Lajmet

Vushtrri, 16 shtator 2023 –Në Akademinë e Kosovës për Siguri Publike (AKSP) sot  u bë hapja e lojërave para sportive “Kosova 2023” për personat më nevoja të veçanta, të cilat do të mbahen dy ditë radhazi. Në këto gara po marrin pjesë rreth 400 para atletë nga vendet e rajonit, nga Kroacia, Mali i Zi, Maqedonia e Veriut dhe Kosova.

Pjesëmarrësit në  ceremoninë e hapjes së kësaj ngjarje u shpreh të gatshëm që t’u krijohen kushte edhe më të mirë  personave më nevoja të veçanta.

Kryeministri i Republikës së Kosovës Albin Kurti,  në ceremoninë e hapjes së këtyre lojërave, falënderoi Komiteti Paralimpik  për punën dhe angazhimin që është duke e bërë për personat me aftësi të kufizuara. 

Kryeministri Kurti, tha se pas anëtarësimit në organizatat ndërkombëtare , Komiteti Paralimpik i Kosovës padyshim që ka korrur suksese të pamohueshme të cilat e ndihmojnë sportin, e ndihmojnë personat më aftësi të kufizuara dhe e afirmojnë shtetin e Kosovës në arene ndërkombëtare.

“Ju përgëzoj për këtë organizim dhe sukseset që po i tregoni sa i përket anëtarësimit në Organizata ndërkombëtare. Le të argëtohemi bashkë dhe sa më shumë le të shoqërohemi në mënyrë që ta mbështesim dhe ta ndihmojmë njëri tjetrin edhe më së shumti të gjitha ata persona që janë më nevoja të veçanta apo me aftësi të kufizuara”, tha kryeministri Kurti. 

Kryetarja e Komiteti Paralimpik në Kosovë, Njomza Emini, duke thënë së kjo ngjarje është shumë më rëndësisë për të gjithë pjesëmarrësit në gara, tha se këtë ngjarje e bënë edhe më të rëndësishme pranimi i Komiteti Paralimpik  të Kosovës  në Komitetin Paralimpik Evropian. Emini, falënderoi të gjithë  ata që kanë ndihmuar në realizimin e kësaj ngjarja. 

Zëvendëskryeministrja e Republikës së Kosovës, Emilija Rexhepi, duke  iu uroj suksese garueseve në lojërat,   tha  qeveria është e përkushtuar që t’i përmirësoj sa më shumë kushtet për sportin paralimpik.  “Energjia juaj na jep forcë dhe dëshirë që shumë gjëra të ndryshohen ne vendi ku jetojmë dhe i takojmë”, u shpreh Rexhepi.

Komandanti i misionit të KFOR-it në Kosovë, Angelo Michele Ristuccia, tha se ndjehet i nderuar që kanë mundësi ta përkrahin këtë komitet.

Më këtë rast Ristuccia e uroi Komiteti Paralimpik të Kosovës për pranimin në në Komitetin Paralimpik Evropian. 

Ndersa, drejtori i Departamentit për Siguri dhe Rend Publike në OSBE, Edward Anderson, tha se pavarësisht vështirësive, sukseset dhe rezultate nuk do të mungojnë. “Suksesi juaj është model për të gjithë edhe për ne”, u shpreh Anderson, duke i uruar sportistet e këtij komiteti që të mos ndalen asnjëherë. 

Kurse, drejtori i Departamentit të Financave dhe Shërbimeve të Përgjithshme në Akademinë e Kosovës për Siguri Publike Rrahim Rexha, tha se lojërat para sportive janë një aktivitet shumë i rëndësishëm që zhvillohen në Akademi.

Rexha tha se Akademi si çdo herë edhe sot edhe në të ardhmen është e gatshme të përkrah këtë komitet në realizimin e aktiviteteve të saja. “Akademia është e gatshme që edhe më tutje t’i përkrah  këto kategori  në realizimin e garave tuaja në sport”, u shpreh Rexha 

Edhe zëvendësministri i Punëve të Brendshme, Bardhyl Dobra, tha Kosova dhe institucionet e saja janë të angazhuara dhe kanë për synim avancimin e pozitës së personave më aftësi të kufizuara si në mërqinje, arsim, kulture, sport dhe në fusha të tjera. 

Në fund zv/ministri Dobra iu uroj suksese para sportistëve në garat e tyre dy ditore. 

Duke falënderuar për ftesën, garuesit  i përshëndeti edhe përfaqësuesja e lojërave paralipike nga Kroacia Antonia Balek. 

Lojërat të cilat do të marrin pjesë garuesit janë; Basketboll me karrige me rrota, Volejboll ulur, Tenis tavoline, Lojëra me shah, Forumi për diskutimin e librit “Përfshirja dhe edukimi fizik”, Gol për të verbëritë, Xhudo me rregulla paraolimpike, Futbolli 5, Tërheqje me litar të gjitha kategoritë, Shigjetë të gjitha kategoritë, Mundje krahu, Futboll i verbër, Vrapimi me çanta, Vizatimi \\\"Vizioni im, të drejtat e mia\\\" etj.  

Vushtrri, 15 shtator 2023 - Gjatë periudhës kohore 14 - 15.09.2023, Zëvendësuesi i Drejtorit të Përgjithshëm të Akademisë së Kosovës për Siguri Publike, Kastriot Jashari, dhe Kryeshefi Ekzekutiv i Inspektoratit Policor të Kosovës, Kushtrim Hodaj, zhvilluan vizitat e përbashkëta në dy institucione të rëndësishme të zbatimit të ligjit në Republikën e Çekisë, në Inspektoratin e Përgjithshëm të Forcave të Sigurisë (GIBS) dhe Akademinë Policore të Republikës së Çekisë (APÇ), në Pragë.

Gjatë vizitave të përbashkëta në këto dy institucione, u diskutua mbi thellimin e bashkëpunimit në fushën e trajnimeve ndërmjet IPK-së dhe GIBS si dhe fillimin e ndërtimit të bashkëpunimit në mes të AKSP-së dhe APÇ. 

Autoritetet e rëndësishme të Çekisë shprehen gatishmërinë për bashkëpunimin dhe mbështetje për institucionet respektive të Kosovës dhe palët u pajtuan që takimet e ardhshme të zhvillohen në Kosovë dhe të diskutohen për fushat konkrete të bashkëpunimit. 

Vushtrri, 28 gusht 2023 –  Dyzet zyrtarë të lartë  nga institucionet e ndryshme të sigurisë publike në Kosovë,  sot filluan “Shkollën Ndërkombëtare për Stafin Policor dhe Komandues”,  e cili do të mbahet në Akademinë e Kosovës për Siguri Publike. 

Kjo shkollë u organizua nga Qendra për Siguri Publike në Universitetit Northwestern të Shteteve të Bashkuara të Amerikës (SHBA) dhe e mbështetur nga Programi Ndërkombëtar i Përkrahjes së Trajnimit të Hetimit të Krimit  (ICITAP) në Kosovë. 

Në ceremoninë e hapjes, zëvendësuesi i Drejtorit të Përgjithshëm në Akademinë e Kosovës për Siguri Publike, Kastriot Jashari, tha se programet si “Shkolla Ndërkombëtare për Stafin Policor dhe Komandues”, janë shumë të rëndësishme për të gjitha institucionet e sigurisë publike në vend. 

“Dua të përshëndes Kimberly Riffe udhëheqëse e programit të ICITAP-it në Kosovë, për gjithë kontributin e saj ndaj institucioneve të Kosovës. Për, Akademinë është kënaqësi e veçantë që për të shtatën herë me radhë organizohet kjo shkollë e cila ofron njohuri të jashtëzakonshme për gjithë pjesëmarrësit e  institucioneve të sigurisë”, tha Jashari duke vlerësuar se pjesëmarrësit do të kenë mundësi t’i përforcojnë njohurit e tyre  në fushën  e sigurisë publike. 

Pjesëmarrësit i përshëndeti edhe Drejtori i Përgjithshëm i Policisë së Kosovës, Gazmend Hoxha.

Hoxha tha se ky kurs ka rëndësi të veçantë për policinë dhe për gjitha institucionet e zbatimit të ligjit në vend.  Drejtori Hoxha duke folur për të arriturat e policisë, falënderoi Shtetet e Bashkuara të Amerikës për kontributin e dhënë në vazhdimësi institucioneve të sigurisë në Kosovë.

Ndërsa,  instruktori Maichael McGuigan, para pjesëmarrësve foli rreth moduleve të kursit.

Pasi që në këtë shkollë marrin pjesë të gjitha institucionet e sigurisë në vend, McGuigan tha se trajnimet shtesë janë shumë të rëndësishme për gjithë zbatuesit e ligjit. 

“Unë e falënderoi ICITAP-in që na mundësoj që të vijmë në Kosovë dhe të ofrojmë këtë kurs, kjo është hera e shtatë që kemi pasur mundësinë që të punojmë më vëllezërit dhe motrat e mija nga ana tjetër e botës”, tha McGuigan. 

 Në ketë ceremoni morën marrë pjesë edhe gjenerali i Forcës së Sigurisë së Kosovës Enver Cikaqi,  Zëvendësuesi i Drejtorit të Përgjithshëm në Shërbimin Korrektues të Kosovës, Ismail Dibrani, përfaqësuesi nga Inspektorati Policor i Kosovës, Bajram Fetahu, përfaqësuesi nga Dogana e Kosovës, Driton Azemi, si dhe përfaqësues  tjerë vendor dhe ndërkombëtarë. 

Shkollën Ndërkombëtare për Stafin Policor dhe Komandues,  janë duke e vijuar zyrtarë nga Akademia e Kosovës për Siguri Publike, nga Policia e Kosovës, Inspektorati Policor, Shërbimit Korrektues i Kosovës, zyrtarë  nga Forca e Sigurisë së Kosovës si dhe Dogana e Kosovës.

Shkolla Ndërkombëtare për Stafin Policor dhe Komandues do të zgjasë dhjetë javë, ligjërues do të jenë profesor nga Universiteti Northwestern.

 Vushtrri, 25 gusht 2023 - Zëvendësministri i Punëve të Brendshme  të Kosovës, Blerim Gashani, sot vizitoi Akademinë e Kosovës për Siguri Publike. Zv/ministri Gashani u takua më  zëvendësuesin e Drejtorit të Përgjithshëm të Akademisë, Kastriot Jashari. 

Qëllimi i vizitës  ishte për të biseduar rreth aktiviteteve  që janë duke u zhvilluar dhe atyre që  janë të planifikuara të zhvilohen në të ardhmen e afërt në Akademi. 

Më këtë rast zëvendësministri Gashani,  tha se Ministria e Punëve  të Brendshme  do ta mbështes Akademinë edhe më tutje  në ngritjen  e kapaciteteve të saj rreth trajnimeve në fushën e sigurisë publike. 

Gjatë vizitës, u vlerësua se Akademia ka një rol të rëndësishëm në vend, pasi që ofron trajnime për të gjithë zyrtarët e sigurisë publike.

Përveç kësaj, u vlerësua nevoja për trajnime të vazhdueshme dhe të specializuara për zyrtarët  e sigurisë, me qëllim që ata të jenë të gatshëm për të përballuar situata të ndryshme të rrezikut. 

Ndërsa zëvendësuesi i Akademisë së Kosovës për Siguri Publike, Kastriot Jashari, falënderoi zëvendësministrin Gashani  dhe Ministrinë e Punëve të Brendshme për mbështetjen që i ofron Akademisë.  

Zëvendësministri i Punëve të Brendshme, Blerim Gashani gjatë vizitës në Akademi ishte i shoqëruar  nga zyrtarja  e  kabinetit të ministrit   të Punëve të Brendshme Aulona Bytyqi. Në takim morën pjesë edhe drejtori  i Departamentit të Financave dhe Shërbimeve të Përgjithshme në Akademi, Rrahim Rexha dhe udhëheqësi i Divizionit për Marrëdhënie me Jashtë, Avni Istrefi. 

Vushtrri, 14 korrik 2023 - Në Akademinë e Kosovës për Siguri Publike (AKSP), sot u nënshkrua marrëveshja për vazhdimin e bashkëpunimit ndërmjet AKSP-së dhe Akademisë së Sigurisë së Shqipërisë. 

Marrëveshja u nënshkrua nga rektori i  Akademisë së Sigurisë në Shqipëri, Ilirjan Mandro dhe nga zëvendësuesi i Drejtorit të Përgjithshëm të Akademisë së Kosovës për Siguri Publike, Kastriot Jashari.

Në marrëveshje parashihet bashkëpunimin në fushat e trajnimit, arsimit të lartë dhe hulumtimit ndërmjet të dyja institucioneve, duke përfshirë edhe shkëmbimin e studentëve dhe stafit akademik. 

Pjesë e delegacioni nga Akademia e Sigurisë së Shqipërisë të cilët vizituan Akademinë e Kosovës për Publike ishin edhe Lutfi Minxhozi  këshilltar në ASS dhe Luljeta Ismajlukaj oficere e kontaktit në ambasadën e Republikës së Shqipërisë në Kosovë.

Marrëveshja në fjalë u nënshkrua për një periudhë kohore prej katër vjetësh me mundësi vazhdimi.

Vushtrri, 14 korrik 2023 – Pas përfundimit  të trajnimit për zyrtarë policor,  të mbajtur në Akademinë e Kosovës për  Siguri Publike, sot diplomuan 417 kadetët të gjeneratës së 58 të Policisë së Kosovës. 

Të sapo diplomuarit, në mesi e të cilëve janë 47 femra, në mënyrë ceremoniale bënë betimin e tyre  për t’i shërbyer vendit dhe gjithë qytetarëve të Republikës së Kosovës pa dallime. 

Presidentja e Republikës së Kosovës Vjosa Osmani, duke iu dëshiruar suksese në punë të sapo diplomuarve, tha se të diplomosh në akademinë e policisë nuk është një arritje e vogël. Osmani tha se kjo kërkon disiplinë, këmbëngulje dhe një dëshirë të vendosur për t`i mbështetur parimet e drejtësisë, të sigurisë dhe të shtetit të së drejtës.

“Veprimet tuaja do ta krijojnë perceptimin publik, teksa angazhimi juaj për rend dhe ligj do të përcaktojë legjitimitetin e institucioneve tona të zbatimit të ligjit”, tha Osmani duke u shprehur e lumtur që në mesin e të sapo diplomuarve është një numër i madhe i femrave.  

“Sa më shumë gra në institucionet e sigurisë, aq më shumë siguri për të gjithë qytetarët tanë, pa dallim. Natyrisht që përderisa numri i sotëm është për t’u admiruar, ne duhet të punojmë të gjithë bashkë që të rrisim edhe më shumë numrin e vajzave e të grave, por edhe të komuniteteve jo shumicë në policinë tone”, u shpreh presidentja Osmani.

Policëve të rinj iu uroj suksese në punë edhe kryeministri i Republikës së Kosovës Albin Kurti. Kryeministri Kurti, tha se Policia e Kosovës vazhdon të jetë një ndër institucionet më të besueshme për qytetarët tanë.

“Vazhdon të zbatojë me sukses misionin kushtetues që të mbrojë jetën dhe pronën e qytetarëve, të mbajë rendin dhe qetësinë publike, të parandalojë dhe zbulojë krimin, të mbrojë të drejtat dhe liritë e njeriut, e të trajtojë në mënyrë të barabartë të gjithë qytetarët pa dallim etnie, religjioni, gjinie a moshe”, tha kryeministri Kurti.

Kryeministri Kurti tha se qeveria që ai udhëheqë është zotuar për luftë të pakompromis ndaj korrupsionit, për luftim ndaj çdo lloj krimi të organizuar, për ruajtje të sovranitetit dhe integritetit territorial të republikës sonë. “Policia jonë, për këto dy vite, ka qenë maksimalisht e angazhuar në realizimin e këtyre prioriteteve të përbashkëta”,tha kryeministri Kurti. 

Ministri i Punëve të Brendshme, Xhelal Sveçla, i siguroi kadetët e sapo diplomuar që së bashku do të presin secilin sukses e do të ballafaqohen me secilën sfidë të Policisë së Kosovës. Duke iu ofruar përkrahje ministri Sveçla tha se Policia e Kosovës do vijojë të zbatojë misionin e saj në garantimin e sundimit të ligjit, ruajtjen e rendit e qetësisë publike, mbrojtjen e jetës dhe pronës së qytetarëve tanë, pa dallim.

Suksese në punë policëve të rinj iu dëshiroi edhe drejtori i Policisë së Kosovës Gazmend Hoxha. Në ceremoninë e diplomimit morën pjesë edhe përfaqësues të insitucioneve ndërkombëtare më mision në Kosovë.

Vushtrri, 12 korrik 2023 – Akademinë e  Kosovës për Siguri Publike (AKSP), sot e vizitoi një delegacion nga ambasada e Shteteve të Bashkuara të Amerikës  në Kosovë i quajtur Elementi i Mbështetjes Civile Ushtarake të Ballkanit Jugor të Armatës së SHBA-ve. 

Delegacioni në fjalë i cili ishte i kryesuar nga Alexandra Erickson Oficere për  Çështje Bilaterale të ambasadës amerikane në Prishtinë, u takua  më zëvendësuesin e Drejtorit të Përgjithshëm të Akademisë së Kosovës për Siguri Publike Kastritot Jashari, zëvendësuesin e Drejtorit të Përgjithshëm të Agjencisë së Menaxhimit Emergjent (AME) Shefki Abdullahu dhe zyrtarë tjerë të Akademisë.

 Qëllimi  i vizitës ishte që të përkrahin Akademinë në ofrimin e trajnimit dhe çertifikimit të infermierëve  të emergjencës mjekësore.

Gjatë takimit u diskutua rreth bashkëpunimit dhe partneritetit reciprok mes  Elementit të  Mbështetjes Civile Ushtarake të Ballkanit Jugor të Armatës së SHBA-ve, Akademisë dhe AME-së.

Zëvendësuesi i Drejtorit të Përgjithshëm të Akademisë së Kosovës për Siguri Publike, Kastriot Jashari e  informoi delegacionin për zhvillimet në Akademi dhe njëkohësisht foli për projektet dhe për trajnimet që mbahen në Akademi, për projektet që ka realizuara që kanë të bëjnë më fushën e sigurisë publike.

Po ashtu gjatë takimit Jashari theksoi bashkëpunimin që ka Akademia më Shtetet e Bashkuara të Amerikës dhe më vende të ndryshme evropiane. 

Më këtë rast drejtori Jashari u shpreh i gatshëm që bashkëpunimi më SHBA -të  të vazhdojë edhe më tutje në fushën e sigurisë publike.

Edhe zëvendësuesi i Drejtorit të Përgjithshëm të Agjencisë së Menaxhimit Emergjent (AME) Shefki Abdullahu  gjatë diskutimeve rreth ofrimit të trajnimit dhe çertifikimit të infermierëve  të emergjencës mjekësore u shpreh i gatshëm për bashkëpunim.  

Në fund të vizitës delegacioni  fjalë u shprehen gatishmërinë e tyre  për  bashkëpunim më Akademinë. 

Delegacioni  nga Elementi i Mbështetjes Civile Ushtarake të Ballkanit Jugor të Armatës së SHBA-ve ishte në përbërje nga Charles Gough udhëheqës i Ekipit të Elementit të Mbështetjes Civile Ushtarake (EMCU), Benjamin Ambroggio rreshter,  Eric Stanley rreshter dhe Mitchell Harrison po ashtu rreshter  në Ekipi Mjekësor i Elementit Mbështetës Ushtarak Civil (EMCU).

Vushtrri 27 qershor 2023 – Më pikëllim të thellë morëm lajmin se ka ndërruar jetë dr.sc. Nexhat Jashari profesor për shumë vite në Fakultetin e Sigurisë Publike.

Profesor Jashari do të mbahet mend për përkushtimin dhe punën e palodhshme në përgatitjen e shumë gjeneratave të studentëve.  Jashari ishte person me vlera të larta njerëzore, ishte atdhetar dhe intelektual.  

Vepra dhe puna e profesor Jasharit do të jetë frymëzuese për gjithë kolegët e Akademisë së Kosovës për Siguri Publike, studentëve dhe gjithë atyre që e njohën, ndërsa në fushën e arsimit do të jetë përgjithmonë emër i respektuar dhe kontributdhënës në këtë fushë.

Në emër të Akademisë së Kosovës për Siguri Publike shprehi ngushëllime të sinqerta familjes, miqve, bashkëpunëtorëve dhe studentëve të  tij!

Profesor Jashari u prehtë të paqe!

Kastriot Jashari - zëvendësues i Drejtorit të Përgjithshëm të Akademisë së Kosovës për Siguri Publike 

Vushtrri, 16 qershor 2023 – Në Akademinë e Kosovës për Siguri Publike (AKSP) sot u  mbajt mbledhja e rregullt e bordit ku u diskutuan çështjet kyçe rreth trajnimeve profesional dhe aktiviteteve që mbahen në Akademi. 

Në fillim u diskutua zgjedhja e kryesuesit të ri të bordit të Akademisë ku me shumicë të votave kryesues u zgjodh Kushtrim Hodaj, i cili njëheri është edhe Kryeshef Ekzekutiv në Inspektoratin Policor të Kosovës. 

Në këtë takim u diskutuan rreth disa çështjeve që kishin për qëllim përmirësimin e trajnimeve profesionale  në fushën e sigurisë publike. U vendos për krijimin e një grupi punës i cili do t’i kushtohet rishikimit të programeve dhe metodologjive të trajnimeve. Anëtarë të këtij grupi punës do të jenë zyrtarë nga agjencionet e sigurisë publike në vend.

Gjithashtu gjatë mbledhjes u diskutuan lidhur me procesin e akreditimit dhe validimit të Akademisë së Kosovës për Siguri Publike, ku gjatë këtij diskutimi u analizuan procedurat aktuale rreth akreditimit.

Në vazhdim u diskutuan informata për akreditimin institucional më qëllim të sigurimit të standardeve të larta të sigurisë së institucionit në tërësi. 

Në fund të takimit  zëvendësuesi i Drejtorit të Përgjithshëm në Akademinë e Kosovës për Siguri Publike Kastriot Jashari. përmendi disa aktivitete dhe vendime të rëndësishme që janë kryer në Akademi gjatë vitit që e lamë pas. Anëtarët e bordit shqyrtuan raportin vjetor të punës së Akademisë për vitin qe lamë pas  duke diskutuar kështu rreth objektivave për vitin aktuale. 

Në këtë mbledhje morën pjesë zëvendësuesi i Drejtorit të Përgjithshëm të Akademisë së Kosovës për Siguri Publike Kastriot Jashari,  Ushtruesi i Detyrës së Kryeprokurorit të Shtetit,  Besim Kelmendi, Drejtori i Përgjithshëm i Doganave të Kosovës Agron Llugaliu, Drejtori i Përgjithshëm i Shërbimit Sprovues të Kosovës Arsim Tahiri, Kryeshefi Ekzekutiv i Inspektoratit Policor të Kosovës Kushtrim Hodaj, Zëvendësuesi i Drejtorit të Përgjithshëm në Agjencinë për Menaxhimin Emergjent Shefki Avdullahu, Taibe Canolli drejtoresh në Departamentin e Burimeve Njerëzore në Policinë e Kosovës, Bujar Gashi udhëheqës i drejtorisë për siguri publikë në Shërbimin Korrektues të Kosovës, Shpresa Muharremi nga OSBE dhe zyrtarë tjerë nga Akademia dhe  agjencionet e sigurisë publike në vend. 

Vushtrri,  31 maj 2023 - Akademinë e Kosovës për Siguri Publike (AKSP), sot e vizitoi  një delegacion nga  Inspektorati i Përgjithshëm i Forcave të Sigurisë së Republikës Çeke i kryesuar nga drejtori i këtij inspektorati, Radim Dragoun. 

Delegacioni u prit nga zëvendësuesi i Drejtorit të Përgjithshëm të Akademisë, Kastriot Jashari. 

Qëllimi i vizitës se delagcionit  në fjalë,  në përbërje edhe të  zëvendësdrejtorit, Vít Hendrych dhe udhëheqësit për Çështje Ligjore dhe të Jashtme , Josef Ježek, ishte që të njihen më për se afermi me  misionin dhe vizionin e Akademisë.

Zëvendësuesi i Drejtorit të Përgjithshëm të Akademisë së Kosovës për Siguri Publike, Kastriot Jashari,  u shpreh i knaqur rreth vizitës se  delegacionit të Inspektoratit të Përgjithshëm të Forcave të Sigurisë nga Republika Çeke.

Jashari gjatë takimit e informoi delegacionin çek për zhvillimet dhe aktivitetet që do të realizohen në të ardhmen në Akademi.

Tutje, drejtori Jashari foli edhe rreth bashkëpunimit që ka Akademia me institucionet përkatëse të Republikës së Çekisë, të cilin aktualisht  e zhvillon përmes pjesëmarrjes së saj në asociacione dhe mekanizma evropiane, siç janë Agjencia e BE-së për Trajnim në Zbatimin e Ligjit (CEPOL), Asociacioni i Kolegjeve Policore Evropiane (AEPC) dhe Asociacioni i Kolegjeve Evropiane të Shërbimit të Zjarrfikjes (EFSCA). 

Ndërsa, drejtori i Inspektoratit të Përgjithshëm të Forcave të Sigurisë së Republikës Çeke, Radim Dragoun,  duke folur rreth mandatit të institucionit që ai drejton, shprehu interesimin e tij rreth trajnimeve dhe arsimit të lartë që zhvillohet në Akdemi për agjencionet e sigurisë publike.

Delegacioni nga  Inspektorati i Përgjithshëm i Forcave të Sigurisë dhe menaxhmenti i Akademisë së Kosovës për Siguri Publike u dakorduan  për thellimin e bashkëpunimit mes këtyre dy institucioneve.

Delegacioni në fjalë gjatë vizitës në Akademi ishte i shoqruar  nga Kryeshefi Ekzekutiv i Inspektoratit Policor të Kosovës Kushtrim Hodaj.

Vushtrri,  26 maj 2023 – Akademinë e Kosovës për Siguri Publike (AKSP), sot e vizitoi  kryeministri i Republikës së Kosovës, Albin Kurti dhe kryesuesi i Organizatës për Siguri dhe Bashkëpunim në Evropë (OSBE), Bujar Osmani,  i cili njëheri  është edhe ministër i Punëve të Jashtme  në Maqedoninë e veriut. 

Kryeministri Kurti  dhe ambasadori Osmani vizituan kadetët e Policisë së Kosovës  dhe ata të Shërbimit Korrektues të Kosovës, të cilët janë duke ndjekur trajnimin themelor për zyrtarë policor dhe zyrtarë korrektues.  

Pjesë e këtij delegacioni ishin edhe udhëheqësi i misionit të OSBE –së në Kosovë, Michael Davenport,  ambasadorja e Maqedonisë së Veriut në Kosovë Shpresa Jusufi dhe zëvendësministri i Punëve të Brendshme, Blerim Gashani. 

Kryeministri Kurti gjatë vizitës se kadetëve të gjeneratës se 58 të Policisë së Kosovës dhe gjeneratës se 43 të Shërbimit Korrektues të Kosovës,  tha  “Vizita në Akademinë e Kosovës për Siguri Publike  është falenderim ndaj OSBE-së, stafit këtu dhe kadetëve të rinj”. 

Gjatë vizitës në klasa, kryeministri Kurti pergëzoi kadetët  për gatishmërinë e tyre  që të inkuadrohen në institucionet e sigurisë publike, në mënyrë që t’i shërbejnë vendit dhe gjithë qytetarëve të Republikës së Kosovës pa dallime. 

Po ashtu kryeministri Kurti, përgëzoi Akademinë për diversitetin e kadetëve, në mesin e të cilëve përfaqësohen të gjitha komunitetet e Kosovës.

“Vizituam tri klasë të ndryshme, ku kadetët e të dy gjinive dhe të të gjitha komuniteteve mësojnë dhe ushtrojnë bashkë, në mënyrë që bashkërisht t’ju shërbejnë të gjithë qytetarëve pa dallim etnie, religjioni dhe prejardhjeje”, tha kryeministri Kurti,

Kryeministri Kurti deklaroi se kjo e arritur është përmes programit me komunitetet në bashkëpunim me misionin e OSBE-së në Kosovë dhe Ekipi Ndërinstitucional i themeluar vitin e kaluar nga qeveria për promovimin e punësimit të komuniteteve rom, ashkali dhe egjiptian.

Ai tha se sundimi i ligjit, siguria, të drejtat e njeriut dhe demokracia, janë vlerat që bashkojnë Republikën e Kosovës dhe OSBE-në.

Ndersa, kryesuesi  i Organizatës për Siguri dhe Bashkëpunim në Evropë, Bujar Osmani,  tha se ndihet i lumtur  për vizitën e tij në Akademinë e Kosovës për Siguri Publike. Osmani tha se me këtë vizitë po nderojnë të arritur të një bashkëpunimi me institucionet e Kosovës dhe me Policinë e Kosovës.

Kryesuesi i OSBE-së, Bujar  Osmani u shpreh i inkurajuar që pjesëmarrja e grave që kanë aplikuar në Policinë e Kosovës viteve të fundit është rritur deri në 18% , ndërsa në konkursin aktuale deri më tani kanë aplikuar mbi 180 qytetarë nga komunitetet jo shumicë.

“Jemi shumë krenar që bashkëpunimi i OSBE-së me institucionet e Kosovës ka sjellë këto rezultate”, tha Osmani duke përgezuar kadetët që kanë zgjedhur t’i bashkohen Policisë së Kosovës që  të kujdesen për qytararët e vendit. 

Gjithashtu,  Osmani tha se vizita e tij në Kosovë në kapacitetin e kryetarit të radhës të OSBE-së për të shënuar produkte të suksesshme të bashkëpunimit në mes të OSBE-së dhe Qeverisë së Kosovës, është pikërisht kjo Akademi për Siguri Publike, e cila plotëson të gjitha objektivat e OSBE-së.

Vushtrri, 17 maj 2023 – Përfaqësuesi i Akademisë së Kosovës për Siguri Publike (AKSP),  Emin Uka, ka marr pjesë në konferencën vjetore ndërkombëtare të Asociacionit Ndërkombëtar të Drejtorëve të Standardeve, Trajnimit dhe Zbatimit të Ligjit (IADLEST) të Shteteve të Bashkuara të Amerikës,  që është mbajtur në Denver Colorado, SHBA. 

Delegacioni nga Kosova ishte në përbërje nga  Kimberly Riffe  udhëheqëse e programit  ICITAP  në ambasadën e SHBA-se në Kosovë, Emin Uka  Udhëheqës i Divizionit për Sigurimin e Cilësisë në Akademinë e Kosovës për Siguri Publike dhe Taibe Canolli –Brajshori drejtoresh në Departamentin e Burimeve Njerëzore në Policinë e Kosovës. 

Në konferencën  e cila ka zgjatur katër ditë, nga data 14 maj deri më datën 17 maj 2023, përfaqësuesi i Akademisë, Emin Uka, ka paraqitur përvojat dhe praktikat që ka ndjekur AKSP për tu akredituar nga IADLEST.  

Delegacioni nga Kosova para të pranishme ka bërë një prezantim me temën “Avancimi i barazisë gjinore përmes strategjive trajnuese”, siç është fuqizimi i gruas në fushën e sigurisë publike. 

Po ashtu mes tjerash, delegacioni nga Kosova shfaqi interesimin e tyre që në të ardhmen e afër të krijohet një rrjet ndërkombëtar për bashkëpunim ndërmjet akademive të vendeve pjesëmarrëse. 

Pjesëmarrës në këtë konferencë përveç SHBA ishin edhe shtatëmbëdhjetë vendet tjera në mesin e tyre edhe Kosova. Pjesëmarrja e delegacionit të Kosovës në këtë konferencë është mundësuar nga ICITAP-i i ambasadës së SHBA-ve në Kosovë.  

Përfaqësuesi i AKSP-së, Emin Uka, ka falënderuar ICITAP-in e cila ka përkrahur dhe vazhdon ta përkrah Akademinë me projekte që lidhen më fushën e sigurisë publike.

Ndryshe, Akademia e Kosovës për Siguri Publike është institucioni i parë jashtë Shteteve të Bashkuara të Amerikës që ka marrë çmimin e ekselencës dhe është akredituar  nga IADLEST.  

IADLES është organ i pavarur i cili përkujdeset për sigurim të standardeve ndërkombëtare të trajnimit të zbatuesve të ligjit duke siguruar kështu aplikimin e politikave dhe praktikave më të mira lidhur me standardet dhe trajnimet.