Të drejtat dhe detyrimet
Studentët që janë të pranuar në Fakultet kanë këto të drejta:
Të marrin pjesë në të gjitha ligjëratat, seminaret dhe në mësimet e organizuara në lëndët e programit të zgjedhur të studimit sipas mbarëvajtjes së studimeve;
Të shfrytëzojnë shërbimet e Akademisë.
Të marrin pjesë në zgjedhjet për përfaqësuesit e studentëve në organet e Fakultetit;
Të marrin pjesë rregullisht në mbledhjet e organeve dhe komisioneve ku janë të caktuar si anëtarë. Në rast të konfliktit të interesit në lidhje me përmbajtjen, anëtarët e deleguar të studentëve nuk marrin pjesë në takime të organeve të Fakultetit;
Të drejtën për të paraqitur ide të reja dhe opinione të debatueshme pa rrezikuar humbjen e vendit të studentit ose privilegjet që mund të gëzojnë nga Fakulteti;
Të ankohen lidhur me cilësinë e procesit të mësimdhënies ose për infrastrukturën e Fakultetit;
Të kundërshtojnë një vendim apo një veprim të Fakultetit ndaj tyre në komision të ankesave.
Studentët kanë këto detyrime:
Të respektojnë legjislacionin në fuqi, të drejtat e njeriut dhe rregulloret e Akademisë;
Të respektojnë të drejtat e personelit dhe të studentëve të tjerë;
T’u kushtojnë vëmendje të duhur studimeve të tyre dhe të marrin pjesë në aktivitetet akademike;
Të vijojnë ligjëratat dhe ushtrimet në pajtim me rregullat e programit specifik të studimeve;
Të sillen mirë si në lokalet e Universitetit, ashtu edhe jashtë tyre për të respektuar dhe ruajtur integritetin akademik të Universitetit;
Të respektojnë rregullat e Kodit të etikës.
