Lajmet

Vushtrri, 24 mars 2017 -  Akademia e  Kosovës për Siguri Publike (AKSP) dhe Agjencia e Bashkimit Evropian për Trajnime dhe Zbatim të Ligjit  (CEPOL),  sot nënshkruan marrëveshjen e bashkëpunimit, qëllimi i secilës  është definimi i marrëdhënieve ndërmjet AKSP-së dhe CEPOL-it, duke specifikuar natyrën, shtrirjen dhe mënyrën në të cilën Akademia mund të merr pjesë në punën e  kësaj  agjencie dhe  aranzhimeve të nevojshme për të ndihmuar bashkëpunimin reciprok.

Nënshkrimi i  marrëveshjes u bë në mes të Drejtorit Ekzekutiv të CEPOL-it z.Ferenc Bánfi dhe Ministrit të Punëve të Brendshme z.Skender Hyseni, ku i pranishëm ishte edhe Drejtori i Përgjithshëm i Akademisë së Kosovës për Siguri Publike z.Ismail Smakiqi.

Drejtori i Akademisë së Kosovës për Siguri Publike, z.Ismail Smakiqi tha se nënshkrimi i marrëveshjes së punës më CEPOL-in është shumë i rëndësishëm për Akademinë dhe zbatuesit e ligjit.
“Gjatë viteve të  fundit Akademia ka vazhduar të komunikoj më CEPOL-in më qëllim që të krijoi marrëveshje pune dhe jemi me fat që këtë marrëveshje bashkëpunimi po e nënshkruajmë sot”, u shpreh Smakiqi.

Smakiqi tha se dobitë e kësaj marrëveshje janë; trajnimet, kurset, seminaret, programet e këmbimeve, korrikulat e përbashkëta, hulumtimet shkencore, platforma  E-learning si dhe  platforma tjera të cilat siç tha ai janë të domosdoshme  për Akademinë.

“Trajnimet që ofrohen nga CEPOL-i, si; komunikim në bashkësi, bashkëpunimi kryesor në kuadër të terrorizmit dhe ekstremizmit,  bashkëpunimi policor, krimi ekonomik financiar dhe mjedisor,  sistemi organizativ i strukturave të policisë brenda Bashkimit Evropian, migrimi ilegal, menaxhimi i lidershipit strategjik të gjitha këto janë tema të rëndësishme të cilat mbahen nga CEPOL-i dhe që do të jetë përfituese edhe Akademia”, tha Smakiqi duke falënderuar Drejtorin Ekzekutiv të CEPOL-it  z.Ferenc Bánfi për përkrahjen e vazhdueshme që të arrihet nënshkrimi i kësaj marrëveshje.

“Akademia është anëtare e shumë rrjeteve të kolegjeve të ndryshme policore, megjithatë nënshkrimi i marrëveshjes së punës me CEPOL-in  për Akademinë është e një rëndësi të veçantë”, u shpreh drejtori Smakiqi.

Ministri i Punëve të Brendshme, z. Skender Hyseni falënderoi drejtorin Smakiqi për organizimin e kësaj ceremonie, duke vlerësuar se nënshkrimi i marrëveshjes së bashkëpunimit me CEPOL-in është shumë i rëndësishëm për Akademinë dhe MPB-në përgjithësi.

\"Kënaqësia bëhet edhe më e madhe ku sot nënshkruhet marrëveshja e bashkëpunimit me këtë agjenci të Bashkimit Evropian që është marrëveshja e tretë që Ministria e Punëve të Brendshme përkatësisht agjencitë përkatëse të ministrisë nënshkruajnë me Bashkimin Evropian\", tha ministri Hyseni.

Ministri Hyseni tha Marrëveshja e Punës me CEPOL-in është e një rëndësie të veçantë në rrafshin e përsosjes së mëtejme të mësimdhënies edhe për Akademinë.

\"Ju përgëzoj të gjithëve që keni punuar për arritjen e kësaj marrëveshje. Falënderoj shumë drejtorin ekzekutiv të CEPOL-it, z. Ferenc Banfi për përkushtimin që kjo marrëveshje të arrihet. Kosova ka bërë shumë në integrimin e policisë dhe institucioneve të saj të sigurisë në arkitekturën e sigurisë, qoftë rajonale qoftë evropiane dhe se është optimist në anëtarësimin e Kosovës në INTERPOL\", theksoi ministri Hyseni.

Ndërsa, Drejtorit Ekzekutiv i CEPOL-it z.Ferenc Bánfi  ka përmendur se CEPOL   në  vitin e kaluar ka kryer trajnime për 80 mijë zyrtarë policorë, nga më shumë se 45 vende të ndryshme të botës, ku nga sot  është pjesë  edhe Kosova.

“Jeni të mirëseardhur në familjen tonë dhe ju shprehi falënderimet me të sinqerta me organizimin e kësaj ceremonie dhe mikpritjen e ngrohtë që është impresionuese”, tha Bamfi.

Bashkëpunimi mes Akademisë dhe CEPOL-it do të bëhet duke përfshirë pjesëmarrjen e zyrtarëve të zbatimit të ligjit të Kosovës në sesionet trajnuese të CEPOL-it, dhe të zyrtarëve të zbatimit të ligjit të BE-së që operojnë në fushën e çështjeve të drejtësisë dhe punëve të brendshme në sesionet trajnuese të organizuara nga Akademia thuhet në marrëveshje.

Marrëveshja përfshin definimin e aktiviteteve të mundshme përkrahëse të Akademisë në organizimin e kurseve trajnuese të CEPOL-it; të harmonizojë më tutje standardet e trajnimit të zbatimit të ligjit sa i përket bashkëpunimit ndër-kufitar; të ngritë  shkëmbimin e praktikave më të mira dhe japë AKSP-së qasje në seksionet publike të rrjetit elektronik të  CEPOL, të definuar si seksionet e qasshme për të gjithë përdoruesit e regjistruar të e-Net por me kufizime për përdoruesit e paregjistruar, nën kushtet e reciprocitetit dhe në masë të nevojshme për arritjen e objektivave për të cilat është arritur pajtueshmëri e përbashkët përmes marrëveshjes së tashme të punës.

Tutje në marrëveshjes përfshihet edhe  interesimi i përbashkët për të rritur efektivitetin e zbatimit të ligjit në luftën kundër krimit, veçanërisht krimit ndër-kufitar, në Evropë duke mbajtur trajnime të përbashkëta për zyrtarët e zbatimit të ligjit për të ngritur vetëdijen dhe për të rritur njohurinë e instrumenteve dhe mekanizmave të bashkëpunimit ndërkombëtar dhe evropian, si dhe të një game të gjerë të lenive të veçanta, si kundër-terrorizmi, trafikimi me narkotikë dhe krimi i organizuar, migrimi ilegal, dhe kontrolli kufitar ose trafikimi me qenie njerëzore.


CEPOL është Agjenci e Bashkimit Evropian për Trajnim të Zbatimit të Ligjit e cila ishte themeluar me vendimin e këshillit si një entitet i bashkimit me qëllim të trajnimit të zyrtarëve të lartë të policisë të shteteve anëtare dhe të lehtësimit të bashkëpunimit ndërmjet forcave policore kombëtare duke organizuar dhe koordinuar aktivitete trajnimi me dimension evropian të policimit.

Vushtrri, 17 mars 2017 – Në Akademinë e Kosovës për Siguri Publike (AKSP), sot u mbajt takimi i katër i Komitetit Drejtues i Projektit të Binjakëzimit, “Përkrahja  e mëtejme e arsimit në sigurinë publike në Kosovë”, ku gjatë prezantimit të raportit të pranishmit vlerësuan se është shënuar progres në realizimin e  këtij projekti. 

Të pranishëm në këtë takim përveç Drejtorit të Përgjithshëm të Akademisë, z.Ismail Smakiqi, morën pjesën edhe z.Rafael Nievergelt përfaqësues i Zyrës së Bashkimit Evropian në Kosovë,  drejtori i Departamentit për Rend dhe Siguri Publike në OSBE z.Ake Roghe, Udhëheqësja e Projektit të Binjakëzimit znj. Krista Haak, z.Laur Tabur ekspertë i projektit, znj.Ritva Vahakoski, znj.Shpresa Muharremi dhe znj.Shpresa Mulliqi nga OSBE-ja, z. Agron Rukiqi nga Policia e Kosovës, z.Adem Shala nga Shërbimi Sprovues i Kosovës, z.Xhavit Fetahaj nga Inspektorati Policor i Kosovës, znj.Tefta Bytyqi nga Shërbimi Korrektues i Kosovës. 

Drejtori i Përgjithshëm i Akademisë zSmakiqi përshëndeti të pranishmit në takim duke u shprehur i lumtur me punën e të gjithë akterëve të përfshirë në projektin e binjakëzimit, “Mbështetja e mëtutjeshme e arsimimit në sigurinë publike në Kosovë”, projekt i financuar nga Bashkimi Evropian.

 

Drejtori Smakiqi falënderoi edhe Drejtorin e  Departamentit për Siguri Publike në OSBE z.Ake Roghe për prezencën në këtë tryezë, duke thënë se të gjitha këto suksese që i ka arritur Akademia që nga themelimi  e deri më sot ka pasur përkrahjen e vazhdueshme nga partnerët ndërkombëtar.

Po ashtu z.Smakiqi foli edhe për takimin e Bordit të Akademisë të mbajtur gjatë kësaj jave duke vënë në pah edhe miratimin e korrikulave,  planprogrameve profesionale për gjashtë agjencionet e sigurisë publike.

“Në fazën të cilën po kalon Akademia po bëhet një punë e jashtëzakonshme, jemi  para proceseve  shume të rëndësishme  në interes të të gjitha agjencive të sigurisë. Kemi bërë një punë të madhe në hartimin dhe rishikimin e korrikulave në bashkëpunim me ekspertet e projektit të binjakëzimit, përfaqësuesit e agjencive të sigurisë, profesorët, etj”, tha Smakiqi. 

Ndërkaq përfaqësuesi nga Zyra e Bashkimit Evropian z.Rafael Nievergelt, duke u shprehur i kënaqur me punën e Akademisë vlerësoj se Projekti i Binjakëzimit është duke u realizuar me sukses. 

\"E di që çdo fazë e projektit i ka sfidat e veta, edhe pse nuk e keni ende programin master, ju veç e keni eksperiencën e  masterit me ballafaqimin me sfidat në këtë projekt”, u shpreh z.Nievergelt duke premtuar se Zyra e BE-së në Kosovë do të vazhdojë ta përkrah projektin e binjakëzimit edhe me tutje. 

“Jam shumë i lumtur se progresi për zhvillim dhe hulumtim po vazhdon, janë realizuar edhe vizita studimore  dhe kjo është  një bazë e fortë për Akademinë. Kjo është një gjë e rëndësishme për juve nëse doni të keni partnerë në të ardhmen  në fushën e hulumtimit në nivelin  ndërkombëtar dhe i ndihmon institucionit të vazhdojë me tutje”, tha z.Nievergelt duke u vlerësuar se procesi i ri-akreditimit është shumë i rëndësishëm. 

“Gjëja më e rëndësishme është se e kemi fazën e ri-akreditimit dhe besoj që do të shkoj gjithçka në rregull, jam pozitiv që do të vazhdojmë tutje, dhe jam i bindur që edhe akreditimi do të kaloj me suksese. BE- ja është këtu që ta përkrah Kosovën dhe Akademinë Kosovës për Siguri Publike”, u shpreh z.Nievergelt. Duke e përshëndetur drejtorin Smakiqi ai vlerësoi se Akademia po bënë një punë shumë të madhe dhe po bëhet çdo ditë e më shumë institucion i pavarur dhe ky është qëllimi që e kemi. 

Edhe drejtori i  Departamentit për Rend dhe Siguri Publike në OSBE z.Ake Roghe  vlerësoi se Akademia po bënë një punë të madhe dhe të rëndësishme për vendin siç janë trajnimet për pjesëtarët e sigurisë publike. 

“Ne presim shumë gjëra në mënyrë që mund  të përballemi më të gjitha sfidat nga pikëpamja e sigurisë dhe patjetër që në fund gjithçka varet nga trajnimi. Është lehtë që të themelohet një farë lloj Akademie, mirëpo jo gjithkush mund ta mbaj në nivel të mirë si dhe ti përballoj sfidat e reja që dalin për çdo ditë. E përshëndes drejtorin Smakiqi dhe ekipin e tij të cilët  janë duke e mbajtur Akademinë në këtë nivel të duhur. Unë jam vërtetë i impresionuar dhe kam nderin që OSBE-ja të punojë më Akademinë, me EU dhe Agjensionet e Sigurisë Publike”, u shpreh z.Roghe duke thënë se zhvillimi i korrikulave është një hap shumë i madh për Akademinë përpara një hap krucial. 

 

Nderasa znj.Krista Haak udhëheqëse e Projektit të Binjakëzimit tha se gjatë rrugëtimit si në çdo projekt edhe në këtë ka sfida, por vlerësoj se gjysma e misionit është përfunduar.  

“Janë  kompletuar korrikulat dhe mësimënxënja është arritur, raporti i vetëvlerësimit për ri-akreditimin për programin bachellor është finalizuar. Të gjithë së bashku 24 ekspertët që kanë ardhur për ta përkrahur AKSP-në nga fillimi i projektit kanë pruar një ekspertizë shumë të mirë këtu. Jam shumë e lumtur për punën e suksesshme, por jam shumë ma e lumtur për zyrtarët e AKSP-së dhe Akademinë si institucione që para 5 vite nëse krahasohet është ndryshim shumë i madh. Bazuar në opinionin tim Akademia nuk varet vetëm nga ndihma e jashtme, zyrtarët në  AKSP kanë shumë vetëbesim dhe janë shumë të gatshëm për ta bërë punën e tyre”, tha znj.Haak.

 

Ajo tha se suksesi i projektit qëndron në tri shtylla kryesore se pari siç tha znj.Haak ekspertët kanë qenë të përkushtuar, e dyta është motivimi dhe vizioni i qartë nga punonjësit e Akademisë dhe e treta është kontributi i agjencioneve. 

Kurse z.Avni Gashi ud/drejtor në  Autoriteti Kombëtar i Kualifikimit e përgëzoj Akademinë për punën e bërë deri me tani. “Autoriteti do të jetë i gatshëm për bashkëpunim për proceset të cilat i kemi përpara. Shpresoj se në bashkëpunim  me palët  e interesit brenda Akademisë do t’ia dilni ti zgjidhni problemet”, tha Gashi. 

 

Eksperti i Projektit të Binjakëzimit, Lauri Tabur u shpreh i kënaqur që Agjencit e Sigurisë Publike kanë kontribuar në hartimin e trajnimeve vokacionale, sepse zhvillimi i këtyre gjerave sipas tij nuk është përgjegjësi vetëm e drejtorit Smakiqi, por kjo është përgjegjësi e  përbashkët. 

 “Akademia është njëri ndër institucionet më të rëndësishme sa i përket trajnimeve sepse ofron trajnime për numrin më të madh të punonjësve të sigurisë publike, pasi që institucionet e sigurisë publike janë punëdhënësit më të mëdhenj në shërbim të sigurisë, ndërsa pas dy viteve AKSP do të jetë ofruesi më i madh i trajnimeve për numrin më të madh  punonjësve”, tha z.Tabur.

Gjatë këtij takimi të Komitetit Drejtues të Projektit znj.Ritva Vahakoski prezantoi raportin e përkohshëm të ̢çerekut të katër të binjakëzimit, raport i cili u vlerësua i suksesshëm nga të pranishmit. 

Ndërsa përfaqësuesit e Agjencive të Sigurisë Publike prezantuan qëndrimet rreth korrikulave dhe shprehen gatishmërinë për bashkëpunimit më Akademinë edhe në të ardhmen, duke vlerësuar lartë edhe aprovimin e këtyre korrikulave nga Bordi i Akademisë.  Ata vlerësuan lartë hartimin dhe rishikimin e korrikulave vokacionale të cilat janë bërë në bashkëpunim më të gjithë akterët e përfshirë në projekt. 

 

Vushtrri, 17 mars 2017- Sot në Akademinë e Kosovës për Siguri Publike u dorëzua Raporti i Fizibilitetit lidhur me themelimin e studimeve pas universitare në sigurinë publike dhe në sektorin e sigurisë.

 

Ky raport u dorëzua nga Ake Roghe Drejtor i Departamentit për Siguri në Organizatën për Siguri dhe Bashkëpunim Evropian, (OSBE) në Republikën e Kosovës.

 

 Drejtori Smakiqi tha se ky moment i dorëzimit të këtij raporti nga z,Roghe është mjaftë më rëndësi për Akademinë. “Ky material lidhur me  Raportin e  Fizibilitetit për  themelimin e studimeve pas universitare në sigurinë publike dhe në sektorin e sigurisë është punë e përbashkët edhe me agjencionet  e sigurisë dhe akterë tjerë. Unë besojë që ky raport ka përfshirë një program unikal në fushën e sigurisë publike në programin master dhe sot kjo po bëhet realitet që ne kemi para vetes një raport i cili do të jap mundësinë krijimit të këtijë programi”, tha Drejtori Smakiqi.

 

Ndërsa Ake Roghe Drejtor i Departamentit për Siguri u shpreh i kënaqur me dorëzimin e raportit në programin master duke shprehur qëndrimin e tij se OSBE-ja edhe më tutje do ta përkrah Akademinë në realizimin e këtij programi mjaft të rëndësishëm për Akademinë e në veçanti për institucionet e sigurisë publike.

 

 

 

Vushtrri, 17 mars 2017 -  Në Akademinë e Kosovës për Siguri Publike (AKSP), sot përfundoi trajnimi “Komandant Operacional”  për gratë në pozita të larta në Policinë e Kosovës.  Trajnimi i cili është mbështetur nga Organizata për Siguri dhe Bashkëpunim në Evropë (OSBE) në bashkëpunim me Policinë e Kosovës dhe Shoqatën e Grave Police ka për  qellim fuqizimin e gruas në pozita të larta operacionale në stacionet policore 

Në ceremoninë e çertifikimit të pranishëm ishin  drejtori i Departamentit për Rend dhe Siguri Publike në OSBE z.Ake Roghe, Drejtori i Përgjithshëm i Akademisë së Kosovës për Siguri Publike z.Ismail Smakiqi, kryetarja e Shoqatës së Grave të Policisë së Kosovës znj.Taibe Canolli, znj. Shpresa Muharremi dhe znj.Shpresa Mulliqi nga OSBE-ja si dhe përfaqësues nga Policia  e Kosovës. 

 

Të pranishmit në këtë ceremoni vlerësuan se fuqizimi i gruas police është i rëndësishëm për Kosovën. 

Drejtor i Departamentit për Rend dhe Siguri Publike në OSBE z.Ake Roghe, tha që është i lumtur që OSBE-ja po përkrah fuqizimin e grave police në Kosovë. Roghe tha se trajnimi në fjalë është faza e dytë, është vazhdim i trajnimit që është mbajtur në korrik të vitit të kaluar. 

“Ndërsa ne jemi në përgatitjen e fazës së tretë që gratë police të kenë mundësi t’i vizitojnë stacionet policore të vendeve të rajonit më qëllim që ti ngritin aftësitë e tyre profesionale dhe të familjarizohen me punën praktike të tyre”, tha z.Roghe. 

Kurse Drejtori i Përgjithshëm i Akademisë së Kosovës për Siguri Publike z.Ismail Smakiqi falënderoi OSBE-në për përkrahjen dhe mundësin e mbajtjes së këtij trajnimi për herë të parë në Akademi. 

“Ju më gradën e juaj si dhe aftësimin në këtë trajnim po tregoni që jeni menaxhere të suksesshme në punën e juaj në Policinë e Kosovës dhe kjo na bënë krenar të gjithëve”, tha Smakiqi.  

Ndërsa kryetarja e Shoqatës së Grave të Policisë së Kosovës znj.Taibe Canolli, u shpreh e lumtur qe është pjesë e Policisë se Kosovës, nderkaq kërkoi nga pjesëmarrset e këtij trajnim që aftësitë e fituar në këtë trajnim t'i praktikojnë në vendet e tyre të punës. Ajo iu uroj suksese në punë të gjitha femrave police.

 

Ligjëruese në këtë trajnim ishte znj. Jane Townsley nga “Force Internacional” – eksperte ndërkombëtare në segmentin e sigurisë.

Trajnimi ka zgjatur pesë ditë dhe pjesëmarrëse në këtë trajnim kanë qenë trembëdhjetë eprore të PK- së, nga të gjitha drejtoritë rajonale dhe grupet etnike, të përzgjedhura nga moduli i parë i trajnimit në fjalë i cili është mbajtur në muajin korrik të vitit të kaluar në DPP-Prishtinë.

 

Vushtrri, 13 mars 2017 -  Bordi i Akademisë së Kosovës për  Siguri  Publike (AKSP) mbajti sot  takimin e tij të radhës gjatë të cilit u diskutuan shumë çështje që kanë të bëjnë me objektivat e përbashkëta të Akademisë dhe Agjencive të Sigurisë Publike.

Në takimin e tetëmbëdhjete anëtarët e Bordit të AKSP-së  zgjodhën Kryesuesin e ri të Bordit z.Bajram Bujupin i cili është edhe  Drejtori i Përgjithshëm i  Shërbimit Sprovues.

“Faleminderit për besimin e dhënë. Deri më tani kemi bërë  një punë të jashtëzakonshme me gjithë kolegët dhe besoj që edhe në të ardhmen do të kontribuojmë se bashku  që të gjitha projektet që janë të rëndësishme për Akademinë  të na shkojnë ashtu si duhet”, u shpreh Bujupi.

Po ashtu Drejtori Përgjithshëm i  Doganave të Kosovë z. Bahri Berisha, i cili për herë të parë merr pjesë në Bordin e Akademisë shprehi falënderimin dhe gatishmërinë të kontribuoi në objektivat e përbashkëta të Bordit gjegjësisht Akademisë dhe Agjencive të Sigurisë Publike.

Pika më e rëndësishme e Bordit të AKSP-së sot ishte aprovimi i “Kurrikulave Profesionale (Vokacionale)” të gjashtë Agjencive të Sigurisë Publike. Pas prezantimit të përgjithshëm nga Drejtori i Përgjithshëm i Akademisë së Kosovës të Sigurisë Publike z. Ismail Smakiqi, Programet Profesionale u bënë nga Udhëheqësit e Grupeve Punuese e Agjencive veç e veç.

“Pas një pune më shumë se një vjeçare të përbashkët në Projektin e Binjakëzimit, në procesin e validimit të kurrikulave profesionale (vokacionale) për të gjitha Agjencitë e Sigurisë Publike, sot me aprovimin e kësaj pako po krijojmë kushtin për aplikim në Autoritetin Kombëtar të Kualifikimeve për validimin e kurrikulave profesionale (Vokacionale) të gjashtë Agjencive të Sigurisë Publike”, tha Drejtori Smakiqi.

Bordi njëzëri aprovoi kurrikulat profesionale (Vokacionale),  Listat e Instruktorëve  dhe Listat e pajisjeve të cilat janë të nevojshme për implementimin e kurrikulave profesionale për këto profesione: Polic i Ri, Inspektor i Inspektoratit Policor, Zjarrfikës, Zyrtar Korrektues, Zyrtar Sprovuesm dhe Zyrtar Doganor.

Po ashtu përveç tjerash në takim u shqyrtua  edhe plani vjetor i punës së Bordit të Akademisë për vitin 2017, kurse Drejtori i Përgjithshëm i Akademisë së Kosovës për Siguri Publike Ismail Smakiqi para bordit të Akademisë ka paraqitur Raportin Vjetor  për punën që është bërë në Akademi gjatë vitit 2016.

Gjatë shpalosjes të arritjeve të Akademisë Drejtori Smakiqi veçoi: Organizimi i gjithsej  110 trajnimeve me 2613 vijues gjegjësisht 34757 vijues sipas ditëve; Fillimi i projektit të ri të Binjakëzimit, “Përkrahja e mëtejshme e arsimit në siguri publike në Kosovë”, projekt ky i financuar nga BE-ja kuadër të IPA II, Programi vjetor për Kosovën; Rishikimi i kurikulës Bachelor dhe Aplikimi për Akreditimin Institucional dhe Ri-akreditimin e programit studimor; Pranimi i draft marrëveshjes së bashkëpunimit mes AKSP-së dhe CEPOL -it; Nënshkrimi i marrëveshjes së bashkëpunimit me Akademinë Policore të Malit të Zi; Pranimi i donacionve nga OSBE rreth 300 libra për bibliotekë; Realizimi i Mobilitetit – për staf akademik, student dhe zyrtar professional.

Raport është aprovua  nga anëtaret e Bordit, duke inkurajuar Akademinë në vazhdimin e punëve të përditshme dhe projekteve me partnerët ndërkombëtarë.

Në takimin e tetëmbëdhjetë të Bordit të AKSP-së kanë marr pjesë Udhëheqësit e Agjencive të Sigurisë Publike Shpend Maxhuni, Sokol Zogaj, Bajram Bujupi, Fadil Kodra, Bahri Berisha, Hilmi Mehmeti, udhëheqësit e grupeve punuese të ASP Tefta Bytyqi, Agron Rukiqi, Adem Shala, Bashkim Arifi, Nexhat Behrami, Bujar Mustafa, si dhe Bill Bochter  Udhëheqës i Programit të ICITAP-it në Kosovë, Drita Perezic  Këshilltare e Lartë në Menaxhmentin Ekzekutiv të MPB nga ICITAP-it, Shpresa Muharremi Kshilltare e Lartë e OSBE-së, Ritva Vahakoski  Këshilltare Rezidente e Projektit, Lauri Tabur Ekspert në Projektin e Binjakëzimit.

 

Vushtrri, 09 mars 2017 - Akademinë e Kosovës për Siguri Publike sot e vizitoi Krytari i Kuvendit të Republikës së Kosovës z. Kadri Veseli, i cili u prit nga Drejtori i Përgjithshëm i Akademisë Ismail Smakiqi, Dekani i Fakultetit të Sigurisë  Bejtush Gashi si dhe udhëheqësit e lartë të AKSP-së. Me këtë rast Kryeparlamentari Veseli pati një bashkëbisedim me studentët e Fakultetit të   Sigurisë Publike, pran kësaj Akademie.

 

Drejtori Smakiqi fillimisht përshëndeti Kryetarin e Kuvendit të Kosovës  z. Veseli për vizitën në Akademi, duke e informuar atë lidhur me hapjen e Fakultetit për zyrtarë të agjencive të sigurisë. Më pas Smakiqi foli edhe për misionin e Akademisë, trajnimin e zbatuesve të ligjit, duke treguar edhe për bashkëpunimin e shkëlqyeshëm me partneret kryesor OSBE dhe ICITAP që nga themelimi i AKSP-së e deri më sot.  “ Ne  jemi në rrugë të mirë që të ofrojmë kushte  dhe të përmbushim kërkesat e të gjithë zyrtarëve të agjencive të sigurisë publike që vijojnë  trajnimet dhe arsimimin e lartë’’, tha Smakiqi.

 

Ndërsa Kryetari i Kuvendit të Republikës së Kosovës Kadri Veseli, u shpreh i kënaqur me vizitën e tij në Akademi konkretisht  në mesin e atyre që janë gardian të mbrojtjes së ligjit, për të cilët ka nevojë më së shumti vendi jonë në rrugëtimin e saj euroatlantikë. “Ne jemi shumë të vendosur si shtet i pavarur dhe sovranë të përmbushim secilin standard që kërkohet nga ne e aq ma tepër standardin e respektimit të ligjit”,  tha Veseli.

 

Duke përshëndetur Drejtorin Smakiqi për punën dhe angazhimin në sukseset e Akademisë z.Veseli vlerësoi se suksesi i AKSP-së lidhët me partneritet ndërkombëtarë i cili është i veçantë pasi që këtu siç tha ai janë krijuar kuadro të cilët kanë të bëjnë me fushën e sigurisë. 

 

Gjatë debatit me studentët e Fakultetit e Sigurisë ku të njëjtin janë edhe zbatues të ligjit në agjencitë respektive,  kryeparlamentari  Veseli u interesua për punën, kushtet dhe sfidat që përballen çdo ditë në institucionet prej nga vijnë.

 

Studentët po ashtu shtruan pyetje nga aktualiteti politik në vendin tonë.

 

 

Vushtrri, 08 mars 2017 - Në ambientet e Akademisë së Kosovës për Siguri Publike sot u shënua dita ndërkombëtare e gruas 8- marsi, ngjarje e cila është përkrahur dhe organizuar nga Organizata për Siguri dhe Bashkëpunim Evropian (OSBE).

Të pranishëm në këtë ngjarje ishin Drejtori i Përgjithshëm i Akademisë Ismail Smakiqi, Drejtori i Departamentit për Siguri Publike në OSBE Akhe Roghe, Deputetja në Parlamentin e Republikës së Kosovës Ganimete Musliu, zv/drejtori i Përgjithshëm i Policisë së Kosovë Dejan Jankovic, këshilltarja në Ministrinë e Punëve të Brendshme Shqipe Mjekiqi, Shpresa Muharremi dhe Shpresa Mulliqi nga OSBE, zyrtare policore nga të gjitha rajonet e Policisë së Kosovës, mësimdhënëset e Fakultetit të Sigurisë si dhe zyrtare pranë AKSP.

Drejtori i Përgjithshëm i Akademisë Ismail Smakiqi fillimisht i përshëndeti të gjithë pjesëmarrësit në këtë ditë të rëndësishme, duke ju uruar  ditën e gruas  8- marsin.  Ai më pas shtoi se Akademia është shembulli më i mirë i tolerancës, respektimit të të drejtave të gruas, respektimit të të drejtave të pakicave, lirisë fetare etj. Në fund Smakiqi ju uroi një ditë të mirë, duke shtuar që secili  ta ndiej veten krenar me respektimin dhe lirinë e gruas duke i përkrahur dhe mbështetur në çdo fushë të jetës.

 Drejtori i Departamentit për Siguri Publike në OSBE Akhe Roghe përshëndeti të pranishmit duke ju uruar ditën e gruas. “Kjo është shumë e rëndësishme që sot po përkrahim gruan, dhe duhet të jemi të kujdesshëm qe të kemi një balancë gjinorë jo vetëm në pozitat menaxhuese por edhe në pozita tjera në institucione”, tha Roghe.

Ndërsa Deputetja nga Parlamenti i Republikës së Kosovës Ganimete Musliu tha se grat nuk duhet ta kenë vetëm një ditë festë por duhet të kenë çdo ditë, sepse janë gratë ato që vunë themelet e shtetit, janë gratë të cilat u përballen me sfidat më të mëdha sa herë që ishte nevoja. “Grat për mua janë heroina, dhe grat police janë shembulli më i mirë.  Sot në këtë ditë të veçantë si dhe në shumë ditë të tjera vazhdoni të na bëni krenar siç na keni bërë deri më sot”, përfundoi Musliu.

Këshilltarja në Ministrinë e Punëve të Brendshme Shqipe Mjekiqi tha se pozita e gruas në këtë ditë kur po shënohet është më e mirë se që ka qenë vite më parë. “Mbetët sfidë ndryshimi i percepcionit kulturor midis qytetarëve për rolin e rëndësishëm që ka gruaja në shoqëri dhe për kontributin që mundë ta luajë në përmirësimin e gjendjes ekonomike, politike e sociale në vend, si dhe herë pas here mungesa e vullnetit të vet grave për të marrë pjesë aktive në secilën prej këtyre sferave të jetës”, tha Mjekqi.

Dejan Janković, zv/drejtor i Përgjithshëm i Policisë së Kosovës tha se do të dëshiroj që të gjitha kolegeve dhe zonjave të ju tregoj që Policia e Kosovës ka përqindje të mirë të femrave, por kur flasim për barazinë, është vizion dhe ardhmëri e jona që të kemi 50%. “Të pranishëm kemi edhe përfaqësues nga vendet e Evropës Veriore, ku femrat në të gjitha institucionet kanë pozita udhëheqëse. Kemi përkrahje nga OSBE, ICITAP, shpresoj që me forca të përbashkëta barazia dhe përfaqësimi i femrave të ngritët në nivel edhe më të lartë”, tha Jankovic.

Në funde  u shpërndan dhurata për pjesëmarrëset për ditën e  gruas 8- Marsi. 

Vushtrri, 07 mars 2017 - Sot  Akademinë e Kosovës për Siguri Publike  e vizitoi Kordinatorja  e Zyrës Erasmus+  në Kosovë dr.Remzije Istrefi  ku njëherit mbajti edhe një prezantim para të pranishmëve.

 

Të pranishëm në këtë takim ishin Drejtori i Përgjithshëm i Akademisë Ismail Smakiqi, Dekani i Fakultetit të Sigurisë pranë AKSP-së  Bejtush  Gashi ,  Agron Rrukiqi nga Policia e Kosovë, mësimdhënësit  si dhe studentët  e FS.

 

Në këtë takim Drejtori i Përgjithshëm i Akademisë Ismail Smakiqi mbajti një fjalë rasti para të pranishmëve duke theksuar se për Fakultetin e Sigurisë Publike, dhe në përgjithësi për Akademinë e Kosovës për Siguri Publike, është kënaqësi e veçantë  të kemi zonjën Remzije Istrefi,  ku para  mësimdhënësve e studentëve të Fakultetit të Sigurisë Publike do të mbajë një ligjëratë.

 

Më teje Smakiqi shtoi se programi Erasmus+ i Bashkimit Evropian është themeluar për të përkrahur arsimin, trajnimin, rininë dhe sportin, financon programet, projektet dhe bursat, si dhe forcon bashkëpunimin ndërmjet vet Bashkimit Evropian, si dhe ndërmjet  vendeve të tjera të globit. 

 

“Akademia e Kosovës për Siguri Publike është anëtare vëzhguese e Asociacionit të Kolegjeve Policore Evropiane – AEPC, anëtare e plotë e Asociacionit Ndërkombëtar të Akademive Policore – INTERPA dhe unë marr pjesë në takimet e përvitshme si anëtar i Asociacionit Ndërkombëtar të Drejtorëve të Standardeve dhe Trajnimit të Zbatimit të Ligjit – IADLEST, me bazë në Shtetet e Bashkuara të Amerikës. Për më tepër, këtë muaj pritet që AKSP të nënshkruajë të ashtuquajturën Marrëveshje Pune me Agjencinë e BE-së për Trajnim në Zbatimin e Ligjit – CEPOL”, tha Smakqi.

 

Gjithashtu Smakiqi foli edhe për programin katërvjeçar Bachelor në Sigurinë Publike në AKSP të themeluar nga  vitit 2014. Duke shtuar që nga ajo kohë, zyrtarë të AKSP-së, kryesisht mësimdhënësit e Fakultetit të Sigurisë Publike dhe zyrtarët e Divizionit për Marrëdhënie me Jashtë, kanë marrë pjesë në gjithsej dhjetë ngjarje të Zyrës së Erasmus+ në Kosovë, duke filluar nga ditët informuese për vitet, 2014, 2015 e 2016, seminaret e ndryshëm të Ekspertëve të Reformës së Arsimit të Lartë në Kosovë  për temat si: ndërkombëtarizimi e mobliliteti, bashkëpunimi i vendeve të Ballkanit Perëndimor me vendet Nordike dhe Baltike, dimensioni profesional në arsimin e lartë, mësimi elektronik, cilësia në bashkëpunimet ndërkombëtare, si dhe tryeza diskutimi, siç ishte ajo për iniciativat institucionale për të nxitur mësimdhënien cilësore në arsimin e lartë. 

 

Smakiqi tha se gjatë këtyre viteve, duke ju falënderuar programit Erasmus+, AKSP ka arritur që të dërgojë dy mësimdhënës për qëndrim dyjavor dhe dy studentë për qëndrim pesëmujor në Akademinë e Estonisë të Shkencave të Sigurisë. Për më tepër, dy pjesëtarë të stafit administrativ që kanë të bëjnë me marrëdhënie ndërkombëtare kanë qëndruar në vjeshtë të vitit të kaluar për një javë në një vizitë studimore në shkollën kryesore të Shërbimitzjarrfikës në Varshavë të Polonisë. 

 

“Akademia e Kosovës për Siguri Publike gjithmonë do të jetë përkrahëse e të gjitha aktiviteteve dhe zhvillimeve të bashkëpunimit ndërkombëtar, e veçanërisht atyre të organizuara nga programi Erasmus+ i Bashkimit Evropian, qëllimi kryesor i të cilave është ngritja e cilësisë së arsimit dhe e përvojave ndërkombëtare të studentëve, stafit mësimdhënës e administrativ”, tha Smakiqi. 

 

Ndërsa Dekani i Fakultetit të Sigurisë Bejtush Gashi falënderoi  zonjën Istrefi për kohen e ndarë, ndihmën  dhe mundësin që edhe Fakultetit të sigurisë ju ka dhanë shanci të jetë  pjesë e këtij programi. Ai tha se përmes këtij projekti kemi pasur mundësinë të përfitojmë nga përvoja ndërkombëtare për arsimim dhe edukim.  “ Ne shpresojmë që kjo dinamikë dhe ky bashkëpunim të vazhdojë edhe më tutje, dhe shfrytëzojë rastin që në emër të kolegëve, profesorëve  dhe studentëve  të ju falënderoi  për mundësit dhe përkrahjen  qe ne të jemi pjesë e këtyre projekteve  të bashkëpunimit ndërkombëtar duke marr përvojat ma te mira të mundshme “,  përfundoi Gashi.

 

Nga ana e sajë Kordinatorjae Zyrës Erasmus+  në Kosovë dr.Remzije Istrefi  falënderoi Drejtorin Smakiqi për mundësin e prezantimi të programit Erasmus +. Ajo shtoi se programi Erasmus+ është program i Unionit Evropian për mbështetjen e arsimit të lartë në të gjitha vendet e Bashkimit Evropian, dhe me një fokus të veçantë në vendet e Ballkanit  perëndimor. Më pas ajo vazhdoi më gjerësisht të informojë të pranishmit lidhur me të gjitha aktivitetet e programeve Erasmus+. Në fund të prezantimi nga studentët dhe të pranishmit në ligjëratë pati pyetje dhe diskutime lidhur me programet të cilat ofrohen nga Erasmus+.

 

Gjithashtu gjatë kësaj ligjërate pati prezantime edhe nga Avni Istrefi,  Udhëheqës i Divizionit për Marrëdhënie me Jashtë në AKSP lidhur me  përvojat e stafit mësimdhënës të Fakultetit të Sigurisë Publike të AKSP, në mobilitetin ndërkombëtar të kredive të zhvilluar në Akademinë e Estonisë të Shkencave të Sigurisë (AEShS) në kuadër të Programit Erasmus+

 

Më pas prezantime mbajtën edhe mësimdhënësit  Ferid Azemi  dhe Besnik Fetahu, përvojat e studentëve të Fakultetit të Sigurisë Publike të AKSP në mobilitetin ndërkombëtar të kredive të zhvilluar në Akademinë e Estonisë të Shkencave të Sigurisë (AEShS) në kuadër të Programit Erasmus+

 

Në këtë ligjërat  pati prezantime edhe nga studentët  e Fakultetit të sigurisë Publike pranë Akademisë ShefikXhaqkaj dhe Malë Morina. 

 

Vushtrri, 22 shkurt 2017 - Në Akademinë e Kosovës për Siguri Publike, para studentëve të Fakultetit sot u mbajt ligjëratë për çështje të sigurisë  “NATO dhe e ardhmja e sigurisë Euro-Atlantike” nga profesor dhe ushtarak të Kolegjit të Mbrojtjes së NATO-s, në përbërje: Gjeneral Lejtnant Giorgio Battisti Komandanti i Komandës së Trajnimit dhe Doktrinës të Ushtrisë Italiane, Dr. Brooke A. Smith-Windsor zëvendës Udhëheqësi i Divizionit të Hulumtimit në Kolegjin e Mbrojtjes së NATO-s, Kolonel Giuseppe Morabito Ish-Drejtor i Fakultetit të Lindjes së Mesme të Kolegjit të Mbrojtjes së NATO-s dhe Dr. Arian Starova Presidenti i Këshillit Atlantik të Shqipërisë.
 

Mysafirët nga Kolegji i Mbrojtjes së NATO-s u priten nga zëvendësministri i Ministrisë të Punëve të Brendshme  Valdet Hoxha, Drejtori i Përgjithshëm i Akademisë Ismail Smakiqi, Dekani i Fakultetit të Sigurisë pranë AKSP-së Bejtush Gashi, Gjeneral brigade i FSK-së Gëzim Hazrolli, Sekretar i Përgjithshëm i Asociacionit të Euroatlantik të Kosovës Agron Jusufi  si dhe menagjmenti i lartë i Akademisë. Në ligjëratë morën pjesë partnerët e përhershëm të Akademisë, OSBE, ICITAP-i, Ekspertët e Projektit të Binjakëzimit, mësimdhënësit dhe studentët e Fakultetit të Sigurisë Publike.
 
Duke i falënderuar delegacionin për vizitën në Akademi drejtori Smakiqi tha se vet organizata NATO për të gjithë ne është e barabartë me kuptimin e fjalës liri.
 
Më pas Drejtori Smakiqi delegacionin e informoi me historikun e Akademisë, prioritetet, zhvillimet e fundit si dhe me bashkëpunimin ndërkombëtarë, duke vënë në pah ndihmën e vazhdueshme që kanë dhënë për vendin të gjithë mekanizmat ndërkombëtar e në mesin e tyre edhe NATO. 
 
Në fjalën e tije Smakiqi tha se Akademia është në funksion të trajnimit dhe arsimimit të lartë për të gjithë zbatuesit e ligjit në institucionet e sigurisë.
 
Smakiqi tha se përveç procesit të rregullt mësimor në Akademi zhvillohen edhe një seri ligjëratash nga institucione të sigurisë nga Evropa, duke shtuar se është privilegje që në mesin tonë sot kemi gjeneral, profesor të Kolegjit të Mbrojtjes së NATO-s.

Ndërsa zëvendësministri i Ministrisë së Punëve të Brendshme Valdet Hoxha duke shprehu falënderime në emër të Ministrit Skender Hyseni, tha,  “ ne jemi shume të lumtur që Akademia e Kosovës për Siguri Publike e cila cilësohet si njëra nga më të mirat në rajon është agjencion i Ministrisë së Punëve të Brendshme, por mbi të gjitha është pjesë e mekanizmave të suksesshëm të sigurisë të Republikës së Kosovës”.
 
Gjithashtu Hoxha shprehu qëndrimet dhe përkrahjen e Ministrisë së Punëve të Brendshme për Akademinë në iniciativa të tilla të cilat kontribuojnë vendit, ku në veçanti falënderoi Drejtorin Smakiqi për punën dhe angazhimin me gjithë stafin për ndërtimin e një institucioni siç është bërë sot AKSP-ja.
 

Ai gjithashtu inkurajoi studentët që ti shfrytëzojnë këto ligjërata dhe që ti përkthejnë në rezultate në pozitat të cilat i mbajnë në institucionet prej nga vijnë.
 

Dekani i Fakultetit të Sigurisë pranë Akademisë Bejtush Gashi tha se ndihet i kënaqur me prezencën e zyrtarëve të NATO-s dhe organizimin e kësaj ligjërate në këto ditë të rëndësishme për Kosovën dhe rajonin me qëllim që nga ekspertet ndërkombëtar të marrim vizione për perspektivën  e NATO-s dhe sigurisë euro-atlantike si dhe shanset e Kosovës dhe rajonit për integrime në këto struktura.

Ndërsa Arian Starova President i këshillit Atlantikë Shqipërisë, tha se ndihet i lumtur që sot gjendët në Akademi një institucion i sigurisë, një punë e mrekullueshme që po bëhet, duke i falënderuar Drejtorin Smakiqi, Dekanin Bejtush Gashin, zëvendësministrin Hoxha. Ai tha se ky bashkëpunim në këtë drejtim do të vazhdojë edhe në të ardhmen me AKSP-në.
 
Më pas Zyrtarët e lartë të NATO-s duke shprehu falënderimet për Akademinë mbajtën ligjërata para studentëve dhe të pranishmëve në sallë lidhur me NATO-n, misionin e saj, anëtarësimin si rreth zhvillimeve të fundit të këtij misioni, ku në fund pati pyetje dhe diskutime nga të pranishmit.
 

Vushtrri, 20 shkurt 2017 - Sot në Akademinë e Kosovës për Siguri Publike filloi trajnimi dhjete javor i Shkollës së Stafit dhe Komandës Policore, i cili po mbahet për të pestën herë. Në hapje të këtij trajnimi morën pjesë zëvendësministri i Ministrisë së Punëve të Brendshme, Valdet Hoxha, Menaxheri i Programit të ICITAP në Kosovë, William Bochter, zyrtarja e lart e programit të ICITAP-it  Drita Perezic, Drejtori i Përgjithshëm i Policisë së Kosovës, Shpend Maxhuni, Drejtori i Përgjithshëm i AKSP-së, Ismail Smakiqi, si dhe zyrtarë të tjerë nga këto institucione.

 

Në fjalën e tij, Bochter foli për rëndësinë e këtij trajnimi, ku mësimdhënësit janë nga Universiteti Northwestern nga Shtetet e Bashkuara të Amerikës. Ai u shpreh mirënjohës për kontributin që AKSP ka dhënë gjithmonë në përkrahjen për mbajtjen e këtij trajnimi, duke vënë në pah gjithmonë ngritjen e nivelit të pjesëmarrësve pas përfundimit të tij. “ICITAP-i i është mirënjohës Akademisë për mbështetjen e këtij trajnimi dhe të gjitha aktiviteteve të cilat i zhvillon në partneritet, duke i falënderuar për përkushtimin dhe profesionalizmin e treguar gjatë këtyre viteve”- tha Zoti Bochter.

 

Në fjalën e tij, Drejtori i Akademisë, Ismail Smakiqi, pasi  foli për historinë e mbajtjes së këtij trajnimi në AKSP, ai rikujtoi edhe karakterin regjional që ka pasur ky trajnim  gjatë katër herëve të kaluara. Drejtori Smakiqi vazhdoi të flasë për nivelin e lartë të trajnimit të ofruar nga mësimdhënësit prestigjiozë të Universitetit Northwestern nga Shtetet e Bashkuara të Amerikës. “Trajnimi dhe arsimimi i zbatuesve të ligjit, të cilat në themel kanë trajtimin e barabartë dhe të drejtë të gjithë qytetarëve dhe respektimin e të drejtave të njeriut, sot është pa dyshim parimi fondamental i shoqërive moderne, duke përfshirë institucionet e trajnimit dhe arsimimit të zbatueseve të ligjit”, shtoi Smakiqi.

 

Duke iu drejtuar studentëve Drejtori Smakiqi më tej tha: “Shfrytëzoni këtë rast unik në karrierën tuaj të përfitoni nga ky trajnim. Ju keni detyrë të jeni të përkushtuar. Suksesi do të iu bëjë krenar jo vetëm ju dhe familjet tuaja, suksesi juaj do të bëjë krenar të gjithë kolegët tuaj e në veçanti ata të cilët iu përzgjidhen të jeni pjesë e këtij trajnimi”.

Ndërsa zëvendësministri i Punëve të Brendshme, Valdet Hoxha, foli me konsideratën më ta lartë për cilësinë që ofron trajnimi në këtë Shkollë, duke ndarë me të pranishmit edhe përvojën e vet personale, kur ishte vijues i këtij trajnimi në gjeneratën e parë. Ndërsa për AKSP-në Hoxha tha se, me seriozitetin dhe nivelin që po tregon, tashmë është e cilësuar si njëra nga Akademitë më të njohura në rajonin tonë. Zëvendësministri Hoxha foli për sukseset e Policisë së Kosovës, duke u shprehur se sot “Policia e Kosovës është institucioni më i besueshëm jo vetëm në Kosovë po edhe në regjion, për çka flasin edhe raporte të institucioneve hulumtuese me kredibilitet ndërkombëtar”

 

Drejtori i Përgjithshëm i Policisë, Shpend Maxhuni, po ashtu u shpreh mirënjohës për organizatorët e këtij trajnimi, programin e ICITAP në Kosovë, si dhe falënderoi AKSP-në për mbështetjen që i ka dhënë gjithmonë këtij aktiviteti të rëndësishëm. Në vazhdim të fjalës së tij, Drejtori Maxhuni foli për rëndësinë e të gjithë zyrtarëve pjesëmarrës në këtë trajnim, e veçanërisht të atyre nga policia, të cilëve, sipas tij, ky trajnim do të ju mundësojë që të avancohen dhe profesionalizohen më tej në pozita të larta udhëheqëse brenda kësaj organizate. Drejtori Maxhuni më tej tha se “pjesa dërmuese e oficereve policor të cilët kanë ndjek këtë trajnim, sot ndodhën në pozita menaxheriale në Policinë e Kosovës”.

 

Shkolla e Stafit dhe Komandës Policore po mbahet në Akademinë e Kosovës për Siguri Publike për të pestën herë. Kjo Shkollë organizohet nga programi i ICITAP në Kosovë. Pjesëmarrës të saj kanë qenë zyrtarë të lartë në fushat e sigurisë publike nga të gjitha vendet e regjionit të Evropës Jug-Lindore. Përderisa kësaj here ajo është organizuar vetëm për zyrtarët e sigurisë publike nga Kosova.


 

Vushtrri, 07 shkurt 2017 -  Drejtori i Përgjithshëm i Akademisë Diplomatike në Kosovë,  Ambasadori Beqir Ismaili, i shoqëruar nga zyrtari i lartë për trajnime dhe zhvillim Enis Xhemaili,  sot vizitoi Akademinë e Kosovës  për  Siguri Publike (AKSP), ku u prit nga Drejtori i Përgjithshëm Ismail Smakiqi, dekani i Fakultetit të Sigurisë Publike Bejtush Gashi dhe menaxhmenti i lartë i Akademisë.

Qëllimi i vizitës së ambasadorit Ismaili ishte që të njihet më për së afërmi me zhvillimet në Akademi.

Drejtori i Përgjithshëm i Akademisë së Kosovës për Siguri Publike, Ismail Smakiqi e falënderoi ambasadorin Ismaili  për vizitën dhe njëherësh e vlerësoi këtë vizitë si shumë të rëndësishme.

Gjatë takimit, drejtori Smakiqi e njoftoi delegacionin e Akademisë Diplomatike për veprimtarinë e Akademisë, përfshirë të gjitha periudhat që nga themelimi e deri më sot. 

Smakiqi në theks të veçantë  foli për zhvillimet e fundit në Akademi, siç janë trajnimet dhe aktivitet tjera që kanë të bëjnë me fushën e sigurisë si dhe për hapjen e Fakultetit të Sigurisë Publike.

Delegacioni u njoftua po ashtu edhe për fillimin e projektit të dytë të binjakëzimit. Me këtë rast, delegacioni u informua lidhur me bashkëpunimin që Akademia ka  me të gjitha institucionet e sigurisë, qofshin ato vendore apo ndërkombëtare, si dhe për anëtarësimin e saj në asociacione dhe organizata ndërkombëtare në fushën e arsimit në siguri publike.

Drejtori Smakiqi u shpreh i gatshëm për bashkëpunim mes Akademisë së Kosovës për Siguri Publike dhe Akademisë Diplomatike.

Ndërkaq, Drejtori i Përgjithshëm i Akademisë Diplomatike në Kosovës, Beqir Ismaili, duke shprehur kënaqësinë e tij për vizitën në Akademi, vlerësoi se në AKSP bëhet një punë e mrekullueshme.

“Qëllimi i vizitës është që të njihemi më për se afërmi dhe për të shqyrtuar mundësinë e bashkëpunimit mes Akademisë për Siguri Publike dhe Akademisë Diplomatike”, tha Ismaili.

Ambasadori Beqir Ismaili më tutje shtoi se Akademia për Siguri Publike ka një rol shumë të rëndësishëm në Kosovë.

“Akademia është zemra e Kosovës, pasi që ka një përgjegjësi shumë të madhe për vendin, ku nga kjo varet siguria e fëmijëve tanë, siguria e shtetit, siguria e kufijve tanë, policia janë pasqyra e shtetit”, u shpreh Ismaili, duke thënë se sa më shumë bashkëpunim, sa më shumë shkëmbim të përvojave, suksesi është shumë më i madh. Në fund të dyja palët u shprehën të gatshme për një bashkëpunim të ndërsjellët.
 

Prishtinë, 20 janar 2016 – Sot në Prishtinë në “Villa Gërmia” u bë Prezantimi i të gjeturave,  “Studimi i Fizibilitetit - Themelimi i studimeve pasuniversitare në sigurinë publike dhe në sektorin e sigurisë në Akademinë e Kosovës për Siguri Publike”, nga eksperti i Misionit të OSBE-së në Kosovë  Klaus Welter.

Në takimin morën pjesë Drejtori i Përgjithshëm i AKSP-së Ismail Smakiqi, u.d /Drejtoresh e Departamentit  për Rend dhe Siguri në OSBE Vesna Vujovic  Ristovska, Drejtoresha e Departamentit për Arsim të Lartë në MASHT  Drita Kadriu, Udhëheqës i Departamentit për Integrim Evropian në Ministrinë e Financave  Rexhep Vasolli, zëvendësdrejtori i Policisë së Kosovës Dejan Jankoviq, Dekani i Fakultetit të Sigurisë Publike Bejtush Gashi, student të FSP në krye me Zijavere Rexhepi Keçmezi - Kryetare e Këshillit të studentëve në FSP, Shpresa  Muharremi Këshilltare Kombëtare e OSBE-së, Rafael Nievergelt  përfaqësues i KE, udhëheqës,  Këshilltar Rezident dhe Ekspertë të Projektit të Binjakëzimit, përfaqësuesit nga të gjitha ASP-së në Kosovë,  personeli udhëheqës, mësimdhënës dhe zyrtarë tjerë të lartë të AKSP-së. 

Drejtori Smakiqi, në hapjen e këtij takimi duke përshëndetur të pranishmit  tha se ky “Studim i Fizibilitetit gjegjësisht mundësia e themelimit të studimeve pasuniversitare në sigurinë publike dhe në sektorin e sigurisë në AKSP, përveç se hapë perspektiva të zhvillimit të kapaciteteve në sektorin e sigurisë publike, e vërteton kahen e duhur të zhvillimeve të deritashme në Akademi”. Më tutje Smakiqi vazhdoi duke thënë se, “Të gjithë ne prezent në këtë takim, në rrugën tonë të përbashkët që nga themelimi i Akademisë, e në veçanti në këto pesë vitet e fundit,  përfaqësues të Qeverisë së Kosovës – Ministrive përkatëse, Agjencive të Sigurisë Publike, Akademisë së Kosovës për Siguri Publike, partner të ndërkombëtarë OSBE, ICITAP, Komision Evropian, kemi punuar me përkushtim për sigurinë publike, gjegjësisht ngritjen e kapaciteteve të zbatueseve të ligjit të punësuar në ASP. Sfida jonë e ardhshme do të jetë themelimi i studimeve pasuniversitare në sigurinë publike dhe përgjigjjen e parë se a është kjo e mundur do ta marrim sot nga eksperti Welter si rezultat të studimit që ai e ka bërë tani e dy muaj.

Në vazhdim fjalën e morri u.d /Drejtoresha e Departamentit  për Rend dhe Siguri në OSBE, Vesna Vujovic  Ristovska, e cila tha se OSBE-ja do të vazhdojë të përkrah Akademinë në  ndërtim e kapaciteteve   do të vazhdojnë gjithmonë të bashkërendohet me aktivitetet e përkrahura nga partnerët tjerë strategjikë vendor dhe ndërkombëtarë. 

“Fal bashkëpunimit të ngushtë me Zyrën e BE-së në Kosovë dhe AKSP-në, është përgatitur një studim fizibiliteti për gradën shkencore Master në fushë e rendit dhe të sigurisë publike, me qëllimin që të përcaktohet më tutje zhvillimi i karrierës të stafit të lartë në zbatimin e ligjit”, u shpreh  Ristovska.

Në vazhdim Welter, shpalosi studimin e fizibilitetit me ç’ rast ofroi rezultatet e hulumtimit. Ai tha se për mbledhjen e të dhënave janë përdorur diskutimet në grup, pyetësorët ose anketat, një analizë e shkurtër SWOT, analizat e dokumenteve dhe tryeza të rrumbullakëta.

 Welter shprehi entuziazmin e njerëzve që takoi duke thënë; “Pothuajse të gjithë të intervistuarit ishin të ngazëllyer për programin studimor të propozuar. Grupet e interesit si AKSP-së dhe ASP-së mendonin se ishte koha e duhur për këtë program studimor të propozuar duke pasur parasysh të kuptuarit më të mirë të hallkës së rëndësishme në mes të programit të akredituar Bachelor në Siguri Publike dhe programit të ardhshëm studimor Master në të njëjtën fushë. Prandaj, programi i propozuar studimor Master paraqet një mundësi të mrekullueshme për zhvillimin e karrierës së oficerëve të lartë të zbatimit të ligjit”. 

Numri më i madhe i të anketuarëve, studentët e Fakultetit të Sigurisë Publike nga gjithsej 145 anketa të lexueshme, 93,8% (136) dëshirojnë të shohin një ofertë pasuniversitare në të ardhmen. 

Në kapitullin “Fizibiliteti”,  Welter i përgjigjet me po,  themelimit të studimeve pasuniversitare në siguri publike në AKSP; kurse në kapitullin Rekomandimet, Welter numëroi nëntë rekomandime plotësim i të cilave do të ndihmonte dhe mundësonte themelimin e studimeve pasuniversitare. Në fund Welter duke shprehur komparacion me “sloganin” e anuesëve të hendbollit të  përfaqësuese gjermanë “If not now, when – Nëse jo tani, atëherë kur”, inkurajoi Akademinë dhe institucionet tjera të Kosovës të bëjnë program studimor pasuniversitar për studentët në fushën e sigurisë publike.

Ndërsa Drejtoresha e Departamentit për Arsim të Lartë në Ministrinë e Arsimit Drita Kadriu përgëzoi Akademinë për të gjitha të arriturat që ka bërë  deri me tani. “Iu shprehi mirënjohjen time, ju Drejtor Smakiqi dhe Akademisë, në emër të Ministrisë dhe iu përgëzoj që po përmbushni misionin që nga viti 2012 dhe studimi i Fizibilitetit në programin Master është edukim i vazhdueshëm dhe krijon kuadro të forta dhe mendje hapura për Agjencitë e Sigurisë Publike, u shpreh  Kadriu.

Rexhep Vasolli  duke vlerësuar se procesi i arsimimit në fushën e sigurisë po ecën ashtu siç është paraparë tha se aspekti financiarë është çështje mjaftë e rëndësishme për cilindo projekt që synohet të përfundojë më suksese . Nevoja e ngritjes së kapaciteteve është e nevojshme, sidomos në fushën e sigurisë publike dhe ne si ministri e përkrahim këtë proces – tha Vasolli.

Zëvendësdrejtori i  Policisë së Kosovës, Dejan Jankoviq falënderoj OSBE, AKSP që kanë iniciuar formimin e programit Master në Kosovë. Ai po ashtu falënderoj ekspertin  Welter për hulumtimin e bërë dhe shpresoj që ky studim të jetë mjaftë më rëndësi për agjencitë e sigurisë publike. 

Dekani i Fakultetit të Sigurisë Publike në Akademi, Bejtush Gashi  tha se për studentët gjegjësisht të punësuarit në Agjencitë e Sigurisë Publike  një program i masterit është shumë i rëndësishme. Programi studimor Bechelor tanimë është stabil, kurse programi master përveç se do të ketë rëndësi për Agjencitë do të jetë i rëndësi edhe për kapacitetet e ardhshme të Fakultetit të Sigurisë Publike. 

Zonja Krista Hak Lideria e projektit të dytë të binjakëzimit falënderoj ekspertin Welter për një punë të madhe në Studimin e Fizibilitetit me qëllim të themelimit të studimeve pasuniversitare në Akademinë e Kosovës për Siguri Publike.

Fatos Haziri, mësimdhënës në Fakultetin e Sigurisë Publike falënderoi  Welter për hulumtim dhe tha se ky raport do të na shërbej si një guid e mire drejt qëllimit ton të themelimit të studimeve pasuniversitare në Akademi. Unë kam besim që ne i’a dalim.

Më e lumtura në këtë takim u shpreh studentja Zijavere Rexhepi Keçmezi, Kryetare e Këshillit të Studentëve në FSP. “ Unë jam shumë e lumtur për programin që e prezantoi Welter  duke shtuar se studentët me padurim po presin këtë program studimor të masterit, i cili do të na ndihmoj  në ngritjen tonë personale dhe të Agjencive në të cilat punojmë. Andaj besojmë në Akademinë në arritjen e këtij qëllimi tepër të rëndësishëm që ka të bëjë drejt për se drejti me sigurinë publike në vendin tonë”, përfundoi fjalën e sajë studentja Keçmezi.