Trajnim, arsimim dhe hulumtim me cilësi të lartë në fushën e sigurisë publike

Lajmet

Në Akademinë e Kosovës për Siguri Publike filloi trajnimi i gjeneratës së 46-të të kadetëve të Shërbimit Korrektues të Kosovës
Në Akademinë e Kosovës për Siguri Publike filloi trajnimi i gjeneratës së 46-të të kadetëve të Shërbimit Korrektues të Kosovës

 

Vushtrri, 11 mars 2026 – Në Akademinë e Kosovës për Siguri Publike (AKSP) ka filluar zyrtarisht trajnimi profesional për gjeneratën e 46-të të kadetëve të Shërbimit Korrektues të Kosovës.Ky trajnim përfaqëson një hap të rëndësishëm në përgatitjen profesionale të zyrtarëve korrektues, të cilët në të ardhmen do të angazhohen në përmbushjen e detyrave dhe përgjegjësive në institucionet korrektuese të Republikës së Kosovës.

 

Programi i trajnimit është hartuar në përputhje me standardet bashkëkohore profesionale dhe praktikat më të mira ndërkombëtare, me theks të veçantë në respektimin e të drejtave të njeriut, sundimin e ligjit, etikën profesionale dhe menaxhimin korrektues.

 

Gjatë muajve sa do të zgjasë trajnimi, kadetët do të pajisen me njohuri teorike dhe praktike, si dhe do të zhvillojnë shkathtësi dhe kompetenca profesionale të nevojshme për ushtrimin e detyrave të tyre.

 

Akademia e Kosovës për Siguri Publike dhe Shërbimi Korrektues i Kosovës ndër vite kanë ndërtuar një bashkëpunim të qëndrueshëm institucional, i cili ka kontribuar në zhvillimin dhe avancimin e vazhdueshëm të programeve të trajnimit dhe në rritjen e cilësisë së përgatitjes profesionale të stafit korrektues.

 

Trajnimi për gjeneratën e 46-të do të zgjasë 23 javë dhe do të vijohen nga gjithsej 100 kadetë të Shërbimit Korrektues të Kosovës, prej të cilëve 82 meshkuj dhe 18 femra. Përmes këtij programi trajnues, kadetët do të përgatiten profesionalisht për të kontribuar në forcimin e profesionalizmit, sigurisë dhe integritetit në sistemin korrektues të Republikës së Kosovës.

 

 

 

11/03/2026
Lexo më shumë
Sukses i jashtëzakonshëm institucional: AKSP akreditohet për pesë vjet në arsimin e lartë
Sukses i jashtëzakonshëm institucional: AKSP akreditohet për pesë vjet në arsimin e lartë

 

Vushtrri, 24 - shkurt - Këshilli Shtetëror i Cilësisë i Agjencisë së Kosovës për Akreditim, në mbledhjen e mbajtur më 23.02.2026, pasi ka shqyrtuar raportet e ekspertëve ndërkombëtarë ka vendosur për akreditimin institucional për pesë vjet në arsimin e lartë të Akademisë së Kosovës për Siguri Publike.

 

Ky vendim konfirmon përmbushjen e standardeve të larta të cilësisë në arsimin e lartë dhe është rezultat i drejtpërdrejtë i rishikimit substancial që Akademia ka bërë në politikat e saj të brendshme, duke ndërmarrë masat e nevojshme në përputhje me standardet e reja të AKA-së dhe me trendët moderne të arsimit të lartë, veçanërisht në fushën e arsimimit për zbatimin e ligjit.

 

Ky sukses përbën meritë të veçantë të stafit AKSP-së, të cilët kanë kontribuar në mënyrë të drejtpërdrejtë me përkushtim dhe profesionalizëm të lartë në arritjen e këtij rezultati të jashtëzakonshëm institucional.

 

Akademia shpreh mirënjohje të veçantë ndaj stafit të Agjencia e Kosovës për Akreditim dhe Këshillit Shtetëror të Cilësisë për përkrahjen profesionale të ofruar gjatë gjithë procedurave akredituese, si dhe ndaj ekipit të ekspertëve ndërkombëtarë për profesionalizmin e demonstruar në të gjitha fazat e vlerësimit.

 

Akreditimi pesëvjeçar përfaqëson një garanci të qartë për vazhdimin e avancimit të cilësisë dhe forcimin e rolit të Akademisë në arsimin e sigurisë publike.

 


 


 

 

24/02/2026
Lexo më shumë
Në ambientet e Akademisë së Kosovës për Siguri Publike u mbajt ekspozita e organizuar nga Shoqata Down Syndrome Kosova
Në ambientet e Akademisë së Kosovës për Siguri Publike u mbajt ekspozita e organizuar nga Shoqata Down Syndrome Kosova

Vushtrri, 24 shkurt – Në kuadër të aktiviteteve promovuese dhe ndërgjegjësuese për përfshirjen dhe barazinë e personave me Sindromën Down, në ambientet e Akademisë së Kosovës për Siguri Publike u organizua një ekspozitë promovuese nga Shoqata Down Syndrome Kosova – Dega në Mitrovicë.

 

Ekspozita prezantoi kartolina të realizuara me përkushtim nga persona me Sindromën Down, të cilat reflektuan talentin, kreativitetin dhe ndjeshmërinë e tyre artistike. Përmes harmonisë së ngjyrave, motiveve dhe simboleve të përdorura, punimet dëshmuan qartë aftësitë dhe potencialin e tyre krijues, si dhe mesazhet pozitive që ata përcjellin në shoqëri.

 

Përveç dimensionit artistik dhe promovues, aktiviteti kishte për qëllim ngritjen e ndërgjegjësimit institucional dhe shoqëror mbi rëndësinë e mbështetjes së vazhdueshme për personat me Sindromën Down, duke theksuar domosdoshmërinë e krijimit të mundësive të barabarta dhe të përfshirjes së plotë të tyre në të gjitha sferat e jetës shoqërore.

 

Akademia e Kosovës për Siguri Publike, si institucion publik, vlerëson dhe mbështet në mënyrë të vazhdueshme iniciativat e tilla që promovojnë të drejtat, vlerat dhe aftësitë e personave nga komunitetet e ndryshme në Kosovë, duke i konsideruar ata pjesë të barabartë dhe të çmuar të shoqërisë.

24/02/2026
Lexo më shumë
Shiko të gjitha lajmet

Statistikat

0

Numri i vijuesve të trajnimeve

0

Numri i trajnimeve

0

Numri i të diplomuarve në FSP

Institucionet e Sigurisë Publike

Policia e kosovës
Inspektorati Policor i Kosovës
Ministria e Drejtësisë
Dogana e Kosovës
Shërbimi Korrektues i Kosovës
Agjencia e Menaxhimit të Emergjencave

Pyetjet e shpeshta

Akademia e Kosovës për Siguri Publike është institucion përgjegjës për ofrimin e trajnimeve dhe arsimit të lartë, zbatimin e politikave dhe strategjive të trajnimit, arsimimit të lartë si dhe zhvillimin e kapaciteteve në fushën e sigurisë publike për të gjitha institucionet e sigurisë publike në Republiken e Kosovës por pa u kufizuar vetëm në:

  1. Policinë e Kosovës;
  2. Shërbimin Korrektues;
  3. Shërbimin Sprovues;
  4. Doganën e Kosovës;
  5. Agjencinë e Menaxhimit Emergjent
  6. Inspektoratin Policor të Kosovës

Zyrtar i një Agjencie të Sigurisë Publike (ASP) mund të bëhet çdo qytetar i Republikës së Kosovës i cili duhet të kaloj përmes procedurave te hapura të konkurimit. Aplikimi mund të bëhet përmes faqes zyrtare të internetit të ASP-ve përkatëse apo kritereve të përcaktuara paraprakisht prej ASP-ve, dhe pas përzgjedhjes sipas kritereve të konkursit, i njëjti i nënshtrohet Trajnimit Profesional në Akademinë e Kosovës për Siguri Publike (AKSP).

Akademinë e Kosovës për Siguri Publike (AKSP) ofron trajnime të niveleve të ndryshme dhe arsim të lartë për zyrtarët e sigurisë publike me qëllim të ngritjes dhe zhvillimit të kapaciteteve të tyre.

 

Programet e trajnimit fillojnë nga Trajnimi Profesional, që u dedikohet zyrtarëve fillestar që për herë të parë themelojnë marrëdhënie pune, pastaj trajnime bazike, të avancuara dhe të specializuara. Në kuadër të këtyre kategorive hyjnë trajnimi për zhvillimin e instruktorëve (ToT) dhe menaxhment dhe lidership.

Varësisht nga Analiza e Nevojave për Trajnim të Agjencioneve të Sigurisë Publike, përzgjidhen zyrtarët e caktuar për të ndjekur trajnimin përkatës. Këtë propozim për te ndjekur trajnime e bëjnë udhëheqësit e drejtperdrejt nga Agjencitë e Sigurisë Publike përkatëse, me qëllim të ngritjes së kapaciteteve të zyrtareve publik (zbatuesve të ligjit) dhe ofrimin e njohurive dhe shkathtësive qoft të atyre të domosdoshme apo të reja për fusha të caktuara.

Për informata të mëtejshme, mund të vizitoni faqen zyrtare të AKSP-së (www.aksp-ks.net) ose të kontaktoni përmes telefonit në numrin zyrtar: +383 (0)28 59 00 70.

Na Kontaktoni!

Kontaktet

Zyrtar përgjegjës për të pranuar dhe trajtuar sinjalizimin
Detajet
Zyrtari përgjegjës për qasje në dokumente publike
Detajet
Zyrtari kontaktues me Agjencinë për Parandalimin e Korrupcionit (APK)
Detajet
Zyrtari përgjegjës për zgjidhjen e situatave të konfliktit të interesit
Detajet
Zyrtari për mbrojtjen e të dhënave personale
Detajet
Numri i telefonit

+383 28 590 070

Email

[email protected]

Adresa

Rr: "Gjergj Kastrioti Skënderbeu", Nr.60, 42000 Vushtrri, Republika e Kosovës

Orari i punës

Hëne-Premte 08:00-16:00