Lajmet

Vushtrri  10 janar 2018  – Studentët e Fakultetit të Sigurisë Publike  në bashkëpunim me zyrtarët e Akademisë së Kosovës për Siguri Publike sot në mënyrë vullnetare dhuruan gjak, aksion ky i organizuar nga Këshilli i Studentëve të këtij fakulteti  në bashkëpunim me Dekanin,  menaxhmentin dhe stafin shëndetësor të Akademisë .

Gjatë këtij aksioni një ditor të mbajtur në Akademinë janë dhuruar mbi 50  doza gjak, për nevojat  e qytetarëve që paraqiten në Qendrën Klinike Universitare të Kosovës (QKUK)

Ekipi mjekësor i Transfuzionit të Gjakut vizituan Akademinë për t’ju  mundësuar studentëve dhe zyrtarëve  që të dhurojnë gjak pa shkëputje nga detyrat dhe aktivitetet e punës.

 Personeli mjekësor thanë se thirrjes për dhënien e gjakut në mënyrë vullnetarë i janë përgjigjur një numër i madh i studentëve të Fakultetit të Sigurisë Publike, pjesëtarëve të agjencioneve të Sigurisë Publike si instruktorët  policor dhe zyrtarë tjerë të agjencioneve.

Drejtori i Përgjithshëm i Akademisë së Kosovës për Siguri Publike, Ismail Smakiqi gjatë vizitës së tij tek personeli mjekësor ku grumbullonin gjak u shpreh i kënaqur që Akademia është bërë një shembull i mirë për dhurimin e gjakut.

“Në Akademi dhurimi i gjakut në mënyrë vullnetare organizohet  po thuajse dy herë në vit. Dhurimi i gjakut është një sakrificë  dhe ndihmë e madhe për të gjithë ata qytetarë që kanë nevojë për gjak”, tha Smakiqi.

Të kënaqur me dhurimin e gjakun në Akademinë e Kosovë për Siguri Publike u shpreh edhe personeli mjekësor i Transfuzionit të Gjakut,

Ata thane se Akademia është model për institucionet tjera për dhurimin e gjakut në mënyrë vullnetare.

Thirrjes për dhurimin e gjakut iu ka përgjigjur edhe Dekani I Fakultetit të Sigurisë Publike Bejtush Gashi. Dekani Gashi u shpreh i kënaqur me gatishmërinë e studentëve për të dhuruar gjak në mënyrë vullnetare.

Vushtrri, 20 dhjetor 2017 – Në Akademinë e Kosovës për Siguri Publike  (AKSP)  sot u publiku raporti  hulumtues me temën  “Të kuptuarit e ndikimit të ambientit të burgut për të burgosurit meshkuj që punojnë në burgun e Dubravës dhe të burgosurat femra në burgun e Lipjanit” , i cili është bërë nga  Ferid Azemi  profesor  në Fakultetin e Sigurisë Publike  dhe Nebih Halili nga Shërbimi Korrektues i Kosovës. Qëllimi i hulumtimit ishte që të kuptohet jeta e të burgosurve në burgun e Dubravës dhe në burgun e Lipjanit.  

Në këtë prezantim morën pjesë Drejtori i Përgjithshëm i Akademisë së Kosovës për Siguri Publike Ismail Smakiqi, u.d. i Drejtorit të Përgjithshëm të Shërbimit Korrektues Sokol Zogaj, Drejtori i Përgjithshëm i  Policisë së Burgjeve të Shqipërisë  Nazmi Demirxhi, Dekani i Fakultetit të Sigurisë Publike Bejtush Gashi, përfaqësues nga Avokati i Popullit, Policia e  Kosovës, Inspektorati Policor i Kosovës, OSBE-së,  EULEX,  UNICEF, Këshilli për Mbrojtjen e të Drejtave dhe Lirive të Njeriut (KMDLNJ),  Qendra Kosovare për Studime të Sigurisë (QKSS) Qendra Kosovare për Rehabilitimin e të Mbijetuarve të Torturës (QKRMT) etj. 

Drejtori i Përgjithshëm i Akademisë së Kosovës për Siguri Publike Ismail Smakiqi duke i përshëndetur pjesëmarrësit vlerësoi se falë angazhimit dhe bashkëpunimit të ngushtë Akademia dhe Fakulteti i Sigurisë Publike është duke funksionuar në mënyrë më të mirë të mundshme. 

“Sot është një ditë e veçantë pasi që ka filluar përmbushja e fushës së hulumtimit, njëra nga përgjegjësitë e përcaktuara në ligjin e  Akademisë e cila përkufizohet në nenin 13, pika 1.3. ku thuhet se ‘Akademia funksionon si institucion kërkimor në sferën e sigurisë publike, por pa u kufizuar në hulumtime në fushën e zhvillimit të trajnimeve dhe arsimit të lartë për siguri publike’”, tha Smakiqi. 

Drejtori Smakiqi tha se Akademia  në bashkëpunim me agjencionet e sigurisë publike po përmbush përgjegjësitë në shkëmbimin e rregullave të informacioneve të tyre shkencore në fushën e  sigurisë duke mos u kufizuar vetëm në hulumtime, botime, revista periodike, kongrese, seminare dhe konferenca.

Duke përgëzuar profesorët e Fakultetit të Sigurisë Publike për këtë hulumtim drejtori Smakiqi tha se hulumtimet shkencore në fushën e sigurisë janë kusht i domosdoshëm për zhvillimin e qëndrueshëm të programeve studimore në Akademi duke filluar nga ato bazike profesionale  deri tek programet e  masterit dhe të doktorates që pritet të hapet se shpejti. 

“Hulumtimet do të na shërbejnë për përmirësimin e vazhdueshëm të shërbimeve të cilat i ofrojnë të punësuarit në institucionet e zbatimit të ligjit”, tha Smakiqi.

Po ashtu drejtori Smakiqi vlerësoi se me publikimin e këtij hulumtimi Akademia po ashtu po i afrohet momentit të funksionalizimit të “Institutit të Hulumtimit dhe Zhvillimit”, i cili është i paraparë me rregulloren për organizimin e brendshëm dhe sistematizimin e vendeve të punës të Akademisë së Kosovës për Siguri Publike. 

Ndërsa, Dekani i Fakultetit të Sigurisë Publike Bejtush Gashi para të pranishmëve  ka folur rreth funksionimit të Fakulteti e më pastaj edhe për rolin e Institutit për Hulumtim dhe Zhvillim. 

“Detyra dhe përgjegjësitë e Institutit për Hulumtim dhe Zhvillim janë; kryerja dhe menaxhimi i hulumtimit shkencor dhe mbështetja e personelit akademik në aktivitetet e tyre kërkimore, mbështetja e personelit akademik dhe studentëve lidhur me hulumtimet e metodologjinë e hulumtimit shkencor, udhëheqja e procesit të hartimit të planit zhvillimor të Akademisë dhe të mbështetur në njësitë e tjera në këtë proces, hartimi i projekt propozimeve dhe aplikimi për financim nga jashtë për projektet e hulumtimit dhe zhvillimit në fushën e sigurisë, bashkëpunimi me institucionet e tjera  të hulumtimit dhe zhvillimit të arsimit të lartë dhe agjencioneve të sigurisë publike”, tha Gashi duke shtuar se instituti ka për mision të nxjerrë rezultate shkencore të cilat krijojnë mundësinë e kuptimit më të mirë të çështjeve të sigurisë publike si dhe avancimin e debatit për siguri publike, shkencave shoqërore dhe humane. 

Dekani Gashi duke folur rreth punës dhe angazhimit të mësimdhënësve të Fakultetit të Sigurisë Publike vlerësoi se viti 2017 po përmbyllet me sukses.

“Në esencë veprimtaria kërkimore shkencore është aktivitet për zgjidhjen e problemeve teorike dhe praktike si dhe arritjen  deri të njohuritë e reja në lëminë  përkatëse. Pra hulumtimin mund ta përkufizojmë si proces për zgjidhjen e problemeve njohëse dhe praktike i cili ka faza të caktuara si faza përgatitore, dizajnimi, zhvillimi i instrumenteve realizimi i hulumtimit përpunimi dhe analiza e të dhënave etj”, tha Gashi  

Kurse u.d. i Drejtorit të Përgjithshëm të Shërbimit Korrektues Sokol Zogaj duke e vlerësuar pozitivisht këtë hulumtim tha se me hulumtime të  tilla duhet të vazhdohet tutje.  

“Ky është një kontribut edhe një nismë drejtë hulumtimit ku është mirë që edhe të tjerët të vazhdojnë. Unë  konsideroj që është një punim i mirë edhe pse mendoj që në të ardhmen  do të ketë punime edhe mëe të mira edhe  me përmbajtësore”, tha Zogaj 

Ndërkaq, Kryetari i Këshillit për Mbrojtjen e të Drejtave dhe Lirive të Njeriut,  Behxhet Shala i përgëzojë mësimdhënësit për përpjekjet  tyre për ta bërë një hulumtim të tillë ndërkohë që dha vërejtje që sipas tij hulumtimi nuk është i kompletuar.  “Unë iu uroj për përpjekjet e juaja për ta bërë një hulumtim, ky hulumtim ka nevojë ende të punohet dhe  të kompletohet”, u shpreh Shala.  

Hulumtimin e vlerësoi edhe Drejtori i Përgjithshëm i  Policisë së Burgjeve të Shqipërisë  Nazmi Demirxhi. Demirxhi duke dhënë komente rreth përmbajtjes së hulumtimit  përgëzoi  Fakultetin e Sigurisë Publike dhe profesorët  për këtë hulumtim. 

Rreth raportit hulumtues për jetën e të burgosurve në burgjet e Kosovës  komente dhanë edhe përfaqësuesit e organizatave joqeveritare Vesë Kelmendi nga Qendra Kosovare për Studime të Sigurisë dhe Alban Muriqi nga Qendra Kosovare për Rehabilitimin e të Mbijetuarve të Torturës (QKRMT). 

Vlerësime dhe kontribut në prezantimin e këtij hulumtimi dhanë edhe studentet e Fakultetit të Sigurisë Publike.

Sipas rekomandimeve të dhëna në hulumtim  thuhet se  implementimi dhe investimi i programeve rehabilituese(psikoterapi, terapi  grupore etj), funksionimi i një grupi të trajnuar për klasifikimin e duhur për personat e pranuar në burgun e Dubrovës, ofrimi adekuat apo i veçantë shëndetësor për kategoritë e veçanta  te të burgosurve, adresimi i çështjes se ekzistimit të subkulturve në Qendrën Korrektuese të Lipjanit, trajnimi i vazhdueshëm në ngritjen profesionale dhe etikës profesionale të stafit korrektues, angazhimi shtesë i zyrtarëve të duhur socialë të cilët punojnë seriozisht me të burgosur dhe investim në vetëdijësimin e të burgosurve dhe ofrimi i mundësive për të burgosurit në jetën post penale. 

Vushtrri, 16 dhjetor 2017 - Në mbështetje të Organizatës  për Siguri dhe Bashkëpunim në Evropë (OSBE), Drejtor i Përgjithshëm i Akademisë së Kosovës për Siguri Publike, Ismail Smakiqi  ka vizituar Policinë e Uellsit në Mbretërinë e Bashkuar. Delegacioni i Kosovës ku  përveç drejtorit Smakiqi pjesë e secilit ishin edhe Slavisa Mladenovic  komisionari për  gjuhët, koloneli Milorad Corac  drejtor i Divizioni të Trajnimeve në Policinë e Kosovës, Shpresa Muharremi këshilltare e OSBE-së për AKSP-në, nënkoloneli Agron Rukiqi drejtor i Divizionit të Administratës dhe Personelit në Policinë e Kosovës, Hysni Shala shef i Zyrës për të Drejtat e Njeriut dhe Barazisë Gjinore në Policisë e Kosovës, Safete Graicevci koordinatore për Sigurimin e Zbatueshmerisë  në Zyrën e Komisionerit për Gjuhët dhe Bylmen Ribëri  njësiti i Këshilltarëve Specialë Misioni i OSBE-së në Kosovë u priten nga zyrtarët e lartë të policisë së Uellsit në Angli.

Qëllim i kësaj vizite studimore ishte dëgjimi për zhvillimin e procesit të përdorimit të dygjuhësisë në Policinë e Uellsit.

Delegacioni nga Kosova në krye me drejtorin Smakiqi vlerësuan se kjo vizitë studimore do t’i shërbejë institucioneve të Kosovës për nxitjen e veprimeve me qëllim të aftësimit të zbatueseve të ligjit, e në radhë të parë të Policisë së Kosovës, për ofrimin e shërbimeve në gjuhët zyrtare të Republikës së Kosovës.

Udhëheqësi i programit për nxitjen e dygjuhësisë në Policinë e Uellsit Meic Raymant i cili ishte edhe nikoqiri i pritjes së delegacionit nga Kosova prezantoi programin kompleksë të implementimit të dygjuhësisë në Uells, i cili siç tha është është duke u zhvilluar intensivisht tani e dhjetë vite. Gjatë kësaj vizite zyrtare e cila u zhvillu tri ditë radhazi oficeret me policisë së Uellsit si Gareth Evans, Mark Oëen, inspektori Dyfan Jones, kryeinspektori Richie Green prezantuan tema të ndryshme.
Temat e prezantimeve kanë përfshirë fushat e larmishme, siç janë; sfondi dhe pasqyra e rolit të policisë së Uellësin, promovimi i dygjuhësisë në Uells, strategjia gjuhësore, nxitja e dygjuhësisë në policinë e Uellsit, vendosja e strategjisë në punë, trajnimi fillestar i policisë dhe trajnimi gjuhësor në gjuhën angleze në vendin e punës zhvillimi i aftësive gjuhësore në Uells dhe ndërgjegjësimi i gjuhëve të stafit, sigurimi i zgjedhjes së gjuhës në policimin operacional dhe ballafaqimi me publikun në gjuhën e tyre të preferuar në qendrën e komunikimit.
Po ashtu në kuadër të kësaj vizite  delegacioni nga Kosova u prit zëvendësshefi i policisë Zoto Pritchard i cili është edhe udhëheqës i grupit të gjuhës uelsiane në Uellësin verior si dhe ndihmës shefi i policisë Debicki i cili është edhe udhëheqës i  grupit të gjuhës uelsiane në Forcën e Policisë.
Më këtë rast delegacioni vizitoi edhe  Dhomën e Kontrollit nga ku menaxhohet siguria në Uellësin verior si dhe poligonin e qitjes me armë zjarri dhe trajnimeve në lokalitetin Shën Asapin.

Vizite e cila u mundësua nga OSBE, e cila në vazhdimësi mbështet Akademinë e Kosovës për Siguri Publike, Policinë e Kosovës dhe institucionet tjera të zbatimit të ligjit, ka për qëllim ngritjen e cilësisë së shërbimeve të cilat i ofrojnë këto institucione dhe që ato të jenë në përputhje me standardet evropiane dhe ndërkombëtare.

 

Vushtrri, 12 dhjetor 2017 – Komiteti Drejtues i Projektit të Binjakëzimit i cili ka për qëllim, “Përkrahjen e mëtejme të arsimit në sigurinë publike në Kosovë”, sot mbajti takimin e shtatë me radh  në Akademinë e Kosovës për Siguri Publike ku u vlerësua se deri më tani është shënuar  arritje në realizimin e projektit.

Të pranishëm në këtë takim ishin Drejtori i Përgjithshëm i Akademisë Ismail Smakiqi, Rafael Nievergelt përfaqësues i Zyrës së Bashkimit Evropian në Kosovë,  Udhëheqësja e Projektit të Binjakëzimit  Krista Haak, Këshilltarja Rezidente e Binjakëzimit Ritva Vahakoski, Nderim Gerguri nga Ministria e Punëve të Brendshme, Shpresa Muharremi nga  OSBE-ja, Taibe Canolli nga Policia e Kosovës, Adem Shala nga Shërbimi Sprovues i Kosovës, Bujar Mustafa nga Inspektorati Policor i Kosovës, Tefta Bytyqi nga Shërbimi Korrektues i Kosovës,  Bashkim Arifi  nga Dogana e Kosovës dhe Mustaf Gashi  nga Agjencia e Menaxhimit Emergjent.

Duke vlerësuar se Projekti i Binjakëzimit është duke u zhvilluar me dinamiken e duhur Drejtori i Përgjithshëm i Akademisë Ismail Smakiqi u shpreh i kënaqur me realizimin e projektit deri me tani.  Smakiqi duke thënë se të arriturat janë rezultat i punës së përbashkët mes agjencioneve  të sigurisë publike zyrtarëve të Akademisë dhe ekspertëve, njoftoi të pranishmit se Akademia ka aplikuar në Autoritetin Kombëtar të Kualifikimeve me qëllim të akreditimit të institucionit si dhe validimin e programeve profesionale.

Po ashtu drejtori Smakiqi me këtë rast ka folur edhe për vizitën në Akademi të kongresmenit amerikan Eliot Engel e cili  vlerësoj se kjo vizitë për Akademinë është privilegj.

Duke përmendur bashkëpunimin që ka Akademia më institucionet e sigurisë në rajon dhe më gjerë, Smakiqi njoftoi të pranishmit për  nënshkrimin e  marrëveshjes së bashkëpunimit me Fakultetin e Sigurisë të Universiteti “St.Kliment Ohridski” në Shkup në muajin e kaluar.
 
Smakiqi tha  qëllimi i projektit është mbështetja e arsimit në niveli profesional dhe atij të lartë duke përfshirë edhe hulumtimin në fushën e sigurisë publike në Kosovë, që i përmbush në tërësi standardet e BE-së dhe ato ndërkombëtare.
Drejtori i Përgjithshëm i Akademisë Ismail Smakiqi duke u shprehur i lumtur për të arriturat falënderoi ICITAP-in dhe OSBE-në  për përkrahjen e vazhdueshme që po ia bëjnë Akademisë.

 Udhëheqësja e Projektit të Binjakëzimit  Krista Haak falënderoj të gjitha akterët që janë të përfshirë në realizimin e projektit të binjakëzimit duke thënë se fokusi i tyre në tre mujorin e kaluar ka qenë finalizimi i dymbëdhjetë aplikacioneve për akreditimin institucional të Akademisë dhe validimin e programeve profesionale. 
“Puna është finalizuar me kohë dhe dua të theksoj se tani çdo gjë është dorëzuar në zyrën e Autoritetit për Kualifikime. Kjo punë e madhe është bërë duke arritur rezultate falë bashkëpunimit me agjencionet, stafin e Akademisë dhe ekspertët”, u shpreh Haak duke thënë se deri me tani është bërë një punë e mirë dhe ka arritje të rezultateve
“Nga pikëpamja e shteteve anëtare jemi të kënaqur që po përkrahim jo vetëm Akademinë, por të gjitha institucionet e sigurisë publike që kanë rol kryesor në sigurinë publike në vend”, tha Haak.

Vlerësim pozitivë për realizimin dhe ecurinë e projektit të binjakëzimit dha edhe Rafael Nievergelt përfaqësues i Zyrës së Bashkimit Evropian në Kosovë.
“Jam krenar me ju dhe punën qe keni bërë deri në këtë fazë të projektit të Bashkimit Evropian”, tha Nievergelt. 

Për ecurinë e projektit të binjakëzimit  u shpreh i kënaqur edhe zyrtari për Integrime Evropiane në Ministrinë e Punëve të Brendshme Nderim Gerguri.

Ndërsa  Ritva Vahakoski  bëri prezantimin e raportit  tre mujorit të projektit të binjakëzimit  kur raportoi  për  ecurinë  e komponentëve.
 

Vushtrri, 11 dhjetor 2017  -  Bordi i Akademisë së Kosovës për Siguri Publike (AKSP), mbajti sot takimin e tij të fundit për këtë vit, ku u diskutua për zhvillimet që kanë ndodhur brenda këtij viti në Akademi si dhe për trajnimet dhe aktivitetet tjera që do të realizohen  gjatë vitin 2018.

Në takim të pranishëm ishin Drejtori i Përgjithshëm i Akademisë Ismail Smakiqi, Drejtori i Përgjithshëm i Shërbimit Sprovues të Kosovës Bajram Bujupi i cili një herit është edhe kryesues i Bordit të Akademisë, Drejtori i Përgjithshëm i Policisë së Kosovës  Shpend Maxhuni, Kryeshefi Ekzekutiv i Inspektoratit Policor të Kosovës Hilmi Mehmeti, Drejtori i Përgjithshëm i Doganave të Kosovës Bahri Berisha,  Burim Buleshkaj përfaqësuese nga Shërbimi Korrektues i Kosovës, Kimberly Riffe  përfaqësuese nga ICITAP-i, këshilltarja e lartë e ICITAP-it Drita Pereziç, këshilltarja  Rezidente e Projektit të Binjakëzimit Ritva Vähäkoski si dhe  këshilltarja e lartë e OSBE-së Shpresa  Muharremi.


Drejtori i Përgjithshëm i Akademisë së Kosovës për Siguri Publike Ismail Smakiqi, gjatë takimit  foli rreth planit të trajnimeve për  agjencionet e sigurisë publike për vitin  2018, e po ashtu edhe për arriturat që ka shënuar Akademia gjatë vitit 2017.

Bordit i Akademisë pas diskutimeve miratoi projekt planin e trajnimeve për vitin 2018.

Gjithashtu drejtori Smakiqi  informoi Bordin e AKSP-së  për zhvillimet dhe aktualitet e Akademisë, e cila ishte edhe njëra ndër pikat e rendit të ditës.

Më ketë rast drejtori  Smakiqi ka folur edhe për validimin e korrikulave profesionale dhe akreditimin e  institucionit të Akademisë.

“Korrikulat janë përfunduar në bazë të standardeve profesionale dhe  ne shpresojmë që në mars të vitit 2018 të jetë koha e validimit të programeve profesionale dhe akreditimit të Akademisë”,  u shpreh Smakiqi.  

Në fund të takimit kryesuesi i Bordit të Akademisë Bajram Bujupi përshëndeti të pranishmit për punën e bërë dhe përgëzoj drejtorin Smakiqi dhe stafin e Akademisë për sukseset e arritura gjatë vitit 2017. 
 

Maqedoni, 27 nëntor 2017 -  Akademia e Kosovës për Siguri Publike (AKSP) nënshkroi marrëveshjen e bashkëpunimit me Fakultetin e Sigurisë të Universitetit “St. Kliment Ohridski” Manastir në Shkup, qëllimi i së cilës është themelimi i bashkëpunimit afatgjatë dhe të qëndrueshëm në mes të dy institucioneve për të përkrahur objektivat e tyre strategjike në fushat e arsimit të lartë; shkëmbimin (mobilitetin) e studentëve, mësimdhënësve dhe stafit në kuadër të programit të BE-së, Erasmus+,  si dhe Hulumtimit dhe Zhvillimit.

Në praninë e mediave elektronike dhe të shkruar nga Maqedonia dhe Kosova, nënshkrimi i marrëveshjes u bë në mes të Drejtorit të Përgjithshëm të AKSP-së  Ismail Smakiqi dhe Dekanit të Fakultetit të Sigurisë  i Universitetit “St. Kliment Ohridski” Manastir, prof. dr. Nikola Dujovski. Gjatë nënshkrimit të marrëveshjes të pranishëm ishin edhe shkëlqesia e tij, ambasadori i Republikës së Kosovës në Maqedoni Ylber Hysa, dekani i Fakultetit të Sigurisë të AKSP-së  Prof.Ass. Dr. Bejtush Gashi, Udhëheqësi i Divizionit për Marrëdhënie me Jashtë  Avni Istrefi, ndihmës ministri për Trajnim të Policisë së Maqedonisë Goce Bačanov, zëvendës rektorja  Svetlana Nikolovska dhe zëvendës dekanja  për financa  Snežana Mojsoska.

Dekani i Fakultetit të Sigurisë  i Universitetit “St. Kliment Ohridski” Nikola Dujovski  e vlerësoi  shumë të rëndësishem  nënshkrimin e kësaj marrëveshje në frymën shumë të mirë miqësore në mes të dy institucioneve, përkushtimit të përbashkët drejt realizimit të qëllimeve dhe ngritjen e kapaciteteve institucionale. Marrëveshja përfshinë bashkëpunimin në fusha të ndryshme duke përfshirë mundësitë në zhvillimin e projekteve të përbashkëta në hulumtim, në kuadër të programit të shkëmbimit Erasmus+, etj.

Ndërsa Drejtori i Përgjithshëm i Akademisë së Kosovës për Siguri Publike  Ismail Smakiqi theksoi se të dyja institucionet janë pjesë e asociacioneve të ndryshme ndërkombëtare të sigurisë ku siç tha ai këto dy institucionet kanë  bashkëpunim shumë të ngushtë. “Fakulteti i Sigurisë në Shkup sivjet feston 40 vjetorin e saj të themelimit dhe më këtë rast i uroj dekanit për përvjetorin e tyre dhe për një të arritur kaq të madhe”, u shpreh Smakiqi duke thënë se marrëveshja njëherit do të jetë një shtyse drejt realizimit të qëllimeve dhe interesave të përbashkëta në fushën e arsimit dhe hulumtimit në siguri publike.

Në nënshkrimin e marrëveshjes të pranishmit i përshëndeti edhe shkëlqesia e tij ambasadori i Republikës së Kosovës në Maqedoni Ylber Hysa, i cili duke uruar Fakultetin e Sigurisë në Shkup për jubileun e katërdhjetë, u shpreh i kënaqur për nënshkrimin e marrëveshjes së bashkëpunimit në mes të dy institucioneve. “Kjo marrëveshje shpreh gatishmërinë e institucioneve tona për integrimet evropiane si dhe bashkëpunimin në fushat e arsimimit të zbatueseve të ligjit”, u shpreh ambasadori Hysa.
Në këtë ceremoni të nënshkrimit të marrëveshjeve të bashkëpunimit fjalë përshëndetëse mbajtën edhe zëvendës rektorja e Universitetit “St. Kliment Ohridski” Manastir të Shkupit  Svetlana Nikolovska dhe ndihmës ministri për trajnim të Policisë së Maqedonisë Goce Bačanov.

 

Vushtrri, 25 nëntor 2017 - Në mbështetje të Organizatës  për Siguri dhe Bashkëpunim në Evropë (OSBE), një delegacion i Akademisë së Kosovës për Siguri Publike (AKSP) i udhëhequr nga Drejtori i Përgjithshëm Ismail Smakiqi dhe nga Policia e  Kosovës i udhëhequr nga Drejtoresha e Departamentit të Burimeve Njerëzore kolonele Taibe Canolli,  vizituan  Akademinë Policore të Suedisë dhe atë të Norvegjisë.

Delegacioni ishte i përbërë nga udhëheqësi për Marrëdhënie më Jashtë në Akademi Avni Istrefi, kolonel Milorad Corac, kapiteni Muhamet Berisha dhe përfaqësuesit e OSBE-së Shpresa Muharremi këshilltare në Akademi dhe këshilltarët Shpresa Mulliqi dhe John Gustavson.

Gjatë vizitës në Stokholm, delegacioni i Kosovës u prit nga komisionari i Policisë Kombëtare i Autoritetit të Policisë Suedeze Dan Eliasson. Drejtori Smakiqi e falënderoi komisionarin Eliasson për pritjen dhe mundësin e dhënë për bashkëpunim me Akademinë Policore të Suedisë. Po ashtu edhe kolonele Canolli duke i përcjell përshëndetjet e Drejtorit të Përgjithshëm të Policisë së Kosovës  Shpend Maxhuni, e njoftoi Eliasson rreth zhvillimeve aktuale në Polici. 

Gjatë këtij takimi u bë një prezantim rreth sistemit, funksionimit, rekrutimit, operativës dhe burimeve njerëzore të policisë së Suedisë. Delegacioni në kuadër të vizitës zyrtare ne Akademinë Policore në Stokholm u njoftuan me  për së afërmi me sistemin e arsimit të policisë në Suedi. 

Më këtë rast delegacioni në fjalë vizituan kampusin dhe hapsirat tjera trajnuese  në Akademisë Policore Suedeze.  

Delegacioni vizitoi edhe Kolegjin Universitar të Policisë Norvegjeze, në Oslo ku u prit nga zëvendësdrejtori Tor Tanke Holm dhe ekipi i tij. Delegacionit iu  prezantua sistemi në tërësi i Kolegjit Universitar të Policisë Norvegjeze duke përfshirë programet studimore bachelor,  master, hulumtimet dhe arsimimi i mëtutjeshëm i Policisë së Norvegjisë. 

Në kuadër të agjendës, dhe me interesim të zyrtarëve Kolegjit Universitar të Policisë Norvegjeze,  Drejtori i Përgjithshëm Ismail Smakiqi dhe Udhëheqësi i Divizionit për Marrëdhënie me Jashtë Avni Istrefi, bënë një prezantim për Akademinë, sistemin arsimor që zhvillohet në Akademi për të gjithë zbatuesit e ligjit  në nivel profesional dhe arsim të lartë, mbi institutin për hulumtim në kuadër të Akademisë dhe politikat zhvillimore.  

Gjatë kësaj vizite e cila u mundësua nga OSBE, gjegjësisht udhëheqësi i këtij misioni në Kosovë Ambasadori Jan Braathu si dhe  Ake Roghe Drejtori i Departamentit të Sigurisë Publike pran OSBE-së u arritë pajtueshmëri për mundësinë e bashkëpunimit  të mëtutjeshme në të gjitha fushat që janë me interes të përbashkët. 

Kolegji Universitar i Policisë së Norvegjsë në Oslo, i ofroi mundësi Akademisë së Kosovës për Siguri Publike, shfrytëzimin e bibliotekës elektronike si dhe trajnimin e zyrtarëve policor (instruktorëve) në fusha të specializuara. Një mundësi e veçantë Akademisë iu ofrua nga profesor Paul Larsson i Departamentit të Kërkimeve, në fushën e Hulumtimeve dhe Master në Shkencat Policore në KUPN (NPUC).

Vushtrri, 21 nëntor 2017 - Akademinë e Kosovës për Siguri Publike sot e vizitoi Kongresmeni amerikan Eliot Engel, i cili u prit nga Drejtori i Departamentit për  Planifikim Strategjik dhe Çështje Ligjore Shpend Shabani, Drejtori Departamentit për Trajnime dhe Përkrahje Arsimore Kastriot Jashari, Drejtori i Departamentit të Financave dhe Shërbimeve të Përgjithshme Rrahim Rexha, n/kolonel Driton Zabërgja si dhe menaxhmenti i lartë i Akademisë.

Drejtori Shabani fillimisht përshëndeti Kongresmenin amerikan Eliot Engel në emër të Drejtorit të Përgjithshëm Ismail Smakiqi, i cili gjendet jashtë vendit, në emër të dhe gjithë stafit të Akademisë. 

“Ne si Akademi jemi të privilegjuar që sot në mesin tonë ta kemi mikun tonë të madh të Kosovës, që me kontributin dhe mbështetjen e vazhdueshme ndikuat në lirinë dhe pavarësinë e vendit tonë”, u shpreh Shabani.

Ai tha se është kënaqësi qe sot para juve ta prezantojmë një institucion të rëndësishëm për sigurinë publike, siç është Akademia, e cila është përgjegjëse për ofrimin e trajnimeve dhe arsimit për zyrtarët e Agjencive të Sigurisë Publike në Republikën e Kosovës.

Për të arritur nivelin në të cilin gjendet Akademia sot ka kaluar nëpër disa etapa të ndërtimit dhe zhvillimit institucional, u shpreh drejtori Shabani, duke shtuar se zhvillimi i Akademisë është një sukses shumë i rëndësishëm i ndërtimit të institucioneve të sigurisë në Kosovë dhe ky zhvillim është arritur falë përkrahjes së vazhdueshme të SHBA-së nëpërmes Ambasadës së saj, ICITAP, INL dhe mekanizmave tjerë të pranishëm në Kosovë.

Në fund Drejtori Shabani kërkoi që ky kontribut të vazhdohet edhe më tutje, sepse Akademia ka nevojë për mbështetjen e Ambasadës së SHBA-së, ICITAP-it, INL dhe mekanizmave tjerë të pranishëm në Kosovë.

Ndërsa Drejtori i Trajnimeve dhe Përkrahjes Arsimore Kastriot Jashari, duke i përshëndetur të pranishmit, i informoi ata me kontributin dhe donacionet amerikane në Akademinë e Kosovës për Siguri Publike. 

“I nderuar Kongresmen Eliot Engel, më lejoni të ju falënderoj për kontributin e SHBA-së, Ambasadës Amerikane në Kosovë, ICITAP dhe INL në kuadër të fushës së sigurisë publike, qofshin ato trajnime, donacione apo udhëzime, gjithnjë si njëra ndër themelueset e AKSP-së, ka treguar një afinitet dhe një ndihmesë, pa të cilën lirisht mund të thuhet se nuk do të ishte e mundur të arrihen rezultatet që gëzojmë sot”,  tha Jashari.

Në fund të takimit, delegacioni nga instruktorët u informuan lidhur me pjesën praktike ku pjesëtarët e sigurisë publike zhvillojnë trajnimet. U demonstruan edhe skenarët nga sistemi FATS, donacion nga Shtetet e Bashkuara të Amerikës.

Vushtrri, 09 nëntor 2017 - Në Akademinë e  Kosovës për Siguri Publike (AKSP) sot u mbajt  “Ngjarja e vizibilitetit (dukshmëria) të kurrikulave të trajnimeve për  arsimin profesional”, ku u vlerësua përfundimi i komponentës së parë, që ka të bëjë më “Kontributin për strukturë të qëndrueshme të trajnimit profesional për të gjitha agjencitë e sigurisë publike në Kosovë”.

Të pranishëm ishin ministri i Ministrisë së Punëve të Brendshme z.Flamur Sefaj, Drejtori i Akademisë së Kosovës për Siguri Publike z.Ismail Smakiqi, zëvendësshefi i Seksionit të Bashkëpunimit të Zyrës së Bashkimit Evropian në Kosovë z.Libor Chlad, Drejtori i Departamentit për Rend dhe Siguri në OSBE z.Akhe Roghe, Këshilltarja e Lartë e Menaxhimit Ekzekutiv të MPB-së nga ICITAP znj.Drita Perezic, kryesuesi i Bordit të Akademisë z.Bajram Bujupi, Dekani i Fakultetit të Sigurisë Publike z.Bejtush Gashi, udhëheqës të lartë të Akademisë dhe  Agjencive të Sigurisë Publike si dhe udhëheqës dhe anëtar të grupeve punuese të komponentës së parë të projektit.

Drejtori i Përgjithshëm i Akademisë së Kosovës për Siguri Publike Ismail Smakiqi, duke përshëndetur të pranishmit vlerësoj se Projekti i  Binjakëzimit është duke u zhvilluar në dinamikën e paraparë  me kontratë.
Gjatë konferencës ku është diskutuar rreth përfundimit të komponentës së parë Smakiqi tha se të arriturat janë rezultat i punës së përbashkët të grupeve punuese të Agjencive të Sigurisë Publike, Akademisë dhe ekspertëve nga Finlanda dhe Estonia.

“Jam i lumtur të iu njoftoi se Akademia e Kosovës për Siguri Publike ka aplikuar në Autoritetin Kombëtar të Kualifikimeve me qëllim të akreditimit të institucionit si dhe validimin e programeve profesionale (vokacionale) të Agjencive të Sigurisë Publike, bazuar në kriteret e autoritetit. (gjithnjë të bazuara në Kornizën Kombëtare të Kualifikimeve gjegjësisht Kornizën Evropianë të Kualifikimeve). Më datën 03 Nëntor 2017, Këshilli Drejtues i Autoritetit Kombëtar të Kualifikimeve ka aprovuar kërkesën e Akademisë dhe në ditët dhe muajt në vijim presim procesit të Akreditimit të Akademisë për zhvillimin e Programeve Profesionale”, tha Smakiqi.

Duke falënderuar zyrën e Bashkimit Evropian në Kosovë e cila përmes projektit të binjakëzimit po mbështet Akademinë, Smakiqi tha projekti ka  kaluar 21 muaj nga 3 vite sa do të zgjatë projekti, i cili e ka koston 1.4 milion euro dhe do të angazhojë 42 ekspertë të lëmive të sigurisë publike nga Finlanda dhe Estonia.  Smakiqi tha  qëllimi i projektit është mbështetja e arsimit në niveli profesional dhe atij të lartë duke përfshirë edhe hulumtimin në fushën e sigurisë publike në Kosovë, që i përmbush në tërësi standardet e BE-së dhe ato ndërkombëtare.
“Pas përfundimit të projektit Akademia do të ketë programet profesionale (vokacionale) të akredituara nga Autoriteti Kombëtar i Kualifikimeve; programin studimor të qëndrueshëm dhe të ri-akredituar nga Agjencia e Kosovës për Akreditim; si dhe Institutin e themeluar të Hulumtimit dhe Zhvillimit në Akademi dhe botime nga fushat e sigurisë”, tha Smakiqi.

Drejtori i Përgjithshëm i Akademisë Ismail Smakiqi duke u shprehur i lumtur për të arriturat falënderoi ICITAP-in dhe OSBE-në  për përkrahjen e vazhdueshme që po ia bëjnë Akademisë.



Ministri i Punëve të Brendshme Flamur Sefaj tha se Akademia e Kosovës për Siguri Publike ka bërë një përvojë të mirë në implementimin e projekteve të binjakëzimit ku përmes së cilave ka arritur të themeloj arsimin e lartë dhe të akreditohet nga Agjencia e Kosovës për Akreditim.

“Akademia përmes projektit aktual me sukses po e  përmbush një nga qëllimet e këtij projekti, fillimisht ri-akreditimin e programit studimor bachellor dhe tani përfundimin e suksesshëm të programeve profesionale dhe dorëzimin e tyre për validim në Autoritetin Kombëtare të Kualifikimeve për gjashtë Agjencitë e Sigurisë Publike”, tha ministri Sefaj duke u shprehur i bindur se deri në janar të vitit 2019 Akademia do të përfundoi edhe objektivat tjera siç; janë inicimi i programit studimor master si dhe funksionalizimin e Instituti për Hulumtim në kuadër të Fakultetit të Sigurisë Publike.

Ministri Sefaj falënderoi zyrën e Bashkimit Evropian, ICITAP-in, institucionet e Sigurisë Publike, OSBE –në, ku siç tha ai pa kontributin e të cilëve nuk do të ishin në këtë nivel zhvillimi as Akademia e as institucionet tjera të zbatimit të ligjit.

Në fund ministri Sefaj përgëzoj të gjithë për suksesin e arritur dhe ofroj përkrahje edhe me tutje në realizimin e objektivave.

Zëvendësshefi i Seksionit të Bashkëpunimit të Zyrës së Bashkimit Evropian në Kosovë Libor Chlad,  tha se Akademia e Kosovës për Siguri Publike ka shfrytëzuar donacionin e Bashkimit Evropian në mënyrën më të mirë të mundshëm.  Akademia është duke e realizuar projektin e binjakëzimit me sukses duke falënderuar të gjithë akterët që janë të përfshirë në të.

“Kjo nuk do të ishte e mundshme pa përkushtim dhe bashkëpunim e mirëfilltë jo vetëm në nivel institucional por edhe në nivel personal”, u shpreh Brusa duke thënë se është shumë më rëndësi bashkëpunimi rajonal dhe global duke pas parasysh fakti se jetojmë në një botë jo edhe aq të sigurt për të cilën besoj që pajtohen edhe ju.

Krista Haak udhëheqëse e projektit të binjakzimit I cili ka për qëllim zhvillimine mëtejm të arsimit të sigurisë publike në Kosovëv u shpreh e lumtur që componente parë ka përfunduar me sukses.

“Komponenti I parë ishte i fokusuar në zhvillimin e trajnimeve profesionalenë Akademinë e Kosovës. Haak. Siç është përmendur tashmë nga drejtori ipërgjithshëm të gjitha  kurrikulat e rejatë arsimit profesional janë dorëzuar për miratim tek Autoritetit Kombëtar tëKualifikimeve, janë plotësuar dhe dorëzuar aplikimet për akreditim institucional,që në fund i jep AKSP-së të drejtën ligjore për të ofruar, vlerësuar dhe për tëdhënë certifikata për të gjitha kualifikimet profesionale në fushën e sigurisëpublike”, u shpreh Haak duke thënë se Akademia është shumë afër arritjes sëstandardit të përgjithshëm të Projektit siç përmendet në Kontakt - Cilësia ekurrikulave të arsimit profesional dhe të lartë të sigurisë publike në Kosovëështë rritur.

Haak tha se e gjithë kjo është arritur si rezultat i njëpune të përbashkët të të gjithë akterëve.

Duke përshëndetur të gjithë akterët  e përfshirë në këtë projekt  kryesuesi i Bordit të Akademisë Bajram Bujupi theksoi se është përfunduar një fazë e rëndësishme e projektit të binjakëzimit.

“Përfunduam  një proces të jashtëzakonshëm të aplikimit për akreditimi në Autoritetin  Kombëtar të Akreditimit i cili në të gjitha fazat kërkon punë dhe profesionalizëm”, tha Bujupi duke  falënderuar ministrin  e Punëve të Brendshëm  Flamur Sefaj për përkrahjen si dhe zyrën e Bashkimit Evropian për ndihem e vazhdueshme që po japin përmes projekteve të ndryshme në Kosovë.

Ndërsa  drejtori i Departamentit për Rend dhe Siguri Publike në OSBE  Akhe Roghe tha se Akademia dita ditës është duke shënuar progres në realizimin projekteve të saj.
“Kemi pas një storie suksesi me Akademinë e Kosovës për Siguri Publike sepse sot kemi një institucion edukativo arsimor me standarde evropiane dhe të gjitha shpenzimet kanë shkuar në vendin e duhur, këtë e them duke u bazuar në raportin e Auditorit”, tha Roghe.

Duke ofruar mbështetje Roghe tha se ndihet krenar  që bashkëpunon me Akademinë.

Përfaqësuesja e ICITAP-it Drita Perezic tha se  ndihet e privilegjuar që bashkëpunon   me Akademinë dhe këtë bashkëpunim do ta vazhdojmë edhe më tej.

Projekti i Binjakëzimit me këtë rast shpërndau certifikata Falënderimi për Anëtarët e grupeve punuese të ASP-ve dhe AKSP-së për kontribut në zhvillimin e kurrikulave për trajnimet profesionale për Agjencitë e Sigurisë Publike në projektin e binjakëzimit dhe kontribut në aktivitetet në procesin e akreditimit institucional të AKSP-së në projektin e binjakëzimit




 






 

Vushtrri, 20 tetor 2017 -  Në Akademinë e Kosovës për Siguri Publike (AKSP), sot  përfundoi  trajnimi “Kursi i nivelit të lartë të menaxhimit”  të cilin e përfunduan me sukses tridhjetë e dy zyrtarë të Policisë së Kosovës të cilët nga sot do ta marrin gradën e majorit.

Në ceremoninë e çertifikimit morën pjesë, Drejtori i Përgjithshëm i Akademisë së Kosovës për Siguri Publike Ismail Smakiqi, Driton Zabergja nënkolonel në Policinë e Kosovës dhe kapiteni Shaban  Paqarada.  Kursi i cili është mbajtur tri javë rresht në Akademinë e Kosovës për Siguri Publike, nga të pranishmit, e po ashtu edhe nga pjesëmarrësit  u vlerësua si shumë i rëndësishëm.

Drejtori i Përgjithshëm i Akademisë Ismail Smakiqi, fillimisht i përshëndeti të pranishmit dhe iu uroi suksese në punën e tyre zyrtarëve policorë të cilët ishin pjesëmarrës në këtë kurs. 

Smakiqi tha se Akademia do të vazhdoi të përkrah të gjitha trajnimet të cilat kanë një rëndësi tepër të madhe për sigurinë e qytetarëve.

“Akademia do të jetë e hapur për të gjithë zyrtarët e sigurisë publike duke iu ofruar trajnime dhe arsim të lartë”, tha Smakiqi duke i inkurajuar zyrtarët policor për punën dhe përkushtimin që janë duke treguar në punën e tyre.

Të pranishmit i përshëndeti edhe Driton Zabërgja nënkolonel në Policinë e Kosovës. Zabërgja të sapo graduarve me gradën e majorit iu uroj suksese në punën e tyre.

“Uroi që të jeni shembull i mirë për kolegët dhe për të gjithë qytetarët e vendit”, tha Zabërgja.

Në fund u ndanë certifikata për vijuesit e trajnimit.
 

Vushtrri, 04 tetor 2017 - Sot Akademinë e Kosovës për Siguri Publike e vizitoi një delegacion  i KFOR-it italian i udhëhequr nga komandanti i Rexhimentit të Njësisë së Specializuar Shumëkombëshe (MSU),  Kolonel Marco Di Stefano.

Delegacioni u prit nga Drejtori i Departamentit  për Trajnime dhe Përkrahje Arsimore Kastriot Jashari, Drejtori i Departamentit të Financave dhe Administratës së Përgjithshme Rrahim Rexha , Menaxheri i Personelit Jeton Koca si dhe zyrtar  të lartë nga AKSP.

Fillimisht Drejtori Jashari i përshëndeti të pranishmit e më pas i informoi me punën, misioni dhe vizionin e Akademisë. 

Gjatë këtij takimi  ai foli edhe për trajnimet të cilat zhvillohen në Akademi nga agjencionet e sigurisë, për projektin e binjakëzimit të Komisionit Evropian i cili ka bërë të mundur edhe hapjen e studimeve bachelor në AKSP, e më theks të veçantë  Drejtori Jashari foli për bashkëpunimin ndërkombëtar që ka Akademia me vende të ndryshme evropiane dhe me gjerë.

 Drejtori Jashari falënderoi KFOR-in italian për kontributin e dhënë në misionin e tyre paqeruajtës në Kosovë e në veçanti për Akademinë, gjithashtu ai përmendi edhe ndihmën e ushtarëve Italian që kanë dhënë për personat me aftësi të kufizuara gjatë ditëve sa mbahet miniolimpiada në Akademi.

Ndërsa delegacioni nga KFOR-i italian u ndan të kënaqur me vizitën në Akademi , ku interesimi i tyre ishte lidhur me trajnimet, gradat e Policisë së Kosovës si dhe instruktorët të cilët ligjërojnë në Akademi. 

Në fund delegacioni  të shoqëruar nga menaxhmenti i  lartë i Akademisë vizituan edhe objektet përcjellëse, ku nga instruktorët u informuan lidhur me punën praktike që zhvillojnë pjesëtarët e sigurisë publike.

Vushtrri, 20 shtator 2017  – Në Akademia e Kosovës për Siguri Publike, u hap konkursi për afatin e dytë për pranimin e studentëve në vitin e parë të studimeve bachelor, në Fakultetin e Sigurisë Publike për vitin akademikë 2017/2018.

Të drejtë aplikimi  në këtë afat  kanë zyrtarët e  Doganës së Kosovës dhe  Agjencionit për Menaxhimin  Emergjent.

Për më shumë informata  kliko me poshtë:

Njoftimi

Konkursi

Aplikacioni

Manuali