AKSP merr pjesë në Konferencën Vjetore të EPTA-s 2026 në Marly të Zvicrës
23 tetor 2026 - Akademia e Kosovës për Siguri Publike (AKSP) ka marrë pjesë në Konferencën Vjetore të Akademive Evropiane të Trajnimit në Shërbimet Korrektuese (EPTA) “Trajnerët e gjeneratës së re: Aftësitë digjitale dhe inteligjenca artificiale në të nxënit e së ardhmes”, e cila është mbajtur nga 21 deri më 23 tetor 2026, në kampusin e Qendrës Zvicerane për Trajnimin në Sistemin e Drejtësisë (SKJV), në Marly të Zvicrës.
Në këtë konferencë morrën pjesë 55 pjesëmarrës prej 25 shteteve ku Akademia e Kosovës për Siguri Publike shënon herën e parë që merrë pjesë në aktivitetet e rrjetit EPTA-së dhe është përfaqësuar nga z. Shpend Shabani, ushtrues i detyrës së Drejtorit të Përgjithshëm, i shoqëruar nga z. Avni Istrefi, udhëheqës i Divizionit për Marrëdhënie me Jashtë.
Gjatë konferencës, vëmendje e veçantë iu kushtua kompetencave që do t'u nevojiten trajnerëve në të ardhmen, integrimit të teknologjive digjitale dhe inteligjencës artificiale në proceset e të nxënit, si dhe mundësive dhe sfidave që sjellin këto zhvillime. Gjithashtu, pjesëmarrësit shkëmbyen përvoja lidhur me metodat inovative dhe përdorimin e mjeteve digjitale të të nxënit në nivel evropian.
Vizita në burgun JVA Witzwil, ishte një tjetër aktivitet i rëndësishëm i zhvilluar si pjesë e axhendës së aktiviteteve të kësaj konference.
Përmes pjesëmarrjes në këtë konferencë, AKSP ka forcuar mundësitë për bashkëpunim me institucionet homologe evropiane, si dhe për shkëmbimin e praktikave të avancuara ndërkombëtare, me synim zhvillimin e mëtejshëm të trajnimeve profesionale dhe përshtatjen e tyre me nevojat dhe sfidat e reja në fushën e sigurisë publike.
