Lajmet

Vushtrri, 12 nëntor 2018, - Akademinë e Kosovës për Siguri Publike e vizitoi një delegacion nga Kolegji Universitar Policor të Norvegjisë (KUPN), i udhëhequr nga zëvendës Drejtori Tor Tanke Holm i cili ishte i shoqëruara edhe nga bashkëpunëtorja Kirsti Helene Messel. 

Delegacioni nga Kolegji Universitar Policor i Norvegjisë  u prit nga Drejtori i Përgjithshëm i Akademisë  Ismail Smakiqi si dhe zyrtar të lartë nga Akademia, i cili fillimisht duke ju dëshiruar mysafirëve mirëseardhje, njëherit ata i  njoftoi me zhvillimet e fundit në Akademi, duke u fokusuar në arsimin e lartë dhe në trajnimet profesionale të zyrtarëve të sigurisë publike. Delegacioni i KUPN u informua gjithashtu edhe për historikun e Akademisë, për projektin e binjakëzimit IPA 2, që ka për qëllim forcimin e mëtutjeshëm të arsimit në fushën e sigurisë publike si dhe për bashkëpunimin ndërkombëtar të Akademisë.

Vizita e delegacionit  norvegjez u zhvillua përgjatë dy ditëve 8 dhe 9 nëntor 2018 me ç ‘rast me dt. 8 nëntor 2018 morën pjesë edhe në konferencën e dytë ndërkombëtare për hulumtim dhe zhvillim të AKSP-së “Institucionet arsimore të sigurisë publike, faktor kyç në forcimin e rendit dhe sigurisë” ku zv. drejtori i KPUN z. Tanke Holm mbajti një ligjeratë/prezentim mbi temën “Institucionet arsimore të sigurisë publike, faktor kyç në fuqizimin e sigurisë dhe rendit publik – rasti studimor i Norvegjisë”.

Qëllimi i kësaj vizite dyditore e Kolegjit Universitar Policor të Norvegjisë ishte njoftimi më për së afërmi me fushe veprimtarinë e AKSP-së, gjetja e mundësive për bashkëpunime dhe mundësia e nënshkrimit të marrëveshjes së bashkëpunimit. 

Drejtori i Përgjithshëm i Akademisë Ismail Smakiqi si dhe Tanke Holm gjatë takimeve të zhvilluara theksuan gatishmërinë për të bashkëpunuar ngushtë ndërmjet dy institucioneve respektive në kuadër të arsimimit në siguri publike me fokus arsimin e lartë, (programit Bachellor dhe në të ardhmen në programin Master), shkëmbimin e përvojave më të mira akademike dhe përkrahjes së stafit për të shtyrë përpara proceset zhvillimore institucionale.

Vushtrri,  07 nëntor  2018 -   Në Akademinë e Kosovës për Siguri Publike (AKSP), filloi konferenca e dytë  shkencore ndërkombëtare me temën “Institucionet arsimore të sigurisë publike, faktor kyç në forcimin e rendit dhe sigurisë”,  e cila është organizuar në bashkëpunim me projektin e binjakëzimit qëllimi i së cilës ishte debati rreth forcimit të arsimit n fushën e sigurisë.

Në fjalën e tij Ministri i Punëve të Brendshme Ekrem Mustafa tha se Akademia e Kosovës për Siguri Publike me vet ekzistimin e sajë  është tregues se rendi dhe siguria në shtet, fillojnë nga një bazament i fuqishëm arsimorë, ku numri i madhe i zyrtarëve të institucioneve të sigurisë  tregon për punën e madhe që  është bërë dhe po vazhdon të bëhet në këtë institucion arsimor, unik për vendin.

“Akademia e Kosovës për Siguri Publike me misionin, vizionin, vlerat dhe objektivat strategjike të sajë na paraqitet njëkohësisht  garantues se agjencit të cilat arsimojnë personelin e tyre  janë dhe do të jenë në shërbim të qytetarëve të këtij  vendi dhe mbrojtës së interesave të shtetit të Kosovës”, tha  Mustafa.

Mustafa tha se  respektimi i rendit, sundimi i ligjit, respektimi i vlerave demokratike  marrin kuptim të plotë vetëm kur respektojnë njëra tjetrën,  duke shtuar se me atë që ofron Akademia  në arsimimin e zbatuesve të ligjit  është edhe garantues se gjërat kanë shkuar në kahjen e duhur.
Në funde Ministri  Mustafa tha se  Akademia e Kosovës për Siguri publike do ta ketë përkrahjen e Ministrisë së Punëve të Brendshme  dhe kërkoi që të vazhdohet me punën e mirë që është duke u bërë  në këtë institucion.

Drejtori i Përgjithshëm i Akademisë së Kosovës për Siguri Publike në hapjen e kësaj konference tha se sfida e sigurisë është preokupimi kryesor i një vendi.

Duke folur për mbështetjen  ndërkombëtare që ka Akademia, drejtori Smakiqi tha se kjo i ka mundësuar Akademisë që të futet në ciklin e krijimit të programeve profesionale dhe programeve studimore më standarde evropiane dhe më gjerë.

Në këtë konferencë drejtori Smakiqi foli edhe për proceset nëpër të cilat ka kaluar Akademia, siç janë procesi i akreditimit nga autoritetet kombëtarë dhe ndërkombëtare vlerësoj se këto procese kanë bërë këtë institucion shumë të rëndësishëm për vendin. Po ashtu duke folur për sigurinë në vend, cilësinë e arsimit në fushën e sigurisë drejtori Smakiqi ka përmendur vlerësimet pozitive që janë dhënë  nga institucionet ndërkombëtarë të sigurisë për Akademinë, konkretisht nga Michael N.Becar drejtor Ekzekutiv i IADLEST.

“Vlerësimet e shkëlqyeshme për Akademinë nga ekspertët vendorë dhe ndërkombëtarë gjatë proceseve të akreditimit, gjegjësisht përmbushjes të standardeve më të larta kombëtare dhe ndërkombëtare të institucioneve të sigurisë, të cilat fushëveprimin e kanë trajnimin dhe arsimimin e zbatuesve të ligjit janë rezultat i punës dhe përkushtimit të personelit të Akademisë dhe përkrahjes se partnerëve”, u shpreh Smakiqi.

Smakiqi tha se ne vitin 2019 Akademia do të hapë kapitullin e ri të strategjisë së zhvillimi për katër vitet e ardhshme ku siç tha ai në këtë periudhe të zhvillimit të saj strategjik Akademia synon të zhvillojë edhe me tutje epitetin e fituar “Qendër e ekselencës” e sigurisë publik në Kosovë dhe regjion.

Smakiqi tha se programi studimor master dhe zhvillimi i instituti për hulumtim dhe zhvillim gjegjësisht fusha e hulumtimit në përgjithësi do të jenë sfida më e rënda gjatë dy tre viteve të ardhshme.

“Akademia do të jetë një faktor kyç në krijimin e sigurisë në Republikën e Kosovës duke ofruar kompetenca të nivelit të lartë tek autoritetet e zbatimit të ligjit për t’iu përgjigjur sfidave që ndryshojnë vazhdimisht”, u shpreh Smakiqi duke thënë se në vitin 2020 Akademia do të ketë të etabluara programet studimore të fushave të sigurisë publike do të fillojë më programet e masterit nga këto fusha dhe do të ketë të themeluar dhe me rezultate Institutin për Hulumtim.
“Rasti i zhvillimit të Akademisë së Kosovës për Siguri Publike në pesë gjashtë vitet e fundit duke avancuar arsimin e lartë në Akademi, gjegjësisht hapjen e Fakultetit të Sigurisë Publike flet për të kuptuarit e rolit dhe ndikimit të arsimit në sigurinë publike në Kosovë”, tha drejtori Smakiqi.

Në hapjen e kësaj konference foli dekani i Fakultetit të Sigurisë nga Maqedonia Nikola Dujovski  i cila tha se programet bachelor të të dyja vendeve do të janë të hapura që të mbështesim institucionet e sigurisë jo vetëm në rajone por edhe më gjerë për sigurinë e qytetarëve.

Ndërsa  zëvendës udhëheqës i Sektorit të Bashkëpunimit në Zyrën e BE-së në Kosovë Libor Chlad  tha se kemi arritur një partneritet të mirë mes Akademisë dhe vendeve të Bashkimit Evropian konkretisht Finladës dhe Estonisë, ku për mes ekspertëve të Projektit të Binjakëzimit  kemi sot programin bachelor në Akademi.

Ai tha se Bashkimi Evropian ka qen donatori kryesorë në Kosovë në ofrimin e trajnimeve dhe arsimimit për zbatuesit e ligjit, kontribut i cili do të vazhdojë edhe në të ardhmen.

Në këtë konferencë e cila do të zgjatë dy ditë më radhë më dt. 07-08 nëntor 2018, morën pjesë Ministri i Punëve të Brendshme Ekrem Mustafa, Drejtori i Përgjithshëm i Akademisë Ismail Smakiqi, Bejtush Gashi, dekan i Fakultetit të Sigurisë Publike, Xhon Fisher profesor dr në Universitetin e Valles në Shtetet e Bashkuara të Amerikës, Zëvendës udhëheqës i Sektorit të Bashkëpunimit në Zyrën e BE-së në Kosovë Libor Chlad, dekani i Fakultetit të Sigurisë nga Maqedonia Nikola Dujovski, ndihmës drejtori i Akademisë së Policisë në Malin e Zi Mladen Bulatović, Drejtor i Departamentit të Rendit dhe Sigurisë në Misionin e OSBE-së në Kosovë Karl Åke Roghe, sekretari  i tretë i ambasadës së Maqedonisë në Kosovë Seat Fejzuli, Muhaedin Bela këshilltar në Ministrinë e Mbrojtjes së Maqedonisë si dhe zyrtarë nga Ambasada Amerikane në Kosovë, nga ICITAPI-i si dhe përfaqësues të agjencioneve të sigurisë publike në vend.




 

Vushtrri, 06 nëntor 2018, Akademinë e Kosovës për Siguri Publike sot e vizitoi një delegacion nga Turqia nga fusha e emergjencave të cilët ishin të shoqëruar edhe nga zyrtar të lartë të Agjencisë së Menagjimit Emergjent  ( AME).

Delegacioni u prit nga Drejtori i Departamentit për Trajnime dhe Përkrahje Programore Kastriot Jashari si dhe zyrtar të lartë nga Akademia, i cili fillimisht i përshëndeti të pranishmit në emër të Drejtorit të Përgjithshëm  Ismail Smakiqi duke ju dëshiruar mirëseardhje në AKSP.

Drejtori Jashari  vlerësoi si shumë të  rëndësishme këtë  vizitë nga delegacioni turk si fillim i një bashkëpunimi në të ardhmen në shkëmbimin e përvojave dhe praktikave më të mira mes të dy institucioneve.

Më pas Drejtori Jashari para të pranishmëve shpalosi edhe misionin  e Akademisë duke i informuar me trajnimet të cilat mbahen në Akademi  nga gjashtë agjencionet e sigurisë e në mesin e tyre edhe Agjencia për Menagjimin e Emergjencave, si dhe ofrimin e  arsimimit të lartë bachelor.

Gjithashtu Jashari foli edhe për bashkëpunimin ndërkombëtarë që ka Akademia me vendet e rajonit dhe me gjer e me thekës të veçantë ai foli për akreditimin e Akademisë së  Kosovës për Siguri Publike nga Asociacioni Ndërkombëtar i Drejtorëve të Standardeve dhe Trajnimit të Zbatimit të Ligjit të Shteteve të Bashkuara të Amerikës, (IADLEST).

Ndërsa delegacioni nga Turqia ishin të interesuar rreth plan programeve në fushën e emergjencave si dhe rreth funksionimit të trajnimeve dhe Fakultetit të Sigurisë Publike brenda Akademisë.
Në fund ata vlerësuan si shumë të  rëndësishme këtë vizitë në Akademi si dhe shprehen interesimin e tyre për bashkëpunim në të ardhmen.
 

Vushtrri, 5 nëntor 2018 - Organizata për Siguri dhe Bashkëpunim Evropian (OSBE), sot dhuroi një  donacion  për Akademinë e Kosovës për Siguri Publike i cili përmban pajisje të teknologjisë informative të cilat  do të përdoren për mësim e-learning.
 
Të pranishëm në ceremoni ishin Drejtori i Përgjithshëm i Akademisë Ismail Smakiqi,  Udhëheqësi i Misionit të OSBE-së në Kosovë  Jan Braathu, Drejtor i Departamentit për Rend dhe Siguri Publike Ake Roghe, Shpresa Muharremi  këshilltare kombëtare nga OSBE-ja,  si dhe zyrtarë të lartë nga Akademia.

Drejtori  i Përgjithshëm i Akademisë Ismail Smakiqi falënderoi misionin e OSBE-së në Kosovë për ndihmën e vazhdueshme që kanë dhënë dhe po vazhdojnë të japin në ngritjen e kapaciteteve të Akademisë.  Ai tha se ky donacion do të shërbejë për student dhe të gjithë pjesëtarët e sigurisë që ndjekin mësime  e-learning  në Akademi , i cili  program mësimor është si rezultat i projektit të binjakëzimit  të Komisionit Evropian përmes  eksperteve nga Finlanda dhe Estonia.

“Nuk ka munguar asnjëherë mbështetja e OSBE-së për Akademinë duke dhënë donacione të shumta për ngritjen sa më profesionale për pjestarët e sigurisë publike”,  tha Smakiqi.  Në fund  Drejtori Smakiqi  kërkoi qe ky bashkëpunim  të vazhdoj edhe në të ardhmen.

Në fjalën e tij Udhëheqësi i Misionit të OSBE-së në Kosovë  Jan Braathu, tha se ndihet i lumtur për ndihmën e vazhdueshme që ka dhanë OSBE-ja për Akademinë. Ai tha se zhvillimi i Akademisë ka qenë  mision i OSBE-së , si dhe njëri nder sukseset kryesore te sajë me mision ne Kosovë.

Gjithashtu ai e vlerësoi lartë punën  dhe vizionin e Akademisë së Kosovës për Siguri Publike, si dhe hapjen e studimeve bachleor , duke e vlerësuar  si një program studimor mjaft të rëndësishëm . 

 Braathu, theksoi se ky nuk është fundi i përkrahjes nga OSBE-ja dhe mbështetja  nuk do të mungoj as në të ardhmen.
Në fund të këtij takimi ai mbajti edhe një ligjëratë para studentëve të Fakultetit të Sigurisë me temë;

“Policimi në bashkësi në parandalimin e kërcënimeve transnacionale”, ku në fund  studentët patën rastin të parashtrojnë pyetje dhe komente.

Vushtrri, 24  tetor 2018 - Në Akademinë e Kosovës për Siguri Publike sot para studenteve të Fakultetit të Sigurisë mbajti ligjëratë Anne Kanitra detektive e pensionuar nga Shtetet e Bashkuara të Amerikës.

Në këtë ligjëratë të pranishëm ishin edhe Drejtori i Përgjithshëm i Akademisë Ismail Smakiqi i cili me këtë rast falënderoi znj. Kanitra për mundësin që para studentëve të Fakultetit së Sigurisë të mbajë ligjëratë me tema të cilat janë me rëndësi dhe interes të tyre.

Qëllimi i kësaj ligjërate me temë, “Drejtësi për Viktimat, Dënimi për Kryesit” , ishte shënimi i javës për të drejtat e viktimave të krimit, të organizuar nga Ambasada  e SHBA-ve në Prishtinë  në bashkëpunim me Zyrën e Kryeprokurorit të Shtetit.

Gjatë kësaj ligjërate  studentët patën rastin  të parashtrojnë pyetje  dhe të bashkëbisedojnë me znj. Kanitra lidhur me tema të caktuara të cilat lidhen kryesisht me fushën e sigurisë të cilën edhe studiojnë.

Vushtrri, 24  tetor 2018 - Në Akademinë e Kosovës për Siguri Publike sot para studenteve të Fakultetit të Sigurisë mbajti ligjëratë Anne Kanitra detektive e pensionuar nga Shtetet e Bashkuara të Amerikës.

Në këtë ligjëratë të pranishëm ishin edhe Drejtori i Përgjithshëm i Akademisë Ismail Smakiqi i cili me këtë rast falënderoi znj. Kanitra për mundësin që para studentëve të Fakultetit së Sigurisë të mbajë ligjëratë me tema të cilat janë me rëndësi dhe interes të tyre.

Qëllimi i kësaj ligjërate me temë, “Drejtësi për Viktimat, Dënimi për Kryesit” , ishte shënimi i javës për të drejtat e viktimave të krimit, të organizuar nga Ambasada  e SHBA-ve në Prishtinë  në bashkëpunim me Zyrën e Kryeprokurorit të Shtetit.

Gjatë kësaj ligjërate  studentët patën rastin  të parashtrojnë pyetje  dhe të bashkëbisedojnë me znj. Kanitra lidhur me tema të caktuara të cilat lidhen kryesisht me fushën e sigurisë të cilën edhe studiojnë.

Vushtrri, 24  tetor 2018 - Në Akademinë e Kosovës për Siguri Publike sot para studenteve të Fakultetit të Sigurisë mbajti ligjëratë Anne Kanitra detektive e pensionuar nga Shtetet e Bashkuara të Amerikës.

Në këtë ligjëratë të pranishëm ishin edhe Drejtori i Përgjithshëm i Akademisë Ismail Smakiqi i cili me këtë rast falënderoi znj. Kanitra për mundësin që para studentëve të Fakultetit së Sigurisë të mbajë ligjëratë me tema të cilat janë me rëndësi dhe interes të tyre.

Qëllimi i kësaj ligjërate me temë, “Drejtësi për Viktimat, Dënimi për Kryesit” , ishte shënimi i javës për të drejtat e viktimave të krimit, të organizuar nga Ambasada  e SHBA-ve në Prishtinë  në bashkëpunim me Zyrën e Kryeprokurorit të Shtetit.

Gjatë kësaj ligjërate  studentët patën rastin  të parashtrojnë pyetje  dhe të bashkëbisedojnë me znj. Kanitra lidhur me tema të caktuara të cilat lidhen kryesisht me fushën e sigurisë të cilën edhe studiojnë.

Vushtrri, 23 tetor 2018 - Drejtori i Përgjithshëm i Akademisë së Kosovës për Siguri Publike Ismail Smakiqi së bashku me Dekanin e Fakultetit të Sigurisë Publike Nexhat Jashari pritën në takim  Jeffry Treistman  porf. nga Universiteti i New Haven i SHBA-ve i cili ishte i shoqëruar edhe nga zyrtarë të Ministrisë së Punëve të Brendshme.

Qëllimi i këtij takimi ishte  bashkëpunimi në mes të Universitetit New Haven  të Shteteve të Bashkuara të Amerikës dhe Akademisë së Kosovës për Siguri Publike, si dhe mundësia e nënshkrimit të marrëveshjes së bashkëpunimit.

Drejtori i Përgjithshëm i Akademisë Ismail Smakiqi gjatë këtij takimi theksoi gatishmërinë për të bashkëpunuar ngushtë me Universitetin New Haven,  duke shkëmbyer përvojat akademike për të shtyrë përpara proceset më të mira të cilësisë në  të mirë të funksionimit të Fakultetit të Sigurisë Publike në kuadër të Akademisë.

Gjithashtu Drejtori Smakiqi gjatë  këtij takimi foli edhe për historikun e Akademisë, bashkëpunimin ndërkombëtarë,  Akreditimin  Ndërkombëtar  të Akademisë nga Asociacioni Ndërkombëtar i Drejtorëve të Standardeve dhe Trajnimit të Zbatimit të Ligjit të Shteteve të Bashkuara të Amerikës ( IADLEST), si dhe progresin e arritur  në arsimimin dhe trajnimin e zyrtarëve të institucioneve të sigurisë.

Ndërsa Dekani i Fakultetit të Sigurisë Publike Nexhat Jashari  u shprehë mëse i  bindur se bashkëpunimi me Universitetin New Haven është shume i nevojshëm dhe i mirëseardhur në ngritjen e kapaciteteve, shkëmbimin e përvojave dhe profesorëve, si dhe nevojën e bashkëpunimit për fillimin e arsimimit postdiplomikë- master.

Nga ana e tij Jeffry Treistman  porf. nga Universiteti i New Haven u shpreh  shumë optimist që së bashku do të bashkëpunojnë ngushtë në të mirë  të funksionimit të Fakultetit të sigurisë Publike .“Besojmë se do të kemi bashkëpunim të mirë me këshillat në kuadër të fakulteteve, e me menaxhmentin në mënyrë që te krijojmë një ambient edukativo arsimor të nivelit të lartë.” tha Treistman.

Në fund ata vizituan edhe objektet përcjellëse të Akademisë ku u informuan nga instruktorët me punën praktike të cilën bëjnë zyrtarët e institucioneve të sigurisë. 

Vushtrri, 15 tetor 2018- Sot në Akademinë e Kosovës për Siguri Publike  filloi trajnimi i gjeneratës së re të trajnimit/programit profesional, “Inspektor i Inspektoratit Policor të Kosovës”, ku pjesëmarrës janë shtatëmbëdhjetë kadetë.

Në këtë ceremoni  të pranishëm ishin Drejtori i Përgjithshëm i Akademisë Ismail Smakiqi, Miradije Kelmendi  Kryeshefe Ekzekutive e Inspektoratit Policor të Kosovës  si dhe zyrtarë  të lartë nga institucionet e sigurisë publike dhe organizatat ndërkombëtare.

Drejtori  i Përgjithshëm i Akademisë Ismail Smakiqi  theksoi, se “jeni gjenerata e parë që po filloni trajnimin bazikë të një programi profesional i cili është si rezultat i projektit të binjakëzimit të Komisionit Evropian” . 


Ai tha se është hera e parë që në Akademia një agjenci fillon trajnimin profesional me program të validum  nga Autoriteti Kombëtarë i Kualifikimeve, si rezultat i punës  së përbashkët të eksperteve vendor e të projektit të binjakëzimit.

Në fund drejtori Smakiqi iu uroi sukses në përfundimin e këtij trajnimi pjesëmarrësve.

Ndërsa Kryeshefja e Inspektoratit Policor të Kosovës Miradije Kelmendi tha se sot po shënohet  një moment i veçantë pasi është  gjenerata e parë që do të trajnohen dhe certifikohen në programe tashmë të njohura dhe validuara nga Autoriteti Kombëtarë i Kualifikimeve për pozitën profesionale, Inspektor Policorë.

“ Juve  ju  pret  një periudhë e vështirë në të cilën kërkohet angazhim dhe përkushtim i përditshëm, ne presim që ju  të përfundoni këtë sfidë me rezultate të larta dhe pastaj bashkë të punojmë si pjesë e strukturës së Inspektoratit Policor për të rritur efikasitetin dhe profesionalizmin  në arritjen me sukses të misionit të rëndësishëm të përcaktuar me ligj”, përfundoi Kelmendi.

Në fund ajo falënderoi Akademinë e Kosovës për Siguri Publike dhe stafin për punën dhe përkushtimin e vazhdueshëm duke ju uruar suksese në arritjen e objektivave.

Prishtinë, 12  tetor  2018 –  Agjencia e Bashkimit Evropian për Trajnim në zbatimin e Ligjit (CEPOL) dhe Zyra e Kombeve të Bashkuar për Droga dhe Krime(UNODC) kanë filluar projektin për hetimin financiar në Evropën Juglindore,financuar nga Komisioni Evropian në kuadër të Instrumentit të Ndihmës sëPara-Anëtarësimit (IPAII), i cili do të zgjasë për dy vite deri në fund të vitit 2019.

 
Ky trajnim në  Kosovë  është mbështetur  nga  Akademia e Kosovës për Siguri Publike (AKSP). Projekti është pjesë integrale e Shtyllës së dytë Qeverisjes Integruese të Sigurisë së Brendshme (IISG), iniciativa e Ballkanit Perëndimor për Luftimin e Krimeve Serioze (WBCSCi) dhe Programit Rajonal të UNODC për Evropën Juglindore.


Në kuadër të këtij projekti, CEPOL për zyrtarët e zbatimittë ligjit të Kosovës po ofron kurse rezidenciale në vendet e Bashkimit Evropian dhe të Ballkanit Perëndimor dhe programe shkëmbimi. Trajnimin e parë në kuadërtë këtij projekti në ndonjërin nga vendet e Ballkanit Perëndimor CEPOL e kaorganizuar në Kosovë nga 8 - 12 tetor 2018 “Hetimet financiare që kanë të bëjnëme trafikimin e narkotikëve”, i cili është mbajtur Prishtnë.


Ky trajnim njëherësh paraqet edhe trajnimin e parë të organizuar ndonjëherë nga CEPOL në Kosovë.
 

Në këtë trajnim  kanë marrë pjesë njeztë e nëntë  zyrtarë nga institucionet e zbatimit të ligjit të Kosovës, dhe atë dhjetë zyrtarë nga Policia e Kosovës (PK), dy mësimdhënës nga Fakultetit i Sigurisë Publike i AKSP-së, katër prokurorë, dy gjyqtarë, katër zyrtarë nga Dogana e Kosovës (DK), katër zyrtar nga Administrata Tatimore e Kosovës (ATK) dhe tre  zyrtarë nga Njësia e Inteligjencës Financiare (NjIF).

Pjesëmarrësit vlerësuan se mbajtja e këtij trajnimi ishte shumë i rëndësishëm.


Në fund të trajnimit i cili ka zgjatur një javë pjesëmarrësit janë pajisur edhe më certifikata. Në ceremoninë e ndarjesë së certifikatave morën pjesë Nahit Sharku zëvendës Drejtor i Përgjithshëm i Administratës Tatimore të Kosovës (ATK),  Agron Llugali zëvendës drejtor i Drejtorisë së Zbatimit të Ligjit i Doganës së Kosovës (DK), Imer Beka kryeprokuror i Prokurorisë Themelore në Prishtinë, Ibrahim Berisha  Zëvendës Kryeprokuror i Prokurorisë në Prishtinë, Udhëheqësi i Divizionit për Marrëdhënie me Jashtë Avni Istrefi si dhe Skender Agaj nga Akademinë e Kosovës për Siguri Publike.

Vushtrri, 8 tetor 2018- Sot në Akademinë e Kosovës për Siguri Publike (AKSP), u mbajt ceremonia e fillimit të vitit akademik  2018/19 për studentët e Fakultetit të Sigurisë Publike.

Në ceremoninë e hapjes morën  pjesë ministri i Punëve të Brendshme  Bejtush Gashi, Drejtori i Përgjithshëm i Akademisë së Kosovës për Siguri Publike Ismail Smakiqi, dekani i FSP-së, Nexhat Jashari, mësimdhënës të FSP-së, zyrtarë të tjerë të lartë të AKSP-së.

Ministri i Punëve të Brendshme Bejtush Gashi  në fjalën e tij gjatë ceremonisë duke i uruar studentëve suksese në vitin e ri akademik 2018/19 vlerësoi  se në Fakultetin e Sigurisë Publike është duke u bërë një punë mjaftë profesionale.

“Fakulteti i Sigurisë Publike (FSP), mund të krenohet më shërbimin madhor që i ka bërë dhe po i bënë vendit, duke arsimuar dhe përgatitur kuadro në shumë agjencione dhe shërbime shtetërorë  të cilët e kanë bërë Kosovën jo vetëm vend të sigurt për qytetarët e saj, por edhe partnerë të besueshëm dhe të çmuar në  përpjekjet për forcimin e sigurisë ndërkombëtarë”, u shpreh ministri Gashi duke thënë se në Fakultetin i Sigurisë Publike janë përgatitur breza, studentë profesionistë dhe të përkushtuar,  të cilët janë pjesë e Policisë së Kosovës , Agjencisë së Menaxhimit Emergjent, Shërbimit Korrektues dhe Doganave të Kosovës.

Po ashtu ministri Gashi  ka shprehur  mirënjohjen e tij  për punën e palodhshme të të gjithë atyre  të cilët i kanë kryer studimet në këtë fakultet.

Më këtë rast ministri Gashi ka falënderuar edhe stafin mësimdhënës të Fakultetit të Sigurisë Publike për punën dhe kontributin e  tyre të palodhshëm.

“Shumë suksese të Kosovës  në fushën e sigurisë kombëtare dhe ndërkombëtare janë të ndërlidhura në mënyrë të pandashme në përpjekjet e tyre dhe mësimdhënësve të këtij fakulteti. Ju të nderuar mësimdhënës  keni ditur gjithmonë që t’ju jepni  studenteve  shembullin,  modelin e virtyteve të ndershmërisë dhe drejtësisë njerëzore,  që është e domosdoshme për profesionin që lidhen me Fakultetin e Sigurisë Publike”, tha Gashi. 

Në fund ministri Gashi tha se Fakulteti i Sigurisë Publike është njëri prej shtyllave të suksesit të Kosovës për ofrimin e sundimit  të ligjit.

Drejtori i Përgjithshëm i Akademisë së Kosovës për Siguri Publike Ismail Smakiqi tha se programi studimor Bachelor i Sigurisë Publike me 240 kredi, është bazuar në nevojat e institucioneve të sigurisë publike. 

“Programi studimor i Akademisë  është koncept unik dhe i veçantë jo vetëm në Kosovë, por në rajon dhe me gjerë. Ky program studimor e ka një veçori dalluese nga programet tjera të arsimimit të lartë meqenëse një e treta e kredive të fituar të këtij programi i takojnë punës praktike”,  tha Smakiqi.

 Ai me tej shtoi se me 14 maj  të këtij  viti Akademia e Kosovës për Siguri Publike  (AKSP), e mbështetur nga partneri ndërkombëtar ICITAP, ka pranuar certifikatën me të cilën është fituar Akreditimi  Ndërkombëtar nga Asociacioni Ndërkombëtar i Drejtorëve të Standardeve dhe Trajnimit të Zbatimit të Ligjit të Shteteve të Bashkuara të Amerikës (International Association of Directors of Law Enforcement Standardsand Training - IADLEST).

Drejtori Smakiqi tha se në vitin 2019 Akademia e Kosovës për Siguri Publike do të hapë kapitullin e ri të Strategjisë të saj të zhvillimit për katër ose pesë vitet e ardhshme. Në këtë periudhë të zhvillimit të saj strategjik, Akademia do të synoi të jetë dhe ta zhvilloj edhe më tutje epitetin “Qendër e Ekselencës” e sigurisë publike në Kosovë dhe regjion.

 “Akademia do të jetë një faktor kyç në krijimin e sigurisë në Republikën e Kosovës duke ofruar kompetenca të nivelit të lartë tek autoritetet e zbatimit të ligjit për t'iu përgjigjur sfidave që ndryshojnë vazhdimisht. Është një institucion i arsimit të sigurisë rajonal dhe ndërkombëtar i cili përpiqet për përmirësim të vazhdueshëm”, përfundoi  Smakiqi.

Në fjalën e tij Dekani i Fakultetit së Sigurisë Publike tha se ndihet i nderuar që sot në këtë ditë shumë të veçantë, të ceremonisë së   fillimit të ligjëratave  të studentëve të gjeneratës  së pestë në nivelin Bachelor,  të  ju dëshiroj suksese në punë dhe studime . 

Gjithashtu ai tha se fillimi i një rrugëtim të ri në  Fakultetin e Sigurisë Publike, është më rëndësi për të arritur nivele të reja  dhe më të larta të  njohurive akademike, shkencore dhe ngritjen profesionale .

“Te studioni  në FSP, të nderuar studentë,  nuk është  e lehtë, mbase  është  edhe një sfidë  në rrugëtimin tuaj, për të arritur nivele të reja  dhe më të larta të  njohurive akademike, shkencore dhe ngritjen profesionale, sfidë të cilën me angazhimin dhe përkrahjen e stafit mësimdhënës të FSP do e tejkaloni”, përfundoi fjalimin e tij  dekani Jashari. 




 

Vushtrri, 04 tetor 2018- Akademinë e Kosovës për Siguri Publike sot e vizitoi një delegacion nga Komuna Vaxjo e Suedisë, të cilët ishin të shoqëruar edhe nga zyrtarë të Komunës së Vushtrrisë.

Delegacioni u prit nga Drejtori i Departamentit për Trajnime dhe Përkrahje Programore Kastriot Jashari, Shefi i Divizionit për Marrëdhënie me Jashtë Avni Istrefi si dhe menagjmenti i lartë i Akademisë.

Drejtori Jashari gjatë këtij takimi bëri një prezantim të fushë veprimtarisë së Akademisë, duke e informuar delegacionin me historikun, fazat të cilat ka kaluar AKSP-ja që nga themelimi e deri me tani.
Ai foli po ashtu edhe për ofrimin e trajnimeve për agjencionet e sigurisë publike nga ato bazike e deri te ato të specializuara.

Drejtori Jashari gjatë këtij takimi para të pranishmëve foli edhe për bashkëpunimin ndërkombëtarë që ka Akademia, për anëtarësimin në organizata me rendësi siç janë INTERPA, CEPOL, Akreditimin  Ndërkombëtar  të Akademisë nga Asociacioni Ndërkombëtar i Drejtorëve të Standardeve dhe Trajnimit të Zbatimit të Ligjit të Shteteve të Bashkuara të Amerikës ( IADLEST), si dhe për projektin e binjakëzimit të Komisionit Evropian që ka për qëllim forcimin e mëtutjeshëm të arsimit në fushën e sigurisë.

Ndërsa delegacioni nga Komuna Vaxjo e Suedisë ishin të interesuar rreth ofrimit të trajnimeve për agjencionet e sigurisë,  bashkëpunimin e Akademisë me Komunën e Vushtrrisë,si dhe rreth bashkëpunimit mes dy komunave atë të Vushtrrisë dhe Vaxjo si dhe dy Akademive të Kosovës dhe Suedisë.

Në fund delegacioni bënë vizitë edhe objekteve përcjellëse të Akademisë ku nga instruktorët u informuan për pjesën praktike ku zhvillohen trajnimet.