NewsArticle

Vushtrisë 01 shkurt 2019 - Drejtori i Përgjithshëm i Akademisë së Kosovës për Siguri Publike Ismail Smakiqi  sot mbajti një fjalim para kadetëve të gjeneratës së 54-të të Policisë së Kosovës.

Drejtori  Smakiqi tha se ndihet i lumtur që këtë mëngjes takoi kadetët  e Policisë së Kosovës i cili iu  dëshiroi  mirëseardhje në Akademinë e Kosovës për Siguri Publike, në trajnimin e profesionit të policitë të cilin e kanë zgjedhë.

“Jam këtu sot, në fjalën time të parë para jush, të iu shprehi admirimin tim dhe të Akademisë, për vendimin tuaj që të përcaktoheni të bëni jetën e njerëzve në përkujdesje të sigurisë të vendit tuaj, në përkujdesje të sigurisë të gjithë qytetarëve të vendit tuaj pa dallim gjinie, race, nacionaliteti e feje gjithnjë duke pas në themele të trajnimit tuaj respektimin e të drejtave të njeriut”, tha Smakiqi.

 Më tutje ai tha se është gjenerata e parë e kadetëve të Policisë së Kosovës  në trajnimin profesional të Akredituar nga Autoriteti Kombëtar i Kualifikimeve, të bazuar në Kornizën Kombëtarë të Kualifikimeve. Kjo po ashtu besoi të jetë  tha Smakiqi shtytësi kryesor që të jen gjenerata më e mirë e policëve të Kosovës e cila seriozisht do të freskoi radhët e këtij institucioni.

“Jam i sigurt se koha të cilën do të kaloni në Akademi në trajnimin e këtij programi të profesionit të policit, do të jetë përveç se njohuri të reja për profesionin të cilin ju e keni përzgjedhë, koha që do të kaloni do të jetë eksperienca më e rëndësishme në jetën tuaj, eksperienca bazike e cila hap dyert e karrierës tuaj në Policinë e Kosovës”, tha Smakiqi.

Drejtori Smakiqi tha se  pas tre viteve të përvojës tuaj në polici, do të keni mundësi të jeni studentë të Fakultetit të Sigurisë Publike dhe më pas edhe studentë në master të fushave të sigurisë,  gjithnjë me pretendime për grada të larta në organizatën në të cilën ju do të ndërtoni  karrierën tuaj.

Duke iu dëshiruar suksese në trajnimin e këtij programi profesional, në fund drejtori Smakiqi  tha  se do të jet gjeneratë që do të kujtohet përveç numrit më të madhe të kadetëve, me shpresën dhe besimin  që do të jen gjenerata më e mirë dhe shpresa freskuese e Policisë së Kosovës.

Ndërsa, nënkolonel Driton Zabërxha drejtor për TrajnimeMandatore në Policinë e Kosovës   para kadetëve  shpalosi plan programet si dhe modulet e trajnimit të cilat do tipërcjellin kadetët deri në përfundim të trajnimit.

Vushtrri, 13 shkurt 2019 -  Dhurimi i gjakut në mënyrë vullnetar tashmë në Akademinë e Kosovës për Siguri Publike  (AKSP) është bërë tradicionale. Sot në Akademinë e Kosovës për Siguri Publike një numër i madh i kadetëve të gjeneratës së 54 të Policisë së Kosovës, Instruktorët si dhe  zyrtarë që  punojnë në Akademinë  në mënyrë vullnetare dhuruan gjak.

Gjatë këtij aksioni një ditor të mbajtur në Akademi janë dhuruar mbi  110  doza gjak, për nevojat e Qendrës së Transfuzionit të Gjakut.

Personeli mjekësor gjatë këtij aksioni u shprehen të kënaqur që një numër kaq i madh i janë përgjigjur në mënyrë vullnetare dhurimit të gjakut.


Zyrtarët e Akademisë, zyrtaret e sigurisë publike të cilët trajnohen në Akademi çdo aksioni të dhurimit të gjakut që mbahet dy deri tri herë në vit i përgjigjën pozitivisht

Ndryshe aksioni humanitar i dhurimit të gjakut është  realizuar në bashkëpunim me Shërbimin Shëndetësor të Policisë së Kosovës, Transfuzionin e Gjakut nga Qendra Klinike Universitare e Kosovës dhe me ekipin mjekësor të  AKSP-së.