}

NewsArticle

AKSP merr pjesë në Konferencën Vjetore të RAPATC SEE në Maqedoninë e Veriut

15/10/2026

AKSP merr pjesë në Konferencën Vjetore të RAPATC SEE në Maqedoninë e Veriut

Vushtrri, 15 tetor 2026 – Përfaqësues të Akademisë së Kosovës për Siguri Publike (AKSP), të udhëhequr nga Shpend Shabani, ushtrues i detyrës së Drejtorit të Përgjithshëm të AKSP-së, së bashku me Xhemil Klinakun, Udhëheqës i Divizionit për Burime Njerëzore, morën pjesë në Konferencën Vjetore të Asociacionit Rajonal të Akademive Policore dhe Qendrave të Trajnimit të Evropës Juglindore (RAPATC SEE), e cila u mbajt nga 13 deri më 15 tetor 2026 në Krani të Maqedonisë së Veriut.

RAPATC SEE i themeluar në tetor të vitit 2025, me Kosovën si një nga anëtaret themeluese, synon forcimin e bashkëpunimit rajonal, shkëmbimin e përvojave dhe avancimin e arsimit dhe trajnimit policor.

Një nga zhvillimet e rëndësishme të konferencës është kalimi i kryesimit të Asociacionit nga Maqedonia e Veriut te Shqipëria, në përputhje me parimin e rotacionit vjetor, duke vazhduar kështu angazhimin e përbashkët të anëtarëve për realizimin e objektivave të Asociacionit.

Pjesëmarrja e AKSP-së në këtë konferencë riafirmon përkushtimin e institucionit për thellimin e bashkëpunimit rajonal, forcimin e partneriteteve ndërinstitucionale dhe shkëmbimin e përvojave profesionale, në funksion të zhvillimit të kapaciteteve dhe avancimit të arsimit e trajnimit në fushën e sigurisë publike.

Lexo lajme tjera:

AKSP dhe AME marrin pjesë në mobilitetin e stafit në kuadër të Programit Erasmus+ në Varshavë të Polonisë

Varshavë, 12-16 tetor 2026 - Përfaqësues të Akademisë së Kosovës për Siguri Publike (AKSP) dhe Agjencisë së Menaxhimit të Emergjencave (AME) po marrin pjesë në Mobilitetin e Stafit për Trajnim (STT), në kuadër të Programit Erasmus+ të Bashkimit Evropian, që po zhvillohet nga 12 deri më 16 tetor 2026 në Akademinë e Zjarrfikjes (Akademia Pożarnicza) në Varshavë të Polonisë.

Përveç përfaqësuesve nga Kosova, në këtë mobilitet marrin pjesë edhe përfaqësues të Universitetit Amikom Yogyakarta nga Indonezia dhe të Universitetit Shtetëror të Burgasit nga Bullgaria.

Gjatë qëndrimit në Poloni, pjesëmarrësit kanë mundësinë të vizitojnë kampusin e Akademisë së Zjarrfikjes në Varshavë, të njihen nga afër me laboratorët dhe infrastrukturën trajnuese, si dhe me metodat dhe praktikat e punës që zbatohen në procesin edukativo-arsimor dhe profesional në fushën e zjarrfikjes.

Këto vizita mundësojnë njohjen me qasjet bashkëkohore të mësimdhënies dhe trajnimit, si dhe me mënyrat e përgatitjes profesionale të personelit për përballimin e situatave emergjente.

Programi përfshin gjithashtu prezantime nga institucionet pjesëmarrëse, përmes të cilave prezantohen përvojat, praktikat dhe veçoritë e sistemeve përkatëse të edukimit dhe trajnimit.

Po ashtu, njohja nga afër me profesionistë të fushës në kuadër të praktikave bashkohore do jenë mundësi për shkëmbimin e njohurive, diskutimin e sfidave të përbashkëta dhe identifikimin e mundësive për bashkëpunim të mëtejshëm ndërinstitucional.

Ky aktivitet pritet të finalizohet me ndarjen e çertifikatave për pjesëmarrësit nga ana e programit ERASMUS+.

Ky mobilitet realizohet në bazë të marrëveshjes ndërinstitucionale ndërmjet AKSP-së dhe Akademisë së Zjarrfikjes në Varshavë, bashkëpunim i cili daton që nga viti 2015.

Pjesëmarrja në këtë program përbën një mundësi të rëndësishme për zhvillimin profesional të stafit, avancimin e kapaciteteve institucionale dhe forcimin e bashkëpunimit ndërkombëtar në fushën e sigurisë publike dhe menaxhimit të emergjencave.

15/10/2026 Lexo më shumë

AKSP u përfaqësua në Takimin e Bordit Udhëheqës dhe Konferencën Shkencore Vjetore të AEPC-së

Budapest, 16 tetor 2026 – Më 14 dhe 15 tetor 2026, Akademia e Kosovës për Siguri Publike (AKSP) u përfaqësua në Takimin e Bordit Udhëheqës dhe Konferencën Shkencore Vjetore të Asociacionit të Kolegjeve Policore Evropiane (AEPC), të mbajtura në Budapest, Hungari.

Të dyja ngjarjet e këtij viti shënuan përvjetorë jubilarë: 30-vjetorin e themelimit të AEPC-së dhe organizimin e Simpoziumit të Pestë Ndërkombëtar të Hulumtimit në Zbatimin e Ligjit (LILERS), i cili u organizua në bashkëpunim ndërmjet AEPC-së dhe Universitetit Ludovika të Shërbimit Publik të Hungarisë, përkatësisht Fakultetit të Zbatimit të Ligjit të këtij universiteti.

AKSP-ja u përfaqësua nga Skender Agaj, zyrtar i lartë për marrëdhënie shumëpalëshe. Gjatë këtyre aktiviteteve, ai zhvilloi takime dhe shkëmbeu biseda me përfaqësues nga shteti nikoqir, Hungaria, si dhe me përfaqësues të shumicës së vendeve të tjera pjesëmarrëse. Gjithashtu, pati rastin të takojë dhe të shkëmbejë mendime me Prof. Dr. Gábor Kovács, gjeneral brigade i policisë, president i AEPC-së dhe dekan i Fakultetit të Zbatimit të Ligjit të Universitetit Ludovika të Shërbimit Publik; Jan Pecháček, drejtor ekzekutiv i Agjencisë së Bashkimit Evropian për Trajnimin për Zbatimin e Ligjit (CEPOL); si dhe Gábor Pósfai, ministër i Ministrisë së Brendshme të Hungarisë.

Programi i aktiviteteve përfshiu Konferencën Shkencore Vjetore të AEPC-së dhe Simpoziumin e Pestë Ndërkombëtar të Hulumtimit në Zbatimin e Ligjit (LILERS), të cilat u pasuan nga Takimi i Bordit Udhëheqës të AEPC-së. Të gjitha këto aktivitete u mbajtën në kampusin e Universitetit Ludovika të Shërbimit Publik të Hungarisë.

Përveç përfaqësuesve të Kosovës dhe të shtetit nikoqir, Hungarisë, në këto aktivitete morën pjesë edhe përfaqësues nga 23 vende të tjera evropiane.

16/10/2026 Lexo më shumë

NewsArticle

AKSP merr pjesë në Konferencën Vjetore të RAPATC SEE në Maqedoninë e Veriut

Lexo lajme tjera:

AKSP dhe AME marrin pjesë në mobilitetin e stafit në kuadër të Programit Erasmus+ në Varshavë të Polonisë

AKSP u përfaqësua në Takimin e Bordit Udhëheqës dhe Konferencën Shkencore Vjetore të AEPC-së

Na ndiqni në rrjetet sociale!

Lokacioni: