Lajmet

Vushtrri, 10 qershor 2013 - Vushtrri, 10 qershor – Institutit i Krimeve Ekonomike tash e tutje do të funksionojë në kuadër të Akademisë së Kosovës për Siguri Publik (AKSP), kjo u bë më vendim të Bordit të AKSP-së gjatë një takimi që pati sot në të cilin mori pjesë edhe zëvendës ambasadorja e SHBA-ve në Kosovë, Kelly Degnan dhe zyrtarët e Departamentit të Thesarit Amerikan.
Të gjitha trajnimet që kanë të bëjnë më luftimin e krimit ekonomike do të mbahen në AKSP. Qëllimi kryesor i këtij Instituti është përgatitja  e zyrtarëve për luftimin e krimit ekonomik, identifikimin dhe konfiskimin e aseteve, luftimin e shpëlarjes së parave, korrupsionin dhe ikjes së tatimeve.
Zv/ambasadorja e SHBA-ve në Kosovë Kelly Degnan, duke thënë se Ambasada Amerikane do ta mbështet fuqishëm Akademinë e Kosovës për Siguri Publike theksoj se ky Institut ka për qëllim luftimin e krimeve ekonomike.
Degnan tha se Instituti i Krimeve Ekonomike është mjaftë i rëndësishëm për Kosovën pasi që të gjithë pjesëtarët e sigurisë publike janë të obliguar ta luftojë krimin ekonomik dhe pastrimin e parave.
“Këto janë probleme globale e natyrisht që as Kosova nuk bënë përjashtim nga kjo, por SHBA është e interesuar që ta ndihmojë Qeverinë e Kosovës në këtë drejtim”, tha Degnan duke shtuar se Kosova ka shënuar përparimin në luftimin e krimit ekonomik.
“Lufta kundër krimit ekonomik mundë të bëhet vetëm përmes bashkëpunimit”, tha ajo.
Kurse Drejtori i Drejtorisë së Trajnimeve të Specializuar dhe të Avancuara në Policinë e Kosovës, Akrem Rraci, tha se në kuadër të këtij instituti janë të certifikuar trajnerët nga agjensionet e sigurisë publike, si Policia e Kosovës, Dogana e Kosovës, Agjensioni Tatimor i Kosovës, Njësia Financiare e Inteligjencës etj.
Rraci tha se këta zyrtarë janë certifikuar nga Departamenti i Thesarit Amerikan.
“Deri me tani këto trajnime janë mbajtur në Prishtinë, ndërsa tash e tutje këto trajnime do të mbahen në Akademinë e Kosovës për Siguri Publike nga Instituti në fjalë”, tha Rraci.
Ndërsa Gary Hyde këshilltarë i Krimeve Ekonomike në Thesarin Amerikan i cili foli rreth funksionimit të këtij institutit tha se funksionimi i një instituti të tillë është shumë i nevojshëm për liberalizimin e vizave dhe anëtarësimin e Kosovës në Bashkimin Evropian.
Rolin kryesor për fuqizimin e Instituti për Krime Ekonomike e ka Departamenti i Thesarit Amerikan.
 

Vushtrri, 10 qershor 2013 - Vushtrri, 10 qershor – Institutit i Krimeve Ekonomike tash e tutje do të funksionojë në kuadër të Akademisë së Kosovës për Siguri Publik (AKSP), kjo u bë më vendim të Bordit të AKSP-së gjatë një takimi që pati sot në të cilin mori pjesë edhe zëvendës ambasadorja e SHBA-ve në Kosovë, Kelly Degnan dhe zyrtarët e Departamentit të Thesarit Amerikan.
Të gjitha trajnimet që kanë të bëjnë më luftimin e krimit ekonomike do të mbahen në AKSP. Qëllimi kryesor i këtij Instituti është përgatitja  e zyrtarëve për luftimin e krimit ekonomik, identifikimin dhe konfiskimin e aseteve, luftimin e shpëlarjes së parave, korrupsionin dhe ikjes së tatimeve.
Zv/ambasadorja e SHBA-ve në Kosovë Kelly Degnan, duke thënë se Ambasada Amerikane do ta mbështet fuqishëm Akademinë e Kosovës për Siguri Publike theksoj se ky Institut ka për qëllim luftimin e krimeve ekonomike.
Degnan tha se Instituti i Krimeve Ekonomike është mjaftë i rëndësishëm për Kosovën pasi që të gjithë pjesëtarët e sigurisë publike janë të obliguar ta luftojë krimin ekonomik dhe pastrimin e parave.
“Këto janë probleme globale e natyrisht që as Kosova nuk bënë përjashtim nga kjo, por SHBA është e interesuar që ta ndihmojë Qeverinë e Kosovës në këtë drejtim”, tha Degnan duke shtuar se Kosova ka shënuar përparimin në luftimin e krimit ekonomik.
“Lufta kundër krimit ekonomik mundë të bëhet vetëm përmes bashkëpunimit”, tha ajo.
Kurse Drejtori i Drejtorisë së Trajnimeve të Specializuar dhe të Avancuara në Policinë e Kosovës, Akrem Rraci, tha se në kuadër të këtij instituti janë të certifikuar trajnerët nga agjensionet e sigurisë publike, si Policia e Kosovës, Dogana e Kosovës, Agjensioni Tatimor i Kosovës, Njësia Financiare e Inteligjencës etj.
Rraci tha se këta zyrtarë janë certifikuar nga Departamenti i Thesarit Amerikan.
“Deri me tani këto trajnime janë mbajtur në Prishtinë, ndërsa tash e tutje këto trajnime do të mbahen në Akademinë e Kosovës për Siguri Publike nga Instituti në fjalë”, tha Rraci.
Ndërsa Gary Hyde këshilltarë i Krimeve Ekonomike në Thesarin Amerikan i cili foli rreth funksionimit të këtij institutit tha se funksionimi i një instituti të tillë është shumë i nevojshëm për liberalizimin e vizave dhe anëtarësimin e Kosovës në Bashkimin Evropian.
Rolin kryesor për fuqizimin e Instituti për Krime Ekonomike e ka Departamenti i Thesarit Amerikan.

Vushtrri, 10 qershor 2013 - Në Akademinë e Kosovës për Siguri Publike, sot u mbajt takimi i radhës i Bordit, në të cilin morën pjesë kryeprokurori i Shtetit i cili njëherit është edhe kryesues Ismet Kabashi, Ismail Smakiqi drejtor i Përgjithshëm i AKSP-së, Naim Rexha zëvendësdrejtor i Policisë së Kosovës, Naim Huruglica drejtor i Doganave të Kosovës,  Resmi Hoxha drejtor i Përgjithshëm i Shërbimit Korrektues të Kosovës, Metije Ademi drejtoresh e Përgjithshme e Shërbimit Sprovues, Fadil Kodra Kryeshef Ekzekutiv i Agjencionit për Menaxhimin e Emergjencave si dhe Fitim Shishani Kryeshef Ekzekutiv i Inspektoratit Policor të Kosovës.
Gjatë këtij takimi u miratua Plani Vjetor i Punës së Bordit të Akademisë së Kosovës për Siguri Publike për vitin 2013.
Qëllimi i këtij plani vjetor është përcaktimi i hapave kryesorë të cilët i ndërmerr Bordi gjatë këtij viti, me qëllim të kryerjes së përgjegjësive, në mënyrë që nëpërmes vendosjes së standardëve dhe politikave të trajnimit dhe edukimit, pjesëtarët e institucioneve të sigurisë publike të jenë sa më të përgatitur  në mënyrë profesionale dhe sipas standardeve ndërkombëtare të pranuara, që të ju bëjnë ballë të gjitha sfidave në fushën e sigurisë publike.
Ky plan i punës paraqet prioritetet e Bordit të Akademisë dhe jep përmbledhje të aktiviteteve të planifikuara për realizimin e synimeve.

 

Prishtinë, 31 maj 2013 - Në Ministrinë e Punëve të Brendshme u mbajt ceremonia e hapjes së Zyrës Koordinuese për Forumet e Sigurisë në Akademinë e Kosovës për Siguri Publike.

Në këtë ceremoni morën pjesë: ministri i Punëve të Brendshme, Bajram Rexhepi, zëvendësministri i Punëve të Brendshme, Izmi Zeka, menaxheri i Programit të
Departamentit të Drejtësisë të Shteteve të Bashkuara në Kosovë (ICITAP), Darrel Hart, drejtori i Përgjithshëm i AKSP-së, Ismail Smakiqi, kryesuesi i misionit të OSBE-së në Kosovë, ambasadori Jean-Claude Schlumberger, si dhe zyrtarë të tjerë të lartë vendorë dhe ndërkombëtarë.

Ministri Bajram Rexhepi theksoi se hapja e Zyrës Koordinuese për Forumet e Sigurisë  synon zbatimin e suksesshëm të Strategjisë për policinë në bashkësi, e cila është në përputhje me Planin Zhvillimor Strategjik të PK-së 2011-2015.

“Kjo zyrë do të koordinojë punën e mëtejshme të mekanizmave të sigurisë në bashkësi në Kosovë dhe do të krijojë mjedis edhe më të sigurt për jetesë, për të gjithë qytetarët e Republikës së Kosovës”, tha ministri Rexhepi.

Menaxheri i programit të ICITAP-it, Darrel Hart, tha se përmes programit të Policisë në Komunitet, ICITAP hartoi programin për Ekipet Vepruese për Siguri në Bashkësi (EVSB) qysh para dhjetë vjetësh.

“Tashmë janë 34 EVSB të themeluara të cilat kanë për qëllim që të identifikohen problemet e sigurisë në komunitet siç janë: ndalimin e rasteve të dhunës nëpër shkolla, përdorimit të drogës, parandalimit të vetëvrasjes, parandalimit të keqtrajtimit të fëmijëve dhe dhunës familjare, etj.”, tha Hart.

Ndërsa ambasadori i OSBE-së në Kosovë, Jean-Claude Schlumberger u shpreh i kënaqur me themelimin e kësaj zyre, e cila sipas tij tregon përpjekjet për të ndihmuar institucionet e Republikës së Kosovës që lidhen me zhvillimin dhe sigurinë në bashkësi.
 
Organizimi i forumeve të sigurisë është në tri nivele. Në nivelin bazë janë Komitetet  Lokale për Siguri Publike dhe Ekipet Vepruese për Siguri në Bashkësi, në nivelin komunal janë Këshillat Komunale për Siguri në Bashkësi dhe në nivelin e lartë është Grupi drejtues për implementimin e Strategjisë për Siguri në Bashkësi.
 

Vushtrri, 21 maj 2013 - Drejtori i Përgjithshëm i Akademisë së Kosovës për Siguri Publike Ismail Smakiqi, priti në takim një delegacion nga KFOR-i amerikan në Bonstill i udhëhequr nga kolonel Storey.
Smakiqi gjatë këtij takimi falënderoi shtetin amerikan dhe vlerësoi lartë kontributin e tyre për ndihmën e vazhdueshme që kanë dhënë në ndërtimin dhe ngritjen e institucioneve të sigurisë e në veçanti për Akademinë. Ai informoi delegacionin për procese të rëndësishme të cilat po kalon Akademia, për zhvillimin e trajnimeve si dhe për Projektin e Binjakëzimit të Komisionit Evropian i cili ka për mision ofrimin e arsimimit të lartë për agjencionet e sigurisë publike në vend.

Smakiqi theksoi se bashkëpunimi dhe ndihma e  shtetit amerikan për Akademinë është e nevojshme dhe shpresoj se ky bashkëpunim do të vazhdoj edhe në të ardhmen.
Ndërsa Kolonel Story, theksoi se trajnimi dhe ngritja e arsimimit, për pjesëtarët e sigurisë publike luan një rolë të rëndësishëm në sigurinë e përgjithshme jo vetëm për qytetarët e Republikës së Kosovës por edhe më gjerë. Ai inkurajoi Akademinë për punën e bërë deri me tani dhe shprehu gatishmërinë e bashkëpunimit edhe në të ardhmen.
 

Vushtrri, 03 maj 2013 - Drejtori i Përgjithshëm i Akademisë së Kosovës për Siguri Publike, Ismail Smakiqi i shoqëruar nga zyrtarë të lartë të AKSP-së dhe përfaqësues të agjencioneve të sigurisë publike, nga Dogana e Kosovës dhe Inspektoratit Policorë  kanë udhëtuar në vizitë zyrtare  në Finlandë dhe Estoni.
Kjo vizitë është duke u realizuar në kuadër të Projektit të Binjakëzimit të Komisionit Evropian e i cili është duke u implementuar nga po këto shtete, gjegjësisht nga ekspertë të Akademive përkatëse.
Gjatë kësaj vizite delegacioni vizitoi, Kolegjin Policor, Shkollën e Doganave dhe Institutin e Trajnimeve të Shërbimit të Burgjeve dhe Sprovues në Helsink, të cilët u pritën nga Drejtori i Trajnimeve, lideri i Projektit të Binjakëzimit Antti Haikio, si dhe këshilltari rezident i Projektit në AKSP,  Risto Honkonen. Ndërsa në Kolegjin e Doganave dhe Shërbimin Korrektues delegacioni u prit nga drejtorët, Hannu Lippa dhe Hannu Kiehela.
Në aktivitetet dy ditore të cilat zhvilluan në Finlandë, morën pjesë edhe ekspertë tjerë afatshkurtër, të cilët për më tepër se një vit po japin kontributin tyre në Projektin e Binjakëzimit, i cili si qëllim ka hapjen e Fakultetit të Sigurisë Publike në Akademi. Delegacioni pati rastin më për së afërmi të informohet lidhur me punën dhe misionin e këtyre institucioneve Trajnuese dhe Arsimore të ISP.
Krerët e këtyre institucioneve shprehën gatishmërinë e bashkëpunimit dhe ofrimin e eksperiencave të tyre më qëllim të arritjes së standardëve sa më të larta trajnuese dhe arsimore për Akademinë së Kosovës për Siguri publike.
 

Vushtrri, 03 maj 2013 - Drejtori i Përgjithshëm i Akademisë së Kosovës për Siguri Publike Ismail Smakiqi i shoqëruar nga zyrtarë të lartë të AKSP-së dhe përfaqësuesit e Agjencioneve të Sigurisë Publike, nga Dogana e Kosovës dhe Inspektoratit Policorë, vizituan Akademinë Estoneze të Sigurisë Publike.
Delegacioni nga AKSP dhe ASP u pritën nga Rektori i Akademisë së Estonisë dhe Shkencave të Sigurisë, Lauri Tabur si dhe zëvendësrektorja Krista Haak, e cila është njëherësh udhëheqëse e Komponentës së tretë të Projektit të Binjakëzimit. Në Talin, kryeqytetin e Estonisë, delegacioni  vizitoi, Drejtorinë e Shpëtimit, Drejtorinë e Policisë dhe Rojës Kufitare, Akademinë e Shkencave të Sigurisë si dhe Ministrinë e Punëve të Brendshme.
Në aktivitetet dy ditore në Estoni morën pjesë ekspertët afatshkurtër të angazhuar në realizimin e Projektit të Binjakëzimit, të cilët kryesisht janë personel i lartë menaxhues në këto institucione.
Rektori Tabur si dhe personeli menaxhues i institucioneve trajnuese dhe arsimore të zbatueseve të ligjit në Estoni shprehën gatishmërinë e bashkëpunimit të mëtejmë të dy Akademive të Sigurisë Publike.


 

Vushtrri, 24 prill 2013 - Akademinë e Kosovës për Siguri Publike e vizitoi një delegacion nga Ministria e Punëve të Brendshme dhe Ministria e Punëve të Jashtme e Finlandës.

Delegacioni ishte i udhëhequr nga Marjo Anttoora, Sekretare e Shtetit të Finlandës .Qëllimi i këtij takimi ishte informimi më për së afërmi me misionin, aktivitetet si dhe me Projektin e Binjakëzimit të financuar nga Komisioni Evropian, i fituar nga Finlanda dhe Estonia e që ka të bëjë me përmirësimin e arsimimit të lartë në Akademi.
Drejtori Smakiqi, fillimisht i informoi delegacionin me punët dhe proceset e rëndësishme të cilat po kalon Akademia. Në veçanti ai foli për Projektin e Binjakëzimit, projekt mjaft i rëndësishëm për Akademinë, i cili ka për synim ngritjen dhe përmirësimin e cilësisë së arsimimit për të gjithë pjesëtarët e sigurisë publike në vend.
 Ai falënderoi shtetin e Finlandës dhe Estonisë që përmes eksperteve në fushën e arsimit po japin  kontributin e tyre profesional, në realizimin e këtij projekti.
Ndërsa Sekretarja e Shtetit  të Finlandës Marjo Anttoora, theksoi se ngritja e arsimimit, për pjesëtarët e sigurisë publike luan një rolë të rëndësishëm në sigurinë e përgjithshme jo vetëm për qytetarët e Republikës së Kosovës por edhe më gjerë. Ajo inkurajoi Akademinë për punën e bërë deri me tani dhe shprehu gatishmërinë e bashkëpunimit edhe në të ardhmen.

Vushtrri, 19 prill 2013 – Drejtori i Përgjithshëm i Akademisë së Kosovës (AKSP), Ismail Smakiqi, të premten u takua me kadetët e gjeneratës së 45 të Policisë së Kosovës si dhe me pjesëtarët e rinj të Inspektoratit Policor të Kosovës (IPK). Gjatë  takimit drejtori Smakiqi i inkurajoj kadetët që ta kryejnë detyrën e tyre me ndershmëri, krenari dhe dinjitet, ashtu siç i ka hije një pjesëtari që është i thirru për zbatimin e ligjit në vend. Drejtori Smakiqi gjatë fjalimit të tij tha se AKSP ka bërë gjithçka që ka mundur, në mënyrë që trajnimi themelor të zhvillohet dhe të përfundojë me sukses të plotë. Ai tha se Akademia do të vazhdojë të kontribuoj në trajnimin e zbatueseve të ligjit, respektimit të rëndit dhe sigurisë në vend.
Smakiqi para studentëve ka folur edhe për projektin e binjakëzimit i cili ka për qëllim përmirësimin e arsimit në sektorin e sigurisë dhe rendit publik.
“Ndjekja e mësimit në AKSP dhe trajnimet që zhvillohen i bën kadetët garantues të respektimit të rendit dhe ligjit në Republikën e Kosovës”, tha Smakiqi.
 

Vushtrri 15 prill 2013 – Drejtori i Përgjithshëm i Akademisë së Kosovës për Siguri Publike (AKSP), Ismail Smakiqi ka udhëtuar për një vizitë zyrtare në Riad të Arabisë Saudite, ku është duke marrë pjesë në konferencën vjetore të organizuar nga Asociacioni Ndërkombëtar i Akademive Policore (INTERPA). Tema kryesore në këtë konferencë është “Çështja e edukimit bashkëkohor në polici, trajnimet dhe hulumtimet”.
Në këtë konferencë janë duke marrë pjesë 34 vende anëtare të INTERPA-së si dhe vende të reja që janë kandidate për anëtarësim në këtë organizatë.
Drejtori Smakiqi, i shoqëruar nga Avni Istrefi, udhëheqës i Zyrës për Marrëdhënie me Jashtë, përveç pjesëmarrjes në sesionet plenare dhe punëtoritë e konferencës, do të takohen edhe më udhëheqësit e Akademive policore të vendeve anëtare të INTERPA-së ku temë diskutimi do të jetë rritja e bashkëpunimit mes Akademisë së Kosovë për Siguri Publike dhe Akademive Policore që janë anëtare të kësaj organizate. Në konferencë do të mbaj takim Bordi Ekzekutiv si dhe Këshilli i Përgjithshëm i Organizatës INTERPA, ku do të merren vendime, ndër të tjera edhe vendimi për takimin e radhës.

Vushtrri 15 prill 2013 - Drejtori i Përgjithshëm i Akademisë së Kosovës për Siguri Publike (AKSP) u prit nga ambasadori i Republikës së Kosovës në Arabin Saudite Rexhep Boja.
Ambasadori është shprehur i kënaqur për vizitën e drejtorit Smakiqi duke vlerësuar se pjesëmarrja e Kosovës në konferencën e dytë vjetore të organizuar nga INTERPA është mjaftë e rëndësishme, aq më parë në një konferencë e cila ka të bëjë me fushën e sigurisë publike. Të dyja palët shfaqen shpresën se konferenca do të shfrytëzohet edhe për afirmimin e Akademisë së Kosovës për Siguri Publike në qarqet e Akademive Policore të Botës.
Ndërkaq drejtori i AKSP-së, Ismail  Smakiqi e njoftoi ambasadorin me rrjedhat në Akademi, sidomos me Projektin e Binjakëzimit i cili ka të bëjë me hapjen e Fakultetit të Shkencave të Sigurisë, si dhe Institutit për Hulumtim.
Në takim morri pjesë edhe ambasadori i Republikës së Shqipërisë në Riad Saimir Bala.


 

Vushtrri, 15 prill 2013- Në Akademinë e Kosovës për Siguri Publike, sot filloi trajnimi bazikë i gjeneratës së 45-të, të Policisë së Kosovës. Gjithashtu sot trajnimin bazikë filluan edhe pjesëtarë të Inspektoratit Policorë të Kosovës
Kadetët e rinj do të trajnohen sipas plan programeve të dizajnuara në bazë të standardëve ndërkombëtare për të drejtat e njeriut dhe sundim të ligjit. 
Përfaqësuesi i Policisë së Kosovës në Akademi, nënkolonel Driton Zabergja i përshëndeti dhe iu uroi suksese kadetëve, gjithashtu ai inkurajoi kadetët që të japin maksimumin nga vetja e tyre dhe të gjithë trajnimin bazik ta përfundojnë me sukses.
“Zgjedhja juaj është një fillim i ri për ju, për Policin e Kosovës dhe Inspektoratin Policor të Kosovës, dy organizata të cilat posedojnë vlera të rëndësishme si institucione ma te besueshme nga qytetaret e Republikës së Kosovës në sundimin e ligjit”, tha Zabergja.
Trajnimi do të zgjasë 26 javë dhe do të marrin pjesë 136 kadet të Policisë së Kosovës dhe 14 pjesëtarë të Inspektoratit Policor të Kosovës.