Lajmet

Vushtrri, 30 shtator 2020 - Në Akademinë e Kosovës për Siguri Publike (AKSP), sot u mbajt takimi i radhës i Bordit ku temë diskutimi ishte çështjet që lidhen me fushën e arsimit të lartë  dhe zhvillimin e trajnimeve për zyrtarët e sigurisë publike.

Në këtë takim morën pjesë  Drejtori i Përgjithshëm i Akademisë Ismail Smakiqi, Drejtori i Përgjithshëm i Policisë së Kosovës Rashit Qalaj, Drejtori i Përgjithshëm i Shërbimit Korrektues të Kosovës Nehat Thaci, Kushtrim Hodaj ushtrues detyre  i Kryeshefit Ekzekutiv në  Inspektoratin  Policor të Kosovës,  Ushtrues detyre i Drejtorit të  Përgjithshëm të Doganave të Kosovës Ibrahim Xhakaj,  Drejtori i Përgjithshëm  i Agjencisë për Menaxhimin Emergjent Fadil Kodra, Dekani i Fakultetit të Sigurisë Publike Bejtush Gashi, Kadri Haliti zëvendës i Drejtorit të Përgjithshëm të Shërbimit Sprovues të Kosovës,  Bylent Ribari nga OSBE-ja si dhe zyrtarë të lartë nga institucionet  përkatëse.

Duke përshëndetur të pranishmit kryesuesi i bordit, Nehat Thaci, fillimisht kërkoi që të miratohet rendi i ditës, për të cilat pika u diskutua veç e veç.

Gjatë këtij takimi pas një diskutimi u bë miratimi i standardeve profesionale për institucionet e sigurisë publike.

Pos tjerash bordi më vota unanime themeloj edhe grupin punës për rishikimin e kurrikulave të profesioneve  për institucionet e sigurisë publike.

Ndërkohë gjatë takimi  Drejtori i Përgjithshëm i Akademisë së Kosovës për Siguri Publike paraqiti raportin gjashtë mujor të punës së Akademisë për periudhën janar- qershor 2020.

Smakiqi tha se edhe pse kohë pandemie, falë angazhimit profesional Akademia ka arritur të zhvillojë aktivitetet e saj komforë  rregullave të parapara.

“Të arriturat e punës raportuese janë si rezultat i punës së stafit të Akademisë të cilët kanë dhënë kontributin e tyre qoftë individual apo grupor në kryerjen më përgjegjësi dhe profesionalizëm të plotë të detyrave të punës dhe njëkohësisht duke falënderuar për punën dhe bashkëpunimin e institucioneve të sigurisë dhe organizatave ndërkombëtare të cilat na kanë mbështetur në arritjen e sukseseve tona”, u shpreh Smakiqi.

Drejtori Smakiqi tha se të gjitha aktivitetet dhe veprimet që i ndërmerr Akademia, janë të koordinuara dhe të prezantuara përmes planit vjetor të punës së AKSP-së për vitin 2020, strategjisë zhvillimore dhe planit të veprimit të AKSP-së 2019/2022.

“Si e arritur e veçantë për këtë periudhë mund të veçojmë: Trajnimin profesional për Polic i Ri gjenerata e 55 me gjithsej 446 kadetë; mbajtja e konferencës së shtatë ndërkombëtarë ‘Sfidat e mobiliteti të transportit dhe sigurisë publike’, e organizuar nga kolegji ‘Tempulli’ në bashkëpunim më Akademinë; Nënshkrimi i marrëveshjes bashkëpunimi me ‘Kolegjin  AAB’ me Universitetin ‘Kadri Zeka’, nënshkrimi i marrëveshjes së bashkëpunimit më Akademinë e Drejtësisë, krijimin e platformës digjitale ‘mësimi nga distanca’ etj”, u shpreh Smakiqi.

Gjithashtu gjatë takimit u diskutua edhe rreth ecurisë së procesit të konkursit për pranimin e studentëve në studimet themelore bachelor për vitin akademik 2020/2021 në Fakultetin e Sigurisë Publike.

Vushtrri, 6 gusht 2020 - Drejtori i Përgjithshëm i Akademisë së Kosovës për Siguri Publike (AKSP), Ismail Smakiqi, ka pranuar një letër nga Zëvendës Ndihmës Sekretari i Shtetit i Departamentit të Shtetit të SHBA-ve, Jorgan K. Andrews.

Duke shprehur kënaqësinë për vizitën që pati në AKSP më 24 janar 2020 dhe duke e falënderuar drejtorin Smakiqi për mikpritje, Andrews shpreh kënaqësinë e tij për zhvillimin e trajnimit profesional të kadetëve të Policisë së Kosovës, të cilin pati rastin që ta vëzhgojë nga afër personalisht gjatë vizitës së tij në Akademi. 

“Duartrokas përpjekjet tuaja dhe pranoj sa shumë AKSP-ja kontribuon drejtpërdrejt në pavarësinë dhe stabilitetin e Kosovës” u shpreh ai. 

Për më tepër, Andrews rikonfirmon vazhdimin e bashkëpunimit të Zyrës së Departamentit të Shtetit për Çështje Ndërkombëtare të Narkotikëve dhe Zbatimit të Ligjit (INL) në veçanti për AKSP-në dhe në përgjithësi për institucionet e Republikës së Kosovës:

 “Zyra e Departamentit të Shtetit e Çështjeve Ndërkombëtare të Narkotikëve dhe Zbatimit të Ligjit (INL) mbetet e përkushtuar në bashkëpunimin e saj të vazhdueshëm me Qeverinë e Kosovës, duke dashur që të identifikojë ku INL mund të ofrojë më së miri burimet e SHBA-ve për të përkrahur institucionet e Kosovës”.

Në fund të letrës së tij drejtuar drejtorit Smakiqi, Zëvendës Ndihmës Sekretari i Shtetit Amerikan, Andrews, shpreh gatishmërinë për përkrahje jo vetëm të AKSP-së, por në përgjithësi të institucioneve tona. Me këtë rast, ai shprehet: 

“Mezi pres që të shqyrtoj mundësitë shtesë ku INL mund të ndihmojë me përpjekjet tuaja, duke qenë se ne vazhdojmë të punojmë së bashku për të avancuar interesat tonë të përbashkët strategjikë në Kosovë”. 

Përveç bashkëpunimit dhe përkrahjes në aspekte tjera të fushave të përbashkëta të interesit, Zyra për Çështje Ndërkombëtare të Narkotikëve dhe Zbatimit të Ligjit (INL) e Departamentit të Shtetit të Shteteve të Bashkuara, më 16 qershor 2017 i ka dhuruar AKSP-së pajisjen e sofistikuar të sistemit të simulimit të trajnimit me armë zjarri (FATS),  në vlerën prej 148,652$.

Për më tepër, ICITAP nga Departamenti i Drejtësisë së Shteteve të Bashkuara, por edhe drejtëpërdrejt Ambasada e SHBA-ve në Kosovë, kanë përkrahur vazhdimisht dhe në mënyrë të pakursyer AKSP-në, në mënyrë që të realizojë sa më lehtë dhe në mënyrë më profesionale mandatin e saj për trajnimin dhe arsimimin e zbatuesve të ligjit në tërë vendin. 

Për më tepër informata klikoni KËTU 

Vushtrri, 04 gusht 2020 - Akademia e Kosovës për Siguri Publike (AKSP)  më 25 nëntor 2020 organizon konferencën e III-të shkencore ndërkombëtare me titull “Sfidat e funksionimit të institucioneve të sigurisë publike në rrethana të pandemisë COVID-19”.

Konferenca synon të bashkojë studiuesit e fushave të sigurisë publike me qëllim të prezantimit të modeleve të institucioneve të sigurisë publike, arsimore dhe trajnuese të vendeve të tyre, përvojat, sfidat e kaluara dhe aktuale në rrethana të pandemisë globale COVID-19.

Prandaj ftohen të marrin pjesë akademikët, studentët, hulumtuesit dhe profesionistët e tjerë që të prezantojnë pikëpamjet e tyre. Konferenca do të mbahet online në gjuhën shqipe, serbe dhe angleze me përkthim simultan në gjuhët e lartërcekura. 

Datat e rëndësishme dhe modeli i pjesëmarrjes në konferencë

Ju njoftojmë se punimet dhe prezantimet nuk duhet të kenë qenë të botuara apo prezantuara më parë gjetiu. 

Datat e rëndësishme për konferencë janë si në vijim: 

- Dorëzimi i abstrakteve deri më 28 gusht 2020 

- Njoftimi i pranimit më 10 shtator 2020 

- Dorëzimi i punimeve deri më 20 tetor 2020 

- Njoftimi i pranimit të punimit të dërguar së bashku me programin e plotë të konferencës më 5 nëntor 2020 

- Data e mbajtjes së konferencës më 25 nëntor 2020

Për më tepër informata klikoni këtu: NJOFTIM 

Vushtrri, 27 korrik 2020  – Në Akademinë e Kosovës për Siguri Publike (AKSP), sot Bordi mbajti takimin e 33- të radhës, ku u diskutua lidhur me mënyrën dhe procesin e pranimit të studentëve në Fakultetin e Sigurisë Publike në Akademi për vitin e ri akademikë 2020/2021.

Të pranishëm në këtë takim ishin Drejtori i Përgjithshëm i Akademisë së Kosovës për Siguri Publike Ismail Smakiqi, Drejtori i Përgjithshëm i Shërbimit Korrektues të Kosovës Nehat Thaçi  njëherit edhe kryesuesi i bordit, Drejtori i Përgjithshëm i Policisë së Kosovës  Rashit Qalaj, U.D. i Drejtorit të Përgjithshëm  të Inspektoratit Policor të Kosovës Kushtrim Hoda,  Drejtor i Përgjithshëm  i Agjencisë për Menaxhimin Emergjent Fadil Kodra, Drejtori i Drejtorisë së Administratës në Shërbimit Sprovues të Kosovës Arsim Tahiri, Dekani i Fakultetit të Sigurisë Publike Bejtush Gashi, Drejtori i  Departamentit për Rend dhe Siguri Publike në OSBE Edward T. Anderson, zyrtari i lartë nga kjo organizatë Bylent Ribari si dhe zyrtarë të lartë nga institucionet  përkatëse.

Me kërkesë të Agjencisë për Menaxhimin e Emergjencave, për ndarjen e kuotave për Institucionet e Sigurisë Publike në studimet themelore bachelor për vitin akademik 2020-2021 në Fakultetin e Sigurisë Publike në Akademi, Bordi i AKSP-së morri vendim për ndarjen edhe të 8 vendeve për student nga kjo agjenci. Tani numri i përgjithshëm i studentëve të cilët do të pranohen në Akademi do të jetë 65.

Në pikën e dytë të rendit të ditës u diskutua për  mënyrën dhe procesin e pranimit të studentëve në FSP/AKSP. Në takimin e fundit të Bordit të AKSP, anëtarët e Bordit kërkuan shqyrtimin e mundësisë të ndryshimit të procedurës për pranimin e studentëve në FSP. Kërkesa e drejtueseve të Agjencive të Sigurisë Publike për ndryshimit të procedurës për pranimin e studentëve në FSP ka të bëjë me planifikimet dhe objektivat strategjike të ngritjes së kapaciteteve të Agjencive të Sigurisë Publike, përmes regjistrimit të studentëve në FSP.

Drejtori i AKSP-së Ismail Smakiqi tha se Akademia edhe më herët ka shpreh gatishmëri për pranimin e studentëve në përputhje me nevojat, gjegjësisht planifikimeve të ngritjes të kapaciteteve të agjencive. Drejtori Smakiqi po ashtu njoftoi Bordin për fillimin e punës të grupit punues për rishikimin e standardeve të profesionit për Agjencitë e Sigurisë Publike gjegjësisht procesin e ri akreditimit të Akademisë dhe validimit të programeve profesionale, nga Autoriteti Kombëtar i Kualifikimeve.

Vushtrri, 16 korrik 2020 – Drejtori i Përgjithshëm i Akademisë së Kosovës për Siguri Publike Ismail Smakiqi priti sot në takim ministrinë e Punëve të Brendshme Agim Veliun ku teme diskutimi ishte fillimi i trajnimit bazik i kadetëve të gjeneratës së 55 të Policisë së Kosovës. Ministri Veliu gjatë kësaj vizite u njoftua më zhvillimet e fundit si dhe me proceset nëpër të cilat po kalon Akademia. 

Ministri Veliu ishte i shoqëruar nga Bajram Gecaj shef i kabinetit dhe këshilltarë të tij, ndërsa në takim të pranishëm ishin edhe dekani i Fakultetit të Sigurisë Publike Bejtush Gashi si dhe udhëheqësit e lartë të Akademisë Rrahim Rexha, Kastriot Jashari, Shpend Shabani dhe Avni Istrefi.

Në fillim të takimit drejtori Smakiqi e njoftoi ministrin Veliu me aktivitetet dhe veprimet e ndërmarra të AKSP gjatë periudhës së pandemisë COVID 19. 

Lidhur me këto aktivitete dhe veprime të ndërmarra drejtori Smakiqi tha se \"përveç punëve të përditshme dhe rutinore, Akademia ka hartuar  ‘Planin e vijimësisë së qeverisjes për AKSP’ si dhe  ‘Protokolli për implementimin e rekomandimeve të MSH-së dhe IKSHP-së në vendin e punës’.  I gjithë personeli ka marrë pjesë në ligjëratën (prezantimin) ‘Vetëdijesimi i zyrtarëve lidhur me sëmundjen COVID-19, masat mbrojtëse dhe higjienën’ të cilën e ka bërë mjeku i Akademisë”.

Kurse lidhur me aktivitetet e Akademisë nga fushë veprimtaria e saj, drejtoi Smakiqi njoftoi ministrin me mësimet të cilat po i zhvillojnë studentët e FSP si dhe kadetët e gjeneratës së 55 të Policisë së Kosovës. “Pas ndërprerjes të procesit arsimor në AKSP, mësimdhënësit e Fakultetit të Sigurisë Publike kanë vazhduar të zhvillojnë mësimin me studentë nga distanca, kurse më datën 06.07.2020 filloj trajnimit profesional 'Polic i ri', mësimi vijon online përmes platformës së mësimit në distance E-trajnimi”, tha Smakiqi.

Drejtori Smakiqi po ashtu bëri një prezantim të Akademisë; misionin, të arriturat dhe sfidat e Akademisë. Duke folur për të arriturat e Akademisë drejtori Smakiqi ne theks të veçantë foli për krijimin e programit studimor Bachelor Siguria Publike, Akreditimin e këtij programi studimor dhe akreditimin institucional të Akademisë nga Agjencia e Kosovës së Akreditimit; Themelimin e  Fakultetit të Sigurisë Publike; Krijimin e Programeve Profesionale për gjashtë Agjenci të Sigurisë Publike. Po ashtu drejtori Smakiqi foli edhe për akreditimin e Akademisë dhe validimin e programeve profesionale nga Autoriteti Kombëtar i Kualifikimeve si dhe Akreditimin Ndërkombëtarë nga Asociacioni Ndërkombëtar i Drejtorëve të Standardeve të Shteteve të Bashkuara të Amerikës (IADLEST). 

Gjithashtu drejtori Smakiqi e njoftoi ministrin Veliu për procesin e ri akreditimit për vitin 2021 të gjitha këtyre programeve dhe ri akreditimin institucional të Akademisë. Në ndërkohë drejtori Smakiqi kërkoi përkrahjen e  ministrit  në procesin e ri akreditimit, gjegjësisht plotësimin e kushteve të kërkuara nga Autoriteti Kombëtar i Kualifikimeve, me qëllim të ri akreditimit.

Ndërsa ministri i Punëve të Brendshme Agim Veliu pasi dëgjoi këto prezantime  e inkurajoj drejtorin për punën e bërë.   “Unë jam këtu sot me bashkëpunëtoret e mi që t’ju siguroi se vëmendja ime si ministër i Punëve të Brendshme është dhe do të jetë kah Akademia, në mënyrë që të arriturat e deritashme të Akademisë, që janë të shumta, t’i  ruajmë prej çdo ndikimi, çfarëdo qoftë ai dhe të kujdesemi që bashkërisht ta ruajmë dhe ta ngrisim një institucion i cili tashmë ka bë emër jo vetëm në Kosovë, por edhe në arenën ndërkombëtare”, tha ministri Veliu. 

Duke shprehur kënaqësinë për partneritetin e Akademisë në rrafshin ndërkombëtar dhe pjesëmarrjen e Akademisë në rrjete të asociacioneve ndërkombëtare ministri Veliu tha “unë dua të falënderoi edhe partnerët tanë ndërkombëtar që kanë dhënë një kontribut të jashtëzakonshëm për ngritjen e Akademisë, sikurse janë OSBE-ja, ICITAP-i, të cilët vazhdimisht në takimet që i kam me ta, e kanë një kujdese të jashtëzakonshme, një vëmendje të veçantë për Akademinë”

Duke falënderuar drejtorin Smakiqi për pritje ai tha “unë edhe këtu iu premtoi edhe një herë që do ta kem vëmendjen e veçantë për Akademinë, do ta keni mbështetjen time të pakursyer edhe në ngritjen e Akademisë edhe në nevojat që Akademia i ka, sepse është e natyrshme që Akademia ka nevoja edhe kërkesa që shteti duhet të i përmbushë”.

Gjatë vizitës që mistri Veliu i bëri kampusit të AKSP-së, ai pa nga afër ushtrimet e kadetëve në qendren e simulimeve me armë zjarri si dhe mori pjesë në zhvillimin e një ore mësimi online me kadetët e gjeneratës së 55 të Policisë së Kosovës. Me këtë rast ministri iu drejtua kadetëve duke i motivuar që të kryejnë me sukses trajnimin e tyre dhe të i bashkëngjiten kolegëve të tyre në punët e përditshme të Policisë së Kosovës.

Vushtrri, 06 korrik 2020 - Në Akademinë e Kosovës për Siguri Publike rifilloj vazhdimi i trajnimit profesional \"Polic i ri\", mësimi vijon online përmes platformës së mësimit në distance E-trajnimi

Ashtu siç është i njoftuar opinioni, trajnimi profesional “Polic i Ri” i gjeneratës së 55-të në AKSP ka filluar më 11.11.2019, kurse është ndërprerë më datën 12.03.2020, në javën e 18 të trajnimit, me  Vendimin nr.01/07 te datës 11.03.2020 të Qeverisë të Republikës së Kosovës.

Në analogji me institucionet tjera arsimore në Republikën e Kosovës, mësimdhënësit e Fakultetit të Sigurisë Publike kanë vazhduar të zhvillojnë mësimin nga distanca. Vazhdimi i procesit arsimor në Fakultetin e Sigurisë Publike, për 215 studentë të rregullt të këtij fakulteti, do të jetë i njëjti me vazhdimin e procesit arsimor në institucionet e arsimit të lartë në Republikën e Kosovës. Tani për tani do të vazhdohet me mësim nga distanca.

Çështja e vazhdimit të trajnimit profesional “Polic i Ri” i gjeneratës së 55-të të kadetëve të Policisë së Kosovës, në rrethanat e pandemisë, ka qen preokupimi kryesor i AKSP-së dhe PK-së.

“Gjithnjë në përputhje me rrethanat e zhvillimit të pandemisë, me shpresën e mundësisë së rikthimit gjegjësisht vazhdimit të trajnimit në Akademi, personeli udhëheqës i Akademisë dhe kolegët e Drejtorisë së Trajnimeve të Policisë së Kosovës kemi trajtuar disa opsione për vazhdimin e programit profesional të ndërprerë”, tha drejtori i Përgjithshëm i Akademisë së Kosovës për Siguri Publike Ismail Smakiqi.

Në përputhje me manualin për mbrojtje nga përhapja e virusit Covid-19, qershor 2020, të Ministrisë së Shëndetësisë gjegjësisht Institutit Kombëtar të Shëndetësisë Publike të Kosovës, i cili obligon institucionet të zbatojnë masat e përcaktuara në këtë manual dhe i cili rrjedhimisht pamundëson rikthimin e nxënëseve dhe studentëve në vazhdimin e procesit edukativo-arsimor në objektet shkollore dhe me qëllim të vazhdimit të trajnimit profesional të kadetëve të gjeneratës së 55-së të Policisë së Kosovës, Akademia e Kosovë për Siguri Publike dhe Policia e Kosovës janë pajtuar për: Realizimin e trajnimit profesional \"Polic i ri\" online përmes platformës së mësimit në distance E-trajnimi.

Drejtori Smakiqi tha se trajnimi realizohet bazuar në dokumentin “Plani për realizimin e trajnimit profesional \"Polic i ri\" online përmes platformës së mësimit në distance E-trajnimi” i cili është përgatitur nga Akademia dhe Drejtoria e Trajnimeve të Policisë së Kosovës. 

“Një punë e shkëlqyeshme është bërë nga Divizioni i Teknologjisë Informative të AKSP-së, e cila ka aktivizuar sistemit MOODLE, i cili përdoret në pjesën dërmuese të institucioneve të ngjashme ndërkombëtare për mësim online, duka përfshirë trajnimin e instruktorëve për përdorimin e sistemit MOODLE.  Sot, më datën 06.07.2020, pas testimit një orësh, ka filluar të zhvillohet trajnimi online, me ç ‘rast instruktorët nga klasat e tyre mbajnë leksionet (pjesën teorike)”, u shpreh Smakiqi.

Akademia dhe Drejtoria e Trajnimeve të Policisë së Kosovës janë duke punuar për krijimin e kushteve për vazhdimin e pjesës praktike në Akademi në grupe më të vogla të kadetëve, gjithnjë në përputhje me rekomandimet e institucioneve shëndetësore.

Vushtrri, 29 qershor 2020 – Vazhdimi i trajnimit profesional \"Polic i ri\" online përmes platformës së mësimit në distance E-trajnimi, do të filloi ditën e hënë, me datën 06.07.2020,  kështu u morë vendim në mbledhjen e Bordit që u mbajt sot në Akademinë e Kosovës për Siguri Publike. 

Në këtë takim  morën pjesë anëtarët e Bordit të AKSP-së, gjegjësisht udhëheqësit e Agjencive të Sigurisë Publike;  Drejtori i Përgjithshëm i Shërbimit Korrektues të Kosovës Nehat Thaçi – Kryesues i Bordit, Drejtori i Përgjithshëm i Policisë së Kosovës Rashit Qalaj, Drejtor i Përgjithshëm  i Agjencisë për Menaxhimin Emergjent Fadil Kodra, Drejtori i Përgjithshëm i Akademisë Ismail Smakiqi, Ud/Drejtori i Përgjithshëm i Doganës se Kosovës Ibrahim Xhaka, Ud/ i Kryeshefit Ekzekutive e Inspektoratit Policor të Kosovës Exhevit Zuka, Drejtori i Drejtorisë të Administratës në Shërbimit Sprovues të Kosovës Arsim Tahiri.

Në takim morën pjesë edhe Dekani i Fakultetit të Sigurisë Bejtush Gashi, Drejtori i  Departamentit për Rend dhe Siguri Publike në OSBE Edward T. Anderson, zyrtarja e lartë nga kjo organizatë Shpresa Muharremi si dhe Drejtorët e Departamenteve të AKSP-së dhe ASP-ve.

Pas aprovimit të rendit të ditës dhe procesverbaleve të takimit të 30-të të  Bordit të AKSP-së,  Drejtori i Përgjithshme i Akademisë  Ismail Smakiqi i njoftoi anëtaret e  Bordit  për aktivitetet dhe veprimet e ndërmarra të AKSP-së gjatë periudhës së pandemisë (covid 19).

Drejtori Smakiqi tha se prezantimi i raportit përmbledhës të aktiviteteve dhe veprimeve të ndërmarra të AKSP-së gjatë periudhës së pandemisë (covid 19), Udhëheqja e Akademisë së Kosovës për Siguri Publike e ka bërë për disa arsye:

“Për raportim, njoftim dhe informim institucioneve përgjegjëse, hisedarëve dhe partnerëve të AKSP-së, Krijimin e një dosje të veçantë për rrethana të veçanta dhe të rralla, siç është pandemia (pandemia është dukuri globale e cila sipas njohurive është shfaqur një here në shekull; në vitet 1720,1820,1920 dhe tani në vitin 2020) si dhe për ofrimin si dëshmi të aktiviteteve dhe veprimeve të ndërmarra të AKSP-së gjatë periudhës së pandemisë, institucioneve vlerësuese  të cilat akreditojnë Akademinë; Agjencia e Akreditimit e Kosovës, Autoriteti Kombëtar i Kualifikimeve dhe Asociacioni Ndërkombëtar i Drejtorëve të Standardeve dhe Trajnimit të Zbatimit të Ligjit të Shteteve të Bashkuara të Amerikës (IADLEST)”, tha Smakiqi.

Kliko këtu për të gjetur: RAPORT I AKTIVITETEVE DHE VEPRIMEVE TË NDËRMARRA TË AKSP-së GJATË PERIUDHËS SË PANDEMISë (COVID 19)

Në vazhdim Bordi aprovoi “Planin vjetor të punës së Bordit për vitin 2020”. Siç dihet, gjatë vitit 2020 Akademia dhe Agjencitë e Sigurisë Publike do të përgatiten për ri akreditimin vendor nga Agjencia e Kosovës për Akreditim dhe Autoriteti Kombëtar i Kualifikimeve dhe ri-akreditimit ndërkombëtar nga IADLEST (SHBA) i cili do të ndodhë në vitin 2021.

Për këtë qëllim në plan të punës të Bordit të AKSP-së, ndër të tjera u përfshinë edhe këto aktivitete: Mbështetja e Bordit të AKSP-së në implementimin e rekomandimeve të Autoritetit Kombëtar të Kualifikimeve dhe IADSLES-it, Rishikimi i standardeve të profesionit për Agjencitë e Sigurisë Publike me qëllim të ri-validimit (duke përfshirë themelimin e grupit punues për rishikimin e standardeve të profesionit për Agjencitë e Sigurisë Publike), Rishikimi i kurikulave të trajnimeve profesionale për Agjencitë e Sigurisë Publike me qëllim të ri-validimit dhe ri-akreditimit.

Në këtë takim u diskutua edhe orientimet strategjike të agjencive të sigurisë publike për nevojat e tyre në ngritjen profesionale të zyrtarëve të saj përmes arsimit të lartë, gjegjësisht procesi i ardhshëm i ri akreditimit të Programit Studimor Bachelor Siguria Publike.

Në vazhdim Drejtori Smakiqi njoftoi Bordin e AKSP-së, me aktivitetet të ndërmarra nga Akademia e Kosovës për Siguri Publike, lidhur me vazhdimin e realizimit të trajnimit profesional \"Polic i ri\" online përmes platformës së mësimit në distancë. E-trajnimi, do të filloi ditën e Hënë, me datën 06.07.2020.

“Vazhdimi i trajnimit është fryt i bashkëpunimit të ngushtë të përgjegjëseve të trajnimeve të Policisë së Kosovës dhe Akademisë së Kosovës për Siguri Publike si dhe Divizionit të Teknologjisë Informative e cila ka aktivizuar sistemit gjegjësisht platformën MOODLE, i cili përdoret në pjesën dërmuese të institucioneve të ngjashme ndërkombëtare për mësim online”, tha drejtori Smakiqi

Bordi në fund të takimit aprovoi kuotat për Institucionet e Sigurisë Publike në studimet themelore bachelor për vitin akademik 2020-2021 në Fakultetin e Sigurisë Publike në Akademi.

Vushtrri, 26 maj 2020 - Drejtori i Përgjithshëm i Akademisë së Kosovës për Siguri Publike Ismail Smakiqi së bashku me menaxhmentin e lartë të AKSP-së, priti për vizitë Drejtorin e  Departamentit të Rendit dhe Sigurisë Publike në OSBE Edward T. Anderson si dhe zyrtaren e lartë nga kjo organizatë Shpresa Muharremi.

Anderson dhe Muharremi u ftuan të marrin pjesë në takimin e menaxhmentit të lartë të Akademisë së Kosovës për Siguri Publike, në të cilin takim vazhduan përgatitjet e Akademisë për kthim të normalitet, gjegjësisht rikthimin në punët e përditshme të gjithë personelit të Akademisë.

Drejtori Smakiqi njoftoi mysafiret, me rrjedhat e aktiviteteve në Akademi pas datës 12.03.2020, kur është ndërpre  procesi  edukativo-arsimor i kadetëve të Policisë së Kosovës dhe studentëve të Fakultetit të Sigurisë Publike si dhe janë  pezulluar të gjitha aktivitetet nga fushë veprimtaria e Akademisë.

Në ditët në vijim, personeli esencial i Akademisë ka vazhduar të kryej punët ditore, kurse menaxhmenti i Akademisë është përqendruar në aktivitetet që lidhen me proceset e ri akreditimit nga Agjencia e Kosovës për Akreditimit dhe Autoriteti Kombëtar i Kualifikimeve dhe ri-akreditimit ndërkombëtar nga IADLEST (SHBA) për vitin 2021, gjegjësisht aktivitetet të cilat duhet ti përfundoj personeli i AKSP-së në përgatitjet gjatë vitit 2020. 

“Janë formuar të gjithat grupet punuese të planifikuara si dhe janë punuar draftet fillestare të dinamikave të punëve të cilat duhet të kryhen nga këto grupe punuese. Mësimdhënësit e Fakultetit të Sigurisë Publike kanë vazhduar të zhvillojnë mësimet me studentë nga distanca. Mësimi online për studentët e Fakultetit për Siguri Publike është zhvilluar në platformat: Google Meet dhe Google Classroom, të cilat platforma janë aplikuar edhe nga institucionet tjera të arsimit të lartë në Republikën e Kosovës”, tha Smakiqi.

Drejtori Smakiqi njoftoi mysafirët, se Akademia me qëllim të fillimit të realizimit të fushëveprimit dhe funksioneve të saj gjatë dhe pas periudhës së Pandemisë COVID 19, ka hartuar planin e vijimësisë i cili përcakton masat dhe fazat mbrojtëse për zyrtarët dhe vijuesit e saj si dhe krijimin e protokollove të ndryshme nga përgjegjësit e fushave përkatëse me qëllim të parandalimin të përhapjes së COVID 19 në ambientet e punës.

Drejtori Smakiqi ka njoftuar mysafirët po ashtu për përgatitjet e Akademisë për rifillimin e trajnimit profesional “Polic i Ri” të gjeneratës të 55-të të Policës së Kosovës në AKSP, i cili ka filluar më 11.11.2019, kurse është ndërprerë më datën 12.03.2020, në javën e 18 të trajnimit sipas vendimit të Qeverisë për pezullimin e aktiviteteve mësimore për parandalimin e pandemisë COVID-19. 

Smakiqi tha se pikthimi i kadetëve në Akademi do të bëhet në bashkëpunim me Policinë e Kosovës dhe në përputhje me udhëzimet e Institucioneve përgjegjëse të parandalimit të pandemisë COVID-19. 

Sa i përket vazhdimit të procesit arsimor në Fakultetin e Sigurisë Publike, do të jetë i njëjti me vazhdimin e procesit arsimor në institucionet e arsimit të lartë në Republikën e Kosovës. 

Tani për tani do të vazhdohet me mësim nga distanca. Vendimin për vazhdimin e procesit arsimor në AKSP për studentët e Fakultetit të Sigurisë Publike do të merret nga institucionet qendrore dhe AKSP do të veproi në përputhje me këto vendime të cilat do të vlejnë për të gjitha institucionet e arsimit të lartë.

Drejtori i  Departamentit të Rendit dhe Sigurisë Publike në OSBE Edward T. Anderson, falënderoi drejtorin Smakiqi për njoftimin e hollësishëm të aktiviteteve të AKSP-së para dhe pas kohës së pandemisë, duke vlerësuar lart përpjekjet e Akademisë për rikthim në normalitet, gjithnjë duke respektuar udhëzimet e Institucioneve Shëndetësore për mbrojtjen e personelit nga mundësia e infektimit. 

Anderson vlerësoi po ashtu punët në përgatitjen e Akademisë në procesin e ri- akreditimeve, duke shprehur gatishmërinë e OSBE-së në përkrahje të arritjes të këtyre objektivave të AKSP-së. Ri akreditimi i Akademisë, gjegjësisht interesimi i personelit menaxhues të Akademisë në ruajtjen e standardeve të larta të cilat sot i ka Akademia si dhe ngritjes të nivelit të këtyre standardeve në të njëjtën kohë është sukses edhe i OSBE-së, e cila së bashku me ICITAP-in, janë partnerë e përhershëm të Akademisë.

Anderson, tha në fund, se për takimin do të njoftoi Ambasadorin Bratu  si dhe u shpreh i gatshëm që ta përkrah Akademinë edhe me tutje

Vushtrri, 7 maj 2020 – Sot me 7 maj 2020 nga ora 14:00 është realizuar mbrojtja e parë nga distanca  e punimit të temës së diplomës në Fakultetin e Sigurisë Publike, nga studenti Mentor Gajtani, me titull të temës së diplomës: “Kujdesi shëndetësor dhe sëmundjet më të shpeshta tek të burgosurit në Qendrën e Paraburgimit në Lipjan”. Studenti Mentor Gajtani është i punësuar si zyrtar korrektues në Shërbimin Korrektues të Kosovës dhe përgjatë katër viteve të studimit, ka ndjekur në Akademinë e Kosovës për Siguri Publike programin studimor bachelor “Siguria Publike”, drejtimi korrektues.

Mbrojtja e punimit të temës së diplomës u bë para komisionit në përbërje:

1. Prof.Ass.Dr. Vilard Bytyqi, kryetar

2. Mr.sc. Anita Zenuni, phd cand., anëtar;

3. Prof.Ass.Dr. Ferid Azemi, mentor.

Punimi i diplomës u realizua nëpërmjet platformës Google Meet, duke respektuar procedurën për mbrojtjen e punimit të temës së diplomës të paraparë sipas Rregullores (QRK) nr. 05/2019 së Arsimit të Lartë në Akademinë e Kosovës për Siguri Publike dhe Rregullores (AKSP) nr. 05/2014 për hartimin dhe mbrojtjen e punimit të temës së diplomës.

Në këtë mbrojtje të punimit të temës së diplomës, mori pjesë edhe Drejtori i Përgjithshëm i AKSP-së Ismail Smakiqi dhe Dekani i FSP-së Bejtush Gashi.

Drejtori i Përgjithshëm Smakiqi përgëzoi menaxhmentin e fakultetit, komisionin për vlerësim dhe mbrojtje të temës së diplomës, personelin e IT-së për krijimin e kushteve teknike, që me përkushtimin dhe angazhimin e tyre u bë e mundur që për herë të parë në Akademinë e Kosovës për Siguri Publike u realizua mbrojtja e parë e punimit të temës së diplomës nën masat e ndërmarra ndaj pandemisë Covid-19. Drejtori Smakiqi theksoi se është shumë e rëndësishme që puna akademike dhe shkencore të mos ndalet dhe e njëjta të vazhdojë duke respektuar dhe përshtatur rekomandimeve dhe masave të ndërmarra ndaj pandemisë Covid-19.

Dekani i FSP-së, Bejtush Gashi përmendi përkushtimin e menaxhmentit të fakultetit dhe stafit akademik që edhe gjatë pandemisë globale Covid-19, është bërë përpjekje dhe angazhim maksimal që puna me studentë të jetë efektive dhe profesionale, duke përmbushur të gjitha kërkesat akademike që dalin nga programi studimor “Siguria Publike” që realizohet në AKSP, duke filluar nga mbajtja e ligjeratave nga distanca, konsultimeve dhe komunikimit me studentë, monitorimi i punës praktike të studentëve në agjencitë e sigurisë publike dhe tash së fundi edhe realizimi i mbrojtjes së punimeve të temave të diplomës nga distanca.

Vushtrri, 28 prill 2020 – Sot Drejtori i Përgjithshëm i Akademisë së Kosovës për Siguri Publike  Ismail Smakiqi, mbajti takim online përmes SKYPE me mësimdhënësit e Fakultetit të Sigurisë Publike, lidhur me vazhdimin e studimeve, gjegjësisht mbajtjen e ligjëratave online në këtë Fakultet.

Dekani i Fakultetit të Sigurisë Publike Bejtush Gashi, njoftoi drejtorin Smakiqi për rrjedhën e procesit mësimor në kushtet e krijuara, pas unifikimit të platformës Google Meet dhe Google Classroom për ndjekjen e mësimit online.

Është e rëndësishme që në proces mësimor janë kyç edhe mësimdhënësit e angazhuar  nga Agjencitë e Sigurisë Publike të cilët i mbajnë lëndët profesionale si dhe profesor të angazhuar nga Universiteti i Prishtinës, të cilët mbajnë leksione për studentët e FSP.

Po ashtu janë duke u zhvilluar edhe modulet e punës praktike (internshipit) të studentëve të bashkërenditura nga Dekani i Fakultetit të Sigurisë Publike Bejtush Gashi si dhe Koordinatorit për mësim praktik të AKSP-së dhe koordinatoreve të mentorëve të Agjencive të Sigurisë Publike.

Studentët e Fakultetit janë duke marr pjesë në numër të konsiderueshëm aktivisht në ligjërata online. Duke mare parasysh që studentë e Fakultetit të Sigurisë Publike, në të njëjtën kohë jeni punëtor të punësuar në Institucionet e Sigurisë Publike dhe jeni mjaftë të angazhuar në luftë të cilën po e bëjnë Institucionet e vendit tonë kundër “Covid 19”, studentët kanë mundësi përveç online të përcjellin ligjëratat edhe në kohë më të përshtatshme për ta, meqenëse ligjëratat e mësimdhënëseve incizohen dhe mund të ndjekin në çfarëdo kohe.

Dekan Gashi së bashku me kolegët mësidhënës të fakultetit diskutuan edhe për procesin e provimeve të cilit duhet të iu nënshtrohen studentët, gjegjësisht ndërtimit të notës për studentët. Po ashtu në ditët në vijim Fakulteti i Sigurisë Publike do të organizoi edhe mbrojtjen e temave të diplomimit të studentëve, në formën online.

Drejtori Smakiqi falënderoi mësimdhënësit dhe studentët të cilët po bëjnë të pamundurën që mos të ngecin studimet në këtë Fakultet.

Vushtrri, 24 prill 2020 

E nderuara Familja e Kujtim Qafleshit

I nderuar  z.Ibrahim Xhaka, U.d Drejtor i Përgjithshëm i Doganës së Kosovës

Me pikëllim të thellë pranuam lajmin për ndarjen nga jeta e familjarit tuaj, zyrtarit të Doganës, njëherit mësimdhënësit tonë të çmuar, Kujtim Qafleshi. Kujtimi ishte mësimdhënës i angazhuar në Fakultetin e Sigurisë Publike, dhe kontributi i tij pa dyshim është mjaft i çmueshëm në arsimimin e zbatuesve të ligjit, sidomos atyre nga fusha doganore. 

Ishte koleg i dashur, profesionist dhe i palodhshëm në punën e tij pedagogjike.  

Me vdekjen e Kujtimit, Ju familje e nderuar humbet bashkëshortin dhe prindin tuaj, ndërsa ne humbëm, kolegun, mikun dhe mësimdhënësin e shquar, i cili do të mbetet në kujtesën e zbatuesve të ligjit për cilësitë e tij të larta njerëzore dhe profesionale. 

Ngushëllime familjes, të afërmeve, kolegëve dhe studentëve për vdekjen e mësimdhënësit Kujtim Qafleshi. 

Akademia e Kosovës për Siguri Publike,

Vushtrri,

24.04.2020 

Vushtrri, 23 prill 2020 – Në  Akademinë e Kosovës për Siguri Publike (AKSP), sot Bordi i AKSP-së mbajti takimin e 31 të radhës, të parin në vitin 2020.

Në këtë takim morën pjesë të gjithë anëtarët e bordit,  Drejtori i Përgjithshëm i  Shërbimit Korrektues të Kosovës  Nehat Thaqi njëherit kryesues i bordit, Drejtori i Përgjithshëm i Akademisë së Kosovës për Siguri Publike Ismail Smakiqi, Drejtori i Përgjithshëm i Policisë së Kosovës Rashit Qalaj, Kryeprokurori i Shtetit Aleksander Lumezi, Kryeshefja Ekzekutive e Inspektoratit Policor të Kosovës Miradije Kelmendi, Drejtori i Përgjithshëm i Shërbimit Sprovues të Kosovës Bajram Bujupi, U.D i Drejtorit të Përgjithshëm të Doganave të Kosovës  Ibrahim Xhaka, Drejtor i Përgjithshëm  i Agjencisë për Menaxhimin Emergjent Fadil Kodra.

Pas aprovimit të procesverbalit dhe transkriptit të takimit të fundit të bordit, Drejtori i Përgjithshëm i Akademisë së Kosovës për Siguri Publike Ismail Smakiqi shpalosi raportin e punës së AKSP-së për vitin 2019 duke pasqyruar të gjitha aktivitetet dhe të arriturat e Akademisë gjatë vitit 2019 si vijon:

Si të arritura kryesore për periudhë janar - dhjetor 2019 drejtori Smakiqi veçoj; realizimi i 51 trajnimeve me gjithsej 1,369 zyrtar të Agjencive të Sigurisë Publike; përfundimi me sukses i trajnimeve  profesional për Agjencitë e Sigurisë publike si vijon; “Trajnimi Profesional për Polic të Ri” – gjenerata 54 me gjithsejtë  421 kadetë, “Trajnimi Profesional Inspektor i Inspektoratit Policor 17 kadet dhe   “Trajnimi Profesional për Zyrtar Korrektues” – 119 kadetë. 

Drejtori Smakiqi po ashtu foli edhe për përfundimin me sukses të projektit të binjakëzimit i financuar nga BE-ja, i cili ka rezultuar me akreditimin kombëtar nga Autoriteti Kombëtar i Kualifikimeve dhe akreditim ndërkombëtar nga Asociacioni Ndërkombëtar i Drejtorëve të Standardeve dhe Trajnimit të Zbatimit të Ligjit (IADLEST) të Shteteve të Bashkuara të Amerikës.

 Në vitin shkollor  2019/2020 në Fakultetin e Sigurisë Publike janë regjistruar gjithsejtë 39 studentë, kurse në  këtë fakultet gjatë vitit të fundit kanë diplomuar 48 studentë. 

Në fushën e këmbimeve dhe trajnimeve përmes mobili tetit në kuadër të CEPOL dhe ERASMUS + gjatë kësaj periudhe kohore është arritur që përmes ERASMUS+ të realizohen 10 programe të ndryshme të shkëmbimit me gjithsej 28 pjesëtar ( staf akademik 10, staf profesional 10 dhe zyrtar të PK-së 8), kurse përmes CEPOL-it është arritur që gjithsej 64 zyrtarë të zbatimit të ligjit të gjejnë partnerët e tyre për shkëmbim njëjavor në Shqipëri, Bullgari, Kroaci, Estoni, Letoni, Lituani, Maqedoni Veriore, Poloni, Portugali, Sllovaki dhe Suedi.

Po ashtu gjatë vitit 2019 Akademia ka hartuar Plani Vjetor i Punës së AKSP-së për vitin 2020, është finalizuar dhe miratuar planit vjetor  i trajnimeve për vitin 2020 si dhe është miratuar Strategjia  Zhvillimore dhe Plani i Veprimit AKSP 2019-2022.

Në fushën e bashkëpunimit ndërkombëtar Akademia ka arritur: nënshkrimin e marrëveshjes së bashkëpunimit në mes Akademisë së Kosovës për Siguri Publike (AKSP) dhe Akademisë për Siguri Publike të Shqipërisë; nënshkrimi i marrëveshjes së bashkëpunimit në mes Akademisë së Kosovës për Siguri Publike dhe Universitetit Laureat të Shkencave të Aplikuara të Finlandës; nënshkrimin e marrëveshjes së bashkëpunimit në mes Akademisë së Kosovës për Siguri Publike (AKSP) dhe Institutit të Trajnimit të Shërbimeve të Burgut dhe Sprovues (RSKK) Finlandë;  anëtarësimi i Akademisë së Kosovës për Siguri Publike (AKSP) në Rrjetin Ndërkombëtar Frankofon të Trajnimit Policor (FRANCOPOL) si anëtare me të drejtë vote, pjesëmarrja në konferencën vjetore të IADLES – SHBA si dhe një mori aktivitete të rëndësishme për Akademinë dhe Agjencitë e Sigurisë Publike.

Këtë vit në muajin qershor është mbajtur “Miniolimpiada 2019” për persona me nevoja të veçanta si dhe janë organizuar një mori aktivitete tjera me komunitete të ndryshme.

Në muajin shtator 2019 u shënua 20 vjetori i  themelimit të Akademisë së Kosovës për Siguri Publike, me ç’ rast iu shpërndan mirënjohje të veçanta partnerëve të përhershëm të Akademisë OSBE, ICITAP-it si dhe individëve të cilët dhanë kontribut të çmueshëm për zhvillimin e Akademisë.

Pas prezantimit dhe vlerësimit , Bordi i Akademisë një zëri aprovoi Raportin e Punës të Akademisë për vitin 2019.

Në vazhdim kryesuesi i Bordit të AKSP-së njëherit Drejtori i Përgjithshëm i  Shërbimit Korrektues të Kosovës  Nehat Thaqi, e vlerësoi lartë punën që ka bërë Akademia gjatë vitit 2019 si dhe shfaqi shpresën që së shpejti, pas kalimit të pandemisë të vazhdoi puna e Akademisë nga fusha e veprimit të sajë e cila është esenciale për ngritjen e kapaciteteve të Agjencive gjegjësisht ofrimin sa më të mirë të shërbimeve për agjencitë.

Po ashtu udhëheqësit e agjencive lavdëruan punën e Akademisë dhe shprehën nevojën e fillimit sa më parë të punës së Akademisë me qëllim të ngritjes së kapaciteteve të agjencive të tyre. Të gjithë drejtuesit shprehën gatishmëri për rishikimin e planeve të trajnimeve, programeve studimorë dhe profesionale, me qëllim të përshtatjes të këtyre planeve sipas nevojave pas kalimit të krizës globale shëndetësore të pandemisë.

Në fund drejtori Smakiqi falënderoi të gjithë anëtarët e Bordit, agjencionet e sigurisë publike si dhe partnerët ndërkombëtar për bashkëpunimin dhe përkrahjen e treguar ndaj Akademisë duke theksuar se viti 2020 është viti i përgatitjes të Akademisë për ri akreditim të programeve profesionale dhe studimore dhe ri akreditim institucional vendor nga AAK dhe AKK, si dhe ri akreditim ndërkombëtar të AKSP nga IADLEST. E gjithë kjo punë e përbashkët kërkon mobilizim në momentin e parë të kthimit në institucione. 

Në vazhdim Bordi i Akademisë së Kosovës për Siguri Publike, njëzëri  ri-zgjodhi Nehat Thaqi kryesues të Bordit edhe për një mandat një vjeçar.