Kampusi i Akademisë së Kosovës për Siguri Publike në Vushtrri ofron një mjedis modern dhe të sigurt për studentët e Fakultetit të Sigurisë Publike. Jeta në kampus është e organizuar në mënyrë që të mbështesë jo vetëm procesin akademik, por edhe zhvillimin personal dhe social të studentëve.

Studentët kanë në dispozicion:

• Konviktet e ndara sipas standardeve për akomodim të sigurt dhe komod;

• Mensen me shujta ditore pa pagesë;

• Bibliotekën e pasur me literaturë profesionale dhe sallën e leximit;

• Sallat sportive dhe palestrën, që ofrojnë hapësirë për aktivitete fizike dhe rekreacion;

• Ambulancën dhe shërbimet mjekësore për kujdes shëndetësor të menjëhershëm;

• Poligonet dhe sallat e simulimit.

Jeta në kampus karakterizohet nga disiplinë, respekt dhe bashkëpunim, duke i ofruar studentëve mundësinë të zhvillojnë aftësi akademike, sociale dhe fizike në një ambient të unifikuar.

Kampusi i AKSP-së është më shumë se një vend studimi, është një komunitet i gjallë dhe dinamik, ku ndërtohen përvoja, miqësi dhe përgatitet gjenerata e ardhshme e profesionistëve të sigurisë publike.