Lajmet

Vushtrri, 09 shtator 2012 – Një grup i deputetëve të cilët janë anëtarë të Komisionit  Parlamentar për Punë të Brendshme dhe Siguri në Kuvendin e Kosovës i kryesuar nga kryetari i këtij komisioni Ahmeti Isufi sot vizituan, Akademinë e Kosovës për Siguri Publike ku u priten nga Drejtori i Përgjithshëm Ismail Smakiqi.  Qëllimi i vizitës ishte  që të njihen me për se afërmi me punën dhe zhvillimet që bëhen në Akademi.
Drejtori Smakiqi i njoftoj deputetet për të gjitha aktivitet, trajnimet që zhvillohen në AKSP.
Po ashtu Smakiqi i njoftoj ligjvënësit edhe për projektin e binjakëzimit si dhe për qëllimin që Akademia në një të ardhme të afërt të bëhem sistem bachellor.
Smakiqi i informoi deputetet se në Akademi trajnohen pjesëtarë të sigurisë publike jo vetëm nga Republika e Kosovës, por edhe nga vendet e rajonit.
Ndërkaq deputetet  vlerësuan se Akademinë e Kosovës për Siguri Publike e shohin si një vend adekuat dhe të shkathët për t'i ofruar dijen dhe përgatitje shkencore pjesëtareve të sigurisë publike në vend.
Deputet  e Kuvendit të Kosovës me këtë rast premtuan se do ti japin mbështetje Akademisë në çdo aspekt.
Gjithashtu theksuan se kapacitetet e Akademisë si dhe  fuqizimi dhe ndërtimi i vazhdueshëm i këtij institucioni mjaft të rëndësishëm i plotëson kushtet dhe standardet ndërkombëtare për një arsimim sa më cilësor jo vetëm për agjencionet e sigurisë në vend por edhe më gjerë.

Vushtrri, 04 tetor 2012- Drejtori i Përgjithshëm i Akademisë së Kosovës për Siguri Publike, Ismail Smakiqi priti në një takim ish-komisionarin gjerman për Mbrojtje, Reinhold Robbe.
Smakiqi gjatë këtij takimi foli për misionin, vizionin si dhe për zhvillimit e fundit te cilat po kalon Akademia.
Gjithashtu Smakiqi e informoi delegacionin gjerman edhe për projektin e binjakëzimit, projekt i Komisionit Evropian i cili ka të bëjë me ngritjen e Akademisë në një institucion të arsimimit të lartë.
Me këtë rast ai falënderoi shtetin gjerman për ndihmën e vazhdueshme që ka dhënë dhe po vazhdojnë të japin në ndërtimin dhe fuqizimin e institucioneve të Republikës se Kosovës e në veçanti për Akademinë e Kosovës për Siguri Publike.
Ndërsa ish-komisionari gjerman, Reinhold Robbe vlerësoi lartë të arriturat e Akademisë dhe shprehu gatishmërinë e bashkëpunimit edhe në të ardhmen.

Vushtrri, 19 shtator 2012– Në Akademinë e Kosovës për Siguri Publike sot u mbajt seminari i dukshmërisë për Projektin e Binjakëzimit i cili ka të bëjë me përmirësimin e arsimit në sektorin e sigurisë dhe rendit publik.
 Të pranishëm në seminar ishin, zëvendëskryeministri i Kosovës, Hajredin Kuçi, ministri i Punëve të Brendshme Bajram Rexhepi, përfaqësuesi i Bashkimit Evropian, Samuel Zbogar, Drejtori i Akademisë Ismail Smakiqi, Drejtori i Përgjithshëm i Policisë së Kosovës, Shpend Maxhuni si dhe zyrtarë të lartë vendor e ndërkombëtarë.
Përfaqësuesit e institucioneve të Republikës së Kosovës si dhe përfaqësuesit e institucioneve ndërkombëtarë të cilit ishin të pranishëm në këtë seminar vlerësuan lartë këtë projekt duke thënë se Akademia është shembull për ngritjen e nivelit të lartë të arsimit në fushën e sigurisë publike.
Zëvendëskryeministri i Kosovës, Hajredin Kuçi në emër të Qeverisë së Kosovës e përgëzoj Akademinë dhe Komisionin Evropian për punën e bërë që ka të bëjë me ngritjen e kapaciteteve në arsimimin për fushën e sigurisë. “Qeveria e Kosovës është e përkushtuar në ndërtimin e kapaciteteve për rend dhe ligj, e përkushtuar që të ngrit kapacitet njerëzore e që për këtë është shembull Akademia dhe idea e qeverisë është që ta mbështet Akademinë në arritjen e vizionit”, tha Kuçi.
Ai tha se Akademia është institucion i vetëm në Kosovë që i plotëson kushtet  për arsimin e lartë në fushën e sigurisë publike. Zv/kryeministri Kuçi tha se Qeveria e Kosovës e mbështet në plotëni që Akademia e Kosovës për Siguri Publike të akreditohet. Gjithashtu ai vlerësoj se Kosova ka kapacitet që ta ndërtojë një Akademi me standarde ndërkombëtare.
Edhe ministri i Punëve të Brendshme Bajram Rexhepi tha se Akademia e Kosovës për Siguri Publike, është model për funksionimin  dhe mandatin që ka sa i përket sundimit të rendit dhe ligjit.
Ministri Rexhepi i cili vlerësoj lartë projektin e binjakëzimit tha se Akademia është njëri ndër institucionet më të rëndësishme në vend. Ai më këtë rast ka falënderuar Komisionin Evropian si dhe shtet që kanë fituar këtë projekt Finlandën dhe Estonin për punën dhe përkrahjen e tyre. Ministri Rexhepi tha se Akademia do të jetë shembull i trajnimeve. Ai tha se Akademia do ta ketë përkrahjen e plotë në procesin e akreditimit.
Ndërsa  Drejtori i Përgjithshëm i Akademisë së Kosovës për Siguri Publike, Ismail Smakiqi duke folur rreth projektit të binjakëzimit vlerësoj se ky projekt është një favor i mirë për AKSP-në.
“Akademia e Kosovës për Siguri Publike, vlerësohet lartë nga vendet e regjionit dhe me gjerë për shkak të kompetencave të saj ligjore, trajnimin dhe shkollimin e zbatuesve të ligjit, gjegjësisht Akademia cilësohet si i vetmi institucion kombëtare i aftësimit të zbatuesve të ligjit”, tha Smakiqi. Ai tha se projekti i binjakëzimit është një projekt mjaftë i rëndësishëm, ndërsa Akademia siç tha ai është vend i duhur për ngritjen e cilësisë së arsimit të zbatueseve të ligjit.
Drejtori Smakiqi tha se projekti në fjalë e bënë përmirësimin e trajnimit bazik, krijon programin e ri në fushën e sigurisë publike si dhe zhvillimin e kurrikulës për arsimin e lartë në nivel bachelor në pajtim me procesin e Bolonjes. 

Vushtrri, 15 shtator 2012 – Në Akademinë e Kosovës për Siguri Publike (AKSP), rreth  700 të rinj nga të gjitha komunat e Kosovës janë mbledhur në një kamp të përbashkët për të realizuar idetë e tyre.
Gjatë këtyre dy ditëve të rinjtë e më shumë se njëzetë komunave të Kosovë kanë hartuar strategji të ndryshme për veprimin e të rinjve, kanë organizuar festivale të valleve dhe muzikës, aktivitete të ndryshme sportive, kinema si dhe debate për temat që preokupojnë të rinjtë e vendit tonë.
Qëllimi i këtij kampi ishte që të rinjtë e Kosovës ti paraqesin të gjitha problemet dhe nevojat e tyre për t’u aktivizuar dhe për të kontribuar të gjithë së bashku pa marrë parasysh dallimet etnike, fetare e racore në përmirësimin e ambientit ku ata jetojnë.
Të rinjtë gjatë këtij kampi kanë shfaqur shpresën e tyre se një ditë  institucionet e vendit do të ofrojnë kushte më të mira për jetë.
Ky kamp është organizuar nga organizata qeveritare gjermane GIZ dhe e mbështetur nga Akademia e Kosovës për Siguri Publike. 
 

Vushtrri, 06 shtator 2012- Në Akademinë e Kosovës për Siguri Publike sot u mbajt takimi i radhës i grupit punues për Projektin e Binjakëzimit.
Të pranishëm në takimi ishin Drejtori i Përgjithshëm, Ismail Smakiqi, përfaqësuesit e projektit të binjakëzimit, përfaqësuesit e agjencioneve si dhe menagjemnti i lartë i Akademisë. Në këtë takim u diskutua për analizën e nevojave të kompetencës, krahasimi i nevojave, kriteret e përgjithshme të pranimit për arsimin e lartë dhe strukturën e studimeve në arsimin e lartë.
Ky projekt i cili ka për qëllim përmirësimin e  arsimit në  sektorin e  rendit dhe sigurisë publike u vlerësua lartë nga të pranishmit si dhe vlerësuan si shumë të suksesshme këtë fazë.  Gjithashtu ata shprehën gatishmërinë e tyre që ta përkrahin projektin e binjakëzimit në vazhdimësi më qëllim që Akademia në një të ardhme të afërt të jetë institucion i arsimit të lartë  në fushën e rendit dhe sigurisë publike në vend.



 

Vushtrri 10 shtator 2012 – Në Akademinë e Kosovës për Siguri Publike (AKSP), sot filloi trajnimi dhjetë javor “Shkolla e Stafit Policor dhe Komandës”, ku do të marrin pjesë 42 udhëheqës të lartë të policisë nga të gjitha vendet e rajonit.Në ceremoninë e hapjes së këtij trajnimi morën pjesë, Ministri i Punëve të Brendshme (MPB) Bajram Rexhepi, Drejtori i Përgjithshëm i AKSP-së Ismail Smakiqi, Drejtori i Përgjithshëm i Policisë së Kosovës Shpend Maxhuni, Drejtor i Inspektoratit Policor të Kosovës Fitim Shishani, Menaxheri i Programit për ICITAP në Kosovë Darrel Hart  si dhe përfaqësues të Universitetit “Northwestern”.Këtë trajnim përveç përfaqësuesve të lartë të Policisë së Kosovës, do ta ndjekin edhe përfaqësues të lartë nga policia e Shqipërisë, Bosnja dhe Hercegovina, Kroacia,  Maqedonia dhe Mali i Zi.Ministri i Punëve të Brendshme, Bajram Rexhepi tha se trajnimi i përbashkët i oficerëve policorë nga vendet e rajonit do të mundësojë  thellimin e bashkëpunimit me qëllim të sigurimit të një ambienti të qetë dhe të sigurt. “Ky model i trajnimeve duhet të jetë edhe model i bashkëpunimit mes vendeve të rajonit”, tha Rexhepi.Ministri Rexhepi e falënderoi ICITAP-in dhe qeverinë amerikane për përkrahjen e vazhdueshme që po i bënë Kosovës në gjitha fushat.Organizimin e këtij trajnimi e vlerësoi lartë edhe Drejtori i Përgjithshëm i Policisë së Kosovës, Shpend Maxhuni. Ai tha se ndjekja e këtij kursi, do t’u ndihmojë pjesëtarëve të sigurisë publike që të fitojnë njohuri edhe më shumë në fushën e tyre.
“Ky trajnim u jep mundësi që ta realizoni sa më mirë rolin e udhëheqësit”, tha Maxhuni.
Ndërkaq Drejtori i Përgjithshëm, Ismail Smakiqi, tha se mbajtja për herë të tretë e këtij trajnimi është një privilegj i madh për Akademinë.
“Dimensioni regjional i “Shkollës Ndërkombëtare” e bënë të pakrahasueshëm këtë kurs dhjetë javor, aq më parë kur mbahet nga Universiteti Northwestern, lider i Universiteteve të Sigurisë Publike në botë”, u shpreh Smakiqi.
Smakiqi tha se mbajtja e këtij trajnimi e bënë Akademinë edhe më të besueshme për vendet e regjionit dhe partnerët e saj, “hap perspektiv të partneritetit me të gjitha institucionet akademike të ngjashme në regjion dhe më gjerë”.
Drejtori Smakiqi ka vlerësuar se “Shkolla Ndërkombëtare e Stafit Policor dhe Komandës” është rast unik për oficerët policor të regjionit përmes së cilës ngritin nivelin profesional dhe përfitojnë njohuri të shkëlqyera nga fusha e sigurisë publike.
“Shkëmbimi i përvoja të ndërsjella individuale do të ndikojnë në sigurinë e vendeve të regjionit”, tha Smakiqi.
Ky trajnim është organizuar nga ICITAP-i, ndërsa ligjërues do të jenë nga Universiteti Northwestern
 

Vushtrri, 04 shtator2012- Në Akademinë e Kosovës për Siguri Publike sot u be pranimi i donacionit nga kontingjenti i policisë gjermane,  “Pajisjet për Digjitalizimin e Menaxhimit të Shërbimeve të Kuzhinës dhe Menaxhimin e Qasjen në Poligon”. Ky donacion është vullnet i policëve gjerman të cilët për një muaj kanë qëndruar në AKSP.
 Drejtori i Përgjithshëm i Akademisë Ismail Smakiqi, falënderoi policët gjerman me në krye Kolonelin Otto Rohde, komandant i kontingjentit gjerman të EULEX si dhe  shtetin gjerman për ndihmën e vazhdueshme që kanë dhënë në ngritjen e kapaciteteve të Akademisë  dhe theksoi se ky projekt do të ndihmoj në përmirësimin dhe ngritjen e standardit të menaxhimit të shërbimeve të cilat i ofron Akademia e Kosovës për Siguri Publike për pjesëmarrësit e trajnimeve.
Ndërsa Kolonelin Otto Rohde, komandant i kontingjentit gjerman të EULEX theksoi se ky donacion i paraprinë bashkëpunimit të vazhdueshëm, bashkëpunim ky që trason rrugën për mbështetje të mëtutjeshme për Akademinë edhe në të ardhmen.
 

Vushtrri, 04 shtator2012- Në Akademinë e Kosovës për Siguri Publike sot u be pranimi i donacionit nga kontingjenti i policisë gjermane,  “Pajisjet për Digjitalizimin e Menaxhimit të Shërbimeve të Kuzhinës dhe Menaxhimin e Qasjen në Poligon”. Ky donacion është vullnet i policëve gjerman të cilët për një muaj kanë qëndruar në AKSP.

Drejtori i Përgjithshëm i Akademisë Ismail Smakiqi, falënderoi policët gjerman me në krye Kolonelin Otto Rohde, komandant i kontingjentit gjerman të EULEX si dhe  shtetin gjerman për ndihmën e vazhdueshme që kanë dhënë në ngritjen e kapaciteteve të Akademisë  dhe theksoi se ky projekt do të ndihmoj në përmirësimin dhe ngritjen e standardit të menaxhimit të shërbimeve të cilat i ofron Akademia e Kosovës për Siguri Publike për pjesëmarrësit e trajnimeve.
Ndërsa Kolonelin Otto Rohde, komandant i kontingjentit gjerman të EULEX theksoi se ky donacion i paraprinë bashkëpunimit të vazhdueshëm, bashkëpunim ky që trason rrugën për mbështetje të mëtutjeshme për Akademinë edhe në të ardhmen.
 

Vushtrri, 14 gusht 2012 - Në Akademinë e Kosovës për Siguri Publike (AKSP), filloi trajnimi bazë i gjeneratës së 44-të të Policisë së Kosovës. Kadetët e rinj do të trajnohen sipas planprogrameve të dizajnuara në bazë të standardëve ndërkombëtare për të drejtat e njeriut dhe sundim të ligjit. 
Drejtori i Përgjithshëm i Akademisë, Ismail Smakiqi i përshëndeti dhe ju uroi suksese kadetëve, gjithashtu ai inkurajoi kadetët që të japin maksimumin nga vetja e tyre dhe të gjithë trajnimin bazik ta përfundojnë me sukses. Trajnimi do të zgjasë 22 javë dhe do të marrin pjesë 70 kadet.

Vushtrri, 20 korrik 2012 – Ambasada Amerikane në Kosovë  për pjesëtarët e Policisë së Kosovës (PK) dhe ata të Forcës së Sigurisë në Kosovë (FSK) ka ndarë sot një donacion të pajisjeve kundër armëve të shkatërrimit në masë, donacion ky me vlerë prej 364 mijë dollarë.  Për këtë Ambasada  Amerikane ka organizuar një trajnim dy ditor gjatë të cilit pjesëtarë e sigurisë  janë aftësuar për mirëmbajtjen, riparimin e pajisjeve për detektimin e armëve të shkatërruar në masë.
Në ceremoninë e shpërndarjes së këtij donacioni e cila u mbajt në Akademinë e Kosovës për Siguri Publike (AKSP) morën pjesë zëvendësambasadorja e Amerikës në Kosovë Kelly Degnan,  Drejtori i Përgjithshëm në AKSP, Ismail Smakiqi,  zëvendësdrejtori i përgjithshëm në Policinë e Kosovës Dejan Jankoviq, drejtori i Operatives në ministrinë e Forcës së Sigurisë, Imri Ilazi.
Zëvendësambasadorja amerikane Degnan tha se ky donacion është shumë i rëndësishëm për Kosovën dhe sigurinë e saj.

Më këtë rast përfaqësuesit e PK-së dhe ata të FSK-së vlerësuan lartë dhurimin e këtij donacion si dhe mbajtjen e trajnimit.
 
Ata thanë se për mes këtij trajnimi pjesëtarët e Policisë së Kosovës dhe ata të Forcës së Sigurisë kanë marrë njohuri se si duhet vepruar në rast të ekzistimit të  armëve të shkatërrimit në masë.

Përfaqësuesit e pjesëtarëve të sigurisë publike vlerësuan se përdorimi i pajisjeve si dhe zhvillimi i disa ushtrimeve simulative që janë bërë gjatë trajnimit në AKSP i bënë pjesëtarët që të jenë në nivel të lartë profesional që të përballën me kërcënimin e armëve të shkatërrimit në masë.

Në fund të pranishmit falënderuan Shtetet e Bashkuara të Amerikës për ndihmën që po i bënë Kosovës konkretisht Forcave të Sigurisë në vend.
 

Vushtrri, 17 korrik 2012- Drejtori i Përgjithshëm i Akademisë së Kosovës për Siguri Publike, Ismail Smakiqi priti në takim shefin e kabinetit të drejtorit të Përgjithshëm të Policisë së Republikës së Shqipërisë, Ilo Kleqka. Fillimisht Smakiqi delegacionin e informoi për proceset e rëndësishme të cilat po kalon Akademia, më theks të veçantë foli për projektin e binjakëzimit, projekt i financuar nga Komisioni Evropian, që ka të bë me ngritjen e Akademisë në një institucion të arsimimit të lartë. Smakiqi dhe Kleqka gjatë këtij takimi kanë diskutuar për mundësinë e bashkëpunimit në fushën e trajnimeve për zbatuesit e ligjit. “Akademia ka dhënë një kontribut të rëndësishëm në procesin e bashkëpunimit në fushën e sigurisë jo vetëm me Shqipërinë por edhe me vendet tjera fqinje, përmes ofrimit trajnimeve të përbashkëta”, tha Smakiqi.

Me këtë rast të dyja palët shprehën interesin për zgjerimin e mëtejshëm të bashkëpunimit në fushën e sigurisë si dhe mundësinë për të përfituar nga eksperienca e të dy Akademive.