Lajmet

Vushtrri, 18 qershor 2018 - Akademinë e Kosovës për Siguri Publike sot e vizitoi një delegacion nga Mbretëria e Norvegjisë me seli qendrore të OSBE-së në Vjenë të Austrisë i udhëhequr nga Shefi i misionit të OSBE-së në Kosovë Jan Braathu, William Ekas Seter Sekretari i parë i delegacionit të Mbretërisë së Norvegjisë, Magnar Aaberg këshilltarë i delegacionit të Mbretërisë së Norvegjisë si dhe Stein - Ivar Lose Eide zëvendës shef i Ambasadës Norvegjeze ne Prishtinë.

Delegacioni u prit nga Drejtori i Përgjithshëm i Akademisë Ismail Smakiqi, u.d Dekani i Fakultetit të Sigurisë Nexhat Jashari, nënkolonel Driton Zabergja si dhe menagjmenti i lartë i Akademisë. Drejtori i Përgjithshëm i Akademisë Ismail Smakiqi duke përshëndetur të pranishmit ai i informoi  me zhvillimet e përgjithshme të  AKSP-së. Smakiqi tha se OSBE-ja në vazhdimësi ka qen partner i pandashëm i Akademisë duke ofruar përkrahje të pa rezervë  në trajnimin e pjesëtarëve të sigurisë publike si dhe përmes donacioneve të shumta të cilat kanë pasuruar Akademinë. 

Gjithashtu Smakiqi tha se Akademia gëzon edhe përkrahje të madhe nga Komisioni Evropian,  ICITAP  si dhe shumë institucione e  organizata tjera të cilat dëshirojnë që Kosovën ta bëjnë pjesë integrale të bashkësisë evropiane, gjegjësisht në rrjedhat bashkëkohore të ofrimit të shërbimeve për zbatues të ligjit.

Smakiqi tha se kjo ndihmë që i është bërë Akademisë dhe vazhdon ti bëhet gjatë këtyre viteve është si rezultat i suksesit të institucioneve të sigurisë të cilat gëzojnë një respekt, një besueshmëri në ofrimin e shërbimeve për një ambient të sigurt.

Gjatë këtij takimi Smakiqi delegacionin i informoi edhe përrrjedhën e Fakultetit të Sigurisë si dhe hapat e ardhshëm drejt hapjes sëstudimeve postdiplomike atë master, anëtarësimin e Akademisë në organizatatndërkombëtare CEPOL e AEPC,  Akreditimin  Ndërkombëtar  tëAkademisë nga Asociacioni Ndërkombëtar i Drejtorëve të Standardeve dheTrajnimit të Zbatimit të Ligjit të Shteteve të Bashkuara të Amerikës(International Association of Directors of Law Enforcement StandardsandTraining - IADLEST), si dhe bashkëpunimin me akademitë  tjera si  mevendet e Ballkanit dhe me gjerë.

Ndërsa Dekani i Fakultetit të Sigurisë  pranë Akademisë Nexhat Jashari foli për pjesëmarrjen e të gjitha komuniteteve në Fakultetin e Sigurisë  si dhe respektimin e të drejtave gjuhësore duke mundësuar  barazi dhe arsimim të lartë të gjithë pjesëmarrësve. Në fund ai falënderoi misionin e OSBE-së për kontributin e vazhdueshëm që po japin për Akademinë.

Nënkolonel Driton Zabergja gjatë këtij takimi foli për përgatitjet  për fillimin e gjeneratës së re të Policisë së Kosovës.

 Ndërsa delegacioni gjatë këtij takimi ishin të interesuar, për  zhvillimin e trajnimeve, motivimin e të rinjeve për tu bërë pjesë e institucioneve të sigurisë- bashkëpunimin me komunitete si dhe  hapjen e programeve  master në Akademi.

Gjatë këtij takimi delegacioni vizitoi edhe njërën nga klasat ku po zhvillohej trajnimi, menagjimi për kapiten  i pjesëtarëve të Policisë së Kosovës, si dhe objektet përcjellëse të Akademisë ku nga instruktorët u informuan më gjerësisht  për pjesën  praktike të trajnimeve.

Vushtrri, 07 qershor 2018 – Në Akademinë e Kosovës për Siguri Publike (AKSP) u mbajt ceremonia e përurimit të pllakës së akreditimit ndërkombëtar  të Akademisë së Kosovës për Siguri Publike nga Asociacioni Ndërkombëtar i Drejtorëve të Standardeve dhe Trajnimit të Zbatimit të Ligjit (IADLEST) të Shteteve të Bashkuara të Amerikës.

Në ceremoni morën pjesë Ministri i Punëve të Brendshme  Bejtush Gashi, Ambasadori i Shteteve të Bashkuara të Amerikës në Republikën e Kosovës Shkëlqesia e tij Greg Delawie, Drejtori i Përgjithshëm i Akademisë së Kosovës për Siguri Publike Ismail Smakiqi, Drejtori i Përgjithshëm i Shërbimit Sprovues të Kosovës dhe Kryesues i Bordit të AKSP Bajram Bujupi, Kimberley Riffe  Udhëheqëse e Programit të ICITAP-it për Kosovën, Drita Perezic Këshilltare e Lartë e ICITAP, Programi Ekzekutiv i Menaxhmentit të MPB-së, Shpresa Muharremi këshilltare Kombëtare Misioni i OSBE-së në Kosovë,. Ritva Vähäkoski Këshilltare Rezidente e Projektit të Binjakëzimit, Kolonele Taibe Canolli-Brajshori Drejtoreshë e Departamentit të Burimeve Njerëzore, personeli udhëheqës i Akademisë, oficer të lartë të Policisë së Kosovës dhe mysafir tjerë.

Në fjalën e hapjes të ceremonisë, Drejtori i Përgjithshëm i Akademisë së Kosovës për Siguri Publike Ismail Smakiqi, u shprehur i lumtur që Akademia sot po bënë përurimin e pllakatës të akreditimit ndërkombëtar nga IADLEST të Shteteve të Bashkuara të Amerikës.
Drejtori Smakiqi tha se ky akreditim na vij pas akreditimit të Programeve Profesionale dhe akreditimit institucional të Akademisë nga Autoriteti Kombëtar i Kualifikimeve dhe ky akreditim ndërkombëtar vërteton punën e gjatë të Akademisë, Agjencive të Sigurisë Publike dhe partnerëve ndërkombëtar në fushën e trajnimeve të gjithë zbatueseve të ligjit në Kosovë.

“Ky është akreditimi i parë i një Akademie të Sigurisë jashtë Shteteve të Bashkuara të Amerikës i asociacionit IADLEST, i cili bënë akreditimi e gjitha akademive policore të SHBA-ve dhe ne ndihemi  të privilegjuar dhe krenar që jemi akredituar të parë në botë jashtë SHBA-ve. Akademia po ashtu është e para në regjion që ka një akreditim ndërkombëtarë dhe epitetin e një Qendre Ekselencë për trajnimin e zbatueseve të ligjit” ,  u shpreh Smakiqi duke falënderuar të gjithë ata që kontribuuan në këtë proces.

Drejtori Smakiqi falënderoi  Shtetet e Bashkuara të Amerikës, Ambasadën Amerikane në Kosovë, ICITAP-in  për ndihmën e pakursyer që po japin Akademisë deri në arritjen e praktikave më të mira dhe futjen e Akademisë në “grupi elitar të përkushtuar për shkëlqesi në dhënien e trajnimit në drejtësinë penale gjithandej botës” ashtu siç thuhet në njoftimin e IADLEST, për akreditim ndërkombëtar të Akademisë.

Ministri i Punëve të Brendshme Bejtush Gashi duke vlerësuar  lartë akreditimin e Akademisë nga IADLEST tha se ky akreditimi është shumë i rëndësishëm për vendin.
Ministri Gashi tha se  ndihma që po japin Shtete e Bashkuara të Amerikës në shtet ndërtimin e Kosovës është shumë e madhe dhe shumë e çmueshme.

“Unë si ministër dhe si ish Dekan i Fakultetit të  Sigurisë Publike, ndjej kënaqësi për këtë sukses të madh. Falënderoi partnerët ndërkombëtarë; Shtetet e Bashkuara të Amerikës, Bashkimin Evropian, OSBE-në,  ICITAP për mbështetjen e tyre të vazhdueshme në procesin e  shtet ndërtimit, zhvillimit dhe ngritjes së kapaciteteve të Akademisë së Kosovës për Siguri Publike”, u shpreh ministri Gashi.

Më këtë rast  ministri Gashi përgëzoi të gjitha ata që kontribuuan në këtë proces të akreditimit.

Ministri Gashi vlerësoi se marrja e certifikatës së akreditimit nga IADLEST në Boston të Shteteve të Amerikës në maj të këtij viti nga drejtori Smakiqi,  do të shërbej jo vetëm si rast për të festuar, por edhe për shumëfishin e ambicieve dhe përpjekjeve të përbashkëta për të ecur më tej në rrugën e aftësimit të institucioneve të sigurisë publike.

Ndërsa, Ambasadori i Shteteve të Bashkuara të Amerikës në Kosovë Greg Delawie, përgëzoj Akademinë për këto të arritura.

Ambasadori i SHBA-ve në Kosovë Greg Delawie vlerësoj se mbajtja e shumë trajnimeve, shumë aktiviteteve e së fundmi edhe akreditimi nga IADLEST ndriçon edhe më shumë reputacionin e Akademisë.

Më këtë rast ambasadori Delawie, përgëzoi Akademinë si dhe stafin e ICITAP-it Programimi për Kosovë për këtë arritje të shënuar për tu bërë Akademia e para që akreditohet nga IADLEST.

“Ky përkushtim i Qeverisë së Kosovës është thelbësore për ta mirëmbajtur besimin e qytetarëve të Kosovës ndaj të gjitha institucioneve të sigurisë, prandaj keni kryer një punë shumë të mirë, Ministria e Punës së Brendshme, bordi, agjencitë e tjera që trajnohen këtu, do të duhej që të sigurohen që trajnimin që e marrin në akademi të jenë në përputhje me standardet dhe kjo nënkupton që gjatë gjithë kohës ta rishikojmë, verifikojmë dhe korrigjojnë ato standarde për t’i përmbushur të gjitha nevojat e zyrtarëve të zbatimit të ligjit që trajnohen dhe komuniteteve që do t’i shërbejnë“, tha ambasadori Delawie.

Në fund janë shpërndarë mirënjohje për gjitha ata që kontribuuan në këtë proces si dhe u bë përurimi i pllakës së Akreditimit ndërkombëtar  të AKSP-së e cila u akreditua nga Asociacioni Ndërkombëtar i Drejtorëve të Standardeve dhe Trajnimit të Zbatimit të Ligjit (IADLEST).

 

Boston, 24 maj 2018 - Në qytetin Boston, Massachusetts të Shteteve të Bashkuara të Amerikës, nga 19 deri 24 maj 2018 po mbahet Konferenca Vjetore e Asociacionit Ndërkombëtar të Drejtorëve të Standardeve dhe Trajnimit të Zbatimit të Ligjit (International Association of Directors of Law Enforcement Standardsand Training - IADLEST). Në këtë Konferencë po marrin pjesë udhëheqësit e lartë nga Akademia e Kosovës për Siguri Publike, Drejtori i Përgjithshëm Ismail Smakiqi; nga Policia e Kosovës, Drejtoresha e Departamentit të Burimeve Njerëzore Kolonele Taibe Canolli - Brajshori dhe Drejtori i Divizionit të Trajnimeve Kolonel Milorad Corac; si dhe ICITAP-i Programi për Kosovë, Këshilltarja e Lartë e ICITAP-it në Ministrinë e Punëve të Brendshme - Programi i Menaxhimit të Lartë dhe Menaxhimit Ekzekutiv Drita Perezic dhe Zyrtarja e ICITAP-it në Kosovë Remzije Ibrahimi.

IADLEST u ofron anëtarëve të saj mundësinë për t'u takuar me menaxherët tjerë të trajnimit dhe standardeve për të shkëmbyer ide, për të kërkuar këshilla dhe për të krahasuar progresin. Anëtarët marrin produktet e projekteve IADLEST, kontributin e politikës kombëtare dhe inovacionet në standardet e drejtësisë penale dhe trajnim. Të gjithë pjesëmarrësit në konferencën vjetore janë anëtarë të IADLEST.

Në konferencën vjetore në Boston po marrin pjesë drejtorët e standardeve të akademive policore nga 40 shtete të Shteteve të Bashkuara të Amerikës si dhe drejtorët e akademive policore dhe sigurisë publike nga 18 vende të botës, në mesin e të cilëve drejtorët e akademive policore dhe të sigurisë publike nga Kosova, Shqipëria, Mali i Zi, Bosna dhe Hercegovina, Maqedonia e të tjera.

Siç është njoftuar opinioni, nga muaji korrik të vitit 2017, Akademia e Kosovës për Siguri Publike ka filluar procesin e akreditimin nga IADLEST dhe përfundimisht më 15 maj 2018, Akademia ka pranuar njoftimin nga IADLEST për akreditimin ndërkombëtar të Akademisë së Kosovës për Siguri Publike për një periudhe trevjeçare, deri më 14 maj 2021 (kliko: http://www.aksp-ks.net/?page=2,4,598; http://aksp-ks.net/?page=1,4,603;)

Gjatë mbajtjes të konferencës vjetore në Boston, në takimin e Bordit Ekzekutiv të IADLEST dhe në takimin e Akademive Ndërkombëtare pjesëmarrëse në konferencën e IADLEST, Presidenti i IADLEST, Dan Zivkovich, i dorëzoi Drejtorit të Përgjithshëm të Akademisë së Kosovës për Siguri Publike Ismail Smakiqi certifikatën e akreditimit, pllakatin e akreditimit si dhe shkresën zyrtare origjinale të njoftimit për akreditim nga IADLEST.

Në këto dy seanca plenare, në pjesën ceremoniale të konferencës, Presidenti Zivkovich njoftoi të pranishmit me procesin e akreditimit ndërkombëtar të Akademisë së Kosovës për Siguri Publike dhe që është akreditimi i parë i një Akademie ndërkombëtare anëtare të IADLEST-it. Zotëri Zivkovich me rastin e dorëzimit të certifikatës së akreditimit, pllakatit të akreditimit dhe shkresës zyrtare të njoftimit për akreditim nga IADLEST, lexoi tekstet e këtyre dokumenteve në të cilat thuhet:

Pllakati i Akreditimit: 

Me këtë njihet se Akademia e Kosovës për Siguri Publike ka demonstruar standardin më të lartë të profesionalizmit dhe prandaj është i njohur si Akademi e Akredituar e Zbatimit të Ligjit nga IADLEST

15 maj 2018

Certifikata e Akreditimit:

Akademi e Akredituar e Zbatimit të Ligjit

Kjo është për të pranuar se Akademia e Kosovës për Siguri Publike është një Akademi e Akredituar e Zbatimit të Ligjit dhe ka përfunduar me sukses të gjitha kërkesat dhe për këtë certifikim përmes Asociacionit Ndërkombëtar të Drejtorëve të Standardeve dhe Trajnimit të Zbatimit të Ligjit (IADLEST), asociacion ndërkombëtar i standardeve dhe trajnimit të zyrtarëve të paqes dhe drejtorëve të akademive të trajnimit në zbatimin e ligjit. 

E vlefshme deri më 14 maj 2021

Michael N. Becar, Drejtor Ekzekutiv i IADLEST                                Daniel R. Zivkovich, President i IADLEST

Në fjalën e rastit drejtori Smakiqi falënderoi Asociacionin Ndërkombëtar të Drejtorëve të Standardeve dhe Trajnimit të Zbatimit të Ligjit - IADLEST për akreditimin ndërkombëtar të Akademisë dhe shprehu kënaqësinë që pikërisht Akademia e Kosovës për Siguri Publike është Akademia e parë që fiton akreditim ndërkombëtar nga IADLEST.

Gjatë fjalës së tij, Drejtori Smakiqi tha se është kënaqësi dhe krenari për Akademinë e Kosovës për Siguri Publike, për Policinë e Kosovës dhe agjencitë tjera të sigurisë publike si dhe për vetë shtetin e ri të Kosovës të dëgjojë nga Ju se: “Akademia e Kosovës për Siguri Publike ka plotësuar me sukses kërkesat për t’iu dhënë nderi i të qenit akademi e akredituar e zbatimit të ligjit nga Asociacioni Ndërkombëtar i Drejtorëve të Standardeve dhe Trajnimit të Zbatimit të Ligjit (IADLEST). 

Në veçanti jemi të gëzuar dhe krenarë që “Akademia juaj po i bashkohet një grupi elitar të përkushtuar për shkëlqesi në dhënien e trajnimit në drejtësinë penale gjithandej botës. Politikat, procedurat, proceset, hapësirat dhe personeli i Akademisë tuaj japin shembullin më të mirë në profesionin tonë. Ky akreditim u jep të drejtë juve që të shpalosni logon e akademisë së akredituar nga IADLEST dhe deklaratën në materialet tuaja dhe në hapësirat tuaja”.

Më tutje Drejtori Smakiqi foli për vështirësitë dhe sfidat nëpër të cilat ka kaluar Akademia dhe Policia e Kosovës deri në fazën e sotme të njohjes së meritave të Akademisë dhe Policisë së Kosovës, e cila njihet si institucioni më i besueshëm jo vetëm në vend, por edhe në regjion. Duke lavdëruar punën e Policisë së Kosovës, Drejtori Smakiqi shprehu kënaqësinë për njoftimit të cilin e ka pranuar gjatë punimeve të Konferencës në IADLEST Kolonelja Taibe Canolli Brajshori, e cila ka pranuar Çmimin e parë nga Asociacioni i Grave Police të Botës.

Drejtori Smakiqi për sukseset e Akademisë falënderoi Programi n e ICITAP për Kosovën, i cili në të gjitha fazat e zhvillimit të Akademisë ishte partneri kryesor dhe jo vetëm, ishte përkrahësi, donatori dhe këshilluesi kryesor i Akademisë.

Është një numër shumë i madh i emrave amerikanë nga ICITAP të cilët kanë lënë gjurmë të pashlyeshme në Akademi dhe sot dëshiroj të falënderoj veçanërisht Zonjën Drita Perezic nga ICITAP, për kontributin tepër të çmueshëm për Akademinë si dhe iniciativën në Konferencën e shkuar në Nashville, Tennessee dhe të Zëvendësdrejtorit të IADLEST David Harvey për mundësinë e akreditimit ndërkombëtar të Akademisë i cili sot, pas një viti pune dhe përkushtimi të palodhshëm të personelit të Akademisë dhe ICITAP-it, u bë realitet.

Në takimin e Akademive Ndërkombëtare pjesëmarrëse në Konferencën e IADLEST, drejtuesit e Akademive u interesuan për procesin e akreditimit të AKSP-së, me ç rast drejtori Smakiqi dhe Zonja Perezic iu përgjigjën interesimeve të shumta.

Në një seancë të veçantë të lidershipit të grave police në Konferencën IADLEST, në cilësinë e laureates të çmimit të parë nga Asociacioni Ndërkombëtar i Grave Police u ftua për fjalë rasti Kolonelja Taibe Canolli Brajshori, e cila falënderoi të pranishmit për përgëzimet për çmimin e fituar dhe foli për sfidat nëpër të cilat ka kaluar Policia e Kosovës, e sidomos gratë police.

Edhe Ambasada e Shteteve të Bashkuara të Amerikës në Prishtinë ka përgëzuar Akademinë e Kosovës për Siguri Publike për këtë akreditim kaq të rëndësishëm. 

Sot konferenca vazhdon punimet në ditën e tretë të saj.

Vushtrri, 16 maj 2018 -  Akademia e Kosovës për Siguri Publike  (AKSP) ka fituar Akreditim  Ndërkombëtar nga Asociacioni Ndërkombëtar i Drejtorëve të Standardeve dhe Trajnimit të Zbatimit të Ligjit të Shteteve të Bashkuara të Amerikës (International Association of Directors of Law Enforcement Standardsand Training - IADLEST).

Pas një pune më shumë se dy vjeçar, të grupeve punuese nga Akademia e Kosovës për Siguri Publike, Agjencitë e Sigurisë Publike dhe ekspertët e Projektit të Binjakëzimit, nga Finlanda dhe Estonia, Autoriteti Kombëtar i Kualifikimeve, më datën 26 prill 2018 ka akredituar Akademinë e Kosovës për Siguri Publike dhe ka validuar Programet Profesionale: Polic i Ri, Inspektor i IPK, Zyrtar Doganor, Zyrtar Korrektues dhe Zyrtar Sporovues. Kualifikimin Zjarrfikës vendimi do të merret në muajin gusht 2018.

Kurse gjatë ditëve 30 prill; 1, 2 dhe 3 maj 2018, në Akademinë e Kosovës për Siguri Publike ka qëndruar Ekipi i Ekspertëve Vlerësues nga Asociacioni i lart shënuar (IADLEST), në procesin vlerësimit dhe me qëllim të akreditimit ndërkombëtar të Akademisë.

Akademia më datën 03 maj 2018, gjerësisht ka njoftuar opinionin në Webfaqen e saj për vizitën e Ekipi i Ekspertëve Vlerësues nga Asociacionit Ndërkombëtar i Drejtorëve të Standardeve dhe Trajnimit të Zbatimit të Ligjit të Shteteve të Bashkuara të Amerikës, (International Association of Directors of Law Enforcement Standardsand Training - IADLEST) në vizitë fakt mbledhës, në procesin e akreditimit ndërkombëtar të Akademisë. http://www.aksp-ks.net/ 

Akreditimi Ndërkombëtar i Akademisë nga IADLEST, është financuar dhe përkrahur nga International Criminal Investigative Training Assistance Program ICITAP (Programi Ndërkombëtar i Ndihmës së Trajnimit të Hetimit Penal) të Departamentit të Drejtësisë të Shteteve të Bashkuara të Amerikës - Programi për Kosovën.

Dje më datë 14 maj 2018, Akademia ka pranuar shkresën nga z. Michael N. Becar, Drejtor Ekzekutiv i IADLEST, me të cilën njofton për Akreditim të Akademisë nga IADLEST.

Më poshtë do të gjeni shkresën e z.Michael N. Becar, Drejtor Ekzekutiv i IADLEST

“Kjo më jep kënaqësi të madhe t'ju informoj se Akademia e Kosovës për Siguri Publike ka përmbushur me sukses kërkesat që do të jep miratimin e të qenit një Akademi për Zbatimin e Ligjit e akredituar nga Asociacioni Ndërkombëtare e Drejtorëve të Standardeve te  Zbatimit të Ligjit dhe Trajnimit (IADLEST)” .

“Akademia juaj iu është bashkuar një grupi elitar të dedikuar për përsosmëri në ofrimin e trajnimeve të drejtësisë penale në mbarë botën. Politikat, procedurat, proceset, objektet dhe personeli i akademisë suaj përfaqësojnë shembull shumë të mirë në profesionin tonë. Ky akreditim ju jep të drejtën për të shfaqur logon dhe deklaratën e Akademisë së Akredituar IADLEST në literaturën  dhe në objektet tuaja”.

Ky akreditim është i vlefshëm deri më 14 maj 2021.

Kliko këtu: Versioni English

Vushtrri, 14 maj 2018 -  Drejtori i Përgjithshëm i Akademisë së Kosovës për Siguri Publike (AKSP) Ismail Smakiqi, priti sot në takim zëvendës ambasadorin e misionit të Organizatës për Siguri dhe Bashkëpunim në Evropë (OSBE) në Republikën e Kosovës  Kilian Wahl.

Në takim të pranishëm ishin edhe  Shpresa Muharremi  këshilltare  Kombëtare e OSBE-së për AKSP-në, Nënkolonel Driton Zabërgja  njëherit Drejtor i Drejtorisë për Trajnime Mandatore në Policinë e Kosovës,   Ritva Vahakoski  këshilltare Rezidente e Binjakëzimit  si dhe bashkëpunëtorët e Drejtorit të Përgjithshëm.


Drejtori i Përgjithshëm i Akademisë  Ismail Smakiqi gjatë takimit prezantoi disa nga objektivat dhe prioritete të cilat ka për qëllim ti realizoj gjatë këtij viti. Duke prezantuar të arriturat e Akademisë drejtori Smakiqi e informoi zv/ambasadorin Wahl për trajnimet, aktivitetet dhe punën e bërë  në Akademi.

Drejtori Smakiqi falënderoi misionin e OSBE-së në Kosovë për ndihmën dhe përkrahjen e vazhdueshme dhe shumë të çmueshme për Akademinë në të gjitha fushat e zhvillimit të përgjithshëm të saj. Zëvendës ambasadori po ashtu u njoftua edhe për projektet e shumta të përkrahura nga  OSBE-ja në Kosovë, projekte këto të përkrahura në forma të ndryshme  siç janë donacionet e shumta, organizimi i trajnimeve për pjesëtarët e sigurisë publike apo zbatuesve të ligjit në Kosovë, ngjarjeve të ndryshme në të mirë të komuniteteve në Kosovë, përkrahja e pa rezervë në zhvillimin e gjithmbarshëm të Akademisë, etj.

Në këtë rast drejtori Smakiqi potencoi nevojën aktuale të Akademisë për projektin e radhës bazuar në  nevojat e paraqitura të institucioneve të sigurisë publike në Kosovë, e që është zhvillimi i programit studimor master (MA) në fushën e sigurisë Publike në AKSP. 

Për këtë çështje, drejtori Smakiqi shtoi se nga përkrahja financiare e Ambasadës Gjermane në Kosovë, nga përkrahja e OSBE-së me ekspertin gjerman z. Klaus Welter (PhD) nga Universiteti i Policisë Gjermane nga Munster, është bërë një studim fizibiliteti me të gjitha palët e interesit vendor dhe ndërkombëtarë për programin studimor master në fushën e sigurisë publike në AKSP dhe përgjigja ka qenë “Po”. Zëvendës ambasadori Wahl u njoftua po ashtu se kjo është nevojë akute e Akademisë për të cilën presim përkrahjen e misionit të OSBE-së në Kosovë

Ndërsa zëvendës ambasadori i misionit të OSBE-së në Kosovë Kilian Wahl, duke shprehur gatishmërinë e tij për përkrahjen të vazhdueshme tha se Akademia  është një institucion mjaftë i rëndësishme në Kosovë.

Zëvendës ambasadori  Wahl duke shprehur kënaqësinë për vizitën e tij në Akademi, gjatë takimit falënderoi drejtorin Smakiqi për punën që e bënë në Akademi dhe sukseset e mëdha të arritura në rrafshin kombëtarë dhe ndërkombëtarë. Ndër të tjerash zëvendës ambasadori Wahl shtoi se “Jam i fascinuar me arritjet e bëra në AKSP. Në kuadër të takimeve tona në misionin e OSBE-së në Kosovë, informohemi dhe kemi diskutuar për çështjet dhe nevojat e Akademisë. Shprehi kënaqësinë të ju informoj se do të jemi përkrahë ngritjes së kapaciteteve profesionale të zbatimit të ligjit në Kosovë, do të jemi përkrah Akademisë”

Më pastaj u zhvilluan prezantimet e ndryshme për  AKSP-në në përgjithësi, për projektin aktual të binjakëzimit, për rolin dhe kontributin e Policisë së Kosovës në kuadër të trajnimeve dhe arsimimit në AKSP-së si dhe prezantimi mbi Fakultetin e Sigurisë Publike në AKSP. 

Në fund të vizitës, u zhvillua një vizitë e shkurtër e kampusit të Akademisë.

Vushtrri 11 maj 2018 - Një delegacion nga qyteti i Norwalkut të Iowa-së  nga Shtetet e Bashkuara të Amerikës (SHBA), i kryesuar nga kryetari i kësaj komune Tom Phillips vizitoi sot Akademinë e Kosovës për Siguri Publike (AKSP),  ku u priten nga Drejtori i Përgjithshëm Ismail Smakiqi. Po ashtu delegacioni ishte i shoqëruar edhe nga kryetari i Komunës së Vushtrrisë Xhafer Tahiri. Vizita kishte për qëllim njoftimi më për se afërmi më Akademinë, misionin dhe vizionin e saj.

Drejtori Smakiqi duke i falënderuar delegacionin për vizitën i njoftoi për të gjitha aktivitetet që zhvillohen  në Akademi, si dhe për procesin nëpër të cilin po kalon institucioni ynë.

 Smakiqi gjatë këtij takimi falënderoi SHBA-në për ndihmën e vazhdueshme që po i bënë Kosovës dhe vlerësoi lartë kontributin e tyre që kanë dhënë në ndërtimin dhe ngritjen e institucioneve të sigurisë.

 Duke folur për bashkëpunimin që Akademia ka me Ambasadën amerikane në Kosovë, konkretisht për ICITAP-in,  drejtori Smakiqi tha se ndihma e  SHBA-ve është e nevojshme për vendin tonë, ndërkohë shfaqi shpresën se bashkëpunim me SHBA-të do të vazhdojë edhe me tutje.

Drejtori Smakiqi  e njoftoi delegacionin edhe për projektet e financuara nga ambasada e Shteteve të Bashkuara të Amerikës në Kosovë siç janë donacionet e shumta, organizimi i trajnimeve për pjesëtarët e sigurisë publike etj.
 
“Falënderoi Shtete e Bashkuara të Amerikës për kontributin e dhënën në  Akademi.  Akademia është në funksion të trajnimit dhe arsimimit të lartë për të gjithë zbatuesit e ligjit në institucionet e sigurisë”, u shpreh Smakiqi.
Ndërkaq, kryetari i Komunës së Vushtrrisë Xhafer Tahiri gjatë takimit falënderoi drejtorin Smakiqi për punën që e bënë në Akademi. Ai tha se Akademia e Kosovës për Siguri Publike  është një imazh i mirë për Komunën e Vushtrrisë.
“Faleminderit për punën që e bëni, për angazhimin për profesionalizimin për faktin se na bëni ballë hapur para të gjithë atyre që vizitojnë vendin tonë”, u shpreh Tahiri.

Ndërsa kryetari i qytetit Norwalkut të shtetit Iowa  nga Shtetet e Bashkuara të Amerikës Tom Phillips  duke falënderuar drejtorin për pritje tha se ndihet i lumtur që sot gjendët në Akademi një institucion i sigurisë  siç është Akademia.


Gjatë këtij takimi delegacioni në fjalë u interesua rreth trajnimeve që zhvillohen në Akademi për zyrtarët e sigurisë publike,  atyre të emergjencave  rreth reagimeve në raste emergjente etj.
Në fund të vizitës delegacioni i  Norwalkut të shtetit Iowa  nga SHBA vizitoi kampusin e Akademisë


 

Vushtrri 11 maj 2018 - Një delegacion nga qyteti i Norwalkut të Iowa-së  nga Shtetet e Bashkuara të Amerikës (SHBA), i kryesuar nga kryetari i kësaj komune Tom Phillips vizitoi sot Akademinë e Kosovës për Siguri Publike (AKSP),  ku u priten nga Drejtori i Përgjithshëm Ismail Smakiqi. Po ashtu delegacioni ishte i shoqëruar edhe nga kryetari i Komunës së Vushtrrisë Xhafer Tahiri. Vizita kishte për qëllim njoftimin më për se afërmi më Akademinë, më misionin dhe vizionin e saj.

Drejtori Smakiqi duke i falënderuar delegacionin për vizitën, e njoftoi për të gjitha aktivitetet që zhvillohen  në Akademi, si dhe për procesin nëpër të cilin po kalon institucioni ynë.

 Smakiqi gjatë këtij takimi falënderoi SHBA-në për ndihmën e vazhdueshme që po i bënë Kosovës dhe vlerësoi lartë kontributin e tyre që kanë dhënë në ndërtimin dhe ngritjen e institucioneve të sigurisë.

 Duke folur për bashkëpunimin që Akademia ka me Ambasadën amerikane në Kosovë, konkretisht për ICITAP-in,  drejtori Smakiqi tha se ndihma e  SHBA-ve është e nevojshme për vendin tonë, ndërkohë shfaqi shpresën se bashkëpunim me SHBA-të do të vazhdojë edhe me tutje.

Drejtori Smakiqi  e njoftoi delegacionin edhe për projektet e financuara nga ambasada e Shteteve të Bashkuara të Amerikës në Kosovë siç janë donacionet e shumta, organizimi i trajnimeve për pjesëtarët e sigurisë publike etj.
 
“Falënderoi Shtetet e Bashkuara të Amerikës për kontributin e dhënën në  Akademi.  Akademia është në funksion të trajnimit dhe arsimimit të lartë për të gjithë zbatuesit e ligjit në institucionet e sigurisë”, u shpreh Smakiqi.

Ndërkaq, kryetari i Komunës së Vushtrrisë Xhafer Tahiri gjatë takimit falënderoi drejtorin Smakiqi për punën që e bënë në Akademi. Ai tha se Akademia e Kosovës për Siguri Publike  është një imazh i mirë për Komunën e Vushtrrisë.

“Faleminderit për punën që e bëni, për angazhimin për profesionalizimin për faktin se na bëni ballë hapur para të gjithë atyre që vizitojnë vendin tonë”, u shpreh Tahiri.

Ndërsa kryetari i qytetit Norwalkut të shtetit Iowa  nga Shtetet e Bashkuara të Amerikës Tom Phillips  duke falënderuar drejtorin për pritje tha se ndihet i lumtur që sot gjendët në Akademi një institucion i sigurisë  siç është Akademia.


Gjatë këtij takimi delegacioni në fjalë u interesua rreth trajnimeve që zhvillohen në Akademi për zyrtarët e sigurisë publike,  atyre të emergjencave  rreth reagimeve në raste emergjente etj.
Në fund të vizitës delegacioni i  Norwalkut të shtetit Iowa  nga SHBA vizitoi kampusin e Akademisë.


 

Vushtrri, 3 maj 2018 - Gjatë kësaj javës, gjatë ditëve 30 prill; 1, 2 dhe 3 maj 2017, në Akademinë e Kosovës për Siguri Publike po qëndrojnë Ekipi i Ekspertëve Vlerësues nga Asociacionit Ndërkombëtar i Drejtorëve të Standardeve dhe Trajnimit të Zbatimit të Ligjit të Shteteve të Bashkuara të Amerikës, (International Association of Directors of Law Enforcement Standardsand Training - IADLEST) në vizitë fakt mbledhës, në procesin e akreditimit ndërkombëtar të Akademisë.
Ekipi i Ekspertëve udhëhiqet nga Zëvendës Drejtori i Asociacionit Ndërkombëtar të Drejtorëve të Standardeve dhe Trajnimit të Zbatimit të Ligjit (IADLEST) z.David L Harvey si dhe znj. Drita Perezic  Këshilltare e Lartë në ICITAP  në Ministrinë e Punëve të Brendshme, Programi i Menaxhimit të Lartë dhe Menaxhimit Ekzekutiv  dhe znj. Remzije Ibrahimi  zyrtare e Programit të ICITAP-it në Kosovë. Këshilltarja   znj.Perezic dhe  znj.Ibrahimi janë certifikuar nga IADLEST për vlerësuese në procese të akreditimit.

Kjo është hera e parë që ky asociacion bënë një vlerësim dhe akreditim ndërkombëtar jashtë SHBA-ve. Akademia e Kosovës për Siguri Publike e ka rastin të jetë institucioni i parë në regjion dhe më gjerë me status të Institucionit me Akreditim Ndërkombëtarë.

Iniciativa për akreditim ndërkombëtar nga Asociacioni Ndërkombëtar i Drejtorëve të Standardeve dhe Trajnimit të Zbatimit të Ligjit (IADLEST) të Shteteve të Bashkuara të Amerikës, ka ardhur gjatë mbajtjes të Konferencës Vjetore të këtij asociacioni, e cila i zhvilloi punimet e saj në Nashville, Tennessee nga 21 – 24 maj 2017 dhe në të cilën morën pjesë Drejtori i Përgjithshëm i Akademisë së Kosovës për Siguri Publike (AKSP), Ismail Smakiqi, Drejtori për Trajnime të Specializuara dhe të Avancuara të Policisë së Kosovës, Akrem Racaj, të shoqëruar nga këshilltarja e lartë e ICITAP-it në Ministrinë e Punëve të Brendshme, Programi i Menaxhimit të Lartë dhe Menaxhimit Ekzekutiv Drita Perezic.

Gjatë takimit me Zëvendës Drejtorin e Asociacionit Ndërkombëtar të Drejtorëve të Standardeve dhe Trajnimit të Zbatimit të Ligjit (IADLEST) David L Harvey, është pranuar iniciativa e Akademisë për akreditim ndërkombëtar të Akademisë dhe është premtuar përkrahja e kësaj iniciative nga ana e ICITAP, gjegjësisht nga Perezic.

Në muajin korrik të vitit 2017, Akademia ka pranuar konfirmimin nga ICITAP për fillimin e procesit të akreditimit ndërkombëtar nga ana e IADLEST.

Me këtë rast, Akademia ka pranuar dokumentacionin e akreditimit, gjegjësisht listën e standardeve për akreditim nga IADLEST.

Asociacioni Ndërkombëtar i Drejtorëve të Standardeve dhe Trajnimit të Zbatimit të Ligjit të Shteteve të Bashkuara të Amerikës është Agjenci e cila akrediton Akademi Policore dhe të zbatimit të ligjit në Shtetet e Bashkuara të Amerikës.

Bazuar në politikat e IADLEST, janë gjithsej 12 seksione apo fusha në të cilat IADLEST bën vlerësimin e Akademive me qëllim të akreditimit. Secila nga këto seksione ka në vete disa standarde, që në total janë 56 standarde.

Fushat e vlerësimit janë; Përputhshmëria ligjore dhe rregullative; Marrëveshjet dhe politikat me hisedar; Strukturë organizative e përfshirë në trajnime; Mbajtja e të dhënave; Stafi; Zhvillimi i Trajnimit; Trajnimi dhe Vlerësimi; Studentët; Teknologjia e Informacionit; Objektet; Buxheti (financat) dhe Pajisjet.

Me qëllim të përgatitjes dhe dëshmimit të përmbushjes të këtyre standardeve, Akademia e Kosovës për Siguri Publike ka formuar grupin punues për procesin e akreditim nga ana e IADLEST dhe ka bashkëpunuar ngushtë me zyrtarët e ICITAP, të cilat do të marrin pjesë në procesin e vlerësimit së bashku me ekspertin e IADLEST të akreditimit.

Gjatë ditëve të vlerësimit, i gjithë personeli i Akademisë, mësimdhënësit dhe instruktorët e Agjencive të Sigurisë Publike, studentët dhe pjesëmarrësit në trajnime, janë njoftuar me vizitën e ekspertëve fakt mbledhës nga IADLEST, në këtë proces të akreditimit ndërkombëtar të Akademisë.

Në ditën e fundit të vizitës, Ekipi i Ekspertëve Vlerësues nga Asociacionit Ndërkombëtar i Drejtorëve të Standardeve dhe Trajnimit të Zbatimit të Ligjit të Shteteve të Bashkuara të Amerikës, njoftoi Drejtorin e Përgjithshëm të Akademisë së Kosovës për Siguri Publike z.Ismail Smakiqi dhe personelin udhëheqës të Akademisë me të gjeturat preliminare si dhe procesin deri në marrje të vendimit për akreditim eventual nga Bordi Ekzekutiv i IADLEST.



 

Vushtrri, 27 prill 2018- Pas një procesi më shumë se dy vjeçar, Autoriteti Kombëtar i Kualifikimeve, më datën 26 prill 2018 ka akredituar Akademinë e Kosovës për Siguri Publike dhe ka validuar Programet Profesionale:
Polic i Ri, Inspektor i IPK, Zyrtar Doganor, Zyrtar Korrektues dhe Zyrtar Sporovues. Kualifikimin Zjarrfikes vendimi do të merret në muajin gusht 2018.

Procesi i krijimit të këtyre programeve profesionale është realizuar nga Akademia e Kosovës për Siguri Publike, Agjencitë e Sigurisë Publike gjatë zhvillimit të Projektit të Binjakëzimit, të përkrahur nga ekspertë nga Finlanda dhe Estonia.

Akademia e Kosovës për Siguri Publike gjatë javës së ardhshme do të vlerësohet nga ekipi i ekspertëve vlerësues nga Asociacioni Ndërkombëtar i Drejtorëve të Standardeve dhe Trajnimit të Zbatimit të Ligjit të Shteteve të Bashkuara të Amerikës, me qëllim të akreditimit ndërkombëtar të Akademisë.

Kjo është hera e parë që ky asociacion bënë një vlerësim dhe akreditim ndërkombëtar jashtë SHBA-ve. Akademia e Kosovës për Siguri Publike e ka rastin të jetë institucioni i parë në regjion dhe më gjerë me status të Institucionit me Akreditim Ndërkombëtarë.

Drejtori i Akademisë së Kosovës për Siguri Publike z.Ismail Smakiqi, gjatë këtyre dy ditëve, me rastin e akreditimit të Akademisë nga Autoriteti Kombëtar i Kualifikimeve dhe procesit të akreditimit nga Asociacioni Ndërkombëtar i Drejtorëve të Standardeve dhe Trajnimit të Zbatimit të Ligjit të Shteteve të Bashkuara të Amerikës, ka zhvilluar takime njoftuese me personelin e Akademisë, studentët, pjesëmarrësit në trajnime, profesorët e Fakultetit të Sigurisë Publike, instruktorët dhe mësimdhënësit e Agjencive të Sigurisë Publike si dhe Partner ndërkombëtar ICITAP, OSBE dhe Projekt i Binjakëzimit.
 

Vushtrri, 19 prill 2018 - Një delegacion i përbërë nga udhëheqësit e  Departamenteve të Zbatimit të Ligjit të Organizatës për Siguri dhe Bashkëpunim në Evropë  nga Vjena dhe nga vendet e rajonit siç  janë Mali i Zi, Maqedonia, Shqipëria dhe Serbia sot vizitoi Akademinë e Kosovës për Siguri Publike (AKSP), ku u priten nga Drejtori i Përgjithshëm  Ismail Smakiqi.  Qëllimi i vizitës ishte që të njihen më për se afërmi më punën, zhvillimet në Akademi.

Drejtori i Përgjithshëm i Akademisë Ismail Smakiqi duke i dëshiruar  mirëseardhje delegacionit i informoi me zhvillimet e Akademisë dhe historikun e saj.

Drejtorit Smakiqi tha se Akademia do të jetë gjithmonë falënderues ndaj të gjithë atyre që e kanë mbështetur dhe e mbështesin Akademinë në zhvillimin e saj.

“Gjithmonë  falënderues ndaj OSBE-së dhe ICITAP-it. Organizata për Siguri dhe Bashkëpunim në Evropë  është pjesë e historisë së Akademisë që nga themelimi e deri më tani e cila ende vazhdon ta mbështes në të gjitha fushat e trajnimit, si dhe përmes donacioneve të shumta”,  u shpreh Smakiqi duke e njoftuar delegacionin për  të arriturat e Akademisë siç janë hapja e Fakultetit të Sigurisë Publike, për bashkëpunimin ndërkombëtarë si dhe pjesëmarrjen e Akademisë në asociacione të kolegjeve policore evropiane dhe ndërkombëtare.

Ndërkohë gjatë takimi drejtori Smakiqi  e njoftoi delegacionin edhe për projektin e i cili ka për qëllim përmirësimin e arsimimit në institucionet e sigurisë.
Duke folur për rendësin e arsimimit, Smakiqi i njoftoi delegacionin  rreth akreditimit të Akademisë  dhe programeve të saj si dhe rreth procesit të akreditimit nga Asociacioni Ndërkombëtar i Drejtorëve të Standardeve të Zbatimit të Ligjit dhe Trajnimit (IADLES) të SHBA-së

Ndërkaq delegacion në fjalë gjatë vizitës u interesuan për proceset nëpër të cilët ka kaluar dhe është duke kaluar Akademia, si dhe  për trajnimet që zhvillohen në Akademi.
Guy Vinet  Udhëheqës i Njësisë për Çështje Strategjike Policore në OSBE me seli qendrore në Vjenë të Austrisë u shpreh i kënaqur më vizitën në Akademi, ndërkohë që inkurajoi drejtorin Smakiqi për të arriturat.


Vinet vlerësoj se Akademia luan rolin kryesor për mes trajnimeve të mirëfillta, që një polici  të jetë e suksesshme.

“Trajnimi i policisë është shumë rëndësishëm. Policia është publiku dhe publiku është policia, pra për të pasur sukses duhet të punojmë se bashku me popullin”, u shpreh Vinet.  Vinet foli edhe rreth projektit i cili siç tha ai është shumë i rëndësishëm për zbatuesit e ligjit.

“Për të arritur qëllimin dhe punë të mirë, duhet të bashkëpunohet dhe të punohet në ekip”, tha Vinet.

Ake Roghe, Drejtor i Departamenti për Rend dhe Siguri Publike  në OSBE gjatë takimit tha se Akademia është shumë e rëndësishme për vendin.

“Falënderoi Akademinë për punën e mirë që e bëjnë, drejtorin Smakiqi dhe gjithë ekipin.  Akademia ka një rol të rëndësishëm në ndërtimin e kapaciteteve për policinë”, u shpreh Roghe.

Roghe duke vlerësuar se  Policia e Kosovës është njëra ndër policitë më të mira në regjion tha se e gjithë kjo është mëritë e Akademisë.

Roghe gjithashtu foli edhe për  inkuadrimin e femrave në radhët e Policisë së Kosovës, duke thënë se është shumë më rëndësi që në radhët e policisë  të ketë edhe më shumë femra.
 

Vushtrri, 10 prill 2018 – Akademinë e Kosovës për Siguri Publike (AKSP) sot e vizitoi nje delagacion i i KFOR-it nga Armata e Shteteve të Bashkuara në Kampin Bondsteel, i kryesuar nga major Bahadori dhe rreshter major i Komandës Andreë McKindley.

Delegacioni u pritë nga Drejtori i Përgjithshëm i Akademisë, Ismail Smakiqi dhe Dekani i Fakultetit të Sigurisë Publike në Akademi Bejtush Gashi.Gjatë kësaj vizite delegacioni u njoftuar  për historinë, kapacitetet dhe zhvillimin e mëtejmë të Akademisë.

“Bashkëpunimi me KFOR-in amerikan konsiderohet i një rëndësie të veçantë, duke marrë parasysh kontributin tejet të rëndësishëm të juajin për paqe dhe stabilitet në Kosovë”, theksoi drejtori Smakiqi, duke potencuar organizimin e trajnimeve të veçanta nga AKSP-ja për zyrtarët e sigurisë publike të Kosovës në fushën e krimeve kibernetike, korrupcionit, krimit të organizuar dhe terrorizmit.

Përderisa dekani Gashi u shpreh i hapur për bashkëpunim me KFOR-in amerikan përmes organizimit të ligjëratave të përbashkëta në fusha të interes të përbashkët, siç është bashkëpunimi civilo-ushtarak.

Nga ana e tyre, eprorët nga Kampi Bondsteel i Armatës së SHBA-ve u shprehën të kënaqur me nivelin dhe cilësinë e arsimit dhe trajnimit të ofruar në Akademi, duke shprehur përkrahje të mëtejme për Akademinë.

 

Vushtrri, 10 prill 2018 - Në Akademinë e Kosovës për Siguri Publike sot filloi, “Punëtoria për ngritjen e vetëdijes së komuniteteve rom, ashkali dhe egjiptian për tu bashkangjitur radhëve të Policisë së Kosovës”.

Të pranishëm në hapjen e kësaj punëtorie ishin Drejtori i Përgjithshëm i Akademisë Ismail Smakiqi, Kolonele Taibe Canolli, Shpresa Muharremi  dhe Shpresa Mulliqi nga OSBE-ja si dhe zyrtarë tjerë nga institucione të sigurisë.

Drejtori i Përgjithshëm i Akademisë së Kosovës për Siguri Publike Ismail Smakiqi në fjalën e tij tha se OSBE-ja  është partner i përhershëm i  Akademisë, e në këtë rast partner edhe për komunitete duke dhënë  kontributin në informimin, vetëdijesimin si dhe mundësin për të qenë pjesë e Policisë së Kosovës.

Duke folur për diversitetin dhe respektimin e të drejtave dhe lirive të njeriut në komunitetet Drejtori Smakiqi tha se Akademia është shembull në këtë aspekt.

Drejtori Smakiqi gjithashtu motivoi të rinjtë e komuniteteve që të jenë të përgatitur për të qenë pjesë e Policisë së Kosovës sepse është nderë dhe krenari puna në këtë institucion kaq të rëndësishëm në ruajtjen e sigurisë së përgjithshme, për gjithë qytetarët e Republikës së Kosovës pa dallim moshe, gjinie race apo feje.

Duke përshëndetur të pranishmit Shpresa Muharremi tha se sot jemi këtu për të parë mundësin dhe motivimin për të qenë pjesë e Policisë së Kosovës. Ajo me tej vazhdoi duke thënë se puna në Policinë e Kosovës nuk është vetëm një mundësi për punësim por është edhe punë humane në ruajtjen e sigurisë së përgjithshme. “Kjo është një mundësi e mirë që ju të kontribuoni për sigurinë jo vetëm në komunitetin e juaj, por edhe për të gjithë qytetarët e Republikës së Kosovës”, tha Muharremi.

Ndërsa kolonelja Taibe Canolli tha se ndihet e privilegjuar që është pjesë e këtij aktiviteti i cili organizohet në Akademi me ndihmën dhe përkrahjen e OSBE-së. Më tej Canolli i informoi të pranishmit me përgatitjet e bëra nga Policia e Kosovës për gjeneratën e ardhshme.

Punëtoria  do të zgjas tri ditë nga dt. 10-12 prill 2018, ku do të zhvillohen tema të ndryshme lidhur me mundësin dhe vetëdijesimin e komuniteteve për te qenë pjesë e Policisë së Kosovës.