Vushtrri, 27.01.2025 - Sot në Akademinë e Kosovës për Siguri Publike (AKSP), pas një kohe relativisht të gjatë, ka filluar trajnimi profesional i gjeneratës së parë nga dy gjenerata për këtë vit i Doganës së Kosovës (DK). Kjo gjeneratë ka 57 kadetë, prej të cilëve 37 janë meshkuj dhe 20 femra. Ky trajnim profesional përmban gjithsej 10 module, prej të cilëve 9 janë obligative dhe 1 zgjedhor. Trajnimi parashihet të zgjasë për 24 javë.

Vushtrri, 24 janar 2025 - Në Akademinë e Kosovës për Siguri Publike (AKSP) ka përfunduar Trajnimi i Gjeneratës 61 për Zyrtar Policor. Këtë trajnim e kanë përfunduar 462 kadetë, ku janë përfaqësuar të dyja gjinitë si dhe të gjitha etnitë që jetojnë në Republikën e Kosovës.

Vushtrri, 23 janar 2025 - Në Akademinë e Kosovës për Siguri Publike (AKSP) qëndruan në vizitë përfaqësues nga Dogana dhe Policia e Mbretërisë së Bashkuar në ambasadat në Mal të Zi dhe Kosovë. Kështu, të pranishëm ishin Brian Dixon, përfaqësues i të Hyrave dhe Doganës së Madhërisë së Tij (HRMC) në Mal të Zi, Marija Jojić nga Ambasada e Mbretërisë së Bashkuar në Malin e Zi, Mick Beattie, përfaqësues i policisë së Qytetit të Londrës dhe Alan Barr, ekspert kundër pastrimit të parave. Ata u pritën nga zyrtarë të lartë të Akademisë, Avni Istrefi, Udhëheqës i Divizionit për Marrëdhënie me Jashtë (DMJ) dhe Shaban Bajrami, Udhëheqës i Divizionit për Kurrikula dhe Testime (DKT) pranë Departamentit të Trajnimeve dhe Përkrahjes Arsimore (DTPA).

Në takim u fol për projektet që zhvillohen mbi trajnimin kundër pastrimit të parave dhe luftimin eë financimit të terrorizmit, si dhe për mundësitë e bashkëpunimit në këtë fushë ndërmjet  Kosovës dhe Malit të Zi.