Trembëdhjetë zyrtarë policorë përfunduan trajnimin për Njësinë e Mbrojtjes së Afërt

Vushtrri, 08 dhjetor 2023 – Në Akademinë e Kosovës për Siguri Publike (AKSP), sot  trembëdhjetë zyrtarë policorë përfunduan trajnimin për operatorë të Njësisë së Mbrojtjes së Afërt.

Në ceremoninë e çertifikimit morën pjesë  zëvendësuesi i Drejtorit të Përgjithshëm të Akademisë së Kosovës për Siguri Publike, Kastriot Jashari, Drejtori i Përgjithshëm i Policisë së Kosovës, Gazmend Hoxha, instruktorët e këtij trajnimi dhe zyrtarë tjerë të institucioneve të sigurisë publike.

Zëvendësuesi i Drejtorit të  Përgjithshëm të Akademisë së Kosovës për Siguri Publike Kastriot Jashari i falënderoi  instruktoret për kontributin e dhënë në bartjen e përvojave tek zyrtarët policor.

Jashari tha se ky është një trajnim mjaftë i rëndësishëm për Policinë e Kosovës, trajnim ky i cili do të kontribuoj në punën dhe përgjegjësit e tyre.  Jashari tha se Akademia ka dhënë dhe do të vazhdojë jap përkrahje çdo zyrtari të sigurisë publike.

Drejtori i Përgjithshëm i Policisë së Kosovës, Gazmend Hoxha, tha se puna e policisë është më përgjegjësi të lartë. Hoxha  i inkurajoj operatorët e sapo diplomuar  që të punojnë më përgjegjësi dhe profesionalizëm.  

Trajnimi për operatorët të  mbrojtjes së afërt ka zgjatur dymbëdhjetë javë.