Një delegacion nga Ekipi i NATO-s për Këshillim dhe Ndërlidhje vizitoi Akademinë

Vushtrri, 24 qershor 2024 –   Zëvendësuesi i Drejtorit të Përgjithshëm të Akademisë së Kosovës për Siguri Publike (AKSP), Kastriot Jashari, priti sot në takim një delegacion nga Ekipi i NATO-s për Këshillim dhe Ndërlidhje (NALT – NATO Advisory and Liaison Team), në përbërje nga koloneli i ushtrisë së Shteteve të Bashkuara të Amerikës Gregory Motz, nga Elisha S. Mejia, nënkolonel i ushtrisë së SHBA-ve dhe nënkoloneli i ushtrisë gjermane Maximilian Sucfűll.

Qëllimi i vizitës ishte që të informohen më për se afërmi më misionin dhe vizionin e Akademisë, si dhe diskutime rreth mundësisë së bashkëpunimit në fushën e trajnimeve.

Zëvendësuesi i Drejtorit të Përgjithshëm të Akademisë, Kastriot Jashari, e njoftoi delegacionin ushtarak  të NATO-s për zhvillimet, të arriturat dhe aktivitetet që mbahen në AKSP.

Po ashtu gjatë takimit drejtori Jashari foli edhe për bashkëpunimin që Akademia ka më institucionet ndërkombëtare të sigurisë brenda dhe jashtë shtetit të Kosovës.

Drejtori Jashari duke u shprehur i gatshëm për vazhdimin e bashkëpunimit në fushën e trajnimeve më të gjithë partnerët ndërkombëtarë, ai vlerësoj lartë bashkëpunimin që Akademia ka me partnerët siç janë; NATO dhe SHBA.

Ndërsa, në emër të delegacionit nga Ekipi i NATO-s për Këshillim dhe Ndërlidhje (NALT) foli koloneli Gregory Motz, duke shprehur gatishmërinë e tyre për ta përkrahur Akademinë në realizimin e nevojave në fushën e trajnimeve të zyrtarëve për siguri publike.

Në fund drejtori Jashari e falënderoi Ekipin Këshillues dhe Ndërlidhës të NATO-s  për gatishmërinë  që ta përkrahin Akademinë edhe më tutje.

Gjatë kësaj vizite, Ekipi Këshillues dhe Ndërlidhës i NATO-s vizitoi kampusin e AKSP-së.

Vizita e delegacionit nga Ekipi Këshillues dhe Ndërlidhës i NATO-s u realizua në bashkëpunim me delegacionin e misionit të OSBE-së në Kosovë të udhëhequr nga Drejtori i Departamentit të Rendit dhe Sigurisë Publike në OSBE, Edward Anderson, i shoqëruar nga Shpresa Muharremi këshilltare për AKSP-në në OSBE si dhe  Bylent Ribari Asistent i Programit në OSBE.