Akademia e Kosovës për Siguri Publike

Filloi zbatimi i programit të intershipit

Vushtrri, 21 korrik 2015 - Në Akademinë e Kosovës për Siguri Publike (AKSP), filloi se zbatuari programi i intershipit. Studentët e Fakultetit të Sigurisë Publike që nga data 20 korrik 2015 kanë filluar praktiken nëpër agjencionet e sigurisë publik. Gjatë një takimi që u mbajt sot ku morën pjesë Drejtori i Përgjithshëm i Akademisë së Kosovës për Siguri Publike, Ismail Smakiqi, stafi akademik i Fakultetit të Sigurisë Publike, studentët e këtij fakulteti si dhe mentorët e agjencioneve të sigurisë, u diskutua rreth të arriturave dhe zbatimit të programit studimor bachellor në mënyrë teorike, si dhe rreth fillimit të praktikës studimor nga ana e studentëve. Periudha e parë e praktikës se studentëve do të zgjatë nëntë javë.

Programi studimor bachellor i sigurisë publike në Akademinë e Sigurisë Publike zgjatë katër vjet dhe ka 240 kredi, ku një e treta e këtij programi përbëhet nga pjesa praktike.

Ndryshe Fakulteti i Sigurisë Publike i cili është në kuadër të Akademisë së Kosovës për Siguri Publike është hapur në vitin 2014 dhe viti i parë akademikë 2014/2015 ka filluar më 15 tetor 2014, ku janë duke ndjekur studimet 69 pjesëtarë të sigurisë publike në programin studimor bachellor në fushën e sigurisë.

21/07/2015

Lexo më shumë

DIPLOMOI GJENERATA E 52 E KADETËVE TË POLICISË SË KOSOVËS

16/07/2015

Lexo më shumë

Vazhdohet konkursi deri me datën 22 korrik

Vushtrri, 14 korrik 2015 – Konkursi për pranimin e studentëve në vitin e parë të studimeve themelore bachelor në vitin akademikë 2015/2016 i hapur me datën 01.07.2015 korrik do të vazhdojë deri më datën 22 të këtij muaj në ora 16:00.

Ndërsa provimi pranues mbahet më datën 27.07.2015 duke filluar nga ora 10:00, kurse rezultatet publikohen me datën 31.07.2014.

Kandidatët të cilët nuk janë të kënaqur me rezultatet mund të paraqesin ankesë pran Komisionit për Ankesa në Akademi nga data 03.08.2015 deri me datën 05.08.2015 ora 16:00

Të drejtë aplikimi kanë vetëm zyrtarët e institucioneve të sigurisë publike si; Policia e Kosovës (PK), Dogana e Kosovës (DK), Shërbimi Korrektues i Kosoves (SHKK), Agjencioni i Menaxhimit të Emergjencave (AME), Inspektorati Policor i Kosovës (IPK) si dhe Shërbimi Sprovues i Kosovës (SHSK).

Për më shumë informata klikoni këtu:

Konkursi: http://www.aksp-ks.net/KONKURS.pdf

Aplikacioni : http://www.aksp-ks.net/Aplikacion.pdf

Manuali për provim pranues: http://www.aksp-ks.net/Manuali_per_provim.pdf

14/07/2015

Lexo më shumë

U hap konkursi për pranimin e studentëve në Fakultetin e Sigurisë Publike për vitin akademik 2015/2016

Vushtrri, 1 korrik 2015 – Në Akademinë e Kosovës për Siguri Publike, u hap konkursi për pranimin e studentëve në vitin e parë të studimeve themelore bachelor, në Fakultetin e Sigurisë Publike, për vitin akademikë 2015/2016. Të drejtë aplikimi kanë vetëm zyrtarët e institucioneve të sigurisë publike si; Policia e Kosovës, Dogana e Kosovës , Agjencioni i Menaxhimit të Emergjencave, Inspektorati Policor si dhe Shërbimi Sprovues.

Për më shumë informata klikoni këtu:

Konkursi: http://www.aksp-ks.net/KONKURS.pdf

Aplikacioni : http://www.aksp-ks.net/Aplikacion.pdf

Manuali për provim pranues: http://www.aksp-ks.net/Manuali_per_provim.pdf

01/07/2015

Lexo më shumë

Deputetet e Kuvendit të Republikës së Kosovës vizituan Akademinë

Vushtrri, 30 qershor 2015 – Drejtori i Akademisë së Kosovës për Siguri Publike (AKSP), Ismail Smakiqi, priti sot në takim deputetët e Parlamentit të Republikës së Kosovës Nuredin Ibishin dhe Rexhep Selimin; anëtar të Komisioni për Punë të Brendshme, Siguri dhe Mbikëqyrjen e Forcës së Sigurisë së Kosovës.

Qëllimi i vizitës ishte që të njihen me për se afërmi me punën dhe aktivitetet në Akademi.

Drejtori Smakiqi i njoftoi deputetet për të gjitha aktivitet, arritjet dhe sfidat e AKSP-së.

Po ashtu Smakiqi i njoftoi ligjvënësit edhe për projektin e binjakëzimit, ku si rrjedhojë e punës se mirëfilltë dy vjeçare është hapur Fakulteti i Sigurisë Publike.

Drejtori Smakiqi gjatë takimit më deputetet foli edhe për proceset e fundit, për progresin e arritur në Akademi, zhvillimin e trajnimeve nga agjencitë e sigurisë, funksionalizimin e Fakultetit të Sigurisë si dhe bashkëpunimet ndërkombëtare.

Duke folur rreth trajnimeve drejtori Smakiqi i informoi deputetet se në Akademi trajnohen pjesëtarë të sigurisë publike jo vetëm nga Republika e Kosovës, por edhe nga vendet e rajonit.

Ndërsa deputetet e Kuvendit të Republikës së Kosovës gjatë takimit vlerësuan se Akademia e Kosovës për Siguri Publike është vend adekuat për t'i ofruar trajnime dhe përgatitje shkencore pjesëtareve të sigurisë publike në vend.

Deputetet e Kuvendit të Kosovës me këtë rast premtuan se do t'i japin mbështetje Akademisë në çdo aspekt.

Ata vlerësuan se Akademia ka bazament dhe kapacitet që të jetë një qendër e rëndësishme për trajnimet e pjesëtarëve të sigurisë publike, jo vetëm për agjencitë e sigurisë në vend por edhe më gjerë.

30/06/2015

Lexo më shumë

Filloi mini-olimpiada për persona me aftësi të kufizuara në Akademi

Vushtrri, 27 qershor 2015 - Në Akademinë e Kosovës për Siguri Publike (AKSP), sot filloi mini-olimpiada për persona me aftësi të kufizuara.

Në hapje e mini-olimpiadës morën pjesë, Drejtori i Përgjithshëm i Akademisë, Ismail Smakiqi, ambasadori i Ambasadës së Italisë në Kosovë, Andreas Ferrarese, shefi i misionit të OSBE-së Jan Claude Schlumberger, kryetarja e Komitetit Paralimpik, Njomza Emini, z/vendës komandanti i KFOR-it Anthony Waldner si dhe përfaqësues tjerë nga institucionet e Republikës së Kosovës.

Presidentja e komitetit para olimpik Njomza Emini theksoi se është privilegj i madh dhe historik të ju mirëpres në ngjarjen e tret radhazi e pikërisht me OPFAKOS- mini-olimpiada 2015, i pari që prej njohjes historike të Kosovës edhe në Komitetin Olimpik Botërorë në dhjetor të vitit 2014.

Gjithashtu ajo theksoi se nëpërmjet organizimit të kësaj mini-olimpiade me karakter tradicional dërgojmë mesazhin e qartë institucioneve ndërkombëtare sportive se në Kosovë ka të rinj dhe të reja të komunitetit me nevoja të veçanta, që i përkasin komunitetit sportiv mbarë botërorë, dhe që zyrtarisht duan të bëhen pjesë e të gjithë sportistëve të botës për të kontribuar në ndërtimin e një bote më të mirë të një bote më paqësorë.

“Ndjej peshën, privilegjin dhe përgjegjësin që në një moment si ky të shumëpritur dhe të veçantë për secilin prej nesh, të përjetojmë krenarin, mirësinë dhe ngazëllimin që na e fal organizimi i mini-olimpiadës për fëmijë dhe të rinj me aftësi të kufizuara”, tha Emini.

Ndërsa shefi i misionit të OSBE-së në Kosovë Jan Claude Schlumberger, tha se sa i lumtur jam që të shoh të gjithë ju këtu sot në turneun mini-olimpik për personat me aftësi të kufizuara dhe jam i sigurt se do të jetë një fundjavë argëtuese me shumë lojëra dhe argëtim dhe me një shans për të bërë miq të rinj.

Gjithashtu ai tha se kjo ngjarje nuk është vetëm për lojëra dhe argëtim kjo ka të bëjë me përfshirjen sociale dhe integrimin e secilit dhe çdo njërit prej nesh. Ngjarje si kjo ku ju mund të tregoni aftësitë tuaja dhe talentet janë të rëndësishme sepse ato na ofrojnë një mundësi të shkëlqyer për të na kujtuar se secili prej nesh është i talentuar dhe se me ndihmën dhe drejtimin e duhur ne të gjithë mund të jemi të suksesshëm dhe të vlefshëm për komunitetin, tha Schlumberger.

OSBE-ja për herë të parë filloi mbështetjen e kësaj ngjarje në vitin 2005 këtu ne Akademi, dhe që atëherë kjo ngjarje ka evoluar dhe është e ndarë tani me Komunitetin Para-olimpik të Kosovës dhe partnerët e tjerë lokalë e ndërkombëtarë. Ne jemi të sigurt se nën drejtimin e Komitetit Para-olimpik të Kosovës ngjarja do të vazhdojë traditën e të ju sjellë të gjithë së bashku dhe do të vazhdojë të tërheqë vëmendjen tuaj, u shpreh Schlumberger.

Ambasadori i Ambasadës së Italisë në Kosovë, Andreas Ferrarese, duke përshëndetur pjesëmarrësit e mini-olimpiadës tha se është i lumtur që merr pjesë në takimin e njerëzve të cilët kanë nevojë për përkujdesjen e shoqërisë. Ambasadori po ashtu shprehu kënaqësinë për prezencën e KFOR-it Italian të cilët sponzoruan mini-olimpiadën, si dhe prezencën e karabinierëve italian të cilët janë vullnetar në shërbimit të personave me aftësi të kufizuar gjatë dy ditëve sa edhe zgjatë mini-olimpiada.

Ndërsa Drejtori i Përgjithshëm i Akademisë së Kosovës për Siguri Publike Ismail Smakiqi fillimisht iu uroi mirëseardhje në Akademi duke theksuar se për Akademinë është një ngjarje mjaft me rëndësi sepse këtu gjatë dy ditëve radhazi zhvillohen aktivitete të ndryshme nga kjo pjesë mjaftë e rëndësishme e shoqërisë sonë.

Ai tha se Akademia është e gatshme çdo herë të përkrah dhe të ndihmojë çdo qytetarë të Republikës së Kosovës. “Vetë organizimi i mini-olimpiadës tregon rëndësinë e përfshirjes dhe ofrimit të mundësive të barabarta për secilin anëtarë të shoqërisë sonë”, tha Smakiqi.

Në Akademi gjatë dy ditëve radhazi sa edhe zgjat mini-olimpiada, nga personat me aftësi të kufizuara do të zhvillohen aktivitete të ndryshme sportive si vrapim me karrocë, basketboll, hendboll, pikado shenjëtari etj.

Mini-olimpiada “Kosova 2015” është organizuar nga Komiteti Para-Olimpik i Kosovës dhe OPFAKOS “Prindi e Fëmiu”, dhe është përkrahur nga KFOR-i Italian, OSBE-ja dhe Akademia.

Ky komitet bashkë me institucione të tjera organizon për të trembëdhjetën herë me radhë mini-olimpiadën, e cila tashmë është bërë tradicionale dhe mbahet çdo vit.

27/06/2015

Lexo më shumë

Ministri Bajrami vizitoi Akademinë e Kosovës për Siguri Publike

Vushtrri, 23 qershor 2015 – Ministri i Arsimit Shkencës dhe Teknologjisë (MASHT), Arsim Bajrami, sot vizitoi Akademinë e Kosovës për Siguri Publike (AKSP), ku u prit nga Drejtori i Përgjithshëm i Akademisë, Ismail Smakiqi. Qëllimi i këtij takimi ishte diskutimi rreth projektligjit për Arsimin e Lartë në Kosovë, konkretisht përfshirja e propozimeve dhe komenteve të Akademisë.

Drejtori i Akademisë së Kosovës për Siguri Publike, Ismail Smakiqi fillimisht ka falënderuar ministrin Bajrami për përkrahjen. Drejtori Smakiqi gjatë takimit foli rreth funksionimit të Akademisë, trajnimeve dhe aktiviteteve. Në theks të veçantë drejtori Smakiqi foli për themelimin, hapjen dhe funksionimin e Fakultetit të Sigurisë Publike i cili është në kuadër të Akademisë.

Ndërkaq duke folur rreth projektligjit për Arsimin e Lartë në Kosovë, i cili pritet shume shpejtë të miratohet në Kuvendin e Republikës së Kosovës, ministri Bajrami tha se Akademia ka shënuar arritje të mëdha.

“Sa here që vizitoi Akademinë shoh përparime, ky institucion është e pasqyrë e arritjes se shteti tonë”, tha Bajrami.

Ai tha se do ta përkrah Akademinë, konkretisht Fakultetin e Sigurisë Publike në rritjen e kapaciteteve dhe zhvillimin e programeve. Ai ka vlerësuar lartë krijimin e kurrikulave në Fakultetin e Sigurisë Publike, po ashtu ai tha se ciklet e studimeve janë plotësisht në pajtim me ligjin dhe me standardet e Bolonjes.

“Ju përgëzoj për kurrikulen, është i vetmi institucion ku është evalvimi i mësimit praktik me kredi”, u shpreh Bajrami i cili tha se edhe krijimi i organeve të qeverisjes se Fakultetit janë sipas ligjit.

“Uroi që më kohë të filloi dizajnimi i programeve për master në mënyrë që këta studentë të cilët i mbarojnë studimet, të fillojnë më studime master. Ne kemi njohur Akademinë si një institucion specifik që ofron një arsim special të lartë”, tha Bajrami.

“Dëshirojmë që Akademia të jetë lider dhe e vetmja që ofron standarde në fushën e sigurisë”, u shpreh ai.

Në fund ministri Bajrami shprehu gatishmërinë ta përkrah Akademinë konkretisht Fakultetin e Sigurisë Publike edhe në të ardhmen.

Ndërsa Dekani i Fakultetit të Sigurisë Publike, Nazmi Iballi gjatë takimit ka folur rreth funksionimit, misionit dhe vizionit të Fakultetit.

Propozimi për përfshirjen e Akademisë në draft/ligjin për Arsimin e Lartë në Republikën e Kosovës, të cilin e prezantoi Shpend Shabani, Drejtor i Departamentit për Planifikim Strategjik dhe Çështje Ligjore ka zgjuar debat edhe nga mësimdhënësit e Fakultetit të Sigurisë Publike dhe u mirëprit nga Ministri Bajrami.

23/06/2015

Lexo më shumë

Diplomoi gjenerata e 52 e kadetëve të Policisë së Kosovës

Vushtrri, 12 qershor 2015 – Që nga sot Policisë së Republikës së Kosovës do t’i shtohen edhe 141 zyrtar policor. Në Akademinë e Kosovës për Siguri Publike (AKSP), pas një trajnimi gjashtë mujor sot diplomoi gjenerata e 52 e kadetëve të Policisë së Kosovës.

Në ceremoninë e diplomimit morën pjesë ministri i Punëve të Brendshme (MPB), Skender Hyseni, Drejtori i Përgjithshëm i Policisë së Kosovës, Shpend Maxhuni, Drejtori i Përgjithshëm i Akademisë Ismail Smakiqi, Kryetari i Komunës së Vushtrrisë, Bajram Mulaku, drejtuesit e agjencioneve të Sigurisë Publike dhe institucioneve shtetërore, përfaqësues e ICITAP-it, OSBE-së dhe KFOR-it.

Ministri i Punëve të Brendshme (MPB), Skender Hyseni, gjatë ceremonisë së diplomimit të gjeneratës së 52-të, të kadetëve tha se Policia e Kosovës është një forcë demokratike, shumë funksionale dhe më e mira në rajon.

“Policia e Kosovës është një forcë multietnike në shërbim të të gjithë qytetarëve të Republikës së Kosovës, pa dallim etnie dhe feje”, u shpreh Hyseni duke thënë se policet e sapo diplomuar do të bëhen pjesë e një instrumenti të pazëvendësueshëm për rend dhe ligj në Republikën e Kosovës.

“Do të jeni në shërbim të qytetarëve të Kosovës, në shërbim të sigurisë dhe në shërbimit të mirëqenies së secilit qytetar të vendit”, tha ministri Hyseni duke uruar kadetëve policor suksese në punën e tyre. Ai ka ftuar kadetët që të jenë pjesë e Policisë së Kosovës, e cila siç tha ai deri më sot ka dhënë prova të jashtëzakonshme të një punë të shkëlqyeshme.

Ndërkaq, Drejtori i Përgjithshëm i Policisë së Kosovës, Shpend Maxhumi vlerësoi se trajnimi i kadetëve policor është bërë ashtu siç kërkohet që të jetë Policia e Kosovës në nivel të standardeve më të larta.

Maxhuni para të pranishmëve tha se vizioni i Policisë së Kosovës është zbatimi i ligjit prandaj ka ftuar të gjithë zyrtarët e rinj policor që ta ndiqnin këtë rrugë.

“Sundimi i rendit dhe ligjit është një parakusht esencial në të gjitha aspektet e shoqërisë”, u shpreh Maxhuni.

Maxhuni ka ftuar të gjithë zyrtarët policorë që gjatë punës së tyre të tregojnë përgjegjësi dhe profesionalizëm. Ai ka uruar kadetët edhe për uniformen e re të Policisë së Kosovës.

Ndërsa, Drejtori i Përgjithshëm i Akademisë së Kosovës për Siguri Publike (AKSP), Ismail Smakiqi, tha se Akademia vazhdon të jap kontribut të jashtëzakonshëm në ofrimin e trajnimeve për pjesëtarët e sigurisë publike. Smakiqi gjatë fjalimit në ceremoninë e diplomimit të gjeneratës së 52-të të kadetëve të Policisë së Kosovës, tha se pesëdhjetë e dy gjenerata dhe më shumë se 12 mijë zbatues të ligjit janë trajnuar në Akademi.

Drejtori Smakiqi vendimin e kadetëve për t’u bërë pjesë e Policisë së Kosovës e ka vlerësuar shumë lartë duke thënë se profesioni i policit është profesion i shenjtë. “Akademia tani më është qendër e fort e të gjitha llojeve të trajnimit me bashkëkohore për të gjitha Agjensionet e Sigurisë Publike”, tha Smakiqi .

Para kadetëve të sapo diplomuar, drejtori Smakiqi, tha se Akademia do t’iu siguron trajnime të vazhdueshme dhe arsimim bashkëkohor. Në fund Smakiqi ka uruar kadetët për diplomimin e tyre dhe për uniformen e re të Policisë së Kosovës. Ai i ka ftuar policët e rinj që ta dëshmojnë vetën në punën e tyre ashtu siç e dëshmuan gjatë trajnimit bazik.

12/06/2015

Lexo më shumë

Përfundoi trajnim për zyrtaret kufitar te vijës se gjelbër

Në Akademinë e Kosovës për Siguri Publike (AKSP), sot përfundoi “Trajnimi Regjional për Vije te Gjelbër Kufitare”, i cili zgjati një javë. Në trajnim morën pjesë 27 oficer policor nga vendet e regjionit.

Trajnimi është organizuar nga ICITAP-it (Programi Ndërkombëtar i Ndihmës së Trajnimit të Hetimit Penal) të Departamentit të Drejtësisë të Shteteve të Bashkuara të Amerikës, nën përkujdesjen e Aurora Castillo, këshilltare e lartë për PMIK ( Programi i Minaxhimit të Integruar të Kufirit) dhe nënkolonelit, Mentor Shabani, zyrtari i lart nga Policia Kufitare e Kosovës.

Në ceremoninë e çertifikimit morën pjesë, Cameron Fisher Menaxher i Programit të ICITAP-it, Shpend Maxhuni, Drejtor i Përgjithshëm i PK-së, Ismail Smakiqi, Drejtor i Përgjithshëm AKSP-së.

Drejtori i Përgjithshëm i Akademisë, Ismail Smakiqi, fillimisht i përshëndeti të pranishmit duke falënderuar në veçanti ICITAP-in për përkrahjen e këtij trajnimi.

“Akademia do të vazhdoi të përkrah të gjitha trajnimet regjionale të cilat kanë një rëndësi tepër të madhe për sigurinë e qytetarëve”. Ai falënderoi ICITAP-in për organizimin këtij trajnimi.

Ndërsa Drejtori i Përgjithshëm i Policisë së Kosovës Shpend Maxhuni duke përshëndetur të pranishmit iu uroi suksese në punën e tyre, pjesëtarëve të sigurisë publike nga Kosova dhe vendet e rajonit.

“Policia e Kosovës do të jetë e hapur me të gjitha Policitë e Vendeve të Regjionit dhe më gjer. Kjo është e vetmja rrugë e ndaljes të kanosjeve të cilat mundë të i kemi si regjion”.

Ndërsa Cameron Fisher menaxher i projektit të ICITAP-it i inkurajoi zyrtarët policor për punën dhe përkushtimin që kanë treguar gjatë këtij trajnimi.

Gjithashtu ai theksoi se ICITAP ka bashkëpunim të shkëlqyeshëm me Akademinë në arritjen e objektivave për trajnimin dhe aftësimin sa më profesional për pjesëtarët e sigurisë publike.

Në funde u ndanë certifikata për vijuesit e trajnimit.Po ashtu Zoti Cameron Fisher menaxher i projektit të ICITAP-it ndau mirënjohje për Akademinë e Kosovës për Siguri Publike dhe drejtorin e saj Zotin Smakiqi.