat, ku po ashtu ata shprehen gatishmërinë e tyre për bashkëpunim dhe përkrahje edhe në të ardhmen.
“Përkrahja për Akademinë është suksese jo vetëm i Akademisë, por edhe i yni. Ne jemi të gatshëm ta ndihmojmë Akademinë sa herë kanë nevojë”, tha Campbell. Në fund delegacioni bëri një vizitë nëpër kampusin e Akademisë.
 

Vushtrri, 25 mars 20016 - Në Akademinë e Kosovës për  Siguri Publike (AKSP), pas një trajnimi gjashtë mujor sot diplomoi gjenerata e 53-të  e kadetëve të Policisë së Kosovës.

Në ceremoninë e diplomimit morën pjesë ministri i Punëve të Brendshme (MPB),Skender Hyseni, drejtori i Përgjithshëm i Policisë së Kosovës, Shpend  Maxhuni, drejtori i Përgjithshëm i Akademisë, Ismail Smakiqi, komandanti i Forcës së Sigurisë së Kosovës (FSK),Rrahman Rama, ambasadori i OSBE-së në Kosovë, Jean-Claude Schlumberger, drejtori i Përgjithshëm i Inspektoratit Policor  të Kosovës, Fitim Shishani, drejtori i Përgjithshëm i Doganës së Kosovës, Lulëzim Rafuna, drejtuesit e agjencioneve të Sigurisë Publike dhe përfaqësues të  institucioneve vendore dhe ndërkombëtare.

Ministri i Punëve të Brendshme (MPB), Skender Hyseni, gjatë ceremonisë së diplomimit të gjeneratës së 53-të, të kadetëve tha se Policia e Kosovës  është një forcë demokratike, shumë funksionale dhe më e mira në rajon.
 
Ministri Hyseni,  duke i  inkurajuar kadetët e sapo diplomuar, tha se Policia e Kosovës është një organizatë, është një forcë policore profesionale e ndërtuar në pajtim me standarde më të larta ndërkombëtare. Ai tha se Qeveria e Kosovës nuk do të kursej asgjë që Policia e Kosovës të jetë edhe më e përsosur, që të jetë e gatshme të përballet me të gjitha sfidat që  i sjellë koha.

Hyseni ka falënderuar të gjitha organizatat ndërkombëtarë që kanë dhënë përkrahje të pakursyer  në formimin e policisë, kanë dhënë përkrahje për një polici çfarë ka sot Kosova.
 
“Mirësevini në organizatën tuaj të cilën jam i sigurt që do ta pasuroni, ajo sot do të bëhet për 280 kadetë me e pasur”, u shpreh  ministri Hyseni në ceremoninë e diplomimit të gjeneratës së 53-të të Policisë së Kosovës.  Ai tha se Policia e Kosovës është institucion, është palcë kurrizore e shtetit.

Drejtori i Përgjithshëm i Akademisë së Kosovës për Siguri Publike (AKSP) Ismail Smakiqi, tha se  shërbimi  në Policinë e Kosovës  është vendim shumë i rëndësishëm  që t’ i shërbeni  familjeve  dhe të gjithë   qytetarëve të Republikës  së Kosovës në përgjithësi.

Ai tha se Akademia tani më është qendër e fortë e të gjitha llojeve të trajnimit me bashkëkohore për të gjitha Agjensionet e Sigurisë Publike.

Smakiqi tha se qytetarët me padurim presin inkuadrimin e juaj në Policinë e Kosovës  “radha është e juaja, të dëshmoni shkathtësitë dhe diturit që i keni arritur në Akademi, dëshmojeni  veten, se jeni gjenerata që vendin tuaj e doni të jetë  vend demokratik dhe me respektim të plotë të drejtave të njeriut”.

Drejtori Smakiqi tha se Akademia gjithmonë është e gatshme dhe me padurim pret gjeneratën e re të Policisë së Kosovës, sepse siç tha ai kadetët janë ata që i japin hijeshi Akademisë.

“Meritoni pritjen e qytetarëve dhe ruajeni përjetësisht të drejtën që qytetarin ta shikoni në sy. Bëjeni krenar  Akademinë dhe familjet tuaja”, kështu u shpreh Smakiqi para kadetëve të sapo diplomuar.
 
Ndërkaq drejtori i Përgjithshëm i Policisë së Kosovës (PK), Shpend Maxhuni, në ceremoninë e diplomimit tha se kadetët e sapo diplomuar do të shërbejnë në organizatën me të respektuar në vend, siç është Policia e Kosovës.
“Policia e Kosovës  ka nevojë për ju, jeni të përgatitur  dhe të motivuar për ti shërbyer komunitetit me profesionalizëm, etik, nderë dhe krenari”, u shpreh Maxhuni duke thënë se trajnimet e policisë bëhen më standarde më të larta evropiane.
 
Më këtë rast Maxhuni ka kërkuar nga  kadetët që punën e tyre ta kryej me përgjegjësi, profesionalizëm, korrektësi, efikasitet, objektivitet dhe ndershmëri.

“Vizioni ynë është zbatimi i ligjit  është  në interesin e të gjithëve, është rruga e drejtë, prandaj ndiqeni këtë rrugë që të realizoni këtë vizion”, tha Maxhuni për të shtuar se sundimi i rendit dhe ligjit sot është një parakusht esencial në të gjitha aspektet e shoqërisë. 


 

Vushtrri, 16 mars 2016 -Në Akademinë e Kosovës për siguri Publike sot u mbajt seminari i fillimit të Projektit të Binjakëzimit “ Përkrahja e mëtejme e  arsimit të sigurisë publike”.  Ky projekt është i financuar nga Bashkimi Evropian si pjesë e programit të Instrumentit për Ndihmë Para –Anëtarësimit (IPA), projekt i cili do të  implementohet nga Finlanda dhe Estonia.

Drejtori i Përgjithshëm i Akademisë z. Ismail Smakiqi  duke ju falënderuar te pranishmëve për përkrahje, theksoi se ky projekt vjen si rezultat i projektit të parë të binjakëzimit “Përmirësimi i Arsimit në Sektorët e Sigurisë dhe Rendit Publik” , i cili ka mundësuar akreditimin e programit studimor Bachelor të sigurisë publike për periudhën 3 vjeçare, si dhe hapjen e Fakultetit të Sigurisë Publike i cili ofron arsim të lartë për zyrtarët  e agjencive.

Ai tha se projekti i dytë i binjakëzimit, të cilin sot po e promovojmë “Përkrahja e mëtejme e arsimit në siguri publike në Kosovë” është  projekt i Bashkimit Evropian, IPA 2014-2020, projekt i cili do të implementohet nga shtetet anëtare Finlanda dhe Estonia gjegjësisht: Kolegji Universitar i Policisë- Finlandë, Akademia e Estonisë e Shkencave të Sigurisë, Agjencia e Sanksioneve Penale-Finlandë  dhe Universiteti i Shkencave të Aplikuara  Kolegji për Arsim të Mësimdhënësve.

“Siguria publike, gjegjësisht lufta kundër krimit dhe të gjitha dukurive  negative të shoqërisë, mund të arrihet vetëm me zbatues të ligjit të trajnuar mirë dhe me arsim të lartë sipas standardeve të njohura ndërkombëtare” tha Smakiqi.

Ndërsa ministri i Punëve të Brendshme z. Skender Hyseni potencoi se sot po lansojmë një seminar tjetër të projektit të binjakëzimit në këtë tempull të nxënies së mësimeve akademike në fushën e sigurisë. Ministri Hyseni citoi se:

“E konsideroj të rëndësisë së veçantë çdo gjë që zhvillohet brenda këtij projekti të binjakëzimit,  sepse e shoh si mundësi tjetër shumë të rëndësishme që standardet që aplikohen në fushën e dijeve në rrafshin e sigurisë në Kosovë,  të barazohen tërësisht me standardet që aplikohen në vendet e Bashkimit Evropian. Është jetike që Kosova të filloj të ndërtoj strukturat e veta edukativo-arsimore në pajtim të plot me standardet evropiane”, tha Hyseni .

Nërsa  Christof Stock shef i Seksionit të Bashkëpunimit  të Zyrës së Bashkimit Evropian në Kosovë tha se implementimi i këtij projekti  është mjaftë me rëndësi për Akademinë konkretisht  për zyrtarët e sigurisë publike.

Arsimimi në të gjitha fushat, dhe veçanërisht arsimimi në fushën e zbatimit të ligjit është prioritet për ne dhe ne do të vazhdojmë këtë përkrahje, pasi që edhe investimi në projektin e kaluar të binjakëzimit për këtë arsimim të specializuar ka qenë investim shumë i mirë.

Përveç arsimit të lartë, ai tha se do të vazhdohet përkrahja në mësimin gjatë tërë jetës në arsimin profesional në sigurinë publike. Përmes projektit të ri, arsimi i sigurisë publike në Kosovë do të jetë edhe më efektiv dhe efikas. Jam i impresionuar, shtoi Stock, me  përkushtimin e plotë të stafit të Akademisë. Njerëzve që punojnë në këtë institucion ju pëlqen puna të cilën e bëjnë dhe janë plotësisht të angazhuar për të realizuar misionin e Akademisë.

Ambasadorja e Finlandës në Kosovës Anne Huhtamaki  tha se është kënaqësi që gjendet sot në Akademi në këtë seminar të Projektit të Binjakëzimit të financuar nga Bashkimi Evropian, dhe  Finlanda si shtet përfitues i këtij projekti do të jep mbështetje të mëtutjeshme në realizimin e suksesshëm të këtij projekti.

“Ne presim që nga ky projekt  të arrihen rezultate të larta dhe të suksesshme në fushën e sigurisë dhe edukimit të lartë. Finlanda edhe më tutje përmes ekspertëve do të vazhdoj ti mbështesë projektet e tilla në fushën e sigurisë dhe edukimit të lart për zbatuesit e ligjit”, tha Huhtamaki.

Në hapje të seminarit ishin ministri i Punëve të Brendshme Skender Hyseni, Drejtori i Përgjithshëm i Akademisë Ismail Smakiqi, Dekani i Fakultetit të Sigurisë Publike Nazmi Iballi, Christof Stock nga Zyra e Bashkimit Evropian, Ambasadorja e Finlandës Anne Huhtamaki,  udhëheqësja e projektit të binjakëzimit  Krista Haak, përfaqësues nga agjencionet e sigurisë si dhe ekspertët e projektit të binjakëzimit.

Vushtrri, 14 mars 2016- Në Akademinë e Kosovës për Siguri Publike u mbajte takimi i katërmbëdhjetë i Bordit të Akademisë, ku u diskutuan  çështje që kanë të bëjnë me trajnimet, projektin e binjakëzimit dhe funksionimin e Akademisë.

Drejtori i Përgjithshëm i Akademisë Ismail Smakiqi gjatë këtij takimi prezantoi raportin një vjeçar të punës për vitin 2015. Në theks të veçantë ai foli për të arriturat e Akademisë, projektin e ri të binjakëzimit  IPA II, të financuar nga Bashkimi Evropian e që ka të bëjë me përmirësimin e arsimit në fushën e sigurisë, bashkëpunimin ndërkombëtarë si dhe zhvillimin e trajnimeve nga agjencionet e sigurisë.

Gjatë  këtij takimi drejtori i Zyrës Ligjore të Akademisë, Shpend Shabani  bëri prezantimin e draft-planit të punës së Akademisë për vitin 2016.

Po ashtu para Bordit të Akademisë eksperti afatshkurtër i projektit të binjakëzimit, Lauri Tabur bëri një prezantim rreth qëllimit të projektit në fjalë.

Në mbledhjen e Bordit  pikë e rendit të ditës ishte edhe zgjedhja e kryesuesit të ri për vitin 2016, i cili u zgjodh me shumicë votash Lulzim Rafuna i cili njëherit është edhe Drejtor i Doganës së Kosovës.

Në këtë takim morën pjesë:  Kryeprokurori i Shtetit Aleksander Lumezi, Drejtorët e agjencioneve të sigurisë publike, Drejtori i Departamentit për Rend dhe Siguri Publike në OSBE Karl Ake Roghe si dhe Ritva Vahakoski këshilltare rezidente e projektit të binjakëzimit.
 

Vushtrri, 10 mars 2016- Organizata për Siguri dhe Bashkëpunim Evropian në Kosovë (OSBE), në vazhdën e donacioneve dhe përkrahjes  sot dhuroi  300 tituj librash donacion,  Akademisë së Kosovës për Siguri Publike.

Drejtori i Përgjithshëm i Akademisë së Kosovës për Siguri Publike, Ismail Smakiqi, priti në vizitë zëvendës shefen e misionit të OSBE-së në Kosovë znj. Paivi Nikander dhe zëvendës shefen e Ambasadës Gjermane në Kosovë znj. Cristina Gehlsen. Në takim morën pjesë edhe Ake Roghe, Drejtor i Departamenti për Rend dhe Siguri Publike OSBE, zëvendësdrejtor i Policisë së Kosovës, Dejan Saviq dhe Ritva Vahakovski Këshilltare Rezidente e Projektit të Binjakëzimit.

Vizita u realizua me rastin e dorëzimit të treqind librave donacion i OSBE. Dorëzimi i librave ishte njeri prej 4 aktiviteteve të financuara nga Ambasada Gjermane dhe implementuar nga OSBE, mision në Kosovë. 

Në kuadër të këtij projekti Akademia ka vizituar Universitetin Policor të Gjermanisë ne Muenster si dhe ka qenë nikoqire e këtij Universiteti, kurse në muajin tetor 2015 në Prishtinë është mbajtur Konferenca Ndërkombëtare \"Ndërlidhja me Rrjete dhe Qasja krahasuese në arsimimin e policisë”.

Drejtori Smakiqi falënderoi misioni e OSBE-së në Kosovë për ndihmën e vazhdueshme që kanë dhënë në ngritjen e kapaciteteve të Akademisë si dhe kontributin që po vazhdon të jap  në trajnimin dhe arsimimin e pjesëtareve të sigurisë publike. 

“Pranimi i 300 titujve të librave është një dhuratë shumë e veçantë dhe e çmueshme për ne si Akademi dhe për studentët e Akademisë së Kosovës për Siguri Publike”, u shpreh Smakiqi.  

Më këtë rast drejtori Smakiqi ka folur edhe për fillimin e projektit të dytë të binjakëzimi i cili ka për qëllim përkrahjen e mëtejshme të arsimit në sigurinë publike në Kosovë.  

“Ky projekt vjen si rezultat i përfundimit me suksese të projektit të parë të binjakëzimit “Përmirësimi i arsimit në sektorët e sigurisë dhe rendit publik – IPA 2009”, i cili ka mundësuar akreditimin e programi studimor në Akademi  si dhe hapjen e Fakulteti të Sigurisë Publike i cili ofron arsim të lartë për zyrtarët  e Agjencive të Sigurisë Publike”, tha drejtori Smakiqi. 

Ai tha se Akademia falë punës së palodhshme të stafit dhe përkrahjes nga partnerët e saj të përhershëm OSBE dhe ICITAP është në rrugë të mirë të realizoi vizionin e saj, “në vitin 2020 Akademia do të njihet nga palët e interesit të saj kombëtarë dhe ndërkombëtarë si një institucion parësor për të gjitha nivelet e arsimit në sektorët e rendit dhe sigurisë publike” .

Ndërsa zëvendës ambasadorja e OSBE-së në Kosovë, Paivi  Nikander, gjatë fjalimit të saj u shpreh shumë e lumtur që Akademia ka shënuar të arritura në fushën e trajnimeve të pjesëtarëve të sigurisë publike. Ajo tha se ndihet e lumtur që OSBE sot dhuron libra Akademisë ku përmes se cilave pjesëtarët e sigurisë kanë mundësi të fitojnë njohuri në fushat përkatëse.  

Edhe zv/ambasadorja e Ambasadës së Gjermanisë në Kosovë Cristina Gehlsen, ka përgëzuar Akademinë për të arriturat e sajë. “Para se të vij në Akademi unë kamë dëgjuar fjalë shumë të mira për institucionin tuaj. Sot është hera e par që vizitoj Akademinë dhe jam shumë e impresionuar, prej rendit shtëpiak e deri të trajnimet dhe arsimimin që zhvilloni për studentët” tha Gehlsen. Ajo shprehi gatishmërinë për ta ndihmuar dhe përkrahur Akademinë edhe më tutje.

Vushtrri, 04 mars 2016 -  Ndërmjet dy institucioneve  të arsimimit të sigurisë publike, Akademisë së Kosovës për Siguri Publike (AKSP) dhe Akademisë Policore të Republikës së Malit të Zi, është nënshkruar një marrëveshje bashkëpunimi, e cila ka për  qëllim fuqizimin e mëtejshëm të bashkëpunimit reciprok në mes këtyre dy institucioneve për të përkrahur objektivat strategjike në fushat e trajnimit, studimit, hulumtimit dhe zhvillimit, si dhe në marrëdhëniet me publikun.

Kjo marrëveshje është nënshkruar gjatë një vizite zyrtare tre ditore që Drejtori i Përgjithshëm i Akademisë së Kosovës  për Siguri Publike, Ismail Smakiqi pati në Mal të Zi.

Delegacioni nga Kosova është pritur nga drejtori i Akademisë Policore në Danillovgrad, Rajko Pekoviq si dhe këshilltarët e lartë të misionit të OSBE-së në Mal të Zi.

Gjatë kësaj vizite drejtori Smakiqi si dhe drejtori Pekoviq u deklaruan për  përkrahjen e tyre për përfitime të përbashkëta për institucionet ku ata udhëheqin. Të dyja palët u shprehen të gatshëm për të kontribuar në rritjen e lidhjeve kulturore, arsimore, hulumtuese dhe zhvillimore ndërmjet Kosovës dhe Malit të Zi.

Sipas tyre marrëveshja krijonë bazë për bashkëpunim të ardhshëm në disiplinat e përbashkëta për të dya institucionet në fushëveprimet e arsimit në tri nivele; (arsimin profesional, arsimin e vazhdueshëm profesional dhe arsimin e lartë); fushëveprimin e hulumtimit, shkëmbimit të informatave dhe rezultateve si dhe në fushëveprimin e këmbimeve të personelit akademik, studentëve, programeve të trajnimeve si dhe  programeve studimore në fushën e Sigurisë Publike.

Gjatë kësaj vizite me kërkesë të Akademisë Policore të Mali të Zi, drejtori Smakiqi i dorëzoi drejtorit Pekoviq  programin studimor Bechelor të sigurisë publike, ligjin për Akademinë e Kosovës për Siguri Publike  si dhe rregulloren për funksionalizimin e arsimit të lartë në AKSP-së.

Për nderë të kësaj vizite  kadetët e Akademisë Policore të Malit të Zi  demonstruan para delegacionit të Akademisë  së Kosovës për Siguri Publike.

Po ashtu gjatë kësaj vizite zyrtare, delegacioni nga Kosova i kryesuar nga drejtori i Përgjithshëm i Akademisë së Kosovës për Siguri Publike, Ismail Smakiqi, vizituan Ministrinë e Punëve të Brendshme të Malit të Zi, ku u priten nga drejtor i Përgjithshëm për Çështjet të Sigurisë, Mbrojtjes dhe të Mbikëqyrjes në këtë ministri, Millosh Vukqeviq,  Më këtë rast drejtori Vukqeviq shprehi kënaqësinë për bashkëpunim mes dy akademive dhe nevojën e këmbimit të eksperiencave në fushën e sigurisë publike.

Ai e falënderoi drejtorin Smakiqi për ofrimin e programin studimor Bechelor të Sigurisë Publike.

Në vizitën zyrtare në Mal të Zi, e cila është mbështetur nga misioni i OSBE-së në Kosovës, drejtori i  Përgjithshëm i Akademisë Ismail Smakiqi është shoqëruar edhe nga drejtor i Departamentit Ligjor i Ministrisë së Punëve të Brendshme, Naim Shala, drejtori i Departamentit për Burime Njerëzore në Policisë e Kosovës, nënkolonel Agron Rukiqi, nga dekani i Fakultetit të Sigurisë Publike, Nazmi Iballi, drejtori i DTPA Kastriot Jashari nga mësimdhënësja e FSP-së Florentina Shala. Në vizitë morën pjesë këshilltaret e larta të OSBE-së, Shpresa Muharremi, Shpresa Mulliqi dhe Bulent Ribari.
 

Vushtrri, 23 shkurt 2016- Në Akademinë e Kosovës për Siguri Publike  (AKSP),  sot filloi seminari treditor për anëtaret e grupeve punese për kurrikula të projektit  të binjakëzimit të Komisionit Evropian IPA II.

Drejtori i Përgjithshëm i AKSP Ismail Smakiqi iu drejtua të pranishmëve me një fjalë rasti duke i falënderuar ata për bashkëpunimin e treguar në projektin e binjakëzimit IPA I. Me këtë rast drejtori Smakiqi uroi fillim të suksesshëm të projektit të ri të binjakëzimit IPA II, i cili ka për qëllim “Përkrahjen e mëtejshme të arsimit në siguri publike në Kosovë”.

Smakiqi vlerësoi lartë projektet e Bashkimit Evropian  duke theksuar se  fal ndihmës dhe bashkëpunimit me partnerët ndërkombëtarë  në AKSP sot ofrohet edhe arsimimi i lartë për të gjithë agjencionet e sigurisë publike.
Në këtë seminare tre ditor pjesëmarrës janë  ekspertë të projektit, zyrtarë nga Akademia si dhe përfaqësuese të agjencioneve të sigurisë publike. Seminari do të fokusohet në teorinë, parimet dhe kushtet për zhvillimin e kurrikulës.

Gjithashtu gjatë këtij seminari do të trajtohen edhe metodat për përcaktimin e rezultateve të mësuarit për secilin trajnim, si dhe kushtet për validimin dhe implementimin e kurrikulave të reja.
 

Vushtrri, 19 shkurt 2016 –  Akademinë e Kosovës për Siguri Publike (AKSP) sot e vizitoi një delegacion nga kontingjenti gjerman i KFOR-it në Prizren, i kryesuar nga komandanti, Von  Keyserlingk, ku u prit nga Drejtori i Përgjithshëm i Akademisë, Ismail Smakiqi. 

Drejtori i Përgjithshëm i Akademisë, Ismail Smakiqi e njoftoj delegacionin në fjalë, për  të arriturat  e Akademisë, përfshirë të gjitha periudhat që nga themelimi e deri më sot. Smakiqi vuri në pah zhvillimet e fundit që kanë të bëjnë me themelimin e Fakultetit të Sigurisë Publike tash së fundmi edhe me fillimin e projektit të dytë të binjakëzimit. Me këtë rast, delegacioni u informua lidhur me bashkëpunimin që AKSP ka  më të  gjitha institucionet e sigurisë qofshin ato vendore apo ndërkombëtare.  

 Ndërkaq komandanti i kontingjenti gjerman i KFOR-it në Prizren, Von  Keyserlingk, shprehi interesimin e tij për shumë çështje që lidhen me trajnimet në Akademi.  

Ai përgëzoj drejtorin Smakiqi për të arriturat dhe tha se  Akademia e Kosovës për Siguri Publike, është institucioni më i mirë për trajnime në fushën e sigurisë.

Delegacioni shprehu përshtypjet më të mira për Akademinë si një institucion i mirëfilltë në fushën e arsimit në siguri publike.

 Smakiqi falënderoi komunitetin ndërkombëtar për ndihmën që i kanë dhënë AKSP-së, përfshirë KFOR-in, shtetin gjerman dhe organizma e institucione të tjera.

Vushtrri, 19 shkurt 2016 –  Akademinë e Kosovës për Siguri Publike (AKSP) sot e vizitoi një delegacion nga kontingjenti gjerman i KFOR-it në Prizren, i kryesuar nga komandanti, Von  Keyserlingk, ku u prit nga Drejtori i Përgjithshëm i Akademisë, Ismail Smakiqi. 

Drejtori i Përgjithshëm i Akademisë, Ismail Smakiqi e njoftoj delegacionin në fjalë, për  të arriturat  e Akademisë, përfshirë të gjitha periudhat që nga themelimi e deri më sot. Smakiqi vuri në pah zhvillimet e fundit që kanë të bëjnë me themelimin e Fakultetit të Sigurisë Publike tash së fundmi edhe me fillimin e projektit të dytë të binjakëzimit. Me këtë rast, delegacioni u informua lidhur me bashkëpunimin që AKSP ka  më të  gjitha institucionet e sigurisë qofshin ato vendore apo ndërkombëtare.  

 Ndërkaq komandanti i kontingjenti gjerman i KFOR-it në Prizren, Von  Keyserlingk, shprehi interesimin e tij për shumë çështje që lidhen me trajnimet në Akademi.  

Ai përgëzoj drejtorin Smakiqi për të arriturat dhe tha se  Akademia e Kosovës për Siguri Publike, është institucioni më i mirë për trajnime në fushën e sigurisë.

Delegacioni shprehu përshtypjet më të mira për Akademinë si një institucion i mirëfilltë në fushën e arsimit në siguri publike.

 Smakiqi falënderoi komunitetin ndërkombëtar për ndihmën që i kanë dhënë AKSP-së, përfshirë KFOR-in, shtetin gjerman dhe organizma e institucione të tjera.

Vushtrri, 09 shkurt 2016- Në Akademinë e Kosovës për Siguri Publike dje ka filluar trajnimi bazik për integrimin, e pjesëtarëve serbë të ashtuquajtur “Mbrojtja Civile”, në Institucionet e Republikës së Kosovës. 

Ashtu siç është paraparë me plan program edhe ka filluar  trajnimi i  pjesëtarëve serbë të ashtuquajtur “Mbrojtja Civile”, dhe nuk ka pasur asnjë kërkesë lidhur me heqjen e simboleve të Republikës së Kosovës. 

Edhe në praktikat e deri tashme në klasat dhe sallat ku mbahet mësimi dhe trajnimet e ndryshme nuk është rregull të ketë çfarëdo simboli.

Vushtrri, 08 shkurt 20016 - Në Akademinë e Kosovës për Siguri Publike filloi trajnimi bazik për integrimin, e pjesëtarëve serbë të ashtuquajtur “Mbrojtja Civile”, në Institucionet e Republikës së Kosovës. Në ceremoninë e hapjes  morën  pjesë ministrja  pa Portofol për Dialog në Qeverinë e Kosovës Edita Tahiri, ambasadori i OSBE-së në Kosovës Jean Claude Schlumberger, Eva Gutjahr përfaqësuese e misionit të EULEX-it në Kosovë, drejtori i Përgjithshëm i Akademisë Ismail Smakiqi si dhe sekretari i përgjithshëm i Ministrisë  së Pushteti Lokal, Besnik Osmani.  

Ministrja për Dialog në Qeverinë e Republikës së Kosovës, Edita Tahiri ka falënderuar të gjithë ekipin që ka qenë pjesë për rekrutimin e pjesëtarëve për ti integruar në Institucionet e Republikës së Kosovës. Po ashtu ministrja Tahiri ka falënderuar ambasadorin e OSBE-së dhe drejtorin Smakiqi për krijimin e hapësirave për realizimin e këtij trajnimi. Tahiri tha se ndryshimet që po ndodhin, të cilat kanë ardhur si rezultat i dialogut në Bruksel, janë ndryshime pozitive.

“Ndryshimet gjithmonë janë pjesë e jetës dhe ju po kaloni nëpër këto ndryshim. Nuk është hera e parë, e as e fundit që ndodhin zhvillime dhe ndryshime, gjithmonë shoqëritë janë në kërkim të integrimit të atyre njerëzve që nuk kanë mundur të integrohen, integrimi është një kënaqësi për neve si Qeveri e Republikës”, u shpreh Tahiri para të pranishmëve. Ajo tha se Qeveria e Kosovës  është e përkushtuar që integrimi të jetë cilësor dhe jo vetëm obligim.  

Duke vlerësuar se detyra e shërbyesve civil është një detyrë e veçantë ministrja Tahiri tha se çdo shërbyes civil duhet të shërbej në mënyrë të barabartë për të gjithë qytetarët e Kosovës.

“Për të qenë shërbyes civil të devotshëm duhet njohuri nga ligjet që janë bazë për administratën publike, duhet njohuri për qeverisjen demokratike, por ajo çka është e rëndësishëm është që nesër si shërbyes civil të trajtoni çdo palë në mënyrë të barabartë”, u shpreh Tahiri.  

Kurse Ambasadori i OSBE-së në Kosovës, Jean Claude Schlumberger, ka falënderuar Qeverinë e Kosovës dhe të gjitha ata që ishin të interesuar për realizimin e këtij trajnimi. Duke iu dëshiruar mirëseardhje pjesëtarëve të “mbrojtës civile” në inkuadrimin e institucioneve të Kosovës, ambasadori Schlumberger tha se për ndryshimin e jetës duhet inkurajim . 

“Prezenca e juaj këtu është një akt i tillë. Parimet e para të demokracisë janë qasja në institucionet legale dhe në informacion, pastaj të drejtat e gjuhës, të drejtat gjinore dhe të gjitha fushat për të drejtat dhe liritë e njeriut. Të gjitha këto janë shumë të rëndësishme për institucionet publike dhe për të gjitha ata që japin shërbime për qytetarët e Kosovës”, u shpreh Schlumberger. Ai  tha se OSBE-ja ka kontribuar dhe do të vazhdojë të kontribuoi në institucionet publike.

Ndërsa Eva Gutjahr përfaqësuese e misionit të EULEX-it në Kosovë, tha dialogu i cili ka për qëllim integrimin është shumë i nevojshëm për çdo qytetarë të Kosovës. “Ky dialog i cili ka për qëllim  integrimin është shumë i rëndësishëm dhe me mundësi të mëdha për ju që të integroheni në komunat tuaja”, tha Gutjahr. 

Ndërkaq Drejtori i Përgjithshëm i Akademisë, Ismail Smakiqi, duke përshëndetur të pranishmit tha se Akademia është përgjegjës për ofrimin e trajnimeve dhe arsimit të lartë, për të gjitha institucionet e sigurisë publike. 

Ai duke falënderuar ambasadorin Schlumberger për përkrahjen e vazhdueshme që i bëni Akademisë tha se Akademia është njohur ndërkombëtarësh si Institucion i besueshëm dhe profesional për ofrimin e trajnimeve për gjitha agjencionet e sigurisë publike.

“Gjatë vitit 2014 dhe 2015 në Akademi kanë përfunduar trajnimin pjesëtarët e strukturave të ndryshme të cilët janë integruar në Policinë e Kosovës, Shërbimin Korrektues dhe Agjencinë e Menaxhimit  Emergjent”, tha Smakiqi. Drejtori Smakiqi tha se Akademia do të ofroj përkrahjen e duhur më qëllim që edhe ky trajnim si gjitha trajnimet tjera të përfundoj me sukses. 

Edhe Besnik Osmani sekretari i përgjithshëm në Ministrinë e Pushteti Lokal ka falënderuar të gjithë ata që mundësuan realizimin e këtij trajnimi. Ndryshe trajnimi do të zgjatë 5 javë ku do të marrinë pjesë 378 e pjesëtarëve të ashtuquajturës “Mbrojtja Civile”, të cilët do të znkuadrohen në Institucionet e Republikës së Kosovës. 

Vushtrri, 4 shkurt 2016 - Akademinë e Kosovës për Siguri Publike sot e vizituan pjesëmarrësit e konferencës “Dita e Sigurisë së Mençur Austriako-Kosovare 2016”, të  udhëhequr nga Gunter Fehlinger udhëheqës i Shoqatës Austriako-Kosovare.

Pjesëmarrësit e konferencës  u priten nga drejtori i Përgjithshëm  Ismail Smakiqi, përfaqësues nga Agjencioni për Menaxhim Emergjent  si dhe menagjmenti i lartë i Akademisë.

Fillimisht drejtori Smakiqi iu uroi mirëseardhje në Akademi delegacionit e më pas bëri një prezantim të historikut, të punës dhe zhvillimeve të rëndësishme të Akademisë. Në theks të veçantë ai foli edhe për hapjen e Fakultetit të Sigurisë Publike në Akademi , për bashkëpunimin  ndërkombëtarë si dhe për projektin e binjakëzimit  IPA II të përkrahur nga Bashkimi Evropian i cili ka të bëjë me “Përkrahjen e mëtejshme të arsimit në siguri publike në Kosovë”.

Ndërsa Gunter Fehlinger udhëheqës i Shoqatës Austriako-Kosovare shprehu gatishmërinë e bashkëpunimit  edhe në të ardhmen, në veçanti për Agjencionin e Menagjimit Emergjent.

Gjatë këtij takimi  u bënë edhe prezantime nga përfaqësuesit nga Austria si dhe nga Agjencioni i Menagjimit Emergjent në Kosovës lidhur me punën, legjislacioni dhe funksionimin  e emergjencave.

Temë diskutimi me rendësi e këtij takimi ishte edhe krijimi i grupeve vullnetare për zjarrfikës  e që është mjaftë me rëndësi për qytetarët e Republikës së Kosovës.

Në funde të takimit drejtori Smakiqi falënderoi shtetin austriak për ndihmën e vazhdueshme që kanë dhënë dhe po vazhdojnë të japin në Kosovë.