Lajmet

Vushtrri 01 nëntor 2016 – Drejtori i Përgjithshem i Akademisë së Kosovës për Siguri Publike, Ismail Smakiqi i shoqëruar nga dekani i Fakultetit të Sigurisë, Bejtush Gashi, kanë marrë pjesë në konferencën e I-rë Shkencore Ndërkombëtare  të Akademisë së Sigurisë në Tiranë me temë  \"Kontributi në sigurinë publike nëpërmjet arsimimit\".

Në  këtë konferencë morën  pjesë ministri i Punëve të Brendshme   Saimir Tahiri,  zëvendësdrejtori i Policisë së Shtetit, Rebani Jaupi, përfaqësues të lartë të Policisë së Shtetit, misionet policore që veprojnë në Shqipëri si dhe oficerët ndërlidhës.  Konferenca  \"Kontributi në sigurinë publike nëpërmjet arsimimit\", u zhvillua në kuadër të reformës së ndërmarrë për reformimin rrënjësor të sistemit arsimor për punonjësit e Policisë, si dhe vënien në funksion të plotë të Akademisë së Sigurisë jo vetëm si qendër formimi, por edhe kërkimi shkencor.

Drejtori i Përgjithshem i Akademisë së Kosovës për Siguri Publike, Ismail Smakiqi, në fjalimin e tij ka vlerësuar lartë organizimin e  konferencës së I-rë shkencore ndërkombëtare me temën “Kontributi në sigurinë publike nëpërmjet arsimimit”. 

Smakiqi tha se kjo konferencë më  karakter ndërkombëtar  mundëson ekspozim të hulumtimeve, debat në rezultate të arritura dhe pasurimin e njohurive të ndërsjella në fushën e sigurisë publike, gjegjësisht shpalosjen e hulumtimeve që kanë të bëjnë siç tha ai më kërcënimet dhe rreziqet ndaj sigurisë në Ballkanin Perëndimor si dhe roli dhe ndikimi i arsimimit në sigurinë publike.

“Roli dhe rëndësia e trajnimeve dhe arsimimit të lartë të zbatueseve të ligjit dhe ndikimin e arsimimit në sigurinë publike, ka avancuar Akademitë Policore gjegjësisht Akademitë e Sigurisë Publike në institucion kombëtar dhe përgjegjës për ngritjen e kapaciteteve njerëzore të Agjencive të Sigurisë Publike”, u shpreh Smakiqi.

Ai tha se  Akademitë duhet të ndjehen përgjegjëse për sigurinë në vendet e tyre, duke u ndjerë përgjegjëse për sjelljen e zbatuesit të ligjit në vendet e tyre të punës,  në radhë të parë për profesionalizmin dhe etikën e zyrtarëve të zbatimit të ligjit.

“Sfidat me të cilat përballet siguria publike, nuk janë më sfida vetëm regjionale. Këto sfida tani më kanë karakter shumë më të gjerë.  Siguria publike e qytetarëve të një vendi është sfidë komplekse multi institucionale dhe multi dimensionale, e cila po bënë bashkë ndjekësit e krimit, mësuesit, psikologët, filozofët, sociologët, artistët, sportistët, predikuesit e fesë, bizneset, punëtorët, prindërit, gratë dhe burrat”, tha Smakiqi.

Smakiqi tha se konferenca në fjalë  është aktiviteti i liderëve, mësimdhënësve dhe trajnerëve të Akademive Policore, pjesëmarrës në rrjete evropiane dhe ndërkombëtare të institucioneve të trajnimit dhe arsimit të lartë të fushës së sigurisë publike, si dhe institucioneve të sigurisë publike në përgjithësi.

Drejtori i Akademisë, Ismail Smakiqi tha se konferenca e Tiranës është rast për arritjen e objektives të Konferencës “përmirësimit të programeve akademike në fushën e sigurisë për të përmirësuar cilësinë e policimit dhe përgatitur ekspertë të lartë të sigurisë për agjencitë e zbatimit të ligjit”.

Drejtori i Përgjithshëm i Akademisë së Sigurisë, Bilbil Mema  theksoi rëndësinë e veçantë të formimit dhe specializimit të strukturave policore, rritjen e kapaciteteve profesionale të tyre, në rritjen e Sigurisë Publike dhe përmbushjen e kërkesave të komunitetit.

\"Policimi si veprimtaria më e suksesshme deri tani për ofrimin e sigurisë kërkon një trajtim në shumë dimesione. Një nga dimensionet është rritja e kapaciteteve profesionale të strukturave që marrin pjesë në këtë veprimtari, por sidomos struktura e Policisë, e cila ka punën më të specializuar. Struktura që ka misionin kryesor për garantimin e rendit dhe të zbatimit të ligjit është Policia, pikërisht kjo strukturë duhet të zotërojë nivel shumë të lartë profesional, për të përmbushur kërkesën e komunitetit. Qëllimi i kësaj konference është t'i japi kontribut nëpërmjet shkollimit, rritjes së sigurisë publike për qytetarët\", tha Mema.

Ndërkaq ministry i Punëve të Brendshme Saimir Tahiri gjatë kësaj konference  theksoi se gjatë marrjes së detyrës trupa e Policisë së Shtetit ishte nivelin më të ulët arsimor në rajon, por tani sic tha ai përmes formimit dhe kualifikimit intesiv policia është kthyer në institucionin më të besuar në raport më qytetarët.

\" Unë besoj që ne duhet të rikrijojmë traditën e vullnetarizmit në siguri. Është kjo arsyeja pse në Ministrinë e Punëve të Brendshme dhe në Policinë e Shtetit, sot një grup specifik po merret për t’i hapur rrugë angazhimit vullnetar në Policinë e Shtetit nga të rinjtë dhe të rejat në Republikën e Shqipërisë. Në të kaluarën e largët ka pasur një traditë angazhimi vullnetar në Polici ku pjesë të komunitetit bëheshin bashkë me Policinë për të garantuar rendin në komunitetin lokal apo për të ndihmuar fëmijët në shkolla, apo për të ndihmuar qarkullimin rrugor. Unë besoj kësaj tradite duhet t’i marrim më të mirën dhe të krijojmë një model bashkëkohor të angazhimit vullnetar të të rinjve dhe të rejave në Policinë e Shtetit. Ne po punojmë për krijimin e një mundësie ligjore lidhur me angazhimin vullnetar në Policinë e Shtetit dhe më pas do fillojmë menjëherë me rekrutimin, sepse besojmë shumë fort se sot, sfida që kemi lidhur me sigurinë nuk është kurrë dhe as mund të jetë çështje e vetëm policisë në mënyrë ekskluzive. Por është sfida për t’u bërë bashkë, punonjës policie – komunitet\", tha Tahiri.

Edhe zëvendësdrejtori i Policisë së Shtetit  Rebani Jaupi gjatë kësaj konference vlerësoi krijimin e një platforme të qëndrueshme arsimore profesionale, si një zgjidhje drejt emancipimit të strukturave policore, rritjes së sigurisë dhe integrimit të institucionit të Policisë në shoqëri si aleat në zgjidhjen e problemeve të përbashkëta.

\"Siguria mund të përmirësohet nëpërmjet arsimimit, niveli i arsimimit brenda radhëve të Policisë së Shtetit është në ngritje, në përmirësim. Mund të shihet përmirësimi i këtij niveli, si në drejtimin e atyre të rinjve që zgjedhin të bëhen punonjës të Policisë së Shtetit, edhe në drejtimin e formatimit të një sistemi arsimor të qëndrueshëm profesional policor. Në iniciativën tonë për të ndërtuar një Polici sa më profesionale, pamë si zgjidhje arsimimin. Kjo gjë rezulton të jetë zgjidhja e duhur. Dimensioni, i cili vjen nëpërmjet arsimimit, është ai i emancipimit, emancipim për shoqërinë e për Policinë; emancipim që synon të rrisë sigurinë. Policia e Shtetit, jo vetëm që po e jep këtë mesazh, por edhe po e demonstron me shembuj\", u shpreh Jaupi. 

Më pas disa prej përfaqësuesve kanë referuar temat e përgatitura prej tyre për këtë konferencë.

 

Vushtrri, 31 tetor 2016 - Drejtori i Përgjithshëm i Akademisë së Kosovës për Siguri Publike,  Ismail Smakiqi, së bashku me menaxhmentin e lartë priti sot në takim një delegacion nga shoqata e miqësisë Austri - Kosovë. Delegacioni ishte i shoqëruar edhe nga ambasadori i Republikës së Kosovës në Austri Sami Ukelli.
 

Fillimisht drejtori Smakiqi iu dëshiroi mirëseardhje delegacionit nga shoqata e miqësisë Austri-Kosovë në Akademinë e Kosovës për Siguri Publike. Më tej drejtori Smakiqi gjatë fjalës së tij, tha se kjo vizitë është e mirëseardhur dhe do të ndikoj në njohjen tonë reciproke, gjithashtu do të ndikojë edhe në vazhdimin dhe forcimin e mëtutjeshëm të  marrëdhënieve .
 

Gjatë këtij takimi drejtori Smakiqi e  informoi delegacionin me zhvillimet e fundit të Akademisë, zhvillimin e trajnimeve nga agjencionet e sigurisë, si dhe  rreth projektit të binjakëzimit të Komisionit Evropian. Me theks të veçantë ai foli për hapjen e Fakultetit të Sigurisë në Akademi si dhe rreth bashkëpunimit ndërkombëtarë që ka Akademia me institucione të sigurisë të vendeve të ndryshme nga Evropa, e njëra ndër to edhe me Akademinë e Sigurisë të Austrisë.
 

Në fund drejtori Smakiqi falënderoi delegacionin për vizitën dhe ndihmën e vazhdueshme që shteti austriak ka dhënë për Republikën e Kosovës.
 

Ndërsa delegacioni nga  shoqata e miqësisë Austri -Kosovë shprehu interesimin rreth trajnimeve të ofruara në Akademi si dhe rreth inkuadrimit të gjinisë femërore në AKSP.

 


 

Vushtrri, 18 Tetor 2016 – Në Akademinë e Kosovës për Siguri Publike (AKSP), sot u promovua  libri “Lidershipi në Policinë e Shtetit – rasti i Shqipërisë”,  të autorit dr.sc i shkencave Bilbil Memaj, i cili është Drejtor  i Përgjithshëm i Akademisë së Sigurisë në Shqipëri.

Ceremoninë e promovimit e hapi Drejtori i Përgjithshëm i Akademisë së Kosovës për Siguri Publike  Ismail Smakiqi, i cili falënderoi autorin e librit Memaj për  pranimin e ftesës që kjo ngjarje të mbahet në Akademinë e Kosovës për Siguri Publike.

Drejtori Smakiqi çmoi lartë personalitetin e Memajt, drejtuesin e dikurshëm të Policisë së Shtetit, i cili për dy vite në funksionin e Drejtorit të Përgjithshëm të Akademisë së Sigurisë,  punoi në reformimin e sistemit të arsimit policor gjegjësisht, avancimin e kursit themelor për polici, programin Studimor në Fakultetin e Sigurisë dhe Hetimit, programin Studimor Bachelor, programet e Studimeve Master Profesional dhe Master Shkencor.

Në promovimin e librit morën pjesë ambasador i Republikës së Shqipërisë në  Kosovë, Qemal Minxhozi, zëvendësministër i  Punëve të Brendshme,  Nehat Mustafa, oficer të lartë të policisë së shtetit në krye me zëvendësdrejtorin e Përgjithshëm të Sigurisë Publike ne Policinë e Shtetit, Altin Qato si dhe oficer të lartë të Policisë së Kosovës në krye me Drejtorin e Departamentit për Hetime  Riza Shillova. Gjithashtu në promovim morrën pjesë edhe mësimdhënësit e Fakultetit të Sigurisë, student dhe personeli udhëheqës i Akademisë së Kosovës për Siguri Publike.

Zëvendësministër  Mustafa vuri theksin në nevojën e përkrahjes të dyja Akademive në avancimin e trajnimeve dhe arsimimit të lartë me qëllim të ngritjes së kapaciteteteve të policive të dy shteteve dhe agjencive tjera të zbatimit të ligjit. Ai u shpreh i kënaqur me bashkëpunimin e akademive duke përfshirë trajnimin e njësisë së motoçikletave, i cili aktualisht është duke zhvilluar në Akademi.
“Mund të themi se Akademia e Kosovës për Siguri Publike dhe Akademia e Sigurisë së Shqipërisë  janë shembull  i bashkëpunimit edhe për institucionet tjera”,  u shpreh Mustafa.

Kurse ambasadori  i Republikës së Shqipërisë në  Kosovë,  Qemal Minxhozi, falënderoi drejtorin Smakiqi për ftesën dhe përgëzoi  Memaj për librin. Më këtë rast ambasadori Minxhozi lavdëroi punën e Memaj gjatë gjithë karrierës së tij.

Në vazhdim për librin vlerësime u  dhanë edhe  nga  Riza Shillova, drejtor i Departamentit për Hetime, shefi i Sektorit të Trajnimeve në Policinë e Shtetit Besnik Bakiu, dhe Bejtush Gashi,  profesor në Fakultetin e Sigurisë Publike pranë Akademisë.

Në fund të kësaj ngjarje autori i librit Bilbil Memaj, falënderoi Akademinë për organizimin e kësaj ceremonie dhe të gjithë ata të cilët janë të angazhuar për realizimin e kësaj ngjarje. Autori  Memaj  në fund të ceremonisë shpërndau libra falas për të pranishmit si dhe dhuroi dhjetë ekzemplar për Akademinë e Kosovës për Siguri Publike dhe pesë ekzemplar për Bibliotekën  Kombëtare të Kosovës.




 

Vushtrri, 18 tetor 2016-Me rastin e trajnimit të pjesëtarëve të Policisë së Shqipërisë,  Akademinë e Kosovës për Siguri Publike sot e vizitoi ambasadori i Republikës së Shqipërisë Qemal Minxhozi, zëvendësdrejtori i Policisë së Shqipërisë Altin Qato, dhe drejtori i Akademisë së Sigurisë së Shqipërisë Bilbil Memaj.

Me këtë raste të pranishëm  ishin edhe zëvendësministri i Punëve të Brendshme Nehat  Mustafa, drejtori i Departamentit  për Hetime në Policinë e Kosovës Riza Shillova si dhe zyrtar të lartë nga institucionet e vendit. Të pranishmit u priten nga Drejtori i Përgjithshëm Ismail Smakiqi dhe menaxhmenti i lartë i Akademisë.

Gjatë këtij takimi ata vizituan  poligonin ku po trajnohen pjesëtarët e Policisë së Shqipërisë me motoçikleta, ti cilet përmes prezantimeve nga instruktoret u informuan lidhur me pjesën praktike ku pjesëtaret po e zhvillojnë trajnimin.

Zëvendësdrejtori i Policisë së Shqipërisë Altin Qato mbajti një fjalim para të pranishmëve duke treguar për një  bashkëpunim të  shkëlqyer me Akademinë dhe duke vlerësuar lartë punën e cila po bëhet në profesionalizimin dhe trajnimin e pjesëtarëve të Policisë nga Shqipëria.

Duke folur për  nevojën dhe thellimin e bashkëpunimit me qëllim të ngritjes dhe avancimit të trajnimeve për pjesëtarët e sigurisë publike ai shfaqi gatishmërinë e tij të plotë për bashkëpunim  në mes  të dy institucioneve Akademisë së Kosovës për Siguri Publike dhe Policisë së shtetit të Shqipërisë.

Vushtrri, 18 tetor 2016 - Me rastin e trajnimit të pjesëtarëve të Policisë së Shqipërisë,  Akademinë e Kosovës për siguri Publike sot e vizitoi zëvendësdrejtori i Policisë së Shqipërisë Altin Qato, dhe drejtori i Akademisë së Sigurisë së Shqipërisë Bilbil Memaj. Me këtë raste të pranishëm  ishin edhe zëvendësministri i Punëve të Brendshme Nehat  Mustafa, drejtori i Departamentit  për Hetime në Policinë e Kosovës Riza Shillova si dhe zyrtar të lartë nga institucionet e vendit. Të pranishmit u priten nga Drejtori i Përgjithshëm Ismail Smakiqi dhe menagjmenti i lartë i Akademisë.

Gjatë këtij takimi ata vizituan  poligonin ku po trajnohen pjesëtarët e Policisë së Shqipërisë me motoçikleta, ku përmes prezantimeve nga instruktoret u informuan lidhur me pjesën praktike ku pjesëtaret po e zhvillojnë trajnimin.

Zëvendësdrejtori i Policisë së Shqipërisë Altin Qato mbajti një fjalim para të pranishmëve duke treguar për një  bashkëpunim të  shkëlqyer me Akademinë dhe duke vlerësuar lartë punën e cila po bëhet në profesionalizimin dhe trajnimin e pjesëtarëve të Policisë nga Shqipëria.

Duke folur për  nevojën dhe thellimin e bashkëpunimit me qëllim të ngritjes dhe avancimit të trajnimeve për pjesëtarët e sigurisë publike ai shfaqi gatishmërinë e tij të plotë për bashkëpunim  në mes  të dy institucioneve Akademisë së Kosovës për siguri Publike dhe Policisë së shtetit të Shqipërisë.

Vushtrri, 17 tetor 2016 - Akademinë e Kosovës për Siguri Publike (AKSP), sot e vizitoi ambasadorja e Finlandës në Kosovë Anne Huhtamäki , e cila u prit nga Drejtori i Përgjithshëm Ismail Smakiqi dhe menagjmenti i lartë i AKSP-së.

Në këtë takim drejtori Smakiqi e informoi ambasadoren lidhur me historikun e Akademisë, progresin,  proceset e rëndësishme  të cilat ka kaluar Akademia e më theks të veçantë ai foli për projektin e binjakëzimit të Komisionit Evropian të implementuar nga Finlanda dhe Estonia,  projekt i cili ndihmoi në hapjen e Fakultetit të Sigurisë.

Gjithashtu drejtori Smakiqi foli edhe për projektin  i ri të binjakëzimit i cili ka për qëllim ,“Përkrahjen e mëtejme të arsimit në sigurinë publike në Kosovë”.

Drejtori Smakiqi me këtë rast foli edhe për bashkëpunimin ndërkombëtar  që ka Akademia  me institucionet e sigurisë të vendeve të ndryshme evropiane si dhe rreth anëtarësimit të Akademisë në  Asociacionin Kolegjeve Policore Evropiane (AEPC) dhe Asociacionit Ndërkombëtar të Akademive Policore (INTERPA).

Në fund drejtori Smakiqi  falënderoi ambasadoren Huhtamäki për vizitën, njëherit  ai shprehu  edhe  falënderimet që shteti i Finlandës ka dhënë për Kosovën e në veçanti për Akademinë.

Ndërsa në fjalën e saj ambasadorja e Finlandës në Kosovë, Anne Huhtamaki, përgëzoi  drejtorin Smakiqi për progresin dhe zhvillimet e Akademisë. Ambasadorja Huhtamaki po ashtu shprehu mbështetje për Akademinë edhe në të ardhmen.

Në fund ata vizituan edhe objektet përcjellëse të Akademisë.

Vushtrri 06 tetor 2016 - Drejtori i Përgjithshëm i Akademisë së Kosovës për Siguri Publike, Ismail Smakiqi, i shoqëruar nga Avni Istrefi, udhëheqës i Divizionit për Marrëdhënie me Jashtë po merr pjesë në Konferencën Vjetore të AEPC - Asociacionit të Kolegjeve Policore Evropiane (Association of European Police Colleges).

Akademia është anëtare vëzhguese e këtij asociacioni që nga shtatori i vitit 2009, ku janë të përfshira Akademitë Policore të vendeve të Evropës dhe më gjerë. Në Web faqen e këtij Asociacioni publikohen oraret e trajnimeve të akademive anëtare duke përfshirë edhe trajnimet e AKSP-së (si ofertë për pjesëmarrje reciproke në trajnime).

Konferenca po i zhvillon punimet e saja në Antalya të Turqisë prej 5 deri 7 tetor me temën boshte të konferencës \\\"Parandalimi i radikalizmit dhe zbatimin e tij në Trajnimin Policor\\\". Gjatë konferencës do të mbahet takimi i Bordit Drejtues të Konferencës.

Fjalimin përshëndetës e mbajti Prof. Dr. Yilmaz Çollak, Presidenti i TNPA, Vice President i AEPC, kurse hapjen zyrtare Dr Norbert Leitner, Presidenti i AEPC.

Në ditën e parë të konferencës mbajtën fjalime ekspert të fushave të parandalimit të radikalizmit të dhunshëm:
Prof. Dr. Bayram Ali SONER – “Çështjet dhe proceset që lidhen me Luftimin e radikalizmit”;
Fatma Ceren YAZGAN nga Ministria e Punëve të Jashtme, Republika e Turqisë, - Zëvendës Drejtor i Përgjithshëm për Çështje të Sigurisë dhe Inteligjencës, - “Cikli i radikalizmit”;
Dr. Bibi van Ginkel, studiues në institutin Clingendael – “Gjendja e legjislacionit në Evropë në lidhje me grupimet Radikale”
Dr Omar Ashour, Ligjërues i lartë në Universitetin e Exeter, - Mënyrat dhe praktikat më të mira të mësimit rreth radikalizmit në Trajnimin Policor” dhe
Darren Coventy Howlett, Gardia, Irland – “Guida e Trajnimeve nga fusha e Radikalizmit”.


Në ditën e dytë konferenca vazhdon punimet me takimin e Bordit Drejtues të Asociacionit dhe aprovimin e Deklaratës Finale të Konferencës.

 

Vushtrri, 06 tetor 2016 - Një  delegacion i KFOR-it gjerman i kryesuar nga kapiten Stefan Niethman vizitoi sot Akademinë e Kosovës për Siguri Publike, të cilët u priten nga drejtori i Departamenti për Planifikim Strategjik dhe Çështje Ligjore  Shpend Shabani, nënkolonel Driton Zabergja si dhe menagjmenti i lartë i Akademisë.

Gjatë takimit, drejtori Shabani  njoftoi delegacionin e KFOR-it për  zhvillimet në Akademi, duke u fokusuar në trajnimet profesionale të zyrtarëve të sigurisë publike dhe në arsimin e lartë.

Delegacioni u informua edhe për historikun e Akademisë,  për projektin e binjakëzimit që ka për qëllim forcimin e arsimit në fushën e sigurisë si dhe për bashkëpunimin ndërkombëtar.

Drejtori  Shabani  foli edhe për bashkëpunimin e AKSP-së me KFOR-in, si dhe me institucione të ndryshme të Republikës Federale të Gjermanisë, siç është Universiteti Policor Gjerman në Münster. 

Ndërsa KFOR-i gjerman shprehen interesimin e tyre lidhur me trajnimin e pjesëtareve të sigurisë e në veçanti të Policisë së Kosovës rreth përgatitjeve të tyre në raste të trazirave.

Në fund, delegacioni  vizitoi objektet përcjellëse, ku përmes prezantimeve nga instruktoret u informuan lidhur me pjesën praktike ku pjesëtarët e sigurisë publike zhvillojnë trajnimet.

Vushtrri, 04 tetor 2016 - Në Akademinë e Kosovës për Siguri Publike sot filloi seminari dy ditor , “Përkrahja e mëtejme e arsimit në fushën e sigurisë publike në Kosovë”, projekt i Bashkimit Evropian i fituar nga Finlanda dhe Estonia.

Pjesëmarrës në këtë seminar janë drejtori i Përgjithshëm i Akademisë Ismail Smakiqi , profesorët e Fakultetit të Sigurisë pranë Akademisë , menaxhmenti i lartë, përfaqësuesit e agjencionev të sigurisë si dhe ekspertët nga Finlanda dhe Estonia.

Fillimisht drejtori Smakiqi i përshëndeti të pranishmit e më pas foli rreth ecurisë së projektit të binjakëzimit . Duke folur rreth projektit ai vlerësoi lartë punën e bërë deri më tani duke vënë në pah edhe sfidat të cilat do të përcillen gjatë gjithë projektit deri në finalizim.

Seminari do të mbahet më dt. 04 dhe 05 tetor,  ku gjatë këtyre dy  ditëve edhe do të ketë prezantime nga ekspertet e projektit të binjakëzimit. 

Vushtrri, 29 shtator 2016 - Në Fakultetin e Sigurisë Publike i cili është në kuadër të Akademisë së Kosovës për Siguri Publike që nga data 10 tetor të këtij viti do të fillojë viti i ri akademik 2016 / 2017.

Vushtrri, 28 shtator 2016- Në Akademinë e Kosovës për siguri Publike sot filloi punëtoria , “orientimi për Romë Ashkali, Egjiptian me qëllim të rritjes së përfshirjes së tyre në radhët e Policisë së Kosovës”.

Në hapjen e punëtorisë folën Ake Roghe, drejtor i Departamentit për siguri në OSBE i cili theksoi se gjatë këtyre dy ditëve sa do të qëndrojnë në Akademi pjesëmarrësit do të kenë mundësi të informohen rreth aplikimit dhe punës në Policinë e Kosovës.

“Ju në të ardhmen do të keni një rol shume të rëndësishëm në Policinë e Kosovës”, tha para të pranishmëve Roghe.

Policia edhe në të kaluarën edhe tani ka një rol të rëndësishëm dhe demokratike në sigurinë e qytetarëve pa asnjë dallim përkatësie etnike, fetare apo çfarë do tjetër.

Drejtori i Përgjithshëm i Akademisë së Kosovës për Siguri Publike (AKSP) Ismail Smakiqi,  gjatë hapjes tha se punëtoritë e tilla janë shumë të rëndësishme që ndikojnë në informiminë tuaj rreth policisë.

Smakiqi u tha të pranishmëve se në këtë punëtori do të mësoni se si ta gjeni rrugën e mirë për tu  inkuadruar në Policinë e Kosovës.

“Rruga e ardhjes në Akademi nuk është e vështirë, duhet pak punë.  Policia e Kosovës ka nevojë për ju, komuniteti i juaj ka nevojë për ju, familjet e juaja kanë nevojë për ju”, tha Smakiqi.

Duke përmendur emra të njohur që janë të inkuadruar në Policinë e Kosovës  dhe që janë të graduar, Smakiqi tha se në të gjithë shoqëritë e organizuara ekziston shkalleshmëria e arritjes së gradave.

“Kjo rrugë nuk është e lehtë është përgjegjësi me u marrë më sigurinë e vendit të juaj”,  u shpreh Smakiqi duke thënë së në Kosovë ka barazi ndër etnike, fetare etj. 

Smakiqi falënderoj OSBE-në për përkrahjen e Akademisë që po ja bënë në vazhdimësi.

Edhe kolonele Taibe Canolli e falënderoi OSBE-në, për organizimin e kësaj punëtorie, për punën dhe përkrahjen që i ofron Policisë së Kosovës që nga themelimi, më projekte të ndryshme që ndikojnë në fuqizimin e policisë. 

“Është shumë më rëndësi që një numër kaq i madh nga ju jeni të interesuar që të inkuadroheni në Policisë së Kosovës. Besoj se gjatë këtyre tri ditëve sa do të qëndroni në Akademi do  të informoheni rreth procedurave të aplikimit për pranimin në Policinë e Kosovës”, u shpreh Canolli.

Punëtoria “orientimi për Romë Ashkali, Egjiptian me qëllim të rritjes së përfshirjes së tyre në radhët e Policisë së Kosovës”, do te zgjate nga 28.09.2016 deri me daten 30.09.2016.

Vushtrri, 21 shtator 2016 - Akademia e Kosovës për Siguri Publike  (AKSP) rishpallë konkurs  për pranimin e studentëve  në Fakultetin e Sigurisë Publike, për vitin e parë akademik  2016/2017.

Konkursi është i hapur nga data 21.09.2016  deri me datën 27.09.2016  në ora 16:00. Kurse provimi pranues do të mbahet më datën 28.09.2016 në ora 10

Për informata kliko këtu:

Konkursi: Konkursi

Aplikacioni: Aplikacioni

Manuali: Manuali