Lajmet
Lajmet
Drejtori i Departamentit për Rend dhe Siguri Publike të OSBE-së vizitoi AKSP-në
Vushtrri, 6 gusht 2026 – Ushtruesi i detyrës së Drejtorit të Përgjithshëm të Akademisë së Kosovës për Siguri Publike (AKSP), z. Shpend Shabani, së bashku me bashkëpunëtorët, priti në takim Drejtorin e Departamentit për Rend dhe Siguri Publike pranë Misionit të OSBE-së në Kosovë, z. Bertram Welsing.
Me këtë rast, drejtori Shabani i uroi mirëseardhje z. Welsing dhe e falënderoi për mbështetjen e vazhdueshme që Misioni i OSBE-së në Kosovë i ka ofruar Akademisë në zhvillimin e kapaciteteve profesionale dhe realizimin e projekteve në fushën e sigurisë publike.
Ai theksoi rëndësinë e forcimit të bashkëpunimit ndërinstitucional dhe zgjerimit të partneritetit me institucionet homologe ndërkombëtare.
Drejtori Welsing vlerësoi zhvillimin institucional dhe të arriturat e Akademisë, duke rikonfirmuar përkushtimin e Misionit të OSBE-së në Kosovë për të vazhduar mbështetjen dhe partneritetin strategjik me AKSP-në edhe në periudhën 2026 e tutje.
Ai theksoi gatishmërinë e OSBE-së për të mbështetur prioritetet zhvillimore të Akademisë dhe për të kontribuar në realizimin e vizionit të saj afatgjatë si institucion qendror në fushën e sigurisë publike në Republikën e Kosovës.
Shpallen konkurset për pranimin e studentëve në programin studimor Bachelor ‘Siguri Publike’ për vitin akademik 2026/2027
Vushtrri, 3 gusht 2026 - Akademia e Kosovës për Siguri Publike (AKSP) njofton zyrtarët e institucioneve të sigurisë publike se janë shpallur konkurset për pranimin e studentëve në vitin e parë të studimeve në programin studimor Bachelor "Siguri Publike", në Fakultetin e Sigurisë Publike, për vitin akademik 2026/2027.
Në kuadër të këtyre konkurseve janë miratuar gjithsej 55 vende nga Agjencia e Kosovës për Akreditim për regjistrim të studentëve për vit akademik, të ndara sipas institucioneve si në vijim:
• Policia e Kosovës - 26 vende;
• Shërbimi Korrektues i Kosovës - 20 vende;
• Agjencia e Menaxhimit Emergjent - 8 vende;
• Inspektorati Policor i Kosovës - 1 vend.
Kushtet e përgjithshme për aplikim janë:
• Të kenë përfunduar me sukses shkollimin e mesëm, të dëshmuar me diplomë;
• Të jenë të punësuar në institucionin përkatës të sigurisë publike.
Kushtet e veçanta për aplikim, dokumentacioni i nevojshëm, mënyra e testimit dhe procedurat e tjera janë të përcaktuara në konkurset e veçanta të shpallura nga secili institucion i sigurisë publike.
Vegzat (linqet) i gjeni sin ë vijim:
Policia e Kosovës - Konkurs i brendshëm për pranimin e studentëve në programin studimor Siguri Publike:
Shkarko dokumentin
Shërbimi Korrektues i Kosovës - Konkurs i brendshëm për pranimin e studentëve në programin studimor Siguri Publike:
Agjencia e Menaxhimit Emergjent - Konkurs i brendshëm për pranimin e studentëve në programin studimor Siguri Publike:
Inspektorati Policor i Kosovës - Konkurs i brendshëm për pranimin e studentëve në programin studimor Siguri Publike:
Afati për aplikim është nga 3 gusht 2026 deri më 17 gusht 2026. Procedurat e pranimit, duke përfshirë pranimin e aplikimeve, verifikimin e dokumentacionit, organizimin e testimit, vlerësimin dhe përzgjedhjen e kandidatëve, administrohen nga institucionet përkatëse të sigurisë publike, në përputhje me konkurset e shpallura prej tyre.
Në Fakultetin e Sigurisë Publike të Akademisë së Kosovës për Siguri Publike do të regjistrohen kandidatët që i përfundojnë me sukses procedurat e pranimit dhe përzgjidhen sipas konkurseve të administruara nga institucionet e sigurisë publike, në kuadër të kuotave të miratuara.
Për informata më të detajuara lidhur me kushtet e përgjithshme dhe të veçanta për aplikim, dokumentacionin e nevojshëm, mënyrën e testimit, procedurat e përzgjedhjes dhe çështjet e tjera që lidhen me procesin e pranimit, kandidatët duhet t’u referohen konkurseve të veçanta të shpallura nga institucionet përkatëse të sigurisë publike, të cilat janë bashkëngjitur këtij njoftimi.
Për informata shtesë lidhur me programin studimor, kandidatët mund të kontaktojnë Fakultetin
e Sigurisë Publike në:
E-mail: [email protected]
Tel.: +383 (0)28 590 070
.webp)
Zëvendësministri i Punëve të Brendshme, z. Enver Dugolli, vizitoi Akademinë e Kosovës për Siguri Publike
Vushtrri, 29 korrik 2026 - Akademia e Kosovës për Siguri Publike (AKSP) mirëpriti në një vizitë zyrtare Zëvendësministrin e Punëve të Brendshme të Republikës së Kosovës, z. Enver Dugolli së bashku me Shefen e Kabinetit të MPB-së znj. Jeta Tela-Shema, të cilët u pritën nga u.d. Drejtori i Përgjithshëm i AKSP-së z. Shpend Shabani, së bashku me bashkëpunëtorët e tij.
Gjatë takimit, z. Shabani prezantoi zhvillimet kryesore të AKSP-së, të arriturat në fushën e trajnimit dhe arsimit të lartë, si dhe prioritetet strategjike dhe sfidat për zhvillimin e mëtejmë të institucionit. Diskutimet u fokusuan në zhvillimet aktuale të AKSP-së, synimet dhe perspektivën e zhvillimit të saj si institucioni qendror për arsimin e lartë dhe trajnimin profesional në fushën e sigurisë publike.
Zëvendësministri Dugolli vlerësoi rezultatet e arritura dhe kontributin e AKSP-së në zhvillimin e kapaciteteve profesionale të institucioneve të sigurisë publike. Ai shprehu mbështetjen e plotë të Ministrisë së Punëve të Brendshme për zhvillimin dhe fuqizimin e mëtejshëm të AKSP-së, duke theksuar rëndësinë e saj si institucion kyç në përgatitjen profesionale të zyrtarëve të institucioneve të sigurisë publike.
Vizita u përmbyll me konfirmimin e përkushtimit për realizimin e objektivave strategjike të AKSP-së dhe vazhdimin e mbështetjes për avancimin e saj në zhvillimin e kapaciteteve në sektorin e sigurisë publike.
AKSP dhe Këshilli Prokurorial i Kosovës intensifikojnë bashkëpunimin në funksion të zhvillimit profesional dhe forcimit institucional
Prishtinë, 24 korrik 2026 – Ushtruesi i Detyrës së Drejtorit të Përgjithshëm të Akademisë së Kosovës për Siguri Publike (AKSP), z. Shpend Shabani, i shoqëruar nga Dr. Vilard Bytyqi, U.d. Dekan i Fakultetit të Sigurisë Publike në AKSP, zhvilluan një vizitë zyrtare në Këshillin Prokurorial të Kosovës (KPK), ku u pritën nga Kryesuesi i Këshillit, z. Arian Gashi, së bashku me Zëvendëskryesuesin, Prof. Ass. Dr. Dardan Vuniqi.
Takimi u zhvillua në një frymë të hapur dhe konstruktiv, me ç’rast u diskutuan mundësitë për thellimin e bashkëpunimit ndërinstitucional ndërmjet KPK-së dhe AKSP-së. Diskutimet u fokusuan në identifikimin e fushave me interes të përbashkët, avancimin e partneritetit institucional dhe koordinimin e aktiviteteve të përbashkëta në funksion të ngritjes së kapaciteteve profesionale.
Përfaqësuesit e AKSP-së shprehën gatishmërinë për të intensifikuar bashkëpunimin me Këshillin Prokurorial të Kosovës përmes iniciativave të përbashkëta, të cilat do të kontribuojnë në ngritjen e kapaciteteve profesionale dhe avancimin e standardeve në fushën e sigurisë publike dhe drejtësisë.
Në përmbyllje të takimit, përfaqësuesit e të dy institucioneve shprehën gatishmërinë për të avancuar më tej bashkëpunimin ndërinstitucional përmes koordinimit të vazhdueshëm dhe realizimit të iniciativave të përbashkëta, të cilat do të kontribuojnë në zhvillimin e kapaciteteve profesionale, fuqizimin e institucioneve dhe mbështetjen e sundimit të ligjit në Republikën e Kosovës.
Delegacioni i Akademisë së Kosovës për Siguri Publike zhvilloi takim zyrtar në Universitetin “Ukshin Hoti” në Prizren
Prizren, 21 korrik 2026 - Delegacioni i Akademisë së Kosovës për Siguri Publike (AKSP), i udhëhequr nga Ushtruesi i Detyrës së Drejtorit të Përgjithshëm, z. Shpend Shabani, zhvilloi një vizitë zyrtare në Universitetin “Ukshin Hoti” në Prizren, ku u prit nga Rektori i Universitetit, Prof. Asoc. Dr. Mentor Alishani, së bashku me ekipin drejtues të universitetit.
Pjesë e delegacionit të AKSP-së ishin Prof. Dr. Vilard Bytyqi, Ushtrues i Detyrës së Dekanit të Fakultetit të Sigurisë Publike, Prof. Dr. Anita Zenuni, Prodekane e Fakultetit të Sigurisë Publike, z. Fitim Osmani, Ushtrues i Detyrës së Drejtorit të Departamentit për Planifikim Strategjik dhe Çështje Ligjore, si dhe z. Avni Istrefi, Udhëheqës i Divizionit për Marrëdhënie me Jashtë. Në takim morën pjesë edhe prorektorët e Universitetit “Ukshin Hoti” në Prizren, Prof. Ass. Dr. Luan Vardari, Prof. Asoc. Dr. Serdan Kervan dhe Prof. Ass. Dr. Adelina Rakaj.
Qëllimi i takimit ishte inicimi i bashkëpunimit ndërinstitucional dhe shqyrtimi i mundësive për nënshkrimin e një marrëveshjeje bashkëpunimi ndërmjet Akademisë së Kosovës për Siguri Publike dhe Universitetit “Ukshin Hoti” në Prizren, në fusha me interes të përbashkët. Gjatë takimit u diskutua për krijimin e një partneriteti të qëndrueshëm, me fokus në arsimin e lartë, kërkimin shkencor, zhvillimin profesional dhe realizimin e projekteve të përbashkëta.
Takimi u zhvillua në një atmosferë konstruktive dhe me frymë të bashkëpunimit të ndërsjellë. Në përfundim, palët u dakorduan për vazhdimin e procedurave drejt finalizimit dhe nënshkrimit të marrëveshjes së bashkëpunimit, e cila pritet të kontribuojë në forcimin e bashkëpunimit institucional, avancimin e veprimtarisë akademike dhe shkencore, si dhe në zhvillimin e iniciativave të përbashkëta në interes të institucioneve të Republikës së Kosovës.
U mbajt mbledhja e 45-të e Bordit të Akademisë së Kosovës për Siguri Publike
Vushtrri, 14 korrik 2026 - Sot, në Akademinë e Kosovës për Siguri Publike (AKSP), u mbajt mbledhja e 45-të e Bordit të Akademisë, e kryesuar nga Drejtori i Përgjithshëm i Shërbimit Korrektues të Kosovës, njëherësh Kryesues i Bordit, z. Ismail Dibrani.
Në mbledhje morën pjesë Drejtori i Përgjithshëm i Policisë së Kosovës, z. Gazmend Hoxha, Kryeshefi Ekzekutiv i Inspektoratit Policor të Kosovës, z. Kushtrim Hodaj, Drejtori i Përgjithshëm i Doganës së Kosovës, z. Agron Llugaliu, Drejtori i Përgjithshëm i Akademisë së Kosovës për Siguri Publike, z. Shpend Shabani, si dhe në cilësinë e përfaqësuesit të Shërbimit Sprovues të Kosovës, z. Driton Zogiani, i cili mori pjesë në zëvendësim të Drejtorit të Përgjithshëm të SHSK-së. Po ashtu në takim morrën pjesë përfaqësues nga OSBE si dhe zyrtar të lartë të AKSP-së.
Në përputhje me rendin e ditës, Bordi fillimisht miratoi procesverbalet dhe transkriptet e mbledhjeve të mëparshme, ndërsa më pas shqyrtoi çështje me rëndësi strategjike për zhvillimin institucional të AKSP-së.
Gjatë mbledhjes, Bordi u informua lidhur me zhvillimin e arsimit të lartë në AKSP, përfshirë procesin e riakreditimit institucional dhe programor të Programit Bachelor “Siguria Publike”, rritjen e pjesëmarrjes së institucioneve të sigurisë publike në këtë program si dhe zhvilloi një diskutim lidhur me mundësitë e ndërlidhjes së këtij programi me zhvillimin profesional dhe sistemin e karrierës në institucionet e sigurisë publike. Bordi miratoi kuotat për pranimin e studentëve në Programin Bachelor “Siguria Publike” për vitin akademik 2026/2027, duke krijuar kështu bazën për fillimin e procedurave të pranimit të studentëve nga institucionet e sigurisë publike në programin bachelor.
Po ashtu, Bordi u njoftua me përgatitjet për organizimin e Konferencës V-të Shkencore Ndërkombëtare të AKSP-së, e cila do të mbahet gjatë muajit nëntor 2026, si dhe me aktivitetet e ndërmarra në kuadër të organizimit të saj.
Në vijim, anëtarët e Bordit shqyrtuan rishikimin e Planit të Trajnimeve të AKSP-së për vitin 2026, i cili është harmonizuar me nevojat dhe prioritetet e institucioneve të sigurisë publike, si dhe u informuan për ecurinë e procesit të akreditimit dhe validimit të programeve profesionale të AKSP-së nga Autoriteti Kombëtar i Kualifikimeve.
Për bashkëpunim dhe kontribut të veçantë, IPK nderon Akademinë e Kosovës për Siguri Publike
Prishtinë, 2 korrik 2026 - Me rastin e shënimit të 20-vjetorit të themelimit të Inspektoratit Policor të Kosovës (IPK), u organizua një ceremoni solemne, në të cilën morën pjesë përfaqësues të institucioneve shtetërore, partnerë vendorë dhe ndërkombëtarë, si dhe personalitete të larta të sektorit të sigurisë. Në këtë ceremoni mori pjesë edhe ushtruesi i detyrës së Drejtorit të Përgjithshëm të Akademisë së Kosovës për Siguri Publike (AKSP), z. Shpend Shabani.
Në kuadër të këtij jubileu, IPK vlerësoi rrugëtimin e saj dydekadësh në forcimin e llogaridhënies, integritetit institucional dhe mbikëqyrjes së Policisë së Kosovës, si dhe ndau mirënjohje dhe medalje për individë dhe institucione që kanë dhënë kontribut të veçantë në zhvillimin dhe suksesin e institucionit.
Për bashkëpunimin e frytshëm dhe kontributin e vazhdueshëm në zhvillimin profesional dhe institucional të Inspektoratit Policor të Kosovës, Akademia e Kosovës për Siguri Publike u nderua me medalje mirënjohjeje. Kjo medalje iu dorëzua ushtruesit të detyrës së Drejtorit të Përgjithshëm të AKSP-së, z. Shpend Shabani, në shenjë vlerësimi për partneritetin institucional dhe mbështetjen e vazhdueshme ndërmjet dy institucioneve.
Ky vlerësim dëshmon bashkëpunimin e ngushtë ndërinstitucional dhe përkushtimin e përbashkët për ngritjen e kapaciteteve profesionale, forcimin e integritetit institucional dhe avancimin e sektorit të sigurisë në Republikën e Kosovës.
AKSP HAP THIRRJEN PËR PUNIME SHKENCORE PËR KONFERENCËN E V-të SHKENCORE NDËRKOMBËTARE NË SIGURI PUBLIKE
Vushtrri, 25 qershor 2026 - Akademia e Kosovës për Siguri Publike ka kënaqësinë të njoftojë organizimin e Konferencës V-të Shkencore Ndërkombëtare në Siguri Publike, e cila do të mbahet më 19-20 nëntor 2026 në Akademinë e Kosovës për Siguri Publike.
Tema e konferencës është: “Siguria Publike në Epokën Digjitale: Inteligjenca Artificiale, Kërcënimet Kibernetike dhe Sfidat Bashkëkohore”
Konferenca synon të shërbejë si platformë ndërkombëtare për shkëmbimin e njohurive, përvojave dhe rezultateve të hulumtimeve shkencore në fushën e sigurisë publike, me fokus në transformimin digjital, inteligjencën artificiale, sigurinë kibernetike dhe sfidat bashkëkohore të sigurisë.
Ftohen të marrin pjesë studiues, profesorë universitarë, hulumtues, ekspertë të sigurisë, përfaqësues të institucioneve publike dhe organizatave vendore e ndërkombëtare, studentë të nivelit master dhe doktoratë, si dhe profesionistë të fushave relevante.
Abstraktet dhe punimet e pranuara do të publikohen në Librin e Punimeve të Konferencës (Conference Proceedings) me ISBN.
Afatet:
Afati për dorëzimin e abstrakteve: 15 shtator 2026
Njoftimi për pranimin e abstrakteve: 25 shtator 2026
Afati i regjistrimit për pjesëmarrje: 30 shtator 2026
Dorëzimi i punimeve të plota: 25 tetor 2026
Publikimi i agjendës finale të konferencës: 10 nëntor 2026
Tarifa e pjesëmarrjes: Pa pagesë
Mbajtja e konferencës: 19-20 nëntor 2026
Abstraktet (deri 300 fjalë në shqip ose anglisht) dhe punimet e plota dërgohen në e-mail: [email protected]
Për informata të detajuara lidhur me konferencën, temat, afatet, udhëzimet për autorët dhe procedurat e aplikimit, ju lutemi konsultoni dokumentet e publikuara më poshtë.
Informata për kontakt:
Akademia e Kosovës për Siguri Publike
Rr. “Gjergj Kastrioti Skënderbeu”, Nr. 60, 42 000 Vushtrri, Republika e Kosovës
E-mail: [email protected]
Tel: +383 28 590 070; Ext: 141
Web: https://aksp-ks.net/
AKSP nderon me mirënjohje Post Mortem profesorin Nexhat Jashari
Vushtrri, 26 qershor 2026 - Akademia e Kosovës për Siguri Publike organizoi një ceremoni të veçantë gjatë së cilës familjes së të ndjerit Prof. Ass. Dr. Nexhat Jasharit iu nda Mirënjohja Post Mortem, në shenjë nderimi dhe mirënjohjeje për kontributin e tij të çmuar akademik dhe profesional në zhvillimin e Akademisë së Kosovës për Siguri Publike.
Mirënjohja iu dorëzua bashkëshortes dhe fëmijëve të profesorit nga Drejtori i Përgjithshëm i AKSP-së, z. Shpend Shabani, në praninë e u.d. Dekanit të Fakultetit të Sigurisë Publike, Prof. Asoc. Dr. Vilard Bytyqi, u.d. Prodekanes, Dr. sc. Anita Zenuni, si dhe u.d. Drejtorit të Departamentit për Planifikim Strategjik dhe Çështje Ligjore, z. Fitim Osmani.
Me këtë akt simbolik, Akademia shprehu respektin dhe vlerësimin e saj institucional për figurën dhe veprën e Prof. Nexhat Jasharit, i cili gjatë angazhimit të tij dha një kontribut të çmuar në ngritjen dhe zhvillimin e përgjithshëm të Akademisë, e veçanërisht të arsimit të lartë në fushën e sigurisë publike.
Bordi ALUMNI i AKSP-së mbajti takimin e radhës dhe miratoi planin vjetor për vitin 2026
Vushtrri, 17 qershor 2026 - Në Akademinë e Kosovës për Siguri Publike (AKSP), u mbajt takimi i radhës i Bordit ALUMNI, me pjesëmarrjen e anëtarëve të bordit dhe përfaqësuesve të Akademisë.
Gjatë takimit u shqyrtua Draft-Dokumenti i Planit të Aktiviteteve ALUMNI të AKSP-së për vitin 2026, duke përfshirë komentet dhe sugjerimet e pranuara gjatë procesit të konsultimit dhe rishikimit të dokumentit.
Pjesëmarrësit zhvilluan diskutime konstruktive lidhur me aktivitetet e parapara, prioritetet strategjike dhe mundësitë për avancimin e mëtejmë të rrjetit ALUMNI, me fokus në forcimin e bashkëpunimit profesional, shkëmbimin e përvojave dhe promovimin e zhvillimit të vazhdueshëm profesional të anëtarëve të tij.
Pas shqyrtimit të propozimeve dhe rekomandimeve të paraqitura, Bordi ALUMNI miratoi Planin Vjetor të Aktiviteteve ALUMNI të AKSP-së për vitin 2026, i cili do të shërbejë si dokument orientues për realizimin e aktiviteteve dhe nismave të planifikuara gjatë vitit.
Akademia e Kosovës për Siguri Publike mbetet e përkushtuar në mbështetjen e rrjetit ALUMNI dhe në promovimin e aktiviteteve që kontribuojnë në fuqizimin e bashkëpunimit profesional dhe institucional ndërmjet anëtarëve të saj.
Zëvendëskryeministrja Donika Gërvalla-Schwarz, vizitoi Akademinë e Kosovës për Siguri Publike
Vushtrri, 17 qershor 2026 – Zëvendëskryeministrja dhe Ministrja në detyrë e Ministrisë së Drejtësisë, znj. Donika Gërvalla-Schwarz, e shoqëruar nga Drejtori i Përgjithshëm i Shërbimit Korrektues të Kosovës (SHKK), z. Ismail Dibrani, vizitoi sot Akademinë e Kosovës për Siguri Publike (AKSP), ku u prit nga ushtruesi i detyrës së Drejtorit të Përgjithshëm të AKSP-së, z. Shpend Shabani, së bashku me bashkëpunëtorët e tij.
Me rastin e vizitës së Zëvendëskryeministres së Republikës së Kosovës, znj. Donika Gërvalla-Schwarz, në Akademi (AKSP), Drejtori i Përgjithshëm, z. Shpend Shabani, i uroi mirëseardhje dhe e falënderoi për vizitën, duke vlerësuar mbështetjen institucionale për zhvillimin dhe avancimin e vazhdueshëm të Akademisë. Gjatë takimit, ai prezantoi mandatin, zhvillimin institucional dhe të arriturat kryesore të AKSP-së në fushën e arsimit dhe trajnimit për siguri publike, si dhe prioritetet strategjike për periudhën e ardhshme.
Në këtë kuadër, u theksua progresi i arritur në zhvillimin e programeve trajnuese dhe akademike, proceset e akreditimit vendor dhe ndërkombëtar, si dhe roli i Akademisë në përgatitjen dhe zhvillimin profesional të pjesëtarëve të Policisë së Kosovës, Shërbimit Korrektues të Kosovës, Shërbimit Sprovues të Kosovës, Doganës së Kosovës, Agjencisë së Menaxhimit Emergjent dhe Inspektoratit Policor të Kosovës. Po ashtu, u ritheksua vizioni i Akademisë për t’u zhvilluar më tej si një qendër moderne dhe lidere rajonale në fushën e sigurisë publike.
Nga ana e saj, Zëvendëskryeministrja znj. Gërvalla-Schwarz vlerësoi angazhimin dhe rezultatet e Akademisë ndër vite, duke theksuar kontributin e saj në zhvillimin e kapaciteteve profesionale të institucioneve të sigurisë publike dhe promovimin e Kosovës në nivel ndërkombëtar.
Ndërkaq, Drejtori i Përgjithshëm i Shërbimit Korrektues të Kosovës, z. Ismail Dibrani, vlerësoi bashkëpunimin e suksesshëm me AKSP-në dhe rëndësinë e programeve trajnuese në ngritjen e kapaciteteve profesionale të personelit korrektues në përputhje me standardet bashkëkohore dhe ndërkombëtare.
Në përfundim të vizitës, znj. Gërvalla-Schwarz, së bashku me delegacionin shoqërues, të udhëhequr nga Drejtori z. Shabani dhe zyrtarë të lartë të Akademisë, vizituan hapësirat dhe objektet e Akademisë. Me këtë rast, ata patën mundësinë të njihen nga afër me kushtet e trajnimit dhe të përcjellin aktivitetet teorike dhe praktike të kadetëve që aktualisht janë duke ndjekur programet trajnuese në Akademinë e Kosovës për Siguri Publike.
Zyrtarë të AKSP-së morën pjesë në Konferencën Vjetore të IADLEST në SHBA
Vushtrri, 12 qershor 2026 – Dy zyrtarë të lartë të Akademisë së Kosovës për Siguri Publike (AKSP), dr. Vilard Bytyqi, ushtrues detyre i Dekanit të Fakultetit për Siguri Publike, dhe z. Emin Uka, Udhëheqës i Divizionit për Sigurim të Cilësisë, si dhe përfaqësues nga Policia e Kosovës, Kolonel Fehmi Hoti, Kolonel Dejan Janković, zëvendësdrejtor të përgjithshëm, si dhe Kolonele Taibe Canolli, drejtoreshë e Departamentit të Burimeve Njerëzore, morën pjesë në Konferencën Vjetore të Asociacionit Ndërkombëtar të Drejtorëve të Standardeve dhe Trajnimit të Zbatimit të Ligjit (IADLEST), e mbajtur në Fort Worth, Texas, SHBA, nga 7 deri më 10 qershor 2026.
Pjesëmarrja në këtë konferencë vazhdon angazhimin e kahershëm të AKSP-së në rrjetet ndërkombëtare të arsimit dhe trajnimit në fushën e sigurisë publike. Që nga viti 2012, përfaqësues të Akademisë kanë marrë pjesë në njëmbëdhjetë konferenca vjetore të IADLEST-it, duke e renditur AKSP-në ndër institucionet më aktive ndërkombëtare që bashkëpunojnë me këtë organizatë.
IADLEST është një organizatë profesionale që promovon zhvillimin e standardeve dhe praktikave më të mira në trajnimin dhe certifikimin e personelit të sigurisë publike. Përmes aktiviteteve të saj, organizata mbështet bashkëpunimin ndërkombëtar, shkëmbimin e përvojave profesionale dhe avancimin e sistemeve të trajnimit për institucionet e zbatimit të ligjit.
AKSP gëzon një histori të suksesshme bashkëpunimi me IADLEST. Në vitin 2018, Akademia u bë institucioni i parë jashtë Shteteve të Bashkuara të Amerikës që u akreditua nga kjo organizatë. Më pas, në vitet 2021 dhe 2024, AKSP u riakreditua me sukses, duke u vlerësuar në të dy rastet me Çmimin e Ekselencës, një nga vlerësimet më të larta që jep IADLEST për institucionet e trajnimit në fushën e sigurisë publike. Akreditimi aktual është i vlefshëm deri në vitin 2028.
Pjesëmarrja në konferenca të tilla ndërkombëtare kontribuon në forcimin e kapaciteteve profesionale të Akademisë, shkëmbimin e praktikave më të mira dhe avancimin e vazhdueshëm të standardeve të arsimit dhe trajnimit në fushën e sigurisë publike në Republikën e Kosovës.
