Lajmet

Vushtrri, 30 korrik 2019 –  Në Akademinë e Kosovës për Siguri Publike (AKSP) sot diplomuan njëqindenëntëmbëdhjetë kadetë të  Shërbimit Korrektuese të Kosovës.

Në ceremoninë e diplomimit morën pjesë Ministri i Ministrisë së Drejtësisë Abelard Tahiri, Kryetari i Këshillit Prokurorial Bahri Hyseni, Drejtori i  Përgjithshëm i Akademisë së Kosovës për Siguri Publike Ismail Smakiqi, Drejtori i Përgjithshëm i Policisë së Kosovës  Rashit Qalaj, Drejtori i Përgjithshëm i Shërbimit Korrektues të Kosovës Nehat Thaqi, Kryeshefja e Inspektoratit Policor të Kosovës Miradije Kelmendi, Drejtori i Përgjithshëm i Doganave të Kosovës  Bahri Berisha, Përfaqësuesi i Ambasadës së Shteteve të Bashkuara të Amerikës në Kosovë Methew Jones, Zëvendësdrejtori i Përgjithshëm i Agjencisë se Menaxhimit Emergjent Shefki Abdullahu si dhe përfaqësues të institucioneve vendore dhe ndërkombëtare.

Në fjalën e tij, ministri Tahiri ka theksuar se pjesë e trashëgimisë së tij, krahas ligjeve vitale për qytetarët, është pikërisht avancimi në sistemin korrektues të Republikës së Kosovës.

\"Infrastruktura ka shënuar përmirësim të plotë dhe vazhdon të përmirësohet edhe sot.  Qendra të reja janë hapur e ato të vjetrat janë rinovuar. Kemi menaxhim efikas të procedurave standarde të veprimit, dhe kemi ulur për herë të parë në një nivel të plotë, dukuritë negative brenda burgjeve. Sot Qendrat Korrektuese, nuk janë as për së afërmi ato që kanë qenë dikur, dhe të njëjtat i kemi vendosur në një kurs të pakthyeshëm drejt avancimit, standardeve dhe respektimit të ligjit\", ka thënë ministri Tahiri.

Ministri Tahiri ka uruar gjeneratën e re të kadetëve, duke kërkuar nga ta që të përkushtohen në zbatimin e ligjit.

\"Ngjashëm do të definohet nga përkushtimi juaj për t'i dhënë njeriut dinjitetin që i takon, pavarësisht faktit se ai mbahet në korrektim. Dhe në mes të kësaj pune, përkushtimi juaj, është ai që do bëjë diferencën, në rast se Qendrat tona Korrektuese do jenë referencë e sundimit të ligjit, apo degradimit të tij. Prandaj, për fund, duke ju dëshiruar sukses në karrierë, avancim dhe ngritje profesionale në të ardhmen, ju ftoj që të jepni maksimumin tuaj që këtij segmenti të rëndësishëm të zbatimit të ligjit, t'i jepni dimension kuptimplotë, efikas e të përgjegjshëm\", ka thënë ministri  Tahiri.

Drejtori i Përgjithshëm i Akademisë së Kosovës për Siguri Publike Ismail Smakiqi u shpreh i lumtur  që kadetët  e sapo diplomuar të Shërbimit Korrektues të Kosovës janë të parët  që përfunduan  programin profesional  të validuar nga Autoriteti Kombëtar i Kualifikimeve. Smakiqi tha se këto programe janë hartuar bazuar në kompetencat e nevojshme për punë profesionale të zbatuesve të ligjit në vendet e tyre të punës.

“Kjo ceremoni renditet në ngjarjen e radhës e cila shënon historinë e Akademisë, për arsye se 119 kadetët e Shërbimit Korrektues të Kosovës, të parët po përfundojnë një Program Profesional të validuar nga Autoriteti Kombëtar i Kualifikimeve, në Akademinë e akredituar - institucion përgjegjës për ofrimin e këtyre trajnimeve për të gjitha institucionet e sigurisë publike”, tha Smakiqi.

Drejtori Smakiqi duke uruar Drejtorin e Përgjithshëm të Shërbimit Korrektues të Kosovës Nehat Thaqi, për përfundimin e Trajnimit Profesional të 119 zyrtarëve korrektues tha: “ I nderuari drejtor Thaçi iu ftoj ju dhe kolegët e agjencive të punojmë së bashku në ngritjen e cilësisë së trajnimeve në Akademi, me synimin e fundit të ngritjes të shërbimeve të sigurisë për qytetarët e Republikës së Kosovës”.

Drejtori i Përgjithshëm i Shërbimit Korrektues të Kosovës Nehat Thaçi tha se është detyrë dhe përgjegjësi e madhe t’i shërbesh vendit.

“Të jesh pjesëtarë i Shërbimit Korrektues të Kosovës për veç që është privilegj për t’i shërbyer vendit,  është detyrë të shërbesh për siguri duke garantuar të drejta të barabarta për të gjithë qytetarët e vendit, pra edhe atyre që janë të privuar nga liria duke respektuar Kushtetutën e Republikës së Kosovës”, u shpreh Thaçi duke thënë se puna e pjesëtarëve të sigurisë publike është një punë e shenjtë.

“Më punën dhe përkushtimin tonë së bashku do të ngritim imazhin e Shërbimit Korrektues të Kosovës”, tha Thaçi.

Kadetët në ceremoninë e diplomimit i përshëndeti edhe përfaqësuesi i Ambasadës së Shteteve të Bashkuara të Amerikës në Kosovë Methew Jones, i cili përgëzoi Akademinë dhe Shërbimin Korrektues të Kosovës për diplomimin e gjeneratës së dyzetenjë të zyrtarëve korrektues. Jones kujtoj kohën e themelimit të Akademisë me gjeneratat e para të kadetëve të Policisë së Kosovës dhe progresin e arritur gjatë këtyre viteve në Akademi dhe Agjencitë e Sigurisë Publike.

 

Vushtrri,  18 korrik 2019 – Në Akademinë  e Kosovës për Siguri Publike (AKSP) , u hap konkursi për pranimin e studentëve në vitin e parë të studimeve bachelor, në Fakultetin e Sigurisë Publike për vitin akademik 2019/2020.

Të drejtë aplikimi në këtë konkurs kanë zyrtarët e Policisë së Kosovës, Doganës së Kosovës, Shërbimit Korrektues të Kosovës si dhe zyrtarët nga Shërbimi Sprovues i Kosovës.

Aplikimi bëhet online në adresën elektronike: http://smu.aksp-ks.net:8090/

Dokumentet duhet të dorëzohen në Akademinë e Kosovës për Siguri Publike në Vushtrri, në Objektin e ri Fakulteti i Sigurisë Publike Nr. i Zyrës 111.

                                            
Më gjerësisht lexo: Konkursin
                                  

                                 Manuali

Linku për aplikim: http://smu.aksp-ks.net

                                        

                              
 

Vushtrri, 10 korrik 2019 – Bordi i Akademisë së  Kosovës për Siguri Publike mbajti sot takimin e radhës ku u diskutuan disa pika që kanë të bëjnë më arsimimin në fushën e sigurisë.

Në këtë takim morën pjesë  Drejtori i Përgjithshëm i Akademisë Ismail Smakiqi, Drejtori i Përgjithshëm i Policisë së Kosovës Rashit Qalaj, Drejtori i Përgjithshëm i Shërbimit Sprovues të Kosovës Bajram Bujupi,  Kryeshefja  Ekzekutive e Inspektoratit Policor të Kosovës Miradije Kelmendi,  Drejtori i Përgjithshëm i Doganës se Kosovës  Bahri Berisha,  Drejtori i Përgjithshëm i  Shërbimit Korrektues të Kosovës  Nehat Thaqi,  Drejtor i Përgjithshëm  i Agjencisë për Menaxhimin Emergjent Fadil Kodra, Dekani i Fakultetit të Sigurisë Bejtush Gashi,  Drita Perezic nga ICITAP, si dhe zyrtarë të lartë nga institucionet  përkatëse..

Gjatë takimit, anëtarët e bordit kanë diskutuar për përcaktimin e kuotave për institucionet e sigurisë publike në studimet themelore bachelor për vitin akademik 2019/20 në Fakultetin e Sigurisë Publike në Akademi.

Në fillim të takimit anëtarët e bordit propozuan dhe e votuan  për kryesues  të bordit Nehat Thacin Drejtori i Përgjithshëm i  Shërbimit Korrektues të Kosovës. 

Në vazhdim të takimit të Bordit të AKSP-së drejtori Smakiqi i njoftoi anetaret  rreth ecurisë së punës së grupit punues për analizimin, zbërthimin dhe hartimin e rekomandimeve konkrete për implementimin e politikave të përbashkëta për realizimin e fushëveprimit të ligjit të AKSP-së për përmbushjen e standardeve të akreditimit.

Drejtori Smakiqi e njoftoi Bordin e AKSP-së për komunikimin për mes shkresave me Autoritetin Kombëtar të Kualifikimeve, gjegjësisht kërkesën e Autoritetit për plotësimit të kushteve të dhëna nga AKK për të gjitha programet profesionale, me qëllim të validimit të këtyre programeve profesionale dhe akreditimit të Akademisë së Kosovës për Siguri Publike.
Anëtarët e Bordit gjatë diskutimeve theksuan domosdonë e plotësimit të këtyre kushteve nga ana e Akademisë dhe Agjencive të Sigurisë Publike duke u zotuar në avancimin edhe të më tejmë të Akademisë si institucion përgjegjëse për ofrimin e trajnimeve dhe arsimit të lartë për të gjitha institucionet e sigurisë publike.

Drejtori Smakiqi po ashtu njoftoi Bordin e AKSP-së rreth pjesëmarrjes në konferencën vjetore të IADLEST në SHBA si dhe rreth takimit të zhvilluar me Northwestern University (SHBA) lidhur me krijimin e Programit Studimor të Masterit nga fusha e Menaxhmentit - Lidershipit i cili do të bazohet në programin e “Shkollës së Stafit Policor dhe Komandës”.

Ideja e krijimit të Programi Studimor të Masterit – nga fusha e Menaxhmentit (Lidershipit)” i cili do të bazohet në programin gjegjësisht kurikulen e kursit të “Shkolla e Stafit Policor dhe Komandës”, ka lindur në vitin 2017, gjatë mbajtjes të trajnimit dhjetë javor të Shkollës së Stafit dhe Komandës Policore, në periudhën 20 shkurt deri më 18 maj 2017, i cili në Akademinë e Kosovës për Siguri Publike u mbajt për të pestën herë me radhë.

“Kurse gjatë zhvillimit të punimeve të konferencës në Milwaukee, Drejtori Ekzekutiv i Qendrës për Siguri Publike të Universitetit Northwestern   David Bradford shprehi gatishmërinë për përkrahjen e Akademisë në krijimin e një “Programi Studimor të Masterit – nga fusha e Menaxhmentit (Lidershipit)” i cili do të bazohet në programin gjegjësisht kurikulen e kursit të ‘Shkolla e Stafit Policor dhe Komandës’”, tha drejtori Smakiqi

 

Vushtrri, 02 korrik 2019 – Akademinë e Kosovës për Siguri Publik (AKSP) sot e vizitoi një delegacion nga Ministria e Brendshme e shtetit të Katarit, i udhëhequr nga  Kolonel Ali Hassan Al-Kubaisi, drejtor i Departamentit të Krimeve Ekonomike dhe Elektronik ku u takuan më Drejtorin e Përgjithshëm të Akademisë Ismail Smakiqi.

Delegacioni gjatë vizitës ishte i shoqëruar edhe nga zëvendësministri i Punëve të Brendshme Abduselami Shkodra si dhe Amir Ahmeti ushtrues detyre i ambasadorit të Kosovës në shtetin e Katarit.

Delegacioni nga Katari ishe i përbërë edhe nga kolonel Mohammed Ahin Ali -Ahin drejtor gjeneral i Mbrojtjes Civile, kapiten Issa Saleh Abdullah Al- Khualifi  drejtor gjeneral i Drejtorisë së Përgjithshme të Sigurisë Publike, toger Saud Mohammed Saud  Al -Dulaimi nga Instituti Policor për Trajnime dhe toger Khalid Mohammed Al-Sahl nga Departamenti për Bashkëpunim Ndërkombëtar.

Qëllimi i vizitës ishte që të njihen për së afërmi më punën fushë veprimtarinë e Akademisë së Kosovës për Siguri Publike.

Gjatë takimi mes të dyja palëve u bisedua rreth gjetjes së mënyrë së bashkëpunimit  në fushën e sigurisë mes Akademisë së Kosovës dhe Akademisë së Sigurisë Publike të Katarit.

Më ketë rast zëvendësministri i Punëve të Brendshme Abduselami Shkodra, e falënderoi drejtorin Smakiqi për pritje, ndërkohë që e përgëzojë për punën e bërë në Akademi.

“Drejtori Smakiqi është meritor për zhvillimin e Akademisë, zhvillimin e kuadrove këtu, por është meritor edhe për krijimin e bashkëpunimit më partnerët ndërkombëtarë”, tha  Shkodra i cili më këtë rast u shpreh i gatshme për Bashkëpunim me shtetin e Katarit.


Ndërsa, Drejtori i Përgjithshëm i Akademisë Ismail Smakiqi e njoftoj delegacionin për të arriturat e saj, për sfida si dhe për zhvillimin e trajnimeve që bëhen në AKSP. 

Drejtori Smakiqi e njoftoi delegacionin për zhvillimet dhe për proceset e  rëndësishme të Akademisë, për funksionimin e Fakultetit të Sigurisë, për dy projektet e binjakëzimit të cilat tashmë kanë përfunduar më sukses.

Po ashtu në kuadër të kësaj vizite delegacioni u njoftua edhe për bashkëpunimin e vazhdueshëm që ka Akademia më akademitë policore evropiane dhe më gjerë.


Duke e njoftuar delegacionin për bashkëpunimin ndërkombëtarë që ka Akademia, drejtori Smakiqi u shpreh i gatshëm për bashkëpunim me shtetin e Katarit, konkretisht me Akademinë e Sigurisë Publike atje. Siç tha ai bashkëpunimi mund të jetë në shkëmbimin e  përvojave mes dy akademive në fushën e sigurisë për zyrtarët e agjencioneve të sigurisë publike. 

“Një bashkëpunim i tillë është i mirëseardhur”, u shpreh Smakiqi.

Kurse delegacioni nga Katari shfaqen interesimin e tyre rreth procesit të regrutimit të zyrtarëve të sigurisë publike në Kosovë si dhe rreth zhvillimit të trajnimeve në Akademi. Edhe delegacioni në fjalë shfaqen interesimin e tyre për bashkëpunim.

“Ky është vetëm fillimi i bashkëpunimit dhe  ndërtimit të urave bashkëpunuese. Ne jemi të gatshëm të bashkëpunojmë më ju në shkëmbimin e përvojave në fushën e sigurisë”, tha Kolonel Ali Hassan Al-Kubaisi, drejtor i Departamentit të Krimeve Ekonomike dhe Elektronik.

Në fund delegacioni bëni një vizitë nëpër ambientin e Akademisë.

Vushtrri, 01 korrik 2019 -  Një delegacion i përbërë nga zyrtarët e  lartë të Akademisë së Kosovës për Siguri Publike (AKSP), duke përfshirë edhe stafin akademik  tw  Fakultetit të Sigurisë Publike pranë Akademisë dhe ligjërues të angazhuar nga Policia e Kosovës si nga pjesa e trajnimeve profesionale, ashtu edhe nga ajo e studimeve të larta, morën pjesë në seminarin “Sjellja në situata të jashtëzakonshme”.

Seminari në fjalë u mbajt nga Universiteti i Shkencave të Aplikuara të Policisë së Shtetit të Brandenburgut në Oranienburg të Gjermanisë, në kuadër të bashkëpunimit që ka AKSP me këtë institucion përmes programit Erasmus+, përkatësisht përmes Mobilitetit Ndërkombëtar të Kredive (ICM) të këtij programi.

Në kuadër të këtij bashkëpunimi të AKSP-së me këtë Universitet nga Gjermania, bazuar në financimin përmes programit Erasmus+, është arritur që përveç 14 zyrtarëve në fjalë, të dërgohen në të njëjtin seminar edhe 35 zyrtarë të tjerë të Policisë së Kosovës, qoftë studentë të Fakultetit të Sigurisë Publike të AKSP-së, apo edhe zyrtarë policorë të ndërlidhur me sistemin e trajnimit dhe arsimit në kuadër të Akademisë.


 

Vushtrri, 28 qershor  2019 -  Në Akademinë e Kosovës për Siguri Publike (AKSP),  dyzet e dy oficer dhe zyrtar të lart të agjencive të sigurisë publike të Kosovës  sot përfunduan  trajnimin  “Shkolla e Stafit Policor dhe Komandës”, i organizuar dhe mbajtura nga “Qendra për Siguri Publike të Universiteti Northwestern” të Shteteve të Bashkuara të Amerikës (SHBA).

 
Në ceremoninë e diplomimit morën pjesë  Ambasadori i Shteteve të Bashkuara të Amerikës në Kosovës  Philip S. Kosnett,  Ministri i Punëve të Brendshme  Ekrem Mustafa, Drejtori i Përgjithshëm i Akademisë së Kosovës për Siguri Publike  Ismail Smakiqi,  Drejtori i Përgjithshëm i Policisë së Kosovës  Rashit Qalaj, Udhëheqësja e Programit të ICITAP-it për Kosovë  Kimberley Riffe ,  zyrtarë të lartë të  agjencioneve të sigurisë publike në Kosovë si  dhe përfaqësues të Universitetit “Northwestern”.

Në trajnimin “Shkolla për Stafin Policorë dhe Komandës”  i cili mbahet  për  herë të gjashtë, përveç dy udhëheqësve të lartë të Akademisë e kanë ndjekur edhe   zyrtarë nga Policia e Kosovës,  Inspektorati Policor, Shërbimit Korrektues të Kosovës, Agjencisë së Menaxhimit Emergjent,  zyrtarë  nga Forca e Sigurisë së Kosovës si dhe Dogana e Kosovës.


Të pranishmit  vlerësuan lartë mbajtjen e këtij trajnimi duke thënë se zyrtarët pjesëmarrës kanë pasur mundësi të përforcojnë njohurit e tyre  në fusha e sigurisë publike.

Ndryshe  gjatë këtij  trajnimi pjesëmarrësit kanë ndjekur  tetë modulet të cilat ndihmojnë  zyrtarët  në avancimin e punës së tyre dhe të organizatave të tyre; lidershipi, alokimi i burimeve, sjellja organizative, trafiku dhe etika, buxhetimi, vendimmarrja, menaxhimi i projektit etj.

Trajnimi i cili ka zgjatur dhjetë javë është organizuar nga ICITAP-i dhe Ambasada Amerikane në Kosovë, ndërsa ligjërues në këtë trajnim ishin profesor nga Universiteti Northwestern.
Në fund u shpërndan certifikata  për pjesëmarrësit e trajnimit, 

 

Vushtrri, 21 qershor 2019 - Në Akademinë e Kosovës për Siguri Publike (AKSP),  sot  u mbajt  “Miniolimpiada 2019”,  për persona me nevoja të veçanta  e  organizuar nga Komiteti Para Olimpik i Kosovës dhe Organizata e Prindërve dhe Fëmijëve me Aftësi  të Kufizuara  e mbështetur nga OSBE-ja  dhe  Akademia. 

Në ceremoninë e  hapjes së miniolimpiadës morën pjesë kryeministri i Kosovës Ramush Haradinaj, Kryetari i Kuvendit të Kosovës Kadri Veseli, Ministrja e  Pushtetit Lokal Adriana Hodžić, Drejtori i Përgjithshëm i Akademisë Ismail  Smakiqi, Drejtor i Departamentit të Sigurisë Publike të OSBE Ake Roghe, kryetarja e Komitetit  Paralimpik Njomza  Emini, Drejtor i Departamentit të Sportit të Ministrisë së Kulturës,  Rinisë dhe Sportit  Iber Alaj, Kryetari i Komunës së Vushtrrisë Xhafer  Tahiri, Udhëheqësi i HANDIKOS-it  Afrim Maliqi, ambasadorë të shteteve evropiane në Kosovë si dhe  përfaqësuesit e OPFAKKOS-it.

Kryetari i Kuvendit të Republikës së Kosovës Kadri Veseli   në ceremoninë e hapjes së kësaj miniolimpiade u shpreh i gatshëm që personat më nevoja të veçantë t’i përkrahë në çdo fushë.
“Ne jemi këtu për të dëshmuar përkrahjen për ju. E dimë që ka sfida, por bashkërisht do ta keni përkrahjen e fuqishme nga ne”, tha Veseli.

Kryetari Veseli  tha se këto kategori do të inkurajohen dhe do të kenë hapësirë edhe në institucionet publike. “Vendi ynë është shumë i vogël, por mundësitë  janë shumë të madha që të jetojmë më mirë, që të kem hapësirë më shumë”, tha Veseli.

Më këtë rast kryetari Veseli iu uroi suksese garuesve që do të marrin pjesë në lojërat olimpike. “Unë pres që në garat para olimpike të merrni pjesë dhe të jeni kampion”, u shpreh Veseli.

Ndërsa kryeministri i Kosovës Ramush Haradinaj tha se kanë bërë disa punë të mira për personat me nevoja të veçanta, deri sa u shpreh se nuk do të ndalet duke ofruar mbështetje në të gjitha fushat për këto kategori.

“Kam qenë pjesëmarrës disa herë në aktivitetet e organizuara nga ju dhe se çdoherë ka qenë motivim për mua  për të parë energjinë dhe entuziazmin e juaj”, u shpreh Haradinaj. 

  Kryeministri Haradinaj iu uroi pjesëmarrësve suksese në garat e tyre dhe i ftoj që ta dëshmojnë më të mirën,  atë shpirtin garues, shpirtin sportiv, duke i uruar fitoren. 

Kryeministri Haradinaj tha se Qeveria ka bërë disa punë të mira sa i përket personave me nevoja të veçanta, sidomos ligjin për kujdesin për paraplegjikët e Kosovës, por premtoj se nuk do të ndalet më kaq në këtë drejtim, për t’i përkrahur këto kategori.  “Ju uroj suksese, ndërsa më të mirëve fitoren”, tha kryeministri Haradinaj.

Drejtori i Përgjithshëm i Akademisë së Kosovës për Siguri Publike Ismail Smakiqi, duke iu uruar mirëseardhje pjesëmarrësve në Akademi, theksoi se  miniolimpiada për persona me aftësi të kufizuara  është një ngjarje mjaft me rëndësi e cila ju mundëson të pranishmeve të zhvillojë disa aktivitet sportive.

“Stafi i Akademisë çdo herë  shërben vullnetarisht që pjesëmarrësit në miniolimpiad të realizojnë aktivitet e tyre sportive. Më këtë rast falënderoi vullnetarët e shumtë të angazhuar nga Institucione vendore dhe ndërkombëtare”, tha drejtori Smakiqi.

Duke e cilësuar miniolimpiaden si njërin ndër aktivitetet mjaftë të rëndësishme, drejtori Smakiqi foli edhe për misionin, trajnimet dhe proceset nëpër të cilët është duke kaluar Akademia. “Akademia do të vazhdoi me përkushtim të përmbush misionin e saj, të ofroi të gjitha llojet e trajnimeve dhe arsim të lartë për të punësuarit në agjentë e sigurisë publike”,  u shpreh Smakiqi duke folur edhe për vlerat dhe bashkëpunimet ndërkombëtare që ka Akademia.

Më rastin e mbajtës së miniolimpiades drejtori Smakiqi iu dëshiroj  gara të suksesshme pjesëmarrësve.

Drejtorit i Departamentit për Rend dhe Siguri Publike në OSBE, Ake Roghe, tha se lojërat olimpike janë një ngjarje shumë e rëndësishme ku kanë mundësi të marrin pjesë shumë persona që të tregojnë aftësitë e tyre në lojëra të ndryshme. Roghe tha se ky komunitet është i veçantë dhe përmes këtij eventi duhet që t’iu garantohet mbështetja e duhur. “Kjo është një ngjarje e mrekullueshme, është inspiruese dhe një shembull i mirë”, tha Roghe.

Ministrja e Pushtetit Lokal, Adriana Hodziq, u shpreh se të gjithë duhet të angazhohen që personat me nevoja të veçanta të kenë qasje si të gjithë qytetarët e tjerë të Kosovës.

“Garat e organizuara për personat me nevojat të veçanta më një numër kaq të madh janë rast se dëshmohet fakti se personat me nevoja të veçanta janë plotësisht të barabartë më gjithë qytetarët e Kosovës. Nevojat  e tyre janë të njëjta sikurse nevojat e gjithë të tjerëve dhe prandaj të gjithë institucionet duhet të angazhohen që edhe këta persona të kenë qasje si gjithë qytetarët tjerë”, u shpreh ministrja Hodziq.

Ndërsa, presidentja e Komitetit Paraolimpik, Njomza Emini, tha se viti 2019 do të jetë i veçantë për këtë komitet dhe theksoi se janë të gatshëm për t’u anëtarësuar në organizatat ndërkombëtare.

 “Viti  2019 do të jetë i veçantë për faktin se ky vit e gjen komitetin paraolimpik të pranuar me të drejtat e plota në të gjithë organizmat ndërkombëtarë. Ne kemi aplikuar në komitetin paraolimpik, jemi në proces dhe uroj që këtë viti të jemi të pranuar ndërkombëtarisht”, u shpreh Emini.

Ndryshe në miniolimpiada zhvillohen gara  hendboll, basketboll, pikado, futboll, shah, pingpong, vrapim me karrocë, shenjëtari etj. Ky aktivitet tashmë është tradicional dhe kjo është hera e pesëmbëdhjetë që mbahet në Akademi


 

Milwaukee, 12 qershor 2019 - Në qytetin Milwaukee, Wisconsin të Shteteve të Bashkuara të Amerikës, nga data 10 deri 12  u mbajt konferenca vjetore e Asociacionit Ndërkombëtar të Drejtorëve të Standardeve dhe Trajnimit të Zbatimit të Ligjit (International Association of Directors of Law Enforcement Standardsand Training - IADLEST).

Në këtë konferencë morën  pjesë udhëheqës të lartë,  Drejtori i Përgjithshëm i Akademisë së Kosovës për Siguri Publike Ismail Smakiqi, drejtori i Departamentit për Planifikim Strategjik dhe Çështje Ligjore Shpend Shabani. Ndërsa  nga Policia e Kosovës, drejtor i Divizionit për Personel dhe Administratë, kolonel Hilmi Pacolli, drejtoresha e Drejtorisë për Mbështetje të Trajnimeve te Specializuara dhe Avancuara, kolonele Zylfije Krasniqi si dhe zyrtarja e ICITAP-it Remzije Ibrahimi, një herit koordinatore nga ICITAP-i në Policinë e Kosovës.

Konferenca IADELEST u ofron anëtarëve të saj mundësinë për t'u takuar, për të shkëmbyer ide, për të kërkuar këshilla dhe për të krahasuar progresin. Të gjithë pjesëmarrësit në konferencën vjetore janë anëtarë të IADLEST. Drejtori Smakiqi është anëtar i këtij asociacioni që nga viti 2011 kur është anëtarësuar në IADLEST ( i përkrahur nga ICITAP-i) dhe merr pjesë për herë të gjashtë në konferencën vjetore IADELEST.

Në konferencën vjetore në Milwaukee, marrin pjesë drejtorët e standardeve të akademive policore nga 40 shtete të Shteteve të Bashkuara të Amerikës si dhe drejtorët e akademive policore dhe sigurisë publike nga disa vende të botës, në mesin e të cilëve drejtorët e akademive policore dhe të sigurisë publike nga Kosova, Shqipëria, Mali i Zi, Bosnja dhe Hercegovina, Maqedonia e Veriut e të tjera.

Në ditën e parë të Konferencës, pjesëmarrësit patën rastin të dëgjojnë në dy seanca plenare folësin kryesor togerin Brajan Murphy, i cili siç tha  ai në gushtin e vitit 2012 u qëllua 15 herë nga një sulmues në tempullin “sik” në Wisconsin të SHBA-ve  ku në ketë rast sulmuesi vrau pesë dhe plagosi dy veta . Togeri Brajan Murphy i mbijetoi plagëve të rënda në trup dhe kokë dhe gjatë dy seancave në konferencë shpjegojë ngjarjet e zhvillimit të asaj dite. Togeri Murphy foli për rëndësinë e trajnimit të oficerëve policorë duke i inkurajuar pjesëmarrësit e konferencës të vazhdojnë me punën e tyre në ngritjet e cilësisë të trajnimeve të oficerëve policor të vendeve të tyre.

Konferenca vazhdoi punimet dhe për dy ditë me radhë të ndarë në “tryeza të rrumbullakëta” dhe ligjërata të ndryshme.
Drejtori Smakiqi me anëtarët e delegacionit nga Akademia dhe Policia e Kosovës, zhvilluan takime me pjesëmarrësit e konferencës nga vendet e regjionit, drejtorët e standardeve të akademive amerikane dhe vendeve tjera pjesëmarrës në konferencë.

Gjatë punimeve të konferencës drejtori Smakiqi dhe delegacioni nga Akademia dhe Policia e Kosovës u takua me Drejtorin Ekzekutiv të Qendrës për Siguri Publike të Universitetit Northwestern   David Bradford dhe  Cameron Fisher, ish udhëheqës i Programit të ICITAP-it në Kosovë dhe mbajtës i leksioneve të kësaj qendre, i cili ka mbajtur dy javë leksione në  kursin dhjet javor “Shkolla e Stafit Policor dhe Komandës” i cili aktualisht është duke u mbajtur për herë të gjashtë në AKSP. Në takim Bradford dhe Fisher arriten pajtueshmëria për përkrahjen e Akademisë në krijimin e një “Programi Studimor të Masterit – nga fusha e Menaxhmentit (Lidershipit)” i cili do të bazohet në programin gjegjësisht kurikulen e kursit të “Shkolla e Stafit Policor dhe Komandës”.

Pajtueshmëria e përkrahjes të Akademisë në krijimin e “Programi Studimor të Masterit” nga Universitetit Northwestern, vjen si rezultat i bisedimeve më shumë se dy vjeçare të Akademisë së Kosovës për Siguri Publike dhe Universitetit Northwestern si dhe kërkesës të Agjencive të Sigurisë Publike gjegjësisht rrethe 200 oficer të Policisë së Kosovës dhe zyrtar të lartë të Agjencive tjera të Sigurisë Publike të cilin e kanë ndjek dhe diplomuar kursin “Shkolla e Stafit Policor dhe Komandës”.

Krijimi i Programi Studimor Mastrit në AKSP është përkrahur edhe nga Drejtori i Përgjithshëm i Akademisë së Sigurisë në Tiranë Bilbil Memaj, i cili ka shprehur interesim për ndjekjen e këtij programi të masterit nga studentët e shtetit shqiptar si dhe mundësisë të mbajtjes të leksioneve në këtë program nga mësimdhënësit me kompetencë shkencore të Akademisë së Sigurisë në Tiranë.

Cikli i krijimit deri në akreditim të programit master  gjegjësisht fillimi i këtij programi do të jetë periudha 2019 – 2021, ashtu si parashihet edhe në Strategjinë Zhvillimore të AKSP-së 2019 – 2022.

Vushtrri 11 qershor 2019 -   Një delegacion i Universitetit  “Utah Valley”,  nga Iowa e Shteteve të Bashkuara të Amerikës,  sot qëndruan për vizitë në Akademinë e Kosovës për Siguri Publike, ku u prit nga  drejtori i Departamentit të Financave  dhe Shërbimeve të Përbashkëta Rrahim Rexha, Dekani i Fakultetit të Sigurisë Publike Bejtush Gashi  si dhe stafi tjetër akademik.


Drejtori  Rexha fillimisht ju dëshiroj mirëseardhje delegacionit, ndërkohë që i informoi për zhvillimet në Akademinë e Kosovës për Siguri Publike.

Gjatë këtij takimi  Rexha foli për trajnimet që mbahen në akademi  ku marrin pjesë të gjithë zbatuesit e ligjit, për projektet që ka realizuar Akademia , projekt këto që kanë të bëjë më fushën e sigurisë publike. Po ashtu delegacioni u informua edhe për bashkëpunimin ndërkombëtar që ka Akademia me vende të ndryshme evropiane dhe me gjerë.

Ndërsa, Profesor  John Fisher në Universitetin Utah Valley nga Shtetet e Bashkuara të Amerikës i cili  po qëndron në Akademinë e Kosovës për Siguri Publike  tha se Akademia ka shënuar progres në realizimin e projekteve të saj. Fischer gjatë qëndrimit të tij në Akademi ka vlerësuar lartë punën që bëhet këtu.
Ficher ka  folur edhe për bashkëpunimin me stafin mësimdhënës të Fakultetit të Sigurisë Publike të AKSP-së, shkëmbimin e përvojave etj. 

Profesor Ficher u shpreh i gatshëm për bashkëpunim më Akademinë edhe në të ardhmen.

Delegacionin e studenteve nga  Universiteti i Utah Valley nga Iowa e Shteteve të Bashkuara të Amerikës, e përshëndeti edhe Dekani i Fakultetit të Sigurisë Publike Bejtush Gashi.  Edhe Dekani Gashi shprehu gatishmërinë  e tij për bashkëpunim edhe në të ardhmen në fushën arsimit për siguri publike.
Ndërsa delegacioni u ndan të kënaqur me vizitën në Akademi , ku interesimi i tyre ishte lidhur me trajnimet dhe zhvillimet tjera në Akademi.
 
Në fund delegacioni  të shoqëruar nga menaxhmenti i  lartë i Akademisë vizituan instruktoren  në Akademi dhe u informuan me punën praktike që zhvillojnë pjesëtarët e sigurisë publike.
 

Vushtrri, 06 qershor 2019 – Ambasadori i Shteteve të Bashkuara të Amerikës në Kosovë Philip Kosnett,  sot vizitoi Akademinë e Kosovës për Siguri Publike ku u prit nga Drejtori i Përgjithshëm Ismail Smakiqi dhe nga stafi i Akademisë.

Ambasadori Kosnett i cili ishte i shoqëruar nga bashkëshortja e tij Alison Kosnett u njoftuan për  proceset nëpër të cilat është duke kaluar Akademia.

Më këtë rast Drejtori i Përgjithshëm Ismail Smakiqi i falënderoj Shtetet e Bashkuara të Amerikës  për përkrahjen e vazhdueshme që kanë bërë dhe po vazhdojnë ta bëjnë ndaj Akademisë,  për mes organizimit të trajnimeve dhe dhurimit të donacioneve të shumta.


Ndërkohë  drejtori Smakiqi  e njoftoi ambasadorin Kosnett për trajnimet që ofron Akademia për gjithë zbatuesit e ligjit në Kosovë.

“Ndihem i nderuar që ambasadori i Shteteve të Bashkuara të Amerikës Philip Kosnett na vizitoi, ndërkohë që e njoftoi ambasadorin se gjatë këtyre viteve Akademia është përkrahur me këshilltarë të lartë, zyrtarë të ICITAP-it, ekspertë të fushave të sigurisë publike  në fushën e trajnimeve për zbatuesit e ligjit”, u shpreh Smakiqi.

Ambasadori u njoftua për donacionet që SHBA ka dhuruar Akademisë siç janë Qyteza Simuluese, Pajisjet e Simulimit të Trajnimit me Armë Zjarri (FATS), tabelat e mençura si dhe përkrahjen e Akademisë dhe agjencive të sigurisë publike në ngritjen e kapaciteteve njerëzore përmes trajnimeve të ndryshme. 

Smakiqi tha se  ICITAP realizon trajnime të specializuara dhe të avancuara për agjencitë e sigurisë publike.
 
“Njëri nga trajnimet më të njohura është ‘Shkolla e Stafit dhe Komandës Policore’ i cili është duke u zhvilluar aktualisht në Akademi, në të cilin janë duke marrë pjesë zyrtarë të lartë policorë nga Policia e Kosovës, zyrtarë udhëheqës nga agjencitë e sigurisë publike”, u shpreh Smakiqi.

Gjithashtu në kuadër të kësaj vizite ambasadori Kosnett u njoftua edhe për proceset nëpër të cila po kalon Akademi e në theks të veçantë për akreditimin ndërkombëtar të Akademisë nga Asociacioni Ndërkombëtar i Drejtorëve të Standardeve dhe Trajnimit të Zbatimit të Ligjit (IADLEST) të Shteteve të Bashkuara të Amerikës.



 

Vushtrri, 08 maj 2019 – Drejtori i Përgjithshëm i Akademisë së Kosovës për Siguri Publike (AKSP), Ismail Smakiqi priti në takim një delegacioni nga qyteti i Norwalk të Iowa së Shteteve të Bashkuara të Amerikës (SHBA), i kryesuar nga shefi i policisë së Norwalk Greg Staples, Jaki Lingingston anëtare e Këshillit të Qytetit Norwalk dhe Ryan Coburn shefi i zjarrfikëseve. Po ashtu delegacioni u shoqërua edhe nga nënkryetari i Komunës së Vushtrrisë Besim Muzaqi. 

 Drejtori i Përgjithshëm i Akademisë Ismail Smakiqi duke përshëndetur të pranishmit ai i informoi delegacionin me zhvillimet e përgjithshme të  Akademisë.  

Smakiqi tha se Akademia  ka raporte shumë të mira me SHBA dhe falë ndihmës së saj, Akademia sot  vazhdon  bashkëpunimin në  fusha të ndryshme, në trajnimin e pjesëtarëve të sigurisë publike në Akademi.

Më tej gjatë këtij takimi Drejtori  Smakiqi e informoi delegacionin me zhvillimet e fundit në Akademi  si dhe për akreditimin  Ndërkombëtar  të Akademisë nga Asociacioni Ndërkombëtar i Drejtorëve të Standardeve dhe Trajnimit të Zbatimit të Ligjit të Shteteve të Bashkuara të Amerikës ( IADLEST) etj.

 Drejtori Smakiqi  e njoftoi delegacionin edhe për projektet e financuara nga ambasada e Shteteve të Bashkuara të Amerikës në Kosovë siç janë donacionet e shumta, organizimi i trajnimeve etj.

Smakiqi e falënderoi SHBA-në për përkrahjen që po i jep Akademisë në realizimin e misionit të saj, ndërkohë që u shpreh i gatshëm që  bashkëpunim me qytetin e Norwalkut të Iowa- së të vazhdoj më tutje.

Ndërsa delegacioni i qytetit  të Norwalkut të Iowa-së  nga Shtetet e Bashkuara të Amerikës (SHBA),  u interesuan rreth procesit të trajnimeve qe mbahen në Akademi, nderkohë që u shprehen të hapur për bashkëpunim me Akademinë në fushën e trajnimeve për zbatuesit e ligjit. 

Gjatë kësaj vizite delegacioni i dhuroi drejtorit Smakiqi një çek më vlerë 1200 dollar për ta pajisur sallën e fitnesit më mjete sportive. 

Vushtrri, 30 prill 2019 – Në Akademinë e Kosovës për Siguri Publike (AKSP), sot gjashtëmbëdhjetë kadetët përfunduan pjesës teorike të programit profesional për Inspektor i Inspektoratit Policor të Kosovës. 

Në këtë ceremoninë morën pjesë, Ministri i Punëve të Brendshme  Ekrem Mustafa, Drejtori i Përgjithshëm i Akademisë së Kosovës për Siguri Publike Ismail Smakiqi,  Kryeshefja  Ekzekutive  e Inspektoratit Policor të Kosovës Miradije Kelmendi,  Kimberly Riffle, Menaxhere e Programit të ICITAP –it në Kosovë si dhe Shpresa Muharremi përfaqësues e OSBE-së në Akademi.

Ministri i Punëve të Brendshme Ekrem Mustafa tha se ndjen kënaqësinë që merr pjesë në këtë ceremoni të diplomimit inspektorëve të ri të Kosovës.  Ai  përgëzoi  për punën që po bën Akademia e Kosovës për Siguri Publike në sferën e trajnimeve dhe përgatitjes  së lartë profesionale jo vetëm për inspektorët e rinj por edhe për policët e rinj. 

“Jam këtu për t’iu thënë se vullneti im dhe ndihma ime si ministër nuk do të mungojë asnjëherë sidomos kur kemi të bëjmë me një institucion të rëndësisë së veçantë për Republikën e Kosovës siç është Inspektorati Policor i Kosovës. Në këtë rast mbikëqyrja dhe kontrolli policor nga njerëz kompetent, të pajisur me dije adekuate profesionale dhe më avancime shkencore ndikon në tërësi në kontrollin dhe balancën mes pushteteve gjegjësisht mes shumë institucioneve shtetërore”, tha Mustafa. 

Gjithashtu me këtë rast  ai përgëzoi edhe stafin e Akademisë së Kosovës për Siguri Publike dhe specialistët nga vendi dhe nga organizatat perëndimore që po kontribuojnë çdo ditë e më shumë që të arrihen  standardet evropiane në fushën e sigurisë publike dhe zbatimit të ligjit. 

“Ashtu siç keni qenë të suksesshëm në pjesën teorike në fund uroj që t’ia dilni me rezultate pozitive edhe në pjesën praktike gjatë punës në terren”, përfundoi fjalën e tij ministri Mustafa.

Kurse, Drejtori i Përgjithshëm i Akademisë Ismail Smakiqi vlerësoi se kjo është një ngjarje shumë e rëndësishme për Akademinë dhe vendin në përgjithësi. 

“Kjo ceremoni renditet në ngjarjen e radhës e cila shënon historinë e Akademisë dhe të Sigurisë Publike në Kosovë në përgjithësi, për arsye se 16 kadetët e Inspektoratit Policor të Kosovës, të parët kanë filluar të ndjekin një program profesional të validuar nga Autoriteti Kombëtar i Kualifikimeve, të parët po përfundojnë pjesën teorike të këtij programit dhe të parët do të certifikohen në profesionin e tyre me një program të akredituar”,  u shpreh Smakiqi duke thënë se Akademia ka bërë  dhe është duke bërë punë mjaftë të madhe  për trajnimin e pjesëtarëve të fushës së sigurisë.

“Kemi bërë një rrugë të gjatë dhe shumë punë që nga dita e fillimit të krijimit të programeve profesionale, validimin e këtyre programeve dhe akreditimin e Akademisë nga Autoriteti Kombëtar i Kualifikimeve. Në muajin prill të vitit 2018, Autoriteti Kombëtar i Kualifikimeve ka akredituar Akademinë dhe ka validuar programet profesionale; ‘Polic i Ri’, ‘Inspektor i IPK’, ‘Zyrtar Doganor’, ‘Zyrtar Korrektues dhe Zyrtar Sporovues’, kurse nga muaji prill i këtij viti është validuar edhe programi profesional Zjarrfikës”, tha Smakiqi.

Më këtë rast drejtori Smakiqi foli edhe për trajnimet tjera që janë duke u mbajtur aktualisht në Akademi si  trajnimi bazik i kadetëve të Policisë së Kosovës, kadetëve të Shërbimit Korrektues të Kosovës, trajnimi “Shkolla për stafin policor dhe komandues”, etj. 

“Aktualisht në Akademi trajnohen ose ndjekin mësime më shumë se 800 kadet,  pjesëmarrës në trajnime ose student”, tha Smakiqi.

“Një veçori e këtij trajnimi është se Akademia dhe Inspektorati Policor i Kosovës përmes këtij programi kanë jetësuar praktikisht misionin e Akademisë, të përcaktuar me Ligjin e AKSP-së, i cili përcakton Akademinë institucion përgjegjës për zhvillimin e trajnimeve dhe jo vetëm”, u shpreh Smakiqi .

Drejtori Smakiqi i ka uruar kadetët për të arriturat e tyre gjatë trajnimit dhe suksese në punë. 

Ndërkaq Kryeshefja Ekekutive e Inspektoratit Policor të Kosovës Miradije Kelmendi tha se ky moment është shumë i rëndësishëm pasi që trajnimi dhe certifikimi i tyre kadetëve bëhet në bazë të programeve të validuara nga Autoriteti Kombëtar i Kualifikimeve. 

“Rruga për të arritur deri  në këtë moment ka qenë e vështirë dhe plotë sfida. Duke shpresuar se keni arritur të absorboni tërë potencialin e nevojshëm për ushtrimin e aktivitetit ligjor, vlerësojmë së sfidat e ardhshme në karrierën tuaj do t’i tejkaloni me një përkushtim dhe profesionalizëm, në arritjen më sukses të misionit të rëndësishëm të përcaktuar me ligj. Qytetarët e Republikës së Kosovës presin që me punën tonë të kontribuojmë në drejtim të sigurimit të një policie të përgjegjshme, demokratike dhe profesionale, që respekton të drejtat dhe liritë e njeriut. Ju duhet të jeni shembull i sjelljes, disiplinës dhe përkushtimit, në zbatim të ligjit dhe në shërbim të qytetarëve, jo vetëm këtu, jo vetëm në punë, por kudo që jeni dhe gjatë gjithë kohës”, tha Kelmendi duke vlerësuar se Inspektoratit Policor i Kosovës do të pasurohet edhe me tutje më përkushtimin dhe profesionalizmin e inspektorëve të rinj.  

Ndërsa  Kimberly  Riffle menaxhere e programit të ICITAP-it  tha se duhet te merrni punën  seriozisht, t’i shërbeni vendit  me nder dhe ti kryeni  detyrat  me integritet të  lartë dhe të përmirësoni punën në shtetin tuaj. 

“Kemi nderin të ndajmë sukseset tuaja sot nesër dhe në të ardhmen  me ju,  profesioni juaj është më rëndësi të lartë që të siguroni se zbatimi i ligjit duhet të bëhet me standarde të larta”, përfundoi  Kimberly.

Në emër të gjeneratës të kadetëve të Inspektoratit Policor të Kosovës, të pranishmit i përshëndeti kadeti Hazer Mallaku. Mallaku falënderoi të gjitha institucionet të cilat kanë kontribuar për përfundimin me suksese të pjesës teorike të programit profesional për inspektor të Inspektoratit Policor të Kosovës; Akademinë e Kosovës për Siguri Publike, instruktorët e IPK-së, ekspertët e angazhuar nga agjencitë e ndryshme si dhe ekspertët nga OSBE, Agjencia Kundër Korrupsionit, Prokuroria e Shtetit, Gjykata Themelore e Prishtinës.