Lajmet

Vushtrri, 25 korrik 2014 – Konkursi për pranimin e studentëve në vitin e parë të studimeve themelore bachelor në vitin akademikë 2014/2015 i hapur me datën 10 korrik do të vazhdojë deri më datën 31 të këtij muaj në ora 16:00. Ndërsa testi mbahet më datën 05.08.2014 kurse rezultatet publikohen me datën 08.08.2014. Akademia e Kosovës për Siguri Publike pas akreditimit të programit për studime të sigurisë shpallë konkurs 2014/2015.Të drejtë aplikimi kanë vetëm zyrtarët e institucioneve të sigurisë publike si; Policia e Kosovës (PK), Dogana e Kosovës (DK) , Agjencioni i Menaxhimit të Emergjencave (AME), Inspektorati Policor i Kosovës (IPK) si dhe Shërbimi Sprovues i Kosovës (SHSK).

Për më shumë informata klikoni këtu:

http://aksp.rks-gov.net/repository/docs/KONKURSS.pdf

 
Aplikacioni gjeni të bashkangjitur:

http://aksp.rks-gov.net/repository/docs/Aplikacion_shqip-serbisht.pdf


Manuali për provim pranues - Për më shumë informata klikoni këtu: http://aksp.rks-gov.net/repository/docs/Manuali_per_provim_pranues_-_Shqip.pdf

 
Prirucnik za pripremu prijemnog ispita:
http://aksp.rks-gov.net/repository/docs/Manuali_per_provim_pranues_-_Serbisht.pdf

 

Vushtrri, 24 korrik 2014 -   Bazuar në Rregulloren e Arsimit të Lartë neni 12, paragrafi 1 dhe neni 4, paragrafi 1, Rregullores për zgjedhjen, emërimin dhe shkarkimin e dekanit, prodekanit dhe udhëheqësve të njësive të fakultetit në Akademinë e Kosovës për Siguri Publike u zgjedh dekani i Fakultetit të Sigurisë Publike. Pas votimit dhe verifikimit të votave nga Këshilli i Fakultetit, Nazmi Iballi, zgjedhet dekan i Fakultetit të Sigurisë Publike në Akademi. Dekani detyrat dhe përgjegjësitë i ushtron në përputhshmëri me Rregulloren për Arsimin e Lartë në Akademinë e Kosovës për Siguri Publike dhe aktet tjera që rregullojnë fushëveprimtarinë e Fakultetit të Sigurisë Publike. Mandati i dekanit është katër vjet dhe fillon nga data 1 tetor 2014.
 

Vushtrri, 24 korrik 2014 – Drejtori i Akademisë së Kosovës për Siguri Publike (AKSP), Ismail Smakiqi priti sot në takim kadetët e Akademive Ushtarake nga Shtetet e Bashkuara të Amerikës (SHBA), dhe kadetët e Forcës së Sigurisë së Kosovës (FSK). Qëllimi i vizitës ishte që të njihen më për se afërmi me aktivitetet dhe trajnimet që zhvillohen në Akademi.
 Drejtori Smakiqi gjatë takimit i informoi kadetët për historikun e Akademisë. Po ashtu kadetët u njoftuan edhe për proceset e rëndësishme nëpër të cilat po kalon institucioni ynë.
 Smakiqi gjatë këtij takimi falënderoi SHBA-në për ndihmën e vazhdueshme që po i bënë Kosovës dhe vlerësoi lartë kontributin e tyre që kanë dhënë në ndërtimin dhe ngritjen e institucioneve të sigurisë e në veçanti për Akademinë.
 Ai tha se bashkëpunimi dhe ndihma e  SHBA-ve është e nevojshme për vendin tonë, ndërkohë shfaqi shpresën se bashkëpunim me SHBA-të do të vazhdojë edhe me tutje.
Ndërkaq kadetët  ushtarak nga  Shtetet e Bashkuara të Amerikës u interesuan rreth trajnimeve dhe aktiviteteve që zhvillohen në Akademi. Po ashtu ata shfaqen interesimin e tyre edhe rreth bashkëpunimit mes AKSP-së dhe Akademive tjera ushtarake dhe policore.
 

Vushtrri , 10 korrik 2014 - Në bazë të Rregullores (QRK) Nr. 26/2013 për Arsimin e lartë në Akademinë e Kosovës për Siguri Publike është formuar Këshilli i Përkohshëm i Fakultetit të Sigurisë Publike.  Këshilli është organi më i lartë akademik i fakultetit i cili vendos për të gjitha çështjet e rëndësishme në fushën e mësimit, kërkimit dhe hulumtimit shkencor.
 Gjatë mbledhjes konstituive është nxjerr rregullorja e punës së Këshillit të Përkohshëm të Fakultetit të Sigurisë Publike, e cila rregullore përcakton mënyrën e punës, organizimin dhe funksionimin e Këshillit të Përkohshëm të Fakultetit të Sigurisë Publike
Këshillin e kryeson Drejtori i Përgjithshëm i Akademisë.

Vushtrri, 10 korrik 2014 – Akademia e Kosovës për Siguri Publike pas akreditimit të programit për studime të sigurisë shpallë konkurs për pranimin e studentëve në vitin e parë të studimeve themelore bachelor në vitin akademikë 2014/2015.Të drejtë aplikimi kanë vetëm zyrtarët e institucioneve të sigurisë publike si; Policia e Kosovës, Dogana e Kosovës , Agjencioni i Menaxhimit të Emergjencave, Inspektorati Policor si dhe Shërbimi Sprovues.Për më shumë informata klikoni këtu:

http://aksp.rks-gov.net/repository/docs/KONKURS.pdf

Aplikacioni gjeni të bashkangjitur: http://aksp.rks-gov.net/repository/docs/Aplikacion_shqip-serbisht.pdf

Manuali për provim pranues - Për më shumë informata klikoni këtu: http://aksp.rks-gov.net/repository/docs/Manuali_per_provim_pranues_-_Shqip.pdf

Prirucnik za pripremu prijemnog ispita:

http://aksp.rks-gov.net/repository/docs/Manuali_per_provim_pranues_-_Serbisht.pdf

Vushtrri, 24 qershor 2014 – Drejtori i Akademisë së Kosovës për Siguri Publike (AKSP), Ismail Smakiqi, priti sot në takim zëvendësministrin e Punëve të Brendshme nga Afganistani, Ikramuddin Yawar .  Delegacioni i përbërë  prej pesë anëtarëve është interesuar rreth rolit, trajnimeve dhe aktiviteteve që zhvillohen në Akademi.
Më këtë rast  drejtori Smakiqi, e njoftoj delegacionin për trajnimet, aktivitetet  dhe të gjitha zhvillimet  në AKSP. Ai po ashtu e informoi delegacionin për proceset e fundit në Akademi si dhe për progresin e vazhdueshëm që po bën institucioni ynë drejtë realizmit të qëllimeve të saj. Smakiqi foli edhe për qëllimin i cili është që Akademia të marrë karakter regjional në Evropën Juglindore për studime në fushën e sigurisë publike.  Delegacioni u informua edhe për anëtarësimin e Akademisë në disa organizata ndërkombëtare që kanë të bëjnë më fushën e sigurisë publike.
Ndërsa zv/ministri, Ikramuddin Yawar,  duke shprehur falënderimin e tij për pritjen theksoi rëndësinë e bashkëpunimit  mes institucioneve të sigurisë nga Kosova dhe Afganistani.  Të dy palët u dakorduan për avancimin e mëtutjeshëm të marrëdhënieve dhe bashkëpunimit ndërinstitucional. Në fund delegacioni nga Afganistani bënë një vizitë në gjithë objektin e AKSP-së.
 

Vushtrri,  18 qershor 2014 – Bordi i Akademisë së Kosovës për Siguri (AKSP), mbajti sot takimi e shtatë të radhës  në të cilin morën pjesë, Drejtori i Përgjithshëm i Akademisë, Ismail Smakiqi, Drejtori i Përgjithshëm i Policisë së Kosovës, Shpend Maxhuni, i cili njëherit është kryesues i bordit,  përfaqësues të agjencioneve tjera të sigurisë publike si dhe bashkëpunëtor ndërkombëtarë nga OSBE-ja dhe ICITAP-i.
Gjatë këtij takimi u shqyrtuan pikat të cilat ishin në rënd dite si raportimi mbi zhvillimin e procesit të akreditimit të Akademisë; plani për mundësinë e barabartë si dhe përcaktimi rreth mënyrës së kryerjes së studimeve të zyrtarëve të institucioneve për siguri publike.
Në takim drejtori i Akademisë, Ismail Smakiqi ka raportuar për procesin e akreditimit. Duke analizuar kushtet që ka Akademia si dhe ofrimin e trajnimeve që bëhet sipas standardeve evropiane drejtori Smakiqi u shpreh se procesi i akreditimit do të përfundojë më sukses. Smakiqi po ashtu foli edhe për hapat e mëtutjeshëm pas akreditimit.
Ndërsa duke folur rreth planit të mundësive të barabarta drejtori Smakiqi, tha se krijimi i mundësive të barabarta duhet të jetë në të gjitha fushat e jetës
Shoqërore, po ashtu edhe në institucionet e sigurisë publike.
Ndërsa kryesuesi i Bordit të Akademisë, Shpend Maxhuni, përgëzoj stafin për punën e bërë rreth akreditimit.
Sa i përket barazisë Maxhuni tha se të gjitha institucionet kanë arritur që të krijojnë mundësi të barabarta. “Unë propozoj që barazia të shkoj pesëdhjetë me pesëdhjetë, aty ka  mundësi”, tha Mazhuni.
Po ashtu gjatë takimit u vendos për mënyrën e vijimit të pjesës teorike dhe praktike të mësimit për zyrtarët e institucioneve të sigurisë publike të cilët do të vijojnë studimet në programin bachelor në fushën e sigurisë publike në Akademi.

 

Vushtrri, 16 qershor 2014 - Në Akademinë e Kosovës për Siguri Publike (AKSP), për dy ditë radhazi u mbajt mini-olimpiada tradicionale për persona me aftësi të kufizuara “Kosova 2014”, ku morën pjesë më shumë se 400 të rinj. Në hapjen e mini-olimpiadës morën pjesë drejtori për Trajnime dhe Përkrahje Programore, Kastriot Jashari, presidentja e komitetit para olimpik Njomza Emini, nënkolonel Driton Zabërgja, si dhe përfaqësuese nga OSEBE-ja e  KFOR-i
 Drejtori për Trajnime dhe Përkrahje Programore, Kastriot Jashari, vlerësoi se mini-olimpiada është një nga aktivitetet më të rëndësishme që  zhvillohen në Akademi.
Ai tha se Akademia është e gatshme çdo herë të përkrah dhe të ndihmojë çdo qytetarë të Republikës së Kosovës. “Vetë organizimi i mini-olimpiadës tregon rëndësinë e përfshirjes dhe ofrimit të mundësive të barabarta për secilin anëtarë të shoqërisë sonë”, tha Jashari.
Ndërsa presidentja e komitetit paraolimpik Njomza Emini tha se nëpërmjet organizimit të kësaj mini-olimpiade me karakter tradicional dërgojmë mesazhin e qartë institucioneve ndërkombëtare sportive se në Kosovë ka të rinj dhe të reja të komunitetit me nevoja të veçanta, që i përkasin komunitetit sportiv mbarë botërorë, dhe që zyrtarisht duan të bëhen pjesë e të gjithë sportistëve të botës për të kontribuar në ndërtimin e një bote më të mirë të një bote më paqësorë.
“Ndjej peshën, privilegjin dhe përgjegjësin që në një moment si ky të shumëpritur dhe të veçantë për secilin prej nesh, të përjetojmë krenarin, mirësinë dhe ngazëllimin që na e fal organizimi i mini-olimpiadës për fëmijë dhe të rinj me aftësi të kufizuara”, tha Emini.
Në Akademi gjatë dy ditëve radhazi sa edhe ka zgjatur mini-olimpiada, nga personat me aftësi të kufizuara janë zhvilluar aktivitete të ndryshme sportive si vrapim me karrocë, basketboll, hendboll, pikado shenjëtari etj.
Mini-olimpiada “Kosova 2014” është organizuar nga Komiteti Para-Olimpik i Kosovës dhe OPFAKOS “Prindi e Fëmiu”, dhe është përkrahur nga OSBE-ja dhe Akademia.
Ky komitet bashkë me institucione të tjera organizon për të dymbëdhjetën herë me radhë mini-olimpiadën, e cila tashmë është bërë tradicionale dhe mbahet çdo vit.

Vushtrri, 11 qershor 2014 – Në Akademinë  e  Kosovës  për  Siguri  Publike  sot u mbajt takimi përmbyllës i  Projektit  të Binjakëzimit  i  cili  ka  filluar  në mars të vitit  2012 . Qëllimi i tij  ka qenë përmirësimi i arsimit në sektorin e rendit dhe sigurisë publike. Gjatë takimit u vlerësua se projekti po përfundon me sukses  dhe se gjatë realizimit të tij ka pasur shumë të arritura.  Drejtori i Përgjithshëm i Akademisë, Ismail Smakiqi vlerësoj se projekti në fjalë ka ndihmuar në ngritjen e profesionalizmit si dhe ka ndikuar në zhvillimin e kapaciteteve të institucioneve të Sigurisë Publike. “Vlerësoj lartë  kontributin e zyrës së Bashkimit Evropian në Kosovë  e  cila në aspektin financiar  menaxherial dhe në shumë aspekte të tjera bëri të mundur që projekti të realizohet më sukses”, tha Smakiqi.  Drejtori i Akademisë, Ismail Smakiqi, tha se projekti do të ketë rëndësi domethënëse për Akademinë dhe Republikën  e Kosovës.  “Projekti do të përmirësojë kapacitetet e institucioneve të zbatimit të ligjit përmes shërbimeve të trajnimit dhe arsimimit që i plotësojnë standardet evropiane në fushën e rendit dhe sigurisë publike”, u shpreh Smakiqi.
Kurse zëvendësministri i Punëve të Brendshme, Izmi Zeka, tha projekti kishte në fokus profesionalizmin e arsimit të lartë për gjithë pjesëtarët e sigurisë publike në vend. “Krijimi i programeve të studimit  bachelor  i  cili do të bazohet në standardet dhe përvojat më të mira evropiane, natyrisht që do të kontribuojnë në  ngritjen e nivelit të profesionalizmit në të gjitha institucionet e përfshira në sundimin e ligjit”, tha Zeka.
Ndërkaq  zëvendës kryesuesi  i seksionit të  bashkëpunimit nga zyra e Bashkimit Evropian në Kosovë, Melvin Asin, duke e vlerësuar  procesin e përmbylljes se projektit të binjakëzimit si mjaftë të suksesshëm tha se rendi dhe siguria publike duhet të shihet në mënyrë gjithëpërfshirëse. Asin u shpreh se projekti në fjalë është mjaftë special për  Kosovën, konkretisht për Akademinë.  Duke vlerësuar se ky projekt ka arritur qëllimin e tij, Asin vlerësoj se pranimi i stafit akademik  ka krijuar qëndrueshmëri në përmirësimin e arsimit në fushën e sigurisë. 
Kurse, sekretari i Ministrisë së Punëve të Brendshme në Finlandë Andrei Nahkala,  tha se Kosova ka zgjedhur mënyrën evropiane për ta përmirësuar arsimin e lartë në fushën e sigurisë në vend. “Proces i projektit  ka krijuar bazën për arsimin e lartë për rendin dhe sigurinë publike”, tha Nahkla për të shtuar se Akademia tashmë ka krijuar lidhje bashkëpunimi me gjitha vendet evropiane.
Ndërsa udhëheqësi i projektit të binjakëzimit, Anti  Haikio, theksoi se sot është një ditë e veçante për Akademinë sepse pas një pune dy vjeçare  tani është arritur faza finale e implementimit të tij. Ai tha se ky projekt  është  mjaft me rëndësi për të gjitha agjencionet e sigurisë.  “Me hapjen e Fakultetit të Sigurisë përfitues janë të gjithë qytetarët e Republikës së Kosovës”, tha Haikio.
Të pranishëm  në ketë takim ishin edhe përfaqësuesit e  OSBE-së, të EULEX-it, ICITAP, si dhe zyrtarë të kyçur  drejtpërsëdrejti në Projektin Binjakëzimit.
 

Vushtrri, 10 qershor 2014 -Në Akademinë e Kosovës për Siguri Publike (AKSP),  u mbajt takimi  i tetë dhe i fundit i Komitetit Drejtues për Projektin e Binjakëzimit i financuar nga Komisionit Evropian.

Në takim morën pjesë  Drejtori i Përgjithshëm i Akademisë Ismail Smakiqi, përfaqësues të Projektit të Binjakëzimit, përfaqësues të ministrive, përfaqësues të agjencioneve, përfaqësues të zyrës së Bashkimit Evropian në Republikën e  Kosovës, përfaqësues të OSBE-së, të EULEX-it, ICITAP, si dhe zyrtarë të kyçur drejtpërsëdrejti në Projektin Binjakëzimit.

Projekti i cili ka për qëllim përmirësimin e arsimit në sektorin e rendit dhe sigurisë publike, u vlerësua lartë nga ekspertë dhe përfaqësues të institucioneve vendore dhe ndërkombëtare. 
Ata thanë se projekti  është i një rëndësi tëveçantë , dhe vlerësuan se ky projekt ka krijuar njëbazë të forte për hapjen e Fakultetit të Sigurisë.

Drejtori i Përgjithshëm i AKSP-së, Ismail Smakiqi, tha se Akademia ka qenë shumë e përkushtuar në partneritet të plotë me Qeverinë e Kosovës, Komisionin Evropian dhe me përfaqësuesit e projektit, që ky projekt të përfundojë me sukses. Ai vlerësoi se projekti është realizuar në mënyrën më të mirë të mundshme. 

Vushtrri, 27 maj 2014 - Studentët e Fakultetit Juridik në Universitetin “Haxhi Zeka” në Pejë sot vizituan Akademinë e Kosovës për Siguri Publike (AKSP), ku u priten nga Drejtori i Përgjithshëm, Ismail Smakiqi.  Vizita kishte për qëllim njohjen e studentëve me menaxhimin dhe aktivitetet e Akademisë, edukimin e pjesëtarëve të sigurisë publike,  si dhe mënyrën, metodat e mësimit si dhe trajnimit etj.
Dekani i Fakulteti Jurdik “Haxhi Zeka”, Kolë Krasniqi vlerësoi lart pritjen e bërë studentëve nga drejtori Smakiqi dhe menaxhmenti i lartë i AKSP-së.
Gjatë kësaj vizite Krasniqi dhe studentët shpreh interesimin e tyre për të gjitha zhvillimet në Akademi.

Ndërkaq drejtori i AKSP-së, Ismail Smakiq i informoi studentët lidhur me aktivitetet dhe trajnimet që zhvillohen në Akademi. Ai para studentëve foli edhe për prioritet dhe objektivat e Akademisë në të ardhmen. Studentët u ndanë të kënaqur me vizitën si dhe vlerësuan lartë punën të cilën e bënë Akademia në trajnimin e pjesëtarëve të sigurisë publike.

 

Vushtrri, 22 maj 2014 -  Në Akademinë e Kosovës për Siguri Publike (AKSP) sot qëndroi ekipi vlerësues nga Agjencia e Akreditimit të Kosovës vizitë kjo e cila kishte për qëllim mbledhjen e informacioneve në teren për akreditimin e programit akademik në Fakultetin e Sigurisë Publike në AKSP. Ekspertët u takuan me Drejtorin e Përgjithshëm të Akademisë, Ismail Smakiqin si dhe me stafin akademik të Akademisë.

Vizita e faktmbledhëse të ekspertëve ishte e fokusuar në temat që kanë të bëjnë me: misionin, organizimi dhe menaxhmenti, personelin, financa, plani zhvillimor, menaxhimin e cilësisë, ndërkombëtarizimi, ndërsa në takim me personelin akademik ekspertët u fokusuan në temat kurrikulave, mësimdhënia dhe hulumtimi.

Gjatë kësaj vizite faktmbledhëse, ekspertët u njoftuan edhe me objektet përkrahëse të programit studimor duke përfshirë bibliotekën, sallën e mësimit, sallat ku do të zhvillohen studimet zyret e mësimdhënësve si dhe me gjithë infrastrukturën  që posedon Akademia.

Ndryshe Akademia e Kosovës për Siguri Publike (AKSP), me datë 07.12.2012 i është drejtuar Këshillit Shtetëror të Cilësisë (KKC) me kërkesë që Akademia ti nënshtrohet procesit të akreditimit. Me datë 7 dhjetor 2012, KKC në takimin e saj merr vendim dhe i kthen Akademisë përgjigje aprovuese të kërkesës saj për të ju nënshtruar vlerësimit vetëm në nivel të programit të studimit.

Në ekipin faktmbledhës të ekspertëve të akreditimit të pranishëm ishin prof. dr. Reinhard Meyers nga University of Muenster (DE) dhe prof. dr. Thomas Feltes nga Ruhr-University Bochum (DE)

Ekipin e ekspertëve ishte i shoqëruar nga Basria Muja drejtor në Agjencinë e Akreditimit të Kosovës.